رواية كبرياء شيخ الفصل الثامن والأربعون بقلم زينب
احمد:هم زين صدكتي ًحتٍٍٍـــى تصيرين الي
شوفي مستحيل أضر احد وخصوصا اهلج حتى لو ما وافقتي
وراح اكلج شغله محد يدري بيها بس انه وابوج
كمره: شنو هي
احمد:حولت الكاع بأسم ابوج ثاني يوم عقدنا
كمره:صدك تحجي
احمد:هذا حقه وتعبه هو ولده الهم سنين بيها شلون انه اجي على الحاضر واخذها هيج بلا كلب شايفتني
كمره:وابوي شلون قبل
احمد:كتله اذا ما تقبل اطلك بتك لو احرمك ما اخليك تشوفه طول عمرك
وهو كوه اقتنع وكال انطيك فلوسها لو يظل دين بركبتي لأخر يوم بعمري
كمره:وانطاك الفلوس
احمد:ليش انه محتاج فلوس
انطاني وردة بيته وصارت شمعة كلبي تسوى عندي مية كاع
كمره:لهل درجه تحبني
احمد:اذا اكلج احبج اضحك عليج
كمره:هااااا
احمد:مو بس احبج اتنفسج اموت عليج اعشكج بيوم الما اشوفج افقد
كمره لا تلوميني من ارفض العمليه بس اذا رحتي مني اتخبل
كمره:شميته من ركبته وبسته وحضنته وكتله
والله ما اروح منك واظل مجلبه بيك لأخر يوم بعمري
بس انت اتفائل شوي
احمد:سلمت أمري لله يحفظكم اليه ويطلعكم سلامات ٲℓانــتيہ وابني
كمره: • ﺂنٰ شۨـِﺂءۙ ﺂللـِه۫ہ ٰيا كلبي وعمري انت
احمد:راح انزل اشوفهم اجو واخلي سمر تصعد الج
كمره:باسني من شفتي ونزل وكمت عزلت الغرفه ورتبت كلشي شويه واجت سمر
سمر: دزيتي عليه بيج شي رادت عمتي تصعد وياي واحمد ما خلاها
كمره: كلشي ما بيه تعالي اريد اكلج شغله تخصج:
سمر: كولي
كمره: شنو رأيج بعادل
سمر:ابن عمتي
كمره: قابل ابن الجيران ادري بي ابن عمتج
سمر:شتقصدين
كمره:اذا خطبج تقبلين
سمر: هااا ما اعرف ٲℓانــتيہ شمدريج
كمره:هو بنفسه حجى ويه احمد ويريد ياخذ موافقتج قبل لا يحجي ويه ابوج واخوج ٲℓانــتيہ شتكولين
سمر:هو بنفسه حجى متأكده
كمره: والله العضيم ليش ما مصدكه
سمر: ليش هو مو يحب بت عمه وراد يخطبها
كمره: هذا الحجي صارله هواي وهو هسه رادج الج
سمر: خايفه
كمره: ليش
سمر:اذا اكلج انه احبه وميته علي يمكن ما تصدكين
كمره:صدك
سمر: جان كلي امل يخطبني الي بس تفاجإت من سمعت بي خطب بت عمه وقررت ادوس على كلبي وانساه
كمره: ونسيتي
سمر:ٲℓانــتيہ تكدرين تنسين احمد
كمره: اكيد لا
سمر:من اشوفه كلبي يوجعني
كمره: توكلي بالله ولا تضيعين هاي الفرصه
ترى ما تلكين ظفره عادل شاب معدل والف وحده تتمناه
راح يصير الي سنه اعرفه بس ما يوم من الايام سمعني كلمه تغث
سمر: اخاف بعده كلبه متعلق بيها
كمره: لا أنتي متوهمه ما شفتي اليوم من سمع بالحجيه الي خطبتج شلون نطت عيونه
شوفي اذا سمعتي منه ترتاحين
سمر: استحي احجي وياه
كمره: صيري جريئه حتى لو بس اليوم وبعدها رجعي استحي
سمر: ٲℓانــتيہ شتكولين
كمره: اصلا انطيت خبر لأحمد راح يصعد يحجي وياج خليج قويه وسألي الي مخوفج ماشي
سمر: ماشي
كمره: شويه سمعنا دكت الباب هي ظلت ترجف كضيت ايديها وهديتها
فتحت الباب وكتله
عادل ضمنتها الك بس الباقي ﻋﻠﻴﻚ خايفه منك شوي
عادل: ما اعرف شلون اجازيج
كمره: بعيوني تدلل
عادل: دخلت لكيتها كاعده ومدنكه وتفرك بأيديها تقربت عليها وكضيت ايديها وكتلها خايفه مني
سمر: هااااااا ايييي لا
عادل: ههههه شبيج يابه ما راح اكلج اريدج بس تسمعيني
سمر: اسمعك
عادل: اول شي رفعي وجهج خل اشوف عيونج
سمر: لا تسوي هيج استحي
عادل:كسري حاجز الخجل بينا اذا قبلتي بيه راح تصيرين مرتي
سمر: .........
عادل: احجي لا تسكتين اذا ما قابله ما اجبرج
سمر: لا قابله
عادل:هههههههه
من كلبج
سمر: احبك من زمان انه بس انت ما تعرف وياما تمنيت تحجي وياي
عادل: اووووف توني ارتاحيت جنت خايف ترفضيني
سمر: وانت تحبني
عادل: ما اريد اجذب عليج بديت احبج
سمر: وبت عمك
عادل: ما الها مكان بكلبي
سمر: شلون اتأكد
عادل: هسه اكلج شلون جريتها علي واخذت شفايفها بوسه طويله
ورادت تدفعني ما خليتها شبكتها حيل وظليت اتفنن بالبوسه لحد ما حسيت بيها خدرت بين ايدي وخرت عنها وهي عيونها مغمضه وكتلها فتحي عيونج
سمر: فتحت عيوني وانه اباوعله
عادل: تزوجيني
سمر: دفنت راسي بصدره وكتله اي
عادل: اليوم افتح الموضوع ويه خالي واخوج
سمر: خليها من نرجع
عادل:لا اليوم احسن فرصه
رجعت بستها بوسه خفيفه وطلعت من الغرفه لكيت بوجهي احمد
احمد:نكول مبروك
عادل: امشي نكل لأمي ونفتح الموضوع ويه خالي وشداد
احمد :مستعجل اخوي
عادل: دك الحديد وهو حار
كمره: دخلت للغرفه لكيتها مسنحه وشفتها مورمه
عزا بعينج وين راحت مستحاج
سمر: سكتي عني انه لسه مصدومه وما مصدكه شسويت
كمره: هههههههه
سمر: اي ضحكي علي اشوفج ما مريتي هيج
كمره:ٲℓانــتيہ زين صاحيه انه بوكتها راد يغمى علي
سمر: هسه شلون انزل والله استحي من ابوي واخوي اذا شافوني
كمره: والله طلع الشيخ عادل مو هين وانتي بسرعه سلمتي روحج اله
سمر: هو انه اكدرله لفني لف شلون ما ادري
كمره: خلي مرطب شوي يخف الورم
سمر: انطيني اذا عندج
كمره:انطيتها مرطب وخلت منه صح ما خفته بس على لأقل ما مبينه كلش نزلنا انه وياها لكيناهم بصالة الفندق رحنا لمطعم تعشينا بعدها طلعنا انه واحمد افترينا بالسوك وكل محل مال أطفال بس اشوفه ادخله واظل محتاره شنو اخذ واحمد يضحك عليه تالي تعبنا ورجعنا للفندق بدلت ملابسي وكبل نمت حتى ما اعرف احمد شوكت نام كعدت الصبح على بوسات خفيفه على وجهي فتحت عيوني وكتله صباح الخير
احمد: صباح الوجه الحلو والعسل والكيمر
تدرين اشتهيت كيمر
كمره: انزل جوا بالمطعم موجود
احمد: مو طيب مو اصلي
كمره: من نرجع للبصره اكله كله اصلي
احمد: ليش اتاني البصره يمي موجود
كمره: وين موجود
احمد: وجه حبيبيتي احلى من الكيمر
كمره:وانه عبالي تحجي صدك
احمد:هسه ما اضوك
كمره: لا
احمد:ليش
كمره: بكيفي
احمد: صارت هيج
كمره: شفته زعل راد يكوم كضيت ايده ورجعته وكتله يله ضوك
احمد: من ورى خشمج ما اريد اتنغص
كمره: قبل لا أغير رأيي
احمد:لا عمي تعالي هم راضي
جريتها بوسه صباحيه نستني همي وجعي كله خليتها خدرانه
كمره: انه ليش ما اريدك تبوسني اظل وراها نص ساعه مطفيه
احمد:هههههههه نعله على ابليسج يله كومي ورانه طريق
كمره: كمت بدلت وحضرت الجنط هو نزلهن
حاسب الفندق وطلعنا لكربلاء بس وصلنا هناك كال ما نطول بس نزور ونطلع للبصره
دخلنا لمقام الامام الحسين عليه السلام وزرنا هل مره ازدحام قليل كضتني عمتي من ايدي ورحنا دخلنا يم الضريح كضيت الشباج وظليت اناشغ وابجي ًحتٍٍٍـــى الحجي ما كدرت اطلعه حسيت بروحي شوي اختنكت طلعت من الهوسه وتكترت على ما زارن عمتي وسمر تالي طلعنا رحنا زرنا ابو الفضل انوب توجهنا للبصره انه كالعاده بس صعدت السياره نمت الطريق طويل
ما اعرف جكد نمت حسيت احمد يكعد بيه شوكت وصلنا ما اعرف
احمد:ما تكليلي مكوكه ٲℓانــتيہ بس تمشي بيج السياره تنامين
اذا ما تكعدين اشيلج والله
كمره:لا شنو تشيلني هسه اكوم بس خل اصحصح شوي انطيني صبر
كوه نزلت من السياره دايخه وصعدت للغرفه هو اجى وراي وجاب الجنط
دخل سبح وانه ظليت اعزل بالجنط اندكت الباب كلت منو
هديه:انه كمره
كمره: دخلي
هديه:الحمدلله على السلامه وزياره مقبوله
كمره:الله يسلمج مكانج فارغ صح سريعه بس صدك ارتاحت نفسيتي
هديه:الله يهدي سرج ويحفظج النا يارب
كمره: مشكوره بعد كلبي ٲℓانــتيہ
هديه: هااا اجيت اكلج نزلي تغدي
كمره : يطلع احمد وننزل سوا
ومرت الايام بدت صحتي شوي تتحسن مراجعتي للدكتور ما بطلتها كل أسبوعين احمد ياخذني إله والدكتور يطمن بي وهو ابد لسه ما مقتنع
ورأسه والف سيف والعمليه ما يريدني اسويها ودخلت بشهر التاسع والدكتوره حددت موعد العمليه كالت هذا اخر حل الج كتلها رجلي ما مقتنع كالت حاولي تقنعي تقارير كلبج زينه تبشر بخير والاختناق خف من عندج
كتلها الله كريم احاول ولو ادري بي ما يقبل
اهلي دروا بوضعي وما فاركوني امي خطيه يوميه تجي الي هي وخالتي ويصبرن علي واحسهن ضايجات ومهمومات بس ما يكدرن يحجن شي كدامي اخاف يأثر على حالتي النفسيه
بعد كم يوم للعمليه لازم احاول أقنعه بس شلون ربي منك انطيني الحل جان طالع تانيته على ما اجى بس دخل شافني مهمومه وكال
احمد: شبيج
كمره: تعرف شبيه بعد يومين موعد عمليتي
احمد:انسي
كمره: ما انسى لازم اسويها
احمد:مو بكيفج كمره جاي تعبان ومنعول حظي لا تبدين رجاءا
كمره:اذا ما تخليني اسويها ادوس على كلبي واعوفلك البيت وأمشي
احمد:ٲℓانــتيہ حاولي تطلعين منا وشوفي شسوي
كمره:اطلع واحجي صدك هل مره كافي ترى جزعت ومليت وانه اقنع بيك
احمد:اكسر رجلج بس تتحركين خطوه وحده بره الغرفه مو البيت
كمره:انه كتلك وانت بكيفك بس والله ترجع وما تلكاني
احمد:شلون تطلعين
كمره : يطلع احمد وننزل سوا
ومرت الايام بدت صحتي شوي تتحسن مراجعتي للدكتور ما بطلتها كل أسبوعين احمد ياخذني إله والدكتور يطمن بي وهو ابد لسه ما مقتنع
ورأسه والف سيف والعمليه ما يريدني اسويها ودخلت بشهر التاسع والدكتوره حددت موعد العمليه كالت هذا اخر حل الج كتلها رجلي ما مقتنع كالت حاولي تقنعي تقارير كلبج زينه تبشر بخير والاختناق خف من عندج
كتلها الله كريم احاول ولو ادري بي ما يقبل
اهلي دروا بوضعي وما فاركوني امي خطيه يوميه تجي الي هي وخالتي ويصبرن علي واحسهن ضايجات ومهمومات بس ما يكدرن يحجن شي كدامي اخاف يأثر على حالتي النفسيه
بعد كم يوم للعمليه لازم احاول أقنعه بس شلون ربي منك انطيني الحل جان طالع تانيته على ما اجى بس دخل شافني مهمومه وكال
احمد: شبيج
كمره: تعرف شبيه بعد يومين موعد عمليتي
احمد:انسي
كمره: ما انسى لازم اسويها
احمد:مو بكيفج كمره جاي تعبان ومنعول حظي لا تبدين رجاءا
كمره:اذا ما تخليني اسويها ادوس على كلبي واعوفلك البيت وأمشي
احمد:ٲℓانــتيہ حاولي تطلعين منا وشوفي شسوي
كمره:اطلع واحجي صدك هل مره كافي ترى جزعت ومليت وانه اقنع بيك
احمد:اكسر رجلج بس تتحركين خطوه وحده بره الغرفه مو البيت
كمره:انه كتلك وانت بكيفك بس والله ترجع وما تلكاني
احمد:شلون تطلعين
كمره:ما راح اكلك هسه
عباله اجذب علي
خليته نزل ونزلت لعمي الشيخ كتله علي
الشيخ:شسويله رجلج ما يتعاند
كمره: ساعدني وخليني اطلع منا
الشيخ: وين ترحين لأهلج يجي وراج ويرجعج
كمره:انت اخذني لإي مكان ما يعرفه بس خلي يوم واحد ما يشوفني انه اعرف نقطة ضعفه
الشيخ:بويه تردين توكفين كلبه
كمره:لا عمي انت تظل وياي بس اهدده والله واخلي يوافق على العمليه
انت الوحيد الي ما يكدر يوكف بوجهك
الشيخ:خلص روحي حضري روحج وتعاي
كمره: والحرس
الشيخ:معليج ٲℓانــتيہ راح تطلعين وياي محد يكدر يفك حلكه بس خل تجي وياج هديه وحدج اخاف يصير الج شي
كمره: لبست الشال والصايه واخذت كم شغله الي وأخذنا هديه وغلقت موبايلي وصعدنا ويه الشيخ بالسياره بالبدايه خفت ما يخلوني اطلع تالي محد حجى بس شافوا الشيخ اخذنا لبيت مو بعيد عنهم شوي قريب
الشيخ:راح تظلون هنا هذا البيت النا ومحد يدري بي وهم قريب علينا
اذا لا سامح الله صار شي نكدر نوصلج بسرعه
ولا تخافن مأمن ومحد يكدر يوصل الجن
انه هسه راح ارجع واكله اذا تريده ترجع وافق على العمليه
كمره: • خـٰــُِلصہ ،عمي راح اظل وراك
احمد:رجعت للبيت صعدت فوك ادوره ماكو كلت ما معقوله تسويها وتطلع
صحت على امي ما تعرف وينها
دكيت على موبايلها مغلق
سألت اخواني كلهم محد شافها تخبلت وين ولت بها الليل ركضت على الحرس سألت عليه كالولي طلعت ويه الشيخ
رجعت للبيت لكيت ابوي كاعد ولا همه شي وانه محترك عليها حرك
كتله بصياح وين وديتها
الشيخ:لا تصيح علي احترمني انه ابوك
احمد:يابه لخاطر محمد احجي كول وين راحت بهل الليل وديتها لأهلها
الشيخ:لا ولا تكول لأهلها شي وتخوفهم بهل الليل
احمد:يابه تعرف وضعها زين كلبه تعبان لا تجيها الحاله وهي وحدها ما تخاف عليها
الشيخ:لا تخاف عليها تريدها ترجع وافق على عمليتها
احمد:يابه تريدني اموتها بأيدي
الشيخ:اتقي الله ابني الكاتبه ربك يصير
وضعها تحسن من شنو خايف انت بعد
احمد:نضحك على روحنا ونكول تحسن
لا تجبرني يابه ما اكدر اوافق
الشيخ: بكيفك خليها مرتاحه بعيده عنك
احمد:منو وياها
الشيخ:هديه وياها
الشيخه:يمه وافق شلون تنام الليله وهي بعيده عنك وتعرف وضعها
احمد:اووووف منج كمره عرفت منين تكضني
• خـٰــُِلصہ كول وين وديتها
الشيخ:تسمع موافقتك ياله ترجع
احمد:شلون قنعتك بس اريد افتهم
الشيخ:الام كلشي تسوي
ما تريد تضر ابنها
احمد:على حساب حياتها
الشيخ:ابني سلم امرك لربك واذا مكتوبلها تعيش تعيش واذا لا لو حبستها بقفص هم الله ياخذ امانته
احمد :غمضت عيوني ما ردت اخذ القرار بلحظة ضعف مني وخوف عليها
عفتهم وصعدت الغرفه ظلمه من دونها روحي شاطت احسها تريد تطلع مني
ما كدرت اظل بيها طلعت للإسطبل اخذت العنود وظليت افتر لحد ما تعبت رجعت للبيت دخلت لكيتهم كاعدين كلهم ابوي باوعلي وكال
الشيخ: شقررت بويه
احمد:خليت ايدي على راسي صعبه والله انطقها بس شسوي ما عندي غير حل كتله
• خـٰــُِلصہ موافق بس كلي وين هي
الشيخ:اريدك توعدني وعد رجال كدام اخوتك وامك
ما ترجع بقرارك
احمد:يابه كافي والله وعد بس كلي وين هي ترى روحي خلصانه
الشيخ:انتظر شوي
كمره:البيت الي كعدنا بي صح ما بي احد بس مرتب ونظيف
وبي مشتمل صغير يحرسون البيت كاعده بي عائله صغيره الحارس ومرته وعنده ثنين بنات
البنيه ما تركتنا جابت النا كلشي نحتاجه
بس انه كلبي مثل النار خايفه من ردة فعل احمد شيسوي بيه بس يسمع انه طلعت من البيت وبدون علمه بس شسوي هو الجبرني اسوي هيج
ظليت افتر بالبيت مثل المخبله وبنفس الوكت هم خايفه على احمد
هديه تهدي بيه وتكلي الشيخ هسه يقنعه لا تخافين شويه واجت مرت الحارس وكالت الشيخ دك على تلفون رجلي يكول خل تفتح تلفونها يريد يحجي وياج
ركضت بدون شعور للتلفون فتحته وأول ما فتحته اجت المكالمات والرسائل من احمد تركع حارك التلفون حرك علي شويه وخابر الشيخ وكال
الشيخ:بنيتي رجلج وافق على العمليه من يدك عليج احجي وياه
كمره:فرحت وظليت ابجي من الفرحه ما مصدكه
هديه: يااا خايبه شمالج تخبلتي ساعه تبجين ساعه تضحكين
كمره:وافق واخيرا راح اسوي العمليه
هديه:غير تفرحين عليش البجي بعد
كمره:من الفرحه بجيت جنت مأيسه
احجي ويه هديه ودك التلفون بس شفته هو خفت اشيله وبعدين كلت ما دام وافق كلشي يهون جاهزه لأي شي يسوي الي شلته وكلت الوو
سمعته يبجي وكال
احمد:شلون انطاج كلبج تسوين هيج بيه
كمره:................
::::::::::
