رواية كبرياء شيخ الفصل الثالث والأربعون بقلم زينب
كمره:اصلا من زمان سامحتك
احمد: وليش عايفتني اتكلى بناري كل هل مده
كمره: انه لو انت الما تباوع بوجهي وحتى المكان الانه بي بس تشوفني تطلع منه
احمد: مو ٲℓانــتيہ كلتي اتركني على راحتي
كمره: اي كلت بس مو هل كد وانت ما صدكت
كمره: اي كلت بس مو هل كد وانت ما صدكت
احمد: شنو لج ما صدكت عبالج انه الايام الفاتت جنت عايش
كمره: وانه ازيد منك وخصوصا من تجاهلني اموت بدمي
احمد: اوفففف كل هذا صوجج
كمره:صوجك انت
منو الي ضربني وكسرني
احمد: والله ما اعرف شصارلي بوكتها
كمره: الله يخليك لا تضربني بعد حاول تسمع مني على الاقل
احمد: توبه والله اكسر ايدي اذا نمدت عليج
كمره: انت حتى ما خليتني أبرر موقفي
احمد: اشششش على شنو تبررين
أنتي ما مسويه شي
كمره: بس انت صدكتهم
احمد: اسف كمرايتي اسف
شددت حضنتي اله ودفنت راسي بركبتها وظليت اشم بيها
أفيش يا ريحتج تخليني افقد واروح لعالم ثاني
تخليني اسكر بيها
كمره شسويتي بيه لج عقلي وكلبي جان رافض شكو مره بس ٲℓانــتيہ لعبتي بيه لعب
كمره: وانه نفس الشي ما جنت اعرف شنو هو الحب تعلمته منك
احمد: احبج اعشكج اموت بيج
بكلشي عاقبيني بس لا تبعديني عنج
كمره: جربت ابعد وما كدرت
احبك وأحب كلشي بيك من جدمك لرأسك
اعشكك واتنفسك انت روحي صرت
احمد: جانت كلماته مثل الدوه تطيب الروح
رفعت راسي باوعت بعيونها الاعشكهن بستها بيهن ورجعت اخذت شفتها بهدوء وهي حاوطت راسي بأيديها شلتهاوخليتها تحاوط رجليها خصري
هذا كله وانه مستمر ابوس بيها ونزلتها على الجربايه وصرت فوكها وظليت اتفنن بيها لحد ما سمعت دكة التلفون
كمره: احمد تلفونك
احمد: عوفي يولي ما عليج بي ركزي وياي
كمره: اخاف شي مهم عفيه احمد شيله
احمد: الله ياخذ احمد راح اشيله خرب ابو اللحظه
كمره:خليت ايدي على شفايفه وكتله لا تحجي هيج مره ثانيه
احمد: تخافين عليه
كمره:انت روحي ودنيتي كلها اذا ما اخاف ﻋﻠﻴﻚ اخاف على منو
منو الي بعدك
رجع مره ثانيه يريد يكمل ورجع دك التلفون
زفر بعصبيه وشاله وكال
احمد: الوووو
وسام: الوووو احمد شبيك اربعه وعشرين ساعه اعصاب
احمد: نعله على ابليسك شتريد
وسام: امي تكول نزلوا تعشوا
احمد: من انزل هسه وانام على خوانيكك احد يكلي ليش
روح الله يأخذك نازلين
كمره: هههههههه
احمد: ٲℓانــتيہ ضحكي شعليج انه محترك ومسموط جد جدي
كمره: ترى ما راح أطير
احمد: شحدج تطيرين بعد الليله اخليج كاعده للصبح
كمره: بالله لا تخوفني
لا تنسى انه اليوم واكعه على ظهري ولسه عندي الم بي
تريد تسقطني
احمد: حجي يفيدج
يله كومي خل ننزل
كمره: كمت وكتله طلعلي دشداشه غير هاي الابستها وشال
راح طلعها الي ولبسنياها ولف الشال علي ونزلنا وكعدنا على السفره
ما كدرت اكل بأيدي جانت تأذيني شافني تقرب يم ذاني وكال
احمد: اوكلج
كمره: خجلت من اهله وكلت
احمد عفيه لا تسوي هيج جاي تخجلني منا اهلك استحي
احمد: فدوه للخجلانه
وسام: شعدكم تتهامسون
احمد: وانت شكو
احد داس على ذيلك
وسام:اعوذ بالله منك ما تتحاجى
كمره الله يساعدج علي هذا شلون جارعته
وسام:اعوذ بالله منك ما تتحاجى
كمره الله يساعدج علي هذا شلون جارعته
احمد: دور وجهك ما ﻋﻠﻴﻚ بيها
الشيخه: خلونه ناكل بهني جكد تتناكرون
وسام: انه لو ابنج شيخ زمانه
احمد: والله راح اكوملك
كمره: ضحكت على سوالفهم خلصوا العشه بس نكره
ورى العشه اجوا جماعتهم يتباركولهم وراحوا للمضيف عمتي كالت صعدي ارتاحي وريحي جسمج اليوم اكلتيلج هبطه معدله
صعدت ودخلت للغرفه ذبيت الشال وما كدرت انزع الدشداشه حاولت احرك ايدي بعدها توجعني شلون ما جان بأيدي الثانيه بديت انزع الدشداشه كوه بطلاع الروح ردت اسبح بس شلون
ايدي بيها لفاف جاي افتح بي ودخل احمد وكال
احمد: نعله على يومج ٲℓانــتيہ اليوم ناويه تجلطيني لج ٲℓانــتيہ بالدشداشه مدوختني مو انوب الكاج بلا هدوم
كمره: بسرعه سحبت الغطا ولفيته علي وكلت بخجل
عفيه احمد لا تباوعلي دور وجهك
رجع سحبه مني وكال
احمد: لج خل اشوف نعمة الله الحارمتني منها
كمره: احمد والله استحي عوفني
احمد:ما سمع مني رجع سحبه وهو يباوعلي بلهفه وحب وبدي يبوس بشفتي وانه بديت اتجرأ وابادله بكل حب وما عافني لحد ما اخذ الي يريده
تالي سحبني وخلاني على صدره وانه دفنت راسي بصدره
شال ايده ورفع بيها وجهي وكال
احمد: صايره جريئه وكحه هم
كمره: ومنكم نتعلم حجيته بخجل ورجعت ضميت راسي بصدره استحي اباوع بوجه صدك انه اليوم هواي تجرأت بس شسوي مشتاقتله
احمد: رفعي راسج خل اشوف وجهج الحلو اكيد هسه صار طماطه من الخجل
كمره: ما اريد
احمد: لا تستحين مني انه رجلج حلالج سامعه المثل الي يكول
بين الأحباب تسقط الآداب
كمره: اي بس انه اليوم طوخته هواي
احمد: يوميه طوخيها انه قابل
كمره: عزا بعينه ولا يستحي رفعت راسي اباوعله وهو يباوعلي وعيونه ذبلانه وكتله تدري انه اليوم عبالي اذا سقطت صدك راح تعوفني
احمد: اكلج ٲℓانــتيہ اليوم الوكعه احتمال براسج صايره لو بأيدج
كمره: ليش
احمد: ما ادري احسج متغيره هواي
كمره: للأحسن لو للأسوء
احمد: طبعا للأحسن كون من زمان طايحه
كمره: ويهون ﻋﻠﻴﻚ ابنك اذا راح شسوي انه
احمد: هاي منو التحجي
منو الرادت تعوفه بس تجيبه لو اشتغلت عندج غريزة الأمومة من هسه
كمره: مخبله اعوفه انه انت هم صدكت
احمد: يـ؏ـنـي جنتي تبيعين علي ثكل
كمره: لا اعوفه ولا اعوفك واظل كاعده على كلبك للدوم
احمد: من كلبج هذا الحجي
كمره: مو بس من كلبي
من كلبي وعقلي وروحي وكلشي بيه
احمد: راح اطلب منج طلب واعتبري رجاء
كمره: تطلب روحي انطيكياها
احمد: هذا كله الي ترى ما اتحمل
كمره: احبك مو بيدي
احمد: بستها من شفتها وكلت
لو شما يصير بيناتنا بعد ما اريد اسمع منج كلمة طلكني
اذا عدتيها مره ثانيه وداعة ابني الي شايلته ٲℓانــتيہ صدك هل مره اطلكج
كمره: بس انه من اكولها ما قاصدتها بس احرك كلبك بيها
احمد: تعرفين من اسمعها شيصير بيه
كمره: شيصير
احمد: نار وتسعر بيه بس ٲℓانــتيہ ما حاسه
كمره: حاسه بيك واكثر تعرف انت من كلتها قبل لا تسافر
بس فكرة انو ترجع وتطلكني تخليني كاعده للصبح الليل ما انامه
احمد: كلتها مره وحده وردت اعاقبج بيها بس ٲℓانــتيہ ما شاء الله اسمعها منج ريوك وغدا وعشا
كمره: هههههههه
توبه ما اكولها بعد بس انت هم كلشي سوي وياي صيح علي أجبرني ﻋﻠﻴﻚ بس لا تجاهلني ما اكدر اذا ما احاجيك
احمد: صار تدللين بس راح اكلج من هسه بس تشوفيني عصبي لا تحجين شي حتى ما ااذيج بسرعه طلعي من يمي
كمره: استنشقت عطره من ركبته وبسته من صدره وكتله
صار يا روح كمره انت
بعدها نمنا
كعدت الصبح باوعت للساعه ثمانيه ونص كعدت مخروعه فاتني الدوام
كعد لأحمد على صوتي
احمد: شبيج شايفه كابوس كعدتي مخترعه
كمره: احمد الدوام فاتني عفيه وخر بسرعه خل الحك على الباقي
احمد: ما ترحين اليوم
كمره: ليش ما اروح ما اريد يفوتني شي
لا تنسى هاي اخر شي بعدها تبدي الامتحانات
احمد: شلون ترحين بهاي حالتج لج بابا ٲℓانــتيہ ما تكدرين تكضين شي بأيدج
رجعي نامي
كمره: اذا ما احضر المحاضره كلشي ما افتهم
احمد: انه افهمج ما عليج بشي
وانه اخذلج اجازه
كمره: انت شتفهمني تكضيها علي بس تتحارش
احمد: لا تعاندين رجعي نامي كلت ما ترحين
كمره: اوفففف منك شو وخر عني خل اكوم اسبح عاد
احمد: انه اسبحج
كمره: لا عاد الا هاي
احمد: ادري شلون تسبحين جاي تعمين على ايدج تدرين لو لا
كمره: انه ادبرها انت معليك
احمد:شلون تدبيرها بالله
كمره: لا تلح الله ﻋﻠﻴﻚ وخر عني
احمد: رادت تكوم ما خليتها جريتها صارت فوكاي باوعتلها رادت تحجي بستها وخليتها تذوب وهي فوكاي وتالي بحركه سريعه صارت جواي بستها من ركبتها وكتلها اريد شوط ثاني
كمره: كافي احمد شبيك انت علي جاي اكلك انه حامل ما يصير هل كد شو انت انهديت
احمد: من ضيمج
حتى مره ثانيه ما تحرميني هل كد منج
لج فراكج عذاب
لا تخافين ما اروح زايد على حساب ابنج هذا بعده ما لفى شاركني بيج
كمره: ابتسمت على كلامه هذا من هسه يغار من ابنه جا من يجي شلون
ما كدرت اقاومه اصلا ولا أقاوم جرئته ولا لمساته لأن كل لمسه منه تعبر عن اشتياقه الي وانه مو اقل منه ما منعته وعشت وياه هاي اللحظات بكل حب رغم الخجل الي خبلني بي
اخر شي باوعتله مخنزه وهو مبتسم بمكر غمزلي وكال
ادري بي مو زين عليج بس مشتاقلج مو بيدي
يله كومي حتى اسبحج بأيدي
كمره: لا احمد فدوه انه اسبح
مستحيل اخليك
احمد: على شنو مستحيل بابا لج ٲℓانــتيہ هسه بحضني على شنو الخجل بعد
كمره: انه من اصير بحضنك مو بوعيي
هسه عوفني انه اسبح من احتاج شي اصيحلك والله
احمد: ماشي على راحتج
كمره:كمت فتحت اللفاف ودخلت للحمام بس كوه كدرت اسيطر على روحي سبحت حي الله اسمها سباحه وشعري فركته بإيد وحده شلون ما جان كله في سبيل ما يدخل وياي ادري بي ما يكعد راحه وانه اسبح دك الباب درت مخترعه عبالي دخل صحت هااا
احمد: محتاجه شي
تأخرتي هواي جوا
كمره: لا تسلم
احمد: من تحتاجين شي صيحيلي واذا تردين اسبحج بإيدي عادي ترى
كمره: ما محتاجه شي خلصت
لبست البرنص وطلعت لكيته كاعد يباوع بنقاله شافني وصاحلي كتله
لا تكلي ابدلج
احمد: لا ولج تعالي اسوي ايدج
كمره: رحت يمه يسوي بأيدي ويباوع لوجهي كتله
ليش هيج تباوعلي
احمد: يعجبني
كمره: الله يهديك
كمل ايدي وراح دخل للحمام يسبح حضرت ملابسه ولبست ملابسي وتانيته لحد ما طلع شافني امشط بشعري بس كوه ما اكدر اسيطر علي صاح بيه
احمد: ولج كطعتي شسويتي بي تدرين تكطعين بكلبي
وليش مكصرته انه مو كتلج ممنوع تكصي
شو جيبي انه امشطه
كمره: احمد يأذيني الشعر الطويل ما تشوفه سرح كلشي ما يثبت بي لا ماشه ولا شكاله قابل اخلي مفتوح دائما ويحرك بظهري وانت تعرف بحر الصيف
يموت
احمد: والله انوب اكص ايدج اذا كصيتي شعره منه ولج البنات تتحسر على هيج شعر وانتي واليته تكرطف
كمره: مشط شعري وكمله
ورجع بدل وكمل ونزلنا تريكنا وتالي هو طلع ضجت وين اروح الشيخه ما تخليني اسوي شي رحت يمها كعدت بالمطبخ كالت
الشيخه: وجهكم منور اليوم يمكن متصالحين ولو ما اتفائل بيكم
لليل نسمع العيطه
كمره: هههههههه
لا عاد مو لهل درجه
الشيخه: شلون صارت ايدج
كمره: زينه بس بعدها تأذيني
الشيخه: بنيتي اسمعي مني هاي الحجايه
رجلج لا تنطين بي وحافظي علي مثل ما تحافظين على روحج
اعتبريني امج وصدكي اريدلج الخير المشاكل تركوها ترى ما توكل خبز
حتى لو تسمعين حجي يقهر بلعي كلشي واسكتي
ترى البطن كلشي تحمل وياما حملنا بلاوي وتحملنا لحد ما وصلنا لهل حال
ترى ٲℓانــتيہ مبخته وحده مثلج كدرت تسيطر على احمد
مرن علي نسوان اشكال وألوان محد كدرت تهز شعره منه
جان عقله يطير ولا يسمع بالنسوان ولا تجيبيله سيرة الزواج
ٲℓانــتيہ غيرتي وخليتي يحبج ومو بس يحبج لا ويموت عليج
كمره: • ﺂنٰ شۨـِﺂءۙ ﺂللـِه۫ہ ٰ عمه
مستحيل أتخلى عنه ولا اعوفه بعد جربت وما كدرت بعده عني مر مثل الحنظل راح اتحمل كلشي لخاطره ولخاطر ابني
الشيخه: اي هيج اريدج
قويه ونجره وما تخاف من شي اذا صرتي ضعيفه ترى ينوكل حكج
صح قبل مده من وكفتي سلمى عد حدها ما قبلت على الطريقه بس عفيه عليج خليتيها بعد ما فتحت حلكها
اريدج هيج كلما وحده تحط عينها علي تخلين اظافرج بعيونها وتفكسينه الها
كمره:صار عمه
بعدها مرت الايام طبيعيه بيني انه واحمد بعد ابد ما عاندته واي شي يطلبه مني أنفذه بدون تردد حتى هو مستغرب مني يكلي ما مصدك ٲℓانــتيہ كمره
ايدي صارت زينه والامتحانات بلشت والتهيت بيها احمد هواي ساعدني وفرغ روحه الي حتى قليل يطلع لحد ما كملتها على خير
وهند خلال هل فتره تحسنت هواي وبدت حتى تمشي صح مو طبيعي بس على الاقل تركت الكرسي عمار هو الي ابتلى بيها صح احمد يطمن عليها بس من بعيد صرت اثق بي ثقه عمياء وما يهمني حتى لو دخل غرفتها
وانه دخلت بالخامس بس هل الايام احس بوجع مو طبيعي ومرات نزف متقطع كلت للشيخه تكلي طبيعي والوجع تقلصات بس انه ما ادري ليش خايفه وبيوم من الايام الشيخه تمرضت مالها خلك للطبخ كلت لهديه انه اطبخ أنتي بس ساعديني كتلها شنسوي كالت مركة باميه
جنت كاعده بألمطبخ اقلم بالباميه ودخلت عليه هند بس شفتها ما اهتميت
شفتها سحبت كرسي وكعدت يمي وكالت
هند: ٲℓانــتيہ مو عبالج بس اصير احسن بعد اعوفلج احمد واروح
لا غلطانه على جثتي اطلع من هذا البيت
كمره: حسيت نغزه بكلبي من حجيها بس ما بينت الها كتلها برود
وليش تكليلي هذا الحجي
هند: لازم تعرفين هند لأحمد واحمد لهند وما راح تجي الي تفرقنا لا ٲℓانــتيہ ولا غيرج اذا ٲℓانــتيہ حلوه انه احلى منج بقوط
كمره: الجمال مو مهم الموجود بالكلب هو المهم
وانتي هم لازم تعرفين احمد يحبني الي ٲℓانــتيہ بالنسبه اله ماضي وانتهى
هند: لا تخليني اضحك
حبنا انه واحمد مستحيل ينتهي والسنين تشهد النا
انه ضحيت بصحتي على موده وهو ضحى بنفسه وتحمل الغربه على مودي
كمره: وهسه شتردين مني
هند: تنسحبين من بينا بهدوء وبدون مشاكل
وحتى ابنج عوفي وانه اربي
كمره: هههههههه
والله ردت ابعد من زمان وكلشي سويت حتى اروح منا واترككلكم كلشي بس احمد تمسك بيه وما انطاني اي فرصه حتى تهديد هددني بس حتى ما اعوفه
ٲℓانــتيہ اذا بيج خير قنعي يعوفني اذا تكدرين بس انه اعرف من سابع المستحيلات تكدرين
ٲℓانــتيہ بس اقترحي الفكره علي وشوفي رده الج
وهسه من رخصتج اذا كملتي تفاهاتج شرفي منا وعوفي المطبخ
خليني اكمل شغل
شفت وجها ظل ينطي الوان عرفتها بوخه وبس حجي وما تكدر تسوي شي اصلا انه احمد اعرفه مستحيل يتخلى عني
كملت الطبخ واجت هديه كالت
هديه: كمره عوفي كلشي من ايدج الشيخ اجى وصعد فوك وكال صيحيلي كمره
كمره: هديه تحجي وياي وانه صافنه بحجي هند معقوله تسويها وتخلي يعوفني وجع بطني زاد علي
هديه: كمره مو احجي وياج بيج شي
كمره: هااا
لا ماكو شي بس عينج على الطباخ انه صاعده
صعدت كوه من الوجع حتى حسيت بدوخه وكوه وصلت للغرفه فحطانه
شافني وكال
احمد: كمره شبيج ليش عركانه وجهج اصفر شبيج
كمره: ماكو شي شويه تعب لا يظل بالك تريد شي مني
احمد: من شفت حالتج ما اريد شي بعد انه اطلعلي ملابس وانتي ظلي ارتاحي بعد لا تنزلين
واليوم اخذج للدكتوره حالتج ابد ما عاجبتني
كمره: دخل للحمام وانه تمددت على الجربايه ترددت اكله على هند خفت يتحسس من الموضوع وما ردت اسوي مشاكل بينا انه ما صدكت الأمور مشت على خير
جنت صافنه من طلع وحجى وياي وانه بغير عالم
احمد: كمره مو احجي وياج ما تكليلي شبيج تركتج الصبح ما بيج شي
احد غاثج انه اعرفج زين من تنغثين
كمره: مو كتلك شويه تعبانه وموجوعه بس هذا كلشي
احمد: لا تضمين علي كلبي يكلي صاير شي
كمره: ماكو شي
صلي وكمل حتى ننزل نتغدا
احمد: راح اصدكج بس اكمل الغدا تحضرين روحج ونروح
كمره: خابر للدكتوره كدامي وحجز الي امه ما كدرت تروح وياي لأن مريضه معلك عدها الضغط
ورى الغدا اخذني ورحنا للدكتوره الطريق كله صافنه بحجي هند وهو اصلا شك بالموضوع وحاول يلمح الي بس ما انطيته مجال
وصلنا وجان حجزنا الاول شويه ودخلنا اخذتلي سونار وشفت وجها تغير وكالت
الدكتوره: ليش هيج ماما شتغير عندج
كمره: لا تخوفيني فدوه
الدكتوره: لا تخافين بس المشيمه عندج متقدمه لازم راحه وما تتحركين
وراح اكتبلج على مثبتات وإبر تلتزمين بيها واريد تسويلي هاي التحاليل
والرجال ممنوع يتقرب منج وابتعدي عن الضغوطات النفسيه
كمره: طلعت لأحمد ضايجه سألني وكتله كلشي
اخذني سويت التحاليل ورجعنا دخلت عليها واحمد هم دخل لكت دمي نازل وكالت لازم تتغذين عدل
بعدها رجعنا للبيت وصعدت لغرفتي ضايجه بس دخلت بجيت جنت مخنوكه انوب جملتها الدكتوره شافني اجى شبكني وكال لا تخافين ما يصيرله شي
ٲℓانــتيہ بس التزمي بالعلاج والأكل
وانه اوكلج بأيدي
كمره: ماشي بس ما اريد معلاك
احمد: هههههههه
بس لازم تاكلي دمج نازل
كمره: احممم تعرف شكالت بعد
احمد: شكالت
كمره: ممنوع تتقربلي
احمد: ماي بارد وطاح على كلبج
بس انه ما اخذ بحجيها ما اكدر
كمره: لا بربك
لازم تتحمل ما مستعده اخسر ابني
احمد:ماشي لا تضوجين اتحمل امري لله
كمره: بس دير بالك تلعب بذيلك وتدور غيري شايف هاي ايدي
احمد: اي بالله شسوين بيهن
كمره: اخنكك بيهن
احمد: لج ٲℓانــتيہ صدك خبله
انه هم تحلالي مره غيرج شيلي هاي الأفكار من راسج
كمره: حتى هند بعد ما تحلالك
شفته عقج وجه وكام
احمد: شجابه على بالج
كمره:بس هي مرتك وحلالك وانت رجال والك رغبات
احمد: ما راح ارد عليج معذوره
بس مره ثانيه ثمني كلامج من تحجين
كمره: عافني ونزل
كمت بدلت ملابسي ونمت وكعدت لكيته نايم يمي ويباوعلي سألته
زعلت مني مو
احمد: اي
بس ما انطاني كلبي اعوفج
يله كومي حتى تاكلين واخلي عمار يضربج الابره وتاخذين العلاج
كمره: راد يكوم كضيته من ايده رجع كعد فتحت ايده ونمت على صدره وكتله اسفه مو قصدي
احمد: لا تعيديها مره ثانيه
الف مره كتلج لو اريد اروح الها ما اخاف منج اروح وكدامج
كمره: بسته من خده وكتله
ادري بيك ما تسويها
احمد: كومي يله لا تتحارشين بيه
وين انطي وجهي لا تخليني صدك انزل لهند
كمره: هههههههه
لا تنطق اسمها كدامي
احمد: شفتي من تنطقين اسم غير حبيبج شلون تضوجين
تلوميني من اكلج لا تنطقين اسم اي واحد غيري
كمره: يعني تسويها وحده بوحده
احمد: وغلاتج عندي لا ما اكدر ااذيج ادري بيها جكد توجع
كمره: جكد غاليه عندك انه
احمد: الكلمات والأرقام ما توصف جكد ٲℓانــتيہ غاليه عندي
كمره: احبك
احمد: بس هيج
كمره: اعشكك
احمد: وبعد
كمره: اتنفسك
احمد: هاي يرادلها بوسة صلح
يله صالحيني
كمره: مو كلت لا تتحارشين بيه
احمد: ما طلبت شي هي بوسه قابل قحط
كمره: لا تزعل
تقربت علي وشبعته بوس مو بوسه وحده بكل مكان خليته لحد ما كال هو كافي
احمد: نعله على ابيج شعلتيني
هسه من اكسر كلام الدكتوره احد يلومني
كمره: لا احمد عفيه والله ما اسويها بعد
احمد: يله ننزل
كمره: روح انت اروح اشوف عمتي واجي وراك
قبل لا انزل رحت شفته جانت شويه احسن سألتني على للدكتوره وكتلها كلشي وكالت انه من باجر ما اخليج تسوين شي ظلي بس نايمه
هذا ابنج لحد ما يطلع للدنيا مشيبنا يوميه اله سالفه
نزلنا انه وياها تعشينا وصعدت للغرفه حضرت الابره والعلاج شربته
اجى احمد وياه عمار ضربني الابره وطلعوا بس ما ادري شبيهم وجوهم ما تتفسر وخفت اسألهم كلبي ما انطاني خليت احمد نزل ورحت لغرفة عمار
دكيت الباب وطلع
عمار: خيرج كمره بيج شي
كمره: الله ﻋﻠﻴﻚ راح اسألك وجاوبني
اعرفك ما تجذب
شبيكم انت واحمد
عمار: ما بينا شي ليش سألتي
كمره: عمار اذا تعزني احجي ترى انه مو غبيه وكلبي حس صاير شي
عمار: ماشي راح اكلج بس ما اريد احمد يعرف انه وصلتلج شي
والأحسن ما تكليله ٲℓانــتيہ عرفتي ادري بيج الليله ما تنامين
كمره: لا تخاف ما احجي شي
عمار : احمد قرر يكل لهند على مود ترجع لبغداد لأهلها
يـ؏ـنـي وفى بوعده وصلها لبر الأمان وقرر يرجعها
كمره: بس هذا خبر حلو ويفرح احمد ليش ضايج معقوله على مودها
عمار:صدك عقلج جوزه منين جبتي هذا الحجي
سألني اذا يكدر يكللها هسه وانه كتله لازم اسأل الدكتور النفسي الي يعالجها
اذا انطانا موافقه باجر يكللها بس اذا كال بعد وكت وما تكدر تتحمل هيج خبر لازم احمد يأجل شوي وهو خايف يكله الدكتور مو وكته لهيج ضاج
كمره: بس هيج عمار ما ضامين علي شي بعد
عمار: وداعة احمد هذا كله الحجي
تعرفين غلاة احمد عندي
ولا تفكرين بشي صحتج اهم ًحتٍٍٍـــى لو تأجل شوي ٲℓانــتيہ ضامنه احمد لا تخافين اخوي واعرفه زين اذا حب شخص ما يتخلى عنه لو على كص ركبته وهسه طمنتي
كمره: ريحتني الله يريح كلبك
عمار: تمونين مرت الغالي ٲℓانــتيہ
كمره: صدك ارتاحيت من حجي عمار واحمد فعلا وفى بوعده وقرر يرجعها بس شلون اذا كللها وما قبلت
انه اعرفها هاي مبينه خبيثه ومو سهله
ثاني يوم راحوا احمد وعمار للدكتور بس انه كلبي ما مرتاح كلت اخاف يأجل الموعد واخاف اتصل على عمار احمد يشك وعمار يمه اخلي بموقف محرج امن بيه وسولفلي
نزلت جوا بالصاله اتانيهم للضهر ودخلوا احمد وجها يبشر بخير بس شفته ارتاحيت معقوله اخلص من كابوس هند يرادلها ذبيحه لوجه الله وتعالى شافني وكال
احمد : شسوين هنا
كمره: اتانيك
احمد: أنتي مو زين عليج الحركه صعدي كدامي وبعد لا تنزلين
كمره: عرفته يريد يصعدني حتى ياخذ راحته بالحجي وياها كتله ماشي وصعدت ظليت تقريبا نص ساعه وسمعت صرخه وصوت عالي نزلت اركض ما حسبت لأي شي لكيت الكل مجمع يم غرفة هند وهي نازله يم رجلين احمد وتبجي بحركة كلب وتحجي
هند: الله ﻋﻠﻴﻚ لا تعوفني احمد والله ما اكدر اعيش بدونك انت رجعتني للحياة وبيدك تريد ترجعني للموت
احمد: هند كومي انه ما افيدج بعد حياتي مستقره وما اريد شي يخربها
هند: يـ؏ـنـي انه الاخربها الك
ليش احمد نسيت كلشي بينا وين وعدك الي ما نفترك للموت وين كلامك الي يريح كلبي معقوله كلشي نسيته
احمد: هند هذا صار كله ماضي
هند: بس انه ما اكدر
اذا تريد تعوفني عوفني بس لازم تعرف شي
قبل لا تنطق كلمة طالك انه اكتل روحي وانت السبب
احمد: .............
احمد: دنكت عليها رفعتها من ايديها وكعدتها على الجربايه وكلت
هند لا تسوين هيج ولا تهدديني الي بيني وبينج انتهى من عشر سنين
حتى ٲℓانــتيہ صدكيني هذا الي تحسين بي مو حب
اذا بقيتي يمي ما راح ترتاحين بالعكس راح تتعذبين اكثر
هند: ما اريد شي منك بس خليني هنا ما اريد انحرم منك
احمد: الى متى تبقين هنا
انه ما اكدر انطيج اي حق من حقوقج
العمر يمشي وانتي مو زغيره لازم تشوفين حياتج
هند: حياتي بلياك اعتبرها هلاك
انت الحياة بالنسبه الي ما اكدر اتخيل روحي ويه شخص ثاني مستحيل
احمد: وانه ما اكدر اعتبرج مرتي
كلبي قافل على شخص واحد ما اكدر اتخيل روحي بلياها
حاولي تفهميني ولا تصيرين انانيه
هند: اذا جان حبك انانيه
اعترف اني انانيه بيك ما راح أتخلى عنك ما اكدر
احمد: بس انه قررت وما راح ارجع بقراري
راح انطيج وكت منا لحد ما تستوعبين وتعرفين هذا الحب الي ٲℓانــتيہ مصدكته مرض مو حب انه جنت مثلج وبعدين استوعبت ورجعت لحياتي
اطلب منج مو لخاطر احد وإنما لخاطر حياتج ولخاطر اهلج الي تحملوا سنين ويه معاناتج انسي فكرة انو تظلين هنا وانسي فكرة انو تصيرين مرتي بيوم من الايام
هند: ما راح استسلم وراح اخليك ترجع اتحبني
وراح اذكرك بهذا الشي
احمد: ٲℓانــتيہ تركضين ورى سراب بس انه متأكد يجي يوم وتصحين منه
هسه راح اتركج ترتاحين
وشيلي فكرة الانتحار من عقلج اعرفج ما تسويها ولا تمشي علي
من تسويها ترى ما تضرين احد تضرين نفسج وبس
كمت اريد اطلع ولمحت كمره واكفه بعيد وتبجي بس شافتني ركضت
خفت عليها تختنك اكيد سمعت كلشي عفت الكل الي جانوا واكفين يسمعون ويشوفون شنو صار وعفت هند الي زادت بالبجي ما اهتميت الها كل الي همني شلون اروح وافهمها هسه تفهم كلشي بالعكس والازيد حالتها شلون يا ربي دخلت للغرفه لكيتها شابكه المخده وتبجي بحركة كلب تمددت بطولها وحضنتها من ظهرها وحجيت
وغلاتج عندي ما اخليها على ذمتي
وداعة ابني الي بعده ما جاي للدنيا تبقين ٲℓانــتيہ الوحيده مرتي وأم جهالي
بس انطيني صبر افهمها على راحتي ما اريد كلشي سويته بهل الشهور الفاتت يروح بلا فايده
كمره: درت علي وحضنته بكل قوتي شهكت بالبجي ما كدرت انطق كلمه وحده
احمد: كافي لا تبجين احس دموعج نار وتنزل بكلبي
احلفج بغلاتي عندج لا تبجين ما اكدر اتحمل اشوف دموعج اخاف عليج تختنكين
كمره: كمت عنه احجي وياه وابجي بشهكه
ما اكدر احمد احس كلبي يريد يطلع من صدري مو بيدي
احمد: ظلت تكطع بالحجي كمت وكفت عرفت راح تختنك وكفته وياي وشبكتها وكتلها لا تحجين شي بس ظلي هيج
ولا تبجين اذا ما تخافين على روحج خافي على ابنج
ظلينا واكفين مده وانه امسح على ظهرها وهي بين ايدي لحد ما حسيت بيها هدأت كتلها
شلون صرتي هسه
كمره: زينه بس خليني هيج مرتاحه
احمد: الوكفه مو زين عليج هواي خلينا نكعد وظلي هيج جكد ما تردين
كمره: ماشي
احمد: كعدت على الجربايه وخليتها على صدري شفتها صارت احسن كتلها لازم تتغدين
كمره: ما اشتهي شي
احمد: ما يصير تظلين بلا اكل لا تنسين أنتي شايله روح
وتردين دمج ينزل بالزايد
كمره: رفعت راسي باوعت بعيونه وكتله
ما راح تعوفني مو
احمد: شهل الحجي هذا كمره شلون اعوفج
شو باوعي بعيوني راح اسألج وجاوبيني
كمره: اسأل
احمد: عندج ثقه بيه
واثقه مني
كمره: ميه بالميه
احمد: • خـٰــُِلصہ
كلتها قبل واكولها هسه الج وباجر وبعد شهر وبعد سنه
عمري ما اعوفج يوم واحد ومو بس يوم دقيقه وحده ما أتخيل روحي بلياج
الموت بس هو الي يكدر يفرقني عنج
كمره: اذا عفتني اموت
احمد: ما اعوفج وحك هو داحي الباب
لج ٲℓانــتيہ روحي شلون اعيش بلا روح
تأكدتي لو بعد عندج شك
كمره: لزمت وجه وبسته قريب على شفته بوسه قويه وكتله
ما جان عندي شك من ناحيتك بس جنت متأكده ما راح تتخلى عنك بسهوله
احمد: شمدريج
كمره: هي حجت وياي
احمد: شوكت
كمره: امس
احمد: من سألتج ليش هيج حالتج وكلتي ماكو شي مو
كمره: اي
احمد: وليش ما كلتي
كمره: خفت ما تصدكني
احمد: وليش ما اصدكج
كمره: من اخر مشكله صارت بينا وانت ما صدكتني
خفت اكلك وتصير مشكله ونرجع نتعارك وانه ما صدكت صالحتك
احمد: المشكله الاخيره انه جنت الغلطان انه تسرعت وحكمت عليج
حقج ما راح الومج من ما كلتي بس منا وهيج ما تضمين شي علي
اي شي تسمعي او اي شي تحجي وياج هي لو امها تجين تكولين الي وانه اعرف شلون اتصرف وياها يـ؏ـنـي لو صايرلج شي امس
ربحي بيمن بيها
كمره: خلص بعد ما اضم ﻋﻠﻴﻚ شي
احمد: اريدج تجنبيها تماما لاهي ولا امها
والمكان الي هي بي تركي فورا منا لحد ما ترجع
والأحسن تظلين فوك ٲℓانــتيہ اساسا الصعده والنزله ما تصيرلج
والضغط النفسي ما يصيرلج ٲℓانــتيہ شلون بيج ليش ما تسمعين الحجي
كمره: اي شي يخصك يخليني افقد ما اعرف اتصرف
بس أوعدك راح اقلل نزلتي للجوه
احمد: تدرين خفت عبالي بس اصعد الكاج لامه ملابسج
وكلت هسه تكلي وديني لأهلي
كمره: من كل عقلك اعوفك الها واروح
الا تخبلت رسمي
مثل ما كلت الموت هو الي يفرقني عنك
وكلتها الك قبل راح ابقى كاعده على كلبك للدوم
احمد: راح تصبرين علي
كمره: جكد ما تريد اصبرلك
احمد: احبج جمارة كلبي ٲℓانــتيہ
كمره: هاي حجاية بيبيتك تدري جكد اشتاق الها
احمد:لو ما وضعج جا اخذتج ورحنا شفناها ما دام عطله وهم نتونس شويه
بس ابنج مخرب كلشي
وهسه تعرفين شمشتهي
كمره: شنو مشتهي هسه انزل واسويلك
احمد: قبل شويه شحجينا على الصعده والنزله
كمره: مو انت مشتهي
احمد: ما اريد شي من جوا
كمره: جا شنو
احمد: مشتهي عسل
كمره:العسل جوا هسه اصيحلك هديه
احمد: رجعنا للفهاوه مالتج
لج بابا مشتهي العسل من شفايفج
كمره: ما دام كلت علي فاهيه ما اخليك تضوك شي
احمد: مو بكيفج هم حصار وهم جفاف وهم عسل ماكو
الله لا ينطي الدكتوره على هاي السالفه
كمره: هههههههه
هي شعليها غير ابنك هذا
احمد: والله متحلفله ايباخ بس خل يطلع اذا ما اشمره على امي وانتي اخليج تصيحين الويل
كمره: انت جكد ما تستح.....
بعدني ما مكمله باس شفتي وطول بيها هواي تالي فصله وكال
احمد:جكد ضايك عسل بس طعم شفتج يختلف
كمره: رجع باس عيوني وكال
احمد: ما اريد تنزلين دموعج بعد على شي ما يسوى انه الج مثل ما ٲℓانــتيہ الي
وهسه ارتاحي راح اخلي هديه تصعدلج الاكل لي فوك وانه اصعد اوكلج بيدي
ماشي حبيبي
كمره: ماشي
احمد: طلعت من الغرفه وظلت أبالي حجاية كمره من محاجيتها هند زاد خوفي عليها ما لازم تظل وحدها يمها لازم اتصرف
نزلت جوا دخلت للصاله لكيتهم كلهم متجمعين تلكاني وسام
وسام:اجى محطم قلوب الصبايا
ما تكلي شايفات بيك وعلى شنو يعشكنك
لا واجمالى وحده احلى من الثانيه
اشو انه اصغر منك وأحلى منك وجهي يضحك اربعه وعشرين ساعه
واريد وحده بالجذب تكلي معجبه بيك ماكو
وانت ما تنجرع وعصبي وبس بالعيد تضحك
احمد: مو انت فاهي
وسام: افا شيخ احمد انه فاهي ترى ازعل ﻋﻠﻴﻚ
احمد: يا ريت تزعل
سويها صدك وازعل
وسام:مو تحتاجني
احمد:حتى لو احتاجك غصبن ﻋﻠﻴﻚ تنفذ
الشيخه: وسام اسكت خل أحجي ويه اخوك
وسام: حبيب كلبج هذا احنا بيش الكيلو
الشيخه: وتالي وياك
درت على احمد وكتله هسه شراح تسوي
احمد:راح اتركه وهي بنفسها أخليه تجي وتكول وديني ما عندي غير هذا الحل
الشيخه: بس مبين ما راح تأيس
احمد: خليها جكد ما تظل ما راح تحصل مني شي
الشيخه: وكمره
احمد: هو انه خايف عليها منهن
سولفت لأمي كلشي صار بين كمره وهند
الشيخه: لا تخاف انه عيوني عليها وما راح اخليهن ينجمعن سوا انه امس مريضه وهي استغلت انه ما موجوده وحجت وياها عبالها كمره من تسمع تعوفك وتروح بس عفيه عليه سمعت حجايتي
احمد: يمه بعد ما اوصيج بيها اعتبريها امانه عندج بوكت الانه ما موجود ولا تخليها تنزل هواي
انه جا وديتها لأهلها بس ما اكدر اذا ما اشوفها وجم دوب تظل هناك
الشيخه: وليش تروح لأهلها هذا بيتها مو بيت هند
انت لو موديها تنطي فرصه لهند تتمادى اكثر
احمد:ما راح انطيها اي امل راح تمل وتروح انه متأكد
والله لو ما عمليتها حساسه والدكتور نبهنا بهل شي اخذها كوه وأسلمها لأهلها
بس اخ كاضتني من ايدي التوجعني
الشيخه: لا تاكل بروحك كلشي اله حل وهسه كوم نتغدا
احمد: ماشي
خليت هديه تصعدلها الاكل وصعدت بإيدي وكلتها ادري بيها من تضوج تترك الاكل ونزلت اتغدا تفاجأت لكيت هند كاعده على السفره وكأن الحجي الحجيته وياها تبخر والازيد كاعده يمي وبمكان كمره
الشيخ: يله ابني صارلنه ساعه نتانيك • تـعال تغدا
احمد: دايمه يابه ما اشتهي
الف عافيه
درت جاي اصعد وكالت
هند: من شفتني ما ردت تتغدا
بس منا وهيج احسب حسابك موجوده بكل وجبه وهذا مكاني
انه مرتك حالي حالها
احمد: لزمت اعصابي كوه ما ردت اتصير مشكله كتلها
اخذي راحتج اكعدي وين ما تردين بس لا تحسبين حسابي اكعد يمج واجاريج جاي اصعد وسمعتها كالت
هند: اي اصعدلها الما تخاف من الله
خلتك تريد تذبني بالشارع
احمد: رجعت عليها شايط غضب حجيت وانه ااشر بأصبعي بوجها
اصحج تجيبين سيرتها على لسانج ولو ما حالتج جا عرفت شلون ارييج
ما عرفتج صلفه لهل درجه
وان سمعتج حاجيه وياها مره ثانيه ما تلومين الا نفسج فاهمه
الشيخه: هند احترمي احنا موجودين وكاعدين على نعمة الله الي طلعتيها زقوم علينا وروحي لغرفتج لا تخليني اتصرف وياج تصرف بس الله يدري بي
احمد: عفتها وصعدت نار من الأعصاب
دخلت للغرفه
كمره: جنت بالحمام سمعت الباب انركع كلت يا ستار شنو صار طلعت لكيت احمد يفتر بالغرفه رايح جاي ومبين أعصابه مفوله كلش خفت اتقرب منه هو محذرني بس ما اكدر الي بيه ما يخليني خفت يصعد ضغطه كتله
بيك شي
احمد: سكتي عني لا تحجين شي
كمره: لبست شالي وجاي اطلع وصاح بعياط
احمد : وويييين
كمره: اكعد بالصاله البره على ما تهدأ شوي
احمد: تعاي يمي
كمره: رحت يمه سحبني وشبكني وكال ٲℓانــتيہ امتصي عصبيتي
هديني بحنيتج علي
تالي راح نام على الجربايه وكال
احمد: تعالي بس نامي يمي كلشي ما اريد بس خل اشتم ريحتج
كمره: تمددت يمه حضني من ورى ظهري ودفن راسه بشعري
ظل مده حسيت انفاسه انتظمت عرفته غفه
بس لو اعرف شنو صاير خلاك هيج كاب نار
مر كم يوم على هل حال انه كله فوك نادرا ما انزل جوا الأكل يصعدلي فوك
حالتي تحسنت هواي بس الخنكه زادت علي كلما أتقدم بحملي تزيد ما اعرف ليش واحس هوا الغرفه يخنكني
وهند على حالها وما شفتها بعد ابد ولا سمعت اي خبر عنها احمد محذر الكل يوصلي اي خبر منها
قررت انزل جوا ما يصير هيج كله محبوسه فوك
نزلت ودخلت للمطبخ اتريك لكيت هديه
هديه: شنزلج انه صاعدتلج هسه شيفكني من الشيخ
كمره: طكت روحي من الغرفه متت اريد انزل احس روحي مخنوكه
هديه: دكعدي هنا خل اروح اصيح للشيخه واجي بسرعه ما اطول
كمره: ليش وين الشيخه
هديه: اجت البنيه الي تنظف البيت وراحت وياها تراقبها
ما اطول عليج شويه واجي
كمره: راحت شويه واجت هي والشيخه
الشيخه: هاا بنيتي ليش نزلتي مو زين عليج
كمره: عمه والله صرت زينه ًحتٍٍٍـــى وجع بطني راح
ليش تراقبين البنيه مو عوايدج
الشيخه: هاي بنيه جديده وبعدها زغيره وانه عندي شباب والشيطان شاطر
كمره: اي بس عادل وعمار هادئين ما تطلع منهم العيبه
بس عندج وسام مشيطن
وسام: هاي تحجن علي كضيتجن بالجرم المشهود
كمره: هههههههه
عزا شيفكنا منه شجابك علينا
الشيخه:• تـٰ؏ـﺂل ظل يم مرت اخوك اروح ارجع يم البنيه
وسام: صار
سمعت صوت مرت اخوي الحلوه واجيت اسلم عليها مشتاقلها
شمدريني جانت تحش بيه
كمره:تعرف كلش زين جكد أعزك معقوله تصدك انه احجي ﻋﻠﻴﻚ
وسام: والمشيطن منو
كمره: انت
وسام: اهااااا
ما احجي وياج بعد
كمره: ما تكدر
وسام: ليش بالله
كمره:ما يهون ﻋﻠﻴﻚ انه كموره صديقتك بالسراء والضراء
وسام:ٲℓانــتيہ ورده وين اكو منج
كمره: الله يحفظك انت اخوي الغالي
بعدك زعلان علي
وسام: هو انه اكدر ازعل من الكمر
وهسه يله ولي هواي تلغين اخيتي ٲℓانــتيہ
كمره: بس وياك الغي هواي
وسام:اتحملج شعدنا غيرج
كمره: راح اتريك تاكل وياي
وسام: اكل ليش لا ما دام من ايدج الحلوه
كمره:ترى جاي هواي تتغزل بيه لا يسمعك احمد يشدك على النخله ويصلبك
وسام: يسويها حضرت الشيخ
هند: ما شاء الله عليكم كاعدين حب وغزل واحمد الماي يجري من جواه وما يدري بشي
وسام: شتفصمين ٲℓانــتيہ
الزمي حدج واعرفي شلون تحجين
هند: ليش الزم حدي عيوني شافت كلشي
بس يجي اخوك اخلي يعرف كلشي
كمره: وليش من يجي هسه كليله
روحي اخذي تلفون إلماماً واتصلي علي وكليله كلشي شفتي
