رواية كبرياء شيخ الفصل الخامس والأربعون بقلم زينب
وانت اكثر الوادم عرف
تعرفني ابن ذيج الامس
سألتني عنك وانخطف لوني
:::::::::::::::::::::::::::::::::::::::::::::::::::::::::::::::::::
عادل:اي تمام جايين
الشيخه: خير يمه شبي اخوك
عادل: ما بي شي
خابر يريدنا بشغله هسه ضروري رايحين نشوف شنو يريد
كمره: متأكد ما بي شي انت حجيت وياه سمعت صوته
عادل: اي خويه لا تخافين ما بي شي
الشيخ: شيريد منكم ما كلكم
عادل: لا يابه هسه انروح
يله شباب امشونا
طلعنا من البيت كلنا درت عليهم وكتلهم احمد مسوي حادث وهو هسه بالمستشفى ما كلت جوا خفت على امي ومرته تعرف بس يسمعن
كل وحده تنجطل بصفحه وابوك مو ناقص هم
وسام انت خابر على شداد يلحكنا وكله ما يكول شي
وسام: صار
عادل:وصلنا للمستشفى وسألنا الاستعلامات دلونه على الغرفه الي هو بيها
دخلنا جان مدد بس ايده ملفوفة وكصته بيها جرح ويمه الممرضه والدكتور
الممرضه: انتو منو وشدخلكم هنا
عادل : احنا اخوانه
بس نريد نعرف شي عنه نطمن علي
الدكتور:طلعوا بره وانه افهمكم وضعه دقايق بس
عادل: طلعنا بره شويه واجى الدكتور فهمنا انو مرتفع عنده الضغط وفاقد الوعي وما مسيطر وضارب السياره بالشبه
زين دكتور هسه وضعه شنو
الدكتور: الحمدلله عدت سلامات
شويه رضوض وجرح بسيط والضغط سيطرنا علي
تكدرون تشوفونه بس يرجع لوعيه
عادل: مشكور دكتور ما قصرت
ظلينا تقريبا نص ساعه امي ومرته حركت التلفون علينا عبالك كلبهن يعلم كل شويه مطلعين حجه الهن بس احسهن افتهمن تالي اجت الممرضه كالت صحا تكدرون تشوفونه
دخلنا علي كاعد ويتوجع من الألم
احمد: شفتهم جفتوا علي كلهم حتى شداد وياهم كلت بتعب
هاي شجابكم وشمدريكم
عادل: الحمدلله على السلامه اول شي
وادري مو وكته الحجي بس كلنا الى متى تظل هيج راح تدمر نفسك
ما فكرت وراك اهل بالله هسه عوفنااحنا مرتك ما فكرت بيها وابنك البعده ما صاير تريده يتيتم من هسه
تدري امك بس تسمع بيك تنجلط
بس كلنا انت تريده تموت بسببك
احمد: لا تكلي درن بيه
عادل:مخبل انه واكللهن بس اول وتالي يعرفن
احمد:دير بالك توصل خبر الهن
عادل:يمعود مرتك ما تكلي شككلها ترى اكلت روسنه كل شويه مخابره وتكول ممرتاحه لوضعكم هي يفوته شي
احمد: اريد اطلع منا ترى اختنكت
عادل: نشوف الدكتور اذا وضعك مستقر تطلع
احمد: مو بكيف الدكتور اريد اطلع
شداد: احمد لا تعاند عاد هنا اتحمل شوي
احمد: كلت اريد اطلع وخلص
عادل: استغفرالله خل اشوف الدكتور وارجع انتظر شوي
رحت للدكتور كال يخلص المغذي ويطلع رجعت كتله كاعد على أعصابه بس يتإفف لحد ما • خـٰــُِلص المغذي وكلناله يله
احمد: شداد اخذني وياك لبيتكم ما اريد ارجع لبيتنا
وسام:ليش احمد شصاير
احمد: ما اريد امي ومرتي يشوفني هيج
عادل: ترى هذا مو حًـل لحد من اتظل بيت خالي
احمد: معليك انه اخابر واكللهم صار عندي شغل واضطريت اسافر كم يوم
عادل: على راحتك بس ابوي لازم يعرف
احمد: لا تكله شي
كمره:كاعده يم عمي وعمتي والوب علي كل شوي متصله بواحد بيهم ونفس الحجي احس ضامين شي علي ما يردوني اعرف بس احس بعمي تصرفاته غريبه وخايف ازيد مني سألته
عمي بيك شي انت تعرف شي وضامه علي احجي احمد صايرله شي
الشيخ: لا بويه صايرله شي وتلكيني مكابلج وكاعد ما هل تشوفيني كلبي راح يوكف اريد بس اسمع خبر عنه
الشيخه: انه ما مرتاحه كلبي يكلي صاير شي مو من عوايده يخابر اخوانه كلهم فد مره اكيد احمد بي شي مو زين وما يردونه نعرف
الشيخ:بيش مفاولته يا مره
هسه يجون ونعرف
كمره:ترى شعوطتوني من القهر راح اجيب والله
ظلت الشيخه تهدي بيه والشيخ ما اعرف شبي شويه واجت يمنا ام المصايب
هند: عمي رجلي شبي
كمره: رجلها ام الوصخ مال اكوم هسه واسحلها من شعرها انتبهت علي الشيخه وكبل لا احجي شي اشرتلي بعيونها بمعنى لا تحجين شي وكالت
الشيخه: شوفي هند ما النا خلكج روحنه متسممه ومتزوهرين نريد نسمع شي عنه ردي لغرفتج احسن الج والنا
هند: ما ارجع مو بكيفكم هذا رجلي وخايفه علي ازيد منكم
الشيخ: بويه كلنا خايفين علي مو بس ٲℓانــتيہ بس سمعي حجي الشيخه وردي لغرفتج
هند: ما ادخل وهاي كعده واريد اشوف شلون تدخلوني
كمره: كابلتني وكعدت وانه ما اتحملت عاد حجيت بعد ما سكتت
بس اسكت هاي تاكلني
اسمعيني زين ٲℓانــتيہ مصدكه روحج مرته ومسويه روحج خايفه علي
ٲℓانــتيہ لو بيج خير جا حفظتي الظال شوي من كرامتج وليتي منا
انه متأكده انتي الج ايد بالسالفه وخليتي يطلع على اعصابه
الشيخ : بنيتي شجاج اسكتي مو وكت هذا الحجي
كمره: لا عمي وكته لازم احطلها حد
ولازم تعرف احمد ما يريده وما يطيقه ولا عبالج اتزوجج حبن بيج لا بس حتى يعالججزويخلص من عذاب الضمير الي ٲℓانــتيہ ورطتي بي وخليتي يعاني منه سنين
الشيخه: كمره اسكتي كافي
ادري محروك كلبج على رجلج بس مو وكته هذا الحجي
كومي روحي صعدي لغرفتج ارتاحي ومن يجي انه بنفسي انطيج خبر
كمره: وليش اصعد انه وهي تظل على راسها ريشه لو تخافون تنتكس ست الحسن
الشيخ: بويه شجاج تخبلتي علينا
كمره: اي تخبلت
روحي تحترك من اشوفها كبالي ولا تكلولي اتحملي
الشيخه: بنيتي كافي محد كلج تحمليها ولا تنسين ٲℓانــتيہ هم وضعج صعب ومحد موجود بالبيت اذا طحتي شنسوي بس فهميني
كمره:سكتت مو لخاطر احد بس خفت اختنك وصدك محد يمي لا احمد ولا عمار بس هما يعرفون حالتي ظلينا مده تالي اجوا الولد بس احمد ماكو مووياهم ركضت عليهم وكلت وينه
عادل:صار عنده شغل واضطر يسافر كم يوم
كمره: لا تقنعني بهذا الحجي ما اصدك
الشيخه: يا شغل هذا السافرله لا جنطه ولا شي
عادل: انه ادري غير هاي سوالف ابنج انه شعلي
كمره:خابرله وخليني اسمع صوته حتى اصدك
عادل:امري لله هسه اخابرلج
دكيت علي وكتله مرتك تريد تحجي وياك ما مصدكه انت مسافر
هاج احجي
كمره: الوووو احمد
احمد: الوووو
كمره: صدك سافرت
احمد:اي اتحملي كم يوم وديري بالج على نفسج وادويتج اخذيها بوكتها واكل اكلي بداعتي عندج لا تهملين نفسج انه من ارجع اجي واخذج
كمره: صوتك تعبان وكوه تحجي اكيد ما صايرلك شي
احمد: ما بيه شي ولا تضوجين
كمره: ليش من تجي وين تاخذني
احمد: من ارجع افهمج كلشي
كمره اذا تحبيني بعدي عن هند ولا تحتكين بيها ماشي حبيبي
كمره: غمضت عيوني وحجيت بكلبي ماشي ياروح حبيبي انت وعمري وكلبي دمعت عيوني ما اعرف شبيه
احمد:شو سكتي
كمره: هيج بس بغصه
احمد: اذا تبجين ما اخابرلج بعد
كمره: تريد تموتني انت
احمد:اموت كبلج والله
هسه انطيني امي احجي وياها
كمره: انطيت التلفون لعمتي وصعدت لغرفتي اول ما دخلتلها بجيت احس كلامه بي لغز وما اعرف شنو واحسه تعبان ويحجي كوه هسه تأكدت هو صايرله شي وما يريدني اعرف
الشيخه: حجيت وياه ما عجبني وضعه سديته منه وكلت احجوا شبي اخوكم
ولا تكلولي سافر جذب واذا هسه ما حجيتوا شي البس عباتي واهيم بكاع الله
عادل: ظلينا واحد يباوع بوجه الثاني هاي الشيخه ما يخفى عليها شي
يمه راح نكلج بس مرته لا تسمع شفتيها هسه شصار بيها بس سمعت صوته
جا من تشوفه تنسحن روحه
الشيخه: احجو ولكم مو موتوني
عادل: احمد سوى حادث
الشيخه : شلووون صخام الصخمني وصخم وجهي
وسام: يمه صوتج ما بي شي والله
لا تسمع مرته الله يخليج
الشيخه: خل تسمع مرته ومن حقها تعرف
شلون ما بي شي وهسه كوه يحجي وياي بس شلون سوى الحادث فهموني
الشيخ: انه السبب كله مني
الشيخه: انت شعليك
الشيخ: كبل لا يطلع تلاغينا انه وياه بالمضيف
الشيخه: على شنو تلاغيتوا
الشيخه: مخابر لأهل هند على اساس باجر يجون يأخذونها
وهي سمعت هيج واجت طاحت عندي دخيل وانه صحتله وكتله لا توديها
بس هو عاند ومن شفته قفل كلش كتله اذا سويت هيج لا انت ابني ولا انه ابوك
الشيخه: عفيه عليك وبارك الله بيك
تتبرى من ابنك جبيرك على مود وحده ما تسوى فلس بسوك النسوان
الشيخ: انه قابل متقصد احجي هيج ردت بس اخوفه شمدريني يثور ويطلع على أعصابه
الشيخه:تريد احمد يخاف
هو يمته يخاف من احد
هند: عمه ليش شبيه انه ما أسوى شي بنظرج
الشيخه: من عمه العماج وموت اللفاج
لا تكولين عمه انه مو عمتج ولا راح اصير بيوم من الايام
وأمشي ولي من وجهي لا اكوملج هسه اطلع ضيم احمد كله من عيونج
ومنا لباجر اذا احمد ما وداج انه بأيدي اخذج واخلص منج ومن شرج من يوم العرفنا بيج عدله واحنا ضايكين المر
لا ٲℓانــتيہ ميته خلصانين ولا ٲℓانــتيہ عدله
ام هند: خيه شجاج عليها استهدي بالله
البت ما رادت تهدم بيتها وسوت كل هذا بس حتى تظل يم رجلها
بس انه بعد ما اظل هنا بعد هذا الحجي السمعته
هسه اخذها وأمشي
الشيخه: دفعة مردي والهوا شرجي
والبصره كون كلها بعد ما تدخلوها
مسويه روحها مسكينه ورايحه تتمسكن للشيخ عبالها احمد سهل وينضحك علي بهل الحجي
وهسه اخذي بتج وروحي للغرفه لا تخليني ارجع اسببلج أعاقه ثانيه بدماغج
واريد اشوف هل مره منو يعالجها
حمدي ربج وشكري رجعت الج بتج مثل الاول من بعد ما ولدج عوقوها ورادوا يموتون ابني الما يخافون من الله. انه لوعندي هذول الولد جا حطيت عليهم بانزين وحركتهم
هند: ما اطلع منا وهذا بيتي واحمد رجلي
بس اطلعوني كوه اكتل روحي والله
الشيخه: وكتلتهم
متي ولا ظليتي يطبج طوب
ما عدج ذرة كرامه
رجال لا يريدج ولا يهواج بعد شكو لازكه بي
امشي ولي لا بارك الله بيج ولا بالساعه العرفناج بيها
الشيخ: شبيج انكلبتي طنطل عليها
الشيخه: شوف عمري كله ما رديتلك طلب ومطاوعتك وعشت وياك على الحلوه والمره وصنت بيتك وجبتلك اربع اسود تتباهى بيهم كدام الناس
بس لهنا وكافي لازم تسمعني
احمد اريده اليوم يرجع للبيت وانت بأيدك ترجعه وهاي البت تسلمها لأهلها
واذا ما قبلت ما عندي مانع اخذ جنتي واروح ورى ابني وانت خليك هنا يم هاي الحيه الركطه
الولد:يمه شهل ااحجي تردين الناس تاكل وجهنا
الشيخه: واحنا شعام علينا غير حجي الناس والفضايح والعشيره
وهسه كلولي اخوكم وين راح
عادل: بيت خالي ابو شداد
الشيخه: هديه بسرعه جيبيلي عباتي
وانت عادل امشي وصلني اله
وانت يا ابوه تريد تجي وياي ترجع ابنك لو تختار جنتك الحيه
الشيخ: ٲℓانــتيہ تخبلتي تردين انفضح بين العشاير
الشيخه:براحتك شيخ ما أجبرك بس انه لهنا واكلك اذا طلعت من هذا بيتك هسه تحلم ادخله بعد الظاهر هنت ﻋﻠﻴﻚ بعد كل هل السنين
وانت وسام وعمار تظلون يم مرت اخوكم لحد ما اروح واشوف شنو اسوي
هاي المسمومه اخاف تسويلها شي
الشيخ: استغفرالله عمي وين طالعه صدك جذب كعدي واسكتي
مره شكبره وشكدج تزعلين عليه
عادل: يمه احمد ما يريد كمره تشوفه هسه يخاف عليها
خلي بيت خالي لحد ما وضعه يتحسن شوي
الشيخه:دقيقه ما اظل هنا وابني هناك ما اعرف شبي ما بي
وشمدريني ما مجذبين علينا
كلت ابني اليوم يرجع هنا يـ؏ـنـي يرجع
ومرته بس اتشوفه اصلا ترتاح هسه تلكاها حال الضيم حالها
الشيخ: عمي امري لله امشي بعد حكمتي علي
يله بويه امشي أخذنا ونشوف بالله لوين توصل وياج
وسام: والله وانتصرت الوالده زمرد خانم منو يكدرلج ٲℓانــتيہ
رحت عليه وحضنتها وبست راسها وكلت الها
حتى اللبوه ما تسوي هيج مثلج
عمار: هذا حمودي نور عيونها تبيعنه كلته وتشتري
الشيخه: كلكم نور عيوني ولو اي واحد بمكانه اسوي ازيد منه
عمار:بست راسه
اعرف اصلا وين اكو احن منج علينا وما نسيت شسويتي علي من صارت سالفتي بس حبيت اهديج شوي خفت عليج يصعد ضغطج ونبتلي بيج
واحمد ترى يستاهل
الشيخه: تبتلي بيه ها
عمار: هههههههه
الشيخه: بسيطه انه الك اعلمك بس خل ارجع اخوك
احمد: ما ردت ارجع للبيت خفت على امي وكمره بس يشوفني يتخربطن
وهم ردت ابوي يعرف انه من اكول كلمه ما ارجع بيها
بيت خالي ما عدهم احد بس شداد وأخته وخالي ما تزوج من بعد المرحومه مرته
شداد منطيهم خبر تلكوني من الباب وخالي محضرلي غرفه وجاهزه من كلشي
دخلت للغرفه وتمددت ردت بس انام جسمي يون على من الوجع
وشداد ما عافني كلي نام شويه وارتاح لحد ما سمر تسويلك لكمه تاكلها
نمت تقريبا ساعه وكعدت على صوت بجي يم راسي
الشيخه:سوده علي يمه يومي كبل يومك كون
احمد: يمه الله يطول بعمرج شهل الحجي هذا وبعدين منو كلج باوعت لعادل الي جان صافن بسمر ورجع باوعلي
عادل: لا تخزرني انه معلي تعرف بأمك ما يفوته شي ومن تحقق وتريد شي الا تعرفه
الشيخه:ولك يمه وكعت كلوبنا فدوه لطولك الحلو انه
الشيخ: يمعوده صدك جذب كاعده تونين يم راسه حمدي الله وشكري طلع سلامات منها
حمدلله على سلامتك وليدي
احمد: الله يسلمك يابه (بثكل)
الشيخ: افا ﻋﻠﻴﻚ شيخ احمد اعتبرني واحد غريب وطلب منك هل طلب ترده بويه
احمد: يابه والي يرحم والديك سد هذا الموضوع ولا تفتحه ابد
الشيخه:ما ينفتح بعد اصلا والي تريده يصير وهسه كوم ارجع لبيتك
خال احمد: ليش خويه هذا بيته هم
والله شاهد حاسبه مثل ابني وأزيد وانه اطول الشيخ احمد يجي يمي تدرين عندي عيد
الشيخه: ادري بيك خويه ما تقصر بس لازم يرجع وياي انه ما اكدر
ومناك مرته عفتها تلوب علي وحال الضيم حاله
احمد:• ﺂنٰ شۨـِﺂءۙ ﺂللـِه۫ہ درت
الشيخه: لا بس كلبه حس وما تحجي شي بس تضم بكلبها
ولك يمه ارحم بحالها خطي خليها تشوفك وترتاح
احمد: شلون تعوفيها وحدها هناك
الشيخه:لا تخاف خليت اخوانك وهديه يمها
احمد : ما أريدها تشوفني هيج وضعي
الشيخ: بويه انعل الشيطان وأمشي رد ويانا والي تريده يصير هاي كلمة شرف وكدام خالك وابن خالك بعد شتريد
الخال: عاد خل يأكل لكمه من ايد بت خاله
الشيخه: بهاي عندك حك عاد طبخ سموره يخبل
سمر: تسلمين عمه
الشيخه: بعد عمتج وكلبها
احمد:متابع عادل وين ما تروح سمر عينه عليها راحت تجيب الاكل وشفته ركبته انكسرت عليها وغمزتله
هو شافني وضحك وكال
عادل:عاد انت تلكفها وهي طايره الله بلانا بيك بلوه
احمد: تمون علي اخوي العزيز انت بس اشر وكول
شداد: شهل الالغاز الي بيناتكم فهمونا
احمد : انت معليك انه واخوي
شداد: هيج صارت
عادل: شداد لا تزعل يجي يوم وتعرف بس هسه مو وكتها
احمد:جابت سمر الاكل والكل تغدا حتى امي وابوي وعادل وخالي وشداد
وترخصنا منهم وطلعنا شداد اجى ويانا وصلنا كلش للبيت وراح
دخلت للبيت ادور على محبوبتي ماكو سألت هديه عليها كالت فوك
هديه:الحمدلله على سلامتك شيخ
كمره فوك نايمه كل شوي اطل عليها الكاها نايمه
والولد كل شوي يسألون عليها
الشيخه:الولد تغدوا لو لا
هديه: اي شيخه بس كمره ما قبلت تاكل
احمد: اووووف منها
صعدت فوك لكيت الولد كاعدين بالصاله شافوني وكالوا
اجى الشيخ وهاي الامانه استلمها واحنا اليوم تعبتنا انريد نرتاح منك
ضحكت عليهم ودخلت للغرفه لكيتها نايمه
تقربت منها حضنتها من ظهرها وشميت ريحتها احس روحي ارتاحت
كمره: جنت نايمه وحسيت بحراره بجسمي وأنفاس على ركبتي عرفته احمد بسرعه درت علي ومن شفته تصنمت
شفته تعبان ورأسه بي جرح ولافي اباوعله ودموعي تنزل وحدها حضنته حيل وبكل قوتي وانه اناشغ وابجي حتى الحجي كام ما يطلع مني
احمد: عمري ليش البجي والله ما بيه شي
كمره:يمسح بدموعي وانه احجي وابجي والله جنت حاسه صايرلك شي
احمد:كافي يا كلب احمد ونبضه هاي كدامج كلشي ما بيه
كمره: رجعت حضنته وانه ابوس بوجه وبركبته
والله لو صايرلك شي جا متت وراك شلون تسوي بيه هيج
احمد: اسم الله عليج جم مره كتلج لا تذكرين هاي الكلمه كدامي
بسته من خدها وركبتها الجنها مرمر
كمره: جاي تتوجع مو
احجي لا تجذب علي
احمد:شوي يوجعني مو هواي لا تخافين علي انه احمد متعود على كل شي
كمره: ليش ما كتلي وليش ضامين علي كلكم
ليش تستغفلوني انت رجلي من حقي اعرف
بعد لا تحجي وياي
احمد: شو انكلبتي علي منو الشبعتني بوس قبل شوي
كمره:هاي اخر شي بعد ما ابوسك
احمد: ادري بكلبج ما ينطيج وما تكدرين تزعلين علي ما تتحملين
كمره: جكد مغرور انت
احمد: توج تدرين بيه مغرور
كمره: لا من اول يوم شفتك بي وانت مغرور
احمد: بعدج تذكري ذاك اليوم
كمره: وشلون أنساه وانت ردت تدوسني بحصانك
احمد: لا تحجين على حصاني ما اسمحلج
كمره: اعز مني هااا
احمد:لا ثنينكم نفس المعزه
كمره: تقارني بحيوان مو
احمد: ولج لا تصيرين غبيه شو دوري علي
بعدج زعلانه مو
كمره:درت علي وبسته من شفته وكتله شلون ازعل ﻋﻠﻴﻚ وانت روحي
احمد: ولج كافي وبطلي هاي الحركات ستري علي
ترى كلبي طاك عليج كوه متحمل ولازم روحي انه منا مكسر وانتي منا عاويه
كمره: هههههههه
انه عاويه بسيطه ما ظل شي واروح للدكتورة واذا كالت ما بيج شي
وصرتي زينه الا اجذب ﻋﻠﻴﻚ وأحرمك منا لحد ما اجيب
احمد: هم زين كلتيلي ماكو روحه للدكتوره اذا مو رجلي على رجلج
والا اسمع شنو تكول والا بلساني اكلها على هاي الشغله
كمره: عزااا تريد نفضحني يمها
احمد: تريد تعلميني مو
كمره: اشاقه وياك شبيك صدكت حبيبي انت شلون احرمك
احمد: اكول لا تحطين راسج براسي ما تكدرين
خشمج وكسرته بعد شعندج
كمره: كسرته مرتين تدري لو لا
احمد: ادري كسرته صدك وكسرت عنادج
يـ؏ـنـي روضتج صح مو بسهوله وشبعتيني ضيم بس كدرت عليج
كمره: شلون كدرت تصبر علي
احمد: الي يريد الحلو يصبر على مره
وانتي دخلتي براسي والي يدخل هنا وهنا ما يكدر يطلع منه ابد(يأشر على راسه وكلبه)
كمره:حتى لو بالغصب
احمد: اذا عجبني شي ما يصعب علي
واذا ردت شي اخذه لو اعرف اخسر كلشي
كمره: رجعت حضنته وكتله هم زين دخلتني كلبك
بس اريد اطلب منك طلب
احمد:امري
كمره: ما اريدك تطلع بعد وانت معصب ولا تسوق سياره ابد
انت مو كلما تضوج تروح للعنود ليش ما رحتلها هل مره
احمد: ما ادري احس فقدت وما عرفت شسوي ردت بس اطلع واطلع حركتي بشي وما لكيت غير السياقه
هي اول شي تحت أبالي
كمره: جريت ايده وخليتها على بطني وكتله احلف بأبنك وهسه كدامي ما تسوق بعد وانت معصب
احمد: شجاج كمره
كمره: احلف احمد لا تخليني انه احلف بعد والله ما احاجيك ولا اباوع لوجهك
وسويتها كبل وخليتك تتخبل
احمد: كومي ساعديني انزع ملابسي وصيحيلي واحد من الولد اريد ادخل اسبح
وتنزلين تاكلين هسه لان كلولي ٲℓانــتيہ بلا اكل
كمره:غيرت الموضوع مو
خوش الي يجرالك
كمره: لبست شالي ورحت لغرفة عادل دكيت علي الباب وطلع كتله روح ساعد احمد يريد يسبح
عادل: صار بس دقيقه روحي وانه جاي وراج
كمره:دخلت للغرفه بعده متمدد سويت روحي ما اباوعله رحت حضرتله ملابس وخليتهن على الجربايه اجى اخوه عادل بدى يساعده وانه طلعت من الغرفه كعدت بالصاله البره على ما كمل وطلع وكلي يريدج احمد
دخلت وحجيت من ورى خشمي وكتله شتريد
احمد: تغديتي
كمره: ما اشتهي
احمد:امشي ننزل سوى واريد اشوف شلون ما تاكلين
كمره:ما اريد هي كوه معليك بيه
احمد: تحجي وياي معلك ومن ورى خشمها هذا الي يضوجني بيها تريد تحلفني على شي ما اكدرله ادري بروحي ما اسويها
دارت وجها تريد تدخل للحمام وتحبس روحه هناك انه اعرفها عنوديه
جريتها وطبكتها علي وسويت روحي اتوجع
كمره: اسفه شسويتلك انه انت الجريتني حيل عليك
احمد: ما صار شي
كمرايتي لا تعانديني ولا تأذين روحج بسببي وراج دوه ويرادلج تغذيه ودمج نازل ليش ما تفكرين بروحج
كمره: وانت ليش ما تفكر بروحك
احمد راح يصير عندك طفل احسب حسابه اول شي
لا تحاول لحد ما تحلفلي
احمد: رادت تروح وهم رجعت جريتها على حضنتها من ضهرها وخرت شعرها وبست ركبتها حسيتها فزت وخليت ايدي على بطنها وكلت
وداعة ابني وكمرايتي بعد ما اطلع اسوق وانه عصبي
هسه ارتاحيتي
كمره: درت علي وحضنته حيل وبسته من خده وكتله هسه ارتاحيت
احمد: بس الا ثمن
كمره: شنو هو
احمد:هسه تعرفي
احمد:رفعت وجها وانه اباعلها
واباوع على عيونها الذبلانه من البجي زايدها حسن فوك حسنها عاد جان هي عايزه جمال والحمل لإيكلها مخليها تشع من البياض
اخذت شفتها بشوك احسها تريد تبادلني بس ما تكدر الي انه شوكي اكثر الها وكل يوم يزيد اكثر
وخرت عنها وهي تلهث كوه تجر النفس نزلت لركبتها طبعت بيها بوسات خفيفه ورجعت جريت شفتها الجوه واخر شي بست خدودها وبوسه خفيفه على شفتها وكتلها هسه عرفتي الثمن
كمره: يسطرني من يبوسني ما اكدر اسيطر على روحي ردت اوكع كضني ودفنت راسي بصدره وهو
احمد:هههههههه
حبيبتي داخت من بوسه
كمره:اسكت لا تحجي شي
احمد: يله انزلي تغدي وتحت إشرافي
كمره: انت خليك وين نازل ما تشوف راسك وأيدك مطبرات
انه انزل واكل لان صدك جعت
احمد: لازم انزل اريد اخصم سالفة هند ويه ابوي اليوم كبل باجر
كمره: اذا هيج انزل كبلي اخاف تغير رأيك
احمد: هههههههه
والله خبله ما تصيراج جاره
نزلنا انه وياها هي دخلت للمطبخ وانه رحت للصاله لكيت امي وابوي كاعدين اشرلي ابوي براسه عود اجلها بعدين كتله
لا يابه اريدها اليوم تنحل
الشيخ: بس كلي انت مو نطيتها مجال جم يوم شغير رأيك شبدلك بسرعه
احمد: راح اكلك ليش تغيرت عليها وسرعت روحتها بس صدك الحجي الي راح اكوله ما يعجبك وراح يشعوطك مثل ما شعوطني
الشيخ: احجي خل افتهم على الاقل انطيك الحك لو احد حجى شي
احمد: واذا كتلك اتهمت كمره وسام بينهم علاقه ورادت حتى تحلف على القران
الشيخه: الله ينتقم منها • ﺂنٰ شۨـِﺂءۙ ﺂللـِه۫ہ ٰ تريد تخرب بين ولدي
وانت كون صدكتها
احمد: لا يمه شهل حجي ما اعرف مرتي لو ما اعرف اخوي
لو اخليهم ثنينهم بغرفه وحده انه كلبي بارد
بس اخاف تسويها وتطشه سالفه بالسلف وتصير حجوه بحلوك الناس الما ترحم
الشيخ: والله يا بويه اذا هيج انه بأيدي راح اخابر اهلها يجون يأخذوهم
وتسلم الامانه ونبرئ ذمتنا وضميرنا وكلشي ينتهي انت لو حاجيلي من زمان جا وصلنا لحل
احمد: يابه انت انطيتني مجال
الشيخ: هذا هو بويه انه راح ادخل افهمة كلشي انت بعد لا تدخل انه اتصرف بس من يجون اهله باجر كبل لا تروح ترمي عليها اليمين
الشيخه: هيجي ونخلص ونرتاح يرادلها ذبيحه
احمد: ناذر ذبايح مو ذبيحه وحده بس يعدي باجر على خير
راح ابوي لغرفتها يفهمها وانه ما دخلت ظليت ورى الباب اسمع اتقصدت اسمع شنو تحجي
الشيخ: بنيتي باجر حضري روحج حتى ترجعين لأهلج
مثل ما وعد ابني وفى بوعده
هند: ما اكدر عمي تحكم علي بالموت وهو وينه ليش ما اجى وياك اريد احاجي
الشيخ: بنيتي ابني هددنني اذا ظليتي على ذمته يترك البيت وانه ما عندي استعداد اخسر ابني
ومن جبرته عليج تعرض لحادث وراد يموت عرفت بروحي غلطان
بويه الحب والزواج مو جبر واتفاق بين الطرفين
أنتي اهم شي ردت الج صحتج
وبعدج صغيره وحلوه شوفي حياتج
ما راح توكف على هاي انتو ما الكم قسمه سوى
هو مكتفي بمرته ويحبها وما يبدلها بكنوز الدنيا
هند: شوكت يجون اهلي
الشيخ: باجر الضهر هما هنا
هند: خلص شيخ ما افرض نفسي علي اكثر
جربت كل شي وما نفع خل يعيش حياته بس اريد منك شغله
الشيخ: كولي بنتي
هند: يطلكني هسه وهو عيونه بعيوني
الشيخ: هسه اصيحه
عين العقل بنتي ما دام قررتي
احمد: صاحلي ابوي ودخلت عليهم باوعتلها وهي تبجي بس ما اعرف ليش ما انقهرت عليها يمكن ما ظل اثر لحبها بكلبي يـ؏ـنـي راح اطلكها وانه مرتاح الي علي سويته وهذا كل الي يهمني
هند: راح اتطلكني وراح اختفي من حياتك بس راح اكلك شي
تبقى انت حبيبي ورجلي وروحي وحياتي وكلبي وكلشي الي بهل الدنيا
انت عندي اعز من اهلي
وانه تمسكت بيك لان احبك مو قصة خباثه
احمد: خلصتي
هند:مستعجل
احمد: اكثر من ما تصورين
احس روحي مقيد بيج وما عندي حريه
• ﺂنٰ شۨـِﺂءۙ ﺂللـِه۫ہ ٰتلكين الإنسان الي يسعدج ويقدرج ويعوضج عن كلشي فقدتي بحياتج
هند
هند: اسمعك
احمد:ٲℓانــتيہ طالك طالك طالك
::::::::::::::::::::
احمد:من طلكتها احس هم وانزاح من كلبي
بس بنفس الوكت داخلي ما مرتاح احس روحي ظلمتها وياي
قرار زواجي من البدايه كله غلط بغلط
المفروض ما انطيها امل واخليها تتعلق بيه مره ثانيه
بس شسوي ما جان عندي غير هذا القرار
طلعت منها ضايج صار بوجهي عادل
عادل: شبيك مو على بعضك
احمد: طلكت هند
عادل:امشي وياي
احمد: وين
عادل: هسه تعرف
عادل: هسه تعرف
احمد:رحت وياه وصعدت بالسياره وأخذني على الشط وكال
عادل:هذا احسن مكان تفرغ همومك بي
احسك مهموم وما مرتاح
طلع عصبيتك هنا احسن ما تأذي روحك والكدامك
احمد:ما اعرف شكلك
عادل: كلشي لا تكول
شوف ابو طبع ما يكدر يغير طبعه
عصبيتك ما راح تروح منك بيوم وليله بس حاول تسيطر عليها
فكر وراك ام اب اخ زوجه وابن
هذول محتاجيك
من تأذي روحك هما يتأذون اكثر منك
الفراك مو هين احمد وخوصوصا على الي يحبك
احمد: تعرف احس روحي ارتاحيت من سمعتك
انت دائما هادئ وساكت بس من تحجي تنطي درر
عادل: شوف انه افكر بعقلي
ما اخلي كلبي يتحكم بيه
لو مخلي جا هسه سلمى شاله حال حالي
احمد: بعدك تحبها
عادل: لا
احمد: شفتك اليوم عينك ما طاحت من سمر
عادل: تعرف انه جكد غبي
احمد: حشاك من الغباء
عادل: لك كدام عيوني هاي السنين كلها وما فكرت بيها
والبنيه ما ناقصها شي
أدب واخلاق وجمال ونداره
احمد: توكل على الله
ترى خالي ما يعزها ﻋﻠﻴﻚ
عادل: ما اريد أتسرع بشي
كلبي لسه ملجوم
احمد: المفروض تسرع لا تروح من بين ايديك
عادل: اخاف كلبها مو الي وما اريد اظلمها وياي
لازم اسمع موافقتها بالاول
احمد: فرضا ما راح تجبرها
عادل: مستحيل اجبرها
احمد: انه برأي تتوكل على الله وتروح تخطبها
ما تلكى احسن منها ما يوم سمعنا عنها شي
لا تنسى تربية خالي وشداد هاي لا تقارنها بسلمى
عادل: مو قصة مقارنه بس ما اريد اجبرها علي
احمد: شلون راح تحجي وياها
عادل: ما اعرف بس ما اريد احد يعرف قبل ما اسمعها
احمد: براحتك بس اذا تريد ادبرلك موعد
انه كدها
عادل: هههههههه
• ﺂنٰ شۨـِﺂءۙ ﺂللـِه۫ہ ٰ واثق من نفسك شيخ احمد
احمد:انت كلت شيخ احمد
عادل: حب العظمه هذا راح يموتك والله خايف عليك
كمره: كملت اكل وحركت روحي شوي بالمطبخ وساعدت هديه بالعشا
جاي اثكل يوم عن يوم كملت وطلعت من المطبخ جاي اصعد ولكيت هند وكافتلي على الدرج جاي اعبرها وحجت
هند: هسه ارتاحيتي
كمره: شجاي تخربطين
هند: لا تسوين روحج غشيمه
أنتي القريتي براسه وخليتي يكرهني ويطلكني
كمره :شوكت طلكج
هند: لا والله وتردين اصدك ٲℓانــتيہ ما تعرفين شي
الله لا يوفقج لا دنيا ولا اخره
كمره: صدك فرحت من سمعت بأحمد طلكها بس ليش ما عندي علم
درت عليها وكتلها
المفروض هذا الشي يصير من زمان
هند: ما راح تتهنين بحياتج ولا راح تشوفين السعاده ما دام اخذتي شي مو الج
بس اريد اكلج شي
انه اول حب بحياته وسامعه الحب الاول مستحيل ينسي
لا تصورين احمد ينساني بيوم من الايام
راح أكون بيناتكم ًحتٍٍٍـــى واني ما موجوده
كمره: خلصتي تمسلت
اذا خلصتي خليني اعبر مالي خلك اسمع سمج
هند: هههههههه
شفتي حجيت الصدك وما تحملتي أنتي مره فوتي من يمي
كمره: الصراحه خفت منها عيونها تجدح نار
تحسها مجروحه ومأيسه وما عدها شي تخسره بس اصعد الدرج تشمرني منه بس حبيت استفزها وكلت
ٲℓانــتيہ لو بيج خير جا حافظتي على حبج الاول
ولو بيج خير جا حافظتي علي من تزوجج
بس بالحالتين خسرتي
الحب والرجل
سويتي كلشي بس حتى تظلين وما نفع وياج
هند: ٲℓانــتيہ اخر وحده تحجين
ٲℓانــتيہ خطافة الزلم
كمره: هههههههه
انه ما جبرته علي هو الجبرني اتزوجه
ومن راد يتزوجج ردت انسحب وسويت كلشي بس حتى اعوف كلشي
الجمل بما حمل
بس شنو الصار
ظل متمسك بيه وما عافني ولا سمعني وطنش كلشي سويته
من الاخير احمد يحبني الي مو ٲℓانــتيہ
انه مو ٲℓانــتيہ اكعد اتوسل بي بس حتى يخليني هنا وما يعوفني
هند:شلون يحبج الج وامس باسني
كمره: هههههههه
لا تحاولين ما تكدرين ما شايفه وحده يبوسه امس وتتطلك اليوم
هند: من يجي سألي وشوفي رده
انه الاعرفه احمد ما ينكر شي
بس تدرين طعم بوسته تخبل ترد الروح
وألحضنه مالته تجنن
كمره: ما اصدكج
احمد مستحيل يسويها
هند: ليش وجهج كام ينطي الوان
اكيد حسيتي بشي
كمره: تذكرت امس بي ريحه غريبه ومن سألته تهرب
معقوله يسويها والله لو مسويها احركه حرك
احجي بكلبي بنزلة وسام
وسام: شجاي يصير هنا
هند: هاج استلمي نزل حبيب كلبج
وسام: ٲℓانــتيہ هي الزمي لسانج واحجي عدل والله لو ما وضعج وعمليتج
جا عرفت شلون اربيج اخلاقج سز
كمره: انه اربيها بمكانك
هند: شلون بالله
كمره: ضربتها راجدي فريت راسها فر
تالي هجمت علي ودفعتني بكل قوتها بحيث انظرب ظهري بحافة الباب حسيته انكسم بالنص صرخت صوت قوي من شدة الألم
وسام: شسويتي الله لا يوفقج • ﺂنٰ شۨـِﺂءۙ ﺂللـِه۫ہ ٰ
ركضت عليها وكومتها بس ما كدرت تكوم اجيت اهجم عليها كمره كضت ايدي وكالت
كمره: عفيه اركض صيح لعمتي بسرعه الوجع موتني
راح خطيه اباوعله لونه انخطف وخاف اكثر مني صاح للشيخه واجت تركض
الشيخه: عزا العزاج ولج شوكعج هيج
كمره: ساعديني عمه بسرعه بس خل اكوم متت من الوجع
الشيخه:ناخذج المستشفى نزفتي احجي لا تسكتين
كمره: لا عمه ما يحتاج بس اتمدد شوي ارتاح واشرب علاجي
صاحت على هديه وكومني كوه ورحت تمددت بالصاله ما كدرت اصعد الدرج سألتني شلون وكعتي
وسام: هند دفعتها وانظربت بحافة الباب
الشيخه: شلون دفعتج انه الها
كمره: عمه عوفيها تولي هي باجر رايحه وبعدين انه استفزيتها
الشيخه: ٲℓانــتيہ عاقله مخبله شلون تتحارشين بيها ما تعرفينه ما تطيقج
كمره: بعد صار الصار
اجت هديه جابت العلاج وشربته وظليت مده متمدده بالصاله همزين الولد ما هم بس وسام وتالي طلع
الألم صح ما راح بس شوي خف بس ما اكدر اكوم من اكوم يزيد علي
بس ظل حجي هند يرن بذاني ما اعرف ليش
واحجي بكلبي اذا صدك طلع بايسها غير اخبله والله
بهل الاثناء ودخل هو وأخوه عادل من شفت عادل اجيت اكعد استحي اتمدد كدامه هو شافني وكال
احمد: شبيج كمره ليش هنا
كمره: كض ايدي نترته منه ودرت وجهي عنه وكلت ما بيه شي
دار على امه وكال
احمد: يمه احجي ٲℓانــتيہ شبيها ولا تضمين علي
الشيخه: هند دفعتها وصارت الضربه على ظهرها
احمد:سمعت هيج وانه تخبلت شلون تطلع حركت كلبه بيها
اجيت اكوم وعادل كضني
عادل: احمد اهدأ شوي واسكت هسه
عوفها هي باجر رايحه بعدين الي راح تسوي ما راح يغير شي
ولا تخرب كلشي سويته بلحظة غضب
احمد: سكتت ما ردت أتسرع
درت عليها ما اعرف شبيها متغيره علي وكلت
ليش ما نطيتيني خبر
كمره: ما يحتاج صرت زينه
احمد: كومي صعدي فوك تمددي
هنا صاله ظاله فرجه للرايح والجاي
كمره: ما رديت علي انه روحي طالعه من الوجع
اجيت اكوم ما كدرت كوه وكفت اجى هو كضني ومشاني وصلت الدرج
جاي اصعد ما كدرت ضغطت على ايده من الوجع هو حس بيه وشالني
جاي احجي ما خلاني وكال
احمد: اششش ما اريد اسمع صوتج
نصعد فوك واعرف ليش كالبه وجهج علي
كمره: انت مو ايدك شلون شلتني
احمد: معليج بيه
وصلت للغرفه كتلها فتحي الباب
فتحته ودخلت وخليتها على الجربايه شو هاي دارت وجها على الجهه الثانيه
ونامت
يله احجي شبيج
كمره: ما بيه شي موجوعه واريد انام
احمد: ماكو نوم لحد ما اعرف شبيج
نزلنا سوة كلشي ما بيج رجعت الكاج مبوزه ما تكليلي عليمن
كمره:شوكت طلكت هند
احمد:هذا الضايجه على موده عبالي تفرحين
كمره: ما لحكت افرح
بعدين ليش انه اخر من يعلم
احمد:اصلا محد يدري بس انه وابوي
كمره:ما ضام علي شي بعد
احمد: مثل شنو
كمره: ما اعرف انت كول
احمد: ما عندي شي أضمه
اصلا اوراقي كلها مكشوفة الج
كمره: متأكد
احمد:كمره احجي بوضوح شنو عرفتي
ولا تلفين وتدورين ترى مرارتي طكت منج
كمره: ماكو شي سد الضوا اريد اخمد
احمد: خوش راح اخليج تخمدين
رحت عليها جريتها وصارت جواي وثبتت ايديها ورجليها وهي صرخت
كمره: ااااخخخخخ شبيك الوجع موتني وخر عني
احمد: ما اوخر لحد ما اعرف شبيج
واذا ما كلتي شي هسه ابدي بيج ترى انه طاكه روحي
كمره: انت تخبلت وخر عني
احمد: احجي
كمره:درت وجهي عنه باسني بركبتي قوي وكال
احمد: والله راح اكمل
ترى ما عندي شفقه لو اعرف اسقطج اليوم
كمره: وخر عني وانه احجي
احمد:وخرت عنها وسحبتها وخليتها بحضني وكلت يله احجي
كمره: كتلك وخر عني مو تخليني بحضنك
احمد: كمرايتي احجي فدوه لخاطر علاوي
كمره: علاوي منو
احمد: ابني
كمره: انت بكيفك تسمي
احمد: اي بكيفي
الولد انه اسميهم والبنيه ٲℓانــتيہ تسميه
كمره: ومنو كلك احبلك بعد
احمد: لا تحبلين اكيف تظلين بس الي
واذا اريد جهال اتزوج وأخلف الشرع حلل اربعه
كمره: صار الزواج عندك زلاطه
احمد:هسه شلون تحجين لو ارجع
كمره:تهددني
احمد: احجي عدل ولا تنترين علي لا اشمرج من الجربايه للكاع
كمره: يله سويها
احمد: كمره لا تستفزيني والله اسويها
وعندي سوابق وياج
شايب وانا بنيه واخذوني فصليه
كمره: جريت بوش انه منا ماكلتلي دفعه من هند مو انوب شمره من الجربايه وتالي يشتغل الحزام
راح احجي وما اريدك تجذب علي ولا تنكر اذا مسويها كول
احمد: فضيها عاد
كمره: انت بست هند
احمد:هااااااا شكلتي ولج منين جبتي هذا الحجي
كمره: ما دام فهيت معناه صدك
لا وفوكاها مكعدني بحضنه شو وخر عني لا انه اشمر روحي هسه من البلكون مو من الجربايه
احمد: اثبتي وكعدي عدل واسمعيني
كمره: شسمع هااا
شلون انطاك كلبك تسوي هيج شي ما فكرت بيه
احمد: ولج اسكتي صوتج ام دميعه
بس لا تبجين وانه افهمج
كمره:جنت ناويه ما ابجي بس ما كدرت
مو بيدي كلبي مشتعل نار
احمد عوفني والله اختنكت اريد اشم هوا
احمد: امشي نطلع بالبلكون اخذي نفس وتالي من تهدأين وتسكتين افهمج بس لبسي شالج هسه الحرس موجودين
كمره:طلعت بالبلكون الهوا يرد الروح بي ريحة زرع تذكرت ايام قبل من اطلع وافتر بين البساتين حنيت الها مو هسه احمد حابسني حسره علي الطلعه
شوي هدأت واعصابي ارتخت كعدت على قنفه موجوده هناك وكتله
احمد وديني لأهلي
احمد: رجعنا لنفس الأسطوانة
كمره: اشتاقيت الهم واريد اشوفهم
مو عبالك الي بالك
احمد: اووووف منج والله كلبي طاح
عبالي طنكرتي
تدللين اخذج شوكت ما تردين
وهسه جاهزه تسمعيني
كمره: من سألتك امس وكتلك بيك ريحه غربيه جانت ريحتها مو
احمد: اي
كمره: ليش جذبت علي
احمد: خفت عليج
ادري بيج تفسرين كلشي حسب مزاجج
كمره: الف مره كتلك لا تستغفلني
احمد: ترى صبرت عليج هواي
اعصابي كوه كاضها عليج راح احجي كلشي وما اريد تقاطعيني بشي فاهمه
كمره: امري لله احجي بلكي اطلع غلطانه
احمد: من حجت بموضوعج ٲℓانــتيہ وسام ما تحملت وضربتها راجدي
حست خسرت اخر ورقه الها ما تحملت اجت مباشره شبكتني وباستني بس انه ما خليتها بسرعه عتيتها ودفعتها ومن صار هذا الشي قررت اسرع روحتها
كمره:يـ؏ـنـي هي باستك مو انت
