رواية وجه محروق الفصل الثالث بقلم جمانه السعيدي
اصيل...الصبح كعدت على صوت بيت عمي فتحت عيوني النهار طالع الحمد لله يعني راح اروح البيتنا
اني ماأحب الهوسه متعود على الهدوء بيت اهلي
لان بس اني وابوي بلبيت
الصراحه مارتاحيت بيت عمي
مدري لان اول مره انام بعيد عن ابوي
مدري احساس الغيره لان احس اكو ناس راح تشاركني بابوي
كمت ورحت الام حسن
اصيل...خاله تاخذيني الابوي
ام حسن...بسم الله بعدنا الصبح العصر نروح عليهم
اصيل...ضجت اني اندل بيتنا واكدر ارجع وحدي
بس استحيت من بيت عمي
بقيت كاعد انطتني ام حسن قشطه وخبزه وجاي اتريكت
بقيت كاعد اريد الوقت يخلص
شويه وكعد امير الغثه راسا بس فتح عيونه كام يبجي
حارت ام حسن وياا مايقبل يسكت
ماكو على السانه غير امي اريد امي
صوته كلش مزعج مايسكت ابد شكد عنده طاقه على البجي
اتغدينا الساعه ثنتين الضهر الساعه بلخمسه يله ام حسن اخذتنا اني وأمير البيت اهلي
وصلنا امير ركض حظن امه واني حظنت ابوي
امير...اني ابجي عليج
ام حسن...من الصبح يبجي عليج
لمياء...ليش تبجي غير خالتك يمك
امير...اني اريدج الجهال ضوجوني
اصيل...حضنت ابوي باسني حيل وكال افيش
راسا لمياء التفت علي ماراضيه
ابوي...نمت زين
اصيل.. لا ما نمت
ابوي...ليش
اصيل...ضجت عليك
ابوي....يابعد ابوك ضايج عليه
جمانه السعيدي
بيتنا تغير صار انضف واحلى وريحة الطبخ بلبيت تخبل
كلشي مرتب ونضامي
بس الشغله الوحيده الي جانت مضوجتني
امير شكد شايل حقاره شكد خبيث
من انام يشمر عليه مي إذا اشتريت لعبه يبقى يبجي عليها لمن ياخذها يخربها ويشمرها
مثلا كاعد يمر يضربني لو يدوس على رجلي
هيج بدون سبب اني من النوع هادء وما احب الحجي والهوسه
اذا اضربه لمياء ما تقبل تبقى تحجي عليه
اسكت يتمادى اكثر واكثر وبدا يتجاوز عليه
كمت اخلص كل النهار بلورشه يم ابوي حتى لا اشوف وجها
بس هلكد ماخبيث مايقبل يعوفني اتهنى بكعدتي
يجي وراي
ويبقى يطلع حجج عليه
لو ياخذ البسامير يشمرهن بلشارع
لو يشغل المنشار الكهربائي ابوي يتخبل منه
اي مكان يتواجد بي لازم تصير مشكله
ابوي بدا يقفل باب الورشه على البيت
لمياء...ليش قافل الباب
ابوي...اخاف على امير مايكعد وين اكو جهاز كهربائي يشغله
لمياء...جاي يبجي يكول عمو ما يحبني بس اصيل
ابوي...شنو هلحجي وانتي جايه على كلامه
مايكعد اخاف يااذي نفسه
لمياء...عوفه هنا يمك للخاطري ما جاي اكدر اشتغل
من ورا يريد يم اصيل
ابوي...تعال اكعد مثل اصيل لا تتحرك
بس دخل وأمه رجعت للبيت كبل جاب منشار يدوي
وبدا يكص خشب اكو خشبه ابوي محضره مال كنتور
شخطها بلمنشار وخربها
ابوي طلعه ورجع طبك الباب
كسر الباب تكسير دفرات يكسر بلباب
ابوي سكت يريده يتعب ويروح طلع بلشارع واجانا من بره
دخل اخذ خشبه وكام يدك على المنشار الكهربائي
ابوي تخبل منه
ابوي متعود اني اكعد واسكت
واذا العب اللعب بلخشب الي مايردو
كل يوم على هذا الحال هو خبيث ومايقبل يكعد
وأمه ما تقبل واحد يزعله
كلمه والثانيه وكالت يتيم خطيه لا تصيحون علي
يتيم عينكم علي
موبس امير يغار مني لمياء متخبله من وجودي
تحس ابوي ؤفضلني عليها وعلى ابنها
دائما تتعارك وياا ابوي
لمياء...انت تفرق حرام عليك
ابوي...اني ماافرق ابنج حرك مايكعد تعاي وشوفي
يخرب مو مثل اصيل يكعد ويسكت
لمياء...غير زغير وأصيل جبير
ابوي...لا ولله طينه اصيل من هو زغير هادء
لمياء...فدوه لا تفرق بينهم ابد
ابوي.... شنو افرق بينهم ليش زرعين هذا الكلام براس ابنج
علمي يحترم الجبير علمي يكعد ويسكت
موجايه تعاتبين علموده
جمانه السعيدي
اجت المدرسه وابوي راح سجلني وجابلي ملابس
احلى يوم بحياتي اول يوم رحت للمدرسه طاير من الفرح
رغم الجهال كلهم يباعون عليه بسبب وجهي
بس اني حبيت اجواء المدرسه بعد ماخلصت عمري بلورشه
وماعندي اصدقاء اللعب وياهم
من اطلع للدوام يبقى امير يبجي يريد يروح للمدرسه
خاله لمياء سجلته بلروضه يوميه مشكله يوميه ضارب طفل حتى المعلمات يشكن منه
اكثر طفل وكح وحرك امير
كامت لمياء بطلته هلكد مايغار مني بس يشوفني اكتب
يكعد يخبث عليه
لو يشخبط على كتابتي مره بقيت اكتب العصر منا للمغرب
رحت اتعشى رجعت لكيته شاك الدفتر مسوي أوراق زغار
كمت ابجي بحركه صدك انقهرت
شكد تعبت بلكتابه وهو على الحاضر يشك الدفتر
طفرت علي اريد اموته لان اني متحمل علي من زمان
بس ابوي ماقبل
كعد ابوي يكتبلي من البدايه كل الدروس الي ماخذهن من بدا الدوام لليوم
ثاني يوم المعلم عرف هاي مو كتابتي
المعلم...منو كتبلك هذا مو خطك
اصيل...سكتت
المعلم...احجي منو كتبلك
اصيل...ابوي
المعلم...وليش ابوك يكتبلك ليش انت ما ماتكتب
اصيل...كتبت وأمير شك الدفتر
المعلم.. امير منو اخوك
اصيل..لا مو اخويه ابن زوجت ابوي
المعلم ..هاي اخر مره اشوف واحد كاتبلك انت تكتب
هلمره راح اسامحك مره ثانيه ادزك للمدير
وتنكتل كتله زينه
اصيل...صار استاذ
اصيل...كمت اكمل كتابه واروح أضم جنطتي بلورشه
الصبح الكاها متروسه نشارة خشب
مره مرتين شافني وين اضم كتبي
كام شك القراءه هلمره كتلته لان حيل زودها
المثل يكول من أمن العقاب ساء الأدب
وهو هلكد ماامه ادافع عنه استهتر وبعد محد يكدر علي
مرتين ابوي اشترالي كتب بسبب امير
ابوي ماكان يريد مشاكل لان الصراحه مرتاح وياا لمياء
وهي مهتم بيه وبلبيت بس هلامير الغثه
بعد سبع اشهر من زواج ابوي طلعت لمياء حامل
فرحت ابوي ما تنوصف جان يتمنى يصير عنده بعد ابناء
واجت اختي فاطمه للدنيا
شكد جنت أكره امير وامه بس حبيت فطومه
حلوه تخبل تشبه لمياء حيل
جمانه السعيدي
اما بلنسبه اليه جنت مااخلص من التنمر بالمدرسه بسبب وجهي ومااخلص من مضايقت امير بلبيت
بس ساكت لان ابوي ابد ماغير معاملته وياي
جان يحبني ويقدرني ويفضلني على الكل
حتى من اجت فطومه هم يحبني اكثر
وهذا اكثر شي ضايجه منه لمياء
توقعت بس يصير طفل ابوي ينساني بس بلعكس ابوي زاد تعلقه بيه اكثر
بليل رغم تعبه بس لازم يتأكد اني حفظت دروسي
وكملت واجباتي وينطيني مصرف
يله يروح اينام وهذا لشي كان يضايق لمياء
لان على كولتها اني عندي شريجه اسمها اصيل
بس ماتكدر اضايقني لان اني مستند على ابوي من ارجع من الدوام كبل اروح يم ابوي بلورشه
لان خلصت عمري بلورشه صرت اعرف هواي اشياء
تخص عمل ابوي
واساعده شكد مااكدر على عكس امير
الي يجي للورشه لو يخبث عليه لو يطلب فلوس من ابوي
نجحت للصف الثاني اكثر واحد فرحلي ابوي
عبالك هو الي نجج مو اني
بلعطله كنت اكعد الساعه بلسبعه وياا ابوي واروح اساعده بلورشه
هو يشجعني على الشغل
من يكمل نجارة ميز يكول روح شده عفيه ابني
لو يشتغل رف لو طبله يكول روح انت شدهن يريدني اتعلم
اني يمكن ورثت الشغله عن ابوي
كنت شاطر بهذا الشغل رغم عمري زغير
الزم الخشب وياا ابوي اجمع النشاره من الكاع
يجي واحد يشتريها من عدنا
ابوي يكول فلوس النشاره الك يشتروها اهل حقول الدواجن يفقس البيض عليها
جمانه السعيدي
بدا امير يطلع للشارع ويجيبلنا المشاكل
لو يتعارك ويا الجهال لو ياخذ الطوبه منهم لو يضرب
الازغر منه
مره ضرب ابن جيرانه وابو الولد جابه سابح بدمه
اجا يشتكي عند ابوي منه
ابوي اخذه للمستشفى ضمده ورجع راح اعتذر من ابو
طبعاجان صارت مشكله جبيره بس الناس تحترم ابوي
وتقدره لان مو صاحب مشاكل بلشارع
جمانه السعيدي
ابوي...لمياء ابنج
لمياء...جهال يلعبون شصار
ابوي... خيطت راس الطفل شنو جهال الناس زايدين عليهم
لمياء. لاتكبر الموضوع مامتقصد
ابوي...شنو مامتقصد تقبلين واحد يفشخ ابنج ويطلع دمه ويكول ماادري
لمياء...لا تصير عصبي بعد ما تنعاد
اصيل...هذا كان كلام حتى ابوي يسكت
لان بنفس الاسبوع امير كسر جامة سياره ابو احمد
جيرانه بيتهم كبال بيتنا امير اتعارك وياا حمودي وشمر
علي طابوكه اجت بلسياره كومت الجام للكاع
اضطر ابوي يشتري جامه سياره للرجال واعتذر منه
قرر ابوي يسايسه ويخلي يكعد ويانا بلورشه
ابوي..تعال اموري اعرف انت شاطر وحباب تعال هاك هاي الخشبه دك عليه ذني البسامير ومن تخلص انطيك فلوس
انشغلنا اني وابوي عنه لان اجانا خشب وجاي ندخل بي
لكينا شكو كنتور مخلص شكو ميز باقي علي بس الصبغ
تارسه بسامير من كل مكان
ابوي كام يلطم منه خرب شغل مال اسبوعين
بيومها ابوي كتله وكانت هاي اول مره يكتله
ولمياء زعلت وكامت تبجي وما تقبل تحجي وياا ابوي
تكوله انت تفضل اصيل على امير
ابوي...صدك عود انتي تجيبين امير يم اصيل
لمياء...ليش اصيل على راسه ريشه
ابوي... وين اكو من اصيل بعمره ماجابلي مشكله
ولا اجا واحد عاتبني علي شوفي شايل نص شغل الورشه وابنج وين مايصير يحل الخراب بلمكان
شكرا لزيارتكم عالم روايات سكيرهوم
