رواية غرفة العمليات الفصل الخامس بقلم جمانه السعيدي
اسيل...شغل السياره واني عيوني تجري
عقلي انشل مجاي اكدر افكر
شلون اني مو بنيه كل عمري واني محافظه على نفسي
اريد اعرف منو هذا الي دز الرسايل
وشلون هو يعرف هيج معلومه خطيره
عني واني مااعرفه
مجاي اكدر افكر ياناس اني شكاعد يصير وياي
شلون اني مو بنيه والدكتوره اتاكد
اني مو بنيه صار فتره
شنو صار فتره يعني شكد هاي الفتره
حتى مااطلع من البيت وحدي
شلون اني مو بنيه
ومنو هذا الشيطان الي يريد يدمر حياتي وليش
امسح دموعي وعقلي بغير عالم
شراح يكول ابوي رجعت علي بليلة عرسي
وزوجي الي مات حتى ياخذني يتهمني بشرفي
كل الناس تحمد باخلاقنا وتربيتنا
حتى ماهر كان متفاجئ من كميه المديح
جمانه السعيدي
ماهر ساكت بطل يضربني ويغلط عليه يمكن تعب
يمكن مثلي مامصدك
يعتقد اني ممثله بس ماكو هيج تمثيل
وكفت السياره باب اهلي
نزل ماهر واجا عليه
انزلي انزلي العفيفه الشريفه انزلي نصابه انتي واهلج
عصابه عبالكم مااكشفكم
رب العالمين نصرني عليكم
يله انزلي نزلت دفعني على بابنا عثرت وكعت
كمت على حيلي ودموعي تجري اربعه اربعه
دك الباب حيل كل قوته يدك الوقت تقريبا
الساعه تسعه
رجع يدك بلباب الجواربن طلعت على صوت دكت الباب القويه
فتح الباب بابا
بس شافني شكلي كله مخربط حلكي مجروح
ملابسي كلهن تراب لان وكعت
حالي حال
دفعني ماهر على ابوي صرت بحضنه
ماهر...هاي بنتك لعبتكم انكشف
بابا...الله يستر شصاير
ماهر...شصاير الي صاير اني كشفتكم وكشفت غشكم
رب العالمين جاب انسان خير وخلاني كشفتكم اليله
بابا...اس لا تتكلم كلام انت موكده احجي شكوو
شبيها اسيل
ماهر...شبيه اسيل مابيه طلعت مو بنيه
اخذتها للمستشفى للفحص طلعت مو بنيه
رجعتها الكم
باجر اقدم عليكم دعوى نصب وحتيال
لو تتنازل عن كلشي واطلكه
مو عيب عليكم شنو منطيني بنيه معيوبه
تعتقد مراح اكشفكم
الحمد لله عرفتكم قبل لا اتورط وياكم
باجر ادزلك تقرير الدكتوره لان اريد استنسخه
ليش باجر هسه استنسخه يم اقرب مكتب
وادزلك الصوره الفاضحه مال بنتك
جان انطيتك ايااا هسه
بس خاف احتاجه ابجوز ارفع عليكم قضيه
هااا وادزلك الصور مالت بنتك
حبيبها يستشهد بلعلامات الي بجسمه
لان فاحصه شبر شبر
والعلامات الي دزهن اليه حبيبها الي جان شابع بيها
مصورهن وحده وحده
بابا...اس احترم نفسك اني بناتي محد يقرب عليهن
ماكو بااخلاقهن وبشرفهن
ماهر...اي مبين الشرف روح شوف بنتك وياا منو نامت
وساعته اكتب هذا بيت الشريفات
في امان الله
دار وجها شغل السياره وطلع
بابا التفت عليه واني بعد مااكدر اوكف على حيلي
كعدت يم رجلين بابا وكمت ابجي بصوت عالي
اسيل...الله يخليك لا تصدك ماهر الله يخليك اني ترببتك
وتعرفني
مستحيل اني اكون مو بنيه
بعمري محد قرب عليه
جمانه السعيدي
دنك عليه بابا وكومني
بابا...كومي بنتي اني اعرفج اكثر من نفسي
انتي بنتي مستحيل اصدك كلامه
دخلنا جوا وامي وخواتي اجن
امي..شكووو شبي زوجج ليش رجعتي شصار
اسيل...قسما بلله مااعرف شصار اهيي اهييي
امي ...اسكتي لا تبجين احجي شصار خل نفهم
وحده وحده فهميني
ماكو عروس ترجع ببت اهله ليلة زواجه
اله صاير مصيبه
اسيل.. مسحت دموعي
بس وصلنا الشقه بدلنا وصلينا وكعدنا نتعشى
اهي اهي
امي.. اي كملي
اسيل ...رجعت مسحت دموعي اجت رساله الماهر
بعدين اجن ثنيين رسايل
رن تليفونه اجا اتصال اهيي اهيي
مسحت دموعي
اني كتله شوف منو خاف شغله مهمه
راح جاب التليفون رجعن وصلنا ٣ رسايل راسا نزل عليه غضب
يضربني كل قوته يريد يطلعني بلشارع بثوب النوم
كوه لفيت نفسي بهذا الرداء
وخليت الحجاب على شعري
اخذني للمستشفى حتى يسويلي فحص
كمت ابجي بصوت عالي واناشغ واضرب علي وجهي
امي...اي كملي شصار
بابا..لا اضربين راسج كملي شصار
اسيل.. طلب من الدكتوره تفحصني وكام يعيط عليه
وطلب الفحص بكون كدام عينه
اني ماكنت خايفه لان متاكده من نفسي ماعندي شي
صعدت على السرير حتى الدكتوره تفحصني
اني اعرف نفسي زين ماعندي شي
بس المصيبه الي ما متوقعته
الدكتوره اكدت بلفحص اني مو بنيه
جمانه السعيدي
امي...يااا يمه شلون مو بنيه عزا شلون يعني
اسيل...مااعرف مااعرف عقلي راح ينشل
شلون مااعرف
اني ماطالعه من البيت اله وياا ماما لو وياا بابا
بعمري ماختليت بمكان وحدي
اخاف من رب العالمين ابد مااغلط هيج غلط
بابا واكف كبالي من صدمة الكلام الي سمعه ماعندا ردت فعل مثل الي مامصدك
امي.. هاي الدكتوره كذابه لازم نشتكي عليه
شويه واجت رساله التليفون بابا وياها رنت تليفون
رن التليفون رنتين وسكت
راح بابا جاب تليفونه فتحه وكلنا نباع علي
ماهر داز نسخه من تقرير الدكتوره
بعدين دز صور اليه
نايمه بدون ملابس بس مغطايه الحد فوك الصدر شويه
بعدين صوره ثانيه اليه بدون ملابس
بعدين صوره الفخذي الايمن
اني عندي شامه بارزه بفخذي الايمن
صوره البطني لان عندي شامه ثانيه فوك السره
صوره ثالثه اني بحضن رجال
بس مامبين منه غير ايدا وشويه من وجها
بس اني حيل مبينه
اني بكل الصور نايمه
المكان الي اني بي مامبين وين لان الصوره مركزه على جسمي
جمانه السعيدي
بعدين ماهر دز الرسايل الي وصلن تليفونه
الرساله الاولى
هلو شلونك عريسنا ليش أخذت حبيبتي
مراح تتهنى بيها
لان هي تحبني واني احبها
مو عبالك حب عادي
لا اني حتى نايم وياها
احلى شي بيها الشامه الي بالفخذ
لو الشامه الي فوك السره دمار شامل مو شامه
عوفها ماتفيدك لان حتلو قبلت بيها بهذا حالها
هي مراح تبقى عليك
اكيد علاقتنا اني وياها مراح تنتهي
ليش نلتقي بعيد عن عيون الناس وعيونك
ونخونك كل يوم
عوفها احسن الك واحسن اليه
يعني وحده اني نايم وياها شلك بيها
عوفها متفيدك
اعتقد بعد ماكو هيج صراحه
اسيل..من شفت هاي الصور والرسايل ماكدرت اوكف على حيلي
هسه افتهمت ليش ماهر شأل ثوبي جان يتاكد من وجود الشامات بجسمي
حتى يتاكد هاي الصور اليه لو لا
كمت الطم على وجهي عزززا هاي الصور شنوو
هاي اني شلون هيج نايمه بحضن رجال بدون مااعرف
هذا منو وشلون يعرف اني راح ازوج
وشلون عرف ماهر زوجي
شلون اخذلي كل هاي الصور
شلون نام وياي وفقدت عذريتي بسبه واني ماادري
راح اتخبل باناس
الحكولي عقلي راح ينشل
بابا اتصل على ماهر واحنا كلنا واكفين بموقف ذهول من هاي الصور والرسايل
بابا... ماهر مااريد مشاكل طلك بنتي بستران وكلشي خسرته راح يرجعلك واذا تربد تعويض مستعد
بس لا تشهر بنتي
التفت عليه بابا وكال ليش بابا ليش هيج
اني ربيت وتعبت عليجن حتى تنزلن راسي
منوهذا الحيوان الي نمتي ويااا
ووين عرفتي وشلون
وين جنتي تلتقين بي
ماحسيت غير بابا ضربني راشدي وكعت من طولي
كلي الي فات عليه كوووم
وهذا الراشدي كوم
ثقت بابا بيه انهزت اني وين اني اسيل
هذا الشي الي جاي يصير بيه معقول
بابا فقد الثقه بيه
بعد ماشاف صوري عاريه بحضن رجال
منو هذا
شيطان لو جن لو انس
شلون كدر يستفرد بيه
شلون نام وياي واني مااعرف
كمت من مكاني ودموعي تجري
محد حاول يساعدني امشي واتخربط
دخلت غرفتي كعدت وكمت ابجي
كلشي مجاي اذكر
بيتنا صار هادء مجاي اسمع اي شي اني مذنبه بنضر اهلي
اني غلطانه شلون راح ادافع عن نفسي
شلون اكول مو اني
وكل الادله تثبت هاي اني
اني بس ماذكر شلون ويمتى صار هذا الشي
بقيت ابجي وحدي بلغرفه لمن راسي كام يوجعني
من الضرب والبجي
من الهبطه والصدمه من الخذلان والتعب
مااعرف شجاي يصير وياي
انهاريت تماما انتهيت بنضر اهلي ونضر ماهر
وباجر الناس من تسمع مراح يصدكون اني بريئه
اذا اهلي صدكوووو
الناس شلون راح ترحمني
شكرا لزيارتكم عالم روايات سكيرهوم
