رواية كبرياء شيخ الفصل الرابع والأربعون بقلم زينب
هند: يـ؏ـنـي ما تخافين منه
كمره: ما مسويه شي غلط ليش اخاف بعد
هند:كل هذا الطياح الحظ الصار وانتوا ما مسوين غلط
لا تكليلي احمد يدري بكل هذا
كمره: احمد واثق بيه وما يصدك جذبج كله
وسام: كمره لا تردين عليها هاي جاي تنثر سمها وتروح
هند: انشوف بيمن يصدك
كمره: خزرتنا وطلعت من المطبخ دار وسام وكال
وسام: هاي بس لا تسويها مصيبه لا على البال ولا على الخاطر
كمره:لا تنطيها أهميه
بعدين شكو خفت انت غلطان بشي
وسام: لا بس اخاف احمد صدك يصدكها
هاي مبينه مو سهله تسوي كلشي بس ًحتٍٍٍـــى تثبت وجودها
كمره:مستحيل احمد يصدكها
بعدين هو عرفها شنو هي لا يظل بالك
وسام:متأكده احمد ما يصدكها
كمره:ليش عندك شك
وسام:ما اعرف بس اخر مشكله سونها وياج احمد صدكهن
كمره: بالنسبه الي حتى لو صدكهن انه متأكده من روحي ماله داعي اخاف
وهو اذا صدكهن هذا شي راجعله
وسام:هسه روحي صعدي لا تجي تاخذلنا صور وتروح تقدمهن اله دليل
كمره: هههههههه
هم صدك هاي كلشي يطلع منها
تريكت وصعدت للغرفه اتصلت على احمد ما يرد علي يرفضه
معقوله اتصلت علي وكلتله
معقوله صدكها بس لا مستحيل احمد يعرف كلش زين يعرف منو انه
احمد:جنت راجع للبيت توني داخل اريد اصعد ودكت كمره ما شلته بس وان جاي اصعد صاحتلي هند
هند: احمد اريد بموضوع
احمد:مالي خلك مغثتج
هند:بس موضوع ضروري لازم تعرفه يخص المصونه مرتك
احمد:ﺎﺳـتغ͜ـغـ۟فر ﺎﻟلهۃ
شتردين تلفقين عليها
هند: خل ندخل للغرفه نحجي مو هنا
احمد: امري لله يله امشي وبسرعه احجي شعندج وامج وين
هند: امي دخلت للحمام لا تخاف تتأخر
احمد: دخلت وياها للغرفه وقفلت الباب
يله احجي
هند: لازم تعرف شنو يدور بين مرتك واخوك وسام
احمد: ولا كلمه
اكص لسانج لو جبتي طاريهم بشي
هند: بعيوني شفتهم وبأذاني سمعتهم
احمد: انه لو اشوف بعيوني ما اصدك
لا تحاولين تشوهين صورتها كدامي
كمره لو احطها بين عشر زلم واروح وارجع الكاها نظيفه
وسام هذا اخوي ابن امي وابوي ما يسويها لو على كص ركبته
لج عفتها يمه أسابيع وانه كلبي بارد وبالي مرتاح
تجين ٲℓانــتيہ على تالي وكت تكولين هيج وهيج
هند: بس اسمعني بيش تريد احلفلك والله مستعده حتى على القرأن
احمد: القران بريئ منج
الي اطلبه منج ما اريد اشوف وجهج بعد منا لحد ما تنكلعين
هند:لا مستحيل انت احمد الي حبيته وحبني
اكيد ساحرتك
مستحيل انت تتخلى عني وبهل سهوله
احمد:احمد الله واشكره الف مره بعدج عن طريقي
واحمد ربي خلى كمره بطريقي إنسانه بريئ ونظيفه وما تشيل حقد على احد
ما اعرف شنو مسوي عد ربي حتى خلاني اعرفها
هند: هاي الي انت تشوفها نظيفه بس هي وصخه بأخلاقها وانه متأكده
احمد:ما كدرت اسيطر على اعصابي ضربتها راجدي كعدتها على الجربايه
لزمت خدها وكامت باوعتلي تقربت مني وباستني من شفتي رأسا دفعتها
لج شسويتي جكد طايحة حظ ٲℓانــتيہ
هند:انت رجلي ومن حقي اسوي هيج
احمد: حضري روحج باجر يجون اهلج ياخذوج الظاهر انه انطيتج مجال عبالي تعقلين بس جنت غلطان
هند:مو بكيفك اطلع منا هذا بيتي
احمد:حدج لباجر وبس وبعدها ترحين وخلقتح ما اريد اشوفه سمعتي
عفتها وطلعت ما صعدت فوك رأسا طلعت رحت للاصطبل اخذت العنود
لازم اهدأ من نفسي شوي افتريت شوي لحد ما ارتخت اعصابي تالي رجعت بوجهي لكمره الي حركت التلفون علي صعدت وهجمت علي
كمره: ما تكلي ليش ما تشيل التلفون تريد تموتني انت
الف سالفه اجت بعقلي عبالي صارلك شي
احمد: اسششش سكتي هاي انه كدامج ما بيه شي
شنزلج جوا
كمره:ليش ممنوع انزل
احمد:كتلج اصبريلي احد ما تولي هاي المصيبه الجوا
كمره:ما مجبوره انحبس فوك على مود تاخذ راحتها ست الحسن
وبعدين ما معروف شوكت تولي
احمد: عن قريب ما ظل شي
كمره: صاير شي ليش احسك مو على بعضك
لا تكلي جنت يمها
احمد:اي جنت يمها رادتني بموضوع مهم
حجيتها برود وعيوني بعيونها ردت اعرف ردت فعلها انه اعرف كلش زين ما تطلع منها العيبه بس لازم اتأكد منها شخصيا
كمره:وصدكتها
احمد:تعرفين الموضوع يـ؏ـنـي
كمره:اي اعرف
احمد:انه مو كتلج ما اريد شي ينظم علي
كمره:انت لو شايل التلفون جا عرفت كلشي مني قبل لا تعرف منها
جاوبني
احمد:يـ؏ـنـي انه لو مصدكها
تشوفيني هيج هادئ مثلا
كمره:اكيد لا بس ما اعرف شبيك
احمد: سالفه ثانيه ٲℓانــتيہ ما الج دخل بيها
كمره:يـ؏ـنـي ما لازم اعرف
احمد:الأحسن الج ما لازم تعرفين
حضريلي ملابسي خل ادخل اسبح
كمره: اوكف
احمد: شبيج
كمره: تقربت منه شميت ملابسه وركبته بي ريحه غريبه
احمد: شبيج جنج بزون تشمشمين
كمره: بيك ريحه غريبه اول مره اشمها
احمد: متوهمه
كمره:ما ادري بس هاي مو ريحتك ولا ريحتي
احمد:صفنت بيها هاي البنيه كلبها يعلم ولا يفوتها شي
اذا عرفت صدك تحركني وتحرك روحها وياي
ماكو شي جنت يم جماعتي يجوز منهم
جكد توهوسين شو وخري مني خل ادخل
كمره: انوب عاط بيه
دخل الحمام حضرت ملابسه وطلع بدل ونزل ًحتٍٍٍـــى ما حجى شي
احمد: ما عرفت شلون ما جان سبحت وطلعت منها
الصراحه تهربت منها ما اعرف شجاوبها
نزلت الدرج ولاكتني هديه
هديه: ابوك الشيخ يريدك بالمضيف
احمد: وليش بالمضيف وكت غدا هسه
هديه:جان بالصاله كاعد صاح علي كلي روحي كليله اتاني بالمضيف
احمد:رحتله للمضيف شفته كاعد وحده استغربت لازم اكو شي ما يريد احد يعرفه
الشيخ:مستغرب مو
احمد: اي والله يابه خير شصاير
الشيخ: انت مخابر اهل هند ًحتٍٍٍـــى يجون ياخذوها
احمد: اي بابه • ﺂنٰ شۨـِﺂءۙ ﺂللـِه۫ہ باجر ارجع الهم بتهم وكلشي ينتهي
الشيخ: ما تكدر ترجعها
احمد: يابه هند جاي تتمادى هواي بس كلي شنو الي تغير
الشيخ:البت هسه دخيله عندي وانت تعرف بحكم العشاير ما يصير نرد الدخيل
احمد:شهل حجي يابه
الشيخ:انت شيخ واكيد تعرف بالأصول عيب ﻋﻠﻴﻚ ترد الدخيل
احمد: يوم عن يوم جاي اكتشف جكد جنت مخدوع بهل هند هاي
اعذرني يابه ما اكدر اخليها يمي انه باجر انهي كلشي
واذا صارت فضيحه بين العشاير خل تصير ما عندي مشكله
الشيخ: اذا نهيت كلشي باجر لا انت ابني ولا انه اعرفك
ما مستعد اخلي سمعت عشيره كامله على المحك من ورى تصرفاتك
احمد:تتبرى مني على مودها
الشيخ: لا تنسى هاي سوايتك مو سوايتي
لازم تتحمل نتيجتها وياما حذرناك بس انت عندت الا تسوي الي براسك
احمد: ردت اخلص من عذاب الضمير بس
الشيخ: الي عندي كلته وانت بكيفك
احمد: هذا هو يابه انه راح اخذ مرتي واطلع منا وانت خلي هند يمك
الشيخ:هذا مو حل وليدي
احمد:انت حصرتني بين نارين يابه
ما عندي غير هذا الحل
وهسه من رخصتك
عفته وطلعت شلون فرتها علي بس بسيطه عبالها تخليني كدام الأمر الواقع
صعدت حتى اخذ سويج السياره فتحت الباب دخلت مثل العاصفه جاي اخذه كضتني كمره من ايدي
كمره: شبيك احمد
احمد: الله ياخذ احمد ًحتٍٍٍـــى اخلص عوفيني
كمره: ما اعوفك ما تطلع هيج
احمد: كمره عوفيني لا ااذيج
كمره: أذيني اضربني سوي بيه الي تريده بس ما اعوفك تطلع اخاف عليك
احمد: شو وخري دفعتها وطلعت
ركبت السياره وشخطتها بدون وعي
وعيوني من القهر ما اشوف بيهن وايدي ترجف انه على تالي زماني مره تلوي ذراعي ومنو البنيه الي انطيت من عمري عشر سنين وانه متعذب على مودها الشارع جان فارغ سيارات قليله بس انه حسيت صارت غواش بعيوني بعدها ما حسيت بشي
كمره: طلعت روحي كبل لا يطلع هو
هل مره كلبي يكلي راح يصير شي ظليت ارجف من الخوف نزلت اركض ادور على واحد من اخوانه لا كيت عادل توه داخل للبيت بس شفته كتله
فده خويه الحك احمد ما ادري شبي دخل مثل البركان اخذ سويجه وطلع
عادل: شبي شصاير
بس ٲℓانــتيہ اهدي وفهميني ولا تبجين هسه اشوفه
كمره: اخذ تلفونه دك علي اكثر من مره ما يشيله
عادل: ما يشيله هسه انه وين ادور علي والدنيا ظهر والشوارع هسه تصمط من الحر
كمره: اسأل اخوانك بلكي يعرفون شي
شويه والتم البيت كله اجو اخوانه وأمه وابوه والكل انخبص على موده
دقايق ودك تلفون عادل
عادل: الو احمد وين صرت ندك ﻋﻠﻴﻚ وانت ماكو
المستشفى: العفو صاحب هذا التلفون سوى حادث وانت اخر واحد متصل بي
عادل: .............
