رواية الفصلية الفصل السادس بقلم زينب نور
ميار:نعم شيخه
الشيخه:تعاي ورايه اريدنج بشكم حجوة
ميار:تؤمرين شيخه
كمت ورة الشيخه ودخلنه حجرتهه وكالت
الشيخه:سدي الباب وراج
ميار:حاضر شيخه
الشيخه:تعاي حدري يمي هين
ميار:(رحت كعدت بدون اي كلمه ...كعدت عل كاع)
الشيخه:انتي اسمج شنهو
ميار: شيخه اسمي ميار
الشيخه:عمرج شكد؟؟؟
ميار :عمري 16
الشيخه:العمر كله ان شاء الله .....احجيلي انتي كم اخ واخت عندج وشون جنتو عايشين وشنو مخلصه دراسه؟؟؟
ميار:(استغربت من سؤالهه الي بس جاوبت)اححم عندي اخين الجبير اسمه لؤي والثاني اسمه قصي وعندي اخت وحده اسمهه ميس هيه اصغر مني وابوي وامي جنه عايشين بلبستان ومخلصه ثالث متوسط
الشيخه:امم زين زين سمعي وفتحي اذاناتج عدل الكلام الي راح اكوله ماراح اعيدنه مره ثانيه مفهوم؟؟
ميار:مفهوم يالشيخه
الشيخه:سمعي انتي بكل الي صار مالج دخل وهذه قضاء وقدر ومكتوب بجبين البني ادم ... انتي هسه تعتبرين بنوتنه وحرمت الشيخ اريدنج ترفعين راسنه وماتنزلي بلكاع جا احنه اشيوخ ومحسوبه علينه الزله مفهوم؟؟
ميار:مفهوم شيخه
الشيخه:اي اريدن منج باجر تبيضين وجوهنه جدام الوادم وبخصوص مﻻك ماعليج بيهه هيه محروك كليبهه عله خويهه
واريدن منج هم انج تتكفلين بكل امور الشيخ يوسف مثلاً اكله وشربه وهدمه تغسليهن وتكويهن وتنظفين غرفته ماريدن غلطه صغيره من هل ناحيه
والبيت انتي وام محمد وامل وافنان (زوجه رامي) اتساعدو بي المرة جبيرة بالعمر ماتكدر تصعد للطوابق الفوك فهيكون هذه مهمتج انتي وافنان وامل اتقاسمو بينجن الشغل اما ملاك فهتكون بهل فترة مشغوله تحظر للخطوبه فهمتي كﻻمي؟؟
ميار :مفهوم يالشيخه
الشيخه:وهسه روحي ريحي نفسج عندج كعده من الغبشه
ميار:تمام شيخه تصبحين عله خير
الشيخه:وانتي بخير
......
الشيخه:جان المغزة من كلامي ويه الفصليه او ميار انو اشوف اخﻻقهه وطريقه كﻻمهه انو تستحق تكونن حرمة الشيخ او ﻻ المهم كاول اختبار جانت زينه نشوف الايام الجياه تبين
..........
الشيخ يوسف:بعد العشه حجيت وياهم بخصوص خطوبه ابن عمي فارس للملاك و حجاية الحك تنكال هوه زلمه ينشد بي الضهر و وكفاتهه ماتنسي وعلطول الوليد وياي فهذه احسن حل وحته اكدر ائمن عله مﻻك ويا ....... اووووف صافن بسكف الغرفه وجان اتذكر الفصليه ههه انتي شني الي جابج ببالي هسه بس والله عليهه عيون تكتل كتل بوووووويااااي ...شنهو هاي يلشيخ جنك ستخفيت زيادة .....اوووف خل انامن احسن الي
............
ميار:الصراحه ستغربت من تكلمت الشيخه وياي وﻻ الاضرب بئسلوب حلو مع انو جانت حادة بكﻻمه بس يله العافيه درجات كالتي عن واجباتي وانو ﻻزم اهتمن واتكفل بشكو شي يخصن الشيخ وانقسم الشغل بينه اني معترضت لين غيرهم ناس يكوموني بجتله ويكعدوني بجتله هههههه .....اجيت انام وجان تندك الباب
ميار:منهو بالباب
أمل:هاي انه اكدر ادخل
ميار:اي طبعاً حبيبتي ادخلي ليش واكفه
أمل:خو منايمه؟؟؟
ميار:ﻻ جنت اريدن انام بس انتي جيتي
أمل:صراحه اجلني الفضول اجل شني تريدن منج الشيخه؟؟؟
ميار:ههههههههه مرادت شي بس سئلتني عن اسمي وعمري و...(حجيت الي صار)
أمل:جا من باجر نبدي نقسم الشغل بس خلني اشوفن افنانو
وام محمد ونقسم الشغيلات
ميار :تمام
بقينه نسولف نص ساعه وراها راحت البت وانه نمت جانت الساعه ب12/30
........
ميار:كعدت الصبح الساعه4:45كمت صليت صﻻة الفجر ورحت عله أمل كعدتهه حته نكومن نشتغل فكامت وانه رحت للمطبخ عجنت عجين الخبيزات وبديت انظف عله ما يختمر العجين وراها اجت امل واستلمت هيه التنظيف واني طلعت علحديقه الخلفيه أخبر وكملت دخلت جوة لكيت ام محمد كاعدة تحظر الريوك لاهل الشيخ عاد بدو شوي شوي يكعدون لحد مصارت 6:30الكل كعد وبدو يتريكون واحنه هم اكلنه بالمطبخ وراها كل واحد راح لشغله لحد ساعه10:45اجو بيت عم الشيخ اعرفكم عليهم(عمهم الي هوة عدوان وحرمته وعنده تلث وليدات وبنيات ثنيت الجبير فيصل عمره28 مزوج وحرمته اسمهه زهور والثاني فارس عمره26 الي خاطب مﻻك والثالث عمر عمره20وراها البنيات الاولى اسمه نبراس مزوجه عمرهه23 والثانيه اسمه رانيه عمرهه17اكبر مني بسنه )المهم اجو وسلمنه طبعاً دخلن النسوان من باب المطبخ وسلمن البنيات حبابات عرفني عن نفسهن ومرت فيصل هم حبابه روحهن مرحه وضحوكات وشقاوجيات صار وكت الصلاة رحنه صلينه وراها بدينه نصب بلغده والبنات ينكلن المواعين لحد مكملن صبيت غده الي وﻻم محمد وبدينه ناكل لحد ما خلصو غده بدينه نغسل ماعين واني حطيت قوري الجاي علنار وجان يصيحلي الشيخ يوسف
الشيخ يوسف........
.............
شنو تتوقعون الشيخ يريد من ميار؟
شراح يصير بموضوع خطوبه ملاك وفارس؟
يا ترة الشيخه راح تحب ميار وتحاول تقربهه للشيخ يو ﻻ؟؟
شكرا لزيارتكم عالم روايات سكيرهوم
