رواية شيخه عراقيه كويتية الفصل الثالث بقلم جمانه السعيدي
رحيم...بعد ماسافرت للكويت كان صعب الكه شغل يناسبني
اشتغلت حمال بلبدايه بسوك المخضر
وكنت انام وياا جماعه اصدقائي
احصل خير من الله اهم شي هاي الدوله امان
وماكو حرب وعملتهم قويه
المهم اكو رجال يجي ياخذ مسواك من العلوه اني كنت اساعده وواصله المسواك للسياره وينطيني هلقاسمه الله
يوم عن يوم تعرف عليه وعلى اسمي
وكام من يدخل للعلوم يطلبني بلاسم
بيوم اجا يتسوك وهو جاي يشتري داخ ووكع اني سندته
وجبتله ماي وبقيت كاعده يمه
كل شويه اطمن علي لمن صار احسن ووصلته السيارته
رحيم...تكدر تسوق لو بعدك دايخ
ابو صكر...لا يبوك انشالله اكدر
رحيم..اذا ماتكدر اوصلك اني اني اعرف اسوق
ابو صكر..... انت كنت تشتغل دريول
رحيم...لا مااشتغل دريول بس اعرف اسوق
ابو صكر...وصلني واني اشوف سياره تردك الهلمكان
رحيم...تدلل
جمانه السعيدي
صعد وصلته البيته نزل واني دخلت المسواك جوا
ابو صكر...اني حبيتك يولدي انت مبين من كلامك عراكي
رحيم..اي اني عراقي
ابو صكر...خلك عندنا تشتغل دريول وانا اعطيك
اكثر من الكروش الي تحصله من سوك الخضار
رحيم...بس السكن بعيد عليه
ابو صكر...حنا عدنا غرفه للحارس تنام فيه انت معو
رحيم...اني موافق بس اروح اجيب غراضي وملابسي واجي
ابو صكر...انا اشوف سياره تأخذك وتردك لهون مره ثانيه
رحيم...تمام
ابو صكر اجرلي سياره رحت جبت ملابسي وانطيت عنواني الجديد الجماعتي ورجعت وياا السايق
كعدت وياا الحارس بغرفته
ومن ثاني يوم استلمت الشغل عدهم
ابو صكر عندا ولد ثنيين وبنيه
الولد عدهم سياره خاصه بيهم
والسياره الثانيه اني اوصل ابو صكر وابنته وزوجته الاي مكان يردون يرحون اله
مكاني الجديد حيل عجبني اكل احسن اكل وشغلي
بسيط مو متعب
وابو صكر طاير بيه واكثر شي من شافني ادخل مدنك واطلع مدنك ومالي شغل بكلشي
على كد شغلي وبس
مره وصلت ابو صكر ووكعت محفظته بلسياره
دخلت انطيته اله
ابو صكر.. با رك الله فيك يوليدي
من كنت اروح اجيب المسواك اسجل كلشي بورقه
واي فلس يبقى ارجعه الهم
بعمري ماخليت عيني على فلوسهم لو حلالهم
ابو صكر كان واثق مني حيل ومسلمني كلشي
بنته كانت ادوام بلكليه كنت اوصله وارجعه كل يوم
بس بعمري ماخليت عيني بعينه ابد
كنت حاسب حساب الخبز والملح
واريد احافظ على شغلي لان احصل فلوس خير من الله
ومكاني زين مرتاح بي
جمانه السعيدي
كنت اسمع بتهم تحجي بلتليفون وياا واحد
الضاهر عدها علاقه بي بس اني شنو دخلي بلموضوع قابل اني ولي امرها
بعد ست اشهر من شغلي بيت ابو صكر
بدا حال البنيه يتغير تطلع مخربطه وشكله تعبان
مره طلبت اوصله المكان هيج مثل المطعم اوكوفي
وكالت انتضرني
شفته تتوسل بواحد وتبجي وهو ماداير اله بال
الضاهر العلاقه بينهم انتهت
اني عبالك مااسمع ولا اسئله ولا الي شغل بيه
بس من كامت تتوسل بهذا الولد كسرت خاطري خطيه
ولد الحرام هواي
والبنات بسرعه تصدك بلكلام الحلو
كانت تردد علي شلون لازم اكو حل لا تعوفني بهاي المصيبه وحدي لا تسكر كلشي بويهي
انت ضحكت علي انت ماتخاف الله
انت كلت بنتزوج ساعدني يرحم والديك ساعدني
اشتبي مني اني حاضره بس تعال كلم ابوي
انا بموت كل يوم بسبتك
جمانه السعيدي
المهم اسبوعين والبنيه حاله كله انكلب صارت وحدا ثانيه
جوا عيونه اسود
ومخربطه مبين عليه ضايجه حيل
يومين وهي ماتروح للدوام بلبيت ماتطلع
بليل سمعت صوت بتهم تصرخ واكو واحد جاي يضربه
وهي تصرخ واحد من أخوانه يضربه
وابو ها يصيح عليه ويغلط
اتلث مرات اوصل الباب المدخل وارجع
كامت تعيط حيل
شويه وطلعت من باب المدخل بس حالته حاله
شعرها مكطع ووجها كله دم لازمه جتفه وتركض
تربد تطلع من البيت
قبل لا توصل للباب الخارجي لحكه اخوها لزمه ورجع يضربه
مالكيت نفسي غير صاير بينه وبينه
كنت اصد الضربات عنه وهي لازمتني وواكفه وراي
كله ترجف
طلع ابوها وسحبه من ايدها ودخله جوا
واخوها يمشي وراها ويضربه
خطيه مسكينه اكلت ضرب مو معقول من اخوانها
اسمعهم يصيحون عليه ويحجون وهي تبجي
استمر صياحهم اكثر من ساعه
كتلني الفضول اريد اعرف ليش هيج يضربوها
هي شمسويه
البنيه كانت تطلع للدوام لبسه محتشم وشال على راسه
اني ماشفت منه شي موزين
بس يمكن سبب المشكله هذا الي تتصل بي
الساعه ١٢ بليل وهمه بعدهم يضربونه ويحجون عليه
وهي تبجي
نزل ابو صكر شكله كلش ضايج
ابو صكر....رحيم تعال يبوك ابيك بسالفه بيني وبينك
رحيم...اي تفضل عمي امرني
ابو صكر...تعال ادخل بالديوانية عندي كلام مهم معاك
رحيم..حاضر
دخلنا اني وياا واجو ولده ثنيينهم ورانا
ابنه الجبير....لا تحاول يبه نذبحه ونطم عاره ومحد يعرف علومه
ابو صكر...اكعد يبوك هذا الشاب الطيب هو الي راح يحل هاي البلوه
اجا الولد الزغير. كعد كبالي....لا تعب نفسك يبه اني اخلصكم منه اطلع للبر اذبحه وادفنه هناك ونخلص منه ومن عاره
ابو صكر...اسكت انت اني احله
ابو صكر....انت خوش زلمه وانا ماشفت منك الشينه
ابيك تساعدني واني عمك
رحيم..تفضل
ابو صكر.....البنيه عكله زغير واحد ابن حرام ضحك عليه
واليوم انت الي تكدر تساعدنا على هاي المصيبه
انت نشمي وابن حلال
ابيك تساعدنا نحل هاي المشكله
ابيك تزوج بدريه والي تكول علي يصير
هااا شكلت واني ابوك
تعاون هاي الشيبه حتى نستر عليه
وماينزل راس عمك تالي عمره
شكرا لزيارتكم عالم روايات سكيرهوم
