رواية كبرياء شيخ الفصل الواحد والخمسون بقلم زينب
احمد:صعدي كدامي فوك خمس دقايق واجي وراج
كمره:بس ابني.....
احمد:بصياح
كلت فوك وبسرعه
كمره: كلش انهضمت من صيح علي كدام شداد وخفت بنفس الوكت لا تصير مشكله بسببي بينهم رجعت سديت نار الطباخ وصعدت للغرفه فوك
حسيت نغزه بصدري اذتني كلش ما اهتميت الها بكد ما مهتمه بالي جاي ينتظرني من احمد
شداد:ليش صيحت عليها
احمد:شسوي هنا ولوحدكم
شداد:احمد ترى اعرف شنو فهمت الي بالك
بس احب اكلك شغله وحده
مرتك صح الها مكانه بكلبي بس من صارت بسمك وهي اتسمت اختي
احمد:لا تجيب طاريها على لسانك
شداد:لا تاخذني بصياحك
البنيه ما الها ذنب بشي
وانه ما كفرت من سألتها على صحتها
ولا تخاف اصلا ما جاوبتني
وهل مره لا انه غلطان ولا هي
انت الغلطان لأن شكيت بينا
ولا تنسى شكلك الدكتور عليها هسه تلكى حالتها النفسيه زفت
احمد:شداد لا تخليني اكفر هسه بيك وبيها
انه شفت بعيوني
شداد:شنو شفت كول احجي شفت
هاي انه اسمعك شفتها بحضني كول
احمد:كلمه زايده ما اريد اسمع منك فاهم لا تخليني هسه وحق الله اشرب من دمك
شداد:رحم الله والديك وجزاك الله الف خير يا ابن عمتي وبعد يومين راح تصير نسيبي
انه رايح بس اتأكد انت راح تتندم بعدين على شكك بيه
احمد:ما اعرف شلون لزمت اعصابي وما هجمت علي بس داخلي يكلي هل مره صدك مظلوم وانه شكيت بي بس لازم اسمع منها هي صعدت الها وفتحت الباب بس شافتني فزت وكامت
كمره:شنو صار
احمد:اسمع منج شنو صار جوا بالمطبخ
كمره:ما صار شي انت فهمت غلط
احمد:فهميني الغلط الي فهمته انه وصححي الي وخليني هل مره اطلع غلطان
كمره:كتلك ما صار شي والله بس سالني وكلي شلون كلبج وشوكت ترحين للدكتور وداعة ابني هذا الي صار والله
احمد:وليش جنتي عصبيه وليش صيحتي علي وشفت وجهج محتقن
كمره:لأن انه ما اطيقه ما ابلعه لشداد من سالني على صحتي نرفزني
احمد:سألج جاوبي ما يراد الها كل هل عصبيه
كمره:هسه انت شتريد مني
احمد:احجي وياي عدل جاي اسألج وانه لازم اعصابي كوه عليج
كمره:يـ؏ـنـي انه هسه بنظرك متهمه مو
احمد:متهمه بشنو انه كلت شي لو هو الي بعبه طلي يمعمع
كمره:شقصدك
احمد:استغفرالله ربي ما قصدي شي
كمره:لا قصدت وكل الي بالك انه وش.....
احمد:لو صدك جنت شاك بواحد بالميه بينكم شي جا هسه ٲℓانــتيہ بإعداد الموتى وهو دمه بطوله وجثته مكطعه
كمره: رجعتلي النغزة بصدري ولزمت مكان كلبي حيل لأن كلش اتأذيت منه ومن كلامه ومن شكه بيه
احمد:كمره شبيج
كمره:ما بيه شي اذا خلص محضر التحقيق مالتك خل انزل لأبني جوا هسه اكيد مات من البجي
احمد:اوكفي ما تنزلين وجهج عرك
كمره:راد يكض ايدي اللازمة بيها كلبي دفعت ايده وكتله
معليك بيه عوفني انزل
احمد:كمره مو وكت عنادج بس خليني اساعدج اعرف شلون
كمره:اصحك تلزم شي بيه فاهم راجع روحك اول مره واعرف من تحجي
وشوف مغزى كلامك وين يوصل
عفته وجاي اطلع من الغرفه اجى هو رأسا سد الباب بأيدي ثنينهن وحاوطني بين ايدي وكال
احمد:ما تنزلين كلت
كمره:ليش بقى شي ما سمعته منك
احمد:لا تبجين
وحاولي تفهميني يا بت الناس انه غيرتي قويه عليج وعمت عيوني
وانه اعرف كلش زين هو شلون .....
ما اريد احجيها احس هاي الكلمه من احجيها واحد وكاض كلبي ويكطعه بسجين
كمره:لا تضحكني احمد هو مو جان يوصلني للكليه وبكلمه منك
احمد:عبالي نساج بس اليوم تتأكدت جكد جنت انه غبي ومأمن كلبي عد خناكه
كمره:شوف صح انه ما اطيقه بس ما فد يوم من جان يوصلني ضايقني ابد الله شاهد علي ما اريد أظلمه وياي
احمد:لا تدافعين عنه
كمره:ما جاي أدافع عنه بس كلمة الحق لازم تنكال
احمد:سدي الموضوع وكليلي شلون صرتي هسه
كمره:مو هين حتى اسده انت جرحتني وما اصور هذا الموضوع انت هم راح تسده ما دام ابن خالك موجود بحياتك وكلما تشوفنا بمكان حتى لو صدفه الله يستر منك ما اعرف شراح تسوي بينا
وهسه وخر مني خل انزل لأبني
احمد:ابنج يم امي وانتي ما تنزلين لحد ما يرجع وجهج يضحك
كمره:صعب ودرت وجهي عنه
احمد:لا مو صعب
احمد:كمره لا تعاندين وباعيلي
كمره:ما اريد
احمد:ترديني اعاقبج
كمره:عقاب شنو خليني انزل
احمد:تعرفين شنو نوع عقابي
كمره:احمد شبيك انت تخبلت
احمد:لا اصلا صاحي هل مره واكثر من كل مره
كمره:لا بالله ابد مو صاحي
احمد:شكلتي
كمره:كلشي ما اكول وكلشي ما تسوي
احمد:ليش هو بكيفج
كمره:طبعا بكيفي
احمد:لزمتها من خصرها وطبكتها علي وجاي ابوسها من شفتها دارت وجها عني وكلت
ليش هيج سويتي
كمره:خل انسى الي سويته قبل شويه
احمد:كمره لا تضخمين المشكله
كمره:انت البديت بيها وانت الكبرتها والضخمتها ولازم تتحمل نتيجة تسرعك وهسه وخر ايدك عن خصري ترى جاي تضغط على عمليتي
احمد:ما اوخر لحد ما اخذ حقي منج وهسه
كمره:شتحجي انت ترى انه بعدني ما طالعه الأربعين
احمد:وهاي مشكله
كمره:اكيد مشكله ومو زين
احمد:معلي انه ما اكدر اتحمل بعد
كمره:كلت لا
احمد:كمره لا تمتحنين صبري
كمره:والله ما اخليك وشتريد تسوي سوي
احمد:ليش هو بكيفج
رفعت ايدي حضنتها حيل ودرت وجها واخذت شفايفها وهي تقاومني
وكل ما تقاومني اكثر تزيد لهفتي عليها اكثر لحد ما ندك الباب
وخرت عنها وصحت منو
هديه:انه شيخ كمره وين ابنها طك من البجي والشيخه تكول خل تنزل ترضعه
كمره:سمعت مو كتلك هسه يبجي
احمد:كتلج ما تنزلين اليوم لو انه لو ٲℓانــتيہ
كمره:احمد شبيك انت اليوم جاي اكلك الولد مات من البجي
احمد:من احترك ابنج
كمره:لا تحجي علي وخليني انزل
احمد:اذا نزلتي والله هل مره ازعل وزعلي ثكيل
كمره:ازعل
احمد:ما دام هيج نزلي
فتحت الباب واشرتلها تنزل وهي شلون الطير المحبوس بس انفتح الباب فرت من يمي بس وين ترحين عني انه الج الا اطلع القضى والمضى من عيونج والا اندمج على هاي سوايتج بس اصبريلي
كمره:نزلت لأبني لكيته ميت من البجي ركضت علي بسرعه وشلته اهدي وهو ماكو مستمر بالبجي
الشيخه :رضعي يمكن جوعان
كمره:ما صارله ساعه من رضعته
ظليت افتر بي اريده يسكت رايحه جايه واحجي وياه
شبيك ماما حبيبي ليش هيج تبجي شصارلك
الشيخه:رضعي يمه ليش تعاندين
كمره:عمه ما اكدر هسه انه ضايجه ومن ارضعه ما اريد اغصصه
الشيخه:وشبيج ليش ضايجه
كمره:ضجت من ابوه
الشيخه :هم رجعنا لسوالفكم ولطلايبكم ما صدكنا ركدنا شوي
حسدناكم شنو
كمره:هل مره مو انه الغلطانه هذا ابنج
الشيخه:هسه صار ابني
شبي شسوالج
كمره:والله عمه حتى عيب اسولفلج استحي
الشيخه:هههههههه على هاي
عمه حقه صارله اشهر معلعل بحملج
بالبدايه سفره وانوب زعلج وانوب حملج خطر واخر شي كلبج
وهو يشوفج جنج فص الماز وتفترين كدامه وانتي حلاله
كمره:شلون تنطين بأبنج
الشيخه:اليوم تصعدين لغرفتج كافي هواي صارلج جوا
كمره:ما اصعد اليوم خليني جم يوم بعد
الشيخه:لا شو اليوم تصعدين وهاي الغرفه الا اقفلها
كمره:لا عمه فدوه لا تسوين هيج
الشيخه:ولج يمه رحمي حاله مو قصة ابني كل رجال يريد مرته يمه
وانتي صارلج هواي بعيده عنه هسه تلكينه مشتاكلج بكد رحمة الله
كمره:عمه خل اطلع الأربعين وشيريد يسوي خل يسوي
الشيخه:ما ظل شي واطلعين الأربعين
روحي صعدي واخذي ابنج وهسه اصيح لهديه تصعد وراج غراضكم
كمره:اكول احمد عليمن طالع قافل آثاري عليج
الشيخه:هههههههه
انه وابني وإخوته كلهم من يجتمع عنادنه ما يجي ذره من عنادج
كمره:استسلمت واخذت ابني الي كوه سكته ونيمته وصعدت للغرفه فوك
واجت وراي هديه صعدت كاروكه وكل شغلاته جنت تعبانه كلش خليته يمي على الجربايه ونمت على نومته
احمد:ادك على شداد ما يشيله احس روحي ظلمته وصدك تندمت
تالي ماكو غير عادل هو يجيبه الي غصبن علي دكيت على عادل
عادل:الووو ها شيخ أأمر
احمد:انت وين
عادل:بالمزرعه
احمد:دك على شداد خل يجي يمك وانه جايكم
عادل:صار بس ليش
احمد:اريد احدد موعد عقدك ترى هواي أجلته لو تريد تتهرب
عادل:شلون أتهرب وانه جاي احسب اله يوم يوم
احمد:دك علي واذا ما حصلته دوره وجيبه غصبن علي
وصلت للمزرعه وشفت بس عادل وسألته
وين شداد
عادل:على جيه
بس اكيد ما صاير بينكم شي
احمد:صار سوء تفاهم بينا انحله انت لا تخاف
عادل:• ﺂنٰ شۨـِﺂءۙ ﺂللـِه۫ہ ٰينحل ما اريده يأثر علي احمد ترى انه مسلوك جد جدي
احمد:هههههههه
مبين واصل مرحله
عادل:اي اضحك شخاسر انت اشو مرتك ويمك وانه مخليتها حسره علي شوفتها بحجة بعدنا ما عاقدين وحرام هسه
لأنعل ابو الحرام
احمد:هههههههه
لا تخاف من يجي نخصمها وياه ونروح اليوم بالليل نحجي ويه خالي بشكل رسمي ونحدد يوم العقد بعد تريد شي
عادل:لا خويه اريدك سالم
احمد:ظلينا مده كاعدين واجى شداد بس شافني راد يرجع كتله اوكف ولك
شداد:لو ادري انت هنا فلا اجي
احمد:تجي وغصبن ﻋﻠﻴﻚ شو تعال
شداد:اكو شي بعد ما كلته اكو تهديد بعد ما سمعته
احمد:لا ماكو جريته وحضنته وكتله اسف بس من يوصل الموضوع لكلبي ما اكدر بعد اشوف كدامي اعذرني صدك تندمت من شكيت بيك
شداد:احمد من تجي انت وتسأل على صحة سمر فرضا
هم اشك بيك انه انت مو معتبرها اختك
احمد:سمر تختلف ما عندي سوابق وياها
وهي بت خالي وانت تعرف ليش شكيت بيك منظركم بالمطبخ يخلي اكبر واحد يشك بيك
شداد:يـ؏ـنـي انت ما تنسى
احمد:شوكت ما تنسى انت انه انسى
شداد:اوووف منك وهسه شتردون مني
عادل:اكلكم شو انه مثل الأطرش بالزفه ما تفهموني شل قصه
احمد:خليك هيج احسن
نريد نحدد موعد عقد عادل وأختك ونريد موافقتك بالاول
شداد:حياكم تتفضلون بأي وكت وانه من ارجع انطي لبوي خبر
البنيه الكم وانه وين الكى احسن من عادل واامن اختي وياه
بس اسمعني عادل ترى هي بس سمر ما عندي غيره اعزه مثل ما اعز روحي اريدك تحافظ عليها وما تزعلها واي مشكله تصير بينكم هي السبب • تعال كلي وانه اتصرف وياها ولو ادري بيك انت العاقل الهادئ الما تطلع منك العيبه بس لازم بعد هاي اختي وامانة امي المرحومه بنفس الوكت ما اريده تتأذى
احمد:ولك هذا بسمار معدل الي
شداد:تعلم شوي من اخوك وهل معاشره انت عليمن اعصاب هيج والله ما ادري
عادل:هم رجعوا بسكم عاد كافي
عمي اختك لو اجت بيوم من الايام وشكت علي الك الحك بكل ألي تطلبه مني وانه حاضر وهاي كدام الشيخ وكلمة شرف ووعد ما اخليها تحتاجك بعد وأمانتك مصيونه
شداد:والنعم منك ومن اصلك
احمد:اليوم بالليل احنا يمكم انطي لخالي خبر
رجعنا للبيت وبلغنا امي وابوي بالخبر وكلنالهم يتحضرون وصعدت ارتاح بالغرفه بس دخلت شفت بت كلبي نايمه هي وابنها منظرهم يجذب الصراحه تفاجأت ما تصورت تصعد للغرفه واليوم بالذات بعد المشكله الصارت بينا عبالي راح تقفل علي كم يوم وتعلعلني وياها
دخلت للحمام سبحت وطلعت ردت انام يمها بس هذا ابنها بينا
كعدته كمره ..كمره...كمره...
كمره:فتحت عيوني وشفته كبالي وكلتله شتريد
احمد:سلامتج ودي ابنج لمكانه لا ينمرد بينا
كمره:ما اودي مو يمك هو
احمد:ادري بيج حاطته حجه بينا لا تخافين ما اسويلج شي
بس ودي الولد لا يندفر اريد انام
كمره:خزرته وشلت الولد وديته لكاروكه
شلون يحجي وياي على كولة المثل اتلني واشتكى وسبأني في البكى
المفروض انه الازعل شو انوب هو الزعلان
احمد:شدردمين
كمره:كتلك قبل ترى انه خبله ومرات احجي وحدي
احمد:همزين عرفتي روحج خبله
كمره:سكتت عنه الظاهر يدور مشكله بينا وشفته دار وجه عني ونام وكلت
بالطكاك عنك ما درت علي يا ريت تبقى هيج لحد ما اطلع الأربعين
احمد:اسمعه تحجي علي بينها وبين روحها لسانها بعد ينضرب بي المثل وشلون أسكته غدرتها ودرت عليها كضيت ايديها وخليتها ما تتحرك وبستها من شفتها هي هاي الطريقه الوحيده حتى تسكت
كمره:مو كلت ما اسويلج شي شو.....
احمد:رجعت بستها مره ثانيه وهل مره اقوى وأطول
كمره:وخر عني وكلت
ترى جاي تخنكني مو بوس هذا انتقام
احمد:سكتي اريد انام كلمه ثانيه منج ارجع ابوسج وانوب اسوي اكثر كفي شرج عني
كمره:سكتت والصمت خف ينفذ تهديده وشفته ظل يباوعلي وعيونه خدرانه اخذ نفس من ركبتي ورجع دار وجه عني ونام
وانه هم نمت وكعدت العصر ما لكيته صعدتلي عمتي وكالت اليوم يرحون حتى يحددون يوم المشيه والعقد
فرحت لعادل وسمر كلش يستاهلون خليت ابني يمها ونزلت حتى اخلص شغلي وأساعد البنيه عايفتها وحدها خطيه صح ما تحجي هي بس لو جان صاحبك حلو لا تاكله كله واحنا كاعدين اجو بيت عمهم الشيخ بلغهم على مود خطبة عادل واجت هاي سلمى عبالي اتضوج من تسمع بعادل راح يخطب وعافها بس اشوفها ما مهتمه وكأن هم وانزاح من طريقها
سلمى:شلونج كمره
كمره:زينه
سلمى:راح ترحين وياهم اليوم
كمره:لا ما يصير اطلع هسه
سلمى:حرامات راح تفوتج
كمره:ليش ٲℓانــتيہ راح ترحين
سلمى:اكيد
كمره:ما ضجتي من خطب
سلمى:لا ليش اضوج
كمره:مو جنتي خطيبته
سلمى:بالبدايه جنت لاحمد وانتي وكفتي بطريقي واخذتي
بس لا تخافين مصيري أرجعه الي
عادل هيج محطه وعبرتها
كمره:ما سمعت ترجعين منو
سلمى:احمد حبيبي
كمره:من هسه اكلج بالعافيه عليج ٲℓانــتيہ وحبيبج
سلمى:ادري مو من كلبج بس وداعتج من اصير مرته الا اندمج واخليج تشردين بليله ظلمه
كمره:ٲℓانــتيہ على شنو واثقه هيج
سلمى:يجيج الصافي بس اصبريلي
كمره:ضحكت وظليت أهز بإيدي وما طوخت وياها ادري بيها تريد تدور مشكله وياي وما تابت مني تريدلها بسطه ثانيه بس هسه بعدني اخاف ااذي عمليتي لو افحط وااذي كلبي خل أطيب وانه الج الا ازوعج كل كلمه كلتيها الي تصير مرته والله ياالله غير اطلع بروحج وروحه
صار العشا وتعشوا وتحظروا حتى يرحون صعدت غسلت للولد وبدلتله وصعد احمد هم حتى يبدل لبس دشداشه نيلي يموت على هذا اللون لأن هو ابيض يطلعه جذاب ولبس غتره بيضه ولفها لفه خليجيه وسبح روحه بالعطر
كل هذا وانه اباوعله طلع صاك ابن اللذين
احمد:ركبتج انكسرت
كمره:حجيت بكلبي هي بس ركبتي الي نكسرت حتى عيوني صارن حول
حجيت
ترى العريس عادل مو انت
احمد:ليش يا يوم طلعت مو عريس
كمره: هاااا اخاف تريد تجدد
احمد:يجوز اذا ظل الوضع جفاف ليش لا
كمره:ظليت افور بس حجى هيج ادري بي يحجي حتى يضوجني
تقصدت احجي لان كلام سلمى ظل براسي
بت عمك بعدها تانيك خطيه اكسب بيها ثواب واخذها
احمد:اي ليش لا اخذها
كمره:عفته وردت اروح رده كلش نرفزني
احمد:اوكفي
كمره:شتريد حجيتها بغصه
احمد:تعاي لبسيني الساعه
كمره:البسها انت مو صغير ولا ايديك بيهن شي
احمد:كتلج تعاي
كمره:ليش تريدني البسها الك اول تالي
احمد:عاجبني
كمره:جان كاضها بأيده اجيت حتى اخذها منه كاضها قوي جرني وصرت قريبه علي كلش ورفعلي ايده وبديت البس بيها وهو يباوع بعيوني الي الدمعه بطرفها شوي وتنزل لبسته وكملت جاي اروح كضني بأيده من خصري وحجى
احمد:نزليها ليش حابستها
كمره:ليش تحب تغيضني
احمد:تصيرين احلى
كمره:عوفني وروح اكيد ينتظروك هسه حضرة الشيخ
احمد:ابتسمت وهي تحاول تدير عيونها مني ادري شعوطتها اريده تحس شوي بيه كلت
دوري علي وثبتي راسج
كمره:ما اريد اباوعله لان بسرعه اضعف كدامه
احمد:ما اعوفج لحد ما تدورين علي
كمره:خلص باوعت كول شتريد
احمد:تقربت كلش يم شفتها وهي غمضت عيونها عبالها ابوسها منهن
حسيتها ضعفت كلش كلت هاي فرصتي حتى انتقم منها وخرت عنها وتقربت يم ذانها وكلت
كمرايتي لا تخافين ما راح ابوسج هسه
كمره:من كلي هيج بوكتها كون الكاع تنشك وتبلعني يا فشلة الفشله بس انه شمدريني هو غدار ولعبها صح علي وانوب عافني وطلع وهو يضحك علي
ظليت اكل بروحي وأعض بأصابيعي شلون استسلمتله هيج
بس اذا ما طلعتها من عيونك ما اتسمى انه كمره
رجعت خمدت بصف ابني وهما راحو بقت بس هديه يمي صعدت وظلت شوي وسألته
:احمد منو صعد وياه
هديه:ليش تسألين
كمره:بيت عمه ما يصعدون كلهم بسياره وحده والولد كلمن عنده سياره
اكيد احمد صعد امه وابوه وياه
هديه:ما ادري هل مره ما طلعت وراهم ابوي ما قبل شافها هوسه وعاط بيه صوت خلاني ارجف ودخلت اركض
كمره:أبوج الا يعيط اليوم
هديه:خيه شجاج عليش تسألين
كمره:هيج كمت اخرف
احمد:وصلنا لبيت خالي الي جان منتظرنا وفرحان بينا وما مصدك بته راح يأمنها يم اخته الي تلكاها وباس راسها
علاقة امي وخالي أحسدهم عليها ما فد يوم خشن خاطرها بشي وحتى هي
تمنيت عندي اخت جانت أمنية حياتي تصير عندي بنيه بس الله ما نطاني
حمدت الله وشكرته على كل حال ومثل العاده بدى الوالد بالحجي وما طول بسرعه خصمها وحددوا يوم الخميس العقد وتلبيس الحلقات
وعرسهم راح يصير سوى هو ومرتضى ابن عمي يـ؏ـنـي ما راح يطولون احتمال كلش جبير شهر
بعدها خلصنا ورجعنا للبيت كلنا حتى بيت عمي رجعوا ويانا لبيتنا ودخلنا كلنا للصاله وصارت لمه والكل بارك لعادل الي تحسة طاير من الفرح
بعدها فكدت حبيبتي الي اليوم هواي ضوجته مني بس ما اكدر اصعد واعوف عمي ولده جوا تالي كال عمي
ابو مرتضى :شيخ وين ابنك خل انشوفه بعد هذا ولي العهد
احمد:لا عمي ما اريده يصير ولي العهد • ﺂنٰ شۨـِﺂءۙ ﺂللـِه۫ہ ٰاحول المشيخه لعادل وولده اذا الله طول بعمرنا
الشيخ:بويه انت بكيفك تقرر
احمد:يابه بس هو عندي وما اريد اله يتعب ويتأذى
ابو مرتضى:وليش بس هو عندك بعدكم شباب وتخلفون اكثر
احمد:انه ما افكر بعد بالخلفه هذا كلش كافي الي
البركه بأخواني • ﺂنٰ شۨـِﺂءۙ ﺂللـِه۫ہ ٰ
ابو مرتضى:لا عمي هذا مو حجي انت الشيخ ما يصير هيج
كلنا خلفنا هواي وما اكتفينا بواحد
احمد:انه مقرر هيج ومكتفي بي
ابو مرتضى:اذا على مرض مرتك عمي وتخاف عليها ترى الشرع حلل اربعه ما نكلك طلكها بس يا عمي تكدر تزوج وتخلفلك بدل الواحد عشره
الشيخ:خويه اسكت رحمه لوالديك وسد السالفه لا تسمع مرته وتصير الهم لغوه
ابو مرتضى:ليش شنهي السالفه المفروض منها هي الي تكله روح عرس انه الله بعد ما يقسملي منك بزر هاي شلون راح تصير الشيخه بعد يومين
احمد:عمي هي ما الها دخل انه الي ما اريد اتزوج بعد لا ثنين ولا تلاثه
انه راضي بالي الله قسمه الي وحتى لو هي تكلي اتزوج انه ما راح اتزوج ابد
ابومرتضى:لا عمي مو بكيفك تقرر صح انت الشيخ بس لا تنسى وراك ناس كبار لازم تاخذ بحجيها
احمد:عمي هسه هذا الحجي ابد مو وكته احنا اليوم فرحانين بخطبة عادل
انه شكو دخلتوني بالنص
ابو مرتضى:شوف احمد هاي راح احجيها هنا وكدام الكاعدين كلهم اخوتك وابوك وامك اذا الك نيه تزوج مره ثانيه يابه مرتك عندي وأهديها الك من هسه
احمد:فتحت عيوني هذا عمي راح يوكعني بمشكله الها اول ما الها تالي انه ما صدكت خلصت من هند ومشاكلها انوب طلعتلي بت عمي لا ومنو يا ريت اطيقها انه اصلا ما اكبلها ولا حتى اشتهي اباوع لوجها جاي اريد احجي وتالي ابوي حجى
الشيخ:خويه انت اليوم شنهي سالفتك دعوف الولد توة ياله جر نفس
ما صدكنا خلصنا من زواجته الثانيه انوب تريده يعرس
ابو مرتضى:راح ياخذ بت عمه مو وحده غريبه واذا على مرتك انه بنفسي اصعد هسه واحاجيها الك وأقنعها
كمره:من سمعت صوت السيارات بسرعه نزلت اريد اسمع الاخبار بس من شفت بيت عمهم دخلوا وياهم ترددت ادخل للصاله تالي اجت هديه وكالت عمهم يريد يشوف علاوي صعدت هي نزلته وجاي ادخل للصاله وسمعته
عاد انه كرصني كلبي وكلت
عمي بشنو تقنعني
ابو مرتضى :همزين اجيتي عمي نريد ناخذ رأيج .....
احمد:عمي من رخصتك سد الموضوع
كمره:ليش احمد يسده اريد اسمع
احمد:كمره اخذي ابنج وصعدي بسرعه
ابو مرتضى:عمي خليها ما دام السالفه انحجى بيها
احمد:اشرت لامي بسرع تلف السالفه وتأخذها هاي بس تسمع هسه تموت
الشيخه:بنيتي امشي وياي اريدج بشغله
كمره:يا سالفه احجيلي احمد اريد اسمع منك انت
احمد:...................
