رواية كبرياء شيخ الفصل السابع والثلاثون بقلم زينب
طلع حجيك وهم من كتلي ابقى وياك
شجاني وصديكيتك بس خذت عبره
راويتك عشك بي لهفه مال غروب
ومن اسولف بي افطر شفايف الكمره
رحت ويه غيري يالماخذ ضحكتي وياك
طبع الما يحب عنده الضحك شمره
عفت بيه جرح يترس جفوف الكاع
وكبل ماكو شبربي توكف الابره
اليفهم قصتي يأخر شويه الليل
ترى الفاكد ولف بالليل شيصبره
::::::::::::::::::::::::::::::::::::::::::::::::::::::::::::::::::::::::::
كمره:اخذت الجنطه ودخلت بسرعه حتى ما حسبت للوجع
مايجي ذره من وجع كلبي لاكتني امي شافت حالتي حاله رادت تسألني ما اهتميت عفتها ودخلت للغرفه شمرت الجنطه وكعدت بالكاع اندب حظي
دخلت هي وراي وكالت
ام كمره: شجاج ٲℓانــتيہ طلعتي كلشي ما بيج رجعتي الوجه ما يكصه السيف
واريد اسألج دورين وجهج عني
كمره: يمه عوفيني بضيمي لخاطر الله انه الي بيه مكفيني
ام كمره:اي غير اعرف شبيج
تعاركتي ٲℓانــتيہ ورجلج
كمره: لا
ام كمره: جا شبيج
كمره: بصياح
اي شتردين تعرفين شتردين اكلج وشلون ترديني ادخلج
اكلج رجلي باجر يسافر هو ومرته وانه يطبني طوب
ترديني ادخل واهلهل واصفك والضحك شاك حلكي
عوفوني وطلعوا ولحد يجي يسألني شبيج
كلشي ما بيه
ام كمره: احترمي نفسج ولا تصيحين علي انه امج
محد ضربج على ايدج وكلج اخذي شيخ
وكلش زين تعرفين الشيوخ ما تظل على مره وحده
ابوج سألج بوكتها وكلج انه ما اجبرج وشتردين يجرالج
هاي قسمتج ارضي بيها وسكتي
كمره: انه ما جاي اصيح عليج انه من قهري وحركة كلبي اصيح
دخل على صياحي صلاح وخالتي
صلاح: هاي شبيجن وليش حسجن عالي كولن اكو عالم جوا
صوتجن واصل لرأس الشارع
ام كمره:ما تسأل اختك اجت من بيت عيالها وهي بس تصرخ وتثغب
صلاح: عليمن تصرخ
ام كمره: صخامها رجلها باجر يسافر
كمره: كضيت راسي ما اعرف شنو صعد لرأسي وكضني وجع يموت وكلت بصياح
سكتوا كافي عوفوني وطلعوا
فهيمه: خاله شبيج كمره شجاج
صلاح: اهدي خويه حاجيني شبيج
رحت الها وخرت ايديها من راسها وكلت الها
كمره اهدي خيتي بس كليلي شبيج وحاجيني وشنو تردين يجرالج بس لا تنهارين
وكليلي اخذتي دواج شربتي
كمره: ما شربت صخامي وما اشربه بعد خلوني اموت اريد اخلص
تهسترت بوكتها كلش اريد اوخر ايدي من صلاح ما كدرت كضني قوي
كتله عوفني انت شتريد مني
جاي اكلك عووووف ايدي ولك عوفني وخر عني
صلاح: شفتها انهارت كلش صرخت على خالتي تجيب دواها لا تفقد كلش
فهيمه: وينه هو ما اندل مجانه
صلاح: دوري بسرعه خاله شوفي جنطتها
كمره بعد اخوج وروحه اهدي واخذي نفس بس اهدي شوي والله شتردين اسويلج واذا تردين ما ترجعين ما ارجعج بعد بس اهدي شوي
كمره: دفنت راسي بصدره وظليت اناشغ وابجي واحجي
ما يريدني بعد هو كال بنفسه
خويه باجر راح يروح ويعوفني
راح ياخذها وانه يعوفني
كلبي متكطع والله بس محد منكم يحس بيه
كلي شسوي
صلاح: لا تسوين شي خل يروح
تموتين روحج عليمن خل يولي خلي يعوفج
الف واحد يتمناج
بس لا تأذين روحج بعد اخوج وكلبه
كمره: ظليت اجر النفس كوه واحجي
انه ما اكدر اعيش وهو ماكو عودني علي وخلاني أتعلق بي
حبيته اي انه كمره المحد كدر علي هو بس خلاني احبه
حبيته والله حبيته جاي اكلك حبيبي......
صلاح: كمره حاجيني خويه شبيج
كمره ولج احجي لا تسكتين كمره جاي احاجيج
ام كمره: ولك يمه شبيها كطعت النفس
الحكها ولك راح تموت
صلاح: شفتها وكعت بين ايدي وانه اتخبلت شلتها وصحت على عباس اخوي يركض يشغل السياره وخالتي ركضت لبستها الشال شلتها وركضت بيها للسياره بس كون الحك عليها راح تروح من بين أيدينا
صعدت خالتي وحطيتها بحضنها وطلعنا كبل للمستشفى وصلنا ركضت نزلتها ودخلت بيها اركض جان خشمها طاك دم دشداشتي انترست من الدم
وهي وجها انكلب ازرك والنفس كطعته ركضوا أخذوها مني ودخلوا على الطوارئ كعدت كعود بالكاع وابجي مثل الواحد الفاقد ابنه
اي انه كمره بنيتي عمري ١٥ من صارت جنت بوكتها ويه امي بالمستشفى من طلعت الممرضه وجانت شايلتها اول ما نطته الي شلون تروح من أيدينا
اجاني اخوي عباس جان يصف بالسياره
عباس : شبيك ليش تبجي شصارلها
صلاح: ولك ماتت بين ايدي
عباس: شنو ماتت
لا تفاول عليها لخاطر محمد
اندعيلها الله يكومها بالسلامه
كوم من الكاع ما يصيرلها شي
كمره قويه ما تستسلم
هسه تشوفها تكعد وتصحى وتاخذ حكها مربع
صلاح: ما اكوم لحد ما يطلعون ويكلولي ما بيها شي
فهيمه: كوم بعد خالتك
هاي مو اول مره يصير عدها هيج
كوم خليها اول ما تكعد تشوفك صلاح القوي تشد روحها بيك
صلاح : كوموني كوه من الكاع شويه وطلعت الدكتورة وكالت
الدكتورة: إنتوا قرايب المريضه الاجت قبل شوي
صلاح: ركضنا عليها وكلت احجي كولي صحت ما بيها شي
الدكتوره: اهدأ اخي انت شتصير منها
صلاح: اخوها
الدكتورة: صاير عدها انهيار عصبي كلش قوي
بالإضافة الضغط عدها صاعد ومتعرضه لحالة اختناق
زين وصلتوها بالوقت المناسب لو متأخرين شويه جان فقدتوها
كدرنا نسيطر على وضعها
هي حاليا تحت تأثير المهدئ
بس تصحى تكدرون تشوفوها
احمد: ما جنت متمني اسمع هل الكلمه منها بهاي الظروف
وصلتها وظليت افتر بالشوارع ما اعرف ًوٌَيـن اروح نزلت يم الشط
حتى اهدأ اعصابي واكدر افكر شسوي
جنت متمني ااجل سفري جم يوم حتى اصلح الوضع بينا
مااريد اسافر وهي عباله انه ما رايدها
بس ما اكدر بعد كملت كلشي حتى حجز الطياره
ظليت تقريبا ساعه وتالي رجعت للبيت كاره روحي على السويته بيها
دخلت للصاله لكيتهم كاعدين سلمت عليهم وكعدت يمهم حجى وسام
وسام:باجر تتوكل • ﺂنٰ شۨـِﺂءۙ ﺂللـِه۫ہ ٰ
احمد : اي • ﺂنٰ شۨـِﺂءۙ ﺂللـِه۫ہ ٰ
بعد اخوك ما اوصيك بكمره من بعدي انت المسؤل عنها وعينك عليها
ودائما حاول روح للكليه وتسأل عليها هناك ما أأمن اتركها لوحدها
وسام: بعيوني شيخ
كمره اختي حتى لو ما توصيني
احمد: تسلم عيونك
وتأكد منها باجر تداوم لو لا
وسام: صار
اخذت التلفون ادك عليها وما تشيله
ما تشيله بالله انت دك عليها
احمد: اذا انت ماشالته تريد انه تشيله
وسام: دك شخاسر هسه يجوز تشوف اسمك ويرف كلبها عليك
وتكسر خاطرها وتشيله
احمد: ايا ملعون
دكيت نفس الشي يدك وما تشيله
صحت على هديه تدك عليها ونفس الشي
ظل تفكيري كله يمه من نزلت من السياره حالتها ما اطمن
الشيخه: يمه يجوز نايمه لو مشغوله لا تنسى هسه بيتهم مخبوص
والناس تجيهم وهسه صايره للستار عدهم
احمد: لا يمه اشو كلبي يكلي صايرلها شي
خل ادك على صلاح اخوها
دكيت وهم ماكو
الشيخ: هااا بويه بشر شاله
احمد: لا يابه هم ماكو
وسام: اوكف خل ادك على اخوها عباس عندي رقمه
دكيت يدك بس طول ياله شاله
عباس: الووو
وسام: الوو ها خويه الله يساعدك
عباس: ويساعدك
وسام: شبي صوتك تعبان
عباس: والله يا خويه شكلك
احنا بالمستشفى جبنا كمره جا راحت من ايدينا
وسام: شتحجي يا مستشفى وشصار الها
عباس: فقدت كلش انتهت عبالنا ماتت
احمد: سمعته ركضت علي اخذت التلفون وسمعت شكال
يا مستشفى احجي بسرعه
عباس:هااا شيخ
لا تجي الله يخليك كمره منهاره اخاف تشوفك وترجع من جديد
احمد: من كل عقلك ما اجي بسرعه احجي
صلاح:سمعته شكاله كتله
انطيني انه احجي وياه
الووو شيخ انه صلاح
لا تجي المستشفى جيتك ماالها داعي شويه ونطلع
اذا تريد الحكنا للبيت وهناك شوفها اذا تهمك
احمد: صلاح شلون تحجي وياي هيج شعبالك انه متعمد اسوي بأختك هيج
وبعدين شلون ما تنطيني خبر
صلاح: هو انه ندليت دربي
ردت بس اوصلها تشهك وتجر النفس كوه وهي بين ايدي
طلعت من البيت حافي شتحجي انت
احمد: جريت نفس شوي ما ردت اضخم السالفه وحجيت وهسه شلون صارت
صلاح: شوي احسن ربع ساعه ونطلعها
سديته منه ودخلت عليها توها جانت صاحيه رحت الها بستها من كصتها
وكتلها يهون عليج اخوج تخلينه تايه من دونج
ليش هيج هديتي حيلي عليج
كمره: مو بيدي والله
اعذرني خربت عرسك
صلاح: يروحلج فدوه العرس وصاحبه
لا تحجين هواي تختنكين وتعبين
خل يخلص المغذي ونطلع
عباس: راحت كلوبنا عليج
هو جم كمره عدنا اريدج توعدينا تظلين قويه وما تستسلمين
ودواج يوميه بأيدي ادخل اشربجياه
ولو اعرف اجتفج واشربج كوه
كمره: ههه
امي وين
فهيمه: امج بعد حيلي شافتج ورجليها بادن
يمكن صعد ضغطها ما جبناها ويانا
بس لا تخافين كل ساعه يخابرون عليج
كمره: ظلت عيني على الباب بلكي جاي حتى اشوفه
ترددت اسأل صلاح علي ما معقوله ما كايليله
خلص المغذي اجت الممرضه شالت الكانونه
خالتي عدلت شالي وطلعنا كضني صلاح مشاني للسياره
صعدت خالتي وصعدت وراها خليت راسي بحضنها ومشت السياره بينا
بعدها غفيت بحضن خالتي
احمد: طلعت اركض من البيت لحكني عادل وابوي وامي
وكفني عادل وكال
عادل: هاي شبيك انطي صبر بهاي حالتك تريد تسوق
انطيني السويج انه اسوق عنك
احمد: اخذ مني السويج وصعد هو يسوق
وصعد ابوي وامي ويانا وصلنا لبيتهم بعدهم ما جايين
كلبي بنار عليها كله مني انه وصلتها لهل حاله
كون بس اشوفه وارتاح اريد كلبي يبرد اهلي دخلوا للبيت
وانه ظليت بره بالحديقه عيني على الباب كلما اسمع صوت سياره جايه
اطلع اركض عبالي هما
اخر شي اجوا نزل صلاح سلم علي سلام ثكيل عذرته
سألته وينها اشر على السياره عبالي صارلها شي تقربت عليها مسنحه
بحضن خالتها سألته ليش نايمه مو تكولون صحت
صلاح: لا تخاف تأثير المهدئ كلش قوي نامت بالطريق
احمد: اهلها سمعوا صوتنا طلعوا كلهم يركضون عليها
اجى صلاح يشيلها كتله انه اشيلها
شلتها ودخلتها من باب المطبخ بيتهم جان هوسه وعدهم خطار
ما ردت واحد يلمحها دخلتها للغرفه ونيمتها على الجربايه وهي بغير عالم
دخل ابوها وامها وإخوانها واهلي حتى يشوفونها
فهيمه: طلعوا كلكم هسه مو زين عليها الهوسه ترجع تختنك
من تصير زينه باجر بيكم خير وشبعوا بيها
صلاح: حجي خالتي صحيح النفس الزايد مو زين عليها
ام كمره: انه ما اطلع بنيتي اريد اظل يمها
يمه اليوم جا راحت من ايدي وكله مني
شحجي وشكول كون عسى لساني الكص
الشيخه: استهدي برحمانج ام صلاح
قدر وصار وهل ردتلج زينه حمدي ربج وصليله ركعتين لوجه الله وتعالى
وكعدتج يمه كلشي ما تسوي
احمد: الكل يطلع وانه اظل يمها
الشيخ: بويه انت وراك سفر لازم تجهز شغلاتك وتروح ترتاح
وراك كعده من الصبح
احمد: لا تخليني انعل ابو السفر
اليوم اظل يمها وباجر الصبح اجي
صلاح: هذا هو خلي رجلها يظل يمها واحنا خل نطلع كلنا
فهيمه: خاله انت هم روح ارتاح وبدل دشداشتك كلها دم
واطلع للعالم تسأل عليك
احمد: طلعوا كلهم
نزعتها شالها واخذت ايدها بيها اثار الكانونه
ظليت ابوس بيها
تمددت يمها وخليتها على ايدي وبست كصتها وانه احاجيها وهي نايمه
بس تمنيتها كاعده
ليش هيج تأذين روحج وتأذيني وياج
ليش روحج رخيصه عندج
شلون اسافر واظل كل هل مده وبالي يمج
شلون تغمض عيني وانتي ماكو يمي
اباعلها نفسها عالي وصدرها بي خرخشه وكوه تتنفس
واثار دموعها مبينه على خدودها
بست كل اثر بخدها وظليت الليل كله كاعد أراقب نفسها
اخاف تغمض عيني ويصير الها شي
طلعت نص الليل ردت اروح للحمام لكيت امها كاعده ما نايمه وتبجي
عمه ليش لهسه كاعده ٲℓانــتيہ هم مريضه دخلي نامي وانه اوعدج اظل وياها للصبح
ام كمره: ما اخذت عيني نومه شلون تغمض عيني
ابني انت اذا تعبت انه ادخللها وانت ارتاح هم وراك تعب باجر
احمد: كله تعبي يهون الها لا تخافين علي
ام كمره: شيخ انه انطيتك وحيدتي وردتها ترتاح عدك وانت وعدتنا
بروح موتاك شيخ اذا ما تكدر تسعدها وتظل هيج معلعله عوفها ترد النا
جانت عدي مثل الورده المفتحه ومن تزوجت يوميه الها طيحه
واخافن طيحه من الطيحات تموت وما نلحك عليها
احمد: أنتي شتحجين عمه
والله ما جنت محسب لهاي السالفه
ردتها بس تصبر علي لحد ما اسافر واجي وأحل كلشي
انه هم متعلعل اكثر منها
انه هم ما اكدر بلياها
حاولت اعوفها وما كدرت
تعلقت بيها وحبيتها وحبيت كلشي بيها
لا تظنين هاي طيحاتها هينه علي
لا تشوفيني احجي واكف على حيلي
بس داخلي مهدود على مودها
انه باجر رايح على عمه عيوني
بس كلبي وعقلي وروحي راح يظل يمها
بس ارجع اصلح كلشي
ام كمره: اريدك توعدني لو شما يصير هناك ما تعوف بنيتي
لأن بس تعوفها ترى تموت واليوم شفت بعيوني
احمد: ما اعوفها للموت
وهذا وعد الج وبيوم الاعوفها الي حساب عندج وحكج اخذي من هل شارب
وهسه كومي نامي وارتاحي ولايظل بالج
كوه كومت امها وراحت دخلت للحمام توضيت تانيت الأذان سمعته اذن وصليت ورجعت يمها تمددت شفتها صارت احسن تنفسها رجع طبيعي
شبكتها وكلت انام ساعتين بس حسيت بأيدها خلتها علي وحضنتني
كلبها حس بيه حضنتها حيل وبستها من شفتها ونمت كعدت على صوت للموبايل الساعه سته كمت لازم اروح بعد رجعت نومتها وغطيتها وجاي اطلع ودخلت خالتها
همزين اجيتي اريد تشوفيلي طريق حتى اطلع
فهيمه: صار شيخ بس كلي شلون صارت
احمد: الحمدلله احسن بهواي
بعد ما اوصيج عليها كلبي راح يظل يمها
فهيمه: توصيني على بنيتي بعيوني شيخ تدلل
بس اسألك سؤال وجاوبني بروح الإعزاز ولو ما اريد اعطلك وراك سفر
احمد: اعرف سؤالج لا تحجين
ما اعوفها لو تطلع نخله براسها
فهيمه: ريحتني الله يريح كلبك
وهسه تعال اشوفلك طريق
احمد: طلعي شوفي وتعاي كليلي
طلعت هي وانه نزلت بست شفتها وأيدها وكصتها
دكتلي الباب وطلعت وصلت للبيت لكيت امي محضره كلشي
دخلت سبحت وبدلت وحضرت كلشي ونزلت وصيت امي تروحلها بين مده ومده حتى تطمني عليها دخلت لغرفة هند امها جانت محضرتها وأبوها وإخوانها خابرولي يتانونه بالمطار حتى يشوفوها كبل لا نطلع
شلتها وخليتها بالعربانه طلعت ودعت اهلي وصلنا عادل للمطار سلم علي وراح
كمره:كعدت من النوم اشم عطره بالغرفه
وحلمت بي هو نايم يمي كمت اوهوس واشوف خيالات
بس ياناس هذا عطره موجود ظليت اشم بالمخده والفراش واكول
اي هذا عطره مو خيال اكيد جان هنا بس ليش ما كعدني
شلون هنت علي يروح بلا ما يودعني
ظليت ابجي وحدي وانه شابكه المخده وما اريد اعوفه هسه هو يمها اكيد هو هسه يشيلها لأن ما تكدر تمشي وهسه يخليها يمه بالكرسي وتنام على ايده
دخلت خالتي لكتني ابجي
فهيمه: ولج كافي بسج حرام عليج لو ميت هم ما تسوين هيج
ولج فرحي اخذها وراح بلكي تصير زينه وتخلصين منها ويرجعلج
كمره: ما اكدر خاله
يجوز تصير زينه وتحلى بعينه وبعد ما يعوفها
فهيمه: بسج عاد كاعده تتخيلين
ما شفتي امس شلون تحرمس عليج وظل ناطرج للصبح
كمره: صدك اجى
فهيمه: وروح رجلي وما خلى احد يظل يمج بس هو
ومن طلع وصاني عليج وراح
كمره: وليش ما كعدني
وانه متمنيه اشوفه كبل لا يروح
فهيمه: ما هون بيج يكعدج وتأثير الدوه قوي عليج
ولا تخافين سألته وكلي ما اعوفه لو تموت
ريحي كلبج خاله وبسج بجي كومي دخلي للحمام
سبحي وطلعي شوفي درب الله
ومن باجر ردي لدوامج
كمره: لا خاله تعمد ما يكعدني حتى لا اشوفه
يريد يخلي شوفة وجه الي حسره
خاله هو حلف وحجاها بوجهي وكال راح اعوفج
بس انه لهنا وكافي راح ادوس على كلبي
واتاني واشوف شراح يسوي
اذا يريد يطلكني هذا هو انه مستعده
وراح الهي روحي بالدراسه وأحاول بلكي أنساه
وشنسى انه اضحك على روحي
وحتى لو ما نسيت المهم ادفن حبه بكلبي
وشيريد يسوي خل يسوي
حالة كمره
فهيمه: ﺎﺳـتغ͜ـغـ۟فر ﺎﻟلهۃ
مو عقل عندج طركاعه سوده اروح منج احسن الي
كمره: كمت دخلت للحمام سبحت وبدلت
وطلعت لكيتهم كلهم بالهول اجى واحد ورى الثاني شبكوني وتحمدولي السلامه
رحت على امي لكيته واكفه على السنك تغسل الاماعين شبكتها من ظهرها
وكتلها سامحيني يا نبع الحنان عليت صوتي عليج والله عاقبني
انه استاهل كلشي ولا ٲℓانــتيہ عاد هي دارت وباستني وشبكتني
أفيش يا حضنج جكد مشتاقتله
ام كمره: بعد رويحتي ٲℓانــتيہ
شعندي غيرج انه شو بس ٲℓانــتيہ واجيتي كوه بألف دعوه والف نذر
ٲℓانــتيہ سامحيني بنيتي
انه هم ما قصرت وياج
وهسه كليلي شلون صرتي
كمره: زينه لا تخافين علي تعودت على حالتي صارت عندي زلاطه
مر اليوم عادي بالليل دز وسام رساله كال باجر اذا ترحين انطيني خبر
دزيت كتله اروح انتظرك
كعدت الصبح على وكت قررت أغير من حالي
ما اريد اظل داخل قوقعة احمد ما دام هو شاف حياته وقرر يطلكني
انه هم خل اشوف حياتي
هل مره ما لبست قميص لبست بدي ابيض بي ضيك
وتنوره ضيكه رصاصي بيها شيالات وفتحه جانبيه صغيره
وخليت مكياج بس مو طوخ لا خفيف واهم شي الكحله خلاها احمد حسره علي خطيت عيوني باوعت على روحي بالمرايه متغيره ١٨٠ درجه
كملت شويه سمعت الهورن طلعت من باب المطبخ حتى لحد يكلي شلون تطلعين هيج ورجلج ماهو
اذا هو رجلي ما يحس بيه حتى ما رفع التلفون وكال شلونج ما لونج
شفت السياره ورحت ردت افتح الباب ما انفتح الأخ مندمج بالتلفون من الصبح دكيت الباب واشرتله على القفل ياله فتحه وصعدت وهو اسمعه ظل يصوفر
وسام: ٲℓانــتيہ منو
كمره: ههههه هاي شبيك انصدمت
وسام: كمره بعلي ما اخذج
كمره: عاد لا تصير كلش يله طريقنا طويل
وسام: كمره اذا تعزيني نزلي غيري لبسج
كمره: وسام ما الحك بعد تأخرت انت معليك بيه
وسام: شلون معلي بيج شلون ادخل بيج للكليه
كمره انه حماج دخت شلون الغريب
كمره: اذا ما تريد توصلني هسه انزل واخلي واحد من اخواني يوصلني
وسام: منو كال ما اريد اوصلج
اذا درى احمد بهذا لبسج غير ينكلب طنطل علي وعليج
غير جرة عيونج والكحله بوياي تسطر سطر
كمره: وشلون يدري انت لا تكله
وبعدين هسه تلكي ملتهي ويه ست الحسن
ما يتذكر كمره ولا ابوها
وسام: من امس لليوم كولي عشر مرات دك علي يذكرني بيج
شلون بعد ملتهي
كمره: وهسه شلون توصلني لو انزل
وسام: عمي اوصلج امري لله بس انه متإكد اليوم يخابرني يطيح حظ حظي
ٲℓانــتيہ تخربطين وانه ابتلي
كمره: اذا عنده حجي خل يحاجيني انت شعليك
وسام: تحجي بزودها عبالج اذا هو ماكو يخليج تسرحين بكيفج شوفي شيسوي هسه
كمره: شيسوي يجي بطياره خاصه على مودي
وسام: مو بعيده احمد كلشي أتوقع منه
كمره: وصلني للكليه ونزل وياي
سألته شو نزلت
وسام: اوصلج للقسم وارجع هاي أوامر رجلج
كمره: حتى وهو هناك ما خلصانه من تدخلاته
وصلني وراح دخلت للقسم جانت نظرات الطلاب الي غريبه احسهم متفاجأين بشكلي الجديد دخلت للقاعه شفت هبه وفاطمة كاعدات انتبهت علي فاطمه وكالت
فاطمه: بِسْم الله الرحمن الرحيم
قل اعود برب الفلق خل ادك الخشب عيني بارده عليج
هبه:غياب الدكتور احمد سوى بيج شخطه
كمره: المفروض تتلكني تسلمن علي
شبيجن مفهيات بوجهي
هبه: جاي تعمين علينا تدرين لو لا
المفروض احنا نسوي مثلج ًحتٍٍٍــى نحصل رجوله ضالات حدايق
مو ٲℓانــتيہ المعرسه بس تدرين طالعه اشرد
فاطمه: ولج انه من يمي معت الله يساعد الطلاب من شافوج
كمره: انه هسه راح اسكت عنجن بس ورى المحاضره انه اعلمجن
خلصنا اول محاضره وطلعنا هبه كالت امشي نروح للكافتريا نتريك
انه ما قبلت الكافتريا متروسه طلاب ما ردت ادخل بهذا لبسي
كتلهن امشي نروح للحديقه الخلفيه تصير ورى القسم هناك يجون قليل بيها طلاب يـ؏ـنـي بعيده عن العين
هبه: يله شنو تردن انه اروح اجيبه واجي
كمره: مثل كل يوم
هبه: وانتي فاطمه
فاطمه: وانه هم حالي حالجن
هبه: تمام
رحت عنهن شويه مشيت مسافه دك تلفوني شفته رقم غريب ومو عراقي استغربت منو هذا خفت بالبدايه ما شلته بعدين اجت رساله
احمد: هبه انه الدكتور احمد شيلي التلفون ولا تحسسين زينب بشي
هبه: معقوله شلون عرف رقمي وشيريد مني
اكيد على مرته يسأل دك وشلته
احمد: الو صباح الخير هبه
هبه: صباح الخير دكتور تفضل
احمد: اذا ٲℓانــتيہ يم زينب لا تحجين شي ولا تخليها تشك بيج
هبه: حاليا مو يمها بس ليش
احمد: شوفي اخذت رقمج من شؤون الطلبه
اريدج توصليلي اخبارها كل يوم وما اريدها تعرف بشي
واذا ما تكدرين كولي وانه أكلف احد غيرج
هبه: دكتور ما عندي مانع
بس شلون اذا درت ترى تذبحني
احمد: شلون تعرف اذا ما تكولين ٲℓانــتيہ
وهسه شكلتي اعتمد عليج
هبه: ما ادري دكتور بس خايفه تشك بيه وانت اكثر واحد تعرفها شتسوي
احمد: لا تخافين ٲℓانــتيہ اخر وحده تشك بيها وخليج طبيعيه
كل الاريده منج يوميه دزيلي صوره الها لو تسجيل فديو
وأخبارها العاديه
تعرفين وضعنا هسه واكيد راح تكطع علي الماي والكهرباء
وانتي اقرب وحده الها
يـ؏ـنـي ٲℓانــتيہ راح تنقذيني
هبه: تٌـٌـمـــ😻ـٌـٌإأإآم دكتور بس من باجر مو اليوم
احمد: وليش مو اليوم صاير شي
هبه: هاااا
لا ما صاير شي بس خل اضبط الوضع زين
احمد: دزيلي حتى لو صوره وحده
راح انتظرج
هبه: احاول دكتور
احمد: لا تكولين احاول منتظر هسه على نار
ماشي
هبه: ماشي
شلون هسه شسوي اذا ادزله صوره بهذا لبسها يموتها
بس هو ما يمها
خل ادز بلكي يتصرف وياها ويخليها ما تتهور وما تلبس هيج
رحت للكافتريا اول شي جبت النا الريوك وتريكنا كتلهن راح اروح للحمامات وكفت مسافه شويه عنها واخذت الها صور ورسلته للدكتور احمد
احمد: اليوم الفات كضيته كله نايم من التعب ومن السهر ويه كمره
بس وصلنا للفندق خليت هند وامها بغرفه وانه بغرفه ًحتٍٍٍـــى اخذ راحتي
كعدت من الصبح عطشان على شوفتها خابرت لوسام كلي وصلتها سألته عليها كلي زينه بس ضايجه
اجت بالي فكره اخلي هبه صديقتها توصلي اخبارها اعرفها ما تضم عليها شي اخذت رقمها ودكيت عليها وأتفقت وياها
جنت منتظر صوره الها اصبر بيها كلبي شفتها تأخرت دخلت سبحت وطلعت كبل للتلفون شفت الصور وصلت فتحتها ويا ريت ما فتحتها
طيرت عقلي وصعدت روحي للستار
شنو اللبس والمكياج والجسم المفصل تفصال
والله لو يمها جان طلعت بروحه
معقوله استغلت غيابي لو من حركت كلبها تسوي هيج
بس انه الها عبالها بعيد عنها وما اكد الها بسيطه كمره انه اعلمج
اخذت التلفون ودكيت على وسام
وسام: الووو ها شيخ
احمد: لا تخليني من الصبح اسبك واسب الشيخ
ايا طايح الحظ شلون تخليها تروح للكليه هيج
انه مو امنتك عليها
وسام: احمد والله كتلها وطاحت وصله من لساني وانه اتوسل بيها تنزل تغير لبسها بس شسويلها تعرفها عنيده وما تسوي اله الي برأسها
بس كلي انت شلون دريت
احمد: هذا الهامك شلون دريت
هسه تروحلها للكليه وطلعها ترجعها
وسام: شلون اروح انه بعيد عنها وعندي محاضرات
احمد خل يعدي اليوم ومن باجر انه اتصرف وياها
احمد:من باجر شنو انت اليوم ما دبرتها تريدني اتاني لباجر
انت ما تكدرلها انه اتصرف
سديته منه ودكيت على شداد
شداد: الووو شيخ الحمدلله على السلامه
احمد: الله يسلمك
اكلك هسه تروح للكليه وتاخذ وياك عبايه لو صايه وتجبر كمره تلبسها وتطلعها مناك غصبن عليها
شداد: خير ليش هيج
احمد: لا تسألني ليش تترك شكو شي بإيدك هسه وتروح
ولا تلبس دشداشه البس رسمي وروح بسرعه
شداد: استغفرالله
وشلون ادخل للكليه تعرف انه حدي للكراج بس
احمد: انت اوصل للاستعلامات وخابرني هناك ومعليك انه اتصرف بس تروح هسه يرحم روح الوالده
شداد: ماشي بس لا تثور رايح هسه امري لله
رجعت للبيت بدلت وطلعت للكليه وصلت للأستعلامات خابرت علي وكتله وصلت مدري شنو حجى ويه الأمن دخلوني بسرعه
عفيه شيخ كلها تعرفه وتهابه
رجعت خابرته كتله وين الكاها الكليه شكبرها
احمد: انتضر شوي هسه اعرفلك مكانها
خابرت على هبه وكلتلي على مكانهم رجعت خابرته
الووو ها شداد تسأل على الحديقه الخلفيه وتروح هناك تلكاها بس عفيه استعجل ولا تنسى تلبسها الصايه ما تطلعها كدام الأمن الا ولابسه الصايه
ومن تطلعون انطيني خبر
شداد : صار
شفت طالب سألته على المكان دلاني علي وصلت وشفته وانه تصنمت بمكاني
خرب عمي هايه شطالعه اليوم
عمي حقه يتخبل
كمره: يله بنات راح تبدي المحاضره كومن نروح
شداد: وين رايحه ست كمره كل محاضره ماكو
كمره: شداد شجابك هنا
شداد: هاج لبسي هاي الصايه وخل نطلع بسرعه
كمره: شتخرف انت
كلشي ما البس ورايحه للمحاضره واريد اشوف شلون تمنعني
وبعدين انت شعليك
شداد: والله الخرف صابج أنتي بهذا منظرج
واطلعج كوه لو اعرف اشيلج كدام الطلاب ما عندي مانع
فيا حبابه لبسي وخل نطلع بهدوء
كمره: انت مد ايدك علي وشوف شسوي بيك
والله اخلي الأمن يطلعوك منا
شداد: كمره لا تعاندين
ترى الأمن رجلج حاطهم بجيبه
كلشي ما يكدرون يسون
فطلعين برجليج لو اطلعج على جتافي
ٲℓانــتيہ اختاري
هبه: زينب حبوبه طلعي وياه ولا تكبرين السالفه
وتصيرين فرجه للطلاب
كفي الشر فدوه حبابه
شداد: سمعي حجي صديقتج وخل نطلع
شوفي ترى قافل كلش ما يفيد شنو تسوين
كمره: انت شعليك بيه ليش تدخل
شداد: أوامر رجلج انه ما الي دخل
بعدين تعاي كولي اخوانج شلون خلوج تطلعين هيج
شداد: معليك بأخواني
واحمد شمدري بس لا وسام كله
كمره: اخذت التلفون وخابرت على وسام
الووو ليش كلت لأحمد
وسام: كلشي ما كلت ما اعرف منين درى وانه حصلتي رزاله بسببج من الصبح
كمره: يـ؏ـنـي انت ما حجيت شي
وسام:مخبل انه واكله ما اعرفه شبيه
انه كتلج وحذرتج وما سمعتيني هسه احسن الج هيج
كمره: سديته وكلت لشداد يله امشي
هو هناك وما خلصانه منه
شداد: لبسي الصايه
كمره: استغفرالله
جيبها
اخذتها منه ولبستها بس حلوه والله ومبينه جديده وذوقه حلو شداد
يله امشي تريدني البس بعد بوشيه
شداد: لا هيج كافي
لو جايب جواريب وياي هاي فاتتني
كمره: حضرتك تصنف علي
شداد: لا يله امشي
اعذرني بنات عطلتكم أخذن راحتجن
هبه: حجيت بهمس
معذور ومغرور
شداد: سمعتج
هبه: اسمع عاد انه خايفه
كمره: طلعنا من الكليه راح فتح باب السياره وصعدت وهو صعد واباوعله يضحك كتله
ليش تضحك انت مشمت بيه
شداد: اكو واحد يشمت بكلبه
كمره: الله يخليك لا تحجي هذا الحجي كدامي
شداد: الي تردي
بس اول شي هاج هاي الكلينسه مسحي وجهج
اخذتها مني ومسحت وجها اول مره اشوف كمره مطيعه هيج
بس احب اكلج شغله
ٲℓانــتيہ ما عايزه جمال حتى تطلعين هيج
ادري بيج تنفسين عن غضبج بهاي الطريقه
وأدري بكلبج محروك
لأن انه ضايك حركة الكلب ولوعته
ٲℓانــتيہ جاي تضرين نفسج وبس
اباعلها من المرايه الإماميه ظلت دموعها تصب درت عليها وكلت
ما جاي احجي وياج حتى ابجيج
جاي انصحج بس
كمره: تكدر توكف السياره شوي
شداد: ليش شصارلج
كمره: شوي اختنكت اريد اخذ نفس
وكف السياره ونزلت وهو نزل وراي مبين علي خايف
مسحت دموعي وكتله
اكدر اطلب منك طلب
شداد: امريني
كمره: تكدر تخليني اسمع صوته
شداد: تنهدت وكتله وليش مو ٲℓانــتيہ تخابري
كمره: متأكده ما يشيله وخصوصا بعد الصار اليوم
شداد: حاولي ما تخسرين شي
كمره: لا ما اكدر
شداد: صار
اصلا هو كال من تطلعون خابرني
دكيت علي وفتحت السبيكر
احمد: الو ها شداد طلعتوا
شداد: اي احمد طلعنا صارلنا مده
احمد: لبست الصايه
شداد: اي لبستها وحتى المكياج مسحته بعد تريد شي
احمد: وهي شلونها خو ما صارلها شي
شداد: لا زينه
احمد: ماشي وكفتك ما انساها الك
كمل جميلك وصلها للبيت وأتأكد تدخل ياله تتحرك
شداد : صار
وهسه سمعتي ارتاحيتي شوي
كمره: ليش تنفذ اي شي يطلبه منك
شداد: لو يطلب روحي انطيها اله
كمره: لهل درجه تحبه
شداد: لدرجة تنازلت عن كلبي اله
كمره: خلص لا تحجي شي وصلني
ركبت السياره وصلني للبيت وراح
دخلت اهلي تفاجأوا ليش رجعت من وكت كتلهم ما عندي شي
دخلت نمت للعصر ياله كعدت شفت التلفون كلت بلكي داك عليه مودي رساله بس كلشي ماكو احترك كلبي بالزايد
بعدها قررت قرار يجوز اندم علي بس ما دام حرمني منه راح احرمه مني ومن اخباري وما اخلي احد يوصله اي شي عني
دزيت رساله لوسام وتالي غلقت التلفون وكلت بالرساله
وسام انه قررت اترك الدوام لا تجي علي بعد
وانتظرتك مثل الأعمى الينتظر جية ضوه
:::::::::::::::::::::::::::::::::::::::::::::::::::::::::::
وسام: هاي شبيها
هسه بالله شكل لأحمد
يووو انه شعلي اكله وهو يتصرف
اخذت التلفون دكيت علي ما شاله يجوز مشغول
احسن شي احول الرساله مالتها اله وهو يتصرف
حولت الرساله اله
وجربت ادك عليها اسألها ليش هيج سوت
دكيت جهازها مغلق
الظاهر اليوم احمد مثكل عليها هواي
بس احسن انه اليوم من شفتها احس الدم وصل لراسي
بس ما الي سلطه عليها
بس حرامات السنه تقريبا خلصت راح تضيعها على الخالي بلاش
احمد: جنت بالمستشفى اضبط الوضع ويه الدكتور المختص بحالة هند
وأسجل دخولها وانشغلت كلش والتلفون مسوي صامت
رجعت للفندق هلكان من التعب والفره
دخلت اسبحت حتى شوي اريح جسمي وتالي طلعت مريت على هند
وامها وسألت عليهم وبلغتها باجر ندخل للمستشفى حتى تبدي فترة العلاج
ورجعت امدد روحي اجت أبالي البلوه مالتي اشتاقيت اشوف صورتها اليوم شطالعه بت الكلب اذا ما اندمج على هذا لبسج بس اصبريلي
والله لو تسمع من اكول بت الكلب لو يمها طابوكه تشمرها علي
فتحت صورتها وظليت اكبرها واباوع لوجها ولحسنها
اوففف عطبت كلبي هل كمره
وانوب العيون وخطت الكحله تجفل اكبر واحد
الله اليعلم اليوم شكم واحد صفن بهل العيون
اذا ما كسرت شكو قلم كحل عندج ما اطلع انه احمد
دخلت على الرسائل شفت رساله من وسام
قريتها وانه وكفت على حيلي
فركت وجهي بعصبيه وكلت
تالي وياج ليش هذا العناد كله بس اريد افتهم
اخذت نفس وفكرت زين ما لازم أتسرع
لازم احسبها صح واسبقها بخطوه
العنود جانت اكثر عناد منها وروضتها
ٲℓانــتيہ هم لا تخافين وين ترحين مني اروضج اروضج
والا اكسر عنادج واخليج تفكرين الف مره قبل ما تخطين اي خطوه
دكيت على وسام استفسر منه
وسام: الوووو هلا بالشيخ شلونك
شفت الهجوم المباغت الك
احمد: الحمدلله
هههههه
لا تخاف عندي هواي دفاعات
ما عرفت ليش هيج قررت
وسام: شمدريني ادك عليها جهازها مغلق
بس يجوز انت ثخنتها اليوم وياها
احمد: تستاهل واكثر بعد اسوي
شتريدني تسوي عرض واظل واكف متفرج
بيها بخت مو يمها
فلتت هل مره بس خل تصبرلي
وسام: ههههه
لا شيخ بداعة عزيز كلبك عوفها هل فتره خليها على راحتها
ترى فراكك مو هين عليها
ومن ضيمها تسوي هيج
هسه تحس بروحها غلطانه ومنها ومن كيفها ترجع تداوم
احمد:لا ما تعرفها انت من تعاند
لو مطي ينطح مطي هم ما تكسر عنادها
بس انه اعرف شلون اخليها ترجع بس ما اجبرها
وهسه اخاف ترجع تخابر عليك
ما اوصيك بعد هل مره افتح عيونك عدل
وسام: صار شيخ تدلل انت ومرتك
احمد: رجعت دكيت على اخوها صلاح هو الوحيد الي يكدر يقنعها
اعرفها تاخذ حجايته
صلاح: الووو
هلا شيخ احمد حمدلله على سلامتك
احمد: الله يسلمك صلاح
ردت اسأل على كمره وجهازها مغلق
صلاح: ما ادري شيخ هي من اجت من الكليه لهسه نايمه حتى غدا ما تغدت
ورجعت من وكت ما نعرف شبيها وما ردنا نضغط عليها بعد اخر شي الصارلها تركناها على راحتها
راح انطيها خبر حتى تحجي وياها
احمد: لا ما اريد احجي وياها بس ردت اعرف اخبارها منك وردت اكلك
اليوم دزت خبر لوسام تريد تترك الدوام
اريدك تعرفلي ليش هيج سوت وبنفس الوقت تقنعها ما تترك لأن هذا مستقبلها حرام تضيعه بتصرفاتها الطايشه
انه ادري بيها تريد تعاقبني بهاي الطريقه وتريد تستفزني
بس بالعكس انه افرح من تظل بالبيت حتى ما تطلع ويظل بالي يمها
بس السنه ما ظللها شي وتخلص وتروح عليها
اريدك تقنعها بدون ضغط وجبر
وانه اعرف معزتك عدها وما تكدر ترد كلامك
صلاح: الصراحه فاجأتني اول مره اسمع تريد تترك الدوام لحد الان ما حجت شي
لا يظل بالك هسه ادخل واعرف كلشي منها
احمد:اعتمد ﻋﻠﻴﻚ
بس لا توصللها خبر انه كتلك تقنعها
حاول تفهمها انو انه ما همني اذا داومت او تركت بالعكس احسه حمل وانزاح عني
ماشي
بس بهل طريقه ياله تقتنع
صلاح: صار شيخ راح احجي وياها ومن ترجع بقرارها انطيك خبر
احمد: ماشي انتظر منك خبر
كمره:ظليت كاعده بالغرفه ما طلعت ابد خايفه من قراري يمكن تسرعت
بس بعد ما اكدر ارجع اكيد هسه الخبر وصله
هما اخوانه ما يضمون علي شي
بس حتى لو عرف شراح يسوي يـ؏ـنـي
سمعت دكت باب نفضت راسي من التفكير كلت تفضل
دخل صلاح شافني وابتسم وكال
صلاح: اليوم شبيه الكمر خانس وحابس ورحه
صاير شي واحنا ما ندري
كمره: لا ماكو شي
صلاح: متأكده
وجهج دائما يفضحج تعرفين روحج من تضمين شي بسرعه يحتقن
كمره:انت بس التعرفني هيج
اما الباقين بسرعه تعبر عليهم
شتريد تعرف
صلاح: اسأل عليج ما يصير
ودواج شربتي لو هم ركنتي
كمره: ماكو احد يغثني بعد ليش اشربه
اصلا هو للضروره ينشرب
صلاح: وانتي ما ينعرف شوكت تهجم عليج الحاله
شربي للأحتياط
كمره: صار من عيوني هسه اشربه
أوامر ثانيه
صلاح: باجر انه اوديج للدوام ليش تعبين حماج
كمره: هاااا
بس انه باجر ما اروح
صلاح: ليش بالله وانتي امس ما رايحه
ترى هذا دوام مو لعب
لو عبالج رجلج دكتور هناك وتداومين بكيفج
باجر انه اوديج وخلص وما اريد تجادلين
كمره:بس انه قررت اترك الدوام
صلاح: مخبله ٲℓانــتيہ
اكو واحد سوا سوايتج شنو تركين الدوام
مو هاي الدراسه الكتلتي روحج عليها وعاندتي لو ادرس لو ما اتزوج
وبعدين منو صحت الها هيج فرصه هنا اشو بس ٲℓانــتيہ
البنات هنا يحلمن يوصلن للثالث مو انوب يدخلن جامعه
كمره حرامات تضيعين مستقبلج
ترى محد يتأذى غيرج وبعدين تتندمين
ما اريد اضغط عليج ولا اكلج داومي غصبن عنج هذا قرارج ٲℓانــتيہ
بس اريدج تفكرين بعقل
اول واحد يفرح بتركج للدوام هو رجلج
لأن راح يأمن ٲℓانــتيہ بعد ماطلعين وتظلين بالبيت
ما راح يشيل همج
والسنه خلصانه ما ظل الها شي كلها شهر ونص وتبدي الامتحانات
راح اتركج تفكرين وأدري بيج عاقله
اذا تعزيني والي خاطر عندج كملي دوامج
خليني ارفع راسي بيج
ماشي بنيتي هسه كومي وياي طلعي حتى نتعشى سوى
كمره: كلام صلاح وعاني وخلاني أفز من كابوس جنت حاكمه نفسي بي
صدك انه ليش ادمر مستقبلي على شي ما يسوى
كام هو وكمت رأسا شبكته وبسته من خده وكتله
• خـٰــُِلصہ ما راح اكسر بخاطرك
راح اداوم باجر بس ما اريدك تاخذني
انت بعدك عريس وكعدة الصبح مو هينه
اروح ويه وسام هو اصلا يداوم وانه تعودت علي ياخذني ويرجعني
صلاح: اي هاي اختي الاعرفه ما تنكسر لو شما عصف بيها الزمن
اريدج دوم قويه وما تخاف من شي بس من الخلقها
واذا ترحين ويه وسام روحي المهم عندي راحتج
كمره: كضني من ايدي وطلعني للهول جانوا جانو اهلي يتعشون
تعشيت وياهم وبعدها كمت على المطبخ نظفته ورتبته وغسلت الاماعين حاولت فرح تساعدني ما قبلت بعدها عروس خطيه
دخلت سبحت وحضرت ملابسي رجعت لستايلي القديم والبسيط
خابرت لوسام وكتله تعال علي انه تراجعت وهو ظل يضحك علي يكلي ما تعرفين شسوين كل ساع الي رأي
وهو فعلا كلامه صح
تمددت على الجربايه ومخليه التلفون يمي وكل ساع اباوعله
تمنيت يدز ولو رساله وحده حتى لو بالغلط بس ماكو بعدها وقت النقال وغفيت وكعدت الصبح كالعاده بدلت وكملت وطلعت بس هل مره لكيته نازل من السياره شافني وابتسم برضا على ملابسي فتحلي الباب وكال اصعدي وظليت على هل حال يوميه نفس الروتين بس انه نفسيتي كلش تغيرت من يوم الي سافر بي وهو ابد ما طمني عنه ولاسإل عني
وهواي حاول وسام يوصلي أخباره بس انه جنت ارفض اسمع شي مو عنه بس ما ردت اسمع اخبار هند الي هو فضلها علي
اذكر من خيرته بيني وبينها هو صح ظل متمسك بيه بس بنفس الوقت ما تركها اختار ضميره على سعادته
رجعت لنفس الحاله من تركني ٣ اشهر وقت الخطوبة
بس هل مره ما بينت لأحد كتمته بكلبي حتى اهلي ما بينت الهم شي
لأن وكت الخطوبة راويتهم الويل وطلعت روحهم لحد ما طلعوني منها
كدامهم اضحك واسولف وبداخلي انزف
اجت الشيخه كم مره شافتني واطمنته علي ومثلت كدامها دور الما مهتمه بشي بس انه وين داخلي بركان يفور يا ساعه ينفجر
وبعد اسبوعين من سفره جنت بوكته بالكليه كاعده على مصطبه مالي اخلك احجي واسولف حتى ويه هبه عزلت روحي تماما عن الطلاب وكلامي قل اجاوب على كد السؤال وبدون نفس حتى مستواي بالدراسه تراجع كلش وامتحاناتي على الحافه حي الله انجح وبس جنت صافنه ومخليه ايدي على خدي شفت خيال صار فوكي رفعت راسي شفتها هبه
هبه: صارلي ساعه ادور عليج وانتي هنا شبيج ما تكليلي
احسج هل الايام تهريبن مني شسويتلج انه
كمره: سمعتها وسكتت مالي خلك اجاوبها كمت اريد اروح بس كضتني دوخه كلش قويه بحيث حتى عيوني غوشن
كضتني هي ورجعت كعدتني وكالت
هبه: هاي شبيج ليش هيج حالتج
انه منتبه عليج جاي تذبلين يوم عن يوم
امشي نروح للطبابه يقيسون ضغطج اخاف نزل
كمره: ما الي خلك اروح لأي مكان
ولا تهتمين يجوز لأن ما ماكله
هبه: وليش وعلى شنو ضربي الدنيا بعرض الحايط
مو هذا الي ردتي ٲℓانــتيہ
مو ردتي تطلكين منه
وهو جاي ينفذ الي ٲℓانــتيہ تردي بعد شنو موته روحج
كمره: الحجي سهل
حقج ما عشتي الي انه عشته وجرعته
كافي هبه عوفيني وروحي الله يخليج
هبه: ماشي على راحتج انه رايحه وانتي اذا شفتي روحج زينه تعالي المحاضره راح تبدي
عفتها ورحت مسافه عنها طلعت التلفون وخابرت للدكتور احمد
احمد:الوو ها هبه خو ما صاير شي
هبه: دكتور اليوم زينب ابد مو على بعضها
حتى كضتها دوخه قويه ورادت توكع من طولها
الله يخليك حاول تحجي وياها يجوز منك تسمع
احمد:تلكيها ما ماكله شي وكضتها دوخه
هبه انه هسه مشغول كلش ومو فاضي لسوالف كمره الما تخلص
من يصير عندي وكت اخابرلج وانطيني التفاصيل
هبه: بس دكتور احسها مو مثل الاول
لو شايفها شلون ذبلت وما تحجي ويه احد ومستواها كلش تراجع
وما يفيد وياها الحجي ابد
احمد: خليها تضوك اللوعه الي ضوكتنياها
كتلج انه هسه عندي شغل .......
هبه: بس دكتور
شو هذا سده بوجهي
هاي ليش يوميه كل شوي يخابرني اليوم شجاه
كمره: تلكي ملتهي ويه حبيبة كلبه
هبه: درت وجهي وانصدمت ٲℓانــتيہ من شوكت هنا
كمره: من اول ما بلشت مخابرتج
مع الاسف عليج جنت مأمنه بيج واكلج كلشي عني
بس كليلي شسويتلج حتى غدرتي بيه
اعتبرتج ازيد من اختي وامنتج على أسراري كلها
طلعتي ٲℓانــتيہ الي توصليله اخباري اول بأول
بس كليلي ليش
هبه: زينب حبوبه لا تزعلين مني والله هو قنعني وكلي على مودج اسوي كل هذا
كمره: والمقابل شنو
شنو الي راح تحصلينه منه
وبيوم الي اجى شداد وطلعني من الكليه الصور ٲℓانــتيہ وصلتيها
هبه: شنو المقابل شبيج ٲℓانــتيہ
لمصلحتج سويت هيج
كمره: سألتج جاوبي الصور ٲℓانــتيہ دزيتيها
هبه: هزيت راسي بأي
كمره: ما راح اكلج شي بس كل الاريده منج تركيني بحالي
لا اعرفج ولا تعرفيني
هبه: لا حبوبه والله مالي دخل
كوه قبلت اسوي هيج بس لا تصيرين قاسيه وياي الله يخليج لا تركيني
والله ما ضريتج بشي
كمره: سكتي ما اريد اسمع شي منج
ٲℓانــتيہ اخر وحده جنت شاكه بيها بس مع الاسف ما عرفت اختار صح
عوفيني هبه ما اريد اجرحج اكثر
عفتها ومشيت بعيد عنها هي ظلت تبجي اعرف ما الها دخل بشي
هو عنده أسلوب يكدر يقنع بي اكبر واحد
بس انه فقدت الثقة بكل شي ظليت امشي وصلت لمكان بعيد عن القسم وكعدت على الثيله ورى شجره مكان هادئ ظليت ابجي بي وحدي
كلبي وجعني من هبه ومنه
كلتله على حالتي وهو ابد ما اهتم وما نطى اي ردة فعل
والانسانه الي حبيتها واعتبرتها اختي غدرت بيه
ما كدرت اكمل المحاضرات لأن رجعت الدوخه كضتني بس هل مره اقوى
وخفت اختنك هنا وحدي طلعت تلفوني ودكيت على صلاح
صلاح: الوووو
كمره: الووو صلاح تكدر تجي تاخذني
صلاح: ليش مو بعد وكت
كمره: دخت كلش وخفت اتخربط هنا وحدي ما اكدر اكمل
وسام هسه ما فارغلي عنده محاضرات
صلاح: صار دقايق وانه يمج اصلا انه موجود بالولاية
اخابرلج بس اوصل وطلعيلي
كمره: ورى ربع ساعه تقريبا خابر صلاح كال اطلعي
طلعت ركبت وياه شافني مالي خلك كلش توسل بيه اروح للدكتور ما قبلت
كتله بس وصلني للبيت لا تخاف علي لأن ما ماكله شي
وصلني ودخلت من باب المطبخ لكيت امي وفرح يسوون بالغدا بس شميت ريحت الاكل لعبت نفسي
ركضت للحمام استفرغت كلشي
احس معدتي تخربطت كلش غسلت وجهي ودخلت للغرفه نحلانه كلش
نمت بملابس الدوام يمكن ساعه كعدت لكيت فرح واكفه يم راسي استغربت كتلها شبيج
فرح: حالتج ابد ما عاجبتني
كومي تغدي اكليلج لكمه وجهج اصغر الى متى تظلين هيج
كمره: معدتي ما ادري شبيها تلعب نفسي يمكن مستبرده
ما اريد شي عوفيني انام
فرح: والله خايفه من هاي اعراضج تطلع مو مال وحده مستبرده
كمره: شقصدج
فرح: كمره شاكه بيج حامل
صارلي فتره مراقبتج اشوفج تنامين هواي وما تاكلين وخمول عندج
واليوم تأكدت من كشت روحج من ريحة الاكل
