رواية كبرياء شيخ الفصل السادس والأربعون بقلم زينب
ولو هو نفس الشي المهم اكو بوسه بالنص
احمد: شلون نفس الشي
انه العلي كلته وانتي بكيفج
كمره: خزرته ودرت وجهي عنه
احمد: بويه شهل خزره
وداعت عيونج الحلوه هذا الصار
تدرين بيه ما احلف بهل العيون • جـۧـۧـِٰ̲جذُبٌ احبهن اعشكهن هنه الوكعن شيخ احمد بشر اعمالج
واذا تحسين بيه انه غلطان
يابه انه اسف وحكج علي وجاهز لأي عقاب الج بس كون لا تشيلين خشمج علي ما عولت كسرته
كمره: طبعا الك عقاب
احمد: بس لا تكولين اروح لأهلي
ما اوديج لو تنطبق السما على الأرض
كمره:مو كلت قبل شوي اخذج
احمد: اي اخذج بس مو زعل
اخذج راضيه وارجع وياي رجلي على رجلج
كمره:مفطوم علي شنو
احمد: ولج احبج ما اكدر بلياج بعد
عبالك طفل ومضيع اهله من ما اشوفج
كمره: خوش عقاب هذا راح انزل انام بغرفة هديه يومين
احمد: غير احرك الغرفه عليج وعليها
تقربت عليها بسته من خدها وانه اشيلها بين ايدي
كمره: عوفني هنا
احمد: هوا واشتميتي وحقي اريده اليوم غصبن عليج
ترى والله ما اتحمل بعد
كمره: والله ما اخليك
اولا ابني اخاف علي وثانياً كلبي شايل عليك
احمد: لا تخليني اسب ابنج وابوه وكلبج ادري بي ما يحقد علي
كمره ارحميني عاد والله جاي اتحسر عليج
كمره: نزلني على الجربايه
دنك باسني من شفايفي بدون مقدمات حتى ما لحكت أبعده واصلا ما اكدرله
هو هم حقه محروم بس شبيدي وما تركني لحد ما اخذ الي يريده
تالي دنك باسني من ركبتي
احمد كافي والله لو صار لأبني شي انت المسؤل
احمد: خليت راسي على راسها رجعت بستها من خدها وكتلها
انه المسؤل ٲℓانــتيہ معليج ولج هسه ياله ارتاحيت
كمره: ضربته على صدره وكتله
جكد خبيث انت خبيث خبيث خبيث
احمد: هههههههه
بعد هذا الحجي ما يفيدج اخذت حقي وزياده
ولا تخافين ما يصيرلج شي اعرف شسوي ما أتعدى حدودي
راح ادخل اسبح وانتي حضريلي ملابسي وتالي ننزل نتعشه
بسته من شفتها وكمت دخلت للحمام وطلعت لكيتها كاعده ومتربعه على الجربايه ومغندبه كتلها شبيج جنج وحده مطلكه
كمره: ما اكدر اكوم ظهري موتني وجع كله منك
من اكلك ما يصير عبالك احجي هندي
احمد: هسه اشيلج ادخلج للحمام ولا تطلعيه من خشمي
كلشي ما بيج هذا كله حجج
كمره: شحجي وياك هو انه اكدر الك
مكسر وما كاعد راحه
احمد: همزين عرفتي
رحت شلتها ودخلتها للحمام انتظرت لحد ما خلصت رجعت شلتها وخليتها على الجربايه طلعت الها ملابس وكتلها انه نازل وانتي ظلي هنا اخلي هديه تصعدلج الاكل
كمره: قبل شويه اكلت تريد تتخمني
راح انام وانت انزل بكيفك
اجى غطاني ونصى السبلت يكول ٲℓانــتيہ توج سابحه لا تتمرضين
احمد: باجر العصر حضري روحج ترحين للدكتور حتى اطمأن عليج
ظربتج اليوم على ظهرج احتمال تصير عندج مضاعفات
كمره: ما بيه شي
اصلا جان الطفل ما يتحرك من وكعت لهسه شبعني رفس
طالع على ابو حجيته بهمس
احمد: ميخالف لازم اتأكد
وشبي ابو هسه صار ما يعجب
كمره:عزا مو ذانات عنده
احمد: كلشي اعرف عنج وكلشي افهم شسوين وشتكولين
كمره: نزل هو وانه نمت بعد ما عرفت شي كعدت الصبح ظليت كله فوك
جنت أتمنى انزل واشوف هند شلون تروح حتى اتأكد بس ما كدرت واصلا احمد منعني كلي بعد ما تنزلين منا لحد ما تروح كلشي يصير المره الفاتت دفعتج المره الجايه الله اليعلم شسوي
عذرتها حقها الي تسوي مو بوعيها لو انه بمكانها اسوي ازيد منها
مهما يكون احمد حب حياتها ودمرت نفسها على موده
مو هينه عليها يرفضها بعد كل هل التضحيات على موده
لو اعرف احمد باقي على حبه الها جان انسحبت من بيناتهم
لان انه مو انانيه مستحيل افرض نفسي علي بس شاءت الأقدار وتحول حبه الي
احمد من نزل الصبح بعد ما شفته وكلما اتصل بي يرفضني لو مشغول
احسه متوتر اكثر مني
صار وكت الظهر واجوا اهلها استقبلوهم بالمضيف وصار الحجي الاهل ما قبلوا على طلاك بتهم بس احمد كلهم هذا اتفاقنا وياكم وانه وعدتكم وفيت بوعدي وهاي الامانه رجعتلكم صاغ سليمه بعد ما الكم شي عندي
بس الظاهر ما عجبهم هذا الحجي جانوا طامعين بأكثر بس ما كدرواعلى احمد
كلهم اذا تبقون مصرين على قراركم انه ارجع بقراري واقاضيكم عشأىريا وحتى قضائيا وأشتكي على ولدكم وتعرفون شنو سووا بعرسي وبالمزرعه
ووصلت للموت بسببهم ولو ما بتكم انه ما أتنازل عن ذره من حقي بس هند شفعت الهم من سمعوا هيج جروا بوش الي عرفناه هند متصله بأبوها وعمها ومقنعتهم انو هي ما تريد تطلك وانه هذا هو قرارها بس احمد سد كل البيبان بوجها بوكتها صدك فرحت وعرفت انه لو افر الدنيا كلها ما الكى مثل احمد شكرت ربي وحمدته الف مره لأن خلاه بطريقي وتأكدت ما راح اندم بحياتي ما دام هو وياي
بعد معاناة اشهر وعذاب ويه هند واخيرا راحت وخلص كابوسها صح تعذبت بس ما دام راحت كلشي يهون لخاطر احمد وابني وحتى عيالي
ما اجازيهم لأن تحملوني وتحملوا خبالي وصبروا علي لو ناس غيرهم جا حطوا بيه طابع وطلكوني من زمان
بعد ما راحوا صعد الي احمد بس فتح الباب بسرعه ركضتله شبكته وظليت ابوس بوجها بكل مكان
احمد: كافي ولج لا تخليني ابدي بيج
كمره: واخيرا رجعت الي وحدي
احمد: من الاول انه الج وحدج بس شسوي لعقلج
اذيتي روحج واذيتيني وياج وعيشتينينا بمر وردتي تخربين حياتج وحياتي وياج كتلج بس اصبريلي وسانديني كلشي ما ردت منج
بس ٲℓانــتيہ كلشي طلبته منج سويتي العكس
كمره: اعترف جنت غلطانه وحقك شما حجيت
احمد: ما ندمانة
كمره: لا
تعرف ليش
احمد: ليش
كمره: لأن احبك وهذا السويته من غيرتي ﻋﻠﻴﻚ
ولو يرجع بيه الوكت وترجع نفس الأحداث هم ارجع اسوي نفس الشي
احمد: والله مخبله ٲℓانــتيہ
المفروض اشمرج بأقرب شماعيه
كمره: ينطيك كلبك
احمد: لا والله ما ينطيني
كمره: رجعت شبكته حيل واستنشقت عطره ما جاي اشبع من ريحته
احمد: راح تظلين هيج
كمره: احب عطرك
احمد:يله حتى نتغدا ورانا دكتور
كمره: بعدك مصر على الدكتور
احمد: يا يوم كلت شي ورجعت بي
بس شغله وحده
كمره: شنو هي
احمد: طلاكج
كمره: هم زين رجعت بي وما سمعت كلامي انه الغبيه
احمد: غبيه قليله عليج
والا اكو وحده تعوف الشيخ احمد
كمره: مغرور
احمد:هههههههه
كمره: والله صرت زينه
جزعت روحي من الدكاتره والمستشفيات والأدوية
شوف اليوم والله جني حصان
احمد: حبيبتي لازم اتأكد حتى ارتاح ولا تنسين جاي تختنكين هواي
كمره:يـ؏ـنـي تحجي على عنادي وانت اضرب مني
احمد: بلا حجي زايد لا تنزلين هسه راح انزل ومن اصعد الكاج جاهزه
بستها من شفتها ونزلت كبل لا تحجي شي
الله بلاني بوحده خبله ولسانها ضيم بس احبها
كمره:طلع وانه حضرت روحي بدلت وكملت وحضرت كلشي واخذت تقاريري القديمه
صعدتلي هديه الغدا وتغديت وتالي اجتلي رساله كال يله انه جوه انتضرج
نزلت لكيته هو وعمتي ينتظروني
وصلنا للعياده وانتظرنا شويه كدامنا كمرمراجع دخلت انه وعمتي
الدكتورة اخذتلي سونار وطولت بي اكثر من مره وتالي حجت
الدكتوره: وضع الطفل وصحته زينه تٌـٌـمـــ😻ـٌـٌإأإآم وانتي بداية السادس
بس
كمره: شنو دكتوره
الدكتوره:الطفل جاي على مقعده
الشيخه: وشنو المشكله دكتوره هواي أطفال تجي هيج
الدكتوره: صح بس وضع المريضه يختلف
الشيخه: ليش لا سامح الله
الدكتوره: بهذا وضعها اذا بقى الطفل ما دار على راسه
ما تصير ولاده طبيعيه
كمره: عادي دكتوره خليها عمليه
الدكتوره: ماما انه شاكه بشغله اذا ثبتت عندي ما تصيرلج حتى العمليه
الشيخه: دكتوره على بختج ظلمتها علينا كولي شي يفرح
الدكتوره: ما اريد اجاملكم على حساب صحتها
الشيخه : والحل
الدكتوره: سوولي هاي التحاليل وارجعولي فورا
كمره: طلعنا انه وعمتي ما مستوعبه شي درت عليها وكتلها
عمه هسه لا تكولين لأحمد شي خلينا نتأكد وبعدين اكيد يعرف
الشيخه: • ﺂنٰ شۨـِﺂءۙ ﺂللـِه۫ہ ٰ
كمره: أخذنا احمد ما بينتله شي بس داخلي خوف رهيب شنو تقصد الدكتوره بهذا حجيها سويت التحاليل ورجعت شويه ودخلنا الها كالت مثل ما توقعت
اذا زوجج موجود خل يدخل اريد احجي وياه
راحت عمتي صاحتله واجى وكالت الدكتوره الشي الي صدمني وخلاني لا اخذ ولا انطي
الدكتوره : زوجتك الطفل جاي على مقعده واذا ظل هيج ما تصير الها ولاده طبيعيه لازم عمليه بس بعد ما عرفت حالتها حتى العمليه تعرض حياتها للخطر
احمد: ليش دكتوره وشنو الخطر
الدكتوره: زوجتك مشكل وياها تضخم بالقلب نتيجة الاختناقات الي تتعرض الها
احمد: شهل الحجي هذا
الدكتوره: العمليه تعرض حياتها للخطر لأن ما تتحمل البنج
احتمال كلبها يوكف اثناء العمليه
بس الطفل ما يصيرله شي
احمد: غمضت عيوني من الصدمه عقلي ما جاي يستوعب الي حجته الدكتوره
والحل دكتوره
الدكتوره :ننتظر منا لشهر التاسع اذا ما دار الطفل نضطر نسوي الها ولاده قيصريه بس احتمال الطفل يولد بي أعاقه
واذا رفضتوا هذا الحل نضطر نجازف بالعمليه
كمره: دكتوره واذا دار الطفل
الدكتوره: ولاده طبيعيه وتحت إشرافي لأن هم بيها خطوره على حياتج لا تنسين كلبج مو سليم
احمد: يـ؏ـنـي بكل الحالات اكو خطر على حياتها
الدكتوره : مع الاسف
وراح احولكم على دكتور قلبيه يتابع حالته منا لحد ما تولد واذا نضطر بيوم ولادتها هم لازم يحضر
احمد: خلص دكتوره الغي العمليه وحتى الوالده الطبيعية
اهم شي صحتها الطفل ما يهمني
كمره: .............
:::
شكرا لزيارتكم عالم روايات سكيرهوم
