رواية الفصلية الفصل الرابع بقلم زينب نور
.............
أمل: اكلج حبيبه انتي ضلي هنايه لين الشيخه والشيخ مايريدون يشوفونج
ميار :صار
ميار:امل وام محمد كامن ينقلن الاكل للسفرة وانه حطيت قوري الجاي عله النار بين مايخلصون الغدة الجاي جاهز، وبديت اعزل المطبخ لحد ماجت ام محمد وكعدنه انه وياها نتغده وتحجيلي عله اهل الشيخ وطبايعهم
......
رامي:الله اليوم ريحت الاكل تخبل عاشت ايدكم
امل :الف عافيه
الشيخه:ناديتو للشيخ حته يتغدة
أمل:اي يالشخيه نادينه عليه جا شلون نعوف الشيخ بلايه غدة
الشيخ:الله بالخير
الجميع:الله بنور
الشيخه:يالله يالشيخ سمي بسمالله وتغده
الشيخ:بسم الله يله تفضلو ..
الشييخ يوسف:جابو الفصليه وعقدنه و سلمت عله ابوهه واخوهه وبعدين خذيته لعند الشيخه وحاجته وقبل لا يكملون كلام انه عفتهم و رحت للمضيف اشوف الاوادم وراها رديت وبوجهي للغرفه لحد مانادوني للغدة كعدنه نتغدة والكل ساكت لحد ماخلصنه جابو الجاي وشربنه وكل واحد راح لغرفته بس ضلت براسي الفصليه وشني راح يصير الله كريم وراها خذتني النومه.
.......
ميار:كملو غدة وخذت الجاي امل وراحت وبعد شوي اجت مرت اخو الشيخ يوسف تعرفت عليه هيه كلش حبابه وتعرفت عله امل هم حبابه وتعاملهه زين وياي المهم مواجهت بلبدايه اي صعوبه وياهم او يمكن مامتعلمه عليهم وهيج احس اوووو خلني اكومن اكمل شغلي واروحن ارتاح شوي
امل :اكول انتي بيا صف وتركتي الدراسه؟؟
ميار:ثالث متوسط تخرجت منه وتركت...
افنان:جا ليشش ماكملتي ؟؟
ميار:احنه عدنه البنت سادس ابتدائي وتترك الدراسه بس جي انه شاطرة قبل ابوي اكمل ثالث واكعد (اتذكرت ابوي واهلي نقهرت ولمعت الدموع بعيني بس مابليد حيله اوووووف اوووووف)
أمل:الله يسهلج خيه
ميار :تسل......(بعدني مامكمله حجايتي وجان يجيني صوت بنيه من وراي)
ملاك:لج انتي فصليه جايبيج مكان دم اخوي والله لموتج اليوم بيدي
افنان:ملاك شني جاي تسوين استجني واهدي
ملاك:لا انه ما استجن ولا يهدالي بال اله اخذ حك اخوي
ميار:اجت اخت الشيخ تلعلع بصوته وتزامخ بيه واجت كضتني من حجابي وبدت تكفخ بيه وامل وافنان ايريدون يلزمون بيهه بس مايكدرون وانه ام محمد تسحبني من جوة ايديهه اما اني ماسويت شي وﻻ دافعت عن نفسي بس ابجي لين الي دسوي حقهه دم اخوهه بعده حار وهيه كلبهه موجر موش هينه فانه ضليت مامسويه شي ولو انه بمكانه اسوي نفس الشي واكثر
افنان:لج وخري موتي البت
ملاك:خلهه تموت موتت الجلاب اي والله
أمل:لج ملاك والله اذا ماتهدينهه اروح اندهه للشيخ
ملاك:شوف منهو اليحجي اليتيمه ام الفكر لج لو ماانتي فكر ماجان اهلج ماتو وعافونج عله عل كلوبنه
(و ما نسمع اله صوت عالي من جهت باب المطبخ الكل سكت واندار عله الباب)
الشيخ: ملللللللاك
ملاك:ن....نعم بالشيخ(تمتمت بالحجي)
الشيخ:لج والج عين تحجين طرراااااااااخ
امل: هدي يالشيخ ماصار شي(بدموع)
الشيخ:شهدي شهدييي اول شي انهدت عل بت وثاني شي انهدت عليج بالحجي و ماكفاها شني ملاك خانم ليوين تريدين توصلين هااا تحجي شني ماني بعينج هاا تحجي لا اطكج بطراك ثاني ( بعصبيه)
ملاك:(لازمه خدي من الضربه وامنزله راسي وابجي ،والله لراويكم انجوم الضهر انه اخوي بعمرة ما مد ايدينه عليه و من وراجن يجي يضربني والله لراويجن منهو ملاك عله الاصول) (هذه الحجي بينهه وبين نفسه)... لا رد
الشيخ:هاا شو سكتي ماجاوبين انجسحي يله لغرفتج وحسج ماهيسه فاهمه لو ﻻ
ملاك:صار يالشيخ
الشيخ:يالله كدامي
الشيخ:اسف بويه أمل سامحيهه ترة بعدهه كلبهه موجر من موتت المرحوم
أمل :لا يالشيخ شنهي السالفه وانه اصلن مازعلانه منهه
الشيخ:كفو منج ومن اصلج
الشيخ:كومو البت وروحي غسلولهه واذا تحتاجون شي ندهو عله واحد من الولد و ودو عليه
افنان:تأمر يالشيخ
كومي حبوبه كومي خلني اخذج تغسلين وترتاحين
أمل :عوفيه انه اخذهه انتو كملو شغل
افنان:ماشي بس ديري بالج عل بت لا يصير بيه شي شوفي وجهه شون صار من الكفخ(الضرب)
أمل:صار ان شالله
ميار: اجت اخت الشيخ ولزمتني منين ميوجعني نزلت عليه دك اكس مربع و بعدهه مامخلصه نزلت هد عله المكرودة أمل بس اجه الشيخ خنسهه و انطاها طراك معدل ورزلهه وراها اعتذر من أمل وكاللهم ياخذوني يغسلولي واذا يريدون شي يودون عليه واحد من الولد وطول هذه الوكت انه بحضن ام محمد ومنزله راسي والشيله كوة محطوطه عله راسي شالوني البنات واخذتني أمل وغسلتلي وكمت تشاقيني
أمل: لج اكلج
ميار:بالكوة احجي شني
امل: شفتي الشيخ شني سوة بملاك هه خلاها من الاسد تتحول لفارة
ميار:ههههه والله ضحكتيني بس عيب نضحك عليهه
أمل:جا مو عيب الي سوتهه بينه بس الشيخ ماكصر وياها هههه
ميار:ههه الله يهديهه
امل:ان شاءالله يالله انتي غيري ملابسج وارتاحي اشويه
ميار:صار حبيبه
أمل:يله حبيبه اني طالعه اذا تردين شي ندهي عليه
امل:صار
......
الشيخ:جنت توني غافي وجان اسمع صوت عركه جوة بس ابالي جاي احلم لو البنات بيناتهن بس بعد شويه الصوت عله وصار يلعلع طلعت من الغرفه اشوف شكو نزلت جوة بالمطبخ و اشوفن ملاك لازمه الفصليه تطكهه ونازله عله أمل حجي وافنان وام محمد يهدون بيهه انه ادري انه كلبهه بعدة موجر بس موش هيج مايصير وهاي الفصليه لا حجت ولا تكلمت بشي وأمل بس تبجي عاد اني زمخت بيهه وضربته ورزلته و انجسحت لغرفتهه واعتذكر من أمل بعدين انتبهت الفصليه مددة بالكاع بحضن ام محمد كتلهن ياخذنهه يغلسلولهه واذا اعتازو شي يودون عليه واحد من الولد لو يدكون عليه صعدت لغرفتي غسلت وطلعت للديوان يم ولد العم وصدكاني وضليت لليل ياله رجعت
......
ميار:بعد ماراحت امل ضليت كاعدة للمغرب صليت وكمت طلعت يمهم عيب اني كاعدة وهنه يشتغلن جا علمود شني جايبيني لنوم
ميار:مساء الخير اساعد بشي
ام محمد : مساء النور بنيتي اي هاج بس حضري الزلاطه والخضرة والطرشي وقسميهن بالماعين بين منحظر العشه
ميار: صار
امل:اكول ميورة
ميار:شني حبيبه كولي
امل: انتي شكم اخ عندج وشكم اخت ؟؟؟
ميار:من سئلتني عله اخوتي جريت حسرة وكتله
ميار:اثنين ولد وبت اصغر مني
امل:هاا الله يحفظهم الج يارب
ميار :يسمع منج
.....
الشيخ يوسف:رجعت من الديوان وجان اشوف.........
............
شنو تتوقعون شنو صار ويه الشيخ وشنو شاف
اريد تفاعل يا ناس ياعالم حته يصير عندي واهس اكمل ترة القصه كلش حلوة نهايتهه فارريد تفاعل عليهه
♥♥♥♥♥♥
شكرا لزيارتكم عالم روايات سكيرهوم
