رواية سراج السادة الفصل الرابع والثلاثون بقلم غسق ادريس
لا يلح عبدٌ مؤمن على الله في حاجة إلا قضاها له
تذكير
· سبحان الله.
· الحمدلله.
· لا إله إلا الله.
· الله اكبر.
· استغفر الله.
· سبحان الله و بحمده.
· سبحان الله العظيم.
· لا حول ولا قوة إلا بالله.
· اللهم صل و سلم على نبينا محمد.
· لا إله إلا أنت سبحانك اني كنت من الظالمين.
· حسبي الله لا إله إلا هو عليه توكلت وهو رب العرش العظيم.
· اللهم ارزقني من حيث لا أحتسب.
· اللهم ثبت قلبي على دينك.
· يارب رضاكَ و الجنة.
· اللهم أحسن خاتمتي.
· اللهم احشرني مع نبيك.
· اللهم اجرني من عذاب النار.
· اللهم قني عذابك يوم تبعث عِبادك.
. اللهم اني اسألك الجنة.
" التصويت قبل مشاهدة البارت
والتعليق بين الفقرات
حساباتي بنهاية البارت انظمو نكبر عائلتنه
♥.
" قس "
جنت نايمة على الجرباية راسي راح ينفجر من الوجع اسمع صريخ مهجان وعصبيتها بسبب السيد مشواق
ماجنت فاهمة الموضوع ولا ردت افهمه
خليت ايدي على عيوني افرك بيهن
حسيت الوجع نزل من راسي على عيوني
رفعت راسي من المخدة اخذت شريط حبوب البراسيتول اشرب حباية ثانية
احس راسي يريد ينفجر ماعرف شصار
ب السيارة وبدة رأسي يأذيني
رجعت راسي على المخدة مرة ثانية اريد انام يمكن اذا نمت وكعدت الوجع يختفي
بعد صراع طويل حتى اكدر انام
نمت اخيراً عيوني مدمعة من الوجع
ماعرف شكد مر من الوقت يلا كعدت من النوم
رفعت راسي من المخدة
كوا فاتحة عيوني
خليت ايدي على راسي بعدني احس ب الوجع
كمت من الفراش بتعب
غمضت عيوني احاول اجمع طاقتي
فتحت عيوني سحبت الشال من على الجرباية وكمت على واكفة
مشيت ب اتجاه المراية
باوعت للمراية عيوني مومرة ووجهي تعبان
مسحت على وجهي ومشيت ب اتجاه باب الغرفة
فتحت باب الغرفة
مديت راسي اشوف منو موجود
شفت اخت عاتكة كاعدة على القنفة تقره قرأن اعرفها من المحسنات بس ماعرف اسمها ب الضبط
ماشاء الله كلهن اسمائهن تشابهه ماعرف افرق بينهن
طلعت من الغرفه ومشيت ب اتجاهه جانت مدنكة تقرة قرأن مركزة ويا القرأة مامنتبهه لوجودي
كعدت القنفة اباوعلها
رفعت راسها باوعتلي وابتسمت رجعت الها الابتسامة
تصدقت من القرأن سدت القرأن
والتفتت علية
_ام الحسن :: صح النوم خالة
_قس :: حبيبتي الله يصيحج
_ام الحسن :: ها!
حجيت اغير السالفة
_قس:: انتِ ام منو ب الضبط
حجت تضحك
_ام الحسن :: ام الحسن
_قس:: هاااا زين اكلج قدس اختي وين؟
_ام الحسن :: نايمة فوك
_قس:: والبنات؟
_ام الحسن:: كلهن نايمات فوك بغرفة قدس
هزيت راسي ب اي ساكتة
حجت ام الحسن
_ام الحسن:: جوعانة اكعد امي تجهزلج الاكل عمتي جهاد ضمت حصتج ؟
_قس:: لا حبيبتي ماريد مو جوعانة
هزت ام الحسن راسها ب اي ساكتة
كمت من مكاني باوعتلها وحجيت ب ابتسامة
_قس:: كملي قرأتج حبيبتي
_ام الحسن:: اذا احتاجيتني موجودة اني هنا
هزيت راسي ب اي ومشيت ب اتجاه المطبخ
دخلت للمطبخ كذالك محد موجود حسب العرفتة الكل نايم
حقهم تعب الطريق والخدمة طلع اليوم خليهم يرتاحون
كعدت على الكرسي خليت راسي على الطاولة
من الوجع الي احس بي ودي اضرب راسي ب الطاولة
اريد بس الوجع بختفي
صكيت على سنوني متوجعة
بدت عيوني ادمع من الوجع
غمضت عيوني بقوة من اجتني ضربة وجع براسي
ماعرف اوصف الاحساس بس الي اعرفة عقلي راح يطلع من مكانة
فتحت عيوني على صوت السيد معراج
رفعت راسي من الطاولة صوتة جاي من الحديقة
كمت من مكاني كوا فاتحة عيوني
مشيت ب اتجاه باب الحديقة
وكفت كدام الحديقة اباوع لسيد معراج كاعدة ب الارض منطيني ضهره يقرة
_معراج:: اللهم اغفر لي الذنوب التي تهتك العصم
"اللهم اغفر لي الذنوب التي تنزل النقم"
"اللهم اغفر لي الذنوب التي تغير النعم"
"اللهم اغفر لي الذنوب التي تحبس الدعاء"
"اللهم اغفر لي الذنوب التي تنزل البلاء. "
"اللهم اغفر لي كل ذنبٍ اذنبتة "
"وكل خطيئة اخطأتها... "
كمل السيد قراة الدعاء عرفت جاي يقرة دعاء كميل
بقيت اسمع اله واني مغمضة عيوني
اركز بكلمات الدعاء
بقى مكمل قرأة الدعاء مامنتبهه لوجودي ولا يدري بية كاعدة خلفة
مر الوقت وكمل الدعاء لنهاية
فتحت عيوني شفتة رافع ايدية ويدعي بنفسة
جنت اباوعلة عيوني كوا فاتحتها الوجع نزل على عيوني
كام من مكانه يشيل السجادة الي جان كاعدة عليها
التفتت ب اتجاهي يريد يطلع من الحديقة
انصدم يباوعلي ب استغراب من شافني كاعدة بباب المطبخ
حجة عاكد حواجبة بتسأل
_معراج :: شبيج خوية ؟
سكتت مارديت غمضت عيوني ورجعت فتحتها
رجع حجة
_معراج :: بعدة وجع راسج؟
باوعتلها بس رفعت راسي دنك راسة
هزيت راسي ب اي وحجيت بتعب
_قس :: راسي راح ينفجر
_معراج ': تمام اذا تكدرين تبعدين من الباب بس حتى اطلع
هزيت راسي ب اي وكمت من مكاني
مبتعدة عن الباب طلع من الحديقة مدنك راسة السجادة ب ايدة جنت متوقعة راح يطلع من المطبخ بس لا
وكف كدام الطاولة حط السجادة على الطاولة وحجة بدون مايلتف الي
_معراج :: تفضلي كعدي هنا
مشيت ب اتجاه الكرسي الي يأشر علية
سحبت الكرسي وكعدت
م
شة السيد معراج ب اتجاه الطباخ فتح الغاز على قوري الجاي
مشة ب اتجاه الثلاجة اخذ بيضتين من الثلاجة وطماطة
اخذ الطاوة من ميز المواعين وكعد يطبخ جنت اباوعله ب استغراب فهمت جاي يسوي بيض وطماطة بس لمنو؟
كمل طبخ واني على كعدتي افرك بعيوني
رفعت راسي من حط طاوة البيض والطماطة كدامي اخذ كلاص يصبلي جاي
خلاهن كدامي وكال
_معراج :: يمكن اذية راسج لان ماماكلة شي
حجاها وأشر على الاكل
_معراج:: راح اطلع حتى تاخذين راحتج ب الاكل
_قس:: مو جوعانة اني
_معراج:: حتى اذا مو جوعانة يفضل تغذين نفسج لان انتِ تعبانة من الايام الي مرت كلها ركضة بدون راحة وهسة برجعتج اتخربط وضعج وانتِ ماماكلة شي
سكتت بدون ما ارد
طلع من المطبخ حتى اخذ راحتي واكعد اكل بدون خجل. صح ماجنت اشتهي بس ما انطاني كلبي اعوف الاكل
اكلت طاوة الببض كلها. الي اعرفة ماجنت جوعانة بس على اكلي هذا تيقنت وجع راسي جان من الجوع مو غيرة
بعد ما كملت اكل غسلت المواعين الي اكلت بيهن ورجعتهن لمكانهن
التفتت اريد اطلع من المطبخ شفت سجادة السيد معراج على الطاولة اجاني فضول تاجهه
جان لونها زيتوني غامق اخذتها بيدي فروها ناعم
اخذتها اشوف نقشتها بس فتحت السجادة طاحت منها التربة والسبحة ب الارض
نزلت اخذ التربة من الارض توقعت انكسرت بس لا الحمدلله مابيها شي
شفت السبحة جان لونها بلون السجادة
حبة السبحة جبيرة كلش حلوة ولونها يجنن راهمة ويا السجادة
جاي ارجع السبحة والسجادة على الطاولة
ودخل السيد معراج للمطبخ
رفع راسة بس شافني ووكف
رجع بخطواته مدنك راسة
_معراج:: العفو توقعت كملتي وطلعتي اجيت اغسل المواعين
_قس:: لا سيد غسلتهن وتوني كملت
باوع لسبحة بيدي
حجيت افهمة الموضوع
_قس:: العفو صار عندي فضول اشوف السجادة لان مرت عمي تحب هيج انواع من السجادات خطية مخلصة يومها ب الصلاة هية ردت اسويلها واهس اكثر
ابتسم معراج
وحجة
_معراج:: كدامج خوية اخذيها لمرت عمج عندي غيرها
_قس:: هااا. لالا مو تذكرت هيا ضلت تصلي على كرسي لان رجليها مايحملنها بعد من كومة الحسنات على اكتافها مشكور معراج
حجيتها بدون ما انتبهه
من حسيت على جفصتي حجيت بسرعة اصحح المقصد
_قس:: اقصد سيد معراج العفو العفو
هز راسة ساكت بدون مايجاوب
اخذت السبحة ورجعتها فوك السجادة مشيت اريد اطلع من المطبخ ابتعد يسمحلي اطلع
طلعت من المطبخ وهوا كمل مشيتة للطاولة
وكفت بباب المطبخ متذكرة
رجعت للمطبخ اريد اتشكرة على الاكل
دخلت للمطبخ شفتة واكف كدام الطاولة السبحة بيدة يباوعلها صافن
باوعتلة ب استغراب مافاهمة صفنتة هاي شنو
رجعت انسحبت من المطبخ بدون ماحجي عود اتشكرة على غير مرة
مشيت اريد ادخل للغرفة شفت العلوية جهاد تنزل من الدرج تلفونها بيدها
سمعتها تحجي بصوت هادء وحزين
استوقفني صوتها جابرني استمع الها واستمع لمشاعرها
_جهاد::" يبني الضيعتني بضيعتك مني "
"دوهني زماني بيك دوهني "
"دوهني زماني وتاه مني الراح"
" يلب احشاي يل منكطع من احشاي "
"يماي العين عكبك نزل بيها الماي "
"ضني جان... بيك وخيبت ضني "
" ضني خاب يوليدي وكطعت الياس "
رفعت راسها تباوعلي
سكتت مبتسمة بوجهي
حجت
_جهاد:: ها قسة صح النوم
_قس:: هلا علوية
_جهاد:: ماتعرفين تردين على صح النوم مو.
_قس:: ااييي استحي اكول الله يصحيج
ضحكت العلوية وكالت
_جهاد:: جوابها صح بدنك
_قس:: بس الله يصحيج احله والله
ابتسمت توها جاي تحجي وسكتت بدخلة غل للصالة
التفتت على غل ابتسم ودنك راسة معتذر
_غل:: العفو توقعت محد موجود
_جهاد:: اي الكل نايم. محتاج شي؟
هز راسة ب لا وحجة
_غل :: لا ردت معراج ويانا لان جاي ننصب الموكب
_جهاد :: هااا. اي شوف معراج وين
_قس :: ب المطبخ السيد معراج
التفتو العلوية جهاد وغل ب اتجاهي
هزت العلوية جهاد راسها ب اي وأشرت لغل
_جهاد': شوفة لعد ب المطبخ
هز غل راسة ب اي ومشة يصيح لمعراج
جنت اراقب خطوات غل بعيوني ماعرف شلون اعبر بس اريد اكون صريحة غل يعجبني واذا التقينة بيوم بمكان واحد احس بمشاعر غريبة بداخلي ماعرف اوصفها
دخلت العلوية جهاد للمصلى واني رجعت للغرفة اريد اكمل نومتي
خليت راسي على المخدة مبتسمة ماعرف سبب ابتسامتي بس الاعرفة هيا منسوبة لغل
كعدت على سوالف البنات فوك راسي
فتحت عيوني ورجعت سديتهن
ماكدر اكوم اعبر الهن لان علويات احتمال يشاورن بية
رفعت راسي من المخدة رافعة حواجبي اباوعلهن
_قس :: السوالف حلاتها فوك راسي؟
_ملاك :: لجججججج لا مو نريد نسمعج ويانا خاف بعدين تكولين يضمن علية ومايسولفن وياي اجينة نشاركجج السوالف
هزن البنات روسهن ب اي مأيدات كلام ملاك
باوعت لملاك صفح ادري بيهن يردني اكوم من الفراش
كعدت على الجرباية اباوعلهن ملتمات كلهن على الجرباية ومتربعات يسولفن
حجت قدس ب استغراب
_قدس:: بنات ماعرفتو سبب عركة خدلجة وصديق الولد؟
_ملاك :: لا محد يحجي
التفتت عليهن عاكدة حواجبي
_قس:: عركة منو ومنو؟
_شاهيناز:: راصد اخو دلهب الدفان خدلجة متعاركة ويا بس محد يحجي السبب
سكتت مغلسة اذا البنات مايعرفن السبب اني اعرفة لا اكيد هنا عدهم السالفة تنطم ومحد يحجي بيها احنا لا ناخذ سنتين ثلاثة نتذكر السالفة
مر الوقت وبدينة نتجهز بعد ما السادة رجعو فتحو موكبهم بس هل مرة بدون خدمة داخل البيت بس ب الموكب وضيفتنا نجهز الاكل والسادة يوزعو
طلعت من المصلى بعد ما كملت صلاتي
العلويات كملن كعدتهن يسبحن ويقرن قرأن عداي بس كملت صلاتي طلعت من المصلى
صارت كدامي شذى نازلة الدرج
باوعتلي وحجت ب امر
_شذى:: روحي كولي لعاتكة يمتى يكمل العشة جعت
_قس:: ام بطن قبل شوي كعدن يصلن من الصبح يفترن
_شذى:: ااننننييي شكو اني جوعانة؟؟
_قس:: شوووفي المطبخ وراج روحي سويلج زغنبوت
فتحت شذى عيونها بعصبية وصاحت
_شذى:: زغنبوت ببطنج ان شاءالله
_قس:: امشي من وجهي شو ترا حيل مالي خلكج
_شذى:: واذا ما امشي !
_قس:: اخليج تمشين بطريقتي
باوعتلي شذى من فوك ليجوا وصاحت بصوت
_شذى:: يلا شسوين خليني اشوفج؟
_قس:: شذى كفيني شرج وامشي من وجهي
ضحكت وهزت ايديها
_شذى:: لان متكدرين تسوين شي بيبي
_قس:: واذا اسوي؟
_شذى:: ااممم وشسوينن يعني
حجتها وغمضت عيونها ب استهزاء تهز راسها
منتظرتني
باوعت يمنى يسرى محد موجود
رفعت ايدي وجبتها براجدي فر وجهها فر
فتحت عيونها مفزوعة ب الكف الي اجاها على وجهه
صرخت ايديها على خدها تفزع ب العلويات
طفرت للمصلى اركض
فتحت باب المصلى شفت البنات كاعدات يقرن
اخذت التربة من المحجر وطفرت بنصهن اصلي
اسمع صوت صريخ شذى واصياح جميلة
انفتح باب المصلى دخلن العلويات وجميلة وشذى خلفهن
رفعت رنا ام جادح ايديها وصاحت تباوع الجميلة
_رنا:: اللههه اكبررررر عليج ياجميلة البنية كاعدة تصلي
_شذى:: ججذااابةةةةة توهااا ضربتننننيي
رفعت ايدي وصحت بصوت
_قس:: اللههه اكبرررررر
_شذى:: على راسججججج
ضحكت العلوية لباب جرت شذى وجميلة مطلعتهن من المصلى اسمع شذى تحلف اني ضربتها
كملت صلاتي وصليت قضاء مافي الذمة
كعدت على المصلاية باوعلي البنات يضحكن
اخذت السبحة بيدي اسبح
ثاني يوم جنت كاعدة بغرفة قدس التلفون بيدي اكلب بية اجاني اشعار من رقم قادسية اختي
دخلت على المحادثة جانت دازتلي صورة انتظرت الصورة توصل
وصلتني رسالة مكتوب بيها
_💬: قس اني قبس جاوبيني بسرعةة محتاجتج
عكدت حواجبي ب استغراب شنو صاير وقبس شنو تريد
وفتحت الصورة عندي باوعت لصورة ب استغراب مافاهمة هذا تحليل حمل بس لمنو وشنو ماعرف
كتبت قبس
_💬 :: قس اني حامللل قس شهاب ضحك علية اني حامل من شهاب
بقيت صافنة على الرسالة مامستوعبة الي جاي يصير
اجتني تسجيل صوت بصمة
فتحت البصمة ايدي ترجف سمعت لصوت قبس جانت تبجي وتحجي بخوف وانهيار
_قبس:: قسسس راح يموتوني اخواني بس يدرون يكتلوني عمامييي يذبحوني قسسس لحكينيييي
خليت ايدي على حلكي مصدومة صرخت بصوت عالي
_قس:: حامل حامللل !!!!
رفعت قدس راسها ب استغراب تباوعلي
عكدت حواجبها وحجت
_قدس:: منو حامل؟
كمت من مكاني
طلعت من الغرفة اركض التلفون بيدي لحكتني قدس تركض وراي مافاهمة السالفة
دكيت باب غرفة العلوية جهاد ايدي ترجف اجاني صوتها تسمحلي ادخل
فتحت باب الغرفة شفتها كاعدة على الجرباية تسبح
باوعتلي ب استغراب مستغربة حالتي ورجفة جسمي
_جهاد:: شبيج بنيتي قس؟
_قس:: علوية الله يخليج اريد ارجع لبيتنا
كامت من الجرباية عاكدة حواجبها
حجت
_جهاد:: ليش شبيج اكو واحد ضوجج ؟
_قس:: لالا علوية بس اختي مريضة وتحتاجني
_جهاد:: شبيهاا اختج شنو مرضها؟
_قس:: علويةةة ماعرف بس اريد ارجع للبيت فدوة
هزت راسها ب اي وطلعت من الغرفة
جرتني قدس من ايدي تباوعلي ب صدمة وخوف
_قدس:: منووو مريضةة ياهي؟؟؟
_قس:: بعدين اسولفج قدس بعدينننن.
طلعت من الغرفة اركض
صعدت للغرفة اجهز ملابسي واغراضي حتى ارجع جسمي كلة جان يرجف مجاي استوعب المصيبة الي طاحت فوك روسنا
لبست ملابسي وكعدت على الجرباية اهز رجلي بتوتر حاولت اتصل عليها مرة ثانية ماكو نت وحتى على الشريحة الجهاز مغلق
بقيت كاعدة بمكاني جسمي كله يهتز من الخوف شنو رد فعل اخواني لو عرفو يكتلوها اكيد ماكو حل غيره
ياربيي وين شمرتي نفسج يا قبس وين
اجتني قدس للغرفة باوعتلي وحجت
_قدس:: عمة جهاد جوا منتظرتج
شلت جنطتي ومشيت اطلع من الغرفة
سحبتني قدس من ايدي عيونها مدمعة بخوف
_قدس:: بس كولي شبيها قبس
_قس:: كولي شنو مابيهاااا
_قدس:: لاتخوفيني حبابة. غضنفر مايقبل امشي وياج يكول اذا ببيت عمج اي بس ببيت اهل امج لا
_قس:: لالا ليش تجين اني اروح وعود اردلج خبر واطمنج عليها
ودعت قدس وطلعت من البيت اني والعلوية جهاد بسيارة غل راجعين للديوانية
الطريق كله صافنة افكر شلون راح نلكة حل شلون راح تخلص هاي المصيبة
باوعت للعلوية لباب جانت صافنة تباوع من الجامة شنو رد فعلهم لو عرفو اختي حامل من غير زواج يعني زنا؟ هه زنا؟ هذا الطلع وياج قبس
هيج سمعتنة تصير ب الطين واذا عرفو بيت السادة شلون راح يتحملون يناسبونه شنو راح تسمع قدس من كلام؟ ياربي دخيلك شلون تنحل هاي المشكلة ماعرف
باوعت للمراية شفت غل يباوعلي عاكد حواجبة ب استغراب من شافني باوعتلة دار عيونة يباوع للطريق
مسحت على وجهي استغفر احاول اهدي نفسي
طول الطريق العلوية جهاد تحاول تهديني وتصبرني متوقعة فعلاً اختي حامل ماتعرف المصيبة الجبيرة شنو
وصلنة لديوانية وخليتهم يطلعون كبل لبيت جدي
اريد بس اوصل للبيت اريد بس قبس تجي بيدي
وكفت السيارة كدام بيت جدي فتحت باب السيارة ونزلت بسرعة نزلت العلوية جهاد وغل من السيارة
مشيت ب اتجاه البيت دكيت الباب ووكفت منتظرة واحد يجي يفتح الباب
انفتح باب البيت طلع خالي من البيت رحب بينة بفرح
من شاف السيد غل
دخلنا للبيت اخذ خالي غل لمجلس الرجال واني اخذت العلوية جهاد وياي
دفعت باب الصالة ودخلت شفت خاجية ونسوان خوالي وامي ب الصالة التفتو يباوعولي ب صدمة
باوعتلهم بعصبية ماحجيت شي
اشرت للعلوية جهاد تدخل وحجيت بصوت عالي
_قس:: تفضلي علوية
كامن نسوان خوالي وامي وخاجية من كعدتهن يرحبن ب العلوية جهاد
دخلت العلوية تسلم على الموجودين كعدت على القنفة مبتسمة بوجه خاجية
انسحبت منهم صاعدة للغرفة اريد اشوف قبس
فتحت باب الغرفة شفت قبس كاعدة على الفراش تمسح بدموعها
من دخلت للغرفة باوعتلي تبجي
كامت من مكانها وركضت ب اتجاهي حاضتني تبجي بقوة ماجنت رايدة هذا القاء ولا الحضن جنت اريدة اعاتبها اضربها اصيح بوجهه
بس من شفت حالتها هاي هديت مقهورة وحزينة عليها
اخذت بحضني ابجي وياها بدون ماحجي شي جان الكلام الها بس
_قبس:: ضحك علية قس ضحك علية انيي صدكتة وثقيت بي لان احبة بس هوا استغل حبي اله اغتصبني قسسس اغتصبني
خلت ايدها على بطنها وبجت
_قبس:: حامل انييي قبس
حجتها وبجت بقوة
بقيت ساكتة بس دموعي ينزلن ماعرف شنو الحل عقلي واكف شنو راح يصير ياربي دخيلك
حاولت اهديها واخليها تسكت عيب من العلوية جهاد خفت تسمع الها ماردت تشوفنا ب نظرة الرخص ماردت غلطة قبس تأثر على قدس اختي ونظرة السادة الها
نزلت من الغرفة وقبس خلفي ايديها ترجف
مشت ب اتجاه العلوية جهاد تسلم عليها
كامت العلوية جهاد تتحمد الها على السلامة
كعدت قبس كدام العلوية جهاد
باوعتلها العلوية صافنة عليها اني صفنة العلوية جهاد هاي تخوفني احسها تعرف كلشي من نظرة بس
مر الوقت والعلوية كالت نرجع وكفن امي وخاجية مانعاتها تطلع اتشكرت العلوية منهن ورفضت بقائها
طلعت ويا العلوية جهاد للخارج التفتت علية وحضنتني
حجت
_جهاد:: قس انتبهي على نفسج وابتعدي عن مشاكل غيرج
_قس:: شنو؟
_جهاد:: ماكوو شي حبيبتي بس احذرج والحذر واجب لاتصيرين ب المقدمة المعركة هاي لان راح تنغدرين
عكدت حواجبي ب استغراب مافاهمة كلامها
سكتت من طلع غل وخالي اشر غل للعلوية جهاد حتى يطلعون
مشو يطلعون واني خلفهم امشي
التفت السيد غل بدون مايباوعلي
_غل:: انتبهي على نفسج
هزيت راسي ب اي ساكتة ودعتهم ودخلت للبيت صاكة على ايدي بعصبية
دفعت باب الصالة ودخلت
باوعتلهم بعصبية خاجية دنكت راسها وامي كذالك بس زوجة خالي سعاد ام شهاب تباوعلي
باوعت لقبس وحجيت ب استغراب
_قس:: يعرفون قبس؟؟؟؟
دنكت قبس راسها تفرك ب ايديها
حجت سعاد بصوت عالي
_سعاد:: اي نعرف شين اختج ورخصها نعرفة كلنا
_قس:: شينن اختي ليششش مووو شين ابنج؟؟؟؟
_سعاد:: ابني؟ هههههههههه
ضحكت بصوت وهزت ايديها
_سعاد:: حبيبتي ابني ماعلية شين رجال ومايعيبة شي شوفي اختج الشمرت روحها علية شمر
باوعت لقبس تبجي صدرها يرتفع وينزل
صحت بقهر الغصة ببلعومي
_قس:: تموتتتتت ولكمممم يكتلوهااا اذا عرفوووو اخواني
_سعاد:: خليهم يكتلوها خليهم يغسلون عارها
ما اتحملت من سمعتها هيج حجت ركضت عليها اضرب بيها
جانت اطول واضخم مني ماتعبت وياي شالتني وركعتني ب الكاع نامت فوكي تضربني
وتصيح
_سعاد:: تمديننننن ايدجج عليةةة ولج اكسرها الجج كسررر
ركعت راسي ب الكاع واني اصرخ بوجع حاولن امي وخاجية يسحبنها مني ماكدرن ركضن خواتي عليها يردن يبعدنها
كامت سلمى اخت سعاد جرت قادسية وقسار من ملابسهن تكتلهن
صار صريخنة يجيب التايهه اريد واحد يبعد سعاد اني جانت نايمة فوكي وتعض ب ايدي بقوة صرخت بوجع حسيت لحمة ايدي انشالت ويا عضتها
دخل خالي يركض للصالة يريد يبعد سعاد عني مايكدر
ب الف ياعلي والف دمعة وصيحة وطكة بعدو سعاد عني بعد ماطلعت الاستهتار كله من خشمي وحلكي
صرت اغلط على قبس الي جانت واكفة بعيدة ايدها على بطنها تباوعلنة
جرونا من جواهن ب الصياح والعرك تعاركت امي وياهن ركضن على امي يردن يكتلنها وكف خالي بوجهن مانعهن صاح بينة نصعد للغرفة
صعدنا كلنا نركض وقبس اول وحدة
باوعت لقبس وصحت بيها
_قس:: انتِ شبيجججج
_قبس:: شبيةةةة مو حامل شلون ترديني اتعارك وياجن اخاف على الي ببطني
وكفت اباوعلها بصدمة حسيت هاي اول غدرة اخذتها من قبس
دنكت راسها وحجت بقهر
_قبس:: اخاف اخاف يضربوني على بطني واموت انوب
سكتت مامستوعبة الي جاي يصير حسيت اكو حلقة ناقصة بس ماجاي اعرف وين
جانت اكو هواي اسألة براسي ماعرفت جواب هاي الاسئلة راح تكون صدمة الي
" شاهيناز "
طلعت من البيت بسرعة امشي خلف ساجد اخوي
مشينة ب اتجاه بيت السيد حتى ناخذ البنات ويانا
شفت سيارة جادح واكفة كدام بيت السيد
وكف ساجد بباب البيت واشرلي
_ساجد :: يلا شاهيناز بسرعة صيحي البنات وتعاي
_شاهيناز :: يلا
فتحت باب البيت ودخلت اصيح للبنات مابقى عدنا وقت. شفت جميلة واكفة ب الحوش التلفون بيدها تكلب بية جانت لابسة عبايتها يعني تريد تطلع
من دخلت باوعتلي من فوك ليجوا ب انزعاج
اتجاهلت نضراتها ودخلت جوا
ماشفت البنات ب الصالة بس شفت جادح كاعد على القنفة كدامه عماد ابنه
ابتسمت اباوع لعماد الحمدلله صاير زين واتحسن اكثر من قبل
باوعلي عماد وابتسم بفرح
صاح يأشر علية
_عماد :: بابا خالة شاهيناز
التفت جادح ب اتجاهي
باوعلي بنظرة سريعة ودار عيونة هز راسة ب اي ساكت
رفعت ايدي ب ابتسامة
_شاهيناز :: هلاو عماد
_عماد :: هلا خالة شهدة
_شاهيناز :: شلونك عماد؟
_عماد :: زين انا بس بابا مو زين
باوعت لجادح ب استغراب رفع راسة يباوع لابنة
عكد جادح حواجبة وحجة
_جادح :: شبية بابا
_عماد :: بابا انت قبل شوي كلت تعبت
دنك جادح راسة
اخذ ايد ابنه وابتسم
_جادح :: لا حبيبي انا تعبان علمودك غيرها انا مابية شي
_عماد :: بس انت البارحه كلت تعبتني العلوية مشاعرها جلمود
صفن جادح بوجه ابنه واني صفنت حسيت الموضوع يخصني بس سكتت اسمع لرد جادح
رفع جادح عيونة ورجع نزلهن يباوع لعماد
_جادح :: تمشي وياي ؟
_عماد:: اااييي ااايييي
_جادح:: يلا امشينة
حجاها وشال عماد على اكتافة
باوعلي عماد ب ابتسامة
رديتله الابتسامة وابتعدت عن طريقهم سامحة الهم يمشون
انفتح باب الملصى طلعت عاتكة باوعتلي وحجت
_عاتكة:: ها شاهيناز نمشي؟
_شاهيناز:: اي اييي امشي ساجد برا
هزت عاتكة رأسها ب اي ومشت تصيح البنات
باوعت لجادح باقي واكف بمكانه التلفون بيدة يكلب
ماعرف ليش عيوني كسرت قوانينها
صرت اباوع لوجهه بدون مادور عيوني رغم هذا مو طبعي ولا بيوم سويتها بس ماعرف الي جاي يصير وياي حالياً
شفتة عكد حواجبة بعصبية نزل عماد من اكتافة ورجعة على القنفة اخذ التلفون وطلع من الصالة معصب
استغربت عصبيتة وشلون انكلب وضعة هيج
اجن البنات كلهن حتى نمشي
ودعت عماد وطلعت من الصالة البنات خلفي
شفت جادح واكف ب الحوش وجميلة كدامه
يحجي وياها بصوت ناصي بس واضح العصبية علية وشلون يحاول يسيطر على اعصابة
حجت جميلة بعدم اهتمام
_جميلة:: عادي شكو بيها هوا وجه يعني حرام؟؟
_جادح:: حذفي الصورة الي ناشرتها
_جميلة:: ما احذفها جادح لاتصير معقد اطلع من جو التعقيد الي عايشين بي
_جادح:: ماتحذفيها يعني؟
_جميلة:: اي ماحذفها
هز جادح راسة بهدوء
انصدمت من اخذ التلفون من ايد جميلة وشمره ب الارض مفلشة
صرخت جميلة مصدومة واني والبنات وكفنة بمكانة نباوعلهم ب صدمة واستغراب
باوعت جميلة لجادح بعصبية وصاحت
_جميلة:: للليشششش جادح ليششس
_جادح:: يلا امشي للبيت
_جميلة:: انت شنو مشكلتك الى متى تريد نعيش هيج مايصيرر اتنفسسسس مايصير احس بطعم الحريةة وياااك.!!!!!!
هز جادح راسة ب اي وحجة بعدم اهتمام
_جادح:: الحرية اذا ارتبطت ب الحرام انا مارحب بيها. يلا امشي للبيت
حجاها والتفتت يرجع ياخذ عماد
بقيت واكفة اني والبنات متصنمات بمكانة نباوع لجميلة شلون بدت تبجي
رفعت راسها من شافتنة عيونه عليها اتغيرت نضراتها للحقد والغيض
طلع جادح من الحوش شايل بيدة عماد
من شافتهم جميلة طلعت قبلهم من البيت
رفعت حواجبي مستغربة وضعهم شنو الي نشرتة جميلة وجادح هيج عصب ماعرف
طلعنة من البيت شفت ساجد اخوي واكف بباب البيت مدنك راسة رفع راسة على طلعتنة ابتسم بوجهي واشر براسة نمشي
رفع ايدة يودع جادح
طلع جادح لبيتهم رجع كعد ايجار هوا وجميلة وامه واخته كفاية بس قدس وغضنفر بقو ببيت السيد بسبب مشاكل جميلة ولان مايتراهمن هيا وقدس
مشينه خلف ساجد اخوي
اليوم محاظرة للسيد والكل راح يحظر لهذا قررنا نحظر اني والبنات نشوف المحاظرة
بقى بالي كلة عند جادح وجميلة اول مرة اشغل بالي بمشاكلهم شاهيناز هسة انتِ شكو بمشاكلهم عوفيهم انتِ بس ابتعدي عنهم ولاتهتمين الهم
وصلنة للمكان القاصدي جان المكان جبير مكان للنساء ومكان للرجال
وبينهم فاصل بس منبر السيد كدام النساء والرجال يشوفه
شفت فقار ومعراج وغل وسجاد وايليا وغضيمر وغضنفر كلهم واكفين ينظمون ب الكعدة
مشيت اني والبنات ندخل لمكان النساء شفت عمتي واكفة من دخلنة باوعتلنه من بعيد
اشرت النا على مكان وكالت
_جهاد:: هنا كعدن
كعدنا اني والبنات ب المكان الي اشرت النا عمتي علية
مر الوقت وبدة السيد محاظرتة والكل يستمع اله بتركيز
بدة احمد ابن عمي هادي اخو حوراء وحميدة يقرة قرأن والكل يستمع اله
بس خلصت المحاظرة رجعنا كلنا للبيت بليل صار تجمع النا ببيت السيد
الكل جان كاعد ب المصلى
ابتسم السيد عيونة على فقار وغل
حجة
_عبد الرؤف:: عقد فقار والعلوية ملاك ب فرحة الزهره وبعدها ب اسبوع نعقد لغل وبنيتنة قس
ابتسمت بفرح يعني مابقى شي
بيوم الاربعينية مشينة للكربلاء زرنا الامام الحسين وابا الفضل العباس ووقتها السيد عبد المقتدر رجع هوا وعائلته للحلة
حتى السيد معز رجع واليوم غل وغضنفر وجادح رجعو لنجف حتى يشوفون المحاظرة ويشاركون بيها
اليوم الثاني رجعو اولاد السيد معز
بدت الايام تمشي واحنا بلشنة تجهيز لخطبة فقار وملاك الي راح تصير ب اول يوم من فرحة الزهرة...
" ملاك "
كعدت كدام المراية اباوع لنفسي بخجل
مابقى شي اسبوع يعني اسبوع فقط واصير ب اسم فقار
طفرت من مكاني فرحانة احم احم لالا ملاك اثكلي انتِ مايصير تفرحين لازم فقار يفرح وين لاكيها ياخذج
شمرت نفسي على الجرباية بفرح
اليوم طلعت اشتريت حلقة فقار وفقار اشترى حلقتي ماعرف اذا تصير على مقاسة او لا لان ماجان موجود بسبب بعد المسافة
رغم هذا سمعتة يحجي ويا ابوي اذا الحلقتين ماكعدن على اصابعنه نشتري غيرهن بعد الخطبة
غمضت عيوني نايمة ورايحة ب احلامي
فتحت عيوني كاعدة كدام المراية عيوني تتوزع على طلتي
باوعت لنفسي ب ابتسامة
المكياج جان هادء ونازك
جنت لابسة قفطان لونه ابيض مخصر على جسم من الخصر حزام كرستال من فوك نزلة ملكية من اكتافي للرجلي الصدر كذالك كرستال
من جهه عظام الترقوة بارزة ركبتي طالعة
والشعر جان مفتوح ومرفوع من الخلف
التفتت على البنات ب ابتسامة
اشرت على نفسي وحجيت بفرح
_ملاك:: شلون طالعة؟؟
_عاتكة:: تخبلين ماشاء الله
_شاهيناز:: اللهم صلِّ على محمد وآل محمد تموتين
_قدس:: ملاك اسم على مسمى
رجعت اباوع لنفسي ب المراية حيل راضية عن نفسي وعن كشختي حالياً
طلعت من الغرفة البنات خلفي مو اقل مني جمال
التفتت عمتي جهاد تباوعلي ب ابتسامة
_جهاد:: ملاكنة الحلوة
حضنت عمتي بفرح وهيا تمسح على ظهري
كعدت على الكرسي مابقى شي نعقد ويدخل فقار يلبسني الحلقة
رفعت عيوني اباوع لشذى واكفة بزاوية الصالة تعلج وتباوعلي بغيض ابتسمت بوجهه
والتفتت احجي ويا البنات
جان الوضع هادء وجنت فرحانة طبيعي بدون توتر
بس من سمعت يصيحني علمود اعقد
توترت والرجفة لزمتني
باوعت لايدي معقولة هاي الرجفة تجي بكج كامل ويا العقد لو شنو
كعدوني على الكرسي البنات وعمتي ملتمات حولي والسيد عبد الرؤف هوا الي يعقد النا
حجة السيد يعقد واني اهز برجلي متوترة
حسيت العرك بلش ينزل من جبيني ماعرف هذا التوتر لان راح اعقد لو لان راح اشوف فقار بعد شوي
بلعت ريكي وحجيت بتوتر
_ملاك:: نعم انت وكيلي........
كمل السيد العقد وبارك النا بفرح
رجعوني للصالة واني رجلي يرجفن من التوتر كعدت على الكرسي اهز برجلي
عدلت كعدتي من كالو راح يدخل العريس
اباوع البنات كلهن انسحبن وغطن ارواحتهن حتى العبي لبسن عدا شذى الي شمرت الشال على راسها شمر شعرها كلة طالع
دخل فقار للصالة وبدت الهلاهل والترحيب
رفعت عيوني اباوعلة شلون عريس حلو جان لابس الدشداشة والعباية والعمامة فوك راسة
جنت متوقعة يلبس رسمي بس لا خابت توقعاتي رغم هذا بعد حلو ويجيب العين
كعد بصفي مدنك راسة بخجل
ماباوعتلة ولا اهتميت رغم داخلي كله مهتم بس الثكل اهم
بلشن العلويات الكبار بالهوسات وفقار مبتسم يهز راسة
جابت العلوية لباب الحلقات وخلتهن على الطاولة
بلشنة بتلبيس الحلقات
اخذ فقار ايدي يلبس الحلقة توقعت او جنت متأكدة الحلقة ماراح ترهم لايدي لان فقار مايعرف مقاس صبعي
بس صدمتي من اجت الحلقة على صبعي
رفعت راسي ب استغراب اباوع لفقار شلون عرف مقاس صبعي
باوعلي فقار وابتسم صدمني من اخذ ايدي وباس مكان الحلقة كدام الكل
فتحت عيوني اباوعلة بصدمة
باوعلي وابتسم نظراتة جانت غريبة خلت جسمي كلة يرجف من فوك ليجوا
حتى من اخذت الحلقة البسها اله
ايدي جانت ترجف
باوعت للحلقة اصغر من اصبعة اريد ادخلها ماتدخل واكفة على النص
باوعتلة دخل شفايفة بحلكة كاتم ضحكتة
باوعلي وحجة بهمس
_فقار:: لو جايبة اصغر بعد
_ملاك:: لا شلون اني متأكدة جبتها جبيرة
ضحك فقار وهز راسة ب اي ساكت
الكل غلس على الحلقة وهوا كذالك غلس وبقى لابسها على نص اصبعة
جابو الكيك والعصير جانت اكو شوكتين وحدة الي ووحدة لفقار
اباوع لفقار اخذ وحدة منهن خلاها على صفحة
واخذ الكيك بشوكة وحدة
باوعتلة بصدمة اشرلي اكل من الكيك الي ب الشوكة اكلت شوي وهوا رجع اكل الباقي من الشوكة
باوعت للبنات مصدومات اكثر مني
قدس تضحك وشاهيناز ترفعلي حواجبها
عاتكة مصدومة تباوع لفقار
واني اني ماحجي حالتي هنا
بعد ماكملنة الكيك اخذ فقار ايدي ب ايدة وقرب نفسة ب اتجاهي
حجة بصوت ناصي
_فقار:: مبروك يا احلى ملاك نور حياتي
ابتسمت بخجل وحياء
رفعت عيوني اباوع للبنات يباوعن النه رفعتلهن حواجبي ورجعت اسمع لفقار
_فقار :: طالعة حلوة
_ملاك:: اني من قبل حلوة سيد فقار
_فقار:: ياروحة لسيد فقار
باس ايدي وحجة ب ابتسامة
_فقار :: علويتي وملاكي
ابتسمت بتوتر ماعرف شجاي يصير هذا فقار نفسة الثكيل الهادء لو غيرة
رفعت عيوني اباوع لشذى راح تنفجر مابقى بس تجي تاخذ مني راجدي على هاي غيرتها
حبيت ازيد بهاراتها واغيضها مثل ماجانت تغضيني
تقربت من فقار انزل بفستاني ايدي ب ايدة والايد الثانية ابعد شعري عن ركبتي
رفع فقار عيونة صارت على ركبتي دنك راسة يمسح على كصتة بتوتر
نيتي جانت اقهر شذى مادري ليش فقار اتوتر
اجيت ابعد عنه منعني شابك ايدي ب ايدة بقوة توترت من قربة اكثر منه
ما كدرت ارتاح وافك التشنج الي بجسمي الى بعد ماطلع للخارج
غمضت عيوني اتنفس براحة باوعت لشذى رفعتلها حواجبي وغمزت
بقيت مبتسمة بوجه الكل عيوني على الحلقة الي بيدي
" معراج "
نزلت من السيارة عيوني على السيارات البقية
نزلو السادة من يمشون باتجاه بيت السيد عبد المقتدر
العمايم مالية المكان
سادة النجف وكربلاء كلها هنا
السيد جان يمشي ب المقدمة مبتسم عيونة على الحظور يسلم عليهم بفرح
وتشكر لحظورهم وجيتهم.
التفتت عيوني على دلهب وراصد
دلهب جان لابس قميص اسود وبنطرون اسود
واخو راصد كذالك
واكفين على مسافة الجكارة بيدهم عيونهم تتوزع على الموجودين
مشة جادح ب اتجاهم يحجي وياهم
التفتت من سمعت شخص يحجي من خلفي
_:: يا سادة انتم؟
_معراج:: سادة ......
رفع حواجبة ب اندهاش ابتسم بوجهي متشكر لجوابي
ابتعد بيدة كامرة الدروان يصور بيها المشية من فوك
جان الخضار يحتل المكان من الجهتين السادة يدخلون للداخل والباقين ب الخارج صح المكان جبير بس الي جايين اكثر
مشيت ب اتجاه الولد شفت فقار وجادح واكفين يحجون بعصبية وتوسل للدلهب وراصد الي جانو يضحكون بعدم اهتمام
رفع فقار ايدة بترجي وحجة
_فقار:: شباب اترجاكم لاتخجلوني كدام السادة وناس كبار السيد يرجعنا لنجف
_دلهب:: ابني شبيك يوم واحد مايضر
_جادح:: دلهب اتشاقة بكلشي بس هاي لاااا
ضحك دلهب بعدم اهتمام
وابتعد عن المكان
باوعت الهم ب استغراب مافاهم شنو جاي يصير
_معراج:: شصاير؟
_جادح:: دلهب يريد يشغل اغاني يريد يركص ابو كرعة يريد يركص علينة السيد
_راصد:: شكددد معقدددينن
_فقار:: ولكممممم حرااامممممم ياناااسسس حر..
سكت فقار مصدوم من سمع الصوت الي جاي من ورا
التفتت انا والولد كلنا مصدومين
نباوع لدلهب شايل بيدة ديجي
نزل الديجي بنص الشارع اجانة صوت الاغاني
_ول ول ول ول ولك_
شجابك ويانه
حدك لهنانه
شجابك ويانه
حدك لهنانه
فنه ليدنانله×2
جان دلهب واكف بنص الشارع رافع ايده يحجي ويا المغني
_فكره لعادانه×2
ندوسة ونكسر عينة
ول ول ول ولك ×2
اباوع ل سالم ابو جاكوج مشة ب اتجاه دلهب
طلع مسدس من خاصرتة ورفعة يهوس بي
ابتسم دلهب وغمزلة
مد دلهب ايدة بخاصرتة وطلع المسدس يهوس ويا سالم ب المسدس ثنينهم واكفين بنص الشارع يهوسون ويصيحون بصوت عالي
رفع دلهب صبعة وصاح
_تشهد دنيانه
كلمن عادانه
تشهد دنيانه
كلمن عادانه
محد ساوانه×2
يخوف ملكانه×2
ويرهب كل الدنيا
صاح سالم ويا مشة راصد ب اتجاهم يضحك وكف كدامهم يهز بنفسة وهما يضحكون
_ول ول ول ول ولك_
لاتندك بينه
يعورك ماضينه
لاتندك بينه
يعورك ماضينه
ياهو يلاوينه×2
لاتندك بينه×2
نعورك نكسر ضهرك
خليت ايدي على وجهي مصدوم بسوايتهم هاي اباوع السيد واكف يباوعلهم من بعيد مصدوم بيهم والسادة كلها تباوع غير اصدقائنه واصدقاء فقار
شاركو مجموعة من اصدقاء الولد وياهم
كلهم يهوسون دلهب بيدة المسدس يصيح
_ول ول ول ول ولك_
هاي سواياتي
تعذبك دكاتي
هاي سواياتي
تعذبك دكاتي
تهلهل راياتي
تهلهل راياتي
رفع دلهب المسدس يرمي ويهز ب ايدية ما مهتم للكل
ضحكت مصدوم بيهم ماتوقعت ولا واحد ب المية ممكن يسوون هيج
باوعت لفقار صافن عليهم مايعرف شلون يعبر وغضنفر والباقين من بعيد مغطين وجههم الكل جان يباوع للسيد يردون يشوفون رد فعلة
سكت السيد واشر للناس يدخلون بهدوء
اجه دلهب ب اتجاهنا يصيح
_دلهب:: ول ول ولككككك
_سالم:: هاااااا
_دلهب:: ول ول ولك
_سالم:: هااااا
هز فقار راسة بحيرة مايعرف يعبر
اباوع لسالم جسمة كله وشوم يضحك ويصيح
ودلهب كدام يهز ايدية
ضحك راصد وحجة موجه كلامه للكل
_راصد:: شباب ترا الذنب علينة مو عليكم
_جادح:: فقار صوجك جبتهم
_فقار:: ويننننن ادري راح يركصونه هيج
اجه غضنفر ب اتجاهنا يضحك
باوع لدلهب وحجة
_غضنفر:: اخخخ ولك شلون هيج تسوي
_دلهب:: ياحبيبي ماعدكم اجواء كلت اسويلكم اجواء
_فقار:: ول ول ولك. هاي اجوائك؟
_دلهب:: شجابك ويانااا هاااااا
حجاها وضحك
هز فقار ايدة ومشة واحنا خلفة نضحك مانعرف شنسوي كلشي صار بسرعة حتى ما جان اكو مجال نستوعب الي صار
" عاتكة "
ثالث يوم من عقد فقار وملاك نزلت الدرج عيوني على مهجان الي جانت كاعدة على القنفة صافنة
على نزلتي رفعت عيونها تباوعلي
_مهجان:: راح تمشين للحوزة؟
_عاتكة:: اي فقار ينتظرني برا
هزت راسها ب اي ساكتة باوعتلها وحجيت ب استغراب
_عاتكة:: مهجة شبيج؟
_مهجان:: شبية؟
_عاتكة:: احسج مو على بعض بيج شي؟
_مهجان:: لا مابية شي
سكتت ماريد الح عليها ب السؤال يمكن تحب تحتفظ ب الموضوع بداخلها ودعتها وطلعت من الصالة شفت فقار واكف ب الحوش التلفون بيدة مبتسم بفرح
حجيت اباوعله
_عاتكة:: يلا فقار امشي
باوعتلة مركز ب التلفون ومبتسم
رجعت كررت كلامي
_عاتكة:: فقار يلا؟
جان ساكت احسة مايسمعني احسة بعالم ثاني
حجيت بصوت عالي مستغربة وضعه
_عاتكة:: فقااارر
_فقار:: ها ملاك
رفع راسة يباوعلي ب ابتسامة
عكدت حواجبي وضحكت
_عاتكة:: مو ملاك اني عاتكة
ابتسم وحجة بهيام
_فقار:: اتمنى الناس كلها ملاك
رفعت حواجبي بصدمة اباوعلة صافن ومبتسم
_عاتكة:: فقار هاي ملاك مفعولها سريع
ابتسم واشرلي نمشي
حجة يطلع من باب البيت
_فقار:: من اول نظرة بلش مفعولها
ضحكت بصدمة اخوي طايح مابيها مجال
صعد فقار ب السيارة واني صعدت
باوعلي وابتسم
_فقار:: ترا انا هم احبج
_عاتكة:: انا لو ملاك
_فقار:: انتِ وحدة من عيوني وهيا الثانية
ابتسمت شلت الكتب ارجعهن ب الجنطة كمل فقار كلامة
_فقار:: هيا عيني وكلشي بية
رفعت راسي اباوعله رفعت حاجبي وحجيت بعصبية
_عاتكة:: ها هااا هاي ملاك واني بس عينك
ضحك ساكت
توقعتة راح يبرر بس لا حتى مافكر يبرر يعني السالفة صح ملاك اجت اخذت معزتنا
مشة فقار بينة للحوزة الطريق كلة التلفون بيدة حسيتة يراسل ملاك من ابتسامتة مممم هذا اخوي الثكيل الرزن طلع يم ملاك غير
باوعت للطريق حجيت ب استغراب وتسأل
_عاتكة:: فقار ليش زوجة دلهب وجهالة مايعيشون ويا ب النجف
_فقار:: دلهب؟
_عاتكة:: اي هوا مو مزوج؟
عكد فقار حواجبة ب استغراب
_فقار:: دلهب مامزوج منو كال مزوج
_عاتكة:: ايلياا كاللل مزوج !!!
_فقار:: ماكوو هيج حجي عتوك اصلاً دلهب ماعايش ب النجف هوا عنده شغل هنا فترة يخلصة ويرجع
صفنت اسمع لكلام فقار يعني دلهب مامزوج زين شلون ايليا يكول مزوج؟
يمكن مايعرف وحجاها
ماعرف ليش حسيت براحة من عرفت دلهب مامزوج رغم هوا مايهمني بس حسيت بشعور غريب خلاني ابتسم بفرح
وصلت للحوزة اني وفقار كل واحد راح بجهه معينة
مشيت ب اتجاه الحوزة الكتب بيدي
فتحت الجنطة اطلع المسبحة من الجنطة
جانت عيوني على الجنطة مامنتبهه كدامي
سمعت صوت جاي من خلفي وكأنو الكلام موجه الي
_:: انتبهههي كدامج
وكفت بمكاني
التفتت للخلف اباوع شفت شخص واكف خلفي لابس ملابس الخدمة ب الامام
رفع ايدة اشر كدامي وحجة
_:: كدامج حايط
التفتت اباوع كدامي صدك جان الحايط بوجهي يعني لو مكملة مشي بدون مارفع راسي هسة اني مضروبة ب الحايط
هزيت راسي ب اي متشكرة منه كملت طريقي وهوا رجع بخطواتة دخلت للحوزة اخذت الدروس وطلعت ماشية للمكان الي انتظر فقار بية
شفت فقار واكف من بعيد مدنك راسة اجيت ب اتجاهه
_عاتكة:: ها فقار
_فقار:: ها عتوكة كملتي؟
_عاتكة:: اي ماعندي شي يلا نرجع
هز فقار راسة ب اي واشرلي نمشي استوقفنا صوت شخص من الخلف حسيت نفسي سامعة هذا الصوتت التفتت ومثل ماتوقعت نفسة الشخص الي شفتة مساع ونبهني من ضربة الحايط
مشة ب اتجاه فقار مبتسم
ابتسم فقار ومشه اله يتسالمون
_فقار:: هلا ب داوود
_داوود:: هلا ب السيد شلونك سيد مبارك على الخطبة
_فقار:: الله يبارك بيك ولو انا زعلان منك شلون ماجيت بس عاذرك
_داوود:: والله سيد بعد تعرف الوالدة تعبانة وماكدرت اعوفها واجي ان شاءالله على العرس نجيك انا والوالدة
ابتسم فقار وهز راسة
_فقار:: ان شاءالله والمرة الجاية ماكو اعذار
_داوود:: لا ان شاءالله ماكو اعذار.
حجو شوية وتوادعو
مشة فقار واني خلفة حجيت بتسأل
_عاتكة:: صديقك؟
_فقار:: داوود صديق الكل وعزيز عند السيد
هزيت راسي ب اي ساكتة رجعنا للبيت
وهيج مر الوقت بين كعدتنا والشغل والدروس
اتجمع الكل ب المصلى ب امر من السيد
جان السيد واكف وغل واكف بصفة
ابتسم السيد عيونة على غل
حجة
_عبد الرؤف:: ان شاءالله مابقى شي ونكمل فرحتنا ب غل
_غل:: ان شاءالله سيد
الكل جان فرحان لغل وقس ومنتظرين لعقدهم
التفت الكل على السيد معراج من حجة
_معراج:: ان شاءالله تشوف كل الخير غل
_غل:: ان شاءالله بوجودك سيد
ابتسم السيد معراج وحجة
_معراج:: ماعتقد انا موجود وقتها
عكد غل حواجبة ب استغراب والكل استغرب من كلام معراج
حجة السيد
_عبد الرؤف:: ليش ابني انت ويانا مو بعيد حتى ماموجود
_معراج:: لا سيد انا باجر راجع لايران
دنكت العلوية لباب راسها وعمتي جهاد كذالك
حجة فقار مب استغراب
_فقار:: ليش ترجع لايران مو بعد؟
_معراج:: لا ارجع انا جان عندي امل بسالفة لهذا جنت كاعد
اتحسر بحزن ورجع كمل كلامة
_معراج:: مالي خير بيها لهذا انا راجع لايران......
"" "" "" "" "" "" "" "" "
شلونهن المدللات؟
ان شاءالله كل الخير ♥
_نبدي نحلل البارت؟
اووووللل نقطةة
_مهره وين _.. 💬💬💬
ليش ماتظهر؟
وينن مهره؟؟ ياناس مهره وين؟
اني دوم اسولف على مهره ب التلي ودوم اوضحح اختفاء مهره شنو سببة لهذا مايحتاج اجاوب؟
نجي هسااا ندققق
_داوود _
ترا داوود خوش داوود ودورة جبير ب الرواية ركزولي علية مستقبلياً
_فقار وملاكي الجميلين _
واخييرااااً بعد صراعات طويلة صارت الهلاهيل
والسيد فقار طلع جانبة الرومانسي 🤣♥
_السيد معراج؟_
ممممممممم سيدنا عليك علامات استفهام ترااا
_قس _
حبيبتي الجميلة وعزيزتي 🤏🏻♥
ماعرف شنو اوصف المستقبل لقس لان
حاد وياها هواي 🤐🤐
هواي علامات استفهام فوك كل الابطال بس ماعدنا وقت نتسأل هنا لهذاااا تعالووو ب التلي نسولف وندقق بيهم
+++++++
اذا بحثتو عن قناة التلي وطلعت الصورة مختلفة ف لاتستغربون لان اني بين فترة وفترة اغير الصورة
مجرد تكتبون غسق ادريس تطلع قناتي كدامكم
شكرا لزيارتكم عالم روايات سكيرهوم
