رواية كبرياء شيخ الفصل السادس والثلاثون 36 بقلم زينب

احمد: عليش بعد صافنه بوجهي انززززلي 

كمره: من خوفي نزلت بسرعه وهو مشى بكل سرعته ظلت بس الترابه وراه الوكت جان يمكن الساعه وحده بالليل دخلت للبيت محد حتى خالتي 

نايمه غسلت وجهي ودخلت للغرفه اريد بس ابجي ما اكدر البنات نايمات

تمددت على الجربايه ودفنت راسي بالمخده وطلعت ضيم البكلبي كله 

اصرخ بكلبي ومحد يحس بيه 

انه الي جنيت على روحي

ردت انام ما كدرت كلمة اطلكج ترن بذاني 

ظليك كاعده لحد ما سمعته اذن الفجر كمت توضيت وصليت ودعيت من الله 

كون ما يسويها صدك ويطلكني 

احمد: رجعت للبيت وانه كلبي معصور عصر 

ردته تكول لا تطلكني بس ماكو ما نطت ردت فعل

دخلت الغرفه ودمعتي بطرف عيني

بجتني هل كمره 

بس شلون اطلكها واكدر على فراكها 

شلون راح احمل هذا الوجع 

اخ لو بس تخابر هسه وتكول لا تطلكني لا تسويها

والله انسى كلشي 

انفتح باب الغرفه رفعت راسي شفتها امي 

الشيخه: شبيك يمه ليش هيج حالتك 

افااا عليك تبجي 

احمد:كعدت يمي تمددت وخليت راسي بحضنها وكلت

يمه احبها والله احبها 

شلون اعوفها اموت بلياها

الشيخه: شصار وليش تعوفها 

احجي وليدي فرغ الي بكلبك 

لا تكبته طلعه اذا تخلي يخنكك 

احمد: شحجي يمه كتلها بس ارجع اطلكج

شلون اطلكها بس كليلي 

الشيخه: ما اطلكها 

زين سويت من كتلها اطلكج خليها تضوك اللوعه مثل ما انت ضكتها 

خليها تعرف نفسها غلطانه وتراجع اغلاطها 

خليها تحس بيك وتعرف قيمتك 

خليها هي تجيك وتكللك لا تعوفني 

انت العليك سويته وجربت كلشي بس حتى لا تخسرها 

احمد: تتوقعين راح تجيني ما اصدك تلكيها ما عولت من كتلها اطلكج

هسه يمكن اتانيني يوم يوم حتى ارجع حتى تتطلك 

الشيخه: لا انت غلطان ما راح تعوفك 

كمره تحبك وكل هذا الجاي تسوي من حركة كلبها 

هي عبالها لو شما سوت بيك تبقى انت مجلب بيها وما تعوفها 

انطوا لروحكم فرصه 

فترة سفرك هي الي تحدد كلشي 

هي الي راح تخليك تعرف كمره تكدر على فراكك لو لا 

وهسه كوم غسل وجهك واكلك لكمه انت ما متعشي 

احمد: ما اريد ما اشتهي 

بس. خليني بحضنج لحد ما اغفى وانام 

كمره: بلشت الناس العدنا تكعد والبيت صار هوسه وانه فاصله بغير عالم

لا اكدر احجي ولا اكدر ابجي وأفضح روحي جنت كاعده على الجربايه ومخليه راسي بين رجليه دخلت خالتي وشافتني

فهيمه: شبيج يا ستار من الصبح وجهج يلطم عوزج بس ملايه 

كمره: بس شفتها بجيت 

ركضت للباب سدته حتى لحد يسمع ويشوفني

فهيمه: ولج فهميني عليش هل بجي شصار بينكم امس

كمره: راح يطلكني 

فهيمه: صخام الصخمج كون شكلتي 

كمره: هو كلي امس بس ارجع اطلكج 

خاله والله احبه 

من امس لليوم انه ما نايمه وضايكه طعم النوم 

بس كليلي شسوي 

فهيمه: ما يطلكج وانه متأكده 

بس تلكيج دستي بطنه ومن ضيمه حجاها

خايبه يحبج وما يكدر بلياج 

كومي غسلي وجهج وتريكي ولا تحجين شي وتفضحين روحج منا الوادم تارسه البيت بس يسمعون الحجايه تطش بالسلف 

خليها تطلع منه موش منج اذا راد صدك يطلكج ولو انه متأكده ميه بالميه ما يطلكج 

كمره: واذا صدك طلكني اموت روحي والله 

فهيمه: هو مو كال من ارجع 

يحلها الف حلال لحد ما يجي

واذا ٲℓانــتيہ صدك تحبينه هيج عليش معطبه كلبه ومراويته الويل 

اوكفي بوجها وكليله احبك وما اعوفك حتى لو انت عفتني

يله شو كومي جدامي دخلي للحمام غسلي وبدلي وطلعي البنات يسألن عليج ولا تبينين الهن شي 

انه راح اخذ فروحه للصالون 

عفتلج جم لبسه بكنتورج اختاري ولبسي اخاف اتأخر 

كمره: ما الي خلك خاله روحي ٲℓانــتيہ معليج بيه

فهيمه: شلون معلي بيج كومي يا بعد خالتج وروحه وراح اخلي جهالي يمج

عينج عليهم ادري بيهم شواذي بس تحمليهم لخاطري 

كمره: كمت بيه ما بيه وطلعت يم العالم البيت هوسه وامي والبنات مخبوصات وانه اتحرك وياهم جسد بلا روح حطيت حركتي بالشغل شكو شغله ثكيله انه اشتغلته وما حسيت الا صار وكت الزفه وانه على وكفتي بالمطبخ مالي خلك لكل شي اجت امي وشافتني

ام كمره: عوفي كلشي من ايدج ما ظل وكت روحي سبحي وبدلي الزفه راح تطلع 

كمره: عفت الشغل ودخلت سبحت وطلعت نشفت شعري وما سويت شي 

لبست لبس مستور ذكرت كلامه من كلي ما اريد لبس مشلح طلعت البوشيه

حضرتها اخاف تصير الزفه وما خليت قطرة مكياج مو لأن سمعت كلام احمد بس مالي خلك لكل شي ولو ما عيب الناس حتى ما اروح

بس ما اريد صلاح ياخذ على خاطره مني 

اجت خالتي وكالت كملنا كلشي ودينا فرح لبيتهم وناطرين الزفه تطلع 

شويه وطلعت الزفه ورحنا جبنا فرح واجينا الكل استغرب مني انه ليش هيج 

وكلها ظلت تحجي علي أختهم الوحيده وكلشي ما سوت 

حتى ما اكدر ارد عليهم شكللهم بس خالتي اسمعه تحاجيهم تكلهم رجلها مانعها تسوي اي شي 

تعشت الناس وخلص العرس وبدت العالم تروح ومحد ظل بس الاقارب 

زفو صلاح على مرته ورى ساعه طلع فرحان وبيده النيشان مالته امي والنسوان ظلت تهلهل بوكتها دمعت عيني اذكرت من اخذني وجان بوكتها هم فرحان هيج مسحت دموعي ورحت لصلاح شبكته وبوسته وانه العبره خانكتني بس ما بينتله شي ما اريد انغص علي فرحته 

ساعات وانه ما نايمه واحس راسي من التفكير يريد يطك عفت كلشي ودخلت اخذت الدوه مالتي اريد بس أغيب عن الوعي 

شمرت روحي على الجربايه ونمت وما دريت بعد بالدنيا طشت لو رشت 

كعدتني امي الصبح 

ام كمره:كعدي يمه بيش الساعه راح تصير وانتي شلون الميته 

كعدي ابوج واخوانج فكدوج وانه لوحدي وخالتج تأخرت علي والناس طابه طالعه علينا 

كمره: بيش الساعه هسه

ام كمره: راح تصير ال١١ 

كمره: وليش ما كعدتيني من وكت

ام كمره: متت وانه اكعد اروح واجي وانده بيج وانتي ماكو 

كلت يجوز تعبانه من شغل امس ما هونت بيج 

هسه كعدي تريكي وجهج اصفر امس عيني منج ما خليتي لكمه بحلكج 

كمره:كعدت تريكت وكمت ساعدت آمي لهيت روحي شوي بالشغل 

عود انسى هو انه شنسى عقلي كله عنده 

صار وكت الغدا طلعوا العرسان تغذوا ويانا فرح مبينه حبابه وجه بس يضحك وانه وجهي يلطم على كولة خالتي 

العصر لازم اروح اجيب غراضي باجر دوام بس شلون اروح اخاف اشوفه

وتبدي علي المواجع احسن شي خل اخابر هديه وأتأكد موجود لولا

دخلت لغرفتي اخذت التلفون ودكيت على هديه

هديه: الو هلا بكمره شلونج

كمره: لا تسأليني شلوني وانتي بالذات 

خابرت حتى اعرف احمدالعصر موجود لو لا

هديه: والله حقج علي ما تعرفين الشيخه من تقرر الواحد 

كمره :لا تحجين شي بس جاوبي

هديه: جانت الشيخه تسمع شنو نحجي اشرتلي اكللها ما موجود

خيه ما موجود بس ليش

كمره: اريد اجي العصر اخذ غراضي 

يتأخر لو يرجع على وكت

هديه:ما اعرف عدهم شغل يجوز يتأخرون

سدت التلفون بوشي عليش هيج كمره 

الشيخه: بس تجي كمره العصر انطيني خبر

هديه: صار شيخه 

كمره: صار العصر رحت لحسين اخوي يروح وياي لبيت الشيخ

كوه قبل كال عنده شغله كتله ما اتأخر نص ساعه واطلع 

وصلنا للبيت بقى هو يم ابو جبار ما رضى يدخل 

دخلت من باب المطبخ حتى محد يشوفني بس مع الاسف شافتني هديه 

عبرته وصعدت ًحتٍٍٍــى ما سلمت عليها 

اول ما دخلت للغرفه كفخني عطره حسيت روحي ردت اليه بديت الم بغراضي واخليهن بجنطه زغيره 

هديه: رحت للشيخه كتلها كمره اجت وصعدت فوك 

الشيخه: خابرت على احمد

الو احمد انت وين

احمد: انه بالمضيف ليش

الشيخه: • تـعال للبيت رايدتك بشغله 

احمد: دخلت للبيت لمحت اخوها حسين كاعد يم ابو جبار 

دخلت للبيت شفت امي واكفه تانيني بالباب

خير يمه شكو

الشيخه: كمره فوك اجت تاخذ غراضها 

احمد: سمعت اسمها وانه تخربطت أحوالي 

وشسويلها

الشيخه: اصعد تفاهم وياها كبل لا تنزل 

احمد: شتفاهم ما ظل شي بعد 

الشيخه: كتلك اصعد على الاقل شوفها باجر وراك سفر 

احمد: ماشي 

طلعت لخوها سلمت علي وكتله روح انت انه اجيبها 

صعدت للغرفه فتحت الباب شفتها وردت روحي وهي شافتني واستغربت

شبيج مستغربه 

كمره: الكاتلني يحجي وياي برود 

هيج بس سألت كالوا ما موجود ويتأخر ياله يجي

احمد: ما تردين تشوفيني 

كمره: ما كدرت اسيطر على دموعي بسرعه خانني 

لا مو هيج 

احمد: ليش تبجين مو هذا الي تردي

تقربت عليها كضيت وجها مسحت دمعتها بأصبعي 

ليش وجهج ذبلان وعيونج جواها سواد

كمره: احمد

احمد: اسمعج

كمره: لا تطلكني 

احمد: بداخلي فرحت من سمعتها كالت بس لازم اتوبها وكلت

حجيت كلمه ما اكدر ارجع بيها وانتي تعرفين انه شيخ وعيب ارجع بكلمتي 

كمره: بس انت كلت كدامي لَا شيخ ولا دكتور احمد وبس

احمد: هذا جان قبل بس هسه كلشي تغير 

كمره: دموعي ظلن يصبن عشره عشره كتله

هذا هو براحتك 

اخذت الجنطه ورحت على الباب خليت ايدي على اليده وشفت الحلقه بأيدي درت وجهي جاي انزعها بس ما كدرت من ايدي الثانيه هو شافني وشاط

احمد: شجاي تسوين 

كمره: انطيك حلقتك 

ما تخصني بعد تكدر تلبسها لهند 

احمد: اكسر اصبعج اذا نزعتيها

بعدج على ذمتي شوكت ما نطلك بذيج الساعه انه بنفسي انزعه من اصبعج واخذها 

كمره: درت وجهي عنه اريد اطلع حسيت حاوطني بأدي من وراي ودارني علي وكال

احمد: وين رايحه 

كمره: تأخرت على اخوي ينتظرني بره

احمد: انه كتله يروح وانتي انه اوصلج

كمره: وانه ما عنديً شي تكدر توصلني 

احمد: من تحجين وياي ليش دورين عيونج

كمره: احمد الله يخليك لا تلعب بأعصابي انه كوه مصبره على روحي 

احمد: اشششش سكتي لا تنهدين 

اكدر اطلب منج اخر طلب 

كمره: ابجي كدامه وهو ولا همه مسحت دموعي وكتله اطلب

احمد: ما اريد ترفضين 

اريد احفظ اخر ذره من كرامتي

كمره: ما ارفض اي شي تريده 

احمد: متأكده

كمره: متأكده

احمد: حلفي حتى اصدك

كمره: وغلاتك عندي اسوي اي شي تريده

احمد: تحلفين بغلاتي 

معقوله انه غالي عندج 

كمره: جربني وشوف

احمد: مـآشي

اذا نفذتي الاريده معناها انه غالي عندج واذا لا معناها انه ما اهمج وهاي دموعج وحزنج كله تمثيل

كمره:باوعت بعيونه شفتهن ذبلانات 

تقرب كلش يم ذاني وهمس بخدر

احمد: سلميني نفسج لأخر مره 

هذا طلبي الج

كمره: فتحت عيوني مستغربه من طلبه ما توقعت هيج يطلب 

حسيته اخذ نفس قوي من ركبتي وكال

احمد: وهسه شكلتي

كمره: جنت كاضه الجنطه بأيدي ذبيته ونزعت الشال وكتله

كتلك أنفذ اي شي تريده وانه عد كلامي 

بنات هاي الفقره شويه بيها جرئه الي ما تحب هيج شي لا تقرأ

احمد:ما توقعتها توافق بس هاي فرصتي حتى اشبع منها 

تقربت على شفايفها بديت أبوس بيهن بكل لهفه وشوك وحنيه حسيته بادلتني بس ما تكدر علي انه جنت متلهف الها اكثر طعم شفايفها احلى من العسل ما ودي اعوفهن بس اخاف عليها تختنك نزلت لركبتها ابوس بيها بكل مكان 

ما كدرت اسيطر على روحي كدامها من اشوفها افقد كلش 

نزعتها الصايه وشمرتها وانه مجلب ابوس بركبتها لعبت بيها لعب وهي مستسلمه على الاخير اخر شي شلتها وهي حاوطتني بأيدها من ركبتي 

ونزلتها على الجربايه وصرت فوكها جانت لابسه تراك بي سحاب صعدت ابوس بوجها وانه افتح السحاب شويه شويه لحد ما انفتح كلش رفعته ونزعته منها ورجعت على على صدرها شبعته عض وبؤس ابوسها من كل كلبي 

وحتى وجعتها وهي ما اسمعلها صوت اريده تكلي كافي عوفني اذيتني

تعمدت ااذيها بس اريد اسمع صوتها وهي ابد سلمتني روحها على الاخير ظليت وياها تقريبا الساعتين بتلث مرات انه ارجع عليها وهي ابد ما عارضت بالعكس جانت مندمجه

  اخر شي خفت عليها تتأذى اكثر لأن هي ترفه 

كمت عنها وانه ما ودي اكوم لبست ملابسي الداخليه وكعدت على الجربايه

اباعلها وهي بعدها خدرانه ويمكن تأذت بس ما تكدر تحجي 

كضيت وجها وظليت امشي اصبعي علي لحد ما حست بيه فتحت عيونها

وشافتني ودموعها نزلن سألته 

شبيج تبجين تأذيتي

كمره: لا 

احمد: ليش هاي الدموع

كمره: باجر تسافر مو

احمد: اي 

كمره: جكد تظل

احمد: ما ادري حسب استجابتها للعلاج 

يمكن شهر شهرين ما اعرف

كمره: لا تطلكني

احمد: اباعلها ولدموعها وانه ميت قهر عليها بس ما اكدر اكلها كتلها

هذا الموضوع منتهين منه 

كومي لبسي ملابسج خل اوصلج تأخرتي 

انه داخل اسبح اطلع الكاج جاهزه

كمره: بعد اكثر من هذا ما اكدر اسوي شي 

استسلمت وكلشي انتهى بالنسبه الي بعد شيريد يسوي خل يسوي

كمت بس كوه امشي كلش اذاني بس ما كدرت اكله شي عبالي من استسلمله

ما يعوفني انه غبيه بس استاهل 

لبست ملابسي ولبست الصايه وجاي البس الشال وندك الباب صحت تفضل

الشيخه: دخلت وشفت دموعها على خدها سألتها

ما تفاهمتوا هااا

كمره: لا وصلنا لطريق مسدود 

الشيخه: لا تستسلمين ولا تأيسين 

ابني واعرفه زين كلبه تعلك بيج ما يكدر يعوفج

بس ٲℓانــتيہ حاولي وياه

وأول شي تبطلين العناد 

وانه وياج جكد ما اكدر اخلي يتراجع ما يطلكج 

كمره: بس هو مقرر ومنتهي 

وسويت كلشي اكدر علي بس ماكو فايده

الشيخه: شوفي فترة الي يسافر بيها راجعي روحج وشوفي نفسج تكدرين تعيشين بلياه لو لا 

ومن تقررين انطيني خبر وانتي معليج يجيج الصافي 

كمره: ما توقعت راح تساعديني

الشيخه: مو لخاطرج لخاطر ابني ادري بي يحبج وفراكج صعب علي ما اريده يرجع لحالته النفسيه مثل قبل 

ٲℓانــتيہ يمكن ما تدرين ظل فتره يتعالج ياله كدر يرجع مثل الاول

وهذا الحجي الكلته مو معناها اكرهج لا بالعكس اعزج مثل بتي واكثر

بس تصرفاتج كمره هي الي خلتني اقسى وياج 

وعنادج هو الخلاج تخسرين احمد 

وهسه مثل ما كتلج اعتبري هذا الصار الج درس وتعلمي منه 

واذا تحسن كلشي لا تخلينه ينعاد مره ثانيه 

كمره: كلام الشيخه شوي ريحني 

لبست شالي وظليت اتاني شويه وطلع من الحمام لبس ملابسه وكال يله اخذ الجنطه ونزل بيها وانه نزلت وراه بس كوه امشي متإذيه كلش كوه وصلت للسياره فتحت الباب بس شلون اصعد سيارته عاليه شافني واجى شالني وخلاني بالسياره وكال

احمد: من اكلج متأذيه تكليلي لا 

كمره: سكتت عنه ما حجيت شي صعد هو وساق السياره وصلني لبيتنا وكال انزلج

كمره: لا النزله عادي مو مثل الصعده 

باوعتله هذا اخر يوم اشوفه بي بقى عندي اخر سلاح اكدر اقاومه بي جانت الدنيا غروب وسيارته مضلله محد يشوف شنو يصير فتحت الباب ودرت علي تقربت بسته بخده قريب على شفايفه بسته قوي اريد اشبع منه وخرت عنه شفت عيونه بيها دموع تقربت يم ذانه وهمست بصوت كله حنيه وبي بحة بجي 

انه مو بس احبك لا حتى اعشك التراب الي انت تدوس علي

عفته ونزلت

حالة احمد