رواية كبرياء شيخ الفصل السابع والأربعون بقلم زينب
دزيتلك روحي بظرف
من توصل انت اقراها
لو تبقى يمك للأبد
لو ترجع انت وياها
::::::::::::::::::::::...::::::::::::::::::::::::::::::::
كمره: مستحيل أضحي بأبني
احمد: وانه مستحيل أضحي بيج
كمره: بس انه ما اكدر أتخلى عن ابني حاول تفهمني
الدكتوره: احتمال يدور الطفل منا لشهر التاسع اكو امل
الشيخه: يمه كلام الدكتوره عدل هسه هذا الحجي مو وكته
ننتظر منا لشهر التاسع والله كريم
الدكتوره: احتمال يدور الطفل منا لشهر التاسع اكو امل
الشيخه: يمه كلام الدكتوره عدل هسه هذا الحجي مو وكته
ننتظر منا لشهر التاسع والله كريم
احمد: واذا دار الطفل جاي تكلج حتى الولاده الطبيعية بيها خطوره على حياتها شبيكم انتم
الدكتوره: اهم شي هسه تراجع دكتور قلبيه حتى يتابع حالتها
وان شاء الله يطلع التضخم مصاحب للحمل بس
يـ؏ـنـي بعد الحمل احتمال يرجع الوضع طبيعي
هذا الحجي يأكده الكم الدكتور
احمد: • ﺂنٰ شۨـِﺂءۙ ﺂللـِه۫ہ ٰدكتوره
كمره: طلعنا من الدكتوره احمد بس ينافخ وانه مو اقل منه بس عندي امل ما يصير النا شي لا انه ولا ابني بس احمد شيقنعه
طول الطريق ولا باوع لوجهي واحسه محتقن وعمتي بس تهدي بس وصلنا للبيت وكال
احمد:نزلوا
كمره: وانت
احمد: ٲℓانــتيہ نزلي ومعليج بيه
كمره: ًحتٍٍٍـــى تسوق بخبال وهل مره مو تدخل بشبه لا تذب روحك بشط العرب
احمد: كتلج نزلي وبلا حجي زايد
كمره: ما انزل اذا ما تنزل كبلي ولا تنسى انت حلفت الي
الشيخه: استهدوا بالله شجاكم
احمد: ٲℓانــتيہ وتالي وياج لا تخليني هسه اشيلج شيول وانزلج من السياره
كمره: كتلك ما انزل
احمد: استغفرالله
كمره: جاي يعيط بيه بجية شداد بس شفته نزلت ورحت اله اركض ادري بي هو الي يكدر علي على الاقل هو يكدر يسوق بمكانه
شداد عفيه الحك احمد اصعد وياه ولا تخلي لوحده
شداد: ليش شصاير
كمره: هو هسه يفهمك بس الحكه عفيه والله خايفه علي
شداد: لا تخافين واحجي على كيف هسه اصعد وياه
كمره: نزلت عمتي وراحله شداد بسرعه من شافني احجي ويه شداد نطت عيونه كلت بكلبي من ايدك انت الجبرتني اسوي هيج
دخلنا للبيت انه مالي خلك حتى احجي بعد
عمتي كلتلهم كل شي وعمار طمنها وكللها هذا التضخم ولادي احتمال كلش جبير شويه ارتاحيت بس بالي كله يم احمد صعدت للغرفه بدلت ملابسي وظليت انتظره وهو ماكو فاتت ساعات وهو نفس الشي احس روحي طلعت
التلفون حركته علي حرك
حضرة الشيخ مطنشني لو ينطي رفض لو يشغله اخر شي دزيت رساله وكتله
والله يا احمد وامان الله اذا ما اجيت خلال ربع ساعه تجي وما تلكاني بالبيت
وهل مره اسويها صدك لو اعرف تهجج اهلي من العراق كله مو بس من الديره
فاتت نص ساعه مو ربع وهو فعلا حكرني وما اجى لبست الشال والصايه
وهل مره فعلا مصممه اروح وشيصير خل يصير جاي افتح الباب صار بوجهي وكال
احمد:يـ؏ـنـي لو متأخر عليج دقيقه جان رحتي مو
كمره: موتتني حس بيه عاد ترى انه بشر دم ولحم مو لعبه عندك
كلبي مثل النار ﻋﻠﻴﻚ وانت ما يهمك عسى ما احترك
احمد: وناويه ترحين وحدج مو
كمره: هذا الهامك اروح وحدي
لا تخاف شيخ احمد جنت ناويه اخابر واحد من اخواني يجي علي
احمد: هههههههه
من كل عقلج تطلعين منا حتى لو اهلج كلهم يجون مو واحد منهم
لج انه منبه على ابو جبار والحرس بس يلمحون خيالج برة ينطوني خبر مو انوب ترحين
كمره: والله جنت ناويه اطلع شعدي ظاله يمك وانت ولا معبرني
ما شفت تلفونك شكم مكالمه وشكم رساله انه انبح وأنت مغلس
احمد:كمره كفي شرج عني وخليني ارتاح لخاطر محمد ترى روحي واصله لخشمي
كمره: بسببي مو
ما ظل شي وتخلص مني اتحملني بس كم شهر
احمد: أنتي مخبله عاقله
بلا هل الحجي الي يسد النفس
كمره: تعرف مو صوجك صوجي انه المحتركه على مودك
عفته ورحت تمددت على الجربايه وما درتله بال شفته راح اخذ المنشفة ودخل سبح وطلع بدل ملابسه واجى تمدد يمي وجرني علي ونيمني على صدره بسرعه نزلت دموعي باوعتله عيونه حمر وبيها دموع باسني من كصتي كال
احمد:طلعي العبره وابجي على صدري احسن ما تظل خانكتج
كمره: بس سمعته دموعي انهدن علي وظليت اناشغ وابجي على صدره وهو حاضني بكل قوته ودموعه تصب وياي
اول مره اشوف احمد يبجي هيج بحركه وأول مره ما يكلي لا تبجين اخر شي تعبت وسكتت وكال
احمد: هسه ارتاحيتي
كمره: يـ؏ـنـي
وانت ارتاحيت
احمد: لا
ما اتخيل خسارتج ابد
يمكن اتنازل عن حقي اصير اب بس ما اكدر أتنازل عنج
كمره احبج فكدج مو هين علي
مو عبالج انه ما عندي رحمه من كلت الطفل ما يهمني لا بالله احترك كلبي وانه اكولها بس ٲℓانــتيہ تختلفين
انتي روحي وعمري وكلبي وكلشي الي بحياتي
ولا عبالج راح استسلم واسكت لا
من باجر اخذج لأحسن دكتور يعالجج
كمره: يحجي وياي ودموعه تصب وما وكفت ابد
بسته من شفته وكتله
والله عندي احساس ما يصير النا شي لا انه ولا ابنا
وراح نبقى يمك وراح تمل من عدنا
احمد:بحياتي ما املج ٲℓانــتيہ بس صيري زينه وكلشي تردين اسوي الج
كمره: تعرف احمد هاي يمكن حوبة هند هيج طلعت بينا
احمد: لا تفصمين ولا تحجين حجي ما ينبلع هند شعليها وشلها دخل
كمره: هي كالت بعمرج ما تتهنين ولا تشوفين السعاده ما دام اخذتي شي مو الج
احمد: وانتي صدكتي حجيها
كمره: جانت تقصدك انت جنت الها وانه اخذتك منها
وهاي دعوتها علي
احمد: هذا الصارلج كله مكتوب من ربج لا هند ولا غيرها اله دخل بي
وشيلي حجيها من بالج ولا تفكرين بي
الي عليج هسه بصحتج وبس
كمره: احمد اطلب منك طلب بس عفيه لا تردني ولا تكلي مو زين عليج
احمد: كولي
كمره:اخذني للزياره
انت مو سميت ابني علي
اخذني لأمام علي اريد ازور واندعي من ربي اطلع سلامات انه وابني بضريح ابو الحسنين
احمد: صار يا روح احمد
بس ما نروح وحدنا
كمره: ليش
احمد: ناخذ امي ويانا وعادل وشداد وأخته سمر
كمره: بعد احسن المه تصير احلى
احمد: لا أبالي غير شي
كمره: شنو هو
احمد: راح اكلج بس ما تحجين لأي واحد
كمره: ماشي سرك بكهوة
احمد: • خـٰــُِلصہ ما اكول شي
كمره:والله اشاقه وياك والله ما احجي كول
احمد: عادل يريد يخطب سمر بس خايف ترفضه
وانه اريد أمهدله الطريق حتى يحجي وياها ويسمع ردها
كمره:صدك واخيرا انفكت عقدت اخوك
احمد: واخيرا
كمره:زين ليش ما تحجون رسمي هما بيت خالك ما اصدك يرفضون وخصوصا عادل كامل من كلشي
شهاده واخلاق وثكل وهيبه وأحلى منك هو
احمد: احلى مني
ولج شو ٲℓانــتيہ مركزه بي هواي
كمره: هههههههه هههههههه
والله ردت احجيك هو اكو احلى من حبيبي وابو ابني
فديتك انه احبك وأموت ﻋﻠﻴﻚ
احمد: خبله بسرعه قشمرتيني
كمره:ما عبالي تغار من اخوك
احمد: لج انه أغار حتى من الهوا الي تتنفسينه
كمره: احمد اذا صارلي شي هم تتزوج من بعدي
احمد: ٲℓانــتيہ بس سكتي وكلشي ما يصير الج
كمره: فرضا
احمد: اكيد اتزوج
كمره: مو اطلعلك من الكبر واخنكك وأصير كابوسك واخليك الليل ما تنامه
احمد: هههههههه
لج ٲℓانــتيہ اذا صارلج شي لا سامح الله عبالج اظل عايش
اذا ما متت وراج اتخبل
كمره: لا عفيه لا تسوي بروحك شي من بعدي ابني منو يظل اله على الاقل انت ابوه ودير بالك علي محد يحن علي غيرك
احمد: كمره لخاطر ربج سكتي ولا تحجين شي ترى جزعت روحي من حجيج
خليني بس اشم ريتحج حتى انام
كمره: انزل تعشا لا تنام جوعان
احمد: ما اشتهي شي شو دوري
كمره: درت على الجه الثانيه وهو طبكني علي وخلى راسه بين جتفي وشعري ظل يشم بشعري واحس بدموعه تنزل على ركبتي وحضني بأدي الاثنين حيل وحجى وهو يبجي
احمد:كمره اذا تحبيني لا تموتين والله ما اتحمل اموت وراج
كمره: ما حجيت شي بس ظليت ابجي على كيف حتى لا يحس بيه ادري بي كلبه الي يبجي مو عيونه غفينا سوى كعدت الصبح ما لكيته
نزلت جوا سألت علي كالت امه
الشيخه : راح هو وعمار على مودج صديق عمار الدكتور يعرف واحد وراحوا يسألون علي
اليوم شلون صرتي
كمره: الحمدلله زينه احس روحي طبيعيه ما بيه شي
الشيخه: • ﺂنٰ شۨـِﺂءۙ ﺂللـِه۫ہ ٰۦ⇣ نخيت من الله وأهل البيت يوكفون وياج
كمره:الله يخليج النا ولا يحرمني منج أنتي امي الثانيه
رحت عليها وشبكتها وبجيت بحضنها
الشيخه: عمه لا تبجين كطعتي كلبي
ٲℓانــتيہ عندج ايمان بالله
كمره: اكيد
الشيخه: توكلي على ربج وسلمي امرج اله وهو يوكفلج
رب العالمين اذا اختبر بشر وصبر علي ورضى بقسمته يوكف وياه وما يخذله
كمره: ونعم بالله
انه ما خايفه على روحي خايفه على احمد
ما شفتي شصارله امس تحسين كلبه التعبان مو كلبي
الشيخه: شبيدي يا بنيتي هذا احمد ما فد يوم ارتاح
كمره: سمعت صوت تحمحم شلت راسي من حضن الشيخه واشوف شداد صافن علي وعيونه تحجي كبل لسانه
الشيخه: ها عمه ما حسينا بيك ادخل
شداد: احمد ماكو ادك علي وما يشيله ظل بالي علي
الشيخه: طلع هو وأخوه ما ظل شي ويجون
كمره: اباوعله يحجي ويه عمته وعينه علي اجى كعد يم الشيخه ودرت جاي اطلع وكال
شداد: كمره فد استكان جاي اذا ما تصير زحمه
كمره:كتله تدلل
خدرت جاي وانه افتر بالمطبخ واحس نظراته تفتر وراي ما عولت بس اخلص ًحتٍٍٍـــى اطلع من يمه خليت الكوب على الميز وعمتي كامت تشوف الطباخ وكال
شداد: كمره خليج قويه من امس لليوم وانه ما ضايك طعم النوم
اذا مو لخاطر احد لخاطر احمد ما شفتي حالته امس من ركبت وياه
بس يصير الج شي احمد ينتهي
كمره: هو منو كاسر ظهري غير احمد
حجيت وانه خليت عيوني بعيونه اريده بس يعرف انه مستحيل اشوف واحد غير احمد شفته دنك وعيونه صارت حمر عذرته هو هم مو بيده كلبه يمشي بس جم دوب لازم ينسى كمره اصلا جاي يخليني بموقف محرج
والله لو احمد يشوف هاي النظرات ما اظمن اصلا شنو راح يسوي بي
ترخصت وصعدت فوك صعدت وراي هديه
هديه: كمره الشيخه تكول ليش صعدتي فوك جان ظليتي ما ظل وكت بعد للغدا
كمره: هيج مالي خلك واحمد على جيه وشداد موجود ما حبيت تصير مشاحنات
هديه: حقج خيه هو الشيخ ما يتفاهم
بس اعذري الشيخه هي ما عدها علم بشي
كمره: اصلا عاذرتها
شويه وسمعت صوت احمد اجى جوا خابرت على هديه سألته شداد بعده لو راح كالت بعده ظليت ما نزلت تانيته هو صعد بس فتح باب الغرفه اجى شبكني وكال
احمد: اليوم شلونها كمرايتي
كمره: شبكته حيل وانه اشم بركبته وكتله مشتاقتلك
احمد: جبتلج خبر بلكي يفرحج شوي
كمره: شنو هو
احمد: دكتور سيف خابرني وكلي نتيجتج ناجحه ٲℓانــتيہ
الف مبروك كمرايتي
كمره: ما ادري ليش ما فرحت ظليت ساكته ما حجيت شي وخر عني وكض وجهي بأدي وكال
احمد: ليش ما فرحتي مو جانت امنتيتج هاي خلصتي مرحله
كمره: منو يكول الحك على المرحله الثانيه بعدني ما مكمله باسني من شفتي وحجى
احمد: هاي اخر مره اسمعج تحجين هيج
ما راح يصير الج شي
كمره: رجع شبكني حيل وأيده تمسح على شعري وظهري حسيت براحه وانه بين ايدي هو الوحيد الي يكدر يهديني ويخليني أتفاءل
احمد:يله ننزل نتغدا ولا تكولين ما اكل اذا ما تنزلين انه هم اضرب وياج
لو اكسر حلفاني واطلع اسوق بخبال
كمره: لا نازله اصلا جنت اتانيك ادري بيك من تشوفني ما اكل انت هم ما تاكل
نزلنا تغدينا والكل على الغدا تحسهم ضايجين الوضع مكهرب محد اصلا فتح موضوع وحجى وحتى الاكل اشوفهم كوه يأكلون انه من يمي انقهرت عفت الاكل ورحت للمطبخ احس العبره كضتني
هديه: كمره لا تسوين بروحج هيج الله كريم وداعتج كلشي ينحل
وهسه تشوفين الشيخ يشوفلج حل وما يظل ساكت
كمره:ما اكدر مو بيدي
ظليت شوي كاعده تالي سمعت صوت احمد صعد صعدت وراه للغرفه لكيته كاعد ومخلي ايده على عيونه بس شافني كال
احمد: باجر نروح للدكتور القلبيه حجزت عنده حضري روحج
كمره: ماشي
رحت كعدت يمه وكضيت ايديه وكتله
اي شي يكوله الدكتور لا تعترض الله يخليك
احمد: اكيد اي شي ما يأذيج ما اعترض علي
واذا كال الطفل يأثر على صحتج واكو خطر على حياتج
كمره مستعد أضحي بأبني على حسابج
كمره: لا احمد فدوه لا تكول هيج
كل تعبي هذا يروح بالخالي بلاش
احمد: لا تناقشيني انه مقرر ومنتهي
كمره: مو بكيفك حياتي انه مسؤله عنها والي بطني ابني مثل ما هو ابنك
احمد: ٲℓانــتيہ وابني مسؤليتي انه الي اقرر عنكم ماشي وبلا نقاش كلت ما اريد
كمره: والله يا احمد ابني ما أتخلى عنه لو اعرف يظل اخر يوم بحياتي
وشتريد تسوي سوي
عفتله الغرفه وطلعت احس الخنكه كضتني ظليت واكفه يم الغرفه وكضيت بالحايط اجر النفس كوه بطلعة وسام من غرفته شافني وجهي صار ازرك
اشرتله بأيدي بمعنى اريد اشتم هوا فتح الباب على احمد وصاحله اجى يركض علي وخر الشال من عندي وسام بس شاف هيج خلى ونزل وظل احمد يفرك بصدري لحد ما رجعت أتنفس طبيعي بس بعدها كضتني دوخه ردت اوكع بس هو كضني ومشاني لحد ما وصلت للجربايه راد ينومني كتله لا واشرتله على البالكون راح فتحها وجاب الشال ولبسنياه ومشاني لحد البالكون وكعد هو على القنفه وكعدني وخلى راسي على صدره وكال
احمد: شفتي شصار هاي بعدج عود لا عمليه ولا بنج
كمره: اتحمل والله بس انت لا تفكر تتخلى عن ابنك
احمد: ما تعرفين شنو عايش من صراع انه بس الله اليعلم بي
كمره: ماشي انه وياك بكلشي بس اريد منك وعد
احمد: ما اوعدج بأي شي
كمره:بس اسمعني
احمد: احجي
كمره: اذا كال الدكتور ماكو اي امل ولو حتى واحد بالميه اعيش بعد العمليه
ما اسويها
بس اذا كال اكو امل اعيش بعد العمليه اسويها
احمد:منا لباجر الله كريم لا تتوقعين اوعدج بشي يخص حياتج لأن لو صارلج شي بسببي اموت بعدج فهمتي
كمره: • خـٰــُِلصہ احمد بس لا تصير اعصاب اصلا بعد ما افتح هذا الموضوع منا لحد ما اشوف الدكتور شنو هو يقرر وانت هم لا تضغط على روحك لا يرتفع ضغطك
احمد: لو بيدي اشيل تعبج ومرضج عنج بس اخ ما بيدي شي
كمره: اسم الله ﻋﻠﻴﻚ من المرض والتعب
بسته بخده وكتله اسفه عصبتك ورفعت صوتي ﻋﻠﻴﻚ
احمد: لو الصياح والعياط يحل الموضوع مستعد اخليج للصبح تصيحين علي وانه اكعد اتفرج عليج وما احجي شي
كمره: حاوط يأيده جتافي وكضني من وجهي وظل يمشي بأصبعه على خدي
وكال
احمد: وجهج ذبلان وما بي روح
كمره: رجعت بسته من ركبته وشبكته بأيدي اثنينهن ودفنت راسي بصدره
وكتله والله احبك وأموت ﻋﻠﻴﻚ
احمد: بستها من راسها وكتلها اذا هيج طاوعيني
كمره: الله كريم
بعدها ارتاحيت شوي وهو آجاله اتصال وطلع وانه دخلت للغرفه بديت اعزل وأنضف بيها هي ما بيه شي بس انه اطلع الشغل بيها كوه اريد بس اكتل التفكير وأشغل روحي بإي شي بس حتى الوكت يخلص
واجى ثاني يوم الي اروح بي للدكتور اصلا الليل كله ما نمنا لا انه ولا هو
ومرت الساعات وهو ما شفته بعد ندك الباب وفتحته لكيته عمار كال
عمار: احمد يكول حضري روحج حتى ترحين للدكتور
كمره:احمد وين
عمار: عنده شغله صارت لهيج تأخر
كمره: هو يجي ياخذني
عمار: لا انه اخذج ومناك هو يلحكنا
حضري روحج على ما اروح ابدل واكل لأمي تحضر روحها
كمره: تٌـٌـمــام
بدلت ملابسي وكملت ونزلت لكيت عمار وعمتي يتانوني
وصلنا عمار لعيادة الدكتور هو صديق عمار بس شافه عرفه وكله ادخل انه عاندت كتله ما ادخل لحد ما يجي احمد
عمار: هسه يجي والله بس الطريق ازدحام كمره لا تعاندين انه يمج
كمره: كوه قنعني ودخلت بس ما مرتاحه لان احمد ماكو احس شي ناقصني
بدى الدكتور يفحصني وانه عيني على الباب بالي كله يمه ولا يم الدكتور
الدكتور : اختي تسمعيني شنو احجي
كمره: هاااا
الدكتور: لا ٲℓانــتيہ ابد ما مركزه وياي
عمار : كمره شرحي للدكتور حالتج كلها وشنو تحسين من تختنكين
كمره: حجيت للدكتور كلشي
الدكتور: تسويلي هاي الفحوصات كلها وبعدين اقرر شنو حالتج
الشيخه : دكتور اكو شي يخوف
الدكتور: الله كريم • ﺂنٰ شۨـِﺂءۙ ﺂللـِه۫ہ ماكو شي بس خل اتأكد
كمره: طلعت من الدكتور بطلعتنا اجى احمد وكتله وانه ضايجه منه
شكلتلك روحك من عفتني وحدي هنا
احمد: أشش سكتي صوتج منا عالم بعدين اكلج بس هسه شنو كال الدكتور
عمار: طلب من عدها كم فحص بعدها يقرر
كمره:أخذوني وسويت كل الفحوصات الكال عليها الدكتور ومن ضمنها تخطيط القلب وتالي رجعنا للدكتور وانطاه عمار الفحوصات والتحاليل بس شافهم ضحك وكال
الدكتور: لا تخافين ماكو شي يخوف
عندج خفقان بسيط وهذا مصاحب للحمل فقط
وبعد ولادتج • ﺂنٰ شۨـِﺂءۙ ﺂللـِه۫ہ ٰيرجع وضعج طبيعي بس لازم نعالج حالة الاختناق الي تصير عندج
احمد: دكتور وضع العمليه شنو
الدكتور: اذا اطلب الأمر عمليه بحالة وحده وهي اذا الطفل ما دار
نضطر يكون البنج قليل لو بنج موضعي وانه أكون حاضر
احمد: جكد نسبة الخطر على حياتها
الدكتور:٥٠بالميه
احمد: واذا دار الطفل
الدكتور: • ﺂنٰ شۨـِﺂءۙ ﺂللـِه۫ہ ٰيدور لأن نسبة الخطر على حياتها تقل
وان شاء الله ما نضطر للعمليه القيصرية
كمره: دكتور هذا الخفقان بكل حمل يصير لو بس بهذا
الدكتور: سبب الخفقان هو حالة الاختناق الي عندج اذا عالجتيها
تكدرين تحملين مره ومرتين وتلاثه بصوره طبيعيه
احمد:دكتور من الاخر اريدك اطمني
الدكتور: دكتور احمد زوجتك • ﺂنٰ شۨـِﺂءۙ ﺂللـِه۫ہ ٰتطلع منها سلامات هي وابنك
ولا تخاف عليها وأحب اطمنك اكثر هاي مو اول حاله أعالجها مثلها مرن علي وهواي هم وطلعوا سلامات ورجعوا حملوا مره ثانيه وثالثه
الشيخه: الله يطمنك ويفرحك دكتور مثل ما طمنتا
ما تعرف من امس لليوم واحنا جارعين المر
كمره:باوعت لأحمد وابتسمت بس شو هو خزرني بس خلي المهم ابني كلشي ما يصيراله
رجعنا للبيت عمتي فرحت الكل
الكل فرحان الا احمد بسرعه صعد وصعدت وراه وكتله
ليش ما فرحت
احمد:ما مقتنع بحجيه
كمره: احمد لا تنغص علي فرحتي الله يخليك
احمد: شوكت تراجعين الدكتوره بعد
كمره: من ادخل بالسابع ليش
احمد: هيج بس سؤال
كمره: اعرف شيدور براسك
احمد: كمره اذا ما دار الطفل العمليه تحلمين تسويها
كمره: اسويها
احمد: بصياح
كلت ما تسويها وخلص ولا تحجين شي بعد فاهمه
كمره: عاط بيه وطلع وما شفته بعد منا ١٢ بالليل ياله اجى
احمد: ليش بعدج كاعده امس أنتي ما نايمه واليوم هم هذا كله مو زين عليج ويتعب كلبج
كمره:انت متعب كلبي
احمد:شتردين مني
وادويتج اخذتيها
كمره:اي اخذتها
راح بدل واجى تمدد يمي رحت فتحت ايده ونمت على صدره
وما حجينا شي بعد لا انه ولا هو اصلا الحجي ما يفيد هو عنودي وانه معانده وما طايح بيها غير هذا الطفل المسكين
ومر هذا الشهر طبيعي ودخلت بالسابع وقررنا نروح للزياره بس احمد اجلها كال نشوف شتكول الدكتوره عليج ياله نروح
وكلي امل اروح الها وتكلي الطفل داير
واجى وكت مراجعتي الها وانه ما خليت دعاء ما دعيته وما خليت نذر ما نذرته بس كون يدور رحنا بس انه وعمتي وصلنا وسام للعياده احمد بيها جان عنده شغل وما كدر يأخذنا ولا يجي ويانا بس دخلت هي شافتني وضحكت وعرفتني وكالت تعالي ام كلب
بدت تفحص بيه واخذتلي سونار وما نطت اي ردة فعل تفرح عرفت الوضع على حاله ًحتٍٍٍـــى ما سألتها بس عمتي سألتها
الشيخه: هااا دكتوره بشري
الدكتوره : الوضع كله طبيعي وضع الطفل ممتاز بس هو بعده على مقعده ما داير
الشيخه: ماكو امل يدور
الدكتورة: مع الاسف ما يدور
اذا دار هاي معجزه
الشيخه: ليش دكتوره
الدكتوره: رحم الام شبه طفولي ما يدور الطفل جنت شاكه من ذاك الشهر وما حبيت اكول كلت يمكن اكو امل للشهر الي بعده بس هسه تأكدت
الحل الوحيد هو تجازفون بالعمليه
كمره:والقيصرية دكتوره
الدكتوره:ما انصحج بيها الطفل يتعوق لأن مو على راسه حتى نكدر نسحبه
كمره: ماشي دكتوره
طلعنا منها وكلت لعمتي لا تكولين شي لأحمد الله يخليج مو عايز هو
الشيخه: لازم يعرف
كمره:لا عمه لا تكولين شي
الشيخه:واذا عرف شلون
كمره: منين يعرف لو انه لو ٲℓانــتيہ
الشيخه: وداعتج يعرف احمد ما ينظم علي شي
كمره:رجعنا للبيت وصعدت للغرفه لكيته كاعد ومنتظرني
احمد:شكالت الدكتوره
كمره:هاااا
نفس الحجي ماكو شي جديد
احمد: متأكده
كمره: اي
احمد: وليش ما تحطين عيونج بعيوني
كمره: هيج بس تعبانه
احمد: رحت عليها وجريتها من ايدها وطبكتها على الكنتور حاوطتهابأيدي وكتلها تحجين ٲℓانــتيہ لو انه احجي شكالت الدكتوره
كمره: هااااااااا
احمد: من الاخر كمره عمليه ماكو شيليها من بالج نهائيا
كمره:..........
انت تخصني تخصني بجميع ما هو بك
ابتسامتك لي قلبك لي كلماتك لي قميصك المليئ بعطرك لي
أيضا تخصني فراغات أصابعك لي وأيضا حزنك لي وانا المتكلف به
:::::::::::::::::::::::::::::::::::::::::::::::::::::::::::::::::::::::::
كمره: حضنته ردت بس اهدي حتى نحجي بهدوء ونوصل لحل ظليت حاضنته وهو ساكت ما نطق كلمه تالي وخرت عنه وكضيت ايده وكتله خلينا بس مره وحده نحجي ونتفاهم مثل البشر بدون صياح الله يخليك بس اسمعني
احمد: ما عندي تفاهم بهذا الموضوع
كمره: زين شلون فهمني يبقى الطفل ابطني
احمد: ما عندي تفاهم بهذا الموضوع
كمره: زين شلون فهمني يبقى الطفل ابطني
احمد: لا شلون يبقى
العمليه القيصرية أأمن الج
كمره:تريد الطفل يتعوق
اذا ما متت بالولاده من يتعوق ابني بسببي معناهه اموت باليوم وانه اشوفه الف موته ترضاها انت تشوف ابنك هيج
احمد:اكيد ما ارضى بس ما اريد اخسرج بسببه
اذا هو موجود وانتي لا اظل اكرها طول عمري
كمره: ما تكدر تكرها هذا ابنك قطعه من كلبك
بس تشوفه راح تحبه اكثر مني
احمد: ما اصدك يجي اي واحد وأحبه اكثر منج
لج ٲℓانــتيہ النفس الي يصعد وينزل وياي ٲℓانــتيہ روحي
كمره: والحل شنو احمد
احمد: كتلج الحل
كمره:وانه مستحيل اطبق حلك
انه قررت اسوي العمليه وخلص وانت بكفيك تريد تقبل ما تقبل هذا شي راجعلك
احمد:لج توقيع العمليه بأيدي
اذا ما وقعت عليها شلون تسويها
كمره:راح توقع متأكده ما راح نهون ﻋﻠﻴﻚ
رجعت حضنته وتالي بسته من خده
احمد:ما اتقشمر هيج لا تحاولين
كمره:ادري بيك ما تقتنع بسهوله بس ما راح استسلم
احمد:وانه مستحيل أوقع على فرمان موتج بأيدي
كمره:منو يكول اموت انت ليش مأيس من رحمة الله
احمد:هسه وانتي تحجين وياي كوه وصدرج مقبط وكل ساع مختنكه
من تأخذين بنج شيصير بيج
كمره:عندي احساس كلشي ما يصير والدكتور بنفسه كال
احمد:الله كريم منا لبعد شهرين هسه سدي الموضوع
كمره:ابتسمت ورجعت بسته من شفته وكتله راح اقنعك
احمد:حضري روحج عكب باجر نطلع للزياره
كمره:صدك واخيرا قررت
احمد: وعدتج نروح وراح نروح بس ما اريد تعبين روحج وكلبج ماشي
فره هواي ما اريد كل شغله تعبج ما اريدج تسويها بس اشوفج عاندتي هناك ترى انه مخبل كبل اصعدج بالسياره وارجعج هنا
كمره:ترى انه اريد اروح ازور مو افتر
احمد:معناها اتفقنا من هسه
كمره:واجى اليوم الي بي نروح للزياره كعدت من الصبح متفائله واحمد بعده نايم كعدته ما قبل يكعد كلت هسه شلون راح نتأخر ظليت اتحارش بي اكضه من خشمه لو اضغط على عيونه كله وما فاد ما كو غير حل بسته من خدوده هم ما كعد تالي شلون وياك قربت شفتي يم شفته وبسته وما حسيت غير حاوطني بإيدي وضغط علي حيل وباسني بشفتي قوي وما يرضى يعوفني كتله
ايا ملعون انت مو نايم وتضحك عليه
احمد:هههههههه
اصلا جنت كاعد كبلج واباوع عليج وانتي نايمه ومن شفتج كعدتي سويت روحي نايم ردت اشوفج شتسوين ما ادري بيج وكحه وما ردت أفوت هاي الفرصه
كمره:عوفني ويله كوم راح نتأخر
احمد: ما اعوفج اريد بعد بوسه
كمره:كوم يله حباب لا تصير طماع
احمد:اعترف انه طماع تبوسيني لو اكنسل الروحه
كمره: تسويها خبيث
رجعت بسته وكتله يله تريد بعد
احمد: لا كافي اصبر روحي بذن ومن نوصل هناك اكضج
كمره:كمت دخلت كبله للحمام سبحت وطلعت وهو دخل وراي بدلت لبست فستان مريح شوي للسفر ولفيت شالي وانه محضره ملابسنا وكلشي قبل يوم وحضرت ملابسه وهو طلع شافني وكال
احمد:العبايه تلبسيها من هسه
كمره:ليش من نوصل هناك البسها
احمد:كلت منا ولا تعاندين
كمره:اي غير اعرف ليش شو انه راح اركب سياره
احمد:الحمل مسمنج ومبين تفاصيل جسمج كلها ترديني اعرض بيج
كمره:وين تعرض بيه وما رايحه ويه غربه وبعدين العبايه تعثرني عفيه احمد حباب والله بس نوصل للنجف البسها
احمد: عادل وشداد ويانا حتى لو مو غربه كمره لخاطري لبسيها
كمره: ماشي ما راح اعاندك
طلعتها من الجنطه ولبستها وكتله هسه ارتاحيت
احمد:باوعتلها لبستها طلعت عليها احلى بت اللذين شايله جمال ما شايف مثله قربت عليها وعدلتها عليها وكتلها مطلعتج هيبه
كمره:اي اصبغ بيه حتى ما انزعها
احمد:كافي يله امشي ننزل
اخدت الجنط ونزلت كبلها وهي نزلت وراي لكيت امي وعادل ينتظرونه جوا سلمنا على اهلي وطلعنا
ركبنا بسيارة عادل وتالي رحنا لبيت شداد لكيناه ينتظرنا بسياره هو وخالي وأخته بعدها انطلقنا
كمره:بس تحركت السياره رجعت نمت خليت راسي على جتف عمتي وبعدها ما حسيت جكد نمت كعدت لكيت روحي على صدر احمد شابكني بأيده رفعت راسي وكتله ليش انت هنا وعمتي والبقيه وين
احمد:وكفنا بالاستراحة وما هونت اكعدج هما راحوا يتغدون شويه ويجون
كمره:امشي ننزل لازم تاكل خو ما تظل بلا اكل
احمد:لا ما تسوى بعد وصيت راح يجيبون النا وياهم سفري رجعي نامي
كمره:كول ما اريد انزلج
احمد:مخبل وانزلج كدام الشباب اصلا كلت فرصه أنتي نايمه
كمره:شبيك احمد هو منو يباوعلي بعد شوف بطني واصله لخشمي
احمد: اي حقج هو من ما يباوع
هو انه رجلج خبلتيني مو انوب الغريب
كمره:أسكت عنك احسن الي هو انه وين اكدرلك
شويه واجو حول احمد على الصدر واجت عمتي كعدت يمي وجابونه وياهم اكل واكلنا بالطريق انه اكلت شي قليل بيه طبع بس اركب السياره وتمشي مسافه طويله استفرغ ما اتحمل يصير عندي غثيان
بعد ساعات وصلنا للنجف بس شفت قبة الامام نزلت دمعتي
وصلنا للكراج صفوا السيارات ونزلنا بس شافني احمد كال
احمد:بجيتي
كمره: ما اتحملت بس شفت الكبه
احمد:كمره شحجينا قبل لا نجي
كمره: موبيدي كلبي محمل
احمد:هو شتعب كلبج غير البجي والنوح
لخاطري تحملي
الشيخه:يله يمه شبيكم لا تظلون واكفين هم ياله الشمس قويه كتلتنا
كمره:وصلنا للفندق احمد حجز تلث غرف وحده النا وحده لعادل وعمتي وحده لبيت خاله
أخذنا المفتاح ودخلنا لغرفتنا احمد اتفق وياهم العصر نزور هسه تعبانين لازم نرتاح
بس دخلت للغرفه شمرت العبايه وذبيت روحي على الجربايه تعبانه كلش من السياره كسرتني
احمد:كومي سبحي حتى جسمج يرتاح وتنامين براحه
كمره:ما بيه خليها بعدين كلش جسمي مكسر
هو دخل سبح وانه نمت كعدت العصر لكيته ماهو دخلت سبحت وبدلت ملابسي انتظره شويه واندك الباب صحت منو
سمر: انه سمر
كمره:لبست شالي وفتحته الها
سمر:يله الكل ينتظرج جوا استعجلي
كمره:ما عندي شي اصلا جنت انتظر احمد
سمر:هو كال روحي استعجليها
كمره:كتلها انتظريني لبست الشال والعبايه ونزلنا انه وسمر
انتبهت على عادل عيونه تدور وراها وين ما تروح بس هي ثكيله
انه من يمي خفت ترفضه هي البنيه ما ناقصها شي حــ̝͒͟ہۧلوھہُۂ͛˿. ومرتبه
طلعنا كلنا الولد كدامنا واحنا وراهم وصلنا للمقام هنا لازم نفترق كلمن يروح يزور وحده
احمد:كمره ديري بالج على روحج امي ما تيهيها منج وظلي لازمه ايدها
اذا شفتي ازدحام جوا ما تدخلين لا تنمردين ويطلعن ابنج من خشمج
واذا شفتي روحج اختنكتي كبل طلعي حتى لو تزورين من بعيد ماشي حبيبي
كمره:من كلي حبيبي كدامهم خجلت هو صح رجلي بس استحي
عدل شالي جان شعري شوي طالع منه والعبايه وكل لأمه
احمد: ديري بالج عليها مو تضيع منج وهذا مكانه بس تطلعون تنتظرونه هنا
الشيخه:لا يمه لا تخاف عليها
كمره: هما راحوا واحنا دخلنا وصلنا للضريح شافته عمتي ازدحام كالت
الشيخه:كمره ما تكدرين تدخلين ازدحام هذن يموتنج
كمره: عمه جا شلون
الشيخه:ظلي هنا احنا راح نزور ونرجع بلكي شوي يخف الازدحام ونروح نزور مره ثانيه
كمره: كعدتني عمتي بمكان شوي قريب على الضريح بحيث شباك الامام صار كدامي وهنه راحن يزورن صليت صلاة الزياره واخذت كتاب اول شي قريت الزياره وظليت اقرا ادعيه اقرا وابجي ودموعي ما بطلن واندعي كون ربي يطلعني من هاي المصيبه سلامات انه وابني ويهدي كلب احمد ويخلي يوافق على العمليه شافتني مره شوي جبيره بالعمر جانت كاعده يمي ابجي وكالت
الحجيه: • ﺂنٰ شۨـِﺂءۙ ﺂللـِه۫ہ ٰحاجتج مكضيه
تبجين من كلبج اكيد مهمومه
كمره:همي جبير خاله بس الله يكدر يحله
الحجيه:• ﺂنٰ شۨـِﺂءۙ ﺂللـِه۫ہ ٰبنيتي منين ٲℓانــتيہ لهجتج جنوبيه
كمره: من البصره
الحجيه:هذا الوجه الحلو للبصره
كمره:ضحكتني انه وين وهي وين تحجي
الحجيه:متزوجه خاله ٲℓانــتيہ وليش وحدج هنا
كمره:خاله ما تشوفين بطني متزوجه وحامل
وعمتي وياي راحت تزور شويه وتجي
شوي واجت عمتي فحطانه وحالتها حاله وسمر تضحك عليها
الشيخه:يمه موتني خنكني الله لا ينطيهن ولا تنحسب الهن زياره
كمره: كعدتها يمي وكتلها ارتاحي شوي اباوع الحجيه كصت سمر بعيونها
الحجيه:هاي الحلوه تعودلج خاله
كمره: اي خاله
الحجيه:لا تكليلي هم معرسه
كمره:لا بعدها
الحجيه:ما تنطونياها
الشيخه:حجيه احنا ما ننطي للغريب يمنا مو انوب محافظات
اعذرينا حبيبه
الحجيه:معذوره بس شفتهن حلواة ما يتفوتن
كمره:كملنا زياره وطلعنا انه وسمر وحده تباوع الثانيه ونضحك شافونه الولد انتبهوا علينا
احمد: شبيجن مبتسمات
سمر: ماكو شي بس حجيه خطبت مرتك
احمد: شلوووون
كمره: لا والله جذب اصلا خطبتها الها
عادل: خطبتج
كمره:تقربت يم عادل وكتله
احم استعجل ترى لا تطير من عدك هو باوعلي وضحك وكال
عادل:ٲℓانــتيہ خو اضرب من رجلج لا تخافين ما اطيره مني
احمد: يله امشونه نرجع
الشيخه:انتو رجعوا انه راح اخذ سمر وافتر شوي بالسوك
كمره: أخذوني وياكم
احمد: ماكو فره امشي نرجع
كمره:شوي وارجع والله ضايجه
احمد :امشي نرجع وبالليل نطلع انه وياج نفتر
كمره: اكيد مو تقشمرني
احمد:وعد
كمره:رجعنا للفندق وجبنا ويانا اكل لأن جعنا من وصلنا ما اكلت وهو هم الضاهر كلشي ما مأكل خلصنا وسألته
اكلك عادل شوكت يحجي ويه سمر احسها ما عدها مشاعر اله
احمد: ما اعرف بس هي ثكيله من قبل حتى جياتها النا ينعدن على الأصابع
كمره:خل احجي وياها انه
احمد:تدبريه
كمره:شوف احجي وياها وافهمها وبعدين انت تكل لعادل يجي هنا ويفتح وياها الموضوع
احمد:خوش تفكرين بس شلون تحجين وياها
كمره:هسه هما على جيه انت انزل وصعدها الي كلها كمره تريدج وانت انزل فهم عادل ومن انطيك خبر خلي يصعد
احمد:ولج الضاهر ٲℓانــتيہ خبره
كمره:لا تحط بيها انه
احمد:ما أحط شي شو تعاي يمي شوي خل اشبع منج
كمره: جرني علي ونيمني على صدره وظل يبوس بوجهي وتالي حضني قوي وانه عطت
كمره:خنكتني وخر عني
احمد:ولج شسويتيلي وخليتيني احبج واتعلق بيج هيج
كمره: تذكر شكتلك اول ما خطبتني
احمد:شكلتي
كمره: كتلك انه كمره انحب ما احب
احمد:ايباخ ما تحبيني ها
كمره:تريد الصراحه بالبدايه ما جنت اطيقك وجكد كرهتك وخصوصا من هددتني تاخذ الكاع من اهلي
احمد:جنتي متوقعه اسويها واخذ الكاع
كمره:بالبدايه ما جنت اعرفك وصدكت كلت عندك سلطه تكدر كلشي تسوي واهلي ناس فقره يا دوب نلحك على العيشه
