رواية كبرياء شيخ الفصل التاسع والثلاثون 39 بقلم زينب

وحق الشال بيده الماي

وحق الما شرب قطره

احبك مو طمع وياك

احبك هيج على الفطره

::::::::::::::::::::::::::::::::::::::::::::::::::::::::::::::::

احمد: تحلم اطلكها

الشيخه: بس انت تعرفها عنيده ورأسها يابس ما اصدك ترجع بوجود هند

احمد: ٲℓانــتيہ روحي الها وفهميها كلشي واذا ما قبلت انه اتصرف

الشيخه: المفروض انت تروح وتفهمها كلشي 

اذا رحت انه المشكله راح تتعقد بينكم انت صارلك اكثر من شهر ونص ما شايفها ما حنيت الها 

احمد: شلون ما حنيت الها وانه كطعت علاج وهند واجيت كله على مودها 

تركتها شهر ونص ردتها شويه تحس بيه بس ماكو هل البنيه ما اعرف شنو طينتها ما رفعت تلفون وسألت ولا كالت بالجذب خل اسأل علي 

الشيخه: حقها اذا انت كلتلها بس ارجع اطلكج 

وهي عبالها صدك راح تطلكها 

احمد: جنت مصمم فعلا اطلكها بس ما كدرت 

كلما تجي مجرد فكرة الطلاك احس روحي تطلع من جسمي

ما اكدر اشوفها بعيده عني

الفكره وحدها تخنكني 

الشيخه: الله يهديكم • ﺂنٰ شۨـِﺂءۙ ﺂللـِه۫ہ ٰ ويحنن كلبها عليك

اتركك ترتاح وانه باجر العصر اروح الها واشوف شتكول ولو انه اعرف ردها بس احاول

كمره:ثاني يوم من جية احمد وانه كلبي يلوب علي بدي اروح ًحتٍٍٍــى لو من بعيد بس اشوفه التفكير كتلني وشل دماغي 

صح انه مثلت البرود كدام فرح بس انه داخلي خوف رهيب من شغلتين 

الاولى خفت ينفذ الكاله بس يرجع يطلكني 

والثانيه خفت من ردة فعله اذا عرف انه حامل وكل هاي المده ما كايله لأحد 

وأدري بي عصبي وما يتفاهم 

مجرد انو الفكره ياخذه مني كلبي ينعصر

وانه بديت أتعلق بي وهو بطني 

جنت كاعده ادرس وعقلي ما جاي يستوعب شي

دخلت علي امي وشافتني وكالت

ام كمره: ما بسج من الدراسه اربعه وعشرين ساعه خاله راسج بهل الكتب

ما تخافين على روحج لا تطيحين شوي ريحي روحج وبعدين كملي 

كمره: يمه غير عندي امتحان وشلون امتحان انتقام صارلي يومين ادرس بي وانه كلشي ماكو الله يأخذك اسعد على هل الماده

ام كمره: انوب هذا ياهو

كمره: هذا دكتور الماده 

عوفج منه تردين مني شي اكوم اساعدج بشي

ام كمره: لا ما اريد شي بس كومي الشيخه اجت عليج 

كمره: سمعت الشيخه وانه بلعت ريك اكيد هو موديها 

شلون اكوم رجلي ما ظلت تعيني 

ام كمره: وين صفنتي كومي روحي شوفيها شتريد منج 

كمره: جنت لابسه تراك شوي ضيك وانه بطني بدت تكبر هاي الشيخه بس تشوفها كبل تشك كلت لأمي روحي وانه جايه وراج كمت طلعت دشداشه عريضه ولبستها وطلعت الها سلمت عليها وبدت تحجي

الشيخه: اكيد سمعتي بجية رجلج 

كمره: اي سمعت حمدلله على سلامته

الشيخه: الله يسلمج ولو المفروض هاي الكلمه ٲℓانــتيہ تكوليها اله مو الي

كمره: شحاجيها هسه هو صارله شهر ونص طافر مني وانه عايشه برعب 

كتلها اكيد بس اشوفه اكله

الشيخه: وانه اجيت اخذج وياي كومي حضري غراضج بسرعه

كمره: ارجع وياج 

الشيخه: اي ليش مستغربه 

رجلج رجع من السفر ويريدج يمه هاي غريبه يعني 

كمره: وليش ما اجى هو علي 

ليش وداج ٲℓانــتيہ

الشيخه: شنو الفرق بنيتي هو بالحالتين راح ترجعين وياي لو وياه

لو ما عندي خاطر عندج

كمره: ما ادري ليش احس شي غريب والشيخه مو على بعضها

زين وهند بعدها موجوده

الشيخه: هااااا 

اي موجوده ٲℓانــتيہ ما عليج بيها ٲℓانــتيہ بحالج وهي بحالها

كمره:من سمعت هيج واحس مثل السجين ونغرست بكلبي 

كتلها هو مو كال بس ترجع حالتها تتحسن يرجعها وانه سمعت متحسنه هواي 

الشيخه: صح هي متحسنه وهواي عن كبل بس علاجها بعده ما كامل 

بس يكمل علاجها يرجعها 

كمره: وجكد يطول هذا العلاج 

الشيخه: والله ما ادري احتمال يطول اشهر

تعرفين حالتها صارلها سنين لا تتحرك ولا تمشي وهذا يرادله وكت

كمره: هههههه استغفرالله

عذريني شيخه ما اكدر ارجع وياج 

كمره: كمره لا تعاندين ما تعرفين احمد شيسوي اخاف ينفذ الكاله ويطلكج بعد هذا ردج

كمره: مو شغلة عناد 

بس مو بيدي ما اكدر خلي نفسج بمكاني وشوفي روحج تكدرين تكابلين وحده اخذت رجلج منج وعليج تباعين وتسكتين وبس

الشيخه: كمره هذا مو حجي 

بنيتي لا تخسرين اخر فرصه الج تعوذي من ابليس وكومي امشي وياي 

كمره: ما اكدر شيخه شوكت ما يخلص علاجها وتروح انه بذاك الوكت ارجع 

واذا هو مصمم يطلك ما راح امنعه شيريد يسوي خل يسوي 

الشيخه: هذا اخر حجي عندج 

كمره: اي شيخه 

الشيخه: براحتج وانه هم بعد ما الي شغل بيج 

وهاي كدام امج انه راح اطلع بس ما مسؤله على الراح يصير 

ام كمره: بنيتي كومي روحي ويه عمتج لبيت عيالج 

لا تخسرين رجلج وابو بيتج انه ما اريد اضغط عليج بس يا يمه جم دوب تظلين هنا اول وتالي ترجعين رجعي ويه عمتج وكفي الشر 

كمره: انتو ما جاي تحسون بيه 

جاي أكلكم ما اكدر اشوفهم سوة ما اكدر لحد يلومني كلبي محترك حرك

ام كمره: شسويلج بعد ملينا من الحجي وياج الله يهديج 

احمد: جنت كاعد العصر بالمضيف اجو العالم تتحمد السلامه الي وانه مو ياهم عقلي كله يم امي الي راحت تجيب كمره وانه ادري بيها كلش زين ما تجي بس عندي امل ولو بسيط عسى ولعل كلبه يحن عليه 

دك تلفوني شفته امي شلته ما كالت شي بس كالت تعال للبيت 

انه كبل ترخصت وطفرت عبالي اجت دخلت للبيت وشفت امي وحدها 

عرفت ما اجت كلتلها

ما قبلت مو

الشيخه: ما قبلت وكالت شيريد يسوي خل يسوي 

من سمعت بهند بعدها موجوده

احمد: ماشي انه اتصرف يصير خير كمره مصيرج ترجعين هنا 

الشيخه: شراح تسوي

احمد: راح اكطع اجازتي وارجع اداوم من باجر هذا وكت امتحانات ما تكدر ما تداوم وانه مناك اعرف شسوي وياها

الشيخه: وهند منو الها ومنو ياخذها للمركز 

احمد: كلفت عمار هو راح يتحمل المسؤليه عني بس تعدي هاي الفتره 

وهو يعرف الدكتور هناك 

الشيخه: مو قرارك شوي صعب على هند

احمد: لا يمه بالعكس ما اريد انطي هند امل نرجع سوة 

انه تعمدت اسوي هيج ًحتٍٍٍى تكطع الأمل نهائيا 

الشيخه: بس انه اشوفها من اجت ومن تدخل للغرفه حتى تشوفها

عينها تفتر ﻋﻠﻴﻚ 

احمد: يمه انه مو غبي وملاحظ كلشي وأدري عينها تدورني وين ما اروح بس انه ما جاي انطيها مجال ادري بكلبي متعلك بلوه 

الشيخه: براحتك 

هسه ارجع لخطارك عيب من الوادم 

احمد: رجعت للمضيف وبقيت لليل ياله فضت الناس ودخلت اول مره مريت على غرفة هند شفتها كاعده وامها توكل بيها بس شافتني ابتسمت وأشرت بيده الي كوه ترفعها ادخل دخلت وكعدت شوي عنه امها اخذت الصينيه وطلعت باوعت الها وكتلها شلون صرتي اليوم 

جاوبتني بس حجيها كوه يطلع 

هند: ما دام انت يمي ما يهمني اذا تحسنت لو لا

احمد: باوعتلها وسكتت بالبدايه بعدين كلت

هند المهم صحتج عندي ترجع مثل قبل هذا المهم الي اريده منج

هند: احمد

احمد: هااا 

هند: بطلت تحبني 

احمد: هند هذا الحجي مو وكته ولا تفكرين بي ابد

خلي حالتج النفسيه مستقره حتى صحتج ترجعلج بسرعه ماشي وهسه اتركج حتى تأخذين علاجج وتنامين 

تصبحين على خير

صعدت فوك نزعت ملابسي وتمددت على الجربايه اجت بالي كمره دخلت على الواتس اب مالتها شفته متصل شعدها بهل الليل متصل ويامن 

دكيت عليها بدون شعور 

كمره: دزيت رساله لفاطمة تدزلي محاضرات جنت ما حاضرتهن 

شويه ودزتهن الي وانه اكلب بيهن شفت احمد اتصل وانه كلبي فز من مكانه ما اعرف شحسيت من شعور بوكتها على فرح على حزن ترددت ما اشيله بس كلت هذا مخبل هسه يجي بنص الليل هنا شلته بس ما حجيت شي بس اسمع صوت نفسه تالي سمعته كال

احمد: كمره مو كافي

كمره: شنو كافي

احمد: عناد

ما مليتي ما حنيتي 

كمره:صارلك شهر ونص انت ما حنيت بالاول 

احمد: ليش ما رجعتي

كمره: تعرف السبب

احمد: خلص خليج على راحتج انه اعرف شلون ارجعج

ويامن جنتي متصله

كمره: يهمك

احمد: احجي عدل ولج شنو يهمني 

كمره: طالبه وياي اسمها فاطمه ردت منها محاضرات ودزتهن 

تريد ادزلك المحادثه وبيها الوكت حتى تتأكد

احمد: لا تخليني اجيج هسه بنص بيتكم واطيح حظج على هذا اسلوبج 

كمره جري وياي عدل احسن الج ترى والله اراويج وجه احمد الثاني 

اذا شفتي يمكن اخليج تصيحين الغوث 

كمره: لا تستغرب من أسلوبي انت دائما كل حجيك وياي بشك 

احمد: اعدله الج لا تخافين 

كمره: بعدني ما ناطقه سده بوجهي 

بس ارتاحيت من سمعت صوته وارتاحيت هم من ما جاب سيرة الطلاك معقوله صرف نظر عنه بس لازم اتأكد بعد 

نمت وانه شابكه التلفون لسه ما مصدكه هو اتصل بيه 

كعدت الصبح بدلت لبست تنوره رصاصي شوي عريضه وقميص ابيض قصير بس بي عرض شوي حتى لا انكشف وجهي اخر فتره كلش تعب 

خليت مكياج بس خفيف كلش شبه مكياج بس اخفي اثار التعب علي 

وخليت كحله خفيفه ولفيت الشال وطلعت لابأس يـ؏ـنـي زينه ينطلع بيه

طلعت تريكت ما اكلت هواي اخاف استفرغه وراي طريق 

طلعت لكيت صلاح يتانيني صعدت وصلني للكليه وراح دخلت شفت هبه بوجهي كان بودي اسلم عليها احس بروحي مشتاقتلها بس خل اصبر شوي اخليها تحس بغلطها عبرتها ومشيت دخلت للقاعه اول محاضره حضرتها وكالعادة مالي غرض بأحد الامتحان المحاضره الثانيه بعدلها وكت استغليت الفرصه ورحت للمكتبه وبديت أراجع شوي وانه صافنه بالملزمه وحسيت 

لمسة ايد رفعت راسي لكيت بنيه كالت انتي زينب دكتور سيف يريدج 

انه استغربت شعنده دكتور سيف وياي حتى اليوم الامتحان مو اله

كمت ورحت وانه جاي امشي دخلت لممر الي بي غرف الاساتذه جانت بيدي الملزمه وانه امشي مدنكه اقرا بيها سمعت صوت كدامي كال

احمد: هوب رفعي راسج لا تنثولين وتوكعين 

كمره: رفعت راسي شفته كدامي ما نطقت كلمه وحده ظليت صافنه بوجها 

وكأني فصلت ما اعرف شسوي حسيت بشعور اشتياق فضيع اله كان بودي احضنه هنا تالي وعيت على حالي جاي اروح واعبره مجاهلته ما حسيت غيرلزمني من زندي ومشى بيه لحد غرفته دخلني وقفل الباب بالمفتاح 

شفته راح نزع الستره مالته وشمره على الكرسي وفرك وجه شكله معصب كلش تالي اجى وكف كبالي وكال 

احمد: الف مره كتلج مكياج لا تخلين 

كمره: خفت منه بس انه شمدريني اليوم يجي هنا بالكليه كتله

ما مخليه شي خفيف

احمد: ما اريد ذره وحده فهمتي لو عبالج ما اجي وكلتي العب بكيفي

كمره: بعد الصار من اول ما سافرت ما خليت ابد واكيد مخبرينك كلولك 

بس هل الايام وجهي تعبان وباهت ردت اخفي التعب بس

احمد: لج يا تعبان شايفته شلون يجدح الظاهر الحجي ما يفيدج انه اعرف شلون امسحه الج 

كمره: صار كبالي كلش طبكني على الباب وسحب الشال مني وحسيته اخذ نفس من شعري بوكتها جسمي كزبر ثبتني بأيدي حاولت افلت روحي منه ما كدرت ظليت ارجف حجه وصوته بي نبرة خدر

احمد: خايفه مني

كمره: لا

احمد:ليش جسمج ظل يرجف وكلبج صار طبل

كمره:حسيته هدأ شوي وشال ايده وخلاها على كلبي بحيث يمكن كلبي من كد ما يدك سريع صار يضرب بإيده

كتله احمد ايدك فدوه وخ.......

بعدني ما مكمله باسني من شفتي انه لا اراديا تفاعلت وياه يمكن لأن جنت مشتاقتله بس عساني لا سويت هيج احسه اتجرأ أكثر وصار يبوسني بكل مكان ورجع على شفتي باسني اقوى وما هدني لحد ما ضربت على صدره اريد اخذ نفس بعد عن شفتي وصار يتفنن بركبتي وبصدري ما اعرف شوكت فتح دكم القميص وحركاته خلتني أذوب وياه وبين ايدي حسيت مشاعرنا اختلطت واشتياقنا لبعض نسانا كلشي حتى المكان الي احنا بي

وخر عني بعد ما حس انه انتهيت بس رغم كلشي ما صديته ولا اعترضت على الي سواه تالي حضني حيل حسيت حتى عضامي تكسرت وانه نفس الشي بادلته الحضن ودفنت راسي بصدره باس راسي وكال

احمد: شفتي طلعتي ٲℓانــتيہ مشتاقتلي اكثر 

كمره: رفعت راسي اباوعله عيونه ذبلانه رجع اخذ شفتي بس هل مره بهدوء وعلى كيفه حسيته ما ودة يتركها بعدته عني وكتله 

احمد

احمد: عيونه

كمره: ترى احنا بالكليه مو بغرفتنا

احمد: اذا هيج الشغله رجعي وياي وخلينه نشتغل براحتنا

كمره: بعدت عنه وانه اسد بدكم القميص وكتله 

افتحلي الباب وراي امتحان 

احمد: ترى جاي احجي جد ترجعين وياي وما اريد اي اعتراض

كمره: ما اكدر ارجع وياك

احمد: استغفرالله بس كولي ليش

كمره: مو كل ساع اعيد تعرف ليش 

احمد: ٲℓانــتيہ ما عندج ثقه بيه

كمره: لو ما عندي ثقه بيك ما سلمتك نفسي 

بس ما اكدر ما اتحمل الله يخليك حاول تفهمني 

احمد:الى متى تظلين بعيده عني 

انه الي ما اتحمل فراكج 

كمره حسي بيه عاد 

كمره: يكمل علاجها ومن تروح انه ارجعلك

احمد: لج علاجها يطول اشهر من كل عقلج أنتي تردين تعوفيني اشهر 

كمره: تأخرت على الامتحان افتحلي الباب 

احمد: انعل ابو الامتحان اذا ما ترجعين وياي ما الج طلعه منا 

كمره:شفته راح كعد بكل برود على الميز وطلع اوراق وفايلات وبدى يشتغل بيهن وانه متحرمسه ما ظل وكت للأمتحان عفته وكمت ادور بلكي الكي المفتاح سألني

احمد: شدورين

كمره: المفتاح 

احمد: لا تعبين نفسج عندي بجيب البنطلون 

امتحانج بعدله ربع ساعه 

الج ربع ساعه تكدرين تقررين بيه لو ترجعين وياي لو الامتحان يطير

كمره: احمد عفيه لا تسوي هيج ما تدري هذا الامتحان جكد صعب وكوه كدرت اسيطر علي وما تعرف دكتور اسعد ما يتفاهم لو اموت ما يعيدلي الامتحان 

شفته كلب وجها وحسيته احتقن واجى بسرعه لوة ايدي وكال

احمد: شكم مره كايلج لا تنطقين اسمه على لسانج 

هاي اخر مره اسمعج تكولي 

تنرفزيني من تكولين اسمه 

كمره: هد ايدي جاي تأذيني 

احمد: شقررتي

كمره: طز بالامتحان وانه هم ما عندي شي وهاي كعده 

احمد: هيج صارت 

كمره: كتلك لا تعب روحك ما ارجع وياك

احمد: • خـٰــُِلصہ براحتج بس اذا طلعتي منا خطوه وحده ورى دقيقه اخابر المحامي واكله بلش بمعاملة الطلاك 

واليوم العصر اجي انه وابوي ونجيب ويانا السيد وأنهي كلشي بينا 

كمره: تهددني بالطلاك 

انه تريد تطلكني بسهوله وست الحسن مخليها على كلبك

احمد: تعبتيني كمره ما اعرف شسويلج بعد اجيبج منا تجين منا 

ما عندي غير هذا الحل 

طلعت المفتاح وفتحت الباب وكتلها يله تكدرين ترحين 

كمره: ما تكدر تطلكني

احمد: شهل ثقه الزايده 

بأتصال واحد انهي كلشي

كمره: بلحظة ضعف ردت اكله انه حامل وطلاكك مني باطل بس اخذت نفس وفكرت شوي وكلت اله ماشي انطيني مهله بس يومين وخليني افكر واقرر بدون ندم وبعدها ارجعلك الخبر ارجع لو لا 

اذا ما رجعتلك وكتها عود طلكني

احمد: شو باوعيلي شمعنه يومين 

كمره: اريد افكر زين حتى ما اندم بعدين 

احمد: خلص امري لله اصبريومين

صبرت شهرين ظلت على اليومين 

يومين الج بس وبعدها اخابرلج واخذ القرار منج بس يا ويلج لو لعبتي بذيلج

تعرفين شسوي

كمره: كتلك بس يومين 

لبست شالي وجاي اطلع شفت الساعه عدة عشر دقايق على الامتحان 

هذا اسعد لو اموت ما يدخلني درت علي وكتله

تأخرت هواي على الامتحان ما اكدر اروح وحدي ما يدخلني للقاعه 

احمد: وشتردين

كمره: ترى تأخرت بسببك • تـعال وياي وحاجي 

احمد: ولو ما أطيق اشوفه بس امشي 

شالج لبسي عدل شعرج نصه طالع 

كمره: احجي ويه روحي هو منو الخربه غيرك جان لافته عدل وشحلاته 

احمد: ترى ادري بيج تحجين علي معذوره امتحان عندج ومتأخرة كله ضامه الج ولا عبالج نسيت لبسج من سافرت 

وداعتج كلشي اله حساب عندي بس امشي كدامي هسه 

كمره: مشينا انه وياه وصلنا للقاعه كال صيري وراي 

صرت وراه وحجى وياه احسه وهو يحجي وياه يريد يفترسه 

اشرلي وسوالي مجال ودخلني للقاعه وهو ما راح لحد ما شافني كعدت

بعدها خلصت الامتحان واجى علي صلاح ورجعت للبيت بوكته كبل رحت للفراش مرتاحه بس بعد ما ادري شنو اقرر عود خل انام هسه ورى يومين اشوف شسوي 

نمت للعصر اجت كعدتني فرح 

فرح: ولج بسج جكد نمتي كعدي اكلي لكمه لخاطر هل الطفل الراح تموتينه بفهاوتج 

كمره: عوفيني ما شبعانه نوم 

من اكعد اكل 

فرح: ما اعوفج خالتج اجت وتريد تشوفج كومي يله بسرعه 

كمره: اووووف منج طلعتي اخس من خالتي بالنكه

كعدت وشافت ركبتي مطكعه وشهكت

فرح: عزززا بعينج ولج هاي شنو لا يشوفونج خوانج يذبحوج وعلي 

انوب الركبه بيضه مبين طوخ بيها

كمره: هششش سكتي شكلولج علي 

كمت المرايه شفت ركبتي صايره بيها معركه كلت

الله يهلكك احمد شمسوي بيه هسه شلون اوخرهن

فرح: وانتي وين شفتي الشيخ

كمره: بالكليه 

فرح: غير كليه هاي ما استحيتوا 

كمره: اكلج ترى ما ارتكبنا جريمه 

فرح: اي وشقررتوا راح ترجعين اله

مبين راح ترجعين الظاهر إنتوا طالعين وون سايد

كمره: بعدني ما مقرره

فرح: هااا اي وشوكت تقررين بعد حيلي

كمره: انطاني مهله يومين لو ارجع لو اطلك

فرح: صخام 

وانتي شكلتي

كمره: ما ادري خل افكر والله كريم

فرح: نصيحه مني لا تفكرين بروحج وبس فكري بالطفل الي بطنج

خطيه يتحمل ضيمكم وبعدها قرري 

كمره:كمت وخفيت الآثار الي بركبتي لأن خالتي اسؤ من فرح 

طلعت وسلمت عليها ونفس الشي كلها تنصحني ارجع وانه ما يدرون النار المشتعله بكلبي ما يدرون ودي ارجع اليوم كبل باجر تعشيت ورجعت للغرفه بديت ادرس محاضراتي باجر ما عندي امتحان تالي تمددت وظليت افكر بكلامه معقوله اطلك منه ما جاي استوعب هذا الشي بس بنفس الوكت ما اكدر ارجع وهي هناك انه متأكده هي تحبه يجوز هو لا بس هي ميه بالميه تحبه انه اشوف حبها بعيونها اله من جانت مريضه مو انوب هسه هي صحت 

الليل ما نمت وانه اتخيلهم سوى جوى سكف واحد وأتذكر الصار من مده كدام عيوني 

كلما افكر ارجع وانه اتذكر هذا المنظر واتراجع 

لأن لو تكرر كدامي هل مره صدك انتحر وكدام عيونه 

بس شنو ذنب هذا الطفل المسكين الي اجى بوكت غلط

بعدها قررت انو ما ارجع ابد لازم أضحي بسعادتي على حساب ابني 

لأن ما اريد أضره 

وخلصت اليومين واحمد ما شفته ًحتٍٍٍـــى بالكليه انطاني المساحه حتى اقرر على راحتي بيومها رجعت للبيت وانه مقرره كلش 

اليوم راح اخسر احمد نهائيا وابني بنفس الوقت 

راح اكله ما ارجع وبنفس الوكت راح اكله انه حامل وابنك بس يجي للدنيا يجي ياخذه 

دخلت للغرفه ومالي خلك حتى روحي حست علي فرح واجت سألتني

فرح: اليومين خلصت شقررتي

كمره: اعوفه

يـ؏ـنـي اطلك

فرح: والطفل

كمره: ما راح يعرف بي

فرح: بس ٲℓانــتيہ كلتي راح تكليله

كمره: ما اكدر اخاف يسمع بي وما يطلكني

فرح: راح تخسرين حياتج وابنج بيوم واحد 

كمره تنازلي شوي لخاطر ابنج 

تقبلين وحده ثانيه تربي 

كمره: ما ردت انهار جكد اصنع البرود وألقوه بس حجي فرح صح 

بجيت بحركة كلب وكتله هذا هو بعد قررت 

فرح: لا تبجين وتنهارين حتى الدوه ما يصير تشربي 

كومي غسلي وجهج ما دام هذا قرارج بكيفج هاي حياتج وانتي حره بيها

بس اذا اجى يوم وتندمتي علي ما راح تلكين احد يوكف وياج

اخوتج كلمن راح يتزوج ويلتهي بحياته وامج وابوج ما دايمين الج

ٲℓانــتيہ صح حلوه والف واحد يتمناج بس لا تنسين ٲℓانــتيہ هسه مرت الشيخ وصعب تزوجين من بعده وخصوصا اذا الشيخ يحبج راح يراويج الويل وما يخليج تأخذين احد غيره راح يندمج اسمعي الحجي كمره ما دام بعد عندج وكت لحد ما يخابر عليج

هسه اتركج تقررين وأمانه عليج بوكت الي يتصل خليني يمج ادري بيج تفقدين وانتي بعد ما يصيرلج شي لأن حامل على الاقل اواسيج 

هسه رايحه صلاح على جيه لازم لازم احضرله الحمام

كمره: كعدت على الجربايه بقلة حيله وانه مكابله التلفون وأتمنى ما يدك 

ودموعي ما بطلن شويه واجت يمي فرح وكعدت وخلت راسي بحضنها وظلت تمسح على شعري تهدي بيه ورى تقريبا نص ساعه وانه على هاي الحاله دك التلفون شفته احمد ظليت اباوعله بس ومصدومة راح تنتهي حياتي هسه

اخاف اشيله اخذته فرح وكالت هاج لازم تكليله لا تخلينه ينتظر 

ارحمي بحاله هم هو مو هينه علي 

اخذته منها وشلته وسمعت صوته الرجولي وهو يكول

احمد: قرارج كمره

كمره: اخذت نفس عميق وكتله ما ارجع واذا تريد تطلكني انه جاهزه 

رأسا نسد التلفون 

رجعت دكيت علي لكيته مغلق 

ظليت ابجي واشهك انه شسويت شبكتني وظلت تبجي وياي وتكول كافي كافي ولج لحد يسمعج كتله

خل يسمعون بعد كلشي انكشف المن اضم بعد ظلت وياي لحد ما هدتني وخلتني اغفى على حضنها 

فرح: ما راح اخليج تهدمين حياتج كمره راح انه اكله على الطفل 

واكيد هو اذا سمع بي ما راح يعوفها راح يجي ويرجعها غصبن عنها راح اسوي هذا الشي لمصلحتها 

رحت لغرفتي اخذت تلفون صلاح كتله راح اخابر اهلي تلفوني ما بي رصيد

هز راسه بأي ودخل للحمام

انتهزت الفرصه ودورت على رقمه لكيته واتصلت يطلعلي مغلق شلون هسه لازم اوصله خبر بس شلون دكيت اكثر من مره بس نفس الشي هم ماكو 

تالي كلت خل اشوف واحد من اخوته شفت مكتوب على رقم شيخ وسام عرفته حماها الجان يجي ياخذها للكليه دكيت علي

احمد: جنت متأمل من اخابرلها تكلي تعال خصوصا من شفت لهفتها الي 

واليومين المرن علي عبالك سنتين بس خاب ظني من سمعت قراره 

بوكتها كلش افقدت اول ما ركعت التلفون بالمرايه مال ميز التواليت بحيث صار وصل وظليت اضرب بإيدي واكسر كلشي كدام عيني فقدت كلش 

صعب اخسرها ما اتحمل 

صعدوا على صوت التكسير اهلي كلهم وشافوا حالتي استغربوا ورادوا يعرفون ليش هيج سويت ما كدرت احجي وكأني لساني نشل 

ايدي صار بيها جروح وظلت تنزف شافها عمار وراد يداويها وانه قبلت

ما يدرون بكلبي ينزف 

كوه هدوني وكعدوني وانه مثل الفاقد ما اعرف شسوي اول مره احس بروحي عاجز 

وسام: سمعنا صوت تكسر قوي بغرفة احمدوكلنا صعدنا شفنا الغرفه مسويها وصل وهو فاقد كلشي يشوفه كدامه يكسره حاولنا نكضه نهدي بس ما نكدرله كوه عادل وعمار كضوه همزين ابوي بالمضيف جان ما سمع شي 

والا جان صعد ضغطه وامي بس تبجي على حاله

وانه واكف واباوعله بقلة حيله اول مره اشوف احمد بهاي الحاله 

دك تلفوني شفته صلاح كلت اكيد كمره الها ايد بالسالفه شلته 

فرح: الووو

وسام : الووو منو ٲℓانــتيہ 

فرح: خويه اعذرني انه فرح مرت صلاح اخو كمره بس رايده الشيخ بموضوع ضروري أخذله التلفون يرحم والديك 

وسام: الشيخ حالته حاله ومو بوعيه كليلي وانه اكله

فرح: خويه وداعتك الحجي الراح اكوله يخلي يرجع لوعيه بروح الإعزاز عندك وديله التلفون وكله ضروري 

وسام: ماشي انتضري شوي

اخذت التلفون ورجعت لغرفته وهو نفس الشي 

كتله احمد لازم تسمع اكو موضوع ضروري

اخذت التلفون وخليته على ذانه 

فرح :شيخ اسمعني فدوه انه فرح مرت صلاح اخو كمره 

لا تطلك كمره 

راح اكلك شي هي ضامته ﻋﻠﻴﻚ 

شيخ تسمعني 

احمد: احجي اسمعج

فرح: شيخ كمره حامل 

وما رادت تكلك هسه تخاف من تسمع ما اطلكها 

احمد: سمعت وانه وعيت على حالي تركت اهلي وكمت ادور على السويج بس بالهوسه ما ادري وين صار

انتبه علي عادل

عادل: احمد حاجيني شدور

احمد: السويج وين 

انطيني سويج سيارتك بسرعه

عادل: شلك بي ما تروح بهاي حالتك انه أخذك بس كلي وين

احمد: امشي وياي بدون ما تسأل 

مشينا وسألني وين كتله لبيت كمره 

وصلت للبيت دكيته بخبال طلعلي واحد من اخوتها وكتله وينها 

كلي جوه 

كتله شوفلي الطريق دخل وطلع كال تفضل 

دخلت الها للغرفه لكيتها نايمه بحضن مرت اخوها وحالتها مو اسؤ من حالتي 

فرح:اتركم تتفاهمون على راحتكم

احمد: ليش هيج سويتي 

احجي شضامه علي

كمره: باوعتله متفاجئه شكله اكيد درى بس منو كله ماكو غير فرح

احمد: لا تصفنين احجي 

كمره: شحجي ما ضامه شي

انه كلت هيج وهو سحبني حيل وكفني صرت كباله رفع تشيرت التراك ولزم بطني قوي وانه صرخت 

عوف بطني شجاي تسوي

احمد: ليش خفتي على بطنج 

ما ترديني اعرف مو 

ليش ما كلتيلي لو اسألج شوكت ناويه تبشريني من يدخل الروضه لو المدرسه 

لو انه اكلج شكلج ما ناويه تكولين اصلا مو

لهل درجه صرتي بدون احساس

كمره: اباوعله يحجي بحركه وشكله ابد ما يبشر بخير كتله

من الاخير احمد شتريد

احمد: ترجعين وياي 

كمره: بس انه كتلك قراري 

ومستحيل أتراجع عنه

احمد: الي اكوله انه هو اليمشي 

وهسه تلمين شكو شي يخصج وتجين وياي 

كمره: واذا كلت لا شسوي

احمد: اول شي اخرب زواج اخوج ومرته 

وحق الله اسويها مثل ما جمعتهم افرقهم 

وثاني شي اهجج اهلج من السلف كله وما اخليلهم ذرة احترام 

وهسه صار كلشي بيدج تجين وياي لو تختارين خراب اهلج 

الج دقيقه اسمع ردج

كمره: ............

مؤلمه تلك الدمعه التي تسقط وانت صامت من شدة الألم 

:::::::::::::::::::::::::::::::::::::::::::::::::::::::

كمره:فتحت عيوني باوعتله بأستغراب وكتله

يمكن هذا المشهد انعاد عليه مره ثانيه تحب اذكرك شيخ احمد

ليش دائما تهددني بأهلي شنو ذنبهم 

احمد:ذنبهم ٲℓانــتيہ بتهم 

وانتي الي جبرتيني اسوي هيج وانه كتلج جري وياي عدل 

وهسه كولي شقررتي

كمره:حسيت بدوخه خفيفه كعدت على الجربايه اجى هو رفع راسي بيده وعيونه بيها قلق وكال

شبيج ليش دختي

كمره: كلت بصوت مخنوك وانه اوخر ايده 

بس انت ابعد عني وانه اصير بخير انت مالك دخل بيه

احمد: وحق العباس ابو فاضل هسه لا تخليني ابتلي بيج 

ولا عبالج كاعده بيت ابوج وحق هو الله كلمتي هي التمشي على اكبر واحد فيا كمره لا تختبرين صبري وياج 

كمره : خلص الي تريده يصير

راح ارجع وياك بس عندي شرط

احمد: ٲℓانــتيہ مو بحال تشرطين 

بس مع هذا كولي اسمعج

ولا تكولين لا تتقربلي ترى جربتيها وما نفعت وياج

كمره: راح ابقى وياك منا لحد ما اجيب هذا الطفل

اذا بقت هند على ذمتك تطلكني

واذا انت رجعتها ابقى اعيش وياك للموت 

اريد اسمع ردك واريد توعدني هسه 

احمد:مو بكيفج كمره وانه ما مستعد اوعدج على اي شي 

ٲℓانــتيہ راح تعيشين وياي للموت وغصبن عليج 

ولا تخليني حتى جية اهلج احرمها منج 

كمره: انت ليش هيج طاغي ليش ما جاي ترحمني 

شلون تريدني اعيش وياه بنفس البيت 

خلي نفسك مكاني تقبل انت تعيش ويه........

بعدني ما مكمله خلى ايده على حلكي وكال

احمد: اصحج تنطقين اسم اي واحد غيري على لسانج 

كتلج كلمتي هي التمشي وكتلج من كبل بعدها ما انخلقت الي تمشي كلامها عليه 

وهسه راح اطلع يم اهلج واحجي وياهم وانتي تجهزين نفسج وتطلعين وراي 

ولا تحاولين تحجين بعد اي شي لأن ما منه فايده 

انه مقرر وكلشي منتهي انتضرج بره 

كمره: سلمت امري لله وحضرت غراضي وملابسي ولبست صايه وشال وطلعت لكيته كاعد يم اهلي واكيد حاجيلهم كلشي لأن نظراتهم اليه بيها عتب 

وكفت كدامه وكتله يله انه جاهزه 

اخذ مني الجنطه وسلمت على اهلي 

امي اخذتني على صفحه وكالت 

ام كمره: هسه ما راح اعاتبج واكلج ليش ما كتيلي على حملج 

بس منا وهيج ديري بالج على روحج ورجلج والي بطنج 

ترى رجلج شاريج واحد غيره بهاي تصرفاتج جا شمرج من زمان 

حافظي علي ولا تخلين بنات ابليس تاخذه منج ترى ما تلكين ظفره 

ولا تقهرين روحج وتضمين بكلبج وشيلي هاي السوالف من راسج

ولج والله يحبج اخذيها حجايه مني الزلمه لو حب المره يعارك الدنيا عليها 

وهسه لا تخلينه يتاني طلعيله 

كمره: حجت وياي وآخر شي باستني وشبكتني 

طلعت لكيته واكف بره ويمه اخوه عادل سلمت علي فتحلي الباب وصعدت 

اسمعه يكله

عادل: احمد خابر لأمي ترى كلبت الدنيا ﻋﻠﻴﻚ راح تنجلط المره من ورى عصبيتك 

احمد: راح نوصل ما ظل شي وهسه تسمع خبر يخليها تهلهل 

عادل: يا خبر هذا سمعنا 

احمد: نوصل وكلكم تسمعون 

كمره: يحجي ويه اخوه ويباوعلي وآخر شي غمزلي 

انه خجلت وهو ابد جكد جرئ درت وجهي عنه ولا باوعتله اصلا منا لمن وصلنا كل لأخوه دخل السياره للكراج 

نزلنا تلكتنا امه تبجي 

الشيخه: انت شلون بالله بيك ناوي تموتني ما تكول وراي اهل يخافون عليه بس كلي انه مو امك ما كلت شيصير بيها 

احمدي اهدي يمه لا يصير بيج شي هاي انه كدامج كلشي ما بيه 

حضنتها وبست راسها حسيتها مهضومه وخرت مني ودارت على كمره

الشيخه: اكيد ٲℓانــتيہ السبب وصلتي ابني لهل الحاله 

كله من وراج خليتي ما يندل دربه 

كمره: شفتها هجمت علي وانه لبدت ورى احمد صدك خفت منها 

بس حقها امه ما اعرف شمسوي بس اكيد لاعب لعب بيهم 

احمد: يمه سكتي عنها ما الها غرض هي 

ٲℓانــتيہ ما تعرفيني انه عصبي ومن افقد اظل ما اشوف كدامي شي 

الشيخه: شلون ما الها غرض انه متأكده كله منها

احمد: هسه شلون راح نظل بالكراج خل ندخل وافصلج بخبر يخليج تنسين حتى اسمج

الشيخه: يا خبر هذا 

احمد: خبر طول عمرج تتمنينه ٲℓانــتيہ وابوي 

الشيخه: كول شنو هو

احمد: خل ندخل بالاول 

ابوي وين 

الشيخه: جوا بالصاله 

كمره: دخلوا للصاله امه وأخوه وانه دار علي لزم ايدي وكال

احمد: ما عرفتج جبانه هيج بسرعه خفتي من امي 

كمره: والله كلت راح تجيبني براجدي 

احمد: تستاهلين راجديات مو واحد 

كمره: جكد حقود

احمد: بعدج ما شايفه شي 

كمره:دخلنا للصاله جان لازمني من ايدي 

جانوا موجودين امه وابوه وعادل وعمار بس وسام جان طالع 

كللهم 

احمد: مرتي الخبيثه صارلها شهر ونص من تدري بروحها حامل وما كالت لإي واحد 

كمره: هاي شبيك ليش هيج حجيت

الشيخه: كمره ٲℓانــتيہ حامل 

كمره: هزيت راسي بأي 

الشيخه: وليش ما عدنا علم 

المفروض احنا اول الناس ندري شهل تصرف هذا

الشيخ : ليش هيج تحجين وياها المفروض تفرحين الهم 

يجوز ما حبت تحجي ورادت رجلها يرجع تكله اله بالاول 

شايفين كل الخير شو تعاي بنيتي

كمره: رحت اله باسني من راسي وحضني وكال

الشيخ: جانت عندي أمنيه اشوفه يتزوج ويصير عنده طفل 

وهسه ٲℓانــتيہ حققتي امنيتي 

وهسه طلبي اي شي تردي ولا يردج لسانج ٲℓانــتيہ بنيتي الله ما رزقها الي 

كمره: اريدك سالم عمي تسلم

بست راسه وجاي ابوس ايده وسحبها مني رجع حضني واحمد عاط

احمد: يابه مو كافي تحضنها كدامي 

الشيخ: انجب ولك تغار من ابوك هاي بتي 

الشيخه: شو تعاي يمي

كمره: رحتلها وانه متردده 

حضنتني حيل وبجت وكالت

الشيخه :الف مبروك يا بعد كلبي ٲℓانــتيہ لا تأخذين على حجي وتصرفاتي وياج بس والله من خوفي على ابني يصير بي شي 

كمره: بادلتها الحضن وكتلها ابد ما ازعل منج 

ٲℓانــتيہ بمكان امي وياما ساعدتيني 

الشيخه: هسه بس تجيبن وتحطي بحضنج وتشوفين معزته وتعذريني 

كمره: والله عاذرتج واعرف حقج لو شما سويتي بيه

اخوانه فرحوله وسلموا علي انه استغليتها عفتهم وصعدت للغرفه اول ما دخلت لكيته صايره كربلا مكلوبه كلاب مكسره تكسر 

هسه فسرت تصرف الشيخه وياي ليش هيج سوت بيه احتار شنو اسوي بيها 

نزعت الصايه والشال وبديت انضف وأتحرك على كيف اخاف شي يجرحني وانه جاي الم بالجام المكسر انفتح الباب وسمعته كال بصوت عالي

احمد: عوفي كلشي لا تسوين 

كمره: فززني صوته كمت مخترعه حسيت بطني مغصتني درت علي وكلت

ليش تريدنا نكعد على السكراب خليني عاد أخفف منها 

احمد: ادري بيج ثوله بسرعه تجرحين روحج 

هسه اصيح هديه تعزلها 

كمره:لا تغلط علي ترى اعوفلك الغرفه واطلع 

احمد: اريد مره تطلع منا وحق الله اذا خطيتي خطوه وحده بره الغرفه ما تلومين اله نفسج 

كمره: غوركت عيوني بالدموع 

جان كاضني من ايدي قوي نترت ايدي منه جاي اطلع وكال 

احمد: انه شكلت ليش ما تسمعين الحجي 

كمره: طالعه اصيح لهديه تجي تساعدني 

احمد: طالعه هيج بتراكج 

كمره: ما راح انزل اوكف منا وأصيح الها

احمد: انه اصيح الها ٲℓانــتيہ معليج بشي

كمره: فات للحمام وانه خنكتني العبره بعد ما اتحملت 

ظليت ابلع بالغصه مال البجي كوا 

رحت سويت مكان على الجربايه وكعدت شفته طلع ما شلت راسي وباوعت اله دور مدري على شنو يم الميز لكاه اجى وكال

احمد: انطيني تلفونج 

كمره: شلك بي

احمد: بدون اسأله انطيني إياه 

كمره: طلعته من جنطتي وانطيته اله 

بسرعه فتحه لأن انه ما مخليه بي رمز سمعته خابر بي لوسام

وسام: هلا بمرت اخوي شعجب ذكرتيني

احمد: انه اخوك 

ما تكلي وين تهفج شوكت تجي

وسام: طالع ويه جماعتي 

كول تريد شي

احمد: جيبلي تلفون جديد نفس نوعية تلفوني القديم

وسام: صار شيخ تدلل 

كمره: • خـٰــُِلص مخابره شمره بحضني بنتره عاد انه ما اتحملت 

ليش هيج تعاملني اذا ضايج مني شكو جبتني

احمد: صوتج ما اسمعه ابد 

كمره: تلفونك وين وليش هيج الغرفه عبالك مفجر بيها عبوه 

احمد: انه متعافي وفايخ ضجت من الغرفه والتلفون فلشتهن 

كمره:ادري بي يحجي هيج حتى يستفزني 

ما جاوبته اصلا شفته راح بدل وكشخ لبس دشداشه سوده وغتره لفها لفه خليجيه ولبس ساعته وتعطر وطلع كدامي بدون كلام 

من طلع طلعت روحي وياه انه ليش ما رضيت اجي 

تظل الأفكار السوده تجيني هسه اكيد يمر عليها وتشوفه وتشم عطره 

جاي أتعذب على البطيئ شوكت اخلص من كابوس هند بس الله اليعلم 

شويه واجت هديه بدينا نظف انه وياها كملنا كلشي بقت بس الجربايه شفتها تعبت كلش كتلها نزلي انه أكملها بدلتلها فرشه جديده واخذت ملابسي ودخلت للحمام سبحت وطلعت نشفت شعري ولبست شالي وجاي انزل بطلعتي لاكاني وسام من شافني تفاجأ وكال

وسام: اشوف البيت منور اليوم آثاري الكمر جاي وأحلى خبر سمعته اليوم راح تسويني عم تستاهلين كموره 

كمره: سلم عليه وهو دائما يشاقيني ويسويلي الحركه يكض خشمي بين اصابيعه حركه عفويه من عنده بس وين عند احمد ما تصرف اله 

بصعدة احمد شافه يسويلي هاي الحركه واجانا صوته بحيث ثنينا جفلنا

احمد: ايدك ولك اذا عدتها مره ثانيه اكسرها الك

وسام: بِسْم الله شيخ شسويت انه قابل هي ارض محرمه 

احمد: اي محرمه 

جبت التلفون 

وسام: اي هذا مشحون وكامل من كلشي بس دخله الشريحه والاي كلود 

تعرف لو انه أكمله الك

احمد: عوزك تعال علمني 

كمره: اخذه منه وراح دار علي وكال

احمد: وانتي شطلعج

كمره: كملت شغل واريد انزل جوا ممنوع شنو

احمد: لسانج ومن اسألج جاوبي عدل 

وهسه دخلي كدامي 

كمره: يا ربي منك الصبر بس 

دخلت جوا ظليت واكفه وهو كعد يسوي بتلفونه وانه اباوعله انتبه علي وكال

احمد: انكسرت ركبتج علي اخذيلج صوره احسن باعي عليها براحتج

كمره: فشلني هذا شجاله عاد كلت

لا تخليني اطلع ولا تخليني اباوعلك ادري اباوع للسكف لو للحيطان 

احمد: انتظري شوي هسه اراويج شغله 

كمره: شنو هي

احمد: لا تستعجلين على رزقج 

كمره: ما اعرف شنو سوى بالنقال صاحلي كال تعاي 

وكفت كدامه وانه خايفه شنو شاف علي بس انه ما مسويه شي 

رفع راسه وجرني من ايدي وكعدني بحضنه صرت بين رجليه وحاوطني بأدي ثنينهن من خصري وهو يتفرج بالتلفون واباوعله شلون يضغط على التلفون بعصبيه مدري شنو طلع وكال شوفي هذا شنو 

باوعتله الصوره مالتي وانه لابسه اللبس اول يوم من سافر بس شفتها درت علي واصطنعت ألقوه وكتله

هاي شذكرك بيها

احمد: يوم واحد ما نسيتها

والله هسه اذا اشرب من دمج هم ما اريح كلبي 

لج ليش انه شكلت وشوصيت ليش دائما تحبين تكسرين حجايتي وتعانديني

بس كليلي تحسين بلذه انتصار مثلا

كمره: ليش مكبره هو شنو قابل شلابسه اشو مستور 

لا نزعت الحجاب ولا لبست قصير 

احمد: والله ماكو فرق هسه اشرحلج كلشي 

كمره:يباوعلي ويباوع للصوره لزم صدري بإيده وكال هذا مو محدد ومبين كله ورجع لزم خصري بس هل مره قوي وكال وهذا شنو مو مبين مثل المحبس والخلفية حدث بلا حرج هذا كله كله غير التنوره بيها كصر والفتحه

هاي شنو معناتها والرجلين بلا جواريب ومن بياضهن يلالن ويجيبن التايه 

احمد: شتردين بعد تعرفين 

والوجه والمكياج عبالك عروس يرادلج بس زفه 

بس كليلي من سويتي هيج ارتاحيتي 

كمره: ليش هو انت خليتني اتهنى بي 

احمد: لا نسيت اسويلج اعلان واكلهم تعالوا شوفو ابداعات مرتي

وين وديتي هاي الملابس

كمره: ليش تسأل وشلك بيهن

احمد: اريد اجومهن 

سألتج جاوبي لا تخليني أثور 

كمره: خليني اكوم ما مرتاحه بالكعده هنا

احمد: ما تتحركين لحد ما تجاوبين وينهن

كمره: عفتهن بيت اهلي

احمد: ليش

كمره: عرفت بيك تضمها الي وما تفوتها 

كلت هسه بس يشوفهم لو يحركهن لو يشككهن 

احمد: وشلج بيهن بعد عبالج اخليج تلبسيهن

الفصل الأربعون من هنا