رواية غرفة العمليات الفصل الرابع بقلم جمانه السعيدي
اسيل....شكو ماهر خير شكووو احجي
اني كلت ذني الكلمتين وهو اجاني طاير
ضربني راشدي ووكعت بلكاع
ماهر...بت الكلب اضحكين عليه اليوم موتج على ايدي
اسيل...كعدت وكتله شكووو شكووو
راسا اجا عليه رفع ثوبي طلع رجليه
باوع وهو يصيح اي هذا النيشان الاول مسويه نفسج
شريفه وماكو منج
اسيل..اسحب بلثوب اربد اغطي جسمي وهو خله التليفون على ميز الطعام
ونزع ثوبي وكانما يدور على شي ضايع
باوع على بطني اي صدك هذا النيشان الثاني
بت الكلب اني اصحكين علبه
ك...ح...ب...ه س...ا...ق..ط..ه
كل هاي الفتره واني معمي على عيوني
حقيره بدون شرف
تضحكين عليه
اليوم لو اني لو انتي
اسيل رجع يضربني بقوه اريد اخلص نفسي منه ماكو
تفل علي وجهي
كوه طفرت اربد ادخل للغرفه احمي نفسي منا
راسا لحكني الضرب مستمر عليه من كل الجهات
بايده برجله سحبني من شعري
ماهر......امشي للفحص اني لازم اثبت حقي إذا مااشتكي عليج انتي واهلج
يريد يطلعني للشارع بهذا شكلي
اسيل...اروح وياك وين ماتريد بس اريد استر جسمي الله
يخليك فهمني شكووو
ابوس ايدك خل استر نفسي
مااكدر اطلع هيج بروح ابوك عوفني
جمانه السعيدي
اخذني سحل للكنتور يسحبني من شعري كل قوته
فتحت الكنتور طلعت رداء اسود خليته على جسمي
وسحبت الحجاب
اسيل...عوف شعري اني وياك اروح وياك وين ماتريد بس عوف شعري
ماهر...ولج شلون ضحكتي عليه
اني حاسب نفسي شاطر وماكو اشطر مني انتي اضحكين عليه
شلون بس فهميني شلون
عاف شعري ولزمني من ايدي قوي احس الدم مايوصل
الكف ايدي
لفيت الحجاب شلون مجان يمشي سريع وهو ساحبني ورااا
اخذ الموبايل وهو يمشي
يمشي ويغلط ويفشر عليه
احسه يمشي بدون وعي
من العصبيه احس راح ينفجر عليه
طلعنا من الشقه واخذني مشي يمشي سريع
واني امشي واتعثر اريد افهم شنو الموضوع
شنو الي شافه بلموبايل حتى يضربني هيج
جسمي كله يرجف وحلكي بجري دم
راسي يوجعني لان سحب شعري قوووي
تليفوني بقه بلشقه
ماانطاني مجال اتصل على بابا
يجي يحجي وياا ويشوف شنو القصه
هسه لو يفهمني شنو الي صار
حتى اعرف اتصرف
جمانه السعيدي
صعدنا بلسياره وكام يضرب بلستيرن بقوه وعصبيه
ويرجع يكفخني على راسي
ويغلط عليه
جسمي كله يرجف اربد افتهم الموضوع شنووو
ووين ماخذني مااكدر احجي
اخاف منه تحول إلى وحش مايتفاهم ابد
دخلنا للمستشفى وهو ساحبني من ايدي
ايدي كامت توجعني حيل
شاف عامل نضافه زمخ علي بعصبيه ووين دكتور نسائيه
اشرله فوك اول غرفه على ايدك اليمين
صعد الدرج بسرعه رجلي فلتت ووكعت على الدرج
ركبتي كامت توجعني
وهو مستمر يسحبني بقوه
كوه سيطرت ووكفت اريد الحك بي حتى اصعد وياا
ماينطيني مجال
صعد كبل بدون استاذان دفع الباب ودخل
دكتور بسرعه اريدج تفحصين زوجتي
الدكتوره..على كيفك وحده وحده شبيك شصاير
ليش هيج دخلت عليه
ماكو ذوووق غير تستأذن
ماهر...اربد تفحصين زوجتي كدامي اريد اتاكد من عذريته
دكتوره...اي اهدء شصاير
ماهر...افحصيه كدامي اريد اشوف كلشي بعيني
اسيل...الدكتوره التفتت علبه شكوو
كتله مااعرف افحصي دكتوره كدامه اني ماعندي مشكله
اريده يتاكد بنفسه
اني مستعده للفحص يله دكتوره شوفي شغلج
سحبت ايدي منه كوه عافها
ورحت صعدت على السرير وكتله يله دكتوره شوفي شغلج
شخصي حالتي باامانه
اريدج تحجين الصدك اني ماعندي شي اخاف منه
تمددت رفعت ثوبي وتغطيت بلجرجف
لبست الدكتوره كفوف واجت قربت عليه بيدها جهاز زغير
وهو اجا وكف بصفها
جمانه السعيدي
ماهر...اشوف الفحص اشوف غشاء البكاره بعيني
اني ينضحك عليه
اني صرت مضحكه الاسيل واهله
الدكتوره دخلت الجهاز وشغلته بي مثل الكلوب زغير
سكتت
ماهر.. خل اشوف بعيني
قرب عليه ماهر حيل بحيث صار بمكانها بين رجليه
الدكتوره...ماكو داعي زوجتك مو عذراء
اسيل..اني انصدمت صدمة عمري كعدت على حيلي
ا
دكتوره شكاعد تكولين اتاكدي رجاء
ماهر..انزلي بت الكلب انزلي منو هذا الي غلطتي وياا
وجايه تبيعين شرف براسي
لزمني من شعري ونزلني للكاع
مدري اخلص شعري مدري اغطي نفسي
مدري ادافع عن نفسي
ليش الدكتوره تكول عليه مو بنيه اكيد غلطانه
الدكتوره ...عوفها ليش اطلب الامن
ماهر...اطلبي الامن بس اكتبي تقرير بلفحص اكتبي
اسيل محمد علي مو عذراء
اريد التقرير لو اني اروح اجيب الامن
اسيل...دكتوره راح يضيع مستقبلي رحمه الاهلج
شنو مو بنيه
اني بعمري محد قرب عليه لو لمسني
انتي متاكده
دكتور...اسفه هاي حقيقه مااكدر انكره انتي فاقده عذربتج من زمان
اسيل..دكتور فدوه باوعيلي دكتوره انتي متاكده
ماهر...انجبي مااريد اسمع صوتج
الج عين تحجين
اذا ماادمرج شلون اضحكين عليه
شلون خليتني اصدك تمثلين عليه كل هاي الفتره
جمانه السعيدي
لا تلزم ايدي لا تبوسني انت شنوو منيين جبتي هاي القوه
شلون اني صدكت بيج
لاعبه لعب وجايه تمشين لعبج عليه
كم واحد لا عب عليج
كم واحد نمتي ويااا
همزين رب العالمين كشفج على حقيقتج
الدكتوره كتبت التقرير
التقرير الي يثبت اني فاقده عذريتي
اني مو بنيه
شلون مااعرف بعمري ماغلطت وي اي احد
بعمري ماحبيت لان اخاف على سمعت ابوي
بعمري ماتركت فرض
كل دعائي بلستر
وين مااروح عيون اهلي كدامي
الناس كله تحجي بشرفنا وسمعتنا الطيبه
ابوي شلون من راح يشوف هذا التقرير اكيد راح يصدك
شلون راح ادافع عن نفسي
وشراح اكوول
عقلي مايقبل يتحمل الشي الي جاي يصير وياي
مستحيل
اكو شي غلط اكو شي موصحيح
طلع ماهر يمشي واني امشي ورا
احجي وياا نفسي هذا حلم لو كابوس
اكيد اني اسيل لو وحده غيري
شلون اني مو بنيه
شلون اريد افهم شلون صار هذا الشي
كمت ابجي بصوت عالي
يارب يطلع حلم
التفت عليه ماهر زمخ بصوت عالي يله امشي
امشي يلشريفه ؤلعفيفه
زمخته رجعتني للواقع كمت امشي وابجي
اني اريد اصدك
اني شلون مو بنيه
ومنو هذا الي يعرف اني مو بنيه واني نفسي مااعرف هذا الشي
شكرا لزيارتكم عالم روايات سكيرهوم
