رواية سراج السادة الفصل الثالث والثلاثون بقلم غسق ادريس
________________________
وجئت إليك متعبًا فألطف بحالي.
﴿ هُوَ الحَيُّ لا إِلهَ إِلَّا هُوَ فَادعوهُ مُخلِصينَ لَهُ الدِّينَ الحَمدُ لِلَّهِ رَبِّ العالَمينَ ﴾
الباقِياتُ الصَّالِحاتُ:
-سُبحــانَ الله
-الحمــــدُ لله
-لا إلهَ إلا الله
-اللهُ أكبـــر
-لا حَول ولا قوة إلا بالله
-سُبحــان الله العَظيــم
-سُبحــان الله وبِحَمـده
-أستَغفِــر الله وأتوبُ إليه
-اللهُمَّ صلِ علّى مُحمد وآل مُحمد
اتمنى تصوتون قبل لاتقرون البارت
هذا طلبي منكم فقط +التصويت بين الفقرات
♥🌷
" ملاك "
عيوني جانت تطافر على المواكب وترحيب اهل المواكب بالزوار والمشاية ابتسمت بفرح جوا النقاب
فرحانة ومتشكرة الله الي خلقني شيعية موالية لمحمد وال محمد عليهم افضل الصلاة والسلام
شفت من بعيد طفل صغير واكف بنص الطريق شايل كلاص بيدة ويباوع للزوار منتظر يجي واحد ياخذ منة الكلاص
شفتة بدة ينزعج لان محد اخذ الكلاص منة
مشيت ب اتجاهه كاسر خط السير الي امرنا السيد نمشي عليه حتى مانضيع ولا نبتعد ونختلط ب الزوار
مشيت ب اتجاه الطفل مبتسمة اباوعلة عيونة على الزوار يباوعلهم بحزن شلون محد اخذ الكلاص
وكفت كدامة رفع عيونة يباوعلي اخذت الكلاص من ايدة وكرصت خدة ابتسم فرحان وراح يركض لابو ياخذ منة كلاص ثاني
ضحكت على فرحتة
رفعت راسي اشوف الباقين وين راحو
عكدت حواجبي ب استغراب محد موجود وين راحو؟
حتى مامرت دقيقة على انسحابي منهم شبسرعة اختفو
مشيت كدام عيوني ادورهم
على حظي صارت هوسة بسبب موكب جبير شايل رايات والسيارات تمشي واهل الرايات خلفة
استغفرت بيني وبين نفسي مزعوجة
هسة هذا هم حضي وين الكاهم حتى تلفوني ماجبتة
صرت امشي واتلفتت اريد اشوفهم ماكو
معقولة محد انتبة علي محد انتبة اني ماموجودة؟
شلون خاف ارجع ويبقون هما هنا يدورون علية واخليهم بقلق
قررت اكمل مشي عسى ولعل اشوفهم
مشيت كدام بدون توقف جنت متوترة وخايفة لان امشي وحدي صرت امشي على جهه بعيدة عن المشاية حتى ماختلط بيهم ويصير بينة احتكاك بدون قصد
وكفت بنص الطريق ضايجة هاي شلون سالفة معقولة مشو المسافة هاي كلها بدون توقف معقولة بعدهم مامفتقديني
تمشيت اوكف بجانب موكب عيوني على الدرب
ادورهم بعيوني يمكن اشوفهم
مرت تقريباً عشر دقائق على وكفتي وماشفتهم قررت استسلم وارجع لموكبنا اذا بقيت انتظرهم هيج ماراح استفاد من وكفتي شي على الاقل ارجع واطلب من العلويات يتصلن عليهم وينطوهم علم برجعتي
التفتت راجعة بخطواتي للبيت
اني متأكدة هما مو ابعاد عني لان مامعقولة ب دقيقة وحدة بس سبقوني وطلعو كدامي
زين خاف رجعو؟ ماعتقد شلون يرجعون بدوني
كملت مشي للبيت ب انزعاج شلون اطلع من البيت وياهم وارجع بدونهم اذا سألني ابوي او جدي شكول ضيعتهم اكيد راح احصل رزالة منهم
رفعت راسي اباوع لطريق
وكفت بنص الطريق عيوني طاحت على فقار جان واكف على صفحة مكتف ايدية عاكد حواجبة ب انزعاج يباوع على الزوار مثل اليدور شخص منهم
مشيت ب اتجاهه فرحانة ولاكأنو شفت فقار حسيت روحي شايفة اهلي والكل بي
ماجان منتبهة الي عيونة على الطريق
وكفت بصفة اباوع للطريق ويا
باوعتلة وجهه محتقن بعصبية نزل راسة باوعلي ورجع رفع راسة بعد اهتمام يباوع لطريق
فتح عيونة ونزل ايدية بصدمة باوعلي رافع حواجبة علامات الصدمة بوجهه
حجيت
_ملاك:: عليمن ادور ؟
رفع راسة وزفر بعصبية
باوعلي وحجة
_فقار:: وين جنتي وين ؟؟
_ملاك:: انتو عفتوني ومشيتو
_فقار:: احنااا لو انتِ.؟؟
هزيت راسي ب لا وحجيت ب اصرار
_ملاك:: انتووو مشيت اجيب كلاص مي درت مالكيتكم
_فقار:: علويةةة احنااا من شفناج وكفتي وكفنة وياج بس انتِ مشيتي وابتعدتي !!!
سكتت خاصمة الكلام بسكوتي
زفر نفسة بعصبية وهز راسة ب اي
اشرلي ب ايدة امشي
مشة واني امشي خلفة جان رافع عبايتة من من الكاع يمشي بثقة الي يشوفو يسلمون علية من بعيد
اصحاب المواكب الي يصادفونة برجعتنة من يشوفون فقار يرفعون ايديهم ويصيحون بصوت
" هلا سيد "
" تفضل استريح سيد "
واني خلف فقار فرحانة بيني وبين نفسي وشاكرة الله على هاي المكانة الي منحنة اياها وخلانة نمشي بين الناس رافعين روسنا بفخر
والمكان الي ندخل اله كلها تكوم احتراماً
طريقنة اني وفقار جان رجعة للبيت
ماسألتة وين الباقين وماحجيت شي بقيت امشي واني ساكته
وكف بنص الطريق التفت على رجال جبير كاعدة على كرسي بيدة جدر جبير متروس تربة وماي صاير طين
جان الرجال يمسح على الزوار تربة
باوعلي وحجة
_فقار:: لحظة
وكفت بمكاني اباوعلة مشة ب اتجاه الرجال رفع عباتة من الماي الي ب الكاع
وكف فقار خلف الرجال
ماجان منتبة الرجال لوجود فقار مكمل يمسح تربة على الزوار
دنك فقار على الرجال وباسة براسة
التفت الرجال على فقار بسرعة مستغرب ومصدوم مايعرف منين اجتة البوسة
من شاف فقار فتح عيونة بصدمة ممزوجة بفرح
حاول يكوم من مكانة بس ماكدر لان مابي حيل
حط فقار ايدة على كتف الرجال مانعة من الوقفة
دنك فقار على الرجال يحجي ويا ب ابتسامة والرجال يرحب بيه بفرح وشوق كأنو يعرفة من قبل
بعد فترة زمنية من الكلام باوعلي الرجال وابتسم بفرح
باوع لفقار وكال
_:: ها سيد ب الامبارك تزوجت
باوعلي فقار ب ابتسامة ورجع باوع للرجال
حجة
_فقار:: لابعدني بس ان شاءالله مابقى شي
_:: يعني ان شاءالله هيا نفسها ام السادة
ابتسم فقار وهز راسة ب اي
_فقار:: ان شاءالله اذا الله راد
رفع الرجال ايدة للسمة يدعي
كال
_:: الله يفرحكم ويقر عيونكم ببعض ويترس حضنكم جهال
باوعلي الرجال واشرلي
_:: تعاي بوية تعاي اخذي مراد
باوعت لفقار ماعرف اتقدم لو لا
باوعلي فقار واشرلي اجي
حجة فقار
_ فقار:: تعاي علوية
مشيت ب اتجاه فقار خجلانة من الرجال ومن فقار هم
ماتوقعت انحط بهذا الموقف بعد من اخر مرة حجو ب الخطبة واني خجلانة من فقار مو هسة يدعي النة ب الجهال
وكفت كدام الرجال شابك ايدي ببعض
اخذ خاشوكة بيدة واخذ تربة من الجدر باوعلي وكال
_:: ايدج علوية
خجلت امد ايدي
شجعت نفسي ومديها كف ايدي مسح الخاشوكة الي بيها تربة على ايدي باوع لفقار
مد فقار كف ايدة صارت ايدي وايد فقار على نفس المستوى بس بدون احتكاك مسح تربة على ايد فقار وابتسم
باوع النة وكال
_:: اذا بقيت عايش للسنة جاية تجوني انتم وبيدكم سيد لو علوية صغيرة
توقعت فقار راح يخجل ويسكت بس لاا فقار ماسكت
رد علية وكال ب ابتسامة
_فقار:: ان شاءالله اجيك بيدي العلوية خولة واذا سيد ف اجيك شايل السيد حسين
ابتسم الرجال وصاح امين بصوت رجعت ايدي بخجل
يافقار لو ماعيب جان عفتك ومشيت كدام الرجال بس الخجل والحياء لازمني شلون هيج تحجي مثلا غيرت رأي ومارضيت بيك شلون يعني تجبرني اتزوجك يلا شسوي بعد ماخجلة كدام الرجال
ودع فقار الرجال واشرلي نمشي
جنت امشي خلفة وعيوني على ايده الي بيها تربة جان ساد ايدة بقوة
باوعت لوجهه مبتسم عليمن مبتسم تعال بكيفك مختار اسماء الجهال
وصلنة للبيت شفت الكل واكف كدام الموكب حتى البنات
جانن اكو بنات ثنين شابات ونسوان كبار
واكفات كدام السيد عبد الرؤف يسولفن ويا
والبنات مبتسمات بفرح يباوعن للسيد الي جان مدنك ويحجي ويا البنية
باوعت للبنات واكفات يسمعن لحديثهم
مشيت ب اتجاهم معصبة شوف شلون واكفين يسولفون طبيعي ولاكأنو ناسين بشر وراجعين
باوعت لعاتكة الي ابتسمت من شافتني
باوعتلها بخزرة وصحت
_ملاك:: لاتضحكين لا اطفي ضحكتج
_عاتكة': ياااا شبيج
_ملاك:: شلون تعوفوني وترجعون احنا مو رحنا سوا؟!
عكدت عاتكة حواجبها ب استغراب تباوع لقس
باوعتلي قس وكالت
_قس:: السيد فقار كال رجعو انا والعلوية ملاك نرجع وراكم
_ملاك:: ولكمممم ضعتتتتت
_عاتكة:: يمعودة ماضعتي من رحتي تجيبين كاسة الماي جنا واكفين نباوعلج السيد وكف كال نرجع للبيت
فقار كال احنا وراكم نرجع يعني نعرف بيج بقيتي ويا فقار
_ملاك:: وشلون تثقون تخلوني ويا فقار وحدنا؟
_قس:: قابل عايفكم بغرفة ترا شارع ومتروس بشر
واني كلت نعوفكم تتعودون على الوضع للمستقبل
حجتها وغمزت الي ضحكت عاتكة وضربتها على كتفها سكتت اباوعلهن قنعتني صح قابل فقار غريب بس شمعنى يعني بس رحت اجيب كاسة المي قررو يرجعون
التفتت اباوع للبنات الي جانن واكفات
عيونهن على السيد فرحانات حجت وحدة من البنات
_:: سيد اني دوم اشوف محاظرتكم الي تنشر
هز السيد راسة وابتسم
_عبد الرؤف:: اتمنى مستفادين
_:: اي سيد هواي مستفادين الحمدلله
باوعت للبنات
شاهيناز ماكو رجعت اسمع لكلام السيد والبنية ونصائح السيد للبنية وحماسهن وفرحتهن ب الكلام ويا السيد
التفتت بسرعة على صوت شذى من طلعت من البيت
تحجي بهدوء
_شذى:: هاا بنات
باوعتلها قس من فوك ليجوا ماعاجبها
ابتسمت عاتكة بوجهه وردت عليها
_عاتكة:: هلا شذى
_شذى:: هاي وين رحتو ليش ماكلتو امشي وياكم
_قس:: ماكو مكان
_شذى:: تراااا تمشون على رجليكمم؟؟
_قس:: اي الشارع مايكفي
باوعت شذى لقس ب انزعاج
التفتت تدور بعيونها واني اراقبها بعيوني اعرف عليمن ادور
من شافت فقار والسادة واكفين ب الموكب يسولفون ثبتت وركزت عيونها على فقار
جنت اباوعلها بتركيز تام هاي عيونها الي بوجهه شوي ويطلعن من مكانهن بكد ماركزتهن
صارت عيونها علية شافتني اباوعلها ب انزعاج
باوعتلي من فوك ليجوا
ابتسمت تك خد وغمزتلي تأشرلي على فقار بعيونها
انصدمت من حركتها مافاهمة شنو قصدها
باوعت لفقار يحجي ويا معراج مايعرف حرب النضرات هنا
التفتت بعصبية باوعت للبنات باوعلي ثنينهن عاكدات حواجبهن مشيت من بينهن داخلة للبيت
لحكني البنات يمشن وراي
اني الج شذى ولج عيونج اذا مافكسها الج اسمي مو ملاك
دخلت للبيت شفت شاهيناز كاعدة ب الصالة مبتسمة تباوع للعلويات من دخلنة التفتت علينة
تباوع لقس
استغربت قس نضرات شاهيناز بس ماحجت كدام العلويات شي كعدنا ب الارض العلويات يسولفن على الفرشات شلون ماجاي يكفن للزوار والزائرات
بليل بعد ما الكل اطشر والصالة فرغت
اتجمعنة اني والبنات ب الصالة نسولف
باوعت شاهيناز على قس وابتسمت
_شاهيناز:: حجت وياج عمتي موووو
باوعت لقس ساكتة تاكل شفايفها بتوتر
باوعت لشاهيناز ب استغراب
_ملاك:: شنووو ولجن صايرة بينجن اسرار
ضحكت شاهيناز واشرت على قس
_شاهيناز:: عمة رنا ام جادح حجت ويا قس
_عاتكة:: ليش؟
_شاهيناز:: غل راح يخطب قسسسس
كمزنا اني والبنات من مكانة مصدومات نباوع لقس الي جانت كاعدة تباوعلنة بتوتر
باوعت لقس وضحكت بفرح
_ملاك:: راححح تصيرين جنة بيت السادةةةةة
_عاتكة:: يعننيي كل يوم نشوفففج
دنكت قس راسها وكالت بهمس
_قس:: اسكتن لا ماقبل اني
_عطاء:: صاحلها رجل صاحت اعور
باوعت قس على عطاء الي جانت واكفة بعتبة الباب تباوع النة بيدها كلاص ماي تشرب
هزت قس ايدها تباوع لعطاء
_قس:: ترااا الخطاطيب واكفيلي ب الباب يردون بس الموافقة مني بس غير اني اريد اكون نفسي
_ملاك:: شلون تخليني اشليها واركعها هسة ولج شنو تكونين نفسج قابل انتِ رجال وتردين تتشغلين حتى تلمين فلوس المهر
دنكت قس راسها تلعب ب ايديها متوترة
صاحت عاتكة بيها بجزع
_عاتكة:: ولج قس احجي لاتضلين ساكتة
_قس:: شكلج شبيج مصدكة انتِ اني مستحيل اوافق اتزوج هسة بعد شنو شفت من عمري بعدني صغيرة
هزت عطاء ايدها وصاحت
_عطاء:: متعافية
_ملاك:: صدك متعافية
_عاتكة:: كلش متعافية
_شاهيناز:: هواي متعافية
_مهجان:: عليمن متعافية عود
_قدس:: ها شصاير
التفتنة على دخلة قدس للصالة
جانت مبتسمة بفرح تباوع النة
باوعتلها رافعة حاجبي ب استغراب هاي وين جانت مختفيه
حجت شاهيناز سابقتني ب الكلام
_شاهيناز:: تعاي تعاي وين جنتي؟
باوعتلنة قدس وابتسمت بخجل
_قدس:: موجودة اني
_قس:: هاي الضحكة وراها سالفة
_قدس:: لااا مابية شي بس اني وغضنفر تصالحنة لهذا مزاجي وردي
حجتها وكعدت ب النص مبتسمة
باوعتلها وحجيت
_ملاك:: تدرين السيد غل خاطب قس؟
_قدس:: اي ادري عمتي رنا حجت وياي مساع كتلها ماعرف الشور شورها وهيا صاحبة القرار
رجعت التفتت على قس وحجيت ب استغراب
_ملاك:: ام الشور انتِ شنو ردج
_قس:: لا اني ماريد انخطب ولا اتزوج ولا شي اريد اكابل نضال واكعد
حاولنة اني والبنات ويا قس نريد نعرف سبب رفضها جنا فرحانات اكثر منها لان السيد غل خطبها يعني هيج بكل مناسبة نشوفها واني للامانة احب قس واحب شوفتها لهذا جنت اكثر وحدة فرحانة بين البنات
صح هيا جانت رافضة بس اول وتالي يجي يوم وتكول موافقة لان غل انسان غير صالح للرفض
اليوم الثاني طلعت من مجلس النساء شايلة بيدي صينية كاسات المي
مشيت ب اتجاه البيت صارت بوجهي عمتي جاية ب اتجاه المجلس
باوعتلها وكلت
_ملاك:: عمة مبردات المجلس واكفات مايشتغلن
_جهاد:: ماعرف ليش من البارحه كل شوي يطفن روحي صيحي فقار راح للبستان يجيب السفريات صيحي يشوف المبردات
هزيت راسي ب اي ومشيت اصيح فقار خليت الصينية على الكرسي ومشيت ب اتجاه
البستان
جان تصميم البيت والموكب كتالي
الموكب جان بباب البيت على جهه اليسرى موكب جبير على طول الحايط
البيت مقسوم نصفين نصف للزوار (الرجال)
والنصف الاخر للنساء
جهه باب النساء موجود بيها بردة مجرد تنشال البردة يصير مجلس النساء ب الوجه
المجلس جبير على طولة مبردات ب الجهه الثانية موجودة المغاسل جانت على ممر طويل يعني الزائرة تمشي ب الممر يلا تحصل المغاسل
البيت الي احنا نكعد بي جان خلف المجلس مامربوط ب المجلس لا بعيد عن المجلس
ب الوقت الي يجن بي زائرات هواي ومايكفي المجلس نفتح البيت الهن
خلف البيت موجود البستان موجود ب البستان مدخلين المدخل الاول من الخارج على جهه الرجال والمدخل الثاني ب البيت ندخل للمجلس من البيت بمجرد نفتح الباب نشوف البستان كدامنا
وهذا البستان كدامي بستان جبير ماينشاف منة غير الخضار والزرع
البستان بدخلتنة فارغ من النخل بس الحشائش والورد وعد قليل من النخل موجود هنا بس بنهاية البستان لا النخل بكل مكان
بنهاية البستان مكان مخصص للحيوانات
ببداية البستان جانت اكو غرفة وهية مكتبة كذالك السادة دوم يتجمعون بيها
غرفة قديمة بس الها ذكريات للسيد لهذا جدي عبد المقتدر يحب هاي الغرفة وكعدتها
جانت اكو غرفة خاصة ب الموكب هنا السيد يجمع اغراض الموكب كلها هنا
وكلشي يخص الموكب هنا
وكفت بباب البستان عيوني على شذى وهيا ماشية ب اتجاه الغرفة هاي
من شفتها ماشية للغرفة شديت محركاتي وركضت وراها
جانت تمشي بخطوات سريعة تريد توصل بسرعة للمكان
سرعت بخطواتي خلفها
ماجانت منتبهة الي ولاتعرف اني امشي خلفها
دخلت للغرفة واني وكفت برا بدون مادخل وراها
مشيت خلف الغرفة جان اكو شباك مربوط ب الغرفة
باوعت من الشباك شفت فقار كاعد ب الارض يفتح ب علاكة السفريات منطي ظهره لشذى مانتبهة لوجودها
وهيا واكفة خلفه شابكة ايديها متوترة تباوعلة
واني عيوني عليهم من الشباك ثنينهم مامنتبهين لوجودي
اخذ فقار مجموعة سفريات للثواب وكام من مكانة
شال السفريات والتفتت يريد يطلع
من شاف شذى واكفة خلفة طفر من مكانة مخترع من وجودها
رجع للخلف ايدة على صدرة مصدوم بوكفتها
من شافت شذى رد فعلة اتقدمت ب اتجاهه رافعة ايدها مصدومة مثلة
_شذى:: اسفةة اسفة سيد خوفتك
رفع فقار ايدة بلا ونزل راسة ب انزعاج
حجة
_فقار:: لا لا ماصار شي
_شذى:: لا شلون ماصار شي اسفة والله عبالي حسيت على وجودي
_فقار:: خوية شسالفة شلون حسيت ماتشوفيني منطيج ظهري مايصير هيج غير تتحمحمين تنطين علم للمقابل بوجودج
حجاها فقار ب انزعاج وعصبية
دنكت شذى راسها بخجل تفرك ب ايديها كالت
_شذى:: مو عمة جهاد كالت روحي ورا فقار كولي الة يجيب كارتون كاسات المي
رفعت حاجبي ب استهزء اسمع الها شلون تبرر موقفها
باوعلت لفقار هز راسة ب اي والتفتت ينزل السفريات من ايدة
مشة ب اتجاه المي جان السيد مرتب كارتونات المي بنهاية الغرفة سحب فقار كارتون مي
نزلة ب الارض ورجع سحب كارتون ثاني حط الكارتون فوك الاول وشالهن ثنينهن من الارض
رجع فقار وشذى تقدمت فتحت عيوني بؤبؤ عيني راح يطلع من مكانة
تقدمت شذى ب اتجاه فقار تاخذ الكارتون من ايدة بدون خجل شامرة حيلها على فقار هوا يرجع وهيا تتقرب ايديها تضرب بصدرة
جان مصدوم وخجلان اكثر منها يريد يبعد عنها بس هيا بدون خجل واحساس تتقرب اكثر
_فقار:: بس انطيني مجال وابتعدي !!!!
_شذى:: اريد اساعدك سيد
_فقار:: الله اكبرررر ماريد مساعدة بعدي ايدج عني
حجاها بعصبية ونفور
كمت على حيلي وركضت ب اتجاه الباب جايتك فقار جايتك افزعلك
دخلت للغرفة بسرعة
ثنينهم التفتو علية تغيرت نضرات فقار من العصبية والانزعاج للفرح حسيتة يكول بنضراتة انقذتيني لاتسألوني شلون عرفت بعد هاي موهبة
نضرات شذى عكس فقار
انزعجت بدخلتي ووجودي صارت تباوعلي ب انزعاج وغيض
باوعتلهم ثنينهم وابتسمت
_ملاك:: عمتي جهاد تكول وين كارتون المي
سحب فقار الكارتونين الصدرة وكال
_فقار': موجود
_شذى:: انطيني الكارتون سيد
_فقار:: خويةةة انا اخذهن ثكال !!!!
_شذى:: لاعادي اساعدك ليش الثكل عليك بس
مشيت ب اتجاههم
باوعت لشذى ودفعتها بخفة ماخذة مكانها
باوعت لفقار
_ملاك:: اساعدك؟
_فقار:: اي
التفتت على شذى اباوعلها بنص عين
انصدمت شذى تباوع لفقار بعصبية
حجة فقار
_فقار:: علوية ملاك انا اخذ الماي انتِ جيبي السفريات اذا ماتعبج وياي
_ملاك:: تمام
مشيت ب اتجاه السفريات شلتهن من الارض
من شافني فقار شلت السفريات مشة خارج من الغرفة واني خلفة تاركين شذى وحدها ب الغرفة
قبل لا اطلع من الغرفة التفتت على شذى
رفعتلها حواجبي وابتسمت بغرور
طلعت اني وفقار من الغرفة راجعين للبيت هوا يمشي كدامي واني خلفة
الموقف هذا مافرحني بعد ماغاضني كل ماتذكر شذى وقربها من فقار انقهر واضوج
باوعت لفقار بخزرة ماجان منتبة الي خازرتة
جان يمشي وعيونة كدام
وكف كدام باب البستان الي دخلت منة نزل الكارتون ب الارض والتفتت علية
_فقار:: ماكدر ادخل خاف العلويات موجودات
هزيت راسي ب اي ساكتة اشرلي على السفريات وكال
_فقار:: السفريات
_ملاك:: تفضل
مديتهن ب اتجاهه اريدة ياخذهن من ايدي
باوع للسفريات وصفن
باوعتلة ب استغراب ليش ماياخذهن
حك طرف حاجبة وكال
_فقار:: خليهن ب الارض انا اخذهن
رفعت حاجبي بعصبية
وهزيت راسي
_ملاك:: اي ليش لا
شمرت السفريات من ايدي للارض بعصبية
انصدم فقار يباوع للسفريات ب الارض حجة ب استغراب وانزعاج
_فقار:: هاي ليش؟؟؟
_ملاك:: شنوو ليش اخذهن مو ماتريد تاخذهن من ايدي يجوز الحرام يمي بس شذى قبل شويي ايديها بصدرك عااادددديييي بس ملاك لااا حرامممم
فتح عيونة بصدمة من كلامي
هز راسة بلا وكال
_فقار:: اناا شكو ماطلبت منهااا حتى هيا تقربت تاخذهن
_ملاك:: تمام
مشيت ادخل للبيت تاركتة واكف وحدة
فتحت باب البيت ودخلت سديت الباب بدون مالتفتت
بس سديت الباب وكفت خلف الباب اباوعلة من فتحة الباب
هز راسة بحيرة ودنك يشيل السفريات من الارض
اعرف تصرفي مزعج وغير مقبول
بس ماكدرت اسيطر على عصبيتي وغيرتي من الموقف الي صار ب الغرفة
اخذ فقار السفريات وطلع من البستان
عفت المي برا اعرف بشذى جذابة عمتي ماطالبة منها المي لان الضهر السادة جابو كاسات المي وبعدهن موجودات يمتى لحكن يخلصن بس هاي حجة من شذى بس
" قس "
رفعت راسي من على الطاولة
باوعت لملاك واكفة تشرب ماي شامرة حيلها على المجمدة تحجي الي صار بين شذى وملاك
خليت ايدي على خدي وحجيت
_قس :: بس السيد فقار ماله ذنب
_ملاك :: اعرف بس انييي ضجتتت هاي شذى شادة حليها هواي على فقار
حجت شاهيناز تبرر موقف شذى
_شاهيناز:: لاندخل بذنبها يمكن صدك جانت نيتها تساعد
_ملاك:: شاهيناز كفيني شرج
_شاهيناز:: يا شر شبيج التمس لاخيك الف عذر مانكدر نحجي على البنية وناخذ ذنبها
هزت ملاك ايديها تباوع لشايهناز صفح
سكتت شاهيناز من شافت نضرات ملاك
دارت عيونها علية وحجت ب استغراب
_شاهيناز :: شبيج انتِ ضايجة
_قس:: مابية شي بس مانايمة من البارحه
_ملاك:: كومي نامي الصبح يجي موكب يراد حيل للركضة
هزيت راسي ب اي وكمت من مكاني اريد انام
طلعت من المطبخ صارت كدامي رنا ام غل
باوعتلي وابتسمت
رديت الها الابتسامة بخجل
كرصتني من خدي تضحك
_رنا:: فدوة لجنتي المستقبلية
بقيت مبتسمة بخجل اول تالي اني اخجل اني قس اخجل
اخذت ايدي وكالت بحنية
_رنا:: اذا ماشوفج ببيتي وجنتي ماعوفج ابد
على طول كلامها جنت ساكتة مارديت ابد
حتى النفس كوا اتنفسة من التوتر والخجل
ما كدرت ارتاح واخذ راحتي الى من ابتعدت عني
مشيت ب اتجاه الغرفة فتحت الباب ودخلت للغرفة اطفر من الخجل باوعت لنفسي ب المراية
وجهي احمر والضحكة شاكة حلكي شك
معقولة هيج جنت مبتسمة كدامها ياخفتج يا قس ياخفتج
شمرت روحي على الفراش صافنة على سقف الغرفة
جنت رافضة فكرة الزواج بكل مرة نضال تطرح الفكرة الي اضوج وارفض لان اشوف نفسي مامستعدة
بس هل مرة لا رد فعلي جانت مختلفة
بيوم الي العلويات حجن وياي وكالن السيد غل رايدج على سنة الله ورسولة
انصدمت كدامهم جنت خجلانة ورافضة بس بداخلي لا اني جنت رايدة هذا القرب
ماجنت فاهمة مشاعري لسيد غل شنو
بس بذاك اليوم الي صارت عيوني بعيونة وقت جنت طالعة وهوا داخل حسيت بشعور غريب داخلي صرت كل ماشوفة كدامي احس بنغزة داخلي
معقولة هذا حب من اول نضرة
ضحكت على نفسي شبيج قس انتِ مشاعرج ماتفيد للحب وهوا سيد وحسب الي عرفتة بقربي من عائلتهم وايامي وياي هما مو مثل ما الباقين عدهم الحب والعلاقة خط احمر
السيد فقار من شاف نفسة منجذب لملاك واكو مشاعر الها خطبها؟
وجادح كذالك خطب شاهيناز من السيد وحسب الي صار والي سمعتة من البنات انو جادح رايد شاهيناز لان اكو مشاعر الها
معقولة غل نفسهم
نمت واني شايلة حمل جبير من التفكير بكل مرة التقي ب رنا او العلوية لباب او زهراء يفتحون الموضوع كدامي ويحاولون يلينوني على السالفة
ابقى اني ساكتة من يشوفن خجلي وسكتوني يسكتن شكد حاولن وياي يردن يشوفن علامة الموافقة مني
جنت ارفض احجي
الي جنت مستغربتة سكوت العلوية جهاد
جانت تباوعلي وتصفن بوجهي بطريقة غريبة
ب اليوم الثاني بلش يومي مثل الايام السابقة تنظيف وخدمة وطبخ جنت فرحانة بخدمتي للامام الحسين كل شوي احسب الاجر الي جاي احصلة بخدمتي هاي
جنت توني كاعدة ب الصالة عيوني طافية من التعب
طلعت ملاك من المطبخ تركض اجت ب اتجاهي سحبتني من ايدي تكومني من مكاني
كمت من مكاني امشي خلفها باوعتلها مافاهمة شنو جاي يصير
دخلت للمطبخ جانن البنات عاتكة وقدس وشاهيناز واكفات ب المطبخ يضحكن من شافني كلهن ركضن ب اتجاهي يسحبني لباب البستان
جريت ايدي منهن اصيح
_قس:: شكووو شنوو صار وين ماخذاتني
_ملاك:: صوتج غلللل واكف برا
سكتت مستغربة ليش واكف برا؟
دكت ملاك على باب البستان ثواني وفتحت العلوية جهاد الباب
باوعتلي وابتسمت بخفة اشرتلي براسها وكالت
_جهاد:: تعاي وياي
طلعت من البستان شفت السيد غل واكف برا البستان منطيني ضهرة
حجت العلوية جهاد
_جهاد:: غل
التفت غل ب اتجاهنا باوع للعلوية جهاد ودنك راسة بدون مايباوعلي
ماجنت فاهمة ولا مستوعبة الي جاي يصير معقولة هاي عملية اختيال ؟؟
حجة غل عيونة ب الارض
_غل :: عمة السادة انطيتي علم ب الموضوع؟
_جهاد:: لا خلي الحجي منك انت
هز غل راسة ب اي وحجة
_غل:: خوية اول شي انا اعتذر يمكن الوقت مو مناسب لهذا الموضوع بس حبيت احجي الي عندي والموافقة بيدج بعد
كمل كلامة وكال
_غل:: انا حجيت ويا والدتي والعلويات كذالك ويمكن جاي يضغطون عليج ب الموضوع واكيد انتِ تعرفين الموضوع الي اقصدة
عرفتة يقصد موضوع الخطبة بس ماريدت ولاكلت عود عندي ابالي الف موضوع ماريد ابين اله انو موضوعه شاغل بالي فهمتو قصدي مو؟
كمل كلامة ب
_غل:: انا لان ماريد واحد يزعجج بهذا الموضوع ويلحون عليج بتكرارة ويمكن انتِ تخجلين من الرفض لهذا انا حجيت ويا عمة السادة واتفقت وياها احجي وياج ويكون هذا اخر كلام بهذا الموضوع الكلام الباقي يصير اما ويا عائلتج او نسد الموضوع وننهي
باوعت للعلوية جهاد تسمع وياي لكلام غل
التفتت على غل
حجة
_غل:: انا مثلي مثل غيري
حاب اكون عائلة واستقر من الناحية هاي والدتي والعلويات مامقصرين والاختيارت هواي كدامي
بس انا مختارج انتِ يمكن لان اعرف اخلاقج وعائلتج والعلويات يعرفنج ويحبنج ويعزن وجودج
كمل
_غل:: خوية انتِ اذا اكو شخص ابالج او انتِ مامستعدة تكدرين تردين الرفض للعمة السادة وانا اتفهم الموضوع ونسدة وبنفس الوقت اتمنى تردين موافقتج وماريد الرفض
التفتت بتوتر عيوني على باب المطبخ خيال البنات وعركهن على فتحة الباب
باوعت لغل لابس دشداشة سودة رفع عيونة يباوع لبعيد لون عيونة ويا خضار البستان منطي جاذبية رهيبة جنت صافنة بوجهه مامركزة شنو يحجي
ضربتني العلوية جهاد ب عكسها تطلعني من صفنتي باوعتلها خزرتني تأشرلي على غل رجعت مركزة ويا كلام غل
_غل:: انا ماريد اتسبب الج ب الاحراج حالياً الرد اسمعة من العلوية جهاد وانا اعتذر مرة ثانية لان حطيتج بهذا الموقف بس انا فضلت اسمع الجواب منج.
حجاها وطلع من المكان بعد ما اترخص مني
صفنت مافاهمة الي صار لهاي الحظة
باوعت للعلوية ب استغراب
_قس :: مافهمت شنو جان يريد
ضربت العلوية على كصتها والبنات طلعن من المطبخ يركضن
باوعلي كلهن منتضرات مني الرد
حجت العلوية جهاد
_جهاد:: قس اني حجيت ويا غل كتلة البنية جاي يصير عليها ضغط من العلويات وامك ف هوا قرر ينهي الموضوع ويشوف رد فعلج احنا مانريد نفاتح اهلج ب الموضوع قبل لانشوف ردج وموافقتج
قدمت شفايفي وهزيت راسي
حجيت
_قس:: فهمت فهمت
طفرت ملاك من مكانها وصاحت بفرح
_ملاك:: يعنننني موافقة
_قس:: انجببيييي لا ماكلت موافقة
_قدس:: يعنييي اني وياج ببيت واحددددد
_قس:: لاااااا بعدننننني ماكلت موافقة
ضحكت العلوية جهاد
_جهاد:: اسكتن خلينة نشوف ردها
_قس:: احتاج وقت افكر
هزت العلوية جهاد راسها ب اي
حجت
_جهاد:: تمام اخذي وقتج ب التفكير
بليل جنت كاعدة اني والبنات ب المطبخ نسولف باوعتلي قدس وكالت
_قدس:: مافكرتي قس؟
_ملاك:: قس ابالج شخص؟
هزيت راسي بلا
عكدت ملاك حواجبها وكالت
_ملاك:: لعد؟
خليت ايدي على خدي مبتسمة باوعت للبنات وهزيت راسي ب اي
_قس:: سيد غل شخصيتة مثالية
باوعلي البنات بحماس يسمعن الي
كملت كلامي وكلت
_قس': حتى شكلة حلو
_شاهيناز:: قسسس لاتعلسين ب الحجي شمريها
مسحت على وجهي وحجيت بخجل
_قس:: اااي اااايييييي اني موافقةةةة
طفرن كلهن من مكانهن فرحانات ضحكت على رد فعلهن ركضت ملاك تنطي الرد للعلوية جهاد واني بمكاني كاعدة اضحك
دخلت العلوية جهاد للمطبخ مستغربة
باوعتلي وابتسمت
_جهاد:: ها قسة؟
سكتت اضحك ماعرف الخجل منين اجاني حتى من العلوية جهاد خجلت
ابتسمت هيا وهزت راسها ب اي طلعت من المطبخ ترد الخبر لسيد غل
وهاي جانت اول خطوة صح اخذها بحياتي ومستقبلي البعيد
" ملاك "
اخذت بطل البن والفة جمعتهن ب العلاكة وشديتها
خليت العلاكة ب السلة ورجعت ضهري ورا متكسرة من كعدتي باوعت للمطبخ كل سلال وكلهن متروسات لفات ولبن اليوم التوزيعات على وجبتين الظهر جان الثواب تمن ودجاج
وليل لفات دجاج ولبن جهزنا 500 جيس
دخلت العلوية لباب للمطبخ وكالت
_لباب:: يلا بنياتي نقلن السلات برا سون مجال ب المطبخ
هزيت راسي ب اي وكمت من مكاني شلت السلة اني ومهجان ننقلهن برا حتى السادة ياخذوهن يوزعوهن ب الموكب واحنا نكمل البقية
نزلنة السلة بباب البيت ورجعنا نجيب البقية
اخذت سلة صغيرة شلتها وحدي وطلعت من البيت احطها برا
شفت فقار يشيل السلة من الارض حتى يطلعها برا رفع راسة باوعلي كلبت عيونة منة ومشيت متجاهلة نضراتة
نزلت السلة ب الارض ودرت راجعة للبيت
سمعت اتحسرت
حجة بصوت ناصي
_فقار:: استغفرالله ربي واتوب اليه
هزيت ايدي ودخلت للبيت شنو شايف كدامك ذنب وتستغفر منة
كعدت بصف قس الف الجياسة
جانت شاهيناز ومهجان وحفيدات العلوية لباب لابسات جفوف كدامهن الصمون والدجاج والزلاطة شغلهن على الفات واني وقس على الشد
على كعدة وحدة رجعنة كملنا 500 جيس مرة ثانية
كمت من مكاني ايدي على ظهري
اتمددت ب الصالة تعبانة
غمضت عيوني اريد انام
بعد فترة من الزمن سمعت صوت قس تحجي وياي
_قس:: ملاك السيد يريدنا نطلع برا نمشي خطوات
_ملاك:: مابية قس
_قس:: ترا شذى راح تروح
طفرت من مكاني فاتحة عيوني
_ملاك:: عباتي وين؟؟؟؟
هزت قس ايدها
كمت من مكاني البس العباية والنقاب ياهو كال تعبانة شو مابية شي امشي التعب للضعفاء
لبست عباتي والنقاب ووكفت منتظرة البنات حتى نطلع شفت شذى طلعت من الغرفة تسد زنجيل عبايتها صفنت عليها من شفتها لابسة نقاب
باوعت لقس تباوعلي تضحك
باوعتلها كعدت على القنفة تباوعلي ماعاجبها
واني اباوعلها ب ابتسامة وغيض بقى بس ارفع ايدي واسويلها علامة النصر
طلعنة من البيت اني والبنات كلنا شفت السيد واكف ب الباب يسولف ويا الزوار باوعت لفقار خلف السيد هوا والولد
باوعت لشذى اريد اشوف عيونها وين
اي اي مثل ماتوقعت عيونها على فقار بس اريد اعرف ماكو غير فقار هنا؟؟
كعدت على الكرسي ضايجة اني شكو اجيت اصلاً اني تعبانة حتى مابية حيل للمشي امداج ملاك عليمن قاهرة روحي علمود شذى البومة هاي
جنت اباوع لايدي واحجي بيني وبين نفسي كوا على روحي كاعدة
حسيت بخطوات تتقرب مني
رفعت راسي شفت فقار واكف كدامي بيدة كيكة وحليب
_فقار:: تفضلي
_ملاك:: ماريد
حجيتها ب انزعاج
دنكت راسي ناهية السوالف ويا
حجة وياي بهمس
_فقار:: كافي علوية ترا ماصايرة هاي
_ملاك:: شمسوية اني؟
_فقار:: لاتضوجين مني !!!
_ملاك:: ماضايجة يمتى ضايجة اني؟؟؟
زفر بعصبية وصوت دار يباوع للموجودين والتفت ب اتجاهي
_فقار:: لاتحاسبيني على موضوع انا مالي ذنب بي
_ملاك:: انننييي محاسبتك ليش انت منو واحاسبك وانييي اصلا منو حتى احسابك؟؟؟
غمض عيونة وصك على اسنونة بعصبية يحاول يهدي نفسة
باوعت للموجودين محد منتبة النا غير قس الي جانت فاتح عيونها تباوعلي وتباوع للكاع
حجة فقار بهدوء
_فقار:: اخذي هذا ثواب جبتة الج مساع مو تحبين الحليب؟؟
_ملاك:: احبة بس منك ماحبة
حجيتها وكمت من مكاني راجعة للبيت قبل لا ادخل شفت شذى تباوعلي بعصبية
تجاهلت نضراتها
مشيت راجعة ب اتجاه البيت جسمي يرجف من الاعصاب وفقار خلفي يمشي
صاح بصوت ناصي مايريد واحد يسمع
_فقار:: علوية وين رايحة !!!!
التفتت علية وصحت بصوت عالي
_ملاك:: شعليككك بية روح لشذى
فتح عيونة وصاح بعصبية
_فقار:: منوووو هاي انا لااعرفها ولاتعرفنيييي
_ملاك:: سمعتهااا ب اذني فقاررر
مسح على وجهه يستغفر واني كدامة انتفض من العصبية
حجة بهدوء
_فقار:: ماعندي وياها شي ومامهتم لموضوعها انا يهمني موضوعج انتِ وبس انتِ الوحيدة الي تهميني بين الكل
باوعتلة ساكتة
حسيت نفسي هديت بكلامة مسح على وجهه وكال
_فقار:: استغفرالله يارب
_ملاك:: ليششس تستغفر ذنب اني وتستغفر مني؟
بعد ايدة عن وجهه مبتسم
باوعلي وهاي من النودار الي يخلي فقار يباوعلي بدون مايكسر عيونة
هز راسة مبتسم
_فقار:: الذنب الوحيد الي راضي اتحاسب علية انتِ
سكتت مصدومة من كلامة
دنكت راسي ودرت راجعة ب اتجاه البيت هل مرة جسمي يرجف من الخجل مو اعصاب
دخلت للبيت عاضة على شفتي
شفت عمتي كدامي باوعتلها وركضت عليها اصرخ
_ملاك:: عمةةةةةةة
حضنتها اطفر وهيا مصدومة مافاهمة شي
ماتوقعت يجي يوم اسمع هذا الكلام من فقار
حالياً اني اعيش افضل واسعد ايام حياتي الثكيل الهادء فقار حجاها؟ لاالا مستحيللل
" شاهيناز "
مرت الايام والزوار بدو يخلصون من هذا الطريق صارت الانتقالية لنجف وكربلاء المواكب بدو يشيلون وينقلون المواكب
مشيت ب اتجاه البستان شفت البنات كلهن متجمعات ب البستان
باوعت لعمتي جانت لابسة جبة عريضة ولافة عباتها على خصرها والعباية نازلة للارض
وكفت عمتي بنص البستان مبتسمة التتفت بسرعة على الصوت الي اجاني
رجعت بخطواتي اني والبنات عيونة على السراج وعمتي
تقدّمت بخطواتٍ هادئة حتى بلغت قلب البستان، حيث كانت رائحة الأرض الندية تعبق في الهواء، وتتماوج الأغصان كأنها تهمس بأسرار قديمة. توقّفت هناك، في فسحةٍ تتسلّل إليها خيوط الشمس المائلة، ونظرت نحو خيلها الأسود الذي يقف عند الطرف البعيد. كان كجبلٍ من الفخر، يلوّح بذنَبه في كبرياء، وتلمع عيناه كقطعتين من الليل. رفَع جسده القوي فجأة، فانتفضت عضلاته تحت وهج الضوء، وارتفع على قائمتيه الخلفيتين في مشهدٍ خاطفٍ للأنفاس، كأنما يستعرض سلطانه أمامها وحدها.
شعرت بنبضها يتسارع، لا خوفًا، بل شوقًا، فقد كان بينهما عهدٌ غير منطوق منذ زمنٍ بعيد. تركت الريح تداعب وجهها، وابتسمت، تلك الابتسامة التي لا تمنحها إلا له. عندها أطلق صهيلًا عميقًا، صهيلًا يحمل مزيجًا من الولاء والحرية، ثم اندفع يعدو نحوها، يطوي الأرض طيًّا، والغبار يتطاير خلفه كسحابةٍ من البرق. لم تتحرّك، ظلت واقفةً في مكانها، كأنها جزءٌ من المشهد الذي خُلق من أجله، تنتظر لحظة اللقاء، حين يمتزج الركض بالسكينة، والصهيل بالأنفاس التي تعرف طريقها إلى القلب قبل أن تنطقها الشفاه.
اقترب الحصان منها كعاصفةٍ من الجمال، حتى كاد صهيله يختلط بخفق قلبها. توقّف على بُعد أنفاسٍ منها، يلهث بخفةٍ، والغبار يدور حولهما كضبابٍ من السحر. رفَع رأسه نحوها، ونظر إليها بعينيه اللامعتين، كأنه يسأل الإذن، أو يعرض عليها العودة إلى عهدٍ لا يزول.
مدّت يدها ببطءٍ، ولمست عنقه الدافئ، فاهتز جسده استجابةً للمسةٍ يعرفها، تلك اللمسة التي كانت دائمًا تُعيد إليه هدوءه بعد كل عاصفة. مرّرت أصابعها على لَجمِه، ثم اقتربت أكثر، حتى شعرت بأنفاسه تختلط بأنفاسها. بخفةٍ وثقة، وضعت قدمها في الركاب، واعتلت ظهره في حركةٍ واحدة، كأنها لم تفارقه يومًا.
ما إن استقرّت على صهوته حتى ارتفع الحصان من جديد، يضرب الأرض بحوافره في نشوةٍ طليقة. أطبقت بيديها على لَجمِه، وانحنت قليلًا، فاندفع يعدو بين أشجار البستان، يطوي المسافات كما لو كانا معًا يهربان من الزمن ذاته.
كانت تشعر أن كل ما حولها يتلاشى — الأشجار، الريح، الأرض — ولم يبقَ في العالم إلا هي وهو، في سباقٍ لا غاية له سوى الانتماء
اندفعا معًا عبر البستان، كأن الأرض قد فُتحت أمامهما طريقًا من الضوء والظلال. كانت الأغصان تتمايل حين يمران، والأوراق تتساقط من حولهما كأنها تصفق لهما في احتفاءٍ صامت. كانت الريح تلاحقهما
فيما كان صهيل الحصان يملأ الفضاء، نغمةً حرةً لا تعترف بالقيود.
كانت تعرف هذا الطريق جيدًا، طريق الطفولة، حين كانت تركض إلى هذا البستان كل مساء لتلقاه. كم مرّت سنوات منذ آخر مرة امتطته فيها، وها هي الآن تعود — لا فتاة تبحث عن المغامرة، بل امرأة تحمل في قلبها ذاكرة النور والرحيل. كل خطوةٍ من خطواته كانت توقظ شيئًا بداخلها: رائحة الصيف الأول، ضحكة أبيها بين الأشجار، وصدى وعدٍ قديم بأن تعود يومًا، مهما ابتعدت.
تسللت أشعة الغروب بين الأغصان، لتغمرهما بلونٍ نحاسيٍّ دافئ، كأن السماء نفسها باركت هذا اللقاء. أبطأ الحصان من ركضه تدريجيًا، حتى صار السير همسًا فوق الأرض الندية. انحنت هي قليلًا، ومسحت على عنقه بامتنان، وهمست بصوتٍ لا يسمعه أحد سواه:
« سراج »
رفع رأسه كأنه فهم، أطلق صهيلًا قصيرًا امتزج بصوت الريح، كأنما يجيبها
وهذا جان اخر يوم ب بمحافظة الحلة
اليوم الثاني جانت التجهيزات لرجعتنة للنجف
جانت قس ناوية ترجع لبيتهم بس عمتي رفضت
باوعت قس للعمتي وكالت
_قس:: علوية مامليتي من شوفتي من اول يوم ب الموكب واني وياكم
_جهاد:: محد يمل من شوفتج وبعدين هاي الايام كلها انتِ هنا تخدمين زوار الامام ماتردين تلتقين ب الامام وتنطي عهد دوم تبقين بهذا الدرب
ابتسمت قس وهزت راسها ب اي
_قس:: عهد والله يا زهراء ماننسى حسينا
هزت عمتي راسها ب اي مبتسمة
صعد الكل ب السيارة منتضرين ساجد اخوي يمشي بينة للنجف
جنت صافنة ب السيارة عيونى على السيد عبد الرؤف يساعد السادة ب الموكب
صارت عيوني على جادح جان واكف عيونة ب الارض شفت جميلة اجت من بعيد وكفت خلفة تحجي ماعرف جان يسمع الها او لا
جان صافن بالة بعيد
شكد حجت مارد عليها
هزت جميلة ايديها ب انزعاج ومشت ب اتجاه السيارة تصعد
رجعت عيوني على جادح ابد ماتحرك جان هادء
مر الوقت هوا صافن ب الارض واني صافنة اباوعلة مستغربة هدوئة
واخيراً كسر جادح صفنتة ورفع راسة باوع للولد والتفتت على جهه السيارت
ماعرف ليش مابعدت عيوني عنة ولا التفتت
صارت عيونة على سيارتنا باوع لجهه السايق
رجع بنضراتة صارت عيونة علية
توقعتة راح يبعد نضراتة بس لا مابعد عيونة
نزلت عيوني اباوع لايدي متوترة شبيج شاهيناز هاي مو انتِ من يمتى عيونج تلتقي بعيون شخص وماتبعديها
رجعت باوعت لجادح توقعتة دار عيونة بس لا بقى يباوعلي
التفتت على مهجان احجي وياها بحجة اني مامهتمة لنضراتة رغم حواسي جانت مركزة اسمع لمهجان
بس احساسي الداخلي يريديني التفتت على جادح
مالتفتت بعد رغم الشعور الي حسيت بي وقتها بس قويت نفسي على الصمود
بعد ما مشفت السيارة عيوني جانت على الطريق
ماعرف الي صابني
وليش ويمتى بجيت
جنت امسح ادموعي بخلسة ماريد واحد من الموجودين يحس بية جاي ابجي
خليت ايدي على وجهي كافي شاهيناز استوعبي الي صار كلة مو بصالحج لو لقائكم جان خير مابعدة الله عنج بهاي الطريقة استوعبي !!!
" قدس "
جنت صاعدة بسيارة غضنفر اني ويا ب السيارة بس
اخذ ايدي مبتسم
باوعتلة بخجل
_قدس:: غضنفررررر
_غضنفر:: خجولييي
ضحكت متذكرة هذا القلب
قربت نفسي لكرسي غضنفر خليت راسي على كتفة مبتسمة
حجة غضنفر يضحك
_غضنفر:: نامي على عضلاتي
_قدس:: كلش احب انام على عضلاتك تدري من
سكتت صافنة ومستوعبة الي جنت ناوية احجي
حجة غضنفر
_غضنفر:: من شنو؟
_قدس:: لا ماكو شي
_غضنفر:: جنتي ناوية تكولين من شفت عضلاتك اول مره كلت ماكو رجال هيج معضل؟ اي خجولي محد معضل مثلي
رفعت راسي من كتفة باوعتلة وهزيت راسي بلا
_قدس:: لاااا ردت اكول من جنت نايم عضيت عضلاتك وانت ماتدري
حجيتها ورجعت صفنت مستوعبة الي حجيتة
ضحك غضنفر بصوت واني درت اباوع للجامة خجلانة من كلامي
هز راسة ب اي وكال
_غضنفر:: جنتتت كاعد ترا وحسيت بيج تعضين بية حتى من كعدت شفت الاثر
_قدس:: ليش مانشتري قطعة ارض هنا
_غضنفر:: قدوسة جنتي تعضيني بسن العقل مو؟
سكتت مامهتمة لكلامة لان ماتذكر شنو حجيت
بقى غضنفر يحجي واني اخجل بكل مرة يذكرني ب الي صار جنت استوعب ويا معقولة هيج صار واني ماذكر؟
وصلنة لنجف لبيت السيد عبد الرؤف بديت اتأقلم على الوضع لان من نخطبت لغضنفر لهذا اليوم احنا نتنقل بين بيت السيد عبد الرؤف وبيت السيد مقتدر ومعز
نزلت من السيارة اني وغضنفر
قفل غضنفر السيارة واخذ ايدي داخلين للبيت جانو واصلين قبلنة
تونا ندخل للبيت وطلع السيد مفرقد من البيت يركض
باوعلة غضنفر ب استغراب مافاهم وضعة
اجة مفرقد ب اتجاة غضنفر يحجي بسرعة وعصبية
_مفرقد:: غضنفر احتاج مساعدتك بموضوع
_غضنفر:: كول؟
_مفرقد:: اكو بنية جاي تتعنف زوجها يتعاطى مخدرات
مسح على وجهه وكال
_مفرقد:: احجي ويا جزام لان البنية حامل وخايف لايصير بيها شي
_غضنفر:: وين موقعها
_مفرقد:: ببغداد
باوع غضنفر لمفرقد ب استغراب
_غضنفر:: منو هاي منين تعرفها؟
_مفرقد:: يعني لازم اعرفها حتى اقدم المساعدة؟
_غضنفر:: لا مو هيج قصدي
التفت غضنفر علية وكال
_غضنفر:: دخلي للبيت قدس
هزيت راسي ب اي ومشيت ادخل للبيت
استغربت منوو هاي البنية وليش السيد مفرقد هيج محترك ومقهور علمودها؟
توني ادخل للصالة وطلع السيد معراج ابتسم
وكال
_معراج:: بس لحظة خوية
_قدس:: تفضل سيد
مد ايدة بجيبة وطلع منة شريط براسيتول مدة الي وكال
_معراج:: سمعت اختج تكول راسي يأذيني وماكو براسيتول ب البيت اشتريت هذا اذا تكدرين تنطي الها
هزيت راسي ب اي
_قدس:: مشكور سيد
ابتسم ومشة يطلع من البيت دخلت للبيت ادور على قس شكد حاولت وياها تجي وياي ب سيارة غضنفر ماقبلت والبنات رادنها تجي وياهن
شفتها كاعدة الغرفة ايدها على راسها كوا فاتحة عيونها مشيت ب اتجاهه
_قدس:: هااا قس !!
_قس:: راسي ققدسس
_قدس:: هذا براسيتول انتظريني اجيبلج ماي
طلعت من الغرفة مشيت ب اتجاه المطبخ
شفت الهوسة مشتعلة ب المطبخ بين مهجان و منة الله
رفعت مهجان ايديها تصيح بحركة
_مهجان:: انيييي حرة عمج مايدخللل بية !!!!
_منة الله:: عمييي مشواق حجة لمصلحتج
_مهجان:: لايهتممم لمصلحتييييي
سحبت العلوية جهاد مهجان بعصبية خازرتها
_جهاد:: كاففييييي مهجان !!!
_مهجان:: عمةةة مشواق لايتقرببب مني
_منة الله:: اي لان يريدج ويخاف عليج
بحالة عصبية اخذت مهجان كاسة ماي كزاز من الطاولة وركعتها ب الارض متفلشة الكاسة
الكل ابتعد مصدوم من حركة مهجان
صاحت مهجان بعصبية تبجي
_مهجان:: ماريدة اكرهاااااااا خليي يبتعد عني
ماعرف شنو صار بهذا اليوم ولا البنات يعرفن
حسب الي عرفتة من ملاك مهجان دخلت للمطبح ومنة الله خلفها تحجي وياها وثنينهن معصبات
وصارت المشكلة الي جان سببها السيد مشواق
مر يومين على المشكلة والبنات اتناسن المشكلة
بيوم جنت كاعدة ب الغرفة اني وقس
جنت نايمة على الجرباية صافنة على السقف
غمضت عيوني متذكرة كلشي صار بيني وبين غضنفر يمكن الفرحة الوحيدة الي تمت الي بهذا الشهر هوا هذا الشي
فتحت عيوني مصدومة على الكلمات الي اجتني
_:: حاممللل حامللل !!!!!!
"" "" "" "" "" "" "" ""
كيفكم مدللات؟ شلونة البارتي؟
نبدي ب الاسئلة وعلامات الاستفهام؟؟؟
ليش لا.....
فقار وملاك 👀👀🌷
ماشي الوضع وياهم جيد
قس وغل؟
فرحانين وياي بهاي العلاقة؟ وشنو توقعاتكم المستقبلية؟
قدس وغضنفر
خلينيي اوضح شي علاقتهم تمت ببداية رجعة قدس يعني اياممم مرت على العلاقة لهذا خلو احتمال
جاي تفهموني؟ 👀👀
مهجان شنو الوضع بينها وبين مشواق؟
شاهيناز وجادح؟
تتوقعون انتهت بينتهم؟
مفرقد؟ يقصد منووو؟؟
اكو احداث مستقلبية راح تصدمنا؟
ب النهاية منوو صاحبة القفلة؟ 🌷👀
