رواية الفصلية الفصل الثالث 3 بقلم زينب نور

.........

ورة ما وصلنه لبيت الشيخ صلاوات بيت شكبرة بعدال بيتنه اربع مرات المهم جان واكفين زلم هواي بالباب جان يحجي شيخ عشيرتنه ويكول

الشيخ :سﻻم عليكم يالشيخ

الشيخ يوسف:وعليكم السلام اهلا تفضلو 

الشيخ:يزيد فضلك يالشيخ يالله دخلو

ميار:دخلنه جوة بالحديقه وجان واحد من وراي صاح عله بنيه كالهه دخلي البنت داخل علما يجي السيد يعقد

امل:تأمر يخوي 

ميار:دخلتني البنت جوة بغرفه مابيه احد وانه دخلت وكعدت جان دكول البنت

امل:ضلي هنايه علما يجي السيد يعقدلكم

ميار:هزيت براسي بمعنى اي، وعافتني البنت وطلعت 

.....

الشيخ يوسف :جابو الفصليه بس ماشفت وجهه جانت مدنكه بس ممبين كاعد تبجي سلمو علي ودخلتهم وصحت عله أمل اتصير بت عمي عمره 17سنه هيه يتيمه اهله توفو من جانو رايحين زيارة لبغداد عد كرايبهم وعافوهه هنايه يم الشيخه وبطريق صار وياهم حادث وماتو بقت بس هيه ،المهم صحت عليهه وكتله تاخذ الفصليه وياها لداخل واخذته وراحت وراها رحت للديوان كعدت معاهم وسالفه تجر سالفه ورة نص ساعه اجه السيد ديعقدلنه كلت الرامي يروح عله امل ايكلهه تجيب الفصليه

رامي:تأمر يالشيخ

...... 

ميار :ورة نص ساعه اجتني نفس البنت وكالت اجه السيد ديعقدون انه كتله صار وكمت وياها

..... 

يوسف: دزيت عله الفصليه وماكو خمس دقايق اجت هيه وأمل وعقدلنه السيد وطلع واجه والدهه يوصيني بيهه

ابو قصي:يالشيخ انه صح مالي عين احاجيك بس هاي بنيتي وقطعه من كليبي فدوة لا تئذوهه هيه مالهه ذنب بعملة اخوهه

يوسف: لا تخاف عمي بنتك بيد امينه

ابو قصي:تسلم يالشيخ بس اذا ماتصير زحمه ممكن تنادي عله بنيتي اسلم عليهه قبل ماروحن

الشيخ:صار صحت عله أمل وكلتله تجيب البنت وراحت واجت جايبتهه وياها شفتهه حضنت ابوهه واخوهه وضلت تبجي وراها راحو وهيه ضلت تباوع وراهم وجان اكلهه 

شيخ يوسف:شني ناويه تبقين هنايه متبسمرة فوتي جوة يله(بصياح)

ميار:نادو عليه حته اسلم عله ابوي واخوي وحضنتهم وضليت ابجي اتمنيت اروحن وياهم بس مارحت وضليت واكفه اباوع وراهم لحد ما زمخ بيه الشيخ وكال دخلي انه راسن دخلت جوة،دخلت وهوة دخل وراي واخذني عل استقبال وجان اكو كومة نسوان بس متصدرهه المجلس مرة جبيرة بالعمر بس شني من هيبه كالهه الشيخ

الشيخ يوسف:كوة شيخه

الشيخه:يكويك شيخنه 

الشيخ يوسف:شيخه هذي الف....(ماخلته يكمل كﻻمه)

الشيخه:هذي الفصليه صح

الشيخ يوسف:اي يمه هذي الفصليه

الشيخه :تعالي هنايه اشوفنج

ميار:تحركت ومشيت بتجاه الشيخه بس اني ميته من الخوف ،وكفت كدام الشيخه وانه مدنكه راسي

الشيخه:ضليت اباوعن عله الفصليه وراها كتله رفعي راسج اريدن اشوفنج

ميار:رفت راسي وشفت الشيخه تباوع عليه وراها كالتالي

الشيخه:سمعي انتي مو تعتبرين نفسج عروس مو اخوج كتال وليدي وانتي تريدين نخدمج لا عيني انتي هنايه جايه خدامه تخدمينه وهسه ميلي عن وجهي يله بساع

ميار:تأمرين يالشيخه ،حزت بكلبي حجايه الشيخه بس مهما دكول وتحجي معاها الحق لين صدك اخوي كتال ابنهه ،اجت نفس البنت وكالت تعالي ادليج عله غرفتج

ميار:مشيت وراها بله ماحجي كلمه وحدة

دخلنه لغرفه بصف المطبخ مابيهه اي شي هيج فارغه وراها كالت البنت

أمل:انتي ذبي غريضاتج ولحكيني للمطبخ بساع

ميار:صار هسه الحكنج

ميار:راحت البنت وانه ذبيت غريضاتي وطلعت وصلت للمطبخ جان اكو عدهم خدامه بس شوي كبيرة بالعمر اسمهه ام محمد

ام محمد:صلوات على محمد وال محمد شني هذه الجمال يمه تخبلين عيني بارده عليج 

ميار:تسلمين خاله

أمل:يله خل نحضر الغده 

ميار :صار ،ضليت احضر الغدة وانظف المطبخ وراها اذن اذان الضهر ورحت صليت وبعدهه رحعت للمطبخ وبدينه نصب الغده بعدين كالت أمل

أمل:..........

الفصل الرابع من هنا 

شكرا لزيارتكم عالم روايات سكيرهوم