رواية كبرياء شيخ الفصل الواحد والأربعون بقلم زينب
ادز مكتوب ويه مرسال ما رد
واحط بيهم سهم جتال ما رد
ولون تكسر قيود الصمت ما رد
ﻋﻠﻴﻚ وما بعد مني رجيه
::::::::::::::::::::::::::::::::::::::::::::::::::::::::::::::::::::
احمد:تعرفين ليش
راح اكلج وما راح اضم عليج
الحاله النفسيه نص العلاج ما ردتها تعرف ويتأثر علاجها
هي كل الي بالها انه لسه حبيبها ولسه بينا شي
اذا تأثرت حالتها النفسيه ترفض العلاج الطبيعي
واذا رفضت العلاج يتأخر شفاءها
كمره: وانه لازم اتحمل مو
احمد: اذا صدك تحبيني تحملي
كمره: شتحمل انت تحجي صدك
ما اكدر لا تحاول تقنعني
احمد: ما جاي أقنعج بس اكلج ٲℓانــتيہ مجبوره تتحملين
كمره: لا ما مجبوره
عوفني ارجع لأهلي وانت شتريد تسوي وياها سوي
احمد: رجعه لأهلج ماكو كطنه وشيليها من بالج
كمره: والله العظيم تجي يوم وما تلكاني هنا
احمد: اذا اجيت صدك وما لكيتج
احركج ٲℓانــتيہ واهلج
كمره: اوووف يا ربي والله لو ما هذا الطفل جا شمرت روحي من السطح
احمد: تسويها
ٲℓانــتيہ ام شفره لو غيرج
بس اروح من وجهج احسن الي
لأن لو ابقى يمج بعد دقيقه صدك ارتكب بيج جريمه
كمره: كول حنيت الها واريد انزل اشوفها
اخاف رجعت تخربطت خطيه انزل واسيها
ليش تخليني حجه
اصلا ما راح امنعك منها بعد
احمد: مصختيها عاد كافي سدي حلكج
ولو اريد اروح الها عبالج خايف منج
لا بالله لو اريد اروح وادخل وكدام عيونج
كمره:باوعتله بنضره انو معاجبني لأن صدك ضوجني
احمد: شهل النظرة هاي شو معاجبج
تعالي اخذيلج راجدي بعد
كمره:درت وجهي عنه ورحت تمددت على الجربايه وانطيته ظهري
هو وراي طلع وطبك الباب بكل قوته حسيته انخلع
كلت هو ظلت على الباب انت الغرفه بكبره كسرته
ورى ثواني فتحه وكال
احمد: كومي اتزقنبي
كمره: تزقنبت من سمك هواي وشبعت وطلع من خشمي
احمد: انه راح انزل واحسبلج خمس دقايق اذا ما نزلتي
انه اصعدلج انطيج المقسوم
ترى مو لخاطرج لخاطر هذا الطفل المسكين الشايلته
كمره:هو شنو كله تهديد كله غصب ترى مو عيشه هاي
احمد: عاجبج عاجبج ما عاجبج ركعي راسج بمية حايط
كمره: اي ما عاجبني ويجي اليوم الي صدك اركع راسي بالحايط وافتك منك
ومن ظلمك
احمد: انه هسه نازل واشوف منو الما تنزل وراي
كمره: رجع نزل
كمت غسلت وجهي ولبست شالي وخفت ما انزل لأن كلش عصبته
نزلت وكعدت على السفره بس وجهي محتقن وهو نفس الشي
الشيخه فتحت موضوع الدكتوره كدامه كلها اخذيها وكليلها على حالتها وشنو بديل العلاج الي لازم تاخذه من تختنك
خلصت غدا انه اول شي وكمت اباوعله خزرني لأن ما اكلت هواي عفتهم ورحت للمطبخ عزلته لبين ما تجي الاماعين حتى ابلش اغسلهن اريد الهي روحي بأي شي حتى بلكي انسى شويه ودخل للمطبخ وسام يحجي وياي وانه صافنه ما منتبه علي
وسام: هييي شبيج وين صفنتي وين رحتي يا شارع وصلتي
كمره: هااا ما سمعتك
وسام: مبين
مرت اخوي اريد جاي من ايدج الحلوه بلا زحمه عليج
كمره: تاني من يخلصون اصبلكم كلكم سوى
وسام: اريد هسه راسي راح ينفجر
كمره: تدلل من عيوني
وما تاب من حركته كض خشمي بأصابيعه وانه كوه أتنفس وخرته وكتله
كمره: ما تبت لا يجي اخوك ويشوفك وانه ابتلي
وسام: هههههههه
تخافين منه
كمره: هو اخوك يتفاهم
وسام: عمي حقه وين يلكى كمر مثلج بعد
كمره: كافي وسام عاد
وسام: هههههههه خجلت كموره
لج ٲℓانــتيہ اختي لا تخجلين مني يله اتاني الجاي
كمره:راح وسام درت وجهي وراه لكيت احمد واكف باب المطبخ وصافن علينا اجى يمي وكال
احمد: يمي مبوزه اربعه وعشرين ساعه ويم اخواني وخصوصا وسام منطلقه شنو قصتج ٲℓانــتيہ ووسام
كمره: لا عاد لهنا وكافي ما اسمحلك
وسام اعتبره اخوي حاله حال اخواني وهذا اخوك عيب ﻋﻠﻴﻚ تحجي هذا الحجي
اجى وطلب مني اسويله جاي بكل احترام تريدني أرده تقبله انت
احمد: ترى تفكيرج وصخ ما قصدت البالج
اعرف اخوي اكثر منج ولو ما اعرفه ما اخلي ياخذج ويجيبج
بس هذا الشقا الي بينكم بطلي ما عاجبني
وهسه هم اريد جاي انه
كضيتها من خدوده الي صارن حمر من شقا وسام وبستها بيهن وطلعت
وكتلها الجاي مو تتإخرين
كمره: خلاني صافنه وطلع والله هذا الرجال مو صاحي
اكيد عنده انفصام كل ساعه شكل يجي يوم واتخبل رسمي من وراه
رحت سويت جاي وصبيت الهم وخلصت شغلي وصعدت دخلت سبحت وطلعت ونمت للمغرب كعدت راجعت محاضراتي تالي نزلت تعشيت
وهو ماكو سألت علي كالت امه طلع رجعت صعدت هل مره ما لبست ملابس نوم ظليت بدشداشتي متقصده
جنت متمدده على الجربايه واكلب بالتلفون دك فرح شلته
الووو
فرح: الووو والله خفت ما تشيلي عبالي زعلانه علي
كمره:والله لو يمي هسه جا عضيتج عضه اخليج تكولين التوبه بعد ما احجي
فرح: هههه والله لمصلحتج
وهسه كوليلي شلونكم صالحتوا بعدكم
كمره: توم وجيري يصالحون واحنا لا
فرح:هااا ولج ليش
وشبيج ضايجه
كمره: سولفتلها الصار
فرح:هسه لو اشك هدومي واطلع مصلخه اكو واحد يلومني ولج ٲℓانــتيہ بس كليلي من شنو معجونه
كمره: اي شبيج ليش هيج وياي
فرح:ٲℓانــتيہ ثوله لو فاهيه لو شنو
كمره: شترديني اسوي
فرح: ولج شبيج تردين تعوفيلها الساحه لوحدها وانتي تكولين حلوه وجان يحبها كبل بس تعوفينه يرجع يحن الها
كمره: خل يعوفني وخل يحن الها لأن انه كلش تعبت
خل أتعذب جم سنه وبعدين انسى وحتى ابنه مستعده اتنازل عنه
فرح:بهذا حجيج رجعتينا لنقطة الصفر
لا تصيرين غمه شغلي عقلج ولفلفي تلفلف ٲℓانــتيہ بس جمالج يسواها
ولا تخلينه يمل منج وتالي تخسرينه وبعدين تكعدين تتبكبكين مثل ما صار قبل كم يوم
كمره: لا تفرين عقلي ما يفيد
فرح: هو ٲℓانــتيہ عندج عقل ادري بي صخره ومحطوطه بمكانه
اتركج هسه تنامين اكيد باجر عندج دوام
كمره: سديته منها وقته
ظليت افكر بحجيها صدك انه ليش هيج احب انرفزه والاشي
بس هو المثل يكول من حبك لاشاك شويه وانفتح الباب ودخل باوعلي صفح
كال حضريلي ملابس ودخل للحمام
حضرتله ورجعت انام
طلع ورجع باوعلي نفس النظرة وكال
احمد: هيج راح تنامين
كمره: تمددت على الجربايه وكتله
اي عندك مانع
احمد: مقصره لو لابسه وحده من دشاديشي
كمره: والله خوش فكره انت اختارلي اللون وانه هسه اكوم البس
انت تعرف دشاديشك هواي مسوي ازمه بيهن
احمد: هسه انه اختارلج خوش لبسه بس اصبريلي
كمره: اباوعله لبس بس الشورت الداخلي واجى يمي وكال
هم لو جايب وسام نايم يمي مو احسن منج
كمره: خليته يحجي وحده ودرت وجهي على الصفحه الثانيه وغطيت حتى راسي ما اشوف الا انرفع الغطا وسحبني علي لزم الدشداشه وشكها بالنص سحبها وشمرها ظليت بس بالداخليات خلاني شطت وكتله
ليش هيج سويت
ما رد علي ظلت عيونه تتجول على طول جسمي بجرئه وحسيت عيونه ذبلت وحاوطني بين ايدي وكال
احمد: احترك ابوج على هيج خلفه
اعرفها تضوج من احجي على ابوها جاي تحجي ما لحكت خليت شفتي على شفتها وظليت ابوس بيها وما نطيتها مجال حتى تتنفس تالي خفت عليه هي الضهر مختنكه وخرت عن شفتها حسيتها اخذت النفس كوه وانه اباوعلها شبه منتهيه نزلت على ركبتها وأشم بيها أوووف ياعطرها الي تخلي صدك يبهذل أحوالي
صرت فوكاها ولساني يضوك بطعم ركبتها الي من ترافتها ما ودي اعوفها
رادت تدفعني بس ما كدرت لأن هي خدرانه همست ما اريد عوفني
كتلها شعوفج منتهي انه وبلشت اخذ بشفتها بقوه وهي تون
رجعت ابوسها برقه لحد ما خدرته كلش بحيث جسمها ما كدر يرفضني بعد
كتلها بادليني بحركه لا اراديه خلت ايديها على راسي وغاصت اصابعيه بشعري بهاي الحركه انطتني الضوء الأخضر حتى اطلع شوكي ولهفتي بيها
شوك تقريبا شهرين وهي بعيده عني شعور يوجع الي تحبه يرفضك وما تكدر تطوله وهو كدام عينك
كمت عنها ونمت بصفها وهي بغير عالم ظليت اباوعلها لحد ما فتحت عيونها بنعاس تباوعلي كتلها
شو بعدج خدرانه اخاف تردين جوله ثانيه
كمره: صدك ما تستحي انت
احمد: اكو واحد يستحي من روحه شو تعاي
سحبتها ونيمتها على صدري وكتلها كمره تحبيني
كمره: شددت حضني اله وكلت
مو بس احبك اموت ﻋﻠﻴﻚ روحي من الدنيا انت
بسته من شفته ورجعت نمت على صدره
وانه اباوعله عيونه سكرانه رجع يبوس بركبتي بوسات متفرقه وهو يحجي
احمد: وانه اموت بيج وحق الله اموت عليج يا روح احمد ٲℓانــتيہ وكلبه
كمره:يحجي وياي وانه ذبت وهو حسيته فقد وأيده بدت تتجرأ كتله
احمد عفيه كافي ما يصير انه حامل مو زين ما تخاف على ابنك
احمد: احترك ابني هو وابوه ما اتحمل بعد
كمره: وصدك ما كدرت امنعه لحد ما كمل
تالي حضني وغفينا سوى
كعدت الصبح على صوت المنبه وكعدته وياي دخلت سبحت وطلعت وهو بعده نايم رجعت كعدته ما كعد رحت حركته من جتفه جر ايدي وكعني علي وكتله
الله ﻋﻠﻴﻚ كلشي لا تسوي وراي دوام واخاف اتأخر وانت هم
احمد: هههههههه
ولج ما اسوي شي بس اريد اصبح بهل الوجه الحلو من الصبح
واريد مرتي تبوسني هاي هم ممنوعه
كمره: احمد انت ما تشبع عفيه كوم اسبح لا تتأخر
احمد: لج ٲℓانــتيہ هم ينشبع منج
والله لو ما هذا ابنج جا طلعت حيفي منج كله
كمره: كوه شلعت روحي منه وكام سبح وطلع وبدل ورحنا للكليه
ومر كم يوم عادي بينا بدون مشاكل
هند تكفل بيها عمار هو ياخذها للمركز ويظل وياها ويرجعها وحتى مرات بالبيت يظل يسوي الها العلاج الطبيعي علمه الدكتور كم حركه يسويها الها بالبيت حتى تتقوى اكثر وبدت فعلا تتحسن بس ابد بعد ما حاولت التقي بيها
وحاولت اشيلها من بالي بس ما كدرت فكرة انو بس ترجع طبيعيه تنرفزني
وراجعت دكتوره وطمنتني على وضع الطفل وكالت كلشي طبيعي بس لازم اخذ حذر لأن هذا اول طفل وانه بوكتها من حسبتلي كالت توج داخله بالرابع
بس ما بين شنو جنسه احمد يتمناها بنيه يكول لأن ما عدنا بنات
بس انه اتمناه ولد ما اعرف ليش احس البنيه تنظلم وما الها لا سلطه ولا كلمه خصوصا اذا كان ابوها شيخ غصبن عليها تمشي بتقاليد اهلها
وبيوم راجعين من الكليه انه واحمد دك علي شداد كله صايره طلابه على مود كاع مدري بستان وصلني انه للباب وكال انه رايح اشوف شنو السالفه وارجع ما اطول دخلت للبيت محد بي سمعت صوت وكعه كلش قويه
انتبهت على الصوت جاي من غرفة هند جانت الباب مردوده دفعت الباب شفتها واكعه من الجربايه ومجلبه بأيديها على الكرسي بس شافتني عبالك صابها جني ظلت تعيط واجت امها على صوتها بس شأفتها دفعتني من الباب ونشغت بوجهي
ام هند : شسويتيلها أنتي ليش وكعتيها الله لا ينطيج العافيه
كمره: ظليت صافنه بوجها شتحجي هاي شنو وكعتها انه كتلها
انه ما سويت الها شي انه اجيت على الصوت
ام هند: لا تجذبين ٲℓانــتيہ حاقده عليها تكرهيها
المفروض يصير عندج احساس ٲℓانــتيہ الي دخلتي بينهم واخذتي احمد منها
ولو ما ٲℓانــتيہ جا هسه بتي ردت صحتها الها من زمان بس كلما تراويها وجهج ترجع تنتكس
كمره: الزمي حدج وعرفي شلون تحجين اكول مره جبيره وما اريد اتجاوز عليج
اجى على أصواتنا الشيخه وعمار وسام بدخلته جاي من الكليه
عمار شاف هند واكعه اجى شالها ورجعها على الجربايه
الشيخه: خير شنو صاير وليش أصواتكم عاليه
ام هند: اعوف بتي دقيقتين واجي اشوف هاي موكعه بتي ترضين هيج
الشيخه :طبعا ما ارضى اذا فعلا موكعتها هي
بس ما اصدك كمره تسويها
وبعدين الي تسميها هاي الها اسم عيب عليج تتهميها بدون دليل
ام هند: يـ؏ـنـي انه مره جبيره تجذبيني وتصدكين بهاي
الشيخه: اولا كمره ما فتحت حلكها وحجت شي
وانه مصدكتها حتى قبل لا تحجي
وانتي مره جبيره على عيني وراسي المفروض تحترمين عمرج
وهسه دخلي يم بتج وحاولي ما تركين الغرفه لحد ما تتإكدين هي نامت
كمره: عيوني دمعت من حجي الشيخه دافعت عني وما انطت مجال الها بعد تحجي علي صدك حسيت امي واكفه يمي مو عمتي
وسام: كمره لا تبجين اذا ٲℓانــتيہ ما مسويه شي ليش البجي
روحي صعدي توج جايه تعبانه
يله لا يجي احمد ويشوفكم وتكبر السالفه
الشيخه: بنيتي سمعي حجي حماج وصعدي ارتاحي ولا يهمج اعرف كلش زين ٲℓانــتيہ شنو
كمره: صعدت فوك دخلت للغرفه بس خايفه ما اعرف ليش
خفت من ردة فعل احمد بدلت ملابسي وكعدت انتظره شويه واجى بس وجها ما يتفسر وكف كبالي وكال ليش هيج سويتي
كمره: انت مصدك انه سويت هيج
احمد: كمره الحقد مالي كلبج عليها
كمره: صح انه حاقده عليها وأكرها وأموت منها هم بس ما توصل وياي اشمر إنسان عاجز بس حتى ارضي حقدي
احمد: بصياح
حذرتج اكثر من مره ما توصلين يمها شوداج لغرفتها
كمره: لا تصيح علي على مودها ما رحت بكيفي
احمد: صوتج ولج لا تعلينه لا اكسر راسج
كمره: باوعتله بنظرة استحقار بس لو ادري ما مباوعه
لزمني من شعري وكال
احمد: هاي عيونج افكسهن الج اذا باوعتي هيج مره ثانيه
كمره: نترت ايده مني وكلت عوفني شبيك تخبلت علي بصياح
احمد: كتلج صوتج لا تعلينه لا اليوم اطلع بروحج
كمره: كفت كباله وكتله انه ما سويت شي شكلتلك وزتك عليه حبيبة كلبك
وامها العجوز المخرفه
عساني لا كلت هيج ضربني راجدي من قوته حسيت عيوني عمن وتالي سحب حزام السلاح وبلش يضربني بي خفت على بطني خليت ايدعلى وجهي وأيد على بطني وصار الضرب كله على ايدي وظهري ما كدرت حتى اصرخ من كد ما خدرت من الضرب اخر شي تعب دفعني وطلع
من دفعني ما توازنت عدل انضربت بكصتي بتاج الجربايه شفت الدم نفط حيل خفت حيل لا ارجع اختنك ومحد يمي وصوتي ما كدرت اطلعه احس شي كاضه ظليت زحفت روحي كوه لمكان الي بي الكلينس اخذت وخليته على كصتي وتالي صدت عيني على التلفون جريت روحي كوه خابرت على وسام هو اول واحد اجى على بالي دكيته علي وانه كوه احجي كتله
الوو وسام الحكني عفيه راح اموت
وسام: الوو كمره شبيج
كمره: ما كدرت اكمل احس الوجع اخذني
اجى دك الباب ودخل لكى دمي بطولي صرخ صوت صعدت امه علي بس شافتني صرخت
الشيخه: ولج ياهو سوى بيج هيج
كمره: عمه فدوه الحكيني
وسام: يمه بسرعه لبسيها خل نأخذها مستشفى
كمره: ما اروح للمستشفى
بس شدولي الجرح ما بيه شي
وسام: خويه لاتعاندين شايفه وجهج شصاير بي
الشيخه: ولج يمه اخاف لا يصير بالطفل شي
كمره: هو لو يخاف على ابنه ما ضربني هيج
وسام: • خـٰــُِلصہ عوفيها على راحتها راح اصيحلج عمار بسرعه واجي
بس ٲℓانــتيہ ظلي يمها
الشيخه: دخيلك ربي استرنا بسترك كومي تمددي على ظهرج
دهر صابك احمد على هل السالفه
وداعتج ما افوتها اله
كمره: اجى عمار شاف الجرح لكى الدم مكطوع عقمه وخلاله لزكه وكال جرح سطحي ما يحتاج خياط وانطاني حبوب مسكن وكال ارتاحي
حسيت بحقد لأحمد وكره ونار بكلبي
الدموع توكع تجوي روحي
انظلمت بدون سبب ضرب واهانه ليش شسويتله انه شنو ذنبي
ابجي والشيخه تبجي وياي ودمعتها ما بطلت
الشيخه: كوه خليتها تنام ونزلت لأحمد اليوم انه الك الا العب بيك فلك
لكيته كاعد ولا كأنو مسوي شي وابوه يمه وكفت كباله وكتله
هاي شمسوي بالبنيه ومخلي دمها بطولها شلون انطاك كلبك تضربها هيج
اذا ما تخاف عليها جا خفت على ابنك تموته بيدك
مو هاي الكتلت روحك عليه ليش هيج وياها
احمد: علت صوتها وطولت لسانها علي شترديني اصفكلها
الشيخه: شوف يا احمد والله وامان الله اذا صار بالطفل شي من ورى هاي سوايتك لا انه امك ولا اعرفك ولا تعرفني
ولا تصعد يمها ولا تراويها وجهك بعد فهمت
الشيخ: بويه بت الناس مو لعبه عندك
البت كوه رجعتلك بطلاع الروح وما صدكنا رضت واستسلمت
هسه اجيت انت خربت كلشي بهاي سوايتك
احمد:بويه فقدت ما كمت اشوف شي كدامي
الشيخ: كوم اصعد اشوفها
احمد:مالي عين اباوع بوجها على الي سويته ما ادري شصار بيه وليش هيج سويت
انه ضربت الإنسانه الاحبه وغلطت وسبيت ما اكدر اشوفها
الشيخ: لا يوصل الخبر لأهلها ويجون يشوفونها هيج وياخذونه وتحلم يرجعونها الك بعد لا تنسى هاي وحيدتهم ومدلله عدهم
احمد: تطلع منا جنازه وما تطلع لأهلها
كمره: ما ادري جكد نمت من ورى المسكن كعدت لكيت الشيخه يمي
الشيخه: ها يمه شلون صرتي هسه بعد اكو وجع لو راح
كمره: قليل
الشيخه: خل ناخذج للمستشفى نتأكد
كمره: ما اريد اروح لعبت نفسي من المستشفيات
عمه خابري لأهلي يجون ياخذوني
الشيخه: لا عمه ما اكدر مو على مود احمد بس ما اريد السالفه تكبر
اهلج بس يشوفون وجهج وايديج يسودنون وتصير مذابح ٲℓانــتيہ ترضيها اخوتج وحموينج يتكاتلون ورجلج ما يتفاهم
ما اريد ادافعله بس ياما تصير هيج بين كل اثنين
وساعة عصبيه ودخل الشيطان بينكم بس تبردون ينحل كلشي
لا عمه ما ينحل احمد ما دام وراه هاي الحيه هند وامها ابد ما نرتاح
الشيخه: استهدي بالرحمن مو كل عركه بينكم لازم ترحين احنا كلنا وكفنا وياج وما قصرنا وما راح نعوفج ابقي هنا وما عليج بي واذا حاجاج انه اوكف بوجها
كمره: فكرت بكلام الشيخه شفته صح ما لازم اتهور واروح
هذا مو صاحي ينفذ تهديده ويخلي اهلي سالفه بالسلف
بس احس شي بداخلي انهدم وخوفي ولهفتي اله راحن راح اعاقبه بطريقتي
والا اخلي يحلم يحجي وياي واذا ما ندمته على كل ضربه ضربها الي انه ما اتسمى كمره وخلي هنوده وأمها تفيده
احمد: صعدت ومتردد ادخل للغرفه حتى اشوفها خايف تصدني وانه متأكد بعد ما تباوع بخلقتي لكيت وسام كاعد بالصاله الفوك كتله شتسوي هنا
وسام: متانيك ما ردت احجي جوه
احمد: شتريد
وسام: ليش هيج وياها شنو ذنبها لا تكول صيحت ولسان لا انه متأكد ام هند ورى السالفه كلها وهي خلتك تثعول عليها
احمد: وانت شعليك مشغلتك محامي
وسام: احمد حرام ﻋﻠﻴﻚ والله البنيه ما الها ذنب
بس اريد اكلك شي انت ما عندك ثقه بيها
متأكد هي طيحتها
احمد: ما اعرف بس من أجيت وشفته تبجي وهند مو طبيعيه وامها حجت كلشي بسرعه فقدت وصعدت
وسام: هند هسه تحجي جان اسألته واستفسرت منها
ليش حكمت عليها بسرعه
زين انت من ضربتها هذا الضرب ما خفت تختنك لوابنك ما خفت علي
انت واعي ومثقف المفروض تأخذها بالعقل
احمد: كافي لا تحجي شي ادري بروحي غلطان وادري لو اموت هم ما تسامحني مرتي واعرفه زين
بس هي هم غلطت الف مره كايللها لا ترحين لغرفتها راحت ركبت الحق عليها
وسام: ما ادري شكلك
حاول تعتذر منها حتى لو ما سامحتك هي تحبك
احمد: تتوقع تباوع بوجهي بعد
وسام: ما ادري يا خوي خليها للزمن ينسيها جروحها
احمد: لو واحد منكم وكفني بساعته وما صعدت جا ما صار الي صار
وسام: متندم
احمد: بكد شعر راسي
كلما اذكر شلون اضربها انه روحي تشوغ
وهسه منو يمها
وسام : امي
احمد: وامي الثانيه هم طنكرت علي
وسام: تستاهل شيخ احمد
احمد: بقيت بالصاله لحد ما طلعت امي خزرتني وراحت فتحت الباب ودخلت بس شافتني دارت وجها على الجهه الثانيه وغطت راسها ما تريد تشوفني حقها الي سويته بيها مو شويه بس ما اكدر ما اشوفها
ولا اكدر اروح يمها هسه بس اوصل تصدني ظليت واكف ومحتار
تالي كلت
كمره كعدي خل نتفاهم
كمره: لا رد
احمد: ادري بيج كاعده وتسمعين
وتعرفيني اجي واكعدج بيدي واخليج كبالي وتسمعين شنو اكول
كمره: مستحيل اكابلك واكعد بعد
حياتي وياك انتهت بعد الصار انسى اكو كمرة بحياتك
احمد: ما اكدر انساج هاي مشكلتي
كعدي خل اشوف وجهج
كمره: تريد تشوف إنجازك بوجهي
احمد: ادري بروحي غلطت وياج وادري ما راح تسامحيني ولا تنطيني وجه بس اكعدي خل نتفاهم وبعدها شتردين تسوين سوي
كمره: العندي كلته وما راح أغير رإي
ظاله يمك على مود شغلتين
الاولى اهلي ما أريدهم يدمرون بسببي
والثانيه ابنك بس يجي للدنيا تاخذه وانه ارجع لأهلي
احمد: هذا اخر حجي عندج
كمره: ترددت وجاوبت بصوت مخنوك اي
وجهك هم ما اريد اشوفه يا ريت بوكت الانه موجوده ما تدخل للغرفه
عندك مره ثانيه وعندك غرفه ثانيه روح يمها صدك بعد ما الي شغل بيكم
احمد: راح اندمج على هذا كلامج
كمره: ما عندي شي أخسره
انت خسرتك وانتهى كلشي عندي
احمد: ماشي انه هم ما راح اجبرج علي اكثر بالخير هاي حياتج
راح تبقين منا لحد ما تجيبين تسلميني الطفل وانتي ترحين
بس وجه الطفل بحياتج كله ما تشوفينه والا اخلي حسره بكلبج
كمره:مو اروح اريد اسمع منك بيوم الاسلمك الطفل كلمة طالك
انت هواي وعدتني وتالي خلفت بس هسه اريد منك كلمة رجال وشيخ
احمد: شتردين بالضبط
كمره: تطلكني
احمد: ..................
فهموني شنو الحل
نحب من صدك ننذل
من أمداها العشره
اذا خلتنا نتوسل
:::::::::::::::::::::::::::::::::::::::::::::::::::::::::::
احمد:ما راح اوعدج بأي شي
منا لحد ما تجيبين وكت هواي
راح اخليج تسامحيني
واذا ظليتي معانده وكته ما راح اجبرج علي بعد
انه صح غلطت وتسرعت واذيتج وضربتج
ما اعرف شصارلي وليش هيج سويت
ادري الي سويته ما ينغفر
وادري هسه بكلبج نار تسعر من ناحيتي
بس اوعدج راح احاول اصلح الغلط
كمره: خليت ايدي على ذاناتي وكتله
كافي لا تحجي شي بعد ما اريد اسمعك
كلما تحجي اكثر احقد ﻋﻠﻴﻚ اكثر
عوفني واطلع منا ولا تراويني وجهك
ما اريد اشوفك
كمره: خليت ايدي على ذاناتي وكتله
كافي لا تحجي شي بعد ما اريد اسمعك
كلما تحجي اكثر احقد ﻋﻠﻴﻚ اكثر
عوفني واطلع منا ولا تراويني وجهك
ما اريد اشوفك
احمد: اهون عليج كمره ما تشوفيني بعد
كمره:مثل ما انه هنت ﻋﻠﻴﻚ
احمد: ارحميني والله ما اعرف شصارلي
كمره: انت ما رحمتني وانه مالي ذنب بشي
احمد: بس انه ما اكدر اعوفج احبج بكد وجع كلبي
كمره: اذا هيج حبك اذيه لا تحبني
احمد: تحكمين علي بالموت
كمره: محد مات ورى احد
احمد: تردين اموت من صدك حتى تصدكين
كمره: كافي كتلك اطلع
احمد: طالع بس اوعدج ما راح اتعب لحد ما اخليج تسامحيني
طلعت من الغرفه والعبره بصدري ما خلتني اشوفه
شلون اتحمل فراكها
اوففف منك احمد ما عرفت تتحكم بأعصابك
كمره: نزل احمد وروحي فرفحت وراه
احبه لو شما يسوي بيه ابقى احبه
بس مالي ذنب بالصار
فات اسبوع على الي صار بيني وبينه وهو ما حاولت اشوفه ابد بالليل ينام بالمضيف وكت الي انه ما موجوده بالغرفه يصعد يسبح ويبدل
خليت وسام هو الي يوصلني للكليه ويرجعني للبيت
حتى بالكليه اتجنبته هو صح ما درس هذا الكورس بس يجي على مود شغلات اداريه
وهو هم تركني على راحتي ما حاول يجبرني على اي شي
الحجي اوصله اله بيد عمتي وهو يكلها هذا هو خليها على راحتها
بس يوميه بالليل يصعد عباله انه نايمه بس اسمعه ادور وجهي للجهه الثانيه
احس بي يتقرب الي ياخذ نفس من ركبتي ومرات يبوسني بخدي
ومن يطلع اكعد اكضيها نحيب وبجي
من يروح ياخذ روحي وياه
عيوني مشتاقتله مشتاقه لعطره لنفسه لصوته لكلشي بي
بس ما اعرف شنو الي يمنعي عنه
وبيوم جان احمد طالع هو وابوه وإخوته عدهم فصل
استغلها فرصه انزل شوي اكعد يم الشيخه جانت كاعده بالصاله كالت
الشيخه: كمره ما حن كلبج شوي على احمد
كمره: بكلبي حجيت (شلون ما حن علي ميته على شوفته ) كتله
عمه لا تجيبين طاريه فدوه
الشيخه: كمره هذا رجلج وابو ابنج صح غلط بس ما كفر
انطي فرصه ثانيه ياما نطينا فرص لا وحده ولا ثنين
وساعة شيطان دخل بينكم
وهو اعترف بغلطه وصارله اسبوع يحاول يعتذر منج بس ٲℓانــتيہ الله يبلاج عنوديه
كمره: من تختفي اثار ضربه من جسمي عود افكر
الشيخه: بنيتي ٲℓانــتيہ تحبينه لو لا
كمره: شلون ما احبه
عبالج هين علي فراكه ترى انه روحي متعذبه ازيد منه
بس من اتذكر الصار احس عقلي يشوش
الشيخه: شوفي كمره هاي ترى مو اخر مشكله تصير بينكم
وخصوصا انتم من تزوجتوا لسه ما فات عليكم اسبوع اذا ما تكاضيتوا
ما دام تحبي سامحي
ترى انه اشوفه متعذب وذبلان وتعبان حاله حال السمجه المزوهره
وسامعه المثل الي يكول ضرب الحبيب مثل اكل الزبيب
ومو كل مشكله تصير بينكم وكلتي طلكني
ترى هاي الكلمه توجع الكلب ازيد من الضرب
كمره: ليش هو انه يا يوم كتله طلكني وطلك يسمع منا ويطلع منا
الشيخه: جا تردينه يطلكج
كمره: هااااا
الشيخه:اي كولي اذا تردينه يطلكج يطلك ترى هو ناوي هل مره صدك
حجاها الي كال ما اجبرها بعد علي بس متاني ولادتج
كمره: سكتت ما حجيت شي
صح انه اكوله طلكني بس مو من كلبي
احجيها اله بس حتى احرك كلبه
واحنه كاعدين سمعت صوت سيارته دخلت للكراج بسرعه كمت وصعدت وكفت بنص الدرج جنت متمنيه اشوفه مشتاقتله
دخلوا اخوانه وانه عيوني تدوره تالي دخل هو اخر شي بس شفت طوله الحلو احس الروح ردت بجسمي
دخل سلم على امه وباس راسها وكال
احمد: بعدها زعلانه عليه الغاليه
الشيخه: انه ما ازعل منك بس ما رضيت على سوايتك بت العالم
ادري هي حيوان وهيج تضربها
شلون انطاك كلبك شلون طاوعتك ايدك بس فهمني
احمد: ما اعرف شصارلي بوكتها بس والله متندم بكد شعر راسي
الشيخه: تريدني ارضى ﻋﻠﻴﻚ صالحه
احمد: ليش هي تقبل
شو لا تراويني وجها ولا تخليني حتى اسمع صوتها
صرت اشوفها بالبوكات وبالليل حتى لا تحس عليه
الشيخه: حاول مره ومرتين وتلاثه لحد ما تلين كلبه
احمد: وهذا الجاي اسوي
وهسه جاي تعبان راح اصعد اسبح وأبدل وارتاح
كمره:واكفه على الدرج وأسمعت كل حجيهم بس شفته يريد يصعد الدرج جاي اصعد وسمعت صوت ام هند صاحتله بس انه كلبي انعصر كلت اكيد هاي الحيه وراها مصيبه
ام هند: خاله من رخصتك رايدتك بموضوع
احمد: خاله تعبان أجليها لبعدين
ام هند: خاله ما اخذ من وكتك بس دقايق ما دام هند نايمه ما اريد تسمع شنحجي
احمد: ماشي
كمره: دخل هو وياها للغرفه وانه تسودنت ما ظل عقل براسي هاي شتريد تكله لازم اسمع نزلت وهاي اول مره اسويها واتسنط على احد بس شسوي من ضيم كلبي جان الباب احمد راده ما قافله سمعته كالت
ام هند: خاله اريد توعدني وعد زلم من تطيب هند ما اريدك تتركها
كمره: انه سمعت هيج وانه بدي ادخل للغرفه املخها هي وياه بس فأجئني من كال
احمد:خاله هند طابت ما ظل شي كلها كم اسبوع وترجع حالها حالنا
بس ما اكدر اوعدج بشي ما اكدر اوفي
انه انطيت حجايتي بالديوان كدام الشيوخ والأهل هند مسؤليتي أعالجها
لأن الصار بسببي انه تكفلت بيها
وصدكيني لو ما السفر من سابع المستحيلات اعقد عليها
ام هند: بس وليدي هي تحبك واخاف من تتركها ترجع حالتها اضرب من قبل وانه ادري بيك انت جكد تحبها
احمد: الي عشته ويه هند فات علي سنين وعشت بعذاب محد عايشه كبل
وتوني ياله وعيت على حالي وكمت على رجلي
هند بالنسبه الي ماضي وانتهى
انه احب مرتي وما اكدر اعيش من دونها ساعه
وما اكدر أتقبل مره ثانيه غيرها لا هند ولا واي وحده ثانيه
انه العلي سويته وفيت بوعدي الكم
من بعد هند اريد اعيش بسلام ويه مرتي وابني
ام هند: الي اعرفه مرتك رافضتك وما رايدتك
كمره:ايااا حقيره
شلون تحجي بحقارة علي
احمد: ما يخصج اذا جانت رافضتني لو لا
بعد المشكله الي صارت من وراج لا تخليني احجي شي
ٲℓانــتيہ مره جبيره بمقام امي ما اريد اتجاوز عليج
بس منا لحد ما ترجعون ما اريد تجيبين طاري مرتي على لسانج
ولا عبالج انه مصدك هي وكعت هند
لو اشوفها كدامي هم ما اصدك
وآخر حجي عندي الج حاولي تفهمين هند هذا ااحجي
ادري بيج ٲℓانــتيہ امها وتكدرين تسيطرين عليها
لا تأمليها بشي ما يصير
لا تكسرين كلبها ما اريد اظلمها وياي
كمره: انطبعت كل كلمه كالها بكلبي
هو يحجي وياها وانه ابجي ما اعرف ليش بس يمكن لأن جنت ظالمته
وياما اتهمته وياها رجعت صعدت للغرفه وهل مره ما ضميت روحي عنه
كعدت على الجربايه عبالك انتظره بس دخل باوعلي صفن بوجهي دقيقه وكال
احمد:جنتي تبجين
كمره: هو انه دائما ابجي هاي مو اول مره
احمد: صارلي اسبوع مو يمج عليش البجي بعد
كمره: ما يدري انه من شفته ردت روحي بس ما اعرف ليش ما اكدر اسامحه كتله
تذكرت ذاك اليوم وظليت ابجي
احمد: كمره ترى حجيج
كمره: شبي
احمد: يوجع كلبي
كمره: لا رد
احمد: ما استاهل هل جفا منج
كمره:لسه اثارك بجسمي موجوده
احمد: شترديني اسوي
كمره: خليني هل فتره بلكي انسى
احمد: يجرالج التردينه
كمره: توقعته يدخل يسبح بالغرفه بس ما دخل اخذ ملابسه ونزل يمكن للحمام الجوا
ظليت الوم بروحي ليش هيج عاملته مو جنت منتظرته
كسرت كلبه وشفته يباوعلي بعيون مكسوره
اووووف منج كمره شسويتي
بعدها رجعت مثل قبل انزل جوا دائما واشتغل طبيعي ويه هديه والشيخه
وهو ما حلول بعد الصار بينا يحجي وياي اجاهلني تماما
وانه من يمي اموت شلون اخلي يرجع يحاجيني
مره جنت بالمطبخ انظف وهو دخل وشافني ردته يسألني يطلب مني حاجه او اسويله اي شي بس ماكو اكتفى سأل على هديه وبس صدك بوكتها انقهرت وحسيت انه ما أسوى اي شي من دونه دمعت عيوني
بدخلت ام هند للمطبخ شافتني ابجي وكالت
ام هند: عساج لا تهنيتي وياه ولا تشوفين الراحه يوم واحد
كمره: اتقي الله ٲℓانــتيہ مره جبيره رجلج والكبر شتكلين لربج وانتي تحاولين تفرقين اثنين متزوجين
ام هند:مثل ما فرقتي عن بتي واخذتي
• ﺂنٰ شۨـِﺂءۙ ﺂللـِه۫ہ ٰتجي التاخذه منج وتخليج بحسرته
كمره: سمعيني زين وخليه ترجيه بأذنج
احمد رجلي وحبيبي وابو ابني ولا تصورين اعوفه بيوم من الايام
وانه ما فرقت احد انه تزوجته وبتج بوكته هو عباله ميته
الي فرقهم ولدج هما الحرموهم وصلو بتج للموت
لا تذبين مصايب ولدج علينا
