رواية الفصلية الفصل الخامس بقلم زينب نور
امل:اكول ميورة
ميار:شني حبيبتي كولي
امل:انتي جم اخ واخت عندج؟
ميار:من سئلتني عله اخوتي جرست حسرة وكلتله
اخين واخت اصغر مني
امل:ها الله يحفظهم الج
ميار:تسلمين حبيبه
.................
الشيخ يوسف:رجعت من الديوان باليل جانو يحضرون العشه رحت كعدت بالاستقبال جانت الشيخه كاعدة سلمت عليهه
الشيخه:هله بوليدي هله بشيخ
الشيخ يوسف:بيج اكثر شيخه.
جا وين الباقين؟
الشيخه:امل وام محمد والفصليه بالمطبخ جاي يسون عشه ورامي وزوجته طلعو كالو نتعشه برة وملاك من العصر حابسه نفسهه بالغرفه مانزلت
الشيخ:همممم يصير خير انه صاعد ابدل هدمي وارتاح
الشيخه:روح يمه ريح بدنك
الشيخ:من يجهز العشه ندهولي
الشيخه:صار وليدي
.........
الشيخ:صعدت فوك اريدن اريح بدني واغير هدمي بس كلت خلني اروح اراضي ملاك خطيه هم كلبهه محروك وهم ضربتهه العصر بس الي سوتهه غلط مجان لازم تتصرف هيج بس يله الصار صار وهسه احاجيهه وافهمهه غلطهه وين
....
الشيخ يوسف:دك دك (دكيت الباب)
ملاك :منهو هنايه
الشيخ:انه ملاكي اكدر ادخل
ملاك: امممم تفضل (دايره وجههه لجهه الثانية)
الشيخ يوسف:شلونج اذا ماعندج شي اريدن اتكلم معاج بموضوع
ملاك:الحمد الله تفضل كول
الشيخ يوسف: علامج دايرة وجهج لجهه الثانيه عايني ليهني وانتي تكلميني
ملاك:(وهيه تلتفت عليه) والتفتت عليك يالشيخ تفضل
الشيخ:بعدهه ملاكي زعلانه مني؟؟
ملاك: لا ماني زعلانه
الشيخ:بس وجهج يكول غير حجي انه ادري انج بعدج زعلانه مني بس انتي تعرفين انه الي سويتي غلط انه ادري انو كلبج لساعه ملجوم عله موتت الغالي بس البت مالهه ذنب بالي صار وانتي ضربتيه وهسه يله ابتسمي لين عندي موضوع معاج
ملاك: (ابتسمت) ماشي رضيت(هههههه والله يالله وجاي يحجي وياي عله مود خلك فد فصليه بس انه اعرف شتصرف وماكون ملاك بت الشيخ اذا ماطلع عيشتهه فتن من خشمهه ههههه) وهسه كلي شنو الموضوع
الشيخ:اي هيه هاي ملاكي الي اعرفه المهم الموضوع انو ابن عمج علوان فارس اليوم تقدملج وانه كبل اجيت اكلج تدرين بيه ماحب اغصبج عله شي وحته لساعني مكلت للشيخه واجيت اكلج فانتي كوليلي شنو ردج
ملاك:هاا (نزلت راسهه بخجل) مادري شيخ انتو اعرف بمصلحتي
الشيخ:افهم من كلامج انج موافقه
ملاك:لا رد
الشيخ:ملاكي السكوت علامت الرضى انه ماريدن اجبرج عله شي مع انو ادري فارس ابن عمي راح يحافظ عليج ويصونج بس ماريدن باجر عكبه تجين دكولين انتو غصبتوني عله هلزيجه وهسه كوليلي انتي موافقه ولا ﻻ اتاني جوابج بويه
ملاك:(بخجل) بكيفك يالشيخ الي تشوفهه انته والشيخه يصير
الشيخ:على بركت الله يعني موافقه الف مبروك حبيبتي المهم انه رايح ارتاح وانتي نزلي جوة ساعدي البنيات ومن يصير العشه ندهو علي
مﻻك:تأمر يالشيخ
...........
ميار:كملنه العشه وبدو ينقلون الماعين للسفرة بالاستقبال وانه حطيت قوري الجاي علنار وصبيت الي ولام محمد وبدينه ناكل علما يخلصون نلم الماعين والسفرة ونوديلهم الجاي صدك همه هم وره نص ساعه كملو كامت امل وام محمد وملاك يجيبون الماعين وانه افرغ الاكل الي ضال بيهن واحط بسنك حته ينكعن واغسلهن بس كله بجفه ونظرات ملاك بجفه كله حقد وتوعد الي بس الله الي يستر
بس المهم.......اختصار للاحداث .........شربو جاي وكعد الشيخ يتكلم مع اهله
الشيخ:احمم احمم عندي موضوع مهم وياكم
الشيخه:اي ابني تفضل تكلم
الشيخ:اليوم عمي علوان حجه وياي بموضوع يخص ملاك
الشيخه :خير شبيهه ملاك
....(ملاحظه انو ملاك صعدت لغرفتهه ورة العشه)
الشيخ:الصراحه عمي علوان اليوم خطبهه لابنه فارس و اريد اعرف رئيكم بلموضوع
الشيخه:والله يالشيخ انته اعرف بمصلحته انه عن نفسي ماعندي مانع لين فارس زلمه ومايتعوض
الشيخ:لعد على بركت الله لعد باجر اتصل عليهم وعزمهم عله غدة و ابلغهم الموافقه
الشيخه: الي تشوفه مناسب سوي يالشيخ
الشيخ:لعد انه اصعد انام تصبحون عله خير
الكل:تلاكي الخير شيخنه
.............
ميار: اجت امل وكالت الشيخه تريدنج
ميار:خير ان شاء الله مكالت شني تريد مني
امل:لا مكالت
ميار:اكلج هيه مو كالت ماتريد تشوفني
امل:والله مادري روحي هسه لا تتأخرين وتعصب
ميار: اكلج خايفه
امل:عليش خايفه ترة هيه مو وحش وراح تاكلج روحي بابه وسمي بسمالله
ميار:بسم الله الرحمن الرحيم اكلج تعاي ويايه
امل:امشي كدامي امري لله
......
ميار: رحنه للاستقبال الكل كاعدين بس الشيخ وملاك مو وياهم
الشيخه:تعاي فوتي
ميار:صار شيخه (رحت كعدت عله الكاع)
الشيخه :سمعيني عدل باجر جاينه ضيوف اريد البيت يلمع لمع والطبخ اريد ريحته لسابع جار عجل احنه بيت الشيخ موش ناس عاديه والحجي مو بس الج الحجي للكل والحاضر يعلم الغايب
ميار:تامرين يالشيخه
الباقين:تامرين شيختنه
الشيخه :زين وانتي تعاي ورايه عندي شكم جلمه وياج
ميار:حاضر يالشيخه
الشيخه..........
شكرا لزيارتكم عالم روايات سكيرهوم
