رواية شيخه عراقيه كويتية الفصل الخامس بقلم جمانه السعيدي
رحيم...رجعت للبيت لكيته مبدله لابسه ثوب حلو بس شافتني عدلة الشال على راسه
رحيم...هذا الاكل غدا وعشا هم اجا احد
بدريه...لا
كعدنا ناكل اني وياها كوه تقطع الخبزه حلكه كله مورم من الضرب
اكلت شويه وكامت اني جوعان كلش شبعت يله كمت
اجت لمت الاكل الباقي
لليل بقيت كاعد بلشقه وهي بغرفته جوا ومحد اجا منهم
ضجت كلش حاولت انام على القنفه مو مريحه
دخلت للغرفه هي عدلت شأله وكالت
بدريه..تامرني بشي
رحيم..اريد فراش انام علي
بدريه..نام انت هني وانا انام برا
رحيم...لا اني متعود على النوم بلكاع
اخذت فراش وطلعت فرشت اريد انام بس ماكدرت
حسبه اجيبني وحسبه توديني
شفت بدريه تروح وترجع
رحيم...شكو خير
بدريه...عندي وجع جسمي كله يوجعني من الضرب
رحيم...اجيبلج مسكن
بدريه.. لا بصير احسن
رحيم..لا خل اطلع لان الصيدليات خاف تعزل
بدريه..اي صح بتسكر الصيدليات
رحيم...شويه واجي
جمانه السعيدي
بدريه..هني ماكو صيدليات بتروح بعيد وخاف تتأخر علي
رحيم...تعاي البسي وتعاي وياي تخافين تبقين وحدج
بدريه..الحين البس وايي معاك انا اخاف ابكه هني وحدي
رحيم..يله منتضرج
لبست رداء وخلت الشال على راسه والطرف مال الشال غطت بي وجه
وطلعنا اجرنا تكسي
اول صيدليه كتله هنا نزلتا
نزلت وهي نزلت وياي كان اكو دكتور ودكتوره
قربت على الدكتوره وكتله ممكن تشوفين زوجتي
قربت وفتحت الشال والدكتوره انصدمت من المنضر
الدكتور..شفيج منو الي سوا فيج جذي
بدريه..حادث
الدكتوره..ليش ماتبلغبن الشرطه لو ترحين للمخفر
بدريه..مايحتاي اريد مسكن لان جسمي كله يوجعني
رحيم..الدكتوره انطتنا ابره مسكن وعصاره للجروح الي بوجه وشريط كبسول مضاد التهابات
ورجعنا للشقه
جمانه السعيدي
جاي اصرف من الفلوس الي مجمعهن خاف يخلصن واني بعدني بدون شغل
دخلنا بدريه اخذت العلاج ودهنت وجه ودخلت اتنام
واني اتكلب بمكاني
شويه وحسيته جابت غطا وغطتني
الصبح كعدت وهي بعدها نايمه رحت جبت ريوك واجيت
كعدت بدريه خاله الشال على راسه بس شعرها طالع من الشال ونازل على ضهرها يخبل
اليوم الورم شويه فاش من وجه
على فكره اني قبل ماجنت مركز حيل بملامح وجه
لان مامتخيل اني يمكن بيوم من الايام ازوجه
هي وين واني وين
بت الحسب والنسب واني رجال اشتغل سايق عد ابوها
لو ماهي المصيبه مستحيل تباوع بوجهي حتى
بس سبحان الله القدر جمعنا سوا
المهم بعد الريوك دخلت هي جوا واجت بيدها علبة ذهب
فتحته وكالت
بدريه...خذ هذا الذهب وافتح فيه مشروع خاص فيك
رحيم..باوعت عليه دفعت العلبه بايدي
رجعي ذهب مااحتاجه
مو اني الي يستغلج وياخذ ذهبج
اني رجال واكدر ادبر نفسي لا تخافين عليه
بدريه.. بس انت شو ذنبك تتعب والسبه انا
رحيم...رب العالمين خلاني بطريقج حتى احميج من الموت
بدريه...خذ الذهب حتلو اطلكني انا بعطيك الذهب
انت انسان طيب وتستاهل كل خير
رحيم..كتلج رجعي الذهب اني أدبر نفسي
جمانه السعيدي
بس خلصنا اكل اندكت الباب فتحته لكيته العم ابو صكر
رحيم.. اهلا وسهلا هله ابو صكر تفضل
بدريه..بس سمعت صوت ابوي نزلن دموعي
رحت علي واني موطيه راسي لان عملتي جبيره
ابو صكر...هله بدريه شلونج
بدريه...كربت علي وحضنته زينه دام انت سالم
ابو صكر... انا اجيت اطمن عليكم واشوفكم
ولكيت شغل البدر اريدو يجي معي
حتى يستلم الشغل
رحيم.. فرحت فرحه ماله مثيل واخيرا راح اشتغل
...شنو الشغل
ابو صكر.. تعال معي وانت تشوف الشغل
رحيم صعدت بلسياره ورحت وياا ابو صكر صلنا بنايه
جبيره مكتوب عليه شركة استيراد وتصدير
دخلنا وابوصكر اخذني دخلنا غرفه
ابو صكر...هذا الولد الي كلتلك عنه
رد علي ذاك الشخص
تامرني ابو صكر مايصير الي انت تبي
اعطيني اوراقك وكلشي خاص فيك
رحيم..انطيته اوراقي وبدا يكتب خلص
...بكره اداوم اول يوم بتكون حارس نهاري تشتغل ست ساعات من الصبح للضهر ونعطيك الراتب الي يرضيك
رحيم...فرحت يا الله واخيرا فرجت عليه
رجعني ابو صكر للبيت وبلطريق رحنا السوك المخضر اتسوكلنا ورجعنا رحنا السوك الحم
واخذني للسوبر ماركت
اشتراليا غراض مال شهر كامل
ابو صكر هو الي دفع الفلوس ماقبل اني ادفع
ورجعني للشقه بس دخلنا بدريه رجعت حضنت ابوها
وباست ايدا وكالتله سامحني اني غلطت وانت منك السماح
صممت ابوها يبقى للغدا ودخلت تطبخ غدا
تغدينا ودعنا ابوصكر وطلع
هي بقت تنضف بلمطبخ واني دخلت سبحت ونمت بلهول
ثاني يوم كعدت ورحت للشغل بدون مااكعدها
ومن رجعت لكيت البيت نضيف
والاكل جاهز
بدريه... هله فيك الاكل زاهب احضرلك تاكل
رحيم..اي ولله جوعان
علما بدلت هي خلت الاكل وراحت
رحيم..بدريه وين رحتي تعاي نتغدا
بدريه...مااني حوعانه
رحيم.. بس اني مااعرف اكل وحدي
بدريه..خلاص بكعد معاك
كعدنا ناكل هي اكلت شويه وراحت جابت الجاي
جمانه السعيدي
كله تحجي وياي وهي مدنكه ولبسه محتشم والشال ماينزل من راسه ابد
اليوم الي بعدا وجه صار احسن والورم خف حيل
بدت ملامح وجه تبرز اكثر
والحديث بينا صار اكثر من قبل
من ارجع للبيت
البيت نضيف والاكل جاهز وملابسي مغسوله ومكويات
كنت مرتاح وماعندي مشاكل
إلى أن التقيت بصديقي العراقي
صديقي...هاا شلونك لكيت شغل
رحيم..اي ابو صكر شغلني
صديقي...وشلونه بدريه
رحيم..زينه
صديقي..شلون تثق تعوفه بلبيت هيج وحدا ماله امان
ايجوز من تطلع تطلع وراك
داير بالك منه خلي عينك عليه
رحيم...لا مااعتقد هي اني لا بسه مني شال ومتحجي وياي وترفع عينه عليه
صديقي...شمدريك النسوان حيالات
ايجوز تمثل كدامك
رحيم...لا مااعتقد بدريه عدها شي
صديقي....انت غشيم ماتعرف الناس شلون ورطت نفسك بهاي الزواجه مااعرف
على العموم الله يصلح حالكم
رحيم...كلامه دخل الشك بكلبي وهي اصلا عدها مصيبه
قبل معقوله من اطلع هي تطلع
لو ايجوز حبيبه مامسافر
شكرا لزيارتكم عالم روايات سكيرهوم
