رواية كبرياء شيخ الفصل الثاني والأربعون 42 بقلم زينب

وراح اكلج شغله ترى انه مو بس احبه اعشكه للموت وهو نفس الشي 

يعشك شي اسمه كمره 

عفت المطبخ وطلعت جاي اصعد صاحتلي الشيخه جانت كاعده بالصاله هو جان كاعد يمها بس شافني اجيت خلى وطلع حجيت بكلبي لا عاد مصختها 

كعدت يمها وكالت

الشيخه: كمره حضري روحج بعد يومين مهر مرتضى ابن عمهم واريدج تجين وياي

كمره:لا عمه ما اجي مالي خلك 

الشيخه: تجين 

اريدج تطلعين تشوفين العالم حابسه روحج بهل البيت 

ولا تنسين راح تبدي امتحاناتج بعد ًحتٍٍٍـــى احنا ما نشوفج 

كمره: ما اكدر عمه ما الي واهس لإي شي 

ولا تلحين علي فدوه 

الشيخه: بس ٲℓانــتيہ مرت الشيخ واكيد النسوان راح تسأل وينه

شكللهم ما رضت تجي فكري ورديلي خبر 

كمره: كتلها • ﺂنٰ شۨـِﺂءۙ ﺂللـِه۫ہ ٰوصعدت دخلت للحمام اسبح ما اخذت ملابسي 

جنت مأمنه هو بعد ما يصعد من خلصت لبست البرنص وطلعت تفاجأت لكيته كدامي مجتف ايدي ومنتجي على الكنتور باوعلي بنظره كصني من فوك لي جوه وكال

احمد: اكدر اعرف ليش ما تردين ترحين لمهر ابن عمي 

كمره: ما تعرفون من حجى وياي شصار بيه بدي اركض واحضنه بكل قوتي واطلع شوكي منه طلع اضرب مني بالعناد 

جاي فعلا اخطي هاي الخطوه بس استفزني من كال 

احمد: ادري بيج واكفه على اعصابج وياي وترديني بس اطلع من يمج

ادري بيج ما طايقتني 

انه صح كلت ما اريد اجبرج بعد على اي شي بس بالمهر لازم تجين 

ٲℓانــتيہ لسه مرتي ومحسوبه مرت الشيخ ولازم تحضرين 

كمره: حبيت استفزه وكتله

عندك بديل تكدر تأخذها بدالي 

ابتسم ابتسامته الخبيثه الي تخليني اصير نار كبره 

احمد: لا تحاولين تستفزيني 

جاي احجي وياج بهدوء واعتبري طلب 

كمره: ماشي اروح بس انه هم عندي طلب

احمد: كولي اسمعج

كمره: تخليني على راحتي 

لا تدخل بلبسي ولا بمكياجي 

احمد: اذا جان لبسج ومكياجج معقول ما احجي شي بس تلبسين بوشيه من توصلين هناك تذبيها 

كمره:وبعد اريد شي

احمد: امري

كمره: اريد فلوس اشتري شي البسه واروح للسوك 

احمد: الفلوس يمج بالكنتور الي تردي اخذي 

وامي تاخذج للسوك شوكت ما يعجبج 

اكو حجه بعد لو خلصتي

كمره: هذا كلشي

خلى وطلع حتى قبل لا اكمل كلامي 

عصبت وضربت برجلي الكاع من بروده وياي

ثاني يوم رحنا السوك انه والشيخه حتى اشتري ملابس للحفله

اخذتلي فستان لونه تركوازي كلش حلو يصير ضيك حيل مفصل الجسم تفصال والصدر دلع وتقريبا بلا ردان يصير الخيط صفح وقصير بس مو كلش تقريبا نازل شوي جوه الركبه ورهمتلي وياه حذاء مو عالي كلش 

وبيوم الحفله ما شفته ابد جان بيت عمه النهار كله صعدتلي الشيخه وكالت حضري نفسج وسام يوصلنا كتله ليش جا واحمد كالت ما يكدر يأخذنا 

صدك ضجت وكته وبدلت بس من ورى خشمي لبست الفستان وخليت مكياج وجاي البس الحذاء انفتح الباب ودخل احمد ظل صافن علي ما حجى كلمه وانه نفس الشي ظليت بس اباوعله اريده ينطق حرف ماكو حصرتني البجيه بس ما لازم ابجي كدامه عفت الحذاء وكمت ردت ادخل للحمام جاي اعبره كضني من ايدي وكال 

احمد: لحظه 

كمره: كلت بصوت مخنوك شتريد مني

شفته راح للكنتور طلع علبه واجى كضني من ايدي ومشاني وكفني كبال المرايه فتح العلبه وطلع عقد على شكل سلسله وبيها طفل ملاك بس كلش نازكه فتحها وكال رفعي شعرج شلت شعري ولبسها الي وهو يلبسه احس أطراف اصابيعه تطخ بجسمي وأنفاسه الحاره يم ركبتي هذا المكان نقطة ضعفي وهو يعرفه زين غمضت عيوني من هذا الشعور وسألته شنو المناسبه

خلى ايده على بطني والثانيه على خدي ودار راسي علي شفت عيونه ذبلانه وحجى

احمد: قبل مده شفته وعجبتني اجيبه الج بمناسبة الحمل بس المشاكل ما نطتني مجال وهسه اجى وكتها 

كمره:يحجي وياي وعيونه على شفتي تقرب كلش من ركبتي واخذ نفس قوي منها وكال

احمد: كمره انه اسف بعد ما اتحمل 

كمره: شبكني حيل واخذ شفتي بشؤك ولهفه وما كدرت اصده لأن بوكته يمكن اشتياقي اله اكثر من شوكه الي خليته على راحته لحد ما شبع وخر من شفتي وكال 

احمد: رفضيني جكد ما تردين بس تبقين دومج مشدوده الي 

كمره: يحجي وياي وأيده تتلمس كل مكان بوجهي 

اخر شي راد يبوسني من ركبتي حيل وكتله 

لا عفيه اخاف تبين وراي حفله 

احمد: انه اريده تبين حتى يعرفون هذا ختم الشيخ 

كمره:لا فدوه عوفني

احمد: خلص كمره • خـٰــُِلصہ لا تخافين ما اتحدى حدودي اكثر 

بس راح اكلج شي 

هذا الجمال ما يصير لحد غيري 

وهاي العيون ما تشوف واحد غيري

وهاي الشفايف محد يضوك عسلها غيري 

وهذا الجسم محد يلمسه غيري 

كمره: يحجي وياي وأيده تتلمس كل مكان يحجي علي اخر شي رجع للعلبه 

طلع منها حجل ناعم بس يجنن اجى يمي مشاني وكعدني على الجربايه رفع رجلي ولبسها الي وكال 

احمد: مستعد انتظرج عمر كامل

بس كون ترضين علي

 كمره:جاي اكله انه الك عمري كله واندك الباب

نزلت رجلي ودخلت الشيخه اول ما شافتني 

الشيخه: اللهم صل على محمد وال محمد 

عيني بارده عليج بنيتي 

اليوم شيفكج من عيون النسوان 

لبشي المحبس الي بي شذره زركه تصد العين 

كمره: صار عمه بس دقيقه اعدل مكياجي واجي 

الشيخه : احمد وليدي ركبتك انكسرت 

احمد: شسوي يمه راح تموتني 

الشيخه: حقك يمه انه مره دوهنتني 

الله يساعدك يمك وما تكدر تنوشها

بس اصبر ما ظل شي جاي تستوي شوي شوي انه ملاحظه هل شي

احمد:شصبر يمه 

توبتني على زماني 

انه احمد الما هزتني مره 

كمره لعبت بحالي لعب

الشيخه: حتى توب مره ثانيه تسمع منها كبل لا تهجم 

كمره: ما اعرف شنو جانوا يحجون طلعت وسكتوا وكتلها جاهزه 

حجى احمد

احمد: كمره البوشيه لبسيها 

وبره بيت عمي وبيت البنيه ما تطلعين وما اريد مخلوق يلمحج

الشيخه: لا تخاف عليها يمي ما اخليها تفاركني 

وانت شوكت تجي ترى ما ظل وكت

احمد:ما عندي شي اسبح وأبدل واخذ ابوي والشيوخ واجى وراكم 

كمره: لبست البوشيه ونزلنا وصعدنا وسام وصلنا دخلنا لبيت عمهم اول شي 

لحد ما تحضرت الناس وتالي انطلقنا لبيت البنيه مو بعيد مسافه عنهم دخلنا للبيت جانوا محضرين النا غرفه ًحتٍٍٍـــى نبدل بيها صعدنا انه وكم بنيه للطابق الثاني تحت أنظار الشيخه نزعت البوشيه والصايه وعدلت شعري ومكياجي البنات الجانوا فوك ظلوا صافنين عليه وخده سألتني

البنيه: انه ما شايفتج ٲℓانــتيہ منو وشيصيرين من بيت ابو مرتضى

كمره: انه مرت الشيخ احمد 

البنيه: أنتي كمره

كمره: اي

البنيه: ما شاء الله يحجون بجمالج بس عبالنا يبالغون بس شفنا على الحقيقه 

كمره: تسلمين عيونج الي تشوفني حلوه 

نزلت من فوك دورت على الشيخه بس شافتني اشرتلي اجي يمه 

خلتني اسلم على نص النسوان بالحفله وكل مره تسلم علي تقرا بوجها المعوذات يمكن الشيخه اليوم ختمت القران مرتين

شويه وكالوا حضروا البنيه راح يعقد الها السيد

البنيه مبينه صغيره وحلوه ناعمه عكس مرتضى صاحب جسم وخشن واسمر بس شكله حلو جذاب 

كمل العقد ودخل مرتضى ولبسهاالذهب وإلحلقه ظل يمها شوي وتالي طلع 

وبدت الحفله واشتغل الركص من كل صوب ورادت بنيه تجرني وياهن وعاطت بيها الشيخه

الشيخه: لا حبيبتي جنتي ممنوع تركص

رجلها ما يقبل وبعدين هي حامل انتن روحن شبعن ركص

كمره: صدك ضحكت على حجي الشيخه 

تالي ضجت كتلها

عمه خل نروح تعبت وحسيت بدوخه 

الشيخه:انطي صبر خل نخابر لأحمد وانشوف شيكول

كمره: خابرت لأحمد كلها خل تتحضر انه ارجعكم 

دارت علي وكالت صعدي لبسي حتى تتحضرين 

جاي اصعد الدرج وحسيت بدوخه يمكن صعدت اول بايتين وتالي شفت كم طفل نازلين يركضون سريع ما توازنت منا دايخه ومنا خفت اوكع من الدرج

زلكت رجلي من الدرج وخفت اوكع 

بس ما لحكت اسوي شي وكعت من الدرج بس خفت على ظهري اذا وكعت علي معناها انتهي خليت ايدي ورى ضهري صارت الوكعه عليها بحيث سمعت صوت طكه شاغت روحي من الوجع صرخت صوت سمعتني الشيخه واجت ظلت تلطم 

الشيخه: صخام الصخمج زمرد راحت البت 

عين الما صلت على النبي 

كمره:عمه الحكيني ابني فدوه لا يروح مني 

الشيخه: ولج يمه الطفل يروحلج فدوه كون ٲℓانــتيہ ما بيج شي

كمره: خابري لاحمد بسرعه عمه الوجع موتني 

ثواني وخابرت لأحمد وهو من سمع تخبل وكللها تسويله طريق 

شويه ودخل مبين علي الخوف شافني وشالني وصرخ لبسنها عبايه بسرعه

اجت مرت عمه تركض جابت عبايه ولبستني وكللها

احمد: يمه خابري على شداد بسرعه يحضر السياره 

الشيخه: جا وإخوانك وين

احمد: كلهم راحوا محد ظل 

كمره: كمية الوجع الحسيته ما تنوصف صارت روحي بالطفل اخاف يصيرله شي صعدني بالسياره وخلاني بحضنه باوعتله وكتله

احمد ابني راح يروح مني حجى بصوت بي رهبه وخوف 

احمد: اششش لا تحجين شي ما يصيرله شي بس اهدي راح نوصل ما ظل شي 

كمره: لازم ايدي ويهدي بيه وكل لشداد انطيني من يمك كلينس 

اخذ الكلينس وظل يمسح بوجهي من المكياج ضحكت بكلبي انه وين وهو وين حجت امه

الشيخه: يمه هسه وكتك عوف وجه البت زلغته الها 

احمد: شلون ترديني ادخل بيها للمستشفى هيج 

كمره:وصلنا للمستشفى شالني ودخل بيه وخلاني على السديه 

تلكتنا دكتوره شرحتلها الشيخه كلشي ودخلت وياي وكلتلها حامل وكعت من الدرج 

الدكتوره : هسه نفحصها ونشوف شلون وضع الجنين 

كمره: اخذتني وسوتلي سونار بس انه بوكتها كمية الخوف الحسيته انو اخسر ابني ما تنوصف شفتها ضحكت كتله عفيه دكتوره لا تكولين صارله شي

الدكتوره:لا تخافين الحمدلله كلشي تٌـٌـمـــام 

ما جايه الوكعه على ضهرج 

الضاهر هذا اول طفل الج مبين خايفه هواي

كمره: الحمدلله ربي درت على عمتي شفتها رافعه ايدها وتدعي 

الدكتوره:تعرفين جنسه شنو

كمره: لا ما بين 

الدكتوره: بس هسه مبين تحبين تعرفين

كمره: اكيد بس اريد ابوه يدخل حتى نعرف سوى 

الدكتوره:ما بيها شي خل يدخل 

كمره: طلعت عمتي تصيحله واطمنه علي اجى ودخل بهيبته بس شفته ابتسمت 

الدكتوره: زوجتك ما حبت تعرف جنس الجنين لحد ما انت تدخل 

كمره:اباوع للدكتوره شوي وتذب روحه بحضنه بس هو ما انطاها مجال 

عافها واجى يمي وكض ايدي وكال خوفتيني عليج 

بدت الدكتوره تحجي وكالت شنو متمنين يجيكم

احمد: كل شي يجي من الله نعمه بس • ﺂنٰ شۨـِﺂءۙ ﺂللـِه۫ہ ٰبنوته

كمره: • ﺂنٰ شۨـِﺂءۙ ﺂللـِه۫ہ ٰ ولد 

الشيخه: وي تزين راسكم حتى بهاي ما متراهمين 

الدكتوره: هههههههه 

احب اكلك خاب ضنك زوجتك بيها ولد 

كمره: صدك فرحت من كلبي وهو هم فرح وكتله

مبروك راح يجيك شيخ صغير 

ولي العهد 

احمد: الله يبارك بيج اهم شي تكومين بالسلامه 

كمره: سأل الدكتوره وكالتله تكدر تطلعوهه ما حاجه تظل اجى يكومني بس لزم ايدي صرخت 

احمد: شبيها ايدج 

كمره: خفت لا اوكع على ضهري وخليتها جواي وصارت الوكعه عليها 

احمد: وهسه ياله حجيتي 

الدكتوره: لازم تتحول لردهة الكسور مبينه ايده مورمه 

كمره: طلعني وداني لردهة الكسور فحصها الدكتور وكال لازم أشعه حتى تتأكد 

اخذولي أشعه وشافه الدكتور وحجى

الدكتور : مجرد رضوض

راح اكتبلها على مرهم تخلي منه بأستمرار وتشدها بلفاف بس قوي 

وتحاول دائما ما تشيل بيها شي ثكيل ولا تكض شي 

كمره: دكتور شلون امتحن انه طالبه 

الدكتور: منا لأسبوع اذا شفتي تحسن تكدرين تمتحنين 

احمد: ماشي دكتور 

كمره: طلعنا وصعدني بالسياره وراح جاب الشغلات الي كتبهن الدكتور 

ورجعنا للبيت تلكونه ابوه واخوانه بالباب خطيه مبين عليهم الخوف تحمدولي السلامه وصعدني للغرفه وقفل الباب وراح للكنتور طلع دشداشه نوم مريحه واجى وكال يله كتله شراح تسوي

احمد: ابدلج لازم تنزعين هذا الغضب الابسته ترى انه بشر ارحميني عاد 

ترى من العصر انه دايخ 

كمره: جيب انه ابدل 

احمد: شلون تبدلين سمعتي الدكتور شكال 

لا تكابرين وخليني ابدلج 

ترى هاي مو اول مره ابدلج

كمره: ما جادلته وتركته على راحته نزعني الفستان وحسيت بأنفاسه تخربطت وهو يباوعلي اخر شي اقترب مني وباس ركبتي قوي وكتله شسويت

احمد: الحفله وخلصت بمصيبه 

سويتلج اثر هذا اعتبري ختم احمد ظلت بنفسي من العصر 

كمره: ضحكت علي 

لبسني الدشداشه وجاب المرهم وخلاه على ايدي وظل يمرخ بيها على كيف

خايف اتأذى وصدك تأذيت وتالي جاب اللفاف ولفه قوي وكال ارتاحي شوي لحد وكت العشا شفته كام يريد يطلع كتله وين

احمد: ليش يهمج وين اروح

كمره: طبعا يهمني راح تعوفني هيج وتنزل 

احمد: شتردين اسويلج

كمره: ظل يمي 

احمد: ماشي راح اظل لحد ما تنامين وانزل

كمره: وين تنزل ليش ما ترجع تنام هنا 

احمد: حلفت ما ارجع انام يمج لحد ما تسامحيني 

كمره: لا رد

احمد: شفتي واضح من سكوتج

من تسامحيني انطيني خبر 

كمره: شفته دار وجها ويريد يطلع ركضت كبله وكفت على الباب وكتله

ممنوع تطلع 

احمد:كمره رجعي ارتاحي وايدج ممنوع تحركيها لا تنسين وراج امتحانات .......

كمره: بعده ما كمل خليت شفتي على شفته وبسته قوي من كل كلبي وحاوطت ايدي على ركبته وخرت عنه وشفته متفاجئ حجى

احمد: هاي اول مره تجرأين وتسوينها .......

كمره:رجعت بسته مره ثانيه وكتله 

لا تسويها مره ثانيه وتحاول تحكرني ترى اموت والله 

احمد: سامحتيني

كمره:..............

::::::::::::

شكرا لزيارتكم عالم روايات سكيرهوم