رواية غرفة العمليات الفصل السادس بقلم جمانه السعيدي
اسيل...ماكدرت انام بس ابجي
عصرت دماغي الف مره اربد اذكر شي
بس بدون فايده كلشي مجاي اذكر
مستحيل الشي الي جاي يصير وياي شلون اني يصير وياي هيج شي واني مااعرف
منو هذا وشلون جردني من ملابسي وعتدا عليه واني ماادري
وين جنت اني
راسي كام يوجعني حيل واحس ريكي صار مر وعيوني تغوش من كد البجي
اكو حسره بكلبي حتى اهلي مجاي يصدكوني
شلون ووين اروح
ماكو غير رب العالمين هو ملجئي الوحيد
هو الي يكدر يساعدني
اريد الحقيقه تبين
كمت اخذت دشداشه من دشاديشي القديمه
دخلت سبحت اباوع على جسمي بلحمام هذا الجسم
الي حافظت علي طول عمري
بلاخير طلع واحد ناقص ماخذلي صور وشايف كل تفاصيل جسمي
معتدي على شرفي
حسبي الله ونعم الوكيل علي
سبحت طلعت
لكيت البنات كاعدات بلغرفه
لمار....ميخالف اسيل لا اضوجين ازمه وتعدي
نها...احنا واثقين منج لان انتي اختنا وربينا سوا
هسه رب العالمين يكشف الحقيقه
جمانه السعيدي
من سمعت كلامهن رجعت ابجي
اسيل...ماعندي احد غيركم يصدكني
اجن ثنيينهن حضنني طلعت توضيت وخليت السجاده
وكعدت اصلي
صليت ركعتين قضاء حاجه
اريد اطلب من رب العالمين يفرج همي
ويخلصني من هاي الازمه
لان هو الوحيد الي يعرف اني بريئه من هاي التهمه
وهذا الاعتداء عليه صار بدون علمي
الاهي مسني الضر وانت ارحم الراحمين
قريت قراءن شويه ورحت نمت بمكاني
جمانه السعيدي
ثاني يوم بابا كان كلش عصبي وماطلع للشغل
على كلشي يعيط بس يدخن
اسمع امي
امي...اتريك كافي جكاير من البارحه لليوم دخنت اربع
باكيتات جكاير
بابا...عوفيني وويني ووين الاكل خل اشوف هاي المصيبه الي جابتها بتج
شلون راح نحلها
انتي وين جنتي من سوت هاي المصيبه اني مو ماامنهن
عندج انت مسؤله عنهن اذا اني غبت عن البيت
امي...أقسم بلله الباب مايفتحنا ولا يطلعن ابد
خاصه اسيل من خلصت دوام الحد هاي اللحظه ماتطلع اله رجلي على رجله
حتى اليوم الي عقدت بي بلمحكمه ماقبلت تروح اله اني وياها
هو هذا ماهر الكلب زعل عليها مرتين لان ماتقبل يقرب عليه حتى من تكعد هي وياا تعوف الباب مفتوح
اني اليوم ضغطي صاعد
مجاي استوعب الي صار
اسيل بتي واني اعرف اخلاقه ماعدها هيج سوالف ابد
شلون صارت هاي المصيبه مااعرف
اسيل....دك تليفون بابا
بابا...الو اهلا وسهلا اي موجود
امي..منو
بابا..المحامي جاي يريد توكيل من اسيل علمود يمشي بالإجراءات الطلاك راح نتنازل عن كلشي
بس الطلاك يتم بستران ولو اني مااثق بماهر
اكيد كل الاهل والاقارب راح تسئل
ليش تم الطلاك بهاي السرعه
وهاي السالفه راح تنكشف
جمانه السعيدي
امي...حسبي الله ونعم الوكيل على كل ضالم وكل من سبب
بهاي المصببه
بابا...اني افكر ابيع البيت وانتقل مكان ثاني بعد مالنا عيشه هنا سمعتنا صارت على كل السان
خواتها شنو ذنبهن
للضهر اجا المحامي ومحضر التوكيل بقضية الطلاك
كتبت تنازل عن كلشي ووقعت على التوكيل حتى بمشي بالإجراءات براحته
جمانه السعيدي
بهذني اليومين بابا شكله كله انكلب
حالته بلنازل حابس نفسه بغرفته ويسحك جكاير
ومايقبل ياكل
ابد مو هين علي الي جاي يصير
هاي السمعه بقا يبني ببها سنيين وبين يوم وليله كلشي ينهد على ايد واحد ساقط حتى مانعرف هو منو
لليل كاعدين اني والبنات بغرفتنا
احس الدنيا سوده بعيني ومالها طعم شلون راح اعرف هذا منو وشلون كدر يوصلي بهاي السهوله
ماكو على الساني غير حسبي الله ونعم الوكيل
الله ينتقم منه
سمعنا امي عاطت بصوت عالي
رحنا اتلاثتنا نركض الغرفة بابا لكينا واكع بلكاع
ياستار ياربي
كلنا نعيط نريد نكعده ماكووو
خليت راسي على صدره بي نبض بس مايتحرك
امي تحاول تساعده بس ماكو عندا اي ردت فعل
طفرت اني لبست رداء وحجاب وطلعت للشارع
جبت تكسي واجيت
اتكابلنا علي كلنا ودخلنا بلتكسي صعدنا اني وماما ويااا
اخذنا للمستشفى خواتي بقن بلبيت
وصلنا للمستشفى
نزلت قبلهم اني جبت سرير متحرك
ساعدني السايق نخلي على السرير دخلنا للطوارء
كمت اعيط
فدوه الحكو عليه ابوي راح يروح مني
اجتمعو عليه الممرضين وشالو خلو على سرير بلطوارء
اني عفت امي وياا ورحت للدكتور الخفر
لكيت الناس مجمعه علي
اسيل...دكتور .دكتور فدوه ابوي الله يخليك
يرحم والديك ساعدني
عاف كل المراجعين واجا وياي
بدا يفحص بعيونه فحص النبض جاب جهاز الضغط
وقاس الضغط
الدكتور... جيبو جهاز فحص السكر
اجا الممرض اخذ دم من الوريد بلذراع ودزه للتحليل
قاسو السكر
طلع السكر والضغط ثنيينهن صاعدات
لازمه ايد بابا وابجي كله بسبيي اني الي وصلته الهاي الحاله
بعد الفحص بساعه طلعت التحاليل
طلع عندا جلطه
خفت اي خفت بابا السند الوحيد النا احنا مانسو
شي اذا راح بابا
يارب دخيلك الطف بحالنا الرجال ماتحمل الي جاي يصير
امي...سوده عليه صار يومين مانايم بس يفكر شلون راح يواجه الناس وشراح يكول
ومنو راح يصدك كلامه حسبي الله ونعم الوكيل
هاي اليله خلصناها بلمستشفى
اليوم الي بعدا اجن خواتي ورانا نقلنا بابا الغرفه خاصه
وبقينا كلنا ويااا
محد يقبل يرجع للبيت
بعد شسوي بلبيت اذا ماكو بابا
هو البيت وهو الامان يارب سترك لا تحرمنا منه ابد
يارب الطف بحالنا ياكريم
يومين احنا كاعدين بلمستشفى وياا بابا
يفتح عيونه شويه ويرجع ينام من المهدئات الي جاي ياخذها
اليوم الثالث طلعنا بليل من المستشفى
الدكتور وصا بعلاج طبيعي والاكل خاص وماكو اي ضغوطات
لان اي انتكاسة جديده هلمره مراح يتحمل ابد
طلعنا للبيت خلينا بغرفته ومنعنا عنه اي زياره البيت هادء
وماينسمع اي صوت
والاكل خاص الكل يصلي ويدعي رب العالمين بنجي من هاي المحته
اليوم الي بعدا يعني خامس يوم بعد ما انطيت توكيل للمحامي حتى يتم الطلاك
العصر اندكت الباب
اسيل....منو من ورا الباب
...هاي امانه الكم دزها ماهر كان الصوت صوت رجال
متوسط بلعمر مو صوت ولد زغير
فتحت الباب شويه خله الجنطه كدام الباب وراح
ماشفت شكله ابد
سحبت الجنطه دخلته وطبكت الباب
فتحته بيها ضرف فتحتها ورقة طلاكي
وموبايلي لان بقى بلبيت مالحكت اجيبه
وملابسي
الذهب والمكياج مادازه اليه باقي عندا
فقط داز ملابسي والموبايل وورقة طلاكي
اخذتهن دخلته وسكتت مااربد بابا يعرف خلي
الوضع الي هو بي مكفي
مافاتحت الجنطه لا طلعت الموبايل ولا الملابس
كاعده كل النهار يم رجلين ابوي ومابطلت ادعي واستغفر
مااربد شي بس اريد بابا يكوم بسلامه
خل الدنيا تحترك مايهمني
بس هو يرجع النا
جمانه السعيدي
فات اسبوع على وضع بابا هذا بدينا نسوي تمارين الدكتور
حددهن النا
بلاضافه للهدوء
والاكل الصحي
صارت حالته شويه احسن يعني تحديدا صار اسبوعين من وكع بلبيت بين ايام المستشفى وبين رجعته للبيت
صار اسبوعين
يكعد يحجي كم كلمه ياكل بس قليل اكثر شي شوربه
لو دجاج شوي
بس بعدا حزبن ماعندا ردت فعل علينا
ماياخذ وينطي ويانا بلكلام
مايحجي اله يحتاج شي لو يريد مي لو يربد يسبح
وبعد مايحجي ويانا
اني الوحيده الي كاعده يم رجلي طول النهار
بس بليل اروح انام بغرفتي والنهار كله اني كاعده بغرفتا
خاف يحتاج شي
هذا ثالث اسبوع خلص بعد طلاكي
جمانه السعيدي
واني ماعندي شي اهم من بابا
من شفت بابا حالته احسن اطمنت
يحرك ادي وياكل ويحجي كلامه مفهوم
اول ماوكع مانفهم كلامه ابد
بس رجلي مايكدر يحركهن
جبناله كرسي متحرك
حتى نكدر نسبحه بلحمام علي ونطلعه برا بلحديقه
حتى يشم هوا
ونغير مزاجه شويه
تحديدا واحد وعشرين يوم بعد ماا استلمت ورقة طلاكي
فتحت الجنطه اطلع ملابسي
رغم اني اكره ذني الملابس لان يذكرني بيوم زواجي الأسود
اريد اطلع ملابسي
شفت التليفون طلعته على صفحه
راسا اجتني رساله
اني تقريبا نسيت تليفوني لان اهم شي عندي صحة بابا
اخذني الفضول اشوف الرساله
فتحت التليفون
الرساله جايه على الماسنجر
...هلو شلونج اسيل مشتاقلج
باوعت رقم غريب والصفحه بدون صوره
قبل هاي الرساله داز
.....صباح الخير مرتين
ومره مساء الخير
ومره داز صورة ورده حمره
واني لازمه التليفون واكلب بي دزلي
...اعرف انتي مشغوله بمرض ابوج الله يشافي
اسيل....منو حضرتك ومنيبن جبت رقمي اني اعرفك
....انتي ماتعرفيني بس اني اعرفج عز المعرفه
وحافظ كلشي عنج أدق التفاصيل
اني مهووس بيج حتى احلم بيج
اسيل...منو حضرتك
....احبج واموت عليج كل تفاصيل جسمج حافظها
واتمنى نعيد العلاقه اني وياج مره ثانيه
اسيل...فتحت عيوني يمه خفت هذا نفسه
الي اعتدا عليه كلبي كام يدك بسرعه
وكع التليفون من ايدي
شكرا لزيارتكم عالم روايات سكيرهوم
