رواية وجه محروق الفصل الرابع بقلم جمانه السعيدي
اصيل....مشاكل امير ما تخلص
وابوي ماعنده اي حل الهاي المشاكل الولد جسر وما يخاف
وخبيث
وابوي صار عنده بعد بنيه سماها زينب هلمره تشبهني
نسخه مني
يعني صار عنده عائله بنات ثنيين من لمياء
مايكدر ينفصل عنها ولا يكدر يزعلها الصراحه هي ام بيت
وما مقصره ويانا ابد
بس هلامير مشكله مالها حل
لو ابو عدل جان دزينا الابو بس ابو ميت
ولمياء حيل متمسكه بي بس ما تعلمه ابد مخليته بكيفه
بعد ولادت لمياء بشهرين من جابت زينب ماتت امها
وبيت اهلها صار خالي مابي احد
بعد الأربعين قررن لمياء واختها يبيعن البيت ويتقاسمن
فلوسه
ابوي وعمي عرضو البيت للبيع
طبعا هو بيت قديم ماجاب سعر زين بس هنا صممن يبيعن
وياخذن حصصهن
لمياء ضمت حصتها مخططه تاخذ بيت وتسكن بي
ماعاجبها بيتنا هذا
لان بناء قديم وصوت الورشه بيتنا
جمانه السعيدي
اصيل..... اني جنت ماشي بلمدرسه ولله الحمد
بس عندي مشكله الجهال طلعو عليه اسم ابو وجه المحروك
وهذا الاسم مشه عليه
شكد اضوج من اسمع واحد من الجهال يصيح عليه
بهذا الاسم
اكثر شي من نطلع من المدرسه الجهال يضوجوني
امير دخل للمدرسه قبل ولادة اختي زينب
بس كلشي ما يفتهم شاطر بلوكاحه شكد تقري بي لمياء
بدون فايده اكثر من مره دزت عليها المدرسه
لان امير وكيح كلش يضرب هذا ويغلط على هذا
وياخذ فلوس هذا
وفوك كل هاي مشاكله كسلان مابي خير
حتى اني دزت عليه المعلمه مرتين عبالهم اخوي
كتله مالي شغل بي حتلو اضربينه مالي شغل بي
هو سمعني كلت للمعلمه هيج وهو هجم عليه بلطابوك من طلعنا من المدرسه
وطول الطريق يغلط عليه
بس وصلنا للبيت راسا كال الامه اصيل يكول للمعلمة اضربي بمكان مايدافع عني يكول اضربي
بعد مااداوم بهاي المدرسه اريد انقل
لمياء سمعت هذا الكلام ونهدت عليه هي مو من هذا الموقف بس ضامه بكلبها عليه من يوم دخلت الهذا البيت
ابوي سمعها تصيح عليه اجا يركض
ابوي...شكووو صوتج واصل السابع جار
لمياء.. اسئل ابنك رايح للمعلمه يكولها اضربي امير
عود اني ماامنته ويااا واكول وياا اصيل مااخاف علي
ابوي...صدك هذا الحجي
اصيل...المعلمه دزت عليه كالت امير وكح وكسلان
انت اخووو ليش ما تعلمه انت شاطر وحباب
كتله لا مو اخوي ومالي شغل بي حتلو تردين اضربي مالي شغل بي
ابوي...ليش بابا
اصيل...بابا امير وكح كل المدرسه تشكي منه وكسلان
يعني اني اذا اكله اكعد واسكت راح يسكت
ليش احمل نفسي مسؤوليته
مالي شغل بي انت تعرف اجا الطريق كله يشمر عليه
حجار ويتفل عليه بلشارع كدام جماعتي
جمانه السعيدي
ابوي...ليش امير ليش هيج
امير...لان كال المعلمه اضربي
ابوي.. المعلمه ضربتك
امير...لا بس كالت باجر خل تجي امك
ابوي...خلاص يله اتصالحوووو انت اصيل مسؤل
عن امير لان بعده زغير
وقري وياك من تقرا
اصيل...بس اني بصف اول محد قراني اني كنت أقرأ الوحدي
ابوي...ميخالف ساعد اخوك
اصيل...امير مو اخوي
ابوي...اصيل ليش هيج تكول اسمع الكلام وبس
اصيل...هذا الكلام شجع امير عليه
ثاني يوم جمع الجهال اصدقائه بلمدرسه وخلاهم يصيحون عليه ابو وجه المحروك
مايفيد الحجي وياا وكلشي مايفيد
كرهت اليوم الي ازوج بي ابوي كنا مرتاحين وعايشين
ليش دخل امير الحياتنا
امير عاد صف اول لان لايقرا ولا يكتب
السنه الي عاد امير بيها صف اول صارت اختي زينب
وهي السنه الي ماتت بيها ام لمياء الله يرحمها
المهم مرت السنيين مااريد ادوخكم بمشاكل امير الي ما تخلص
بعد خمس سنوات من زواج ابوي ولمياء
البيت الي بصف بيتنا أنعرض للبيع
بيت ١٥٠ متر بناء حديث
لمياء.. اني اريد هذا البيت
ابوي...ليش بيتنا شبي
لمياء.. زغير الجهال محصورين بغرفه وحده
وصوت منشار الكص طول النهار مصدعنا اني اريد ارتاح اريد بيت حلو ونضيف اكعد بي
اني عندي ذهبي القديم والذهب الي جبتله اليه بلعرس
وحصتي من بيت اهلي
اريد تسأل شكد سعره لان عاجبني من زمان
وهم قريب على الورشه
ابوي..... باجر اشوف سعره شكد
ويصير خير انشاء الله
فلوس لمياء وذهبها وحدهن مايكفن للبيت
ابوي كملهن واشتر البيت الها
ابوي كمل نص المبلغ بلضبط
جمانه السعيدي
لمياء.. البيت اسجله باسمي
ابوي.. نص باسمج بفلوسج ونص الثاني باسمي لان اني دفعت نص المبلغ
لمياء.. لا كله بااسمي
ابوي...ليش باسمج اني قابل المن اريده هو اللج والجهالج
لمياء...لا باسمي اني خليت كل مااملك من فلوس وذهب بي
لازم ينتكب باسمي
اصرار لمياء على أن ينكتب هذا البيت باسمها
خله ابوي ينتبه الشغله مهمه
انانية لمياء ومستقبل اصيل
ممكن اصيل ينطرد من هذا البيت وذاك البيت باسم لمياء
يعني اصيل ماله مستقبل وياا لمياء
وافق ابوي واخذ لمياء سجل البيت باسمها
وثاني يوم راح وسجل بيتنا الي بي الورشه باسمي
حتى يضمن حقي بعد وفاته
بس محد عرف هذا الشي ابد حتى اني جنت زغير وماافتهم اخذني وياا وقدم أوراقي
بس ماجنت اعرف بيت امي صار باسمي
انتقلنا كلنا للبيت الجديد البيت حلو وبناء جديد
جوه غرفة نوم وهول ومطبخ واستقبال
وطرمه وحديقه كلش حلو
وفوك ٣ غرف نوم وحده الأمير وحده اليه وحده للبنات
والبيت القديم صار مخزن للغراض الزايده
ابوي هدم الحايط الي بين بيتنا الجديد والقديم
حتى يسهل علينا التنقل من الورشه للبيت
يعني من ندخل من البيت الجديد ندخل على بيتنا القديم وبعدين الورشه
كلما اكبر اكثر اصير اشطر بعمل النجاره
اشتغل بواهس وفن ابوي كان يعتمد عليه لان شغلي نظيف
اما امير طاير بين اصدقائه وبين الشارع
وين يخلص النهار مااعرف
المهم عندي مااشوف وجها ابد
وصلت ثالث متوسط ابوي طول هاي السنيين يسد بمشاكل امير
شكد دفع فلوس لازم كل مشكله تصير اصعب من الي قبلها
واكثر المشاكل ماتنسد اله بفلوس
بعد ماخلصت ثالث متوسط وكع ابوي مريض
صار فتره يعاني بس مايقبل يروح للطبيب يكول تعب من الشغل اني متعود علي التعب
ياخذ مسكنات ومستمر يشتغل
اكثر شي هد حيل ابوي مشاكل امير
كان يستحي من الناس الي تجي تعاتبه
طول عمره سمعته نظيفه بين الناس وماسمع كلمه موزينه
بس من دخل امير الحياتنا
تخربطة كل اوضاعنا واي شي يصير
الناس تجي تشكي الابوي ابوي حيل يستحي من
هاي الشغله ويصعب علي الاعتذار لليسوه والي مايسوه
زاد التعب على ابوي وبيوم وكع بلورشه
من شفته وكع اتخربطت احوالي مااعرف شلون اتصرف
احركه ما يتحرك طلع شي من حلكه ابيض
احاجي ما يحاجتي
طلعت للشارع اركض جبت سياره
والناس ساعدوني نقلنا للمستشفى
شكرا لزيارتكم عالم روايات سكيرهوم
