رواية سراج السادة الفصل الخامس والثلاثون بقلم غسق ادريس
________________
كل من صبروا جُبروا بأشد ما ترجوه قلوبهم.
﴿ إِنَّ اللَّهَ وَمَلٰئِكَتَهُ يُصَلّونَ عَلَى النَّبِىِّ يٰأَيُّهَا الَّذينَ ءامَنوا صَلّوا عَلَيهِ وَسَلِّموا تَسليمًا ﴾
♥.
تصويت + التعليق بين الفقرات ومشاركة الرواية مابقى شي للمليونين 🤏🏻
خلونا ويا السادة
لاتنسون حساباتي بنهاية البارت احب اكبر عائلتي بيكم واحب اتعرف على مدلالات جديدات لمدلالاتي
" قس "
مسحت على وجهي بتعب
باوعت لقبس كاعدة على الفراش التلفون بيدها
صفنت عليها
معقولة قبس ما مستوعبة حجم المصيبة الي هيا بيها
معقولة مامهتمة لهل درجة
زين اني ليش هيج خايفة عليها
ليش ما اكدر انام
ليش تفكيري كله بمصيبتها وشنو رد فعل اخواني لو عرفو؟
كمت من مكاني عيوني عليها
رفعت راسها تباوعلي
عافت التلفون من ايديها ودنكت راسها ساكتة
مشيت ب اتجاهه
كعدت على الفراش عيوني عليها
رفعت عيونها تباوعلي
عكدت حواجبها وحجت ب استغراب
_قبس:: شبيج قس؟
_قس:: مصدومة منج
_قبس:: ليش؟
رفعت اكتافي ب ماعرف
ضحكت وحجيت
_قس:: مصدومة من هدوئج ورد فعلج الباردة على صخام وجهج
دنكت راسها شابكه ايديها
حجت
_قبس:: انتِ متوقعة اني مامهتمة وماخايفة بس ب الواقع اني كلش خايفة البارحه حتى مانمت من التفكير
_قس:: بس هذا كل الي طلع وياج؟
باوعتلي وصاحت بعصبية
_قبس:: يعني شسوييييي اكتل روحي ماتشوفين حتى شهاب ماموجود مختفي من يومين محد يعرف وينه؟؟؟؟؟
_قس:: هااا يعني انتِ خايفة على شهاب ماخايفة اخوانج وعمامج يعرفون يعني؟
سكتت عيونها بعيوني ماتعرف شنو تحجي
حجيت
_قس:: قبس احجي الصدك انتِ حامل؟؟
_قبس:: قابل مكذبة عليج ايي حاممملل
_قس:: يعني ب اردتج
_قبس:: لااا لا شنو ب ارداتي مو كتلج شهاب جبرني
_قس:: جبرج على شنو شلون جبرج شال عليج سلاح يعني؟
بلعت ريكها بخوف ساكتة
كملت كلامي مركزة على حركاتها
_قس:: وين تردين توصلين؟
_قبس': شنو؟
_قس:: فهمت لعبتج اني لاتحاولين
حجيتها وكمت من مكاني
باوعتلي بصدمة وخوف
كامت من مكانها واكفة مقابيلي غمضت عيونها ورجعت فتحتهن
حجت بخوف
_قبس:: لعبتيش شبيج قس؟
_قس:: كلشي عرفت ماكو داعي تكملين لعبتج سحر حجتلي كلشي عرفت الي تردي شنوووو
التفتت اطلع من الغرفة
سحبتني من ايدي بقوة تباوعلي بعصبية
_قبس:: شنوووو حجتلج سحر جذابةة هاي لاتصدكيها
بعدت ايدها عني بقوة
صحت بيها
_قس:: ااششششش اااشششش ولج شكد شايفة ناس حقيرة بس مثلج ماشايفة
انفتح باب الغرفة دخلت اختي قسار وقادسية للغرفة يباوعلي ب استغراب
حجت قادسية
_قادسية:: شبيجن شصاير؟
_قس': ماصاير شي بس جهزن ارواحتجن نرجع لبيت عمي مالنا كعدة هناااا بعد
اتخبلت قبس تصيح
_قبس:: مانرجععععع مانرجعععع نبقى هنااا
_قس:: لجج غصباً عليجججج ترجعيننن
_قبس:: مو بكيفجججج كتلج مانرجع
دفعتني من كتفي وطلعت تركض من الغرفة
باوعت لقادسية وقسار وصحت بيهن
_قس:: حضرننننن اغراضجنننن
_قادسية:: نرجع يعني؟
_قس:: ليش تردن تبقن ؟؟
_قسار:: لا خلينااا نرجع اني اريد ارجع
ركضن يجهزن ملابسهن واني طلعت من الغرفة اشوف قبس
نزلت الدرج اسمع صياح قبس وعركتها ويا سحر
من نزلت الكل التفت علية
صاحت مرت خالي ام شهاب
_سعاد:: انتِ شنووووو ولج واكفتلنه مثل الشوكة
_قس:: لعد اخليجن براحتجنن تقرن براس اختيييي
_فردوس:: قسسس كافييي ماما شبيج خليهم براحتهم واحد يحب الثاني شكو واكفتلهم وكفة؟
صحت بعصبية عيوني على امي
_قس:: شنووو من ام انتِ تعرفين ب شهاب تعرفينن سوالفةةة شنووو !!!!
_سعاد:: كلشييي مابي ابني صفحتة ابيض منج انتِ واختجج
_قس:: يعني ابو المخدرات احسن مني ومن اختي؟
انصدمن كلهن من كلامي
صارت وحدة تباوع بوجه الثانية
التفتت سعاد ب اتجاهي فاتحه عيونها بعصبية
_سعاد:: ولجج قسسس السانج اكصه الجج لو هيج حجيتي ابني ماعنده هيججج شي
_قس:: سولفيها على خالتج هاي
التفتت على قبس وصحت بيها
_قس:: يلااااا صعددديي راح اخابر عمي يجيناااا
_قبس:: روححيي انتِ اني ماروححح
سحبتها من ايدها بقوة اخذها وياي فوك
سحبت ايدها مني وركضت ضامة روحها خلف امي
صاحت بية قبس
_قبس:: ما ارجععع
هزيت راسي ب اي
والتفتت اصعد الدرج ركضت للغرفة
فتحت باب الغرفة اخذت تلفوني من الميز وطلعت من الغرفة افتح الرمز
نزلت الدرج اباوع لقبس حجيت بتهديد
_قس:: خليي يجي عمج واخوانج وعود كولي ماريد ارجع
وكفت على باية الدرج ابحث على اسم اخوي باسم اريد اتصل عليه
صرخت مفزوعه من انسحب التلفون من ايدي باوعت لامي تلفوني بيدها تباوعلي بعصبية
شمرت التلفون من ايدها وسحبتني من ايدي
صاحت
_فردوس:: ماكوووو طلعة مناااا لا انتِ ولا خواتج
_قس:: مووو بكيفج ما اكعد هناا ساعة وحدةة
_فردوس:: عودد نشوفف شلون تطلعين
_قس:: ترديننن نبقى هناااا حتى يجي شهاب ابو المخدرات يتحارششش ببنتجج مووو
توني كملت كلامي وماحس غير اجاني راجدي فززني من مكاني
التفتت على سعاد شفتها تباوعلي بعصبية وحقد
هجمت علي تسحب بشعري واني اصرخ
_سعاد:: منووو ابو المخدراتتت ولج منوو
_قس:: شعععريييي
دفعتها مني وطلعت اركض برا البيت ب الحوش اصرخ
وكفت بنص الحوش اصرخ بعلو صوتي
_قس:: ياااااا نااااسسس ياعالمممم شهاب يتعاطى مخدرااااتتت ولكمممم يتعاطى مخدرااااتتت وويتحارششش ببنات عمتههههه يااااعاللم
جرتني سعاد من شعري تسكتني ايدها على حلكي
وامي تضرب على خدودها
التمن علي كلهن
نامت سعاد عليه ايدها على حلكي والايد الثانية ترفس ببطني بجيت متوجعة عيوني على امي الي واكفة تباوعلي حتى ما حاولت ادافع عني وسلمى اخت سعاد فوك راسي تضرب على وجهي
صارت عيوني على قبس وخواتي واكفات يباوعلي بصدمة وخوف قادسية وقسار يبجن وقبس مصدومة ايدها على حلكها
عضيت ايد سعاد بقوة وبحركة كلب
بعدت ايدها متوجعة
صرخت بقوة
_قس:: لحكووونننننييييييي ياااا عالمممممم
صارت ايد سلمى على حلكي كاتمه صوتي جرني من الارض يدخلني للبيت واني احاول ابعدهن عني
توهن يدفعني للصالة واندفع باب البيت
التفت الكل على دخلة ياس وخاجية للبيت
ثنينهم جانو مصدومين عيونهم علينا
ركض ياس علينه يبعدهن عني واني ابجي متأذية من الضرب الي اجاني
دفع ياس سعاد وسلمى عني
حاطني ورا ضهره صاحن بي يردن يسحبني منه
ركضت للداخل الصالة
ركضت ب اتجاه تلفوني اخذتة من الارض ركضت اريد اصعد الدرج شفت امي اجت تركض ب اتجاهي
دخلت للمطبخ وقفلت الباب
سمعت صريخهن وصياحهن خلف الباب
فتحت تلفوني ايدي ترجف وصدري يصعد وينزل من الشهكة والبجي
صار كدامي رقم نضال اتصلت عليها ابجي بعد ثواني اجاني صوت نضال
_نضال:: لا هلا شتردين
_قس:: نن. ننضاللل لحكينيي
تغيرت نبرة صوت نضال للخوف
صاحت بية
_نضال:: ولجججج قسسس شبيج امج ماتتتت شكو!
_قس:: نضال كتلني امي ونسوان خوالي كتلني تعايي اخذيني نضال راحح يموتونيييي
صرخت مفزوعة من اندفع باب المطبخ بقوة
غلقت الاتصال ورجعت ايدي على كلبي اسمع بس صياح سعاد وامي برا المطبخ
حصرت روحي بزاوية المطبخ ارجف من الخوف ماتوقعت هيج يصير ماتوقعت هيح يتهجمون علي غمضت عيوني متذكرة الي صار البارحه
جنت كاعدة ب الحوش حاضنة رجلي لصدري عيوني على السما اتحسرت بحيرة شنو راح يصير لو اخواني عرفو ب الي صار
زين ليش قبس تتهرب مني كل ماحاول افتح وياها الموضوع وشلون اعتدى شهاب عليها تضل تبجي وتنهار
الي زاد حيرتي رد فعل امي وبرودها
ماجانت مهتمة بكل مرة احجي وياها تصدمني بردها
_قس:: زين شلون عرفتي هياا حامل و شنو رد فعل اخواني لو عرفو
_فردوس:: والله دوختيني ب اخوانج شنو يطلع ب ايدهم يعني نلم السالفة ونزوج شهاب وقبس وهاي هية مايحتاج الها روحة للقاضي
رفعت راسي على صوت سحر مرت خالي
_سحر::شبيج ليش كاعدة هنا
_قس:: مابية شي كعدت لان مايجيني نوم
كعدت بصفي باوعتلها وحجيت
_قس:: انتِ شسوين كاعدة؟
_سحر:: هم مايجيني نوم
هزيت راسي ب اي ساكتة
دارت سحر علي وحجت
_سحر:: بعدج مصدكة المسرحية الي صارت؟
عكدت حواجبي ب استغرب باوعتلها وحجيت
_قس:: شنو؟
_سحر:: مسرحية وجذبة اختج قبس!
صفنت عليها مافاهمة شي
هزيت راسي بلا وحجيت
_قس': مافهمت؟
_سحر:: قس انتِ اذكى من انو تعبر عليج هاي الجذبة
مسحت على وجهي وحجيت ب ازعاج
_قس:: سحر احجي بدون الغاز ترا دختت
_سحر:: اختج والكل جذابين شهاب مامتقرب لقبس ابد هاي الجذبة كلها لان عمامج وخوانج رافضين زواج قبس وشهاب
حجيت
_قس:: ليش شهاب خطب قبس؟
_سحر:: اي قبل كم وصارت مشكلة وانحلت
_قس:: احجيلي الليي صاررر كلة؟!
التفتت سحر تباوع خاف واحد يسمع
باوعتلي وحجت بهمس
_سحر:: باعي اختج وشهاب يحبون بعض من قبل وهاي انتِ تعرفيها.
قبل اسبوع هيج شي امج حجت ويا عمج محمد لان شهاب يريد يخطب قبس. عمج واخوانج رفضو تعرفين اخوانج بعدهم حاقدين على امج اجو اخذو خواتج من البيت.
يومين وامج تمرضت رجعن خواتج عند امج. قبل لاترجعين بيوم امج وسعاد واختج قبس اتفقو على ان يكولون شهاب مغت/صب قبس وهيا حامل حتى اخوانج اذا يعرفون مايكدرون يحجون
حتى شهاب وقبس يتزوجون
صفنت على كلامها مامستوعبة معقولة وصلت بيهن المرحلة لهنا؟
باوعت لسحر وحجيت
_قس:: متأكدة من كلامج؟
_سحر:: اكيد متأكدة
_قس:: اني الي اعرفه سعاد ماتحب امي ولاتحبنا شلون اقنتعت
صفنت سحر تفرك ايديها بتوتر
التفت تباوع للخلف
باوعتلي وقربت علي تحجي
_سحر:: شهاب جاي يتعاطى مخدرات من مدة واختج قبس تعرف
_قس:: مخدرات؟؟؟
_سحر:: اي وهاي اختج بايعه نفسها لدرجة هددت سعاد تشتكي على شهاب بتهمه تعاطي المخدرات اذا وكفت بطريقهم
فتحت حلكي بصدمة
ماعرف استوعب الي جاي اسمعه قبس مستعدة تسجن شهاب بس حتى تزوجة؟ معقولة؟
شنو نوع العلاقة الي بينهم لدرجة مستعدة تضحي بي المهم تزوج
رفعت راسي على صياح امي
_فردوس:: فتحي الباب قس خلينه نحجي
_قس:: اتصلت على نضاللل راح تجييي
_فردوس:: تخوفينننيي بنضال شنو ادوسج انتِ ونضال بنعالي. وليش هيج واثقة بجيتها هياااا من يمتى تحبجن وتجي ادافعلجن
سكتت اكل بشفايفي متوترة معقولة صدك نضال ماتجي؟ لالا نضال ماتسويها
مر الوقت واني على كعدتي اسمع صياح وتهديد امي وسعاد من برا
بقيت كاعدة بمكاني مأيسة جية نضال اكيد ماراح تجي حاولت اتصل عليها مرة ثانيه مغلق
حتى اخواني ماكو
مسحت دمعتي الطاحت بقهر
وصلت بيج المرحلة لهنا يا قبس
شكد حاولت اعذرج بيني وبين نفسي احاول اقنع روحي ب افعالج احاول اصلح مواقفج بداخلي ماجاي اكدر
رفعت راسي بصدمة احاول استوعب الصوت الي اجاني
هذا صوت نضال؟ نضال اي هاي نضال
كمت من مكاني اركض وكفت خلف الباب اسمع صياح نضال خارج المطبخ
فتحت باب المطبخ اباوعلهم جانن صافنات عيونهن على الكامرة
التفتتن يباوعلي بعصبية
ركضت اطلع للخارج ركضن خلفي امي وسعاد يردني يلزمني
طلعت للحوش اركض وهنا خلفي فتحت باب الحوش
سحبتني امي واني صرخت
_قس:: نضاللللل لحكينننييي نضالللل
_فردوس:: ولججج سكتييي
اندفع باب الحوش
فزت امي من مكانها تباوع لنضال
ابتسما بفرح عيوني على نضال
واكفة بباب الحوش بيدها صوندة خضرة
خلفها ثنين نسوان ضخمات طول وضخامة ووجهن ابيض على حمار وحدة شايلة بيدها خشبة والثانية مابيدها شي
باوعتلهن نضال وحجت
_نضال:: نونة وبسكوتة تعرفن شغلجن
هزن راسهن ب اي
حجت بسكوتة
_بسكوتة:: بظهرج ام مجتبى
رفعت نضال ايديها وصاحت
_نضال:: هااا ولجج فردوس كدرتج على البنات مووو
_فردوس:: طلعععيي برااا لا الم الناااسس عليج براا
_نضال:: ولجج اليوم اني الم الناس عليج اخلي الرايح والجاي يسمع حسج
ركضت نضال على امي ب الصوندة الخضرة
بعدت عنهن مصدومة
جرت نضال امي ونامت عليها دك ب الصوندة
ركضن سعاد وسلمى على نضال يردن يكتنلها
اشوف النسوان الي جايات ويا نضال ركضن على سعاد وسلمى
طلعت خاجية اتصرخ تريد واحد يفزع الهن
وياس واكف بعيد يباوعلهن بصدمة مايعرف شيسوي
عيوني صارت على قبس جانت تباوع لنضال بخوف جسمها كله يرجف
باوعت لنضال عضت امي من رجلها بقوة وامي تصرخ مفرفحة روحها غمضت عيوني متوجعة اكثر من امي
ركضت سعاد تدخل للبيت
جرتها بسكوتة من رجلها
انصدمت عيوني ماترمش من حركة بسكوتة خليت ايدي على حلكي مستحية من الي صار
اسمع بس صريخ سعاد
ركضت سحر ب اتجاهي ترجف عيونها مدمعة سحبت ايديها تحجي بتوسل
_سحر:: فدوة اروحلج قس خليهن يرحن الزلم التمو برا فدوةة اروحلج قس والله خوالج من يعرفون تصير مشكله
التفتت اباوع لنضال ركضت عليها اسحب بيها
_قس:: نضاالل كافي خلينة نروح فدوة اروحلج نضاللل
_نضال:: ولججج خل اعضهااااا
_قس:: شبيججج نضال جوعانة اامشيييي نروححح
كرصت نضال امي من خاصرتها خلتها تفرفح
باوعتلي وصاحت
_نضال:: طلعي انتِ وخواتج برااا بسرعة
هزيت راسي ب اي وركضت على خواتي
الي جانن مصدومات مالهن رد فعل
صحت بيهن
_قس:: صعدنننن يلاااا جيبننن غراضجنن
_قادسية:: ولج قس نضال كتلت امي
_قس:: اممشيييييي
ركضن قادسية وقسار
التفتت على قبس بخزرة
اتراجعت بخطواتها للخلف خايفة
ركضت اصعد الدرج
صعدت للغرفة اخذت شالي والبشت البسهن بسرعة
وخواتي وياي يتراكضن
اخذنا العدنا ونزلنه نركض
طلعت للحوش شفت خاجية واكفة بنص امي ونضال تتوسل للنضال وتتراجها تبعد
رفعت نضال راسها باوعتلنا وصاحت
_نضال:: يلاااا برا صعدن ب السيارة
_قس:: نضال قبس ماتقبل تجي
_نضال:: للليشششش ماتقبلل
صاحت نضال بقبس
_نضال:: تردين تبقين؟؟
_قبس:: لالا والله اجيييي
_نضال:: سريعععع
طبت قبس جوا تركض واني والبنات طلعنا للشارع اباوع الناس واكفين من بعيد يباوعون للبيت
شفت السيارة واكفة كدام البيت
فتحت باب السيارة صعدت اني والبنات ب السيارة اهز برجلي متوترة
طلعت نضال بيدها قبس وخلفها نونة وبسكوته
صعدن ب السيارة صاحت بسكوتة ب السايق
_بسكوتة:: امشيييي يلللللاا
شغل السايق السيارة وطلع بيها خلف انظار الناس كلها
التفتت نضال تباوعلي
_نضال:: هااا ولج خوو ماتأخرت
_قس:: عبالي ماتجينننن
_نضال:: لا ليش ماجي اني جنت رايدتها من الله احط امج واكتلها.وهاي نونة وبسكوتة ماقصرن اجن وياي
باوعت لنونة وبسكوتة وحجيت
_قس': حرام عليج هذن نونة وبسكوتة
التفتت علي نونه تباوعلي
_نونة:: شكلتي ولج
_قس:: ماحجيت اصلاً
سكتت نونة تباوعلي صفح ضحكت نضال والسايق
يضحك وياها
باوعت لقبس صافنة تباوعلي بخوف تفرك ب ايديها
انتِ بلشتي بيها يا قبس
" عاتكة "
رفعت عيوني اباوع للعلوية لباب مكتفة ايديها تباوع لمعراج
باوعلها معراج سحب راسها باسها باوعلها وابتسم
_معراج:: لاتطولون بكعدتكم
_لباب:: معراج حبيبي لاترجع
_معراج:: ما اكدر علوية
_لباب:: بالي يضل يمك
_معراج:: ليش صغير انا ولا تنسين اسراء وعمران وياي
هزت العلوية لباب راسها ب اي ساكتة
رجع معراج حضنها لصدرة مبتسم
دمعت على منظرهم العلوية لباب تمسح بدموعها ومعراج يضحك
باوعلها وحجة بضحكة
_معراج:: ماراح اموتتت علوية
_لباب:: لايمة لاتحجييي هيج تأذي كلبي
_معراج:: اي لعد ليش البجي فترة وتلحكيني انتِ والبنات
سكتت العلوية لباب ومعراج يبوس براسها
مشن حفيدات العلوية لباب يودعن عمهن حضنهن يوصي بيهن وهنا يمسحن بدموعهن
جانن حيل متعلقات ب السيد معراج ماردنة يرجع لايران حاولو ويا حتى يبقى بس لا السيد معراج جان مصر على السفر
طلع السيد معراج من البيت الجنطة بيدة يسحب بيها
حضنة السيد لصدرة يودعة والسادة متجمعين حولة يودعو
بيومها سافر السيد معراج راجع لايران
محد جان يعرف سبب رجعتة وسبب حزنة وقتها جان رافض يحجي السبب شكد حاولو ويا رفض يحجي شي
مرت الايام ورجعنا لروتينا القديم
رجعت للحوزة بعد ما اتعافيت من اصابتي
مشيت ب اتجاه الحوزة خلفي مهجان
تحجي ب انزعاج
_مهجان:: عاتكة كتلج ذكريني
_عاتكة:: نسيتتت يمعودةة
_مهجان:: هسة عمتي ترزلنه
_عاتكة:: ترزلج انتِ اني شكو
التفتت على مهجان شفتها تباوعلي مخنزرة ابتسمت اضحك. رفعت حواجبي وحجيت
_عاتكة:: يلا اني احجي وياها حتى ماترزلج
_مهجان:: عاتكةةةة
_عاتكة:: مهجاننننننن
مشينا ب اتجاه الحوزة اخذنا الدرس وطلعنة اني ومهجان عمتي ماجانت ترجع ويانا لان هيا تبقى عكسنا ناخذ الدرس وندرس ونرجع
صارت رجعتنا على درب صحن الامام
هنا فقار ينتظرنا
باوعت لمهجان واكفة خلفة مدنكة راسها عيونها ب الارض
سمعت صوت فقار
التفتت على مصدر الصوت شفت فقار واكف وداوود بصفة مشو ب اتجاهنا ثنينهم
باوعلي فقار وحجة
_فقار:: ها علويات
_عاتكة:: ها سيد
_فقار:: يلا امشو نرجع. يلا داوود ويانا
_داوود:: لا سيد مشكور كمل دربك
_فقار:: ابدد كتلك وياي يعني وياي غيرها انسى
هز داوود راسة ب اي ودنك راسة
باوعلي فقار واشر نمشي
مشيت اني ومهجان خلف داوود وفقار
مشينة ب اتجاه سيارة فقار فتحت باب السيارة صعدت اني ومهجان ورا وفقار وداوود كدام
مشة فقار بينة جنا اني ومهجان نسمع لسوالف داوود وفقار. باوعت من الجامة عيوني على الطريق
دنكت راسي اكلب ب الكتب العندي
حسيت بفقار يخفف من سرعة السيارة
رفعت اباوع لفقار نزل جامتة وطلع راسة من الجامة
باوعت دلهب وثنين زلم معضلين واكفين بنص الشارع جكايرهم ب ايدهم يسولفون
دك فقار هورن
التفتو الثلاثة على فقار رفع فقار ايدة يسلم عليهم
ردو السلام ورحبو ب فقار
حجة فقار
_فقار:: محتاجين شي شباب؟
_دلهب:: حبيبي سيد سلامتك
_داوود:: هااا دلهببب
نزل دلهب راسة يباوع لداوود رفع ايدة ورد على داوود
_دلهب:: هلا ب المؤدب
_داوود:: هلا ب الدفان
_دلهب:: حبيبي دفان ولا مؤدب
_داوود:: مؤدب ولا دفان
حجة فقار عيونة على دلهب ومرة على داوود
_فقار:: يابةة كافيي
_دلهب:: شيسوي هذا يمك مو يستحرم من المواصلات
_داوود:: يمتى مستحرم من المواصلات؟
_دلهب:: ليش من كتلك تعاي وياي اوصلك لبيت عمك تكلي لا ماركب هاي الشاحنات
_داوود:: ليش انت تذكر بيمن ردت توصلني؟
سكت دلهب مصغر عيونة
حجة فقار ب استغراب
_فقار:: بيمن راد يوصلك؟
_داوود:: بباسكل للبصرة بباسكل !!!!
_دلهب:: يمعود هوا بقى باسكل سالم دعم الستوتة بي بقى بس التاير يدور وحدة
ضحك داوود يباوع لدلهب ودع فقار دلهب والولد حتى يكمل طريقة
رفع دلهب يودع فقار وداوود
صارت عيون دلهب ب اتجاهي
عكد دلهب حواجبة ب استغراب
درت عيوني منة ماعرف شلون صارت عيوني على داوود ردت اشرد بعيوني من دلهب بس
مشة فقار واني بقيت مركزة عيوني كدام
مابعدت عيوني الى بعد ماطلعنا من الشارع
حسيت بعيون دلهب تلحكني
وصلنا للبيت ومر اليوم مثل غيرة من الايام
ثاني يوم الكل جان مجتمع ب المصلى
باوعت للسيد استمع لكلامه اني وكل الموجودين
_عبد الرؤف:: عدكم شي بعد
_غل:: لا سيد كلشي جاهز
هز السيد راسة ب اي ابتسم السيد بفرح يباوع للكل
_عبد الرؤف:: هاي السنة خير علينا
_ايليا:: سيد احنا اذا ردنا نفرحك نزوج لان ماكو شي يفرحك غير الزواج
_غضيمر:: الاستقرار ثم الاستقرار
ضحك السيد بفرح
هز راسة ب اي وحجة
_عبد الرؤف:: اريد اشوفكم مستقرين بحياتكم. اريد اشوف اطفالكم قبل لا اموت
_فقار:: عمرك طويل سيد ان شاءالله يوم التشوف احفاد احفادك
هز السيد راسة ب اي مبتسم
مرت الايام وعمتي والعلوية لباب ورنا ام جادح مشو لبيت عم القافيات حتى يحددون موعد الخطبة
ب اليوم الثاني جنت كاعدة بغرفتي اكلب ب التلفون
اجاني اشعار مكالمة جماعية من كروب المجاهدات
فتحت المكالمة البنات كلهن صاعدات ب المكالمة صارت المكالمة فيديو خليت التلفون كدام وجهي
اباوع لملاك تباوعلنه وتعلج رافعة حاجبها
حجت قس ب انزعاج
_قس:: علجي عدل جنج نعامة
رفعت ملاك ايدها الي بيها الحلقة حطتها كدام الكامرة تحجي
_ملاك': ها العفو العفو حلقتي طفرت يمجن العفو
_عاتكة:: هاي الحركات تجي بكج للمخطوبات
_شاهيناز:: ملاك وجهج ماكو بس الحلقة
_مهجان': ملاككك شفنااااا الحلقةةةة
_قس:: يمعودات هاي شلون تنزل من المكالمة اريد اطردها
فتحت قدس الاتصال تباوعلنه صفح
_قدس:: ها العوانس
_عاتكة:: استغفرالله ربي واتوب اليه
_قدس:: شبيجن ها شبيجن مقهورات
_ملاك:: عوفيهن قدس عوفيهن غيورات
حجيت موجهه كلامي لقس
_عاتكة:: قس يمتى حددو موعد الخطبة
_قس:: الاسبوع الجاي يعني راح ادخل القفص الذهبي وانتن ابقن دورن مستقبل
صاحت شاهيناز بيهن وهنا يضحكن
قدس وملاك كل شوي يرفعن الحلقة ب ايديهن ويرفعن حواجبهن
ثاني يوم السيد انطى علم لكل اقاربنا والسادة بخطبة غل وبدى الكل بتجهيز نفسة للخطبة
.....
" ملاك "
ابتسمت لا اردي
بس شفت فقار واكف بباب البيت يباوع لسيارتنا من بعيد
وكفت السيارة كدام بيت السيد عبد الرؤف
نزل ميزان وابوي من السيارة يتسالمون ويا فقار والسادة
فتحت باب السيارة عيوني على فقار جان يحجي ويا ميزان ب ابتسامة واسعة
صارت عيونة علي بقى على ابتسامتة حسيت هاي الابتسامة الي مو لميزان
وكفت خلف ميزان اخوي عيوني على فقار
باوعلي فقار وحجة
_فقار:: شلونج بوية ملاك
_ملاك:: الحمدلله سيد بخير وانت شلونك
_فقار:: الف الحمدلله
دنكت راسي ومشيت اعبر حتى ادخل البيت
شفت ايليا صار وكف كدام ميزان يحجون سوا
سحب فقار خطواته للخلف يمشي وراي
حجة بهمس يسمعني
_فقار:: صرت بخير من شفتج
عضيت على شفايفي بخجل دنكت راسي ودخلت للبيت
لاول مرة ادخل ببيت السيد عبد الرؤف بشعور مختلف بكل مرة ادخل واني خطار مو مثل شعوري واني خطيبة حفيد هذا البيت
صارت كدامي قدس بيدها الجنطة تريد تدخل للبيت
التفتت على دخلتي فتحت عيونها بفرح
_ملاك:: هلا ب المزدوجة
_قدس:: هلا ب المخبوطة
ضحكنا اني وياها وحدة تحضن الثانية
باوعتلي وحجت
_قدس:: تعايي البنات جوا
سحبتني من ايدي للداخل
شفت البنات ملتمات ب الصالة يرحبن ب البقية
باوعتلي عاتكة وضحكت بفرح
_عاتكة:: اجتتتت زوجةةة اخوووييي
رفعت حلقتي ببوجهم وحجيت بضحك
_ملاك:: السلام عليكمممممم
ضحكن البنات كلهن اجن ب اتجاهي يسلمن علي واني احضنهن بفرح
جنت فرحانة يمكن فرحتي لان شفت فقار مو لان شفت البنات
ضربتي شاهيناز على ايدي بقوة
_شاهيناز:: لاتفكرين بصوت عالي
_ملاك:: ها سمعتني؟
_عاتكة:: صوتججججج عااللليييي
_مهجان:: فرحانه بشوفة فقار مو بينا يحضي
ضحكت مصدومة من نفسي هاي شبيج ملاك عود جاي تحجين ويا نفسجج
مر الوقت واني والبنات صعدنا لغرفة عاتكة نرتاح
منتضرين جية البقية جنت كاعدة على الجرباية اسمع للبنات
جاني صوت اشعار من التلفون
فتحت التلفون شفت الاشعار من الوتساب
شفت فقار مراسلني
كاتب
_💬 فقار:: منتظرج بغرفتي
فتحت عيوني بصدمة
طفيت التلفون وخليتة بحضني صافنة شنو منتظرني ب الغرفة ياعيب الشوم عليك سيد فقار هاي واني علوية وانت سيد شمتوقع يعني راح اجي؟
نزلت من الجرباية ومشيت اطلع من الغرفة فتحت باب الغرفة وتمشيت لغرفة فقار
يعني اكيد راح اجي هوا خطيبي مو غريب وهذا السيد فقار ماينخاف منة
وكفت كدام باب الغرفة متوترة ماعرف ادخل لو لا هسة شيكول بس كتلها تعاي اجت تركض
امداج ملاك جان بعتي ثكل شوي بسرعة اجيتي تركضين
قررت انسحب وارجع لغرفة عاتكة
درت ظهري اريد ارجع بخطواتي
انفتح باب غرفة فقار التفتت شفت فقار واكف بباب الغرفة التلفون ب ايدة باوعلي وابتسم
_فقار:: عود اجيتج للغرفة
_ملاك:: ها؟
_فقار:: تعاي
سحبني من ايدي للغرفة انصدمت جسمي يرجف بخوف ما اريد اريد ارجع فقار جاي يخوفني بحركاتة هاي
سد باب الغرفة شمر تلفونه على الجرباية باوعلي مبتسم
ما انطاني مجال احجي وسألة شنو رايد سحبني لصدرة
حاضني بقوة
بقيت متصنمة بمكاني مصدومة من فعله وحركتة
حجة بشوق ولهفة
_فقار:: مشتاق انا لملاكي
بعدني عن صدرة باوعلي عيونه تتوزع على وجهي طبع بوسة على جبيني
فتحت عيوني بصدمة ضحك على رد فعلي
_فقار:: حلالي
_ملاك:: انت مو سيددد
_فقار:: وشنووو السادة مايبوسون ؟
سكتت خجلانة منة
مسحت على وجهي بخجل هاي شبيج ملاك ماعرفتج من يمتى انتِ تخجلين
معقولة الخجل واجب بهاي الحظات؟ اي اي اكيد لازم ابين اله حيائي وخجلي
باوعتلة وحجيت بخجل صوتي ناصي
_ملاك:: ليش ردتني؟
_فقار:: ما انطاني كلبي تجين وماحضنج واسلم عليج
_ملاك:: بس انت سلمت عليه اول ماجيت
_فقار:: هذا مو سلام المحبين. هذا سلام المحبين
حجاها ورجع طبع بوسة على جبيني
رجعت للخلف خجلانة منة صحت بي رافعة اصبع ايدي
_ملاك:: فقفاااررررر
_فقار:: عيونة انتِ
_ملاك:: لا كافي فقار صدك كافي
_فقار:: شمسوي انا؟
سكتت عنة اباوعله بخزرة
كتف ايدة يباوعلي مبتسم هز راسة وضحك يمشي ب اتجاهي
_ملاك:: لا تقربببب
_فقار:: لا هاي هية عقلت ماسوي شي
سحبني من ايدي ومشة ب اتجاه الجرباية
كعدني على الجرباية وكعد نايم على رجلي
رجف جسمي كلة خوف؛ توتر؛ خجل
كلهن التمن سوا
بقيت جامدة بمكاني
حجة فقار يكسر التوتر الي صار
_فقار:: تدرين شكد جنت متمني هاي الحظة قبل
_ملاك:: قبل؟
رفع راسة يباوعلي حجة مركز عيونة بعيوني
_فقار:: اي قبل
_ملاك:: يمتى يعني
_فقار:: مممم يعني من اول يوم شفتج
_ملاك:: اول يوم شفتني من جنت ببغداد؟
_فقار:: قبلها انا شايفج
عكدت حواجبي ب استغراب مامتذكرة ملتقية بفقار قبل. خلة ايدة على وجهي يمسح على خدي بهدوء
حجة
_فقار:: جان عدنا مجلس انا ومفرقد ببغداد جنت كاعدة ب السيارة ومفرقد كاعد يمي
شفت ابوج واكف كدامنا يحجي ويا ميزان اخوج اجيت انزل اسلم علية بس اتراجعت بخطواتي
حجيت ب استغراب
_ملاك:: ليش؟
_فقار:: شفتج اجيتي انتِ وامج تركضين الابوج تشكين اله من ميزان وقتها تعاركتو انتِ وميزان ب الشارع
ابتسم متذكر الموقف
كمل كلامة
_فقار:: حاولت هواي اشلع عيوني وابعدها عنج ماكدرت وقتها بجيتي لان ابوج رزلج على المكياج الي تارسة وجهج بي
صفنت متذكرة كلامة اتذكر هذا الموقف بس ماتذكر شفت فقار وقتها
رجع حجة
_فقار:: بردت مشاعري ونسيتج. بس رجع نفس الاحساس واقوة بيوم دخلتي للمجلس وانا كاعدة
ببيتكم
_ملاك:: يعنيييي سيد فقار طايحح من يومهاا
_فقار:: سيد فقار انجلط من يومها
كام من حضني باوعلي وضحك
_فقار:: انجلطت من السيد قرر يخطبج ل ايليا اخوي
_ملاك:: ايليا؟؟؟
_فقار:: اي اتخبلت وقتها. ومااا ارتاحيت الى من خليت هاي الحلقة ب ايدج
اخذ ايدي من حضني باوع للحلقة باس مكان الحلقة ورفع عيونة يباوعلي
ركزت عيوني بعيونة مرت ثواني من تبادل النظرات قبل لا عمتي جهاد تقتحم الغرفة
كمزنا اني وفقار من مكانة عيونة على عمتي جهاد جان التلفون بيدها مامنتبه رفعت عيوني
باوعتلنا بصدمة
دخلت للغرفة تباوعلي وتباوع لفقار
_جهاد:: ادبسززية
_ملاك:: عمةةةةة هذااا فقااارررر
_فقار:: ملاك؟؟
طفرت من مكاني وركضت خلف عمتي خليت ايدي على ايدها واشرت على فقار
_ملاك:: انييييي معلية هذا فقار اني بنية فقيرة
_جهاد:: ما تستحي انت
_فقار:: شسويتتت انا
_جهاد:: بنات العالم عندك لعبة
_فقار:: حلالللليييي
وكف فقار يباوعلي كاتم ضحكتة
حجة بأسف
_فقار:: بعتيني ملاككك
_ملاك:: لااااا فقار مابيعك اننييي
مشيت لفقار اخذت ايدة ب ايدي اباوعلة بحزن
_ملاك:: ماعوفك
_جهاد:: يايااا ياااااا ولج
_فقار:: احبج انا
_ملاك:: اي ادري
صرت خلف فقار خايفة بعد ماشفت عمتي جهاد اجت ب اتجاهنا رافعة ايديها
_جهاد:: انتممممم ماتستحونننن كدامي ولكم كدامي
_ملاك:: عمةةةة كدامج ولا بظهرج
_فقار:: حلالييي عمة
_جهاد:: شلون يخليني اكتلة هوا وحلالة هسة
ضحك فقار وسحبني خالني كدامه
خلة ايده على كتفي وحجة يباوعلي
_فقار:: انا بظهرج دوم محد يوصلج
_جهاد:: هاي عليمن؟
_فقار:: جاي اضرب الها مثل للمستقبل حتى تعرف انا وياها دوم
_جهاد:: مممم خوش لعد. فقار رايدتك بموضوع
باوعلي فقار وحجة ب ابتسامة
_فقار:: ملوكة روحي ارتاحي
_ملاك:: ايي يلا
مشيت اطلع من الغرفة التفتت اباوع لعمتي جانت فاتحه التلفون بوجه فقار
فقار عيونة على التلفون عاكد حواجبة
صارت عيونة علي
دنكت راسي وطلعت من الغرفة اركض دام مايردوني اسمع لموضوعهم يعني مايصير اسمع
" قس "
طلعت من الغرفة اركض على نضال
باوعتلها وصحت
_قس:: بعد اذا تحجين وياي اخلي سيد غل يدعي عليج
_نضال:: الله اكبر على راسج قس
هزيت كتفي كدامها اريد اغني
استوعب حركتي ووكفت هادئة
_قس:: لا يجوز
_نضال:: الك بيها ارداة ربي من خليت السيد يخطبها يمكن تعقل على ايدة
كعدت بصفها مبتسمة
مابقى شي يومين بس
رفعت راسي اباوع لنضال
_قس:: نضال ترا اني عاقلة من قبل
_نضال:: اني حالفة وناذرة اذا تزوجين اذبح دجاجتين صدقة لوجه الله
_قس:: نضال تر....
سكتت اباوع لعلي ابن باسم وكف بنص الصالة نازع ملابسة يهز بروحة
همست نضال تسمعني
_نضال:: هذا الولد يمكن مضرور
_علي:: بيبي شوفي.......
_قس': زين ليش لونه اخضر؟
_نضال:: دفعة الامام علي
_قس:: نضال ترا امه جابته عمليات
سكتت نضال تباوع لعلي
باوعتلي وحجت
_نضال:: خاف هاي امج ادعي علينة وطلعت بعلي لان مامعقولة حركاتة مال صاحين
_قس:: البارحه سمعتة يحجي ويا روحة من سألتة يكلي احجي ويا صديقي
_نضال:: احتركت روحة من صديق 24 ساعة صاحي لا ينام لايستريح شنو ماعندة شغل وعمل
باوعت لنضال وحجيت بهمس
_قس:: نضال لايسمعج
_نضال:: سكتي يلا كومي شغلي التلفزون على سورة البقرة
سكتت اباوع لعلي مستمر بحركاتة العشوائية
اخر شي طلعت امه من الغرفه كتلته ودخلتة للغرفة حسيت براحة واني اسمع يبجي لان علي للامانة يخوفني هوا وحركاتة
مرن اليومين واجه اليوم المنتظر يوم الخطبة خطبتي اني وسيد غل جنت كل يوم ادعي ماتطلع سالفة تخرب هذا اليوم جنت منتظرته بفارغ الصبر
رجعت من الصالون اني ونضال وقادسية
دخلت للغرفة اباوع لنفسي ب المراية كلش راضية عن اطلالتي
فستاني سمائي فاتح اكمامه طويلة
الفستان جاي بقطعتين قطعة مفصلة على الجسم ومخصرة والقطعة الثانية نازلة من جوا الخصر للرجلين نفخ والشعر مفتوح ومبروم من جوا
والمكياج سموكي
طلعت من الغرفة
كعدت ب الصالة على الكرسي عيوني على الموجودين النسوان الي كاعدة والي تركص
والي تسولف وتاخذ غيبة
والجهال يتراكضون بنص الصالة ونضال تركض وراهم سودة علية نضال دوم متعوبة
اتصلت اختي قدس عرفت مابقى شي ويوصلون جهزت نضال والنسوان الضيافة حتى يستقبلون العلويات والزلم برا منتظرين جية السادة
اقل الساعة ووصلو العلويات والسادة صعدن خواتي يشوفن المشية واني باقية جوا كوا كاعدة كل ما اريد اكوم تصيح بية نضال مانعتني اصعد
بقيت على كعدتي اهز برجلي متوترة من جيتهم
من صارت السالفة صدك بديت اتوتر
رفعت راسي على دخلة العلويات عيوني صارت على اختي قدس دخلت مبتسمة ادورني بعيونها
من شافتني وركضت ب اتجاهي فرحانة كمت من مكاني احضنها بفرح
اجن العلويات ب اتجاهي يحضنني ويتباركن واني ارد عليهن
باوعت قدس للبنات وحجت
_قدس:: مساع اني جنت وياكم من اهل الولد هسة تعذروني اني من اهل البنية
_شاهيناز:: باعت القضية بسرعة
التفتت على العلوية جهاد حضنتني تبارك الي بفرح وابتسامة. اجت رنا ام غل تسلم علي فرحانة واني ارد عليها بهدوء خجلانة منها
كعدت بمكاني بعد ما سلمت على العلويات
طفن نسوانا الاغاني
وشغلو زواج النور لباسم الكربلائي
بقيت كاعدة بمكاني عيوني على البنات اهز برجلي
مر الوقت وكالو راح يجي السيد يعقد
كمت من مكاني نضال تغطي بية
مشيت خلف العلوية جهاد
كعدت على الكرسي استمع لصوت السيد جان السيد عبد الرؤف هوا الي يعقد النا
جنت كاعدة على نار اهز برجلي متوترة
ماعرف شصار بية وليش هيج تغير مزاجي حسيت بخنكة مو طبيعية حسيت مكاني غلط وكعدتي غلط
خليت ايدي على كلبي متوجعة ما اعرف شصار بية ليش هيج جاي احس ليش
غمضت عيوني مختنكة
حسيت ب ايد صار على كتفي رفعت عيوني اباوع للعلوية جهاد. جانت عاكدة حواجبها تباوعلي همست ب اذني
_جهاد:: قس شبيج بنيتي؟
_قس': ما اعرف علوية مختنكة
_جهاد:: تكومين ؟
_قس:: راح يعقد السيد
_جهاد:: عادي نتأخر شوي ماكو مشكلة
هزيت راسي ب اي اريد اغسل
كومتني العلوية جهاد من مكاني استغرب الكل
مافاهمين ليش كمت فهمتهم العلوية جهاد وضعي
مشيت اني والعلوية ب اتجاه المطبخ منعت العلوية وحدة تجي ويانا حتى اكدر اتنفس براحة
دخلت للمطبخ
اجر نفس
خليت ايدي على كلبي ياربي ليش هيج جاي يصير شبية رفعت راسي على العلوية جهاد باوعت لكاسة الماي بيدها اخذت الكاسة من ايدها اشرب
كعدت على الكرسي احاول اتنفس والعلوية جهاد بصفي تمسح على صدري
دخلت العلوية لباب للمطبخ مستغربة
باوعتلي وحجت
_لباب:: ها بنيتي قس شبيج
_جهاد:: مختنكة عمة حقها برا هوسة ماكدرت تجر نفس هسا ترتاح وتطلع
هزت العلوية لباب راسها ب اي توها تحجي ورن تلفونها
طلعت التلفون من جنطتها تباوع للمتصل
_لباب:: هاي اسراء تتصل
فتحت الخط خلت التلفون على اذنها تحجي ويا اسراء
دنكت راسي اهز برجلي كلشي تغير مزاجي كلة تغير بمجرد كعدت على الكرسي حتى اعقد اختنكت هيج
رفعت راسي على صوت العلوية لباب
ضربت على صدرها بخوف وحجت
_لباب:: ولج يمة شبي اخوج غير تحجيلي.... يااا حبيبي سودة علية.. وهسة شلون صاررر..... احجي الصدك اسراء خو ماتعبان؟.... هاي هية بعدين اخابرة احجي ويااا.. تمام تمام يلا مع السلامة
سدت العلوية لباب الخط مقهورة
حجت العلوية جهاد ب استغراب
_جهاد:: شبي معراج؟
_لباب:: ماعرف شبي اسراء تكول اليوم الصبح كلة يتقيأ ومساع متخربط ونقالي للمستشفى تعبان
سكتت العلوية لباب مقهورة على ابنها معراج
والعلوية جهاد اكتفت كذالك ب السكوت
مر الوقت كمت من مكاني باوعتلي العلوية جهاد حجت
_جهاد:: ها شلون صرتي؟
_قس:: احسن
_جهاد:: متاكدة؟
_قس:: اي علوية
هزت راسها ب اي
سحبتني من ايدي مطلعتني من المطبخ مشت العلوية لباب كدامنا واحنا خلفها
رغم بعدني احس ب الخنكة بس ما احبيت اطولها والكل منتظر برا والسيد منتظر
رجعت كعدت على الكرسي اكمل العقد
حجة السيد
_عبد الرؤف:: ها بابا قس خو مابيج شي؟
_قس:: لا سيد مابية شي
_عبد الرؤف:: متأكدة بنيتي احنا نريد راحتج مايهم حتى وان اتأخرنا على العقد اهم شي راحتج هنا
_قس:: لا سيد زينة مابية شي
_عبد الرؤف:: ان شاءالله دومج زينة بنيتي يلا نبدي ب العقد؟
حجت العلوية لباب بمكاني
_لباب:: اي سيد ماعدنا شي
بلش السيد ب العقد جانت مشاعري هل مرة مخربطة مو مثل قبل حسيت بخنكة موو طبيعية باوعت للبنات كلهن فرحانات وقدس اكثر وحدة فرحانة بهذا العقد
سيطرت على شعوري مااريد شي يخرب فرحتي وفرحتهم استجمعت كل قوتي حتى ابعد الافكار السوداوية عني
نطقت مأكدة قناعتني وارداتي بهذا العقد وترابطي ب السيد غل
كمت من مكاني امشي بخطوات ماجنت مفكرة امشيها
شعور بداخلي يكلي ليش وافقتي هذا مو مكانج
وشعور ثاني مأيد موافقتي وفرحان
طردت الافكار كلها من راسي ورفعت راسي مبتسمة اباوع للبنات
كالو السيد غل راح يدخل عدلت كعدتي ومدنكة راسي متوترة مامستوعبة الي صار ولامصدكة يعني خلاص العقد كمل واني غل صرنا مخطوبين؟
رفعت راسي اباوع لغل دخل للصالة مدنك راسة بخجل
جان لابس بدلة رسمية سودة وجواها قميص ابيض
ابتسمت اباوعلة جان جميللل وانيق بشكل
حسدت نفسي على اختياري
رفع عيونة باوعلي وابتسم
كمت من مكاني وكف كدامي باسني من كصتي وهمس ب اذني
_غل:: مبارك لكي. صرتي جزء من السيد غل
دنكت راسي بخجل ما اعرف شنو ارد حسيت الكلمات اختفت وقتها
كعدنا وغل على الكراسي سحب ايدي ماخذها ب ايدة
بدينا بتلبيس الحلقات
وبعدها ب بمراسيم الكيك والعصير كلشي جان تمام
ارتاحيت شوي فرحانة
باوعت للبنات يباوعلي ب ابتسامة وفرح
رفعت ايدي مبتسمة البنات يباعن للحلقة بيدي. التفتت على غل من اخذ ايدي ب ايدة باوعلي مبتسم
حجة بهمس
_غل:: رسمياً صرتي حلال السيد غل
باوعت بعيونه مركز عيونة بعيوني ابتسمت بوجهه رجعلي الابتسامة
درت عيوني منة اباوع للكيك ماعرف شنو جاي يصير بس الي شعوري حالياً احلى شعور عشتة عمري كلة
طلع غل من الصالة
كعدت رنا ام غل بصفي تبوس بية فرحانة واني اردلها الابتسامة
باوعت للبنات متجمعات عند باب المطبخ يفاككن بين ملاك وشذى ماجنت اسمع صوتهن بس اشوف حركاتهن
عضت ملاك على اصبعها تهدد شذى
طلعت شذى سنونها تعيب على ملاك
تخبلت ملاك تريد تكتل شذى
مشت العلوية جهاد ب اتجاهنن ترزلهن وهنا وحدة تخزر ب الثانية
انقهرت لان ماشاركت ب المشكلة بس يلا على غير مرة مبين شذى مشاكلها ماتخلص
انتهى هذا اليوم بفرح رغم الشعور الي حسيت بي وقتها بس كلشي تغير من شفت غل
باوعت للحلقة بيدي مبتسمة
فتحت التلفون ارد على المباركات
دخلت على برنامج الفيس اكلب
ماعرف شلون اخذتني ايدي لصفحة السيد معراج
شفته ناشرة قصيدة لباسم الكربلائي
. مثل نار الغضى نيران فركاهم.
. لون بيدي يصح جان امشي وياهم.
. ادور ع الاحبهم وين الكاهم.
. اذا انسى هيهات انساهم.
. ما اكابر بعد والحبيب ابتعد.
. ليلي خلص نوح وسهر روحي.
استغربت وضعة بس لا عادي هوا دوم ينشر قصائد لباسم الكربلائي يعني وين الغريب
طلعت من صفحتة من اتصل غل علي
طفرت من مكاني خجلانة شلون ارد علي شنو احجي ياربي دخيلك
فتحت الاتصال اجاني صوت غل
_غل:: الووو. السلام عليكم
_قس:: هااا عليكم السلام هلا سيد
_غل:: هلا بيج بوية شلونج
_قس:: الحمدلله بخير انت شلونك
_غل:: صرت بخير بسمعة صوتج
بعدت اذني عن الاتصال انفخ على وجهي متوترة
رجعت التلفون على اذني احجي ويا غل
_قس:: احمممم.. اي شلونك؟
سمعت صوت ضحكتة حسيتة عرف بخجلني وتوتري حجة وياي يبعد التوتر مني
بيومها نمت فرحانة سديت الاتصال من غل ونمت كبل كل شوي افتح عيوني اضحك وارجع انام....
" ملاك "
باوعت لفقار بخزرة معصبة منة
باوعلي ورفع حاجبة ب انزعاج
_فقار:: عيونججج
_ملاك:: شبيهننن
_فقار:: احبهن تعاي خليني ابوسهن
_ملاك:: عوففنني لاتبوسني ولا غيرها لاعبالك انسى كلامك قبل شوي
هز راسة ساكت يباوع للطريق
حجت ب صياح اباوعلة
_ملاك:: ااييي اييي غلسسس لاترد عليةة.
_فقار:: لعددد شنو اجاوبججج
_ملاك:: تعرف كلش زين شنو تجاوبني سيددد فقااار
باوعلي وحجة بعصبية
_فقار:: صرتتت سيددد فقاااررر
_ملاك:: لعددد سيد جباارررر
هز راسة يضحك واني معصبة منة اصيح
اخذ ايدي يمسح عليها بهدوء
حجة وياي
_فقار:: حبيبتي لمصلحتج انا احجي
_ملاك:: مصلحتي وين اكلك شذى دفعتني تكلي عوفيها
_فقار:: لعددد اكلج دفعيها لو كتليها
_ملاك:: انييي نغشيت بيك سيدد
دار علي بسرعة فاتح عيونة بعصبية
_فقار:: ملاااككككك
_ملاك:: لاتصيحح
_فقار:: يارب صبرك
_ملاك:: هاي بعدنا ب البداية عود
_فقار:: النا الله بعدين
سحبت ايدي منة ضامتها لصدري التفتت اباوع من الجامة معصبة مد فقار ايدة يسحب ايدي منعتة بقيت متمسكة ب ايدي معصبة منة
حجة فقار
_فقار:: نبقى هيج؟
_ملاك:: احسن خلينة نبقى متزاعلين
_فقار:: مو بكيفج انااااا ماا اريد ازعل
_ملاك:: اني اريد ازعل
_فقار:: انا ماريددد
_ملاك:: انيي اريددد
_فقار:: ملاك !!!!!!
_ملاك:: هاااااا !!!!!!
_فقار:: احبج
سكتت اباوعلة صفح غمزلي مبتسم
درت وجهي منة عيوني على الدرب راجعين للنجف
اخذ ايدي ب ايدة وحجة بهدوء
_فقار:: ملاكي حبيبي انا ما اريد واحد يكرهج لو يحقد عليج
_ملاك:: هياا غلطت بحقي يعني شنو متوقع ارد عليها
_فقار:: تمام هاي هية هيا غلطانة خلص ماكو داعي نضوج بسببها
بقيت ساكتة بدون رد مني
حجة فقار
_فقار:: ملاك
_ملاك:: هااا
_فقار:: ما اعرف شبية
درت علية اباوعلة ب استغراب عكدت حواجبي وحجيت
_ملاك:: شبيك؟
_فقار:: ما اعرف احس روحي منجرف
_ملاك:: شنووو ليش؟
_فقار:: ما اعرف ما اعرف كل ماشوفج يجيني شعور ابوسج؟
صرخت بفقار رافعة ايدي بوجهه بتهديد
_ملاك:: انتتتتتت شبيككك صاير مدري شلونك
_فقار:: جذببببب جذببب
_ملاك:: اشكيك لعمتتتييي جهاد ترااا
_فقار:: كللشيييي ولاعمتي جهاد هاي هية سكتنا
_ملاك:: امشي عدل فقار لاخليها تتصرف وياك
_فقار:: حتى بصري اغضة عنج
باوعتلة مصغرة عيوني بتهديد باوعلي مبتسم رمش بعيوني ورجع يباوع للطريق
اي لازم هيج مايمشي الى ب التهيد
وصلنا للبيت فتحت باب السيارة ونزلت اركض للداخل سمعت صوت من خلفي يستوقفني عفتة ومشيت
حسيت ب الخيانة منه شلون اكلة كتلت شذى مايشجعني للليش؟؟؟
دخلت للبيت اباوع للكل تعبان كوا واكفين
ركضت اصعد لغرفة عاتكة
فتحت باب الغرفة شفت عاتكة خالة راسها على الجرباية مغمضة عيونها بتعب
فتحت عيونها على صوت فتحة الباب باوعتلي وحجت بتعب
_عاتكة:: ملاك نوميني
_ملاك:: عيعععع شبيكم انتِ واخوج صايرين مدري شلونكم
_عاتكة:: فقققااررر كلج نوميني؟
_ملاك:: لا وين خطية لاتظلمي
شمرت نفسي على الجرباية حتى وجهي مابية اغسلة اريد بس انام نمت على جرباية عاتكة وهيا نامت ب الارض بعد زوجة اخوها المستقبلي من هسة اشد وياها هاي نظام زوجات الاخوان
كعدت اليوم الثاني كوا فاتحة عيوني
اسمع رزايل عمتي جهاد نازلة على حفيدات العلوية لباب لان بعدهن نايمات
كمت من مكاني امسح على وجهي بتعب ما اريد اترزل من عمتي مشيت ب اتجاه الباب اريد اطلع من الغرفة
فتحت باب الغرفة وصفنت بعدني مامستوعبة
بقيت واكفة بباب الغرفة صافنة على الفراغ
سمعت صوت فتحة باب
باوعت لفقار طلع من غرفتة مدنك راسة سد باب الغرفة وادر
رفع عيونة صارت عيونة علي فتح عيونة بصدمة يباوعلي. وكف بمكانة خازرني
صاح بية
_فقار:: ملاككك..!!!
_ملاك:: نعم
_فقار:: ملاك شنووو هاي ؟
_ملاك:: شنو
_فقار:: شعرجج ؟؟؟
استغربت مافاهمة كلامة عكدت حواجبي احاول استوعب شنو يقصد
فتحت عيوني بصدمة مستوعبة كلامي خليت ايدي على راسي مالابسة ربطتيييي
دخلت للغرفة وسديت باب الغرفة بوجه فقار ركضت اباوع لنفسي ب المراية شعري واكف عبالك سعف نخل وحالتي حالة
ضربت على خدودي ادري شبيج يا ملاك شجاج لا وطالعة من الغرفة بكل ثقة
لو شايفني واحد من السادة الحمدلله فقار ولاغيرة
طلعت من الغرفة بعد ما لبست ربطتي ولبست الجبة فوك ملابسي
نزلت الدرج عيوني على فقار الي كاعدة على القنفة يهز رجلي بعصبية
رفع عيونة باوعلي من فوك ليجوا ودار عيونة مني
هذا بس لازعلان مني؟
نزلت اخر باية من الدرج مشيت ب اتجاه المطبخ مغلسة على فقار لاشفتة ولا شافني
دخلت المطبخ البنات كلهن متجمعات هنا
حجيت ماشية اغسل
_ملاك:: صباح الخير
_رقية:: صباح النور هلا بنيتي ملوكة
_ملاك:: شلونج عمة
_رقية:: زينة بشوفة زوجة ابني
ابتسمت على كلامها اباوع لشذى تباوعلنة صفح ماعاجبها غسلت وجهي وكعدت على الكرسي
كامت عمتي رقية ام فقار تصبلي الريوك واني كاعدة عيوني على شذى اريد اعرف هاي اهلها وين مايسألون عليها مايكولون عدنا بنت شو بكل بمناسبة اشوفها تركض قبلنا ما اعرف شنو ماخذة علينا؟
طلعت من المطبخ بعد ما اتريك وبعد كلام عمتي رقية العسل حيل جانت تحبني وراضية عن علاقتي اني وفقار وهذا احسن شي ب النسبة الي
مر الوقت بين كعدتي ويا البنات
جنت كاعدة اني وعاتكة مهجان بغرفة عمتي جهاد نسمع الها وللعلوية لباب شلون يحجن ايراني حتى ما انفهم سوالفهن ونربط وياهن رغم هذا جنا مركزات وياهن
انفتح باب الغرفة التفتت اني والبنات
شفنا قدس داخلة للغرفة تفرك ايديها بتوتر
باوعت النا وابتسمت
رفعت عاتكة ايدها وصاحت
_عاتكة:: تعاي قدوسة سمعي عمتي شتكول
_قدس:: شتكول؟
_عاتكة:: ماعرف هوا اني جاي اكلج تعاي سمعي
اجت قدس ب اتجاهنا تضحك
كعدت على الجرباية تسمع ويانا
رجعنا مركزات ويا عمتي والعلوية لباب
التفتت على قدس من حجت
_قدس:: عندي خبر الكم
_ملاك:: ياهلا ب الاخبار الحلوة
_عاتكة:: منو كال حلوة؟
_مهجان:: لاحلوة قدس اخبارها كلها حلوة
ضحكت قدس بفرح
حطتها ايدها على حلكها وحجت
_قدس:: عمة اني حاملللل....
شكرا لزيارتكم عالم روايات سكيرهوم
