رواية كبرياء شيخ الفصل الثامن والثلاثون بقلم زينب
كمره: من تعرفين هاي الشغلات الي يسمعج يكول ٲℓانــتيہ خبره
وانتي بعدج ما مكمله عشرين يوم هنا
فرح: حبيبتي عشت ويه نسوان اخوتي وعاشرتهن وكلشي اعرف
بس اسألج سؤال
شهريتج تأخرت عليج
كمره: شمدريني هو انه مضيعه الايام مو انوب احسب الشهر
فرح: ماكو غير حل واحد لازم نجيب اختبار حمل ونتأكد
كمره: فتحت عيوني مستغربه ٲℓانــتيہ صدك تحجين
فرح: شوفي لو ما طلعتي حامل تعاي تفلي بوجهي
كمره: لطمت على خدي وكلت
عززااا بس لا صدك درت عليها وكلت شلون اذا طلعت حامل شسوي
فرح: وشبيج شهكتي المفروض تفرحين هذا رزق من الله
كمره: يا رزق بس يجي من السفر ينتهي كلشي بينا شنو ذنب هذا الطفل يتشتت بينا
فرح: بالعكس ليش يجوز هو الراح يجمع بينكم
كمره: شيجمع
ولج هذا ما عنده رحمه اذا اجى وطلكني ياخذه مني ويخليني بحسرته
ويخلي ست هند تربي بعنادي
فرح: والله ٲℓانــتيہ غلطانه ليش فاهمته غلط
من شفته شلون تسودن عليج من طحتي
ما اصدك يطلكج وانه حاسه بهذا الشي
هسه كومي بدلي ملابسج وطلعي اكلي شلون ما جان لحد ما نجيب الاختبار وتنأكد
كمره: عفيه فرح ما اريد طير مخلوق يعرف بشي ابد حتى صلاح
فرح: وليش شناويه تسوين بي اذا طلعتي حامل
كمره: ما ادري عقلي وكف
بس • ﺂنٰ شۨـِﺂءۙ ﺂللـِه۫ہ ٰمو حامل ما اريد شي يربطني بي
فرح: شوفي كمره راح اكلج شي وخلي ترجيه بأذنج
ديري بالج تسوين شي اله
ترى اذا صدك وطلعتي حامل هذا الي بطنج ابن شيوخ
واذا درى ٲℓانــتيہ مسويتله شي يصير الدم للرجاب
واخوتج الي يطيحون بيها
كمره: شايفتني من كل عقلج ما عندي رحمه اخلص من طفل
ٲℓانــتيہ ما جاي تفهميني العشته شي اكبر من انو أتناسى واعيش حياتي كأن ماصار شي وهسه راح تزيد تعاستي اكثر اذا صار هذا الطفل وان شاء ما يصير
فرح: اوففف والله كطعتي كلبي • ﺂنٰ شۨـِﺂءۙ ﺂللـِه۫ہ ٰما يصير شي من الجاي تفكرين بي هسه كومي وبعدين نكعد ونفكر شنسوي
كمره: ما اكدر اخاف اكل شي وتلعب نفسي كدامهم وأول وحده تشك امي
وامي اذا درت البيت كله يدري واكيد راح يوصله خبر
عفيه روحي طلعي كليلهم لكيتها نايمه وما رضت تكعد وانه بعدين اكل اي شي
فرح: ماشي على راحتج
احمد: بوكت الي خابرت هبه جنت مشغول بالمستشفى لأن تحدد باجر العمليه ولازم تسوي فحوصات شامله وجنت ويه هند خطوه بخطوه
لأن امها مره جبيره ما تكدر تسوي شي
خابرت هبه ما درت بال الها بس ما جنت اعرف بكمره عرفت كلشي عن هبه حسيت انكطع اخر خيط بيني وبينها
بعد منو يوصلي اخبارها
واكيد هسه راح تحقد علي اكثر من سمعت الحجي بينا
خابرت هبه تبجي وكلتلي انسى انو أوصلك اي شي بعد
حقها اعرف كمره اذا زعلت من احد لو يجي مدري منو ما تسامحه
حسيت بذنب جبير انه خربت علاقتهن بس شسوي ما جان عندي غير حل وما جنت أأمن بأحد غير هبه ظل بالي يمها من كلتلي رادت توكع ظل املي بوسام خابرت علي
الووو ها وسام شلونك
وسام:زين انت شلونك شخبارك
اذا خابرت على مود مرتك انه رحتلها ولكيتها راجعه خابرت عليها كالت متخربطه وأخوها اجى اخذها
احمد: يـ؏ـنـي ما رجعت وياك وما تعرف شي عنها
وسام: لا والله
احمد: هسه شلون اعرف اخبارها
خابرلها واسأل عليها وشوفها شلون صارت واذا تحتاج دكتور اخذ امي وروح الها واذا عندك شغل خلي واحد من الولد يروح بمكانك
وسام:هسه ادك عليها واشوف وضعها
دكيت عليه شالته
كمره: الووو
وسام:الوو كمره شلونج شلون صرتي ظل بالي يمج
اذا بعدج متخربطه خل اخذج للدكتور
كمره: الحمدلله صرت احسن ما يحتاج دكتور
لا يظل بالك
والأيام الجايه لا تجي علي اخوي صلاح صار شغله هناك ياخذني بطريقه ويجيبني
وسام: ليش كمره ضجتي مني والله ازعل عليج
كمره: انت اخر واحد اضوج منك ما تعرف جكد اعزك واقدرك احسك احن واحد علي من اخوتك بس مرات اطلع من وكت وانت عندك ارتباطات ودائما تضطر تعوف شغلك على مودي وهسه صلاح صار اغلب شغله بالولايه ويمته ما اريد اخابرله ويجي علي وبيوم الي ما يكدر يوصلني اخابرلك وغصبن ﻋﻠﻴﻚ تجي تاخذني اتفقنا
وسام: خلص. على راحتج
بس ما اصدك هذا القرار يعجب احمد
كمره: صلاح اخوي مو واحد غريب
بعدين هو هسه مو فاضيلي
وسام: ما اعرف شكلج براحتج
سديته منها ورجعت خابرت لأحمد صاير الهم بداله
الوو ها احمد خابرتلها وضعها زين بس راح اكلك شي
احمد: خير يا ستار شسوت بعد
وسام: صلاح اخوها راح ياخذها ويجيبها يوميه
احمد: شنو السبب
وسام: تكول صار شغله هناك
وانه ما لحيت عليها كتلها براحتج
احمد: يـ؏ـنـي سدت النوافذ كلها
خلص عوفها براحتها ما ظل شي كلها اسبوع أسبوعين وراجع
سديته منه وشمرت التلفون بغضب وكلت اتحمل احمد ما ظل شي
باجر العمليه اذا عدت على خير الباقي كله يهون
راجعلج واطلع هاي العنتكه كله من خشمج
كمره: ظل حجي فرح يفر براسي شلون اذا صدك طلعت حامل
زين شلون اجيب اختبار الحمل وانه ما اكدر اطلع
رحت لفرح ولكيتها بالمطبخ وكتلها
شلون اجيب اختبار حمل ما اريد احد يعرف
فرح: ٲℓانــتيہ ما عليج انه اجيبه الج
كمره: شلون تجيبي
فرح: اصلا راح يجيبونه الي
خابرت على مرت اخوي كتلها شاكه بروحي حامل عندي لعبان نفس
اريد اتأكد منه كبل لا اكول لصلاح وكتلها تجيبه الي بدون ما احد يعرف
والعصر كلش راح دزه بيد ابن اخوي
واذا سألت على النتيجه اكللها ما طلعت حامل
كمره: اثاريج طلعتي داهيه ومو سهله
الله يعين اخوي عليج
فرح: اعجبج
كمره: للعصر واجى ابن اخوها رمش عليها وطلعت بسرعه ًحتٍٍى لحد يشوفها دخلت للغرفه تركض حطته بأيدي وكلتلي كومي يله
انه بس شفته ظلت ايدي ترجف وصفنت علي خايفه اذا صدك اطلع حامل
ما اريد هذا الطفل يجي
انه مو ما اريد منه أطفال بالعكس بس وكته غلط
ما اريده يرجعني على مو الطفل
ما اريده يسوي علي منيه ويكلي لو ما الطفل جان ما رجعتج
سمعتها عاطت وكالت
فرح: كومي يله شبيج صافنه علي
اول وتالي تعرفين
اخذته وقريت التعليمات وشلون استعمله دخلت للحمام وطلعت ما شفت شي
كبل انطيته الها مكتوب بالتعليمات لازم يظل عشردقايق ياله تطلع النتيجه
وهاي العشر دقايق صارت سنه وانه اندعي كون ما تطلع النتيجه ايجابيه
بس خاب ظني من كالت
فرح: مبروك عيني شكتلج حامل
ديري بالج علي ولا تهملين روحج بعد
ادري بروحج رخيصه عندج ترى بس حياة هذا الطفل غالي عد اهله
داري روحج لخاطره
كمره: كلتلي وانه شلون الواحد وضربني راجدي وجهي صوفر وظليت لا اخذ ولا انطي كل السويته لزمت بطني وكلت
ما اريده ينشلع كلبه مثل ما انشلع كلبي
دموعي ظلت تصب لا اراديا خفت من هسه بس لازم محد يعرف كبل ما اشوف مصيري ويه احمد وين يصفى بي الدهر رفعت راسي وكتلها
فرح ما اريد تجيبين سيره لأي واحد وخصوصا خالتي
فرح: يااااا ليش تسوين هيج ابوه من حقه يعرف بي
واهله هم شناويه تسوين
كمره: لا تخافين يعرف بس مو هسه
اريد اتأكد اذا ظلت هند على ذمته انه مستحيل ابقى وياه ًحتى لو بطني طفل
واذا لا اكيد لازم اكله
فرح: واذا ما طلكه شسوين
كمره: بيوم الي يطلكني اكله انه حامل
فرح:ٲℓانــتيہ اذا سويتي هيج راح ياخذه منج وانتي تعرفين ابن الشيخ لازم يربى بحضن ابوه
كمره: خل ياخذه اصلا مااريد شي يربطني بي
فرح:عزاا بعينج خايبه شبيج وين تتحملين فراكه ترى البزر عزيز
كمره: بجي ما ادري شسوي بس كل الاعرفه انه ما اكدر اشوفهم سوى كدام عيني معناها اموت باليوم الف موته دبريني شسوي
فرح: تركيها على الله وهو يحلها
خل يجي وشوفي شنو قراره وذيج الساعه يحلها الف حلال
احمد: ليلة العمليه ظليت كاعد للصبح وانه افكر كون تنجح واخلص من هذا الهم الي على كلبي
ادري نسبة نجاحها ظئيله بس إيماني بربي قوي هو من عده يحلها
صار الصبح وانه على نار أخذوها كدامي وأمها ظلت تبجي عليها
مرت ساعات وساعات وانه على اعصابي وكلبي مثل الجمر
اريد بس واحد يطلع وينطيني ولو إشارة بس ماكو
ظليت على هل الحال تقريبا اربع ساعات بعدها طلع الدكتور هو يحجي بالانكليزي وياي وامها بس تسمع كلشي ما تفتهم وتبجي فهمني كلشي وراح
ام هند: هااا وليدي بشر شكلك
احمد: جريت نفس وكلت خاله اهدي شوي خل افهمج
العمليه تقريبا ناجحه بس الايام الجايه هي تحدد نسبة نجاحها
خوفا لا تصير عدها مضاعفات
اذا عدى كم يوم وبدى وضعها يتحسن معناها الله استجاب لدعائنا
واذا لا ولا سامح الله دخلت بغيبوبه فهنا لازم كلشي نتوقع
يـ؏ـنـي يسموه موت سريري
بس انه متأكد ما راح يصير شي وهذا تعبنا ما راح يضيع ٲℓانــتيہ امها ادعيلها دعاء الام مستجاب
بستها من راسها وكعدتها لأن خطيه انهد حيلها وبس تبجي
هند منعوا نشوفها هسه لحد ما يتحسن وضعها
كوه قنعتها نرجع للفندق ًحتٍٍٍـــى نرتاح لان تعبنا احنا من الصبح على فد وكفه وهم الدكتور كال وجودكم ما اله داعي التلفون عفته بالفندق رجعت لكيته الامه مخبوصه بالتلفون اهلي كلهم داكين واهلها هم
خابرت عليهم وطمنتهم
كمره: من سمعت بروحي حامل وانه اعتكفت بالغرفه بحجت عندي امتحانات وادرس صارت حياتي عباره عن جامعه وغرفه بس اهلي قليل اكعد يمهم واحمد ابد ما عرفت عنه اي شي جنت اعرف اخبار ولو قليله من وسام وهبه اتجنبتها تماما صح هي صديقتي ومن اشوفها كلبي يرف عليها
بس ما كدرت اسامحها
فرح هي الي تساعدني بكلشي وحتى الاكل تجيبه الي للغرفه وأي شي اشتهي بسرعه تروح توصي صلاح علي بحجة الها وعلى طول يكلها
أنتي اخاف حامل بس هي تكله لا انه احب الاكل ودائما تقنعني اروح للدكتوره حتى تجيك وضعي وانه معانده ما اروح لحد ما اشوف شنو نهاية هذا كله احمد صارله شهر ونص تقريبا من سافر
ومره اجت للشيخه النا حتى تشوفني ما حجت شي كدامي عن وضع هند بس من اكوم منهن هي تسولف لأمي كلشي ومره فرح سمعتهن واجت كلتلي انو عمليتها نجحت وضعها تحسن وصارت تنبته احسن من قبل وما بقى ايام قليله ويرجعون للعراق ويكمل العلاج الفيزيائي هنا
من سمعت هيج فرحت وضجت
فرحت لأن راح ارجع اشوفه وضجت لأن اخاف يعوفني صدك
والطفل ما اعرف شلون اقرر مصيره بس يوم عن يوم جاي أتعلق بي
اذا قرر يطلكني ويأخذه شلون اعوفه يمكن اتخبل
جنت كاعده بغرفتي ومطشره الكتب وادرس لان عدنا امتحان كلش صعب وكلما ادرس احس بروحي كلشي ما مفتهمه وكاعده على ركبي واكلب واشمر بالملازم لان طلعت روحي دخلت علي فرح جابتلي عصير
بس وجها ينطي الوان عدها حجي بس ما تعرف شلون تحجي
كتلها فضيها واحجي ادري بيج ما تضمين شي ما تكدرين
فرح:سمعتي الخبر
كمره: ياخبر
فرح: اليوم جية الشيخ
كمره: ما انطيت ردة فعل ما ادري ليش
شمدريج ٲℓانــتيہ
فرح: السلف كله يدري اليوم جية الشيخ
كمره: قصدج الشيخ وحرمته
فرح: ما ادري اذا هي وياه لو لا بس الأكيد هو اليوم يجي
كمره: اي خل يجي شتريديني اروح استقبلهم
فرح: شو ما فرحتي
كمره: وليش افرح بجية الغاليه مثلا
فرح: اوووف منج
ترى هاي كعدتج غلط ٲℓانــتيہ حامل ومو زين عليج
كمره: اششش صوتج فضحتيني هسه الما يدري درى
فرح: خل يسمعون الى متى تظلين ظامته صارلج شهر ونص من دريتي بروحج حامل ومناك الله اليعلم يمكن شهر يـ؏ـنـي ٲℓانــتيہ هسه بشهر الثالث
ويجوز اكثر حتى بطنج بدت تكبر
كمره: الايام الجايه كلها تعرف بس مو هسه
الاريده منج تسكتين هسه
احمد:تحسنت هند هواي وصارت احسن من قبل وبلشت بعلاجها الفيزيائي
هناك وبدت تفهم وتنطق الكلام بس بثكل وكامت تحرك ايديها بس ما تكدر تمشي سألت الدكتور اذا تكدر تسافر كال كلشي رجع طبيعي وكلها كم شهر ترجع حتى تركض حالها حال البشر
بعدها من سمعت الخبر قررت ارجع للعراق واكمل العلاج هناك
وفعلا صارت رجعتنا للعراق نزلت بالمطار لكيت اخواني ينتظروني
سلمت عليهم وحضنتهم جكد مشتاقلهم
ورجعنا للبيت بس دخلت رجعت بذكرياتي لكمره جكد احن لشوفتها جكد مشتاق الها يمكن لو احضنها اكسر عضامها تلكتني امي من الباب
اجت تركض وشبكتني وتشمشم بيه
الشيخه: هلا برويحتي هلا بالغالي
أفيش توها ردت روحي
احمد: هلا بيج يالغاليه
عفتها ورحت سلمت على ابوي ونفس الشي
ورجعت للسياره نزلت هند وخليتها بالعربانه اجت امي سلمت عليها وردت
بس حجي مكطع
هند: الله يسلمج
الشيخه: اللهم صل على محمد وال محمد بدت تحجي
وين جنا وين صرنا
احمد:دخلنا للبيت ودخلتها بغرفتها وكعدت يمهم شويه تالي كتلهم اريد اصعد اسبح وارتاح
صعدت للغرفه اول ما فتحت الباب كفختني ريحتها
حسيت بتعب وتمددت على الجربايه سمعت الباب انفتح جنت مغمض فتحت عيوني شفتها امي اجت كعدت يمي ادري بيها شنو تريد تعرف
الشيخه: ادري مو وكت هذا الحجي وانت هسه تعبان
بس كلبي ما ينطيني لازم اسألك
احمد: شفت وضع هند كلش متحسن وانت كلت من تتعالج ترجعها
صح لو لا
احمد: اي كلت
الشيخه: وهسه شناوي
احمد: حاليا ما عندي استعداد اعوفها
الشيخه: وكمره
احمد: شبيها
الشيخه: ترجعها لو تطلكها
احمد: اذا تقبلت وجود هند ترجع هذا بيتها
الشيخه: واذا ما قبلت
وكلتلك طلكني شسوي
احمد: ...............
