رواية انتى نبض قلبي الفصل الخامس والثلاثون
مر يومين وقبل الفرح بيوم
الهام قاعدة بتفكر ودخلت عليها مليكه
مليكه : سرحانه فاى
الهام : بفكر فى مراد
مليكه بحزن: احم طب اى مش هتجهزى
الهام : تفتكرى مراد بيحبنى
مليكه بتوتر: اكيد امال هيتجوزك لى
الهام : مش عارفه بس انا حاسه بغير كدا حاسه انوا مجبر
مليكه : اعتقد ان هو كبير على انه يكون مجبر
الهام : مش عارفه بس حاسه ان هو عايش حب ماضى
مليكه بتنهيدة : عن اذنك يا الهام
الهام : اتفضلى
مليكه خرجت ووقفت عالباب وحاطه ايديها على قلبها : يارب مش عايزة أذى حد افرجها يارب وحلها من عندك
عند الهام
قاعدة شاردة وبتفتكر
فلاش باااااك
خبطت عالباب
ادخل
الهام : ممكن نتكلم
معتز: اتفضلى
الهام : اى اللى بين مليكه ومراد
معتز بتوتر: بينهم اى
الهام : معتز متكدبش عليا وقلى كل حاجه
معتز بتنهيدة : كانت مراته
الهام بصدمه : اى
معتز: كان دكتور عندنا فالجامعه وقص لها كل شئ
الهام : ولما بينهم الحب دة سابوا بعض لى
معتز: خان ثقتها
الهام : من غير الغاز
معتز :قص لها كل شئ
الهام : يعنى انت ومليكه متجوزين عالورق بس
معتز: اه عشان اساعدها
الهام بفرحه : بجد
معتز باستغراب : اه
الهام : طب انت بتحبها
معتز: معرفش يمكن معجب بيها بس حب لا بحب غيرها
الهام : مين
معتز: مش لازم تعرفى انتى هتعملى اى
الهام : مش عارفه
وسابته ومشت
باااااااك
لازم دة يحصل ومسكت التليفون
الهام : الو
########################
المساء الهام راحت عند مراد
الهام : مراد ممكن اعرف مشاعرك اى ناحيتى
مراد باستغراب : اى اللى بتقوليه دة
الهام ببرود : اللى سمعته
مراد :احم عادى
الهام : اى اللى عادى يا مراد انت واعى للى بتعمله انت بتأذى نفسك وبتأذى غيرك
جلال : اهدى يا الهام اى اللى بتقليه دة
الهام بغضب: انا بقول اى انتو خبيتوا عليا كل حاجه عن الانسان اللى المفروض اتجوزة
تقى: حاجه اى
الهام بصت لمراد : مليكه مثلا
مراد : مليكه
الهام : اه انا عرفت كل حاجه وعارف ان الصورة اللى على تليفونك بتاعتها هى وفى نفس اللحظه مليكه دخلت هى ومعتز والهام لفت وشها ليهم
الهام : لى خبيتوا عليا كنتو بتستغفلونى
مراد بغضب وصوت عالى : كنا متجوزين واطلقنا وهى اتجوزت وخلفت وانا هتجوز والموضوع انتهى
الهام : متأكد ان هو انتهى
مليكه : الهام صدقينى انا
الهام : انتى انانيه عارفه يعنى اى انانيه انتى كنتى عايزة كل حاجه ليكى
مليكه بدموع: انا
الهام : ايوة فرحانه بحب مراد ليكى وان انتى لسه فى قلبه وكمان اتجوزتى واحد تانى عشان تكتبى اسم بنتك بيه
الكل مصدوم
معتز بغضب: الهام كفايه كدا
الهام بغضب: لا مش كفايه انا بسببها كنت هغلط غلطه عمرى واتجوز انسان مش بيحبنى ولا انا بحبه بسببها هى انا كنت هخسرك
معتز بصدمه : انا
الهام : ايوة انت حب طفولتى يا معتز واستنيت سنين الكليه تخلص بفارغ الصبر وارجع ليك القيك متجوزها هى
مليكه بدموع : اهدى يا الهام صدقينى والله انا مكنتش عايزة أذى حد ولو اعرف مشاعرك دى كنت بعدت
الكل قاعد مصدوم من الكلام
اياد: يعنى مليكه ومعتز
الهام : متجوزين عالورق
خالد : وملك
الهام بصتلهم : شوفوا بقه انتوا
مراد راح عند مليكه ومسكها من ايديها واتكلم بصراخ وبيهزها جامد: ملك تبقى بنتى
مليكه بخوف : مش قادرة تنطق
مراد بعينه بيهزها : انطقى وقولى انك معملتيش كدا
جلال: اهدى يا مراد
معتز حاول يبعد بينهم مقدرش وجلال ادخل وزاحه بعيد
خالد: اتكلمى يا مليكه
مليكه بصوت واطى : اه
مراد بغضب وصوت عالى: اه اى
مليكه بخوف ودموع : ملك بتكون بنتك
خالد: ازاى ازاى يا مليكه قدرتى تعملى كدا
سهير: لى يا بنتى دمرتى حيات الكل
مليكه بدموع: والله انا مكنش قصدى انا
معتز مسك ايديها : اهدى اهدى يا مليكه
مراد : ماشى يا مليكه استعدى للجى
معتز: قصدك اى
مراد :هاخد بنتى
مليكه طلعت تجرى عليه : لا يا مراد انا اموت من غير بنتى
مراد: وانا كنت ميت من غيرك السنين اللى فاتت كلها
جلال : اهدى يا مراد الموضوع مش هيتحل كدا
مراد: امال هيتحل ازاى
اياد: البنت صغيرة ولما تاخدها وتبعدها عن مامتها هتتعب وكمان لو رحت قلتلها انك باباها وان الانسان اللى بقاله ٤سنين معاها مش باباه مش هتتقبل الموضوع
رهف : فعلا الموضوع لازم يجى واحدة واحدة
مراد سكت ومردش ومليكه بتبكى
الهام : مراد طبعا احنا مش هنكمل فالجوازة دى لانى مش مستعدة انى اعمل كدا واتعس حد وبصت على مليكه
سهير: طب والفرح والناس والمعازيم
مراد بعد تفكير: كل حاجه هتم
الجميع : ازاى
مراد : هتجوزها وبص على مليكه
جلال: ازاى يعنى وهى متجوزة
مراد ببرود : هتتطلق وهو مدخلش بيها يبقى ملهاش عدة
معتز بغضب: انت اكيد اتجننت انا مستحيل اتخلى عن مليكه
مراد بصلها: يبقى تنسى ان عندها بنت
مليكه بدموع : لا انا هنفذ اللى انت عايزة وراحت عند معتز
مليكه: انا اسفه يا معتز عمرى ما تخيلت انى هأذيك انت بالذات بسببى كنت هتخسر حب عمرك انا والله مكنش فبالى حاجه من دة كله
معتز: مسك ايديها انا عارف يا مليكه وعارف قد اى انتى طيبه ومش انانيه خالص وبص على الهام وانا اوعدك لو مش عايزة تتطلقى انا هحارب الدنيا عشانك
مليكه ببسمه ودموع: عارفه بس دة لازم عشان ملك
معتز: بس ملك مش هقدر ابعد عنها مكنتش من لحمى ودمى بس كانت بنت قلبى
مليكه : وهتفضل بس لازم دة يحصل
مراد بغيرة: ياريت نكون خلصنا ونخلينا فالمهم
معتز بحزن: انتى طالق يا مليكه
مراد راح عندها وقرب منها: جهزى نفسك لجحيمى
مليكه بصت عليه بدموع وهو بص عليها وسابها ومشى
رهف: هتعرفى ملك ازاى اللى حصل
مليكه وهى ماشيه هى ومعتز : مش عارفه
********#################
روحت مليكه البيت وحكوا لنوال كل حاجه
مليكه : انا طالعه لملك
معتز: انا جى معاكى
وطلعوا لملك
ملك : كنتوا فين
معتز ببسمه : كنا فى مشوار مهم
مليكه : ملك حبيبتى عايزة اتكلم معاكى بموضوع
ملك : فى اى يا مامى
مليكه : بصى يا حبيبتى لما اتنين يكونوا متجوزين وتحصل بينهم مشاكل كتير وبيتعبوا فى حياتهم وبيأذوا بعض ويزعلوا بعض يبقى اى الحل
ملك : يبقى يبعدو عن بعض
معتز: صح يا حبيبتى عشان كدا انا وماما كان فى بينا مشاكل كتير اوى ف احنا يعنى
ملك ببكاء: انتو مش هتبعدوا عن بعض ومسكت ايديهم
مليكه بدموع: بصى يا ملوكه انتى كبيرة وشطورة انتى عايزة ماما تكون سعيدة وبابا كمان مش كدا
ملك : اه
مليكه : عشان كدا احنا هنبعد عن بعض وكل واحد يعيش لوحدة
ملك : بس انا عايزاكوا انتو الاتنين
معتز بحزن: هقلك حاجه تفرحك عارفه هتعيشى مع مين
ملك : مين
معتز: مع انكل مراد وزياد ومليكه
ملك : بجد طب وانت
معتز: انا هشوفك عالطول ونخرج ونتفسح
ملك ببسمه : انا موافقه
مليكه حضنتها وبصت على معتز ودموعهم نزلت
“******************
عند مراد
مراد : كل حاجه تتلغى والمأذون يجى بكرة
جلال : بس الناس
مراد بغضب: اعمل اللى قلتلك عليه من غير نقاش
جلال : حاضر يا مراد وسابه ومشى
مراد : ودينى لاندمك يا مليكه
*********************
صباح يوم جديد مليكه راحت عند مراد هى وملك ومعاهم شنطهم
خالد بفرحه : تعالى يا حبيبتى تعالى فى حضنى
ملك : طلعت تجرى عليه
رهف : ارتاحى يا مليكه
مليكه : شكرا وبعد مدة مراد نزل وراح عند ملك
مراد : اى دة انا مليش حضن
ملك : انكل مراد وحشتنى ماما بتقول اننا هنعيش معاك هنا
مراد : اه وانتى مبسوطه ولا لا
ملك : زعلانه عشان بابى مش هيكون موجود بس مبسوطه انى هكون هنا
مراد : تعالى اوريكى اوضتك
ملك : تعالى معانا يا ماما
مليكه : ماشى يا حبيبتى
وطلعوا الاوضه
ملك : واو دى تحفه اوى جميله مش كدا يا ماما
مليكه ببسمه: اه يا حبيبتى
ملك راحت تلعب باللعب بتاعتها ومليكه قربت من مراد
مليكه : مراد
مراد بجمود: نعم
مليكه : انت ناوى على اى معايا
مراد متخفيش : انا هعاقبك بس
مليكه : تعاقبنى
مراد : بصى انا هخيرك لتعيشى خدامه ليا ولملك لاما تمشى من هنا من غير بنتى
مليكه بدموع : خدامه يا مراد
مراد بص عليها من فوق لتحت : دا اللى عندى وراح عند ملك
