د
رواية روح أيوب الفصل الرابع بقلم رحبة
-مش هينفع!
قولتها لنفسي وأنا باصه في المراية
-مش هينفع تفضلي خايفة كدا ،مفيش حاجه تخوف لازم تاخدي خطوة
مش دا أيوب اللي بتحبيه ؟
قعدت علي السرير بقلة حيلة بفكر هعمل اي
اتجوزنا من مدة بسيطة وحاسه إني طول الوقت متوترة مش عارفه اتأقلم على الوضع الجديد
أيوب حنين مش بيضغط عليا وبيحاول يقرب المسافات بينا لكن أنا كل خطوة منه ببعد زيها
أنا بحبه بس عندي رهبة ، أو خجل مش عارفه
لكن عارفه إن مش هينفع نفضل كدا
احنا عملنا كتب كتاب بسيط وقبلها كانت الخطوبة بالضوابط فملحقتش آخد عليه أوي بس هو بيتعامل عادي اذا دا خوف غير مبرر مني أنا!
يا رب
قومت أجهز الغدا قبل م ييجي وسيبتها على ربنا
-روح
-أنا هنا
ابتسم لي
-عامله اي
جبتلك حاجه حلوة وأنا جاي
بصيتله بفرحة
-بجد؟ مش عارفه أقولك اي ربنا يحفظك يا رب
-مش لازم تقولي حاجه
كفاية أشوف الفرحة دي وكفاية خوف
اوبس!
لقد عَلِقنا هنا
كنت عارفه إن المواجهة جايه جايه مهو مش هفضل كدا
-ينفع نتكلم بعد الغدا؟
-اللي تحبيه
أكلنا في صمت زي م يكون كل واحد فينا بيرتب كلامه
بعدين جهزت قعدة لطيفة في البلكونة تخفيفا من حدة الموقف
-أيوب
-أنا مش عايز أضغط عليكي لكن مينفعش نعيش كإننا أغراب عارف إننا متعاملناش بشكل أقرب قبل كتب الكتاب لكن انت مش مدياني فرصة أقرب منك أو حتى أساعدك
-أنا خايفة
-مني؟
-لا،بالعكس
-اومال ليه محسساني إنك مغصوبة عليا
هو قال اي ؟!
مغصوبة ؟ كله الا إني أكون سبب في شعور زي دا عنده
-متقولش كدا عشان خاطري
أنا بس خايفة من الفكرة ومن الوضع الجديد ، خايفة تعرفني عن قرب أكتر تزهق ،خايفة أكون مش قد المسؤلية ،خايفة إني معرفش أبطل أخاف!
صدقني أنا بحاول بس ..
-ليه مقولتليش ؟
أنا دوري أطمنك ، احنا مشتركين في الحياة دي سوا تشاركيني خوفك وأنا أطمنك وأشاركك همومي وانت تهوني عليا مش كدا ؟
-عندك حق أنا آسفة
-مش عايزك تعتذري دي مشاعرك متعتذريش عنها
بس مش عايزك تفكري وتتعبي لوحدك أنا جمبك وأنا يا ستي بقولك انك قد المسؤلية انت مش شايفة انك مهتمية بيا وبالبيت وبنفسك بقالك اد اي ؟!
مفيش أشطر منك في عيني
كلامه طمني ،شال خوفي
يمكن الحل كان إني أشاركه من الأول خصوصا إنه عمره ما فشل يطمني !
-شكرا
-مش كفاية شكرا بقا أنا بقيت عايش عليها
ضحكت على ردة فعله
-أنا آسفة إني خليتك تحس إني مش عايزاك
أنا محبتش غيرك يا أيوب وبتطمن بوجودك جمبي خليك عارف كدا
ابتسم بفرحة شوفتها في عينيه اللي بحبهم
-الله!طب م انتَ حلو اهوه
-يوه!خلاص بقا
ضحك
-بتتكسفي يا عسلية !
-هقوم بجد خلاص
ضمني ليه وقعدنا باصين للقمر
يشبهه!يشبه حبيبي
شكرا لزيارتكم عالم روايات سكيرهوم
