رواية كبرياء شيخ الفصل الأربعون بقلم زينب
يحرمن عليج
كمره: لا مو البسهن بس مستعزه بيهن طلعت قهري منك من لبستهن
ومن اشوفهن اذكر اليوم الي خبلتك بي وخليتك تطلعني من الكليه بس حتى لحد يشوفني عبالك اخليك مرتاح وانت هناك وانه هنا مشلوع كلبي ومحروك حرك ﻋﻠﻴﻚ وخصوصا من كلت بس ارجع اطلكج خليتني الليل ما انامه
احمد: هيج صارت يـ؏ـنـي تعترفين جنتي متقصده
كمره: اي متقصده وادري بيك راح تابعني وما راح تتركني
حفظتك حفظ وهسه خليني اكوم لأن احس بروحي متشنجه
احمد: سمعت كل هذا منج وتردين تكومين سالمه
لا يا حلوه هسه اراويج شسوي
كمره: شسوي يـ؏ـنـي تضربني ما تكدر مسيطره انه حامل اكيد تخاف على ابنك
احمد: مسيطره مو مبين من كعدتج وجهج اشو عرك شبيج
كمره: ما بيه شي خليني اكوم
بعدني ما مكمله دار راسي علي بحركه سريعه حسيت ركبتي طكت واخذ شفتي بوسه من كد ما قويه حسيت بطعم الدم بحلكي اخر شي وخر مني ورجع عض شفتي الجو حيل وانه صرخت
اي ليش هيج صاير عنيف حتى لو عدوتك هم ما تسوي هيج
احمد: هذا شي بسيط بس هسه اراويج العنف على اصوله
لزمت ايديها وخليتهن ورى ضهرها ونومتها على الجربايه وظليت أعض بركبتها وبصدرها وكل عضه اسمع ونتها متألمه طلعت قهري كله بيها
رفعت راسي شفت دموعها تصب كتلها مسيطره مو كمت عنها وكلت
مره ثانيه حسبي خطواتج عدل
كتلج لا تخليني اراويج وجهي الثاني وهاي البدايه راح اخليج تمشين مثل الماي البصينيه ولا عبالج تخوفيني بالطفل ما تمشي علي
كمره: جبتني هنا حتى تتفنن بتعذيبي مو
احمد: كمره ٲℓانــتيہ ما تمشي بالعيني وأغاتي خليني اربيج على طبعي
لأن ما اكدر اعوفج ولا اكدر اتحمل عنادج وطبعج ثنينا نتعب
كمره: بس هذا عقابك مو جديد علي دائما تحب تشوه جسمي
احمد: كومي نزلي جوا
ما اريد اكمل عليج واذيج اكثر اختفي من كدامي
كمره: عفته وكمت وانه روحي شايطه وركبتي وصدري يوجعني ويحركني من العظ دخلت للحمام شفتي مورمه وكلها دم غسلت وجهي وطلعت لكيته متمدد على الجربايه ولا جنه مسوي شي جكد حقدت علي دار عليه خزرته ونزلت سمعت صوت الشيخه بالمطبخ دخلت يمه وسألتني شبيج
كتله ما بيه شي بس بصوت مهضوم
الشيخه:مبين ما بيج شي اكيد ٲℓانــتيہ واحمد هاي مو جديده
لازم تعقلون راح يصير عدكم طفل بس آنه المن احجي واحد اضرب من الثاني
كمره: عمه على سيرة الطفل اريد أراجع دكتوره
الشيخه: لسه ما مراجعه شمتانيه
كمره: ما جان احد يعرف انه حامل فما راجعت
الشيخه: ليش ضميتي علينا
كمره: خفت
الشيخه: منين خفتي
كمره: احمد من سافر كال بس ارجع اطلكج
خفت يطلكني ويأخذه مني
الشيخه: زين ليش ما تكولين لأحمد هو ياخدج للدكتوره
كمره: احمد احسه متغير وياي اخاف احاجيه وينتر بيه
ٲℓانــتيہ اخذيني
الشيخه: خلص ورى العشه احجي وياه واشوف شيكول
اليوم عدهم خطار هواي ويتعشون بالمضيف واكيد يلتهون بالعالم
كمره: ظليت جوا يمهم بالمطبخ أساعدهم بشي خفيف
كوه الشيخه قبلت اسوي شي تكلي ما عولنا نسمع بيج حامل
وذكرتني بالحجيه جكد مشتاقتلها
الشيخه: كون الحجيه تسمع بيج هسه حامل جا ركبت اول سياره واجت للبصره
كمره: اووووف جكد مشتاقتلها شوكت تجي بعد
الشيخه: ما اصور تجي هسه بعد
بس من ادل بعقلها تجي
كمره: تعشينا وحسيت بتعب ودوخه شوي
صعدت وبدلت ملابسي لبست دشداشه نوم قصيره لونها اسود
اخذت المرهم ودخلت للحمام اخلي لركبتي وصدري اريد اشوفهم بالمرايه
لأن حضرة رامبو مكسر مراية الميز وانه اخلي ما حسيت غير دخل علي
كضني من خصري وطبكني علي وكال
احمد: ليش ما كتيلي انه اخليلج المرهم تعرفيني خبره
كمره: ما اريد منك شي بس عوفني
قوة حضنته الي وبده يبوس بركبتي بوسات خفيفه وحجى بخدر
احمد: اعوفج هذا حلم
مبين مشتاقتلي وهواي هم
كمره: لا انت غلطان شلون استنتجت
احمد: المن محضره روحج وهذا اللون يسودن ويه الجسم
بس لا تخافين ما راح اتقربلج اريدج تحتركين بنار الشوك شوي
كمره: ليش تعاملني بأستفزاز
ادري بروحي غلطت من ما ردت ارجع
مو بيدي نار بكلبي تسعر من اسمعت بيها رجعت وانت وياها
ولو يرجع بيه الوكت هم ارجع اسوي نفس الشي
دارني علي واخذ شفتي بوسه هادئه وكال
احمد: اوووف هيج نار الغيره حاركتج
وهسه طلعي اريد اسبح
كمره:ضربته على صدره وشهكت وكتله
اذا تريد تسميها غيره اي غيره انه أغار ومو بس أغار احترك هم من الغيره وأتمنى احركك وياي هسه ارتاحيت
عفته وطلعت من الحمام وانه اشهك وابجي ونمت على الجربايه وغطيت حتى راسي
ظل شويه وطلع اجى نام يمي وخر الغطى عني وكال
احمد: لا تبجين كافي
وستري علي بهل الليل وين انطي وجهي اذا اختنكتي
كمره: معليك بيه عسى ما اموت
احمد: جريته علي وهي تشهك وتبجي ونيمتها على صدري وكتلها
لا تجيبين طاري الموت مره ثانيه
سكتي كافي مردتي كلبي حسيته شوي هدأت بستها من كصتها وكلتلها
معقوله لهل درجه تحبيني
كمره: رفعت راسي باوعتله وعيوني كلها دموع وكتله
انه تعديت مرحلة الحب من زمان
يمكن وصلة مرحلة العشك هوس جنون شتريد تسمي سمي
رجعت راسي على صدره وحضنته حيل اريد ادخل روحي بكلبه وما اطلع منه
احمد: اذا هيج واصله عندج ليش تأذين روحج وتأذيني
كمره: مو بيدي احسك مو الي ونار الغيره تكتل
عبالك انه اعاندك بس هو مو عناد والله احبك مو بيدي ما اكدر اشوفك ويه وحدة ثانيه اتخبل واظل اصرف بدون وعي
احجي وابجي
احمد: كافي خلص لا تبجين نامي باجر وراج دوام
كمره: وانت تداوم
احمد: لا
كمره: ليش
احمد: لا تسألين شي
ما تتحملين جوابي
كمره: ليش وين تريد تروح
احمد: نامي بابا لا تلحين
كمره: احجي لا تستغفلني
خليني اسمعها منك مو من غيرك
احمد: تنامين لو شلون اليوم لا تخليني انزل انام جوا بالصاله
كمره:اكو صاله بره ليش الجوه
كول اشتاقيت الها واريد انزل انام يمها
احمد: هههههههه
اذا هيج صدك شسوين
كمره: احرككم ثنينكم
احمد: ينطيج كلبج تحركيني
كمره: مو بس احركك واظل اباوع ﻋﻠﻴﻚ لحد ما تفحم ياله كلبي يبرد منك
احمد: خرب ابليسج واصله مرحله
تنامين لو ااذيج مثل مساع
كمره:اخذت نفس من ركبته ونمت على صدره اعشق ريحته تاخذني لعالم ثاني
كعدت ثاني يوم بدلت وطلعت هو بعده نايم كعدت بالصاله البره خابرت على وسام ًحتٍٍٍـــى يوصلني للكليه دكيت علي كتله انت توصلني اليوم
وسام: الو صباح الخير
نزلي انه جوه انتضرج عندي خبر
كمره: نزلت وطلعت لكيته منتظرني صعدت وياه وصلني للكليه وهو راح لكليته دخلت للمحاضره الاولى بس انه كلبي يلعب ما اعرف ليش حتى ما فهمت شي من المحاضره كضيتها كله صافنه لحد ما خلصت جاي اكوم حسيت بدوخه رجعت كعدت شويه شفت روحي صرت احسن طلعت من القاعه رحت لمكانا انه وهبه كعدت بي احس روحي مفتقدتها انتجيت على الحايط وغمضت عيوني فتحتهن لكيت هبه واكفه كبالي ومبين عليها التوتر
كالت
هبه: شلونج زينب
كمره: ابتسمت الها احس روحي ارتاحت من حجت وياي كتلها
الحمدلله تمام
هبه :اكدر اكعد
كمره: طبعا اصلا هذا مكانج
هبه:بعدج زعلانه مني
كمره: لا انه ما زعلت منج بس اخذت على خاطري شوي
هبه: شفتج قبل شوي بالقاعه تعبتي شلون صرتي
كمره: اي شوي دخت بس هسه احسن صرت
هبه: الحمدلله
زينب ليش تحجين هيج وياي احسج صرتي غريبه عني
والله هو قنعني اسوي هيج اصلا انه رفضت بس ما انطاني مجال
كمره:ماكو داعي تبررين انه اعرف أسلوبه اصلا
وكتلج مو زعلانه بس لأن شوي تعبانه تحسيني هيج
هبه: يـ؏ـنـي نرجع مثل قبل
كمره : ٲℓانــتيہ شتشوفين ترهم
هبه: والله ترهم
اصلا انه ضايعه من دونج
كمره: خلص لا تضوجين تعالي
حضنتها وكتلها ما اريدها تنعاد بعد
هبه: توبه والله ابد
كمره: كملنا محاضرات وطلعنا رجعت علاقتي بهبه مثل قبل رحنا للكراج هي ركبت الخط وانه تأنيت وسام شوي واجى صعدت وسألته
اكلك احمد اليوم وين راح
وسام: ما اعرف بي ما كال شي واليوم استغربت هم ما اتصل ولا مره
كل مره يحرك علي التلفون حرك
ليش تسألين خابري وشوفي وين
كمره: اتصلت اكثر من مره جهازه مغلق
رجعت للبيت سألت علي هديه
هديه: الشيخ طلع من الصبح بس وين ما اعرف تعرفين ما يكلولي شي
كمره: خفت بالزايد منو الاسأله يكلي ما اعرف صعدت بدلت ملابسي وغسلت ولبست شالي ونزلت سألت على الشيخه كالت هديه بغرفتها رجعت صعدت دكيت الباب وكالت تفضلي
دخلت وسألتها علي
الشيخه: تسأليني انه هو رجلج المفروض تعرفين وين ليش ما سألتي
كمره: سألته وما جاوبني
الشيخه: معناها ما يريدج تعرفين وين راح
كمره: زين ليش ما يريدني اعرف
الشيخه: يجوز شي يضرج
وانصحج اخاف يجي لا تسألي شي لا ينكلب طنطل عليج
كمره: ما عرفت منها لا حق ولا باطل وانه اعرف كلش زين هي تعرف وين اصلا تحجي وياي وما تخلي عينها بعيني
طلعت منها رجعت للغرفه التفكير اكلني وما اعرف شسوي اجتني فكره انزل لغرفة هند واشوفها موجوده بس اخاف يصير نفس المره الفاتت وما تطيح بس براسي
احس الغرفه خنكتني لبست شالي ونزلت وصلت للبايه الاخيره وشفت
عمار دخل وهو يجر بعربانة ألبيها هند صاروا كبالي كلش هاي المره الثانيه اشوفها بس صايره احلى من قبل متغيره هواي بس شافتني تغير شكلها دارت على عمار وكالت وحجيها كوه يطلع وانه واكفه متصنمه
هند: عمار هاي منو البنيه
كمره: اباوع لعمار اتخردل بيني وبينها ما يعرف شيكللها
جنت أتمنى يكللها هاي مرت احمد بس بقى ساكت
وانه ام لسان بوكتها ما ادري ليش انبلع لساني
شافها عمار وضعها تخربط
هند: عمار سألتك ليش ما جاوبتني
عمار: هند اهدي شوي ٲℓانــتيہ شعليج تسألين
هند: انه هاي البنيه شايفتها قبل بس ما اعرفها هسه كلي هي منو
عمار: كمره اترجاج صعدي لغرفتج بسرعه
كمره: يريدني اختفي منها كتله
ليش
عمار: اذا عندي خاطر عندج صعدي ولا تسألين ليش
كمره: درت وجهي وصعدت بس وكفت بنص الدرج ما ابين سمعته خابر على احمد
عمار: احمد تعال للبيت هسه
كمره: شويه واجى احمد دخل وشافها متخربطه وتبجي سأله كله
احمد: شبيها ليش هيج صارت
عمار: من دخلنا صارت كمره كبالنا وهي شأفتها وظلت تسأل منو وانه ما جاوبتها ما ادري شصارلها
كمره: شفته نزل وصار بمستواها كض ايديها ثنينهن وكللها
احمد: اهدي هند ليش تردين تعرفين هي منو ما تستفادين شي
انه جكتلج المهم صحتج ترجع مثل قبل هسه هذا كله ما يفيدج
راح ادخلج للغرفه ًحتٍٍٍـــى تاكلين وترتاحين وتنامين ماشي وبعدين تعرفين كلشي
كمره: هو يحجي وياها وانه عيوني تصب وحدهن هذا الجنت خايفه منه
انتبه علي عمار ركضت صعدت وصلت للصاله البره كضتني الخنكه بعد ما كدرت اجر النفس لحكني عمار وكال
عمار: كمره رفعي راسج وحاولي تأخذين نفس وانه راح افتحلج الشال لا تستحين مني انه اخوج بس حاولي تظلين واعيه
كمره: ااشرله بإيدي احاول اكله ما اكدر
فتحلي الشال وظل يفرك بإيدي بصدري وراسي رافعه
رجعت اخذت نفس شوي بس كوه
عمار: اي هيج اخذي بعد نفس وحاولي تتنفسين لا تكطعين
كمره ٲℓانــتيہ حامل ما يصيرلج العلاج
كمره: ما اكدر احجي وياه شي ظليت فتره
رجع نومني على التخم ومستمر يفرك بصدري لحد ما اتأكد رجعت أتنفس عدل صح بصعوبه بس احسن من ما اكطعه كلش
عمار: واخيرا كمره خوفتيني عليج
انه مو كتلج صعدي عرفتج راح يصير هيج ما رتدتج تشوفين بعيونج
كمره: الى متى اظل ما اشوف
بس هذا ظلم والله ظلم
رجلي وكدام عيوني منو يتحمل هيج
عمار: لا تفكرين بهاي الطريقه
وظلي نايمه هنا فتره لا تكومين لا خشمج ينزف نفسج بعده عالي
كمره: جان وياكم من الصبح مو
ما جاوبني اتأكدت جان وياهم ردت اكوم كضني من ايدي ردت اوكع سندني
بصعدة احمد شافنا وكال
احمد: عمار شبيها
عمار : اختنكت
كمره: عفتهم ودخلت للغرفه ما ردت اشوفه كلش تعبت ما بيدي شي
شويه ودخل وراي وشكله خايف
احمد: ليش اختنكتي ششفتي
كمره: سكتت عنه ما جاوبته الحجي ما يفيد اصلا
احمد: لا تسكتين جاوبيني
كمره: عوفني ارتاح تعبانه
درت وجهي عنه جاي اعبره سحبني من ايدي حيل وشبكني وكال
احمد: عرفتي وين جنت مو
لهل سبب ما ردت اكلج خفت عليج لا تتخربطين
كمره: ما تخربطت لأن عرفت انت وياها
راح اسألك سؤال وأريدك تجاوبني
احمد: سألي
كمره: من سألتك انه منو ليش ما كتلها انه. مرتك
احمد: ................
شكرا لزيارتكم عالم روايات سكيرهوم
