رواية الفصلية الفصل السابع بقلم زينب نور
............................
ميار: خلصو غده وبدو ينكلون المواعين واني حطيت الجاي علنار لبين ما يكملون كلشي هوة مستوي ومتخدر واني اغسل بلمواعين جان يندهني الشيخ يوسف من يم المغسله
الشيخ يوسف:ميااار
ميار:نعم شيخ تحتاج شي
الشيخ يوسف:بلي جيبيلي منشفه خاطر انشف ايديني
ميار:تؤمر يالشيخ ثواني(رحت طلقه جبت المنشفه واجيت حته متئخرت هواي)تفضل يلشيخ هاي المنشفه
الشيخ يوسف:اممم جيبي ...خدرتو الجاي؟؟
ميار:بلي يلشيخ الجاي تخدر بقه بس نصبه ونجيبه
الشيخ يوسف:تمام جا خفن ايديجن شوي
ميار:تمام يالشيخ تؤمرني بشي ثاني
الشيخ يوسف:ﻻ ماريدن شي روحي لحين
ميار:حاضر يلشيخ
.............
الشيخ يوسف:كعدت الصبح نزلت اتريك والبيت نظيف يلمع لمع وريحه البخور بكل مكان كملت ريوك وطلعت كعدت بلديوان شوي واجو ولد عمي وربعي بقينه نسولف لحد ماراحو ودخلت للبيت سبحت لين الدنيه تسمط سمط وغيرت هدمي وطلعت من الغرفه سمعت صوت بيت عمي عرفت وصلو عاد نزلت ستقبلتهم وخذيت الزلم للديوان والحريم فاتن من باب المطبخ وبدينه نحجي بأمور العشيرة والشغل لحد مئذن الضهر كمنه نصلي وراها بدو يصبون الغدة وينكلو للاستقبال وبدينه نتغدة كملت ورحت اغسل صراحه اني ردت اصيح ام محمد لو أمل مادري شلون طلع من حلكي اسم ميار وندهتهه عاد اجت علسريع وحجيت ومعاها عل طول كﻻمي معاها جانت مدنكه راسهه بلكاع وتتكلم بخجل عجبني اضل اتكلم معاها بعدين تذكرت الخطار لازم اروحن يمهم ونحجي بسالفه مﻻك وفارس
...........................
ميار:تركت الشيخ ورجعت للمطبخ كلبي يدك الف بالدقيقه جا انه ماني مصدكه الشيخ تكلم وياي المهم صبيت الجاي بلستكاين وراحت ام محمد تودي الصينيه وانه وأمل وافنان بدينه نعزل الاكل الباقي بالماعنين ونغسلهن ونشفهن ونرجعه مكانهن وراها مسحنه المطبخ والكاونترات ولمعنه المطبخ يله طلعنه رحت ارتاح بلغرفه مالتي جانت الساعه4اله ربع عاد وره شوي اجت أمل وبنات عمهه كالن تعاي معانه لغرفه أمل نتكلم شوي ونتعرف اني معارضتهن ورحت وياهن عاد حجت رانيه
رانيه :اي ميار عرفينه عن نفسج
ميار:اسمي تعرفينه عمري 16 وهدخل ال17بعد تلث اشهر اني مخلصه ثالث متوسط ومبطله لين عدنه البنه لحد السادس ابتدائي وتبطل بس لين اني شاطرة خلوني للثالث وبطلوني عدني اخين واخت الجبير لؤي والثاني قصي واخت اصغر مني اسمهه ميس وامي وابوي وهمه هسه مو هينه طلعو لبغداد يم اهل مامه لين مامه بغداديه وبويه من البصرة بس همه سكنو هينهة بلعمارة وبس هاي عرفتج عن نفسي
نبراس:اكلج اهلج اتزوجو عن حب لو تقليدي
ميار:ﻻ ازوجو عن حب بابه جان عنده شغل بغداد وشاف مامه طالعه من المدرسه وشافهه عجبتهه وتقدم لخطبتهه خمس مرات يله قبل جدي ابو مامه لين ميريد امي بعيده بغير محافظه لين بس هيه لبنيه عله خمس ولد ومن تزوجت بابه عاشت بيت جدي ابو ابوي وراوهه الويل لين جانو رايدين بت عمه لبوي بس هوة ماتزوجهه وراها اجه لبوي شغل هينه واجه جاب امي جانت بكتهه حامل بلؤي وابو الشغل كاله انو شغلك زين شدكول انو تستقر هين عاد ابوي قبل وستقر هينه وهاي كل القصه
أمل:ياا جا ليش ما كلتيلي روحي زعلت منج
ميار:هههه ﻻ ولج لتزعلين هوة انتي وين سئلتيني حته اسولفلج
أمل :اي هم صح
رانيه:الله الله يعني كل هل شي عاشته امج بس بعدين الله عوضهه بيكم
نبراس:زين انتو جنتو تروحون لبيت اهل ابوج؟؟
ميار:اي بس بسنه مرة وبيت اهل امي هم نفس الشي لين عدنه شغل مانكدر نروح كل فترة وطريج طويل
نبراس:هم صح
رانيه:خل نلعب لعبه
أمل:شني نلعب
رانيه:نلعب حرف اسم حيوان نبات جماد مدن شني كلتن
أمل:اي خوش فكرة اكوم اجيب ورق واقلام
نبراس :يله
ميار: (بدينه نلعب ورة نص ساعه صاحو عل بنات وراحن واني رجعت لاغرفتي جانت ساعه 5ونص كلت ب6اطلع احظر العشه)
...........
الشيخ يوسف:رجعت للاستقبال وبدينه نسولف وراها عمي سئلني
العم:اي يلشيخ انه انشدك شنهو جوابك عن موضوع الخطبه شني دكولون
الشيخ يوسف:والله ياعمي كل الهله بيكم ونتشرف تناسبونه وخاصه انو فارس زلمه حوك وينشد بي الضهر
العم :على بركة الله جا خلنه نقره الفاتحه
الشيخ:تمام (قرينه الفاتحه)مبروك ابن العم انه ناطيك كطعه من كلبي اريدنك تحطهه بعيونك الثنتين
فارس:تدلل يخوي بعيوني احطهه
الشيخ يوسف:اتفقنه عل مقدم 10مﻻيين والمؤخر15مليون وحددنه الخطوبه الاسبوع اليجي وراها صاحو عله حريمهم وترخصو وراحو وانه بلغت الشيخه والبنيات انو الخطوبه الاسبوع الجاي حته يحظرن نفسهن وباركنه لمﻻك وصعدت ارتاح ساعه وانزل عاد تمددت عل فراش واول ما غمضت عيني اجت ميار براسي وتذكرت شكلهه وخجلهه ....اوووو شعلامي انه اتذكر البت الحين استغفر الله خلني انام احسن
..........
ميار:اذن المغرب وصلينه وكمنه نحظر العشه ونجهز عاد ام محمد راحت تندهه اهل الشيخ وانه اصب وأمل تنكل الماعين للسفره لحد ماكملنه وانه كعدت اتعشه بلمطبخ انه وام محمد وكملنه كامو يجيبون المواعين للمطبخ وغسلناهن ونظفنه المطبخ عاد كملت رحت لغرفتي سبحت وطلعت مشطت شعري الحجي هذه ساعه 9ونص عاد تمددت دانام لين من الفجر كبل لا تطر الشمس انه كاعده عاد غمضت عيوني وجان تجي أمل وكالت انو الشيخ يبيني بغرفته فوك
كتله :شيريد الشيخ الحين وبهل وكت
أمل:وانه شدراني بس الامانه لله الضاهر الشيخ بده يوكع بحبج يملعونه
ميار:خايبه ما تطيرين يحبني كال انه كايمه اشوف شني يريد
أمل:اوووي عيني نكلبت حمرة من الخجل يله يستعجلي جا احنه مانريد الشيخ ينطر جثير
ميار:هجي اجنزج وعلي ولي يله
أمل:ههه تمام بس ﻻ تعصبين
ميار :اااا اكول أمل
أمل:نعم يختي عاوزة اي
ميار:كلبت مصري انوب يختي انا مبعرفش اوضة الشيخ فين وايه باب ممكن تقوليلي هيه فين
أمل :ههه اوضة الشيخ بالطابق التالت على ايدك اليسار يختي
ميار :مشكورة يختي دنه تعبتك معايا
أمل :تعبك راحه يختي يله في امان الله
ميار:الله معاكي
هلووو الشيخ هسه شيريد مني والله ميته تعب اووووف اروح اشوف شني يريد وارجع انام هيي انتي يل مخده اياج تتحركين شبر واحد ﻻ انتفج مفهوم هههه تخبلت وعلي
...
صعدت لغرفه الشيخ دكيت الباب وكلي ادخلي بويه ميار
ميار:اااا شيخ كالو طالبني
الشيخ:اي اريدن جاي ثجيل يعدل الراس
ميار:تأمر شيخ دقايق ويكون يمك
الشيخ يوسف:ما يأمر عليج ضالم بويه
ميار:نزلت سويت جاي وصعدته للشيخ ودكيت الباب كلي دخلي بويه
ميار:هذه الجاي شيخ تريدن شي ثاني
الشيخ:تسلم ايدج اي اريد كعدي هينه
ميار:صاا...ا..ر ش..ييخ(تلبكت ماعرفت شسوي وهوة شنو يريد مني )ردت اكعد بلكاع كلي
الشيخ يوسف:وين كاعدة تعاي كعدي هين اكو مجال
ميار:تأمر شيخ (كعدت مسافه عنه)
الشيخ يوسف:سمعي زين بويه انه اريدن منج..........
..............................
ياترة شيريد الشيخ من ميار؟
شنو راح يصير بلخطوبه؟
ياترة الشيخ شنو مشاعره تجاهه ميار؟
..........................
شكرا لزيارتكم عالم روايات سكيرهوم
