رواية معاناة ارملة الفصل الخامس بقلم مجهول
ولا زلنا نبحث عن الحياة...
برغم أننا فيها ...!!
نحاول أن نتشبث باليد التـي لا تُغــادرنا..
و الروح التـي لا تُـفَكر أن تستبدلنا بأحد ..
نُعانق القلـوب التي لا تمل مهما فعلنا..
وتبتلع عيوبنا و تغفر تجاوزاتُنا ...
حينها فقط سندرك أننا حقا على قيد الحياه..!
******************************
اني مالي احد بهل الدنيا بعد ما جاسم راح الكل تخلئ عني
واهلج وين
اهلي اني ما عندي أهل
اهلي ما فد يوم سألو عني ولا گالو بنيتنا وين ما وين خاف احد مأذيها أو مسمعها حجايه أو غاثها
جار بيه الوگت ورحت ااحتمي بيهم ويوم واحد ما تحملونه اني وبنتي وطردوني لان اخوي و زوجته ما يردونه وامي امي ما كالت بنتي خطيه اشوفها شبيها ما بيها
ساكته تخاف من اخوي هم يطردها اذا وكفت وياي
((اخوي أبن امي وابوي تخلئ عني... شترجئ من الغريب عود هو يلمني))
وابوي ما يوم كالي بويه تعاي احجيلي شبيج
يشوفني ابجي يمه يكلي يله اتحملي رجعي لبيتج وسكتي ما الج غير بيتج
(( بويه يا بيت الي تحجي عنه.. اوووف اووف)
شيخ عباس ...بويه كافي تبجين ارحمي
نفسج عندج رب كريم ورب رحيم وتبجين
شيخنا اني اني ابجي ع حظي وابجي ع زوجي وع بنتي وع سمعتي الي داسووها عيالي وشرفي الي طعنوا بيه
بويه لا تبجين زوجج شهيد والشهيد حي ومنزلته عاليه وهو يم رب رحيم شلون تبجين عليه.اذا تحبينه فرحيله لان الشهادة مو اي واحد يحصلها الشهادة عظيمه بويه هنيال زوجج ع الجنه
وبنتي الي هي اعز من روحي شراح يسوون بيها اكيد تموت من القهر فارگت ابوها نوب اني
اكيد بنتي تموت ما تتحمل بنتي مو مال فراگ وعذاب
ان شاء الله ترجع الج وترجع لحظنج وتدللينها وتعوضينها
وهسه ربج الها وما معقولة ربج يتخلئ عنها هو كافلها وهو وياها واي واحد ياذيها يعثر صدكيني بنيه يتيمه واليتيم حبيبب النبي لا تخافين عليها
سمعيني بويه ..اني راح اوكف وياج وشتريدين اني حاظر وراح اشوفلج محامي يجيبلج بنتج وحتئ حقوق زوجج الي اخذوها منج راح ترجعلج صدكيني
وهسه تعاي وياي لبيتنا يم ام نور زوجتي ونشوف تاليها شلون
لا ماكدر اجي وياك خاف اسببلك مشاكل
بويه كومي يا مشاكل
تعاي
ورحت وي الشيخ لبيتهم
ووصلنه لبيت بسيط بس من تدخله تحس نفسك بجنه
بيت رحماني
طلعتلي زوجه الشيخ مره بسيطه و من أهل الله شلون تلگتني وبوستني وكعدتني بغرفتها
وصاحلها الشيخ.
راحت يمه شوي واجتني وحظنتني سودة عليه خاله هاي كلها صايره بيج
اخ اول مرة واحد يحظنني ويحس بيه
حظنتها يي خاله كل هذا مر عليه ومحد الي وبنتي خذوها مني وج خاله اريد بنتي هسه تبجي ومحد الها يسكتها
ان شاء الله حبييبتي ترجعلج لا تخافين الله الها
.....
نطتني ملابس سبحت وبدلت وكعدت
الشيخ بويه اني طالع ادورلج ع محامي وانتي ابقي بالبيت يم خالتج والبنات
الشيخ عنده بس أربع بنات وحبابات وطيبات كلش اجن كعدن يمي ويسولفن وياي ويصبرن عليه
رحم الله والديك ما قصرت
تدللين بويه
....خاله اني رايحه شوي وارجع
وين رايحه خاله مو كالج ابونه لا تطلعين
خاله رايحه اشوف بنتي
وين تشوفينه خاله
عوفيني خاله فدوه اطلع
....وطلعت رحت للبيت وكفت بالباب ادك ادك وماكو
لمن طلعلي محمد
ها خير شو جايه شتردين
اريد بنتي
مالج بت يمنه بنت اخونا يمنا ما نخليها تتربئ عد وحدة مثلج مو شريفه
اسكت محمد انت تدري بيه اني ماعندي شئ واخوك هو الي اعتدي عليه
محمد( اني ادري ومتاكد هي بريئه والخلل باخوي هو أدب سز بس اني تعمدت اسوي هيج فرصه واجتني حتي اضغط عليها واحرمها من بتها وتقبل بيه )
ولي انتي أدب سز لا تتهمين اخوي
بس عندي للج فرصه اذا ردتي بنتج تكون يمج وبحظنج وتعيشين معززة مكرمه
شنو اني قابله بكل شي
تزوجيني بالسر اخذلج بيت واكعدج بيه انتي وبنتج
لك صدك ما تستحي انت بعدج هيج تفكر مو توا تكول انتي مو شريفه وانتي انتي انضمو الى صفحتنا قصص عراقيه واقعيه https://www.facebook.com/share/1Ct3EYKoD1/
شلون تريد تزوجني
ايي اريد استر عليج لخاطر اخوي وبنته
حسبي الله عليكم ونعم الوكيل وعسئ حوبتي ما تتعداكم وتطلع باغلي ما عدكم ويحرمكم مثل ما حرمتوني من بنتي
عفته ورجعت
هذا نذل نفس اخوه
ورجعت لبيت الشيخ واني ابجي ماكدرت اشوف بنتي
وكعدت افكر وافكر علمود بنتي اقبل لولا
بس شلون ما افكرها نفسي مجاي تتقبل أي شي بعد
يااارب ارشدني ودليني ع طريق الصح
....
ورجع شيخ عباس تعاي ام رهف بويه اني حصلتلج محامي خوش ولد ومضبوط وراح يطلعلج كل حقوقج ويرجعلج بنتج بس يريد فلوس بس لا تخافين اني راح ادبرهن الج
لا عمو ماريد اتعبك منين تحصلهن
يولي ماريدمحامي ولا أريد حقوقي
( لان كل فلوسي وذهبي عفتهن بالبيت) اجيت بس تراجيي بأذني
لا بويه شلون تتنازلين مايصير هذا حقج
عمو خليني افكر وباجر الصبح ارجعلك خبر
براحتج بس فكري عدل
ورحت نمت يم البنات .
بس ما نمت بقيت بس افكر وحايرة بين عرض محمد وبين المحامي
اوووف اووف
كعدنا الصبح عمو خليني اشوف المحامي واحاجيه
كال تمام
ورحت لبست عباتي ورحت وي الشيخ المحامي
المحامي سيف....صارلي تقريبا 6 سنوات اشتغل بهذه المهنه وشكد مرت عليه قصص وحالات وكل الي يوكلني اطلعه حقه والحمدلله الفضل لرب العالمين
....حياتي الشخصيه اني عمري 35سنه زوجتي متوفيه قبل3 سنوات توفت بالولادة صار عدها نزيف وما كدروا ينقذوها😔 وعندي ولد وبنيه عايشين يم امي واختي
والحمدلله حياتنا ماشيه
وموضوع الزواج لغيته من قاموس حياتي لان البنيه الي جنت احبها ماتت بعد مالي نفس بأي بنيه
...المهم امس كلمني شيخ عباس هو من قرايبنا علمود موضوع بنيه دخيله يمه وكتله ماشي تمام امشيلك بالقضيه
بس اليوم تصل عليه كال البنيه تريد تشوفك وتفهمك ع قضيتها
اوك تمام تعالو للمحكمه ويصير خير
فاطمة ..رحت واني گلبي يدگ خايفه من المواجهة أخاف اواجه حمويني واخسر بنتي أو يأذوها
خل اتوكل ع الله واشوف رحنا وصلنه للمحكمه ودخلنه لغرفه الأستاذ سيف
السلام عليكم
عليكم السلام أهلا وسهلا تفضلوا
اني فاطمه
هله فاطمه حياج الله يله احجيلي
فاطمة ...أخاف احط عيني بعين أي شخص
مدنگه واحجي
( صح اني معلمه ودارسه وواصله بس بعد ما توفي زوجي نكسرت صرت انسانه ثانيه أخاف من كولشي ماكدر اواجه أي شخص حتي لو يأذيني أو يأخذ حقي صرت جبانه ومنكسرة)
حجيتله كولشي
سيف....فاطمه قبل لا ابلش وياج بالقضيه اريدج تساعدين نفسج وتكونين قويه وتصير عندج أراده وعزيمه وما تتنازلين عن حقج والكسر الي بداخلج لازم يقويج مو يضعفج انتي قويه وانتي شجاعه رفعي راسج واحجي لا تنزلين راسج وتخليهم يدوسونج..انتي تعلي عليهم وواجهيهم
..اخ شكد اثر بيه كلامه حسيت بطاقه اجتني
شكد كنت محتاجه هيج كلام
...شكرا أستاذ صح كلامك وان شاء الله راح اكون مثل ما كلت
ايي عفيه هيج اريدج خاص بصفحتنا قصص عراقيه واقعيه
بس أستاذ اريد اكولك شي
اني حاليا ماعندي فلوس من طردوني ما خلوني اخذ أي شي وياي
اخذوا كل حلالي وملكي
وماعندي غير هاي التراجي
نزعتهن ونطيتهن اله
لا عيني فاطمه شتحجين الفلوس خليهم لمن يطلع حقج يله اخذهم وهاي تراجيج اخذيهم توا ما اشتغلج
لا فدوة أستاذ اخذهم واذا ما تاخذهم اسحب قضيتي
براحتج بعد
خذت تراجي فاطمه ونطيتها رقمي علمود اتواصل وياها
شكرا أستاذ مع السلامة
شيخ عباس...بويه فاطمه راح اجيبلج تلفون خاف تتواصلين وي المحامي وانتي ما عندج تلفون
بس عمو انت ماعندك
لا بويه عندي خير
يارب لك الحمد انك خليت هلشخص بحياتي الله يوفقك ويجازيك خير يا عمو
شكرا لزيارتكم عالم روايات سكيرهوم
