رواية غرفة العمليات الفصل السابع بقلم جمانه السعيدي
اسيل...وكع التليفون من ايدي بمه خفت اي خفت
كلبي كام يدك على السريع
هذا شلون وصلي ومنيين جاب رقم تليفوني
دزلي....ردي ليش سكتي
اسيل...شتريد بلضبط
...احبج واموت عليج لا اضوجين لان خربت عرسج
انتي اليه ومراح تصيرين الغيري
اسيل... انت ماتستحي ماتخاف من الله حسبي الله ونعم الوكيل عليك الله ياخذ حقي منك
... هاي شبيج مو كلنا احبج
اسيل...اني راح أبلغ عنك ياساقط
...شوفي لا تمشين ذني الكلمتين عليه ولا تهددين
عندي نسخه من الصور الي دزيتهن الماهر
اذا ماتمشين وياي عدل
انشر الصور وساعته خلي هذا الكلام يفيدج
اسيل...دمرت حياتي دمرت سمعتي بعد شتريد مني
...اريدج تعرفين شنو اريدج اريد نخلص وقت سوا اني وياج واتمتع بهذا الجسم الحلو
لا تحاولين اي محاوله رقمي كلك اكبر واحد مايكدر يوصلي
اي محاوله منج تعبين نفسج وبس
اسيل....لا ياحقير ياناقص انت شنو ماعندك ذمه وضمير
شلون كدرت توصلي
لو اموت مااخليك تلزم طرف ثوبي
فهمت لو لا
جمانه السعيدي
اسيل ... حضرت الرقم وشمرت التليفون بس جسمي كله يرجف كلبي يدك على السريع
هاي شلون مصيبه واحد مريض نفسي
منيبن طلعلي
مااعرف اصرف احجي لو اسكت
خاف اسكت وينفذ تهديده
خاف احجي ومحد يكدر يوصله
خاف احجي وينتقم مني وينشر صوري
جسمي كله يرجف ياربي شلون بيه
شسوي ووين انطي وجهي شنو الحل
صعدت على الجربايه تمددت وتغطيت
نها....هااا شو نمتي مو كلتي اريد اسبح
اسيل...تعبانه مااكدر
نها...شبيج تعبانه
اسيل ...عوفيني خل ارتاح
غمضت عيوني وغطيت راسي
استغفر الله ربي ياربي انت اعلم بحالي لا تعوفني محتاره
انت سندي اني قليلة الحيله
وهاي السوالف ابد ماماره عليه
شويه واجتني رساله خفت افتح التليفون
اصلا اني ليش فتحته اليوم لو عايفته بلجنطه احسن
جان يدز رسايل مافتحته
جمانه السعيدي
نص ساعه اجت رساله ثانيه
سحبت التليفون وفتحته
...اذا حضرتيني من هذا الرقم اجيج من غير رقم
اسمعي كلامي وصيري حبابه
ولا تكولين الاي احد على هاي الرسايل
انتضرج تردين عليه
قفلت تليفوني هاي شنو من ورطه وشلون راح احلها
بعد مافتحت التليفون بهذا اليوم
ثاني يوم الصبح نها فتحت تليفوني تريد تتصل
على صديقتها لان تليفونها البطاريه ماتشحن
نها...هاي ليش غالقه تليفونج
اسيل...ماادري بي مغلق
كملت وانطتني التليفون
بس مديت ايدي اريد الزم التليفون اجت رساله
نها...اجت رساله
اسيل...اي هسه اشوفها
فتحتها
....حبيبي ليش غالقه التليفون ترا ماتكدرين تخلصين مني
حتى من المركه اطلعلج يولي خل نتونس هي الدنيا شببها
يمتى نلتقي لان بعد ماعندي صبر
حاولي تقربين الموعد لان كاعد على ناررررر
تكدرين تجيني بكل سهوله ابوج مايكدر يطلع
بحجة مسواك او جيبين علاج
بسرعه مراح تتاخرين
نكعد شويه اني وياج نتونس وبعدين ترحين
اسيل....رجعت غلقت التليفون ومارديت علي هذا ماناوي
يعوفني بحالي لازم الكه حل بسرعه
جمانه السعيدي
هاي ليلتين ماانام القلق اخذني شلون بيه
شنو الحل ياربي
توضيت وقررت اصلي صلاة اليل واطلب حاجتي
يارب انا الضعيف الفقير وانت الغني القوي
ضاقت عليه سبل الارض
واتجهت اليك راجيا رضاك اللهم أعني على هذا البلاء
وفرج عني فرجا قريبا كلمح البصر او هو أقرب من ذاك
نمت وجه الصبح ماكعدت غير الساعه بلعشره
غسلت ورحت يم بابا
بابا...اليوم اتاخرتي عليه شبيج وجهج اصفر
اسيل...مابيه شي
بابا...تمام يله منتضرج علمود العلاج الطبيعي
كعدت يم رجلين بابا وهو كاعد على الكرسي المتحرك
وبديت امرن رجلي شويه شويه
بس عقلي ابد مو عندي شلون راح احل هاي المشكله
اذا اسكت احتمال ينشر صوري
واذا اجاوبت ويااا هاي اكبر مصيبه شلون اسلمه نفسي بكل هاي السهوله
يمه حتى تفكير مااكدر افكر بلموضوع اقتل نفسي احسن
بابا...اسيل شبيج بابا اكو شي
باوعت على بابا وشفت محد راح يساعدني غيره
اكيد هو أكبر مني وافهم بهاي السوالف
بعدين ترددت اخاف علي خاف وضعه ينتكس اكثر
امي جابت تليفوني كالت تليفونج يرن
اسيل...بس اني غالقته
امي...شفت نهى تحجي وياا صديقته
بش لزمته انتهى الاتصال
فتحته لكيته رقمه
دازلي رساله لان ماقريته يتصل عليه حتى يهددني
....شوفي روحج بايدي
اللج مهله منا الباجر اذا ماتجين بلمكان الي اني احدده اضيعج
شنو اني طفل اضحكين عليه
حاكرتني وماتردين عليه شنو جديده هاي الشغله عليج عيني اسوله
حلو الدلع اني اريد ادلعج اسوله
اني ماعندي مانع كبسه وحدا تصير صورج بكل الكروبات
تعرفين اني اسويها
مثل مادزيتهن قبل الماهر بدون مااتردد
اسيل...كلبي كام يدك على السريع
ووجهي صار اصفر
بابا...شبيج ليش هيج خفتي اكو شي
اسيل...اي اكو شي ومحد غيرك يكدر يساعدني
حتى اتخلص من هذا الشيطان
بابا...شيطان منو قصدج احجي ليش خايفه
اسيل....هاك شوف الرسائل الي جاي تجيني اعتقد نفسه الشخص الي اغتصبني
بابا...شو شنو رسايل ليش ماتحجين
جمانه السعيدي
اسيل...صار ٣ ايام يهددني لو اروح وياا حتى يغتصبني مره ثانيه لو ينشر صوري الي عندا بلفيس
مااعرف اتصرف
اسفه اعرف اني اجيت بلاء عليك
وكل مرضك وتعبك بسببي
بس ولله هذا التهديد دليل برائتي اني لو امشي وياا من زمان مجان هددني بلصور
صار ٣ ايام مانايمه القلق اخذني محتاره شسوي
مستعده اقتل نفسي ومااسلمه جسمي مره ثانيه
تعبت تعبت بابا
شلون بيه منيبن طلعلي هذا المجرم
بابا اخذ التليفون وبدأ يقرا بلرسايل
بابا...لا ياحيوان لا ياشيطان هلمره اجا للموت برجلي
جيبلي تليفوني
طبعا مدير الشرطه صديق بابا من زمان من ايام الدراسه
وبابا كلما تصير مناسبه بيت مدير الشرطه
يروح يصور الحفله بدون ماياخذ فلوس
واي شي يحتاجه بابا مدير الشرطه يخلصه اله
اتصل بابا علي وكاله اريد اجي اشرب جاي يمك
...اهلا وسهلا صار فتره مختفي ماتسئل
بابا...هسه اجي وافهمك
...عندك مشكله
...جايك بس اوصل اشرحلك كلشي
بابا...روحي بدلي واني هم ابدل لازم نقدم بي بلاغ
اسيل...بس شلون راح يعرفونه عليمن نقدم بلاغ
حتى اسمه مانعرفه
بابا...انتي مالج دخل هذا شغلهم وراح يعرفونه
جمانه السعيدي
اسيل. هسه ابدل واجي بسرعه
رحت بدلت لبست رداء اسود وحجاب اسود وحذاء فلات
وطلعنا اني وبابا ادفع بالكرسي المتحرك
امي...وين رايح اخاف عليك
بابا..هسه شويه ونجي
أجرنا تكسي وكبل على مركز الشرطه
بس دخلنا وشافنا العميد وكف وسلم على بابا بحراره
...هاي شنو ليش كاعد على كرسي شنو صارلك حادث
بابا...اي ولله حادث دمرني ودمر عائلتي كله
....ياستار ياربي احجيلي اكعدي عمو
بدا بابا يحجيله كلشي مر علينا ابتداء من ليلة عرسي
والحد هذا اليوم
بعدين اخذ التليفون وشاف التهديد
....لا ياناقص على هاي الدكه لا تستغرب ابو اسيل
هاي حالات الابتزاز كثرانه هلايام
بابا....بس بنتي لا طالعه وياا ولا تعرفه شلون كدر يعتدي عليه ويصورها مااعرف
...بسيطه لا تشيل هم اجهزت الدوله اطورت مو مثل قبل
والكاميرات انتشرت بكل مكان
مراح يصعب علينا شي
بس محتاجين وقت
تعاي بابا اكعدي كبالي واحجيلي
...جانت عندج علاقه سابقه باي احد
اسيل....لا
...ولا حتى صداقه
...لا
...احد تقدملج ورفضتي
...لا
..عندج عداوه وياا وحده صديقه او وحده منا منا
...ابد اروح بطريقي وارجع بطريقي
...جايج تهديد سابقا
...لا
...هم ترحين تباتين بيت احد من اقاربج او بايته يوم بيت صديقتج
...بعمري ما نايمه بغير بيتنا حتى إذا رحنا للزياره
نروح كل العائله ونئجر غرفه بفندق ونام كلنا سوا
...هم اطلعين من البيت يعني للسوك عيد ميلاد صديقتج
...اي وحده تعزمني اعتذر لان بابا مايقبل اروح هيج مناسبات
...زين هاي الفتره ماصار شي غريب اي حدث تذكري
...لا ابد
...زين من رخصتكم راح احولكم مكتب مكافحة الابتزاز الالكتوني اكو ولد هناك كلش شاطر وذكي
مايصعب علي اي مهمه
تكدرون ترحون تحجوله القصه من البدايه واني راح اتصل علي واوصي عليكم
جمانه السعيدي
بابا...شكرا جزيلا
...تطلبني زياره للبيت اعذرني ماكنت اعرف بحالتك الصحيه
بابا...لا تكلف نفسك إذا صدك تساعدني احل هاي القضيه اكون ممنون منك
...بسيطه راح تنحل لا تخاف سهله انشاء الله
راح اخلي السايق الخاص يوصلكم وينتضركم ترجعون البيتكم
واني بنفسي راح اتابع هاي القضيه
ودعنا وطلعنا فعلا لكينا السايق ينتضرنا برا
ساعد بابا حتى يصعد بلسياره واني صعدت ورا
كلش خايفه خاف يعرف اني اشتكيت علي ويفضحني
خاف الاجرائات أطول ويفضحني
وصلنا المديريه مكافحة الابتزاز
والضابط استقبلنا برا
بس نزلنا من السياره اجا علينا
دخلنا بغرفته حيل رحب بينا بشكل مبالغ بي جابلنا ماي وجاي
رجعنا حجينا كلشي صار ويانه
سئلني نفس الاسئله الي سئلني اياها مدير الشرطه
جاوبت نفس الاجابه
الضابط..... احتاج تليفونج اخلي تحت المراقبه
اريد الصور الي صورهن حتى ادقق بيهن يمكن نعرف المكان الي اخذج اله ويكون اول خيوط الحل
واخر شي اريدج اسايسينا يعني شيكول تكولين حاضر
بس حاضر وانتي خايفه حتى لايشك بينا
حاولي تتوسلين بي وتبينين انتي اكثر من خايفه
حاولي تعرضين علي فلوس حتى يعوفج
حتى يامن بيج ويصدك
كل هذا احنا راح نكون مراقبين تليفونج يمكن نكدر نحدد مكانه اذا حددنا مكانه راح نكدر نقبض علي
للحكايه بقيه
اكتبو الاسئله الي ادور ابالكم حول القضيه
وملابساتها بمنو تشكون
تتوقعون شلون راح يلزمونه
شكرا لزيارتكم عالم روايات سكيرهوم
