رواية مازلت عذراء الفصل الثامن بقلم جمانه السعيدي
هبه...اني وميثم مستمر حبنا يكبر اكثر واكثر
واهلي مستمرين همه وبيت عمي يتصلون على عقيل
يتوسلون يرجع حتى يصلح غلطته ويزوجني
واني فوضت أمري لله تعالى هو وحده يعرف اني بريئه
ومحد لمسني
قربت هاي السنه تخلص وتفاجئت بميثم
ميثم...اني اليوم عندي اللج مفاجئه
هبه...شنو
ميثم...اني فاتحت اهلي بموضوعنا وقررت اتقدملج اخطبج
اني ابد مااتخيل حياتي شلون راح تكون من دونج
لو ما رب العالمين بلقرآن ذاكر ان خلق الناس للعباده
جان كلت رب العالمين خلقج اليه
هبه...شكد فرحت بكلامه كل تصرفاته وياي ادل على مصداقيته وحبه بس شلون هو مايعرف قصتي
قبل لا يجي ويسئل هو واهله
عنا بلمنطقه ويعرفون السمعه الزفت الي سببها اليه عقيل
لازم اني احجيله كلشي
مااريد أضم علي
اريد ابينله الحقيقه مراح اعوف الموضوع هيج معلك
بس كلبي بوجعني خايفه يعوفني
اذا عافني ميثم اتخبل
اني متعلقه بي بجنون
بعمري ماحسيت بلحب والحنان اله ويااا
اهلي مايحبوني مثله
يمكن تصرفات اهلي هي الي خلتني اتعلق بي بشكل مبالغ
اخاف يرفضني ويكسر كلبي
بس حتلو يرفض لا زم يعرف من حقه يعرف كلشي
وهو يقرر
جمانه السعيدي
ميثم....هااا وين صفنتي ليش مافرحتي مو اني راح اطير من الفرح
لاتخافين من اهلج اني اقنعهم بعد شكوووو
هبه...اتحسرت وكتله بعد اكو موضوع كلش مهم لازم تعرفه قبل لا تتقدم وتخطبني
ميثم....لاتخافين اني قابل بيج بكل حالاتج
هبه...ولو لازم تسمعني للاخير
ميثم...يله احجي جاي اسمعج بس ولله مااعوفج ابد احجي
هبه....اولا قبل لا احجي لازم اتصدكني لان اني اقسم بلله العضيم راح احجي كلشي بمنتهى المصداقيه
ميثم....اني صار سنتين اعرفج واعرف انتي شنو واعرف
مصداقيتج بلكلام كولي مو شلعتي كلبي
هبه....اني احبك واموت عليك هاي حقيقه واضحه اعتقد
ميثم....بس اني احبج اكثر
هبه...اسمعني اني بعمر ١٢ سنه كنت توني مخلصه سادس ابتدائي كنت زغيره واللعب كل الوكت بلشارع
وياا اخواني وولد الجيران وولد عمي
كنت كلش وكيحه حتى اتعارك وياا الولد
ميثم....هاي انتي عجيب هذا الملاك يتعارك
هبه...خل اكمل
ميثم...كملي
هبه....عندي ابن عم اكبر مني ب ٨ سنوات بس حشاك أحقر خلق الله جامع كل المزينات بعبه
حرامي فاسد متحرش ساقط يعني اذا تدور المزبنات تلكاهن عنده
ميثم...كملي ياستار
هبه...من كد المصايب الي يسويها والناس الي تجي تشكي منه دزه عمي البيت خاله حتى يخلص من مشاكله
بيوم نزل اجازه وشافني اللعب بلشارع
كنت طفله وكلشي ماافهم
بدا يخطط شلون يضحك عليه وشلون يقشمرني حتى
افقد عفتي وبرائتي
يومين وهو يقنع بيه ويحوم عليه اكو بيت بشارعنا مهجور
كال اكو بي حمامه تبيض ذهب
تعاي وياي حتى تشوفيه بس لا تحجين الاي احد
اني كتلني الفضول شلون حمامه وتبيض ذهب سمعت كلامه
رحت وياا بدون علم اهلي وهنا لزمني يريد يغتصبني
ميثم. .لا يا نذل ولك بت عمك وزغيره شلون تفكير حقير
هبه... اووووف اوووف لو تشوفه شكد حقير وساقط ماتصدك
المهم حاول يغتصبني بلقوه ضربني لزمني من شعري
شك التيشيرت من جتفي
بس اني رب العالمين كان وياي بذيج اللحظه ولله من اذكر
اكول اني زغيره وهو جبير والمكان مهجور
شلون كدرت اخلص نفسي منه شلت طابوكه وضربته
شكيت راسه
كدرت أفلت نفسي منه وانهزم
اركض حافيه كل قوتي طلعت من البيت واني اركض
وصلت قريب الببت شفت جدي
ختلت ورا حتى يحميني منه
جدي لان يعرف مكسرات سئلني اعتدى عليج
اني طفله وكلشي مااعرف رديت علي اي
قصدي ضربني بس جدي فهمه اغتصبني
وهنا وكعت الكارثه الي صار ١٣ سنه اعاني منه
جمانه السعيدي
بلبدايه كتله كتله معدله بقا يومين نايم بلفراش
وابوي وعمي وجدي قررت يقرون الفاتحه على زواجي
منه
حتى يخلصون من العار
ميثم...تحجين صدك يعني يعرفونه شكد مكسر ويردون يزوجونج اله انتي متأكده ذوله اهلج
هبه....شكد حجيت وفهمت اني بعدني بنيه وماقرب عليه
بس مجاي يصدكوني
حتى عرضت عليهم ياخذوني للفحص حتى يتاكدون
مايقبلون
امي تخاف تحجي وياا ابوي بهذا الموضوع لان عصبي
ايدا والضرب
وابوي من حجيت ويااا ضربني بطفاية الجكاير شك كصتي
وجدي يخاف من حجي الناس
والشفيه عقيل انهزم للخارج ومايقبل يرجع يكول مااريدها
ليش تكول اني اغتصبته واني ماقربت عليه
اتحسرت مره ثانيه هاي مشكلتي بختصار
ماله حل معقده اهلي معقدينه
ميثم...اي مو يكول ماقربت عليه ليش يلحون
هبه. ....دمرو حياتي تدمير
ميثم....ولا يهمج اني مصدك كل كلمه كلتيه اني وياج للاخير
هبه...تحجي صدك انت صدكتني مراح تعوفني
ميثم....اعوفج شكاعد تحجين هو اني اكدر اعوفج
هبه...يا حبيبي انت العوض من رب العالمين الله يحفظك اليه
ميثم...ويحفظج حبيبت كلبي
هبه...بس بعد اكو مشكله
ميثم.. اهلي مستحيل يوافقون
ميثم...مالج شغل اني اجيب علبهم ناس لازم يقتنعون
جمانه السعيدي
هبه...ولله خايفه
ميثم...لا تخافين اذا كلش اسافر ورا ابن عمج واكتله
وهيج تنحل المشكله
هبه....هههههه
ميثم...اي اضحكي هيج ماكو مشكله ماله حل بس هذا ابن عمج شكد ناقص الخاطر الله
هبه...لو تسمع مصايبه شعرك يشيب
ميثم...بس تخلص الامتحانات تلكيني واكف بابكم
هبه...الله يحفظك اليه هسه اني ارتاحيت
بدت الامتحانات واني وميثم ندرس سوا اذا بلجامعه واذا بلبيت عن طريق التليفون
منا لمن خلصنا
واتفقنا على موعد يجي هو أبو حتى يتقدملي واذا اخذ الموافقه يجيب مشيه ويجي
بليل اندكت الباب طلع اخوي الزغير كال اكو ولد شاب ورجال يردون ابوي
طلع عليهم ابوي ودخلهم للببت
واخوي اخذ الماي والجاي واني اروح وارجع عبالك بزون محترم ذيله
ماكو نص ساعه وطلعو
ابوي كللهم البنيه مخطوبه لابن عمه وقايرن الفاتحه
وسد كل الأبواب بوجهم
طلعو من الببت وميثم دزلي مسج ابوج يكول مخطوبه
بس ولا يهمج انتضرج العمر كله حبيبتي
هاي الخطبه هي الي شعلت شرارة الحرب
وهنا ابوي هو وجدي هجمو على عمي هلمره هجوم كاسح
لازم عقيل يرجع يزوج هبه
لان جاي يجون عليه خطابه
واني كبيت للستار شنو عقيل يرجع
اني مااريد عقيل
هبه....باعي يمه اني عقيل ماازوجه اقتل نفسي وماازوج عقيل فهمتي لو لا
امي...اني مالي شغل اذا تردين روحي احجي وياا ابوج
اني اخاف احصلي كتله
هبه...انتي شنو من ام حتى البزونه ادافع عن جهاله احسن منج جاي تشوفين مستقبلي راح يضيع واكفه تتفرجين
اذا قتلت نفسي خطيتي بركبتج انتي وابوي
صعدت اتصلت بميثم وحجيتله كلشي صار
ميثم....على كيفج حبيبتي هدي مايصير غير الي كاتبه رب العالمين النا اني راح اجيب ناس واجي اتقدملج مره ثانيه
بلكت ابوج يقبل
جمانه السعيدي
فعلا بليل جاب وياا زلم واجا بخطبني للمره الثانيه
بس ابوي وجدي كانو مصممين على رائيهم البنيه مخطوبه وقارين الفاتحه
بس طلعو ابوي صار عصبي وكام يغلط عليهم
شنو ذوله مايفتهمون مو كلنا مخطوبه
الله ياخذها وياخذ عقيل بوكت واحد دمروني ثنيبنهم
ميثم....حبيبتي ولا يهمج لو اضطر اجيب العراق كله واجي
اخطبج اجيبهم لا تخافين مراح اعوفج ابد
هنا صار شي مهم بس اني ابد ما انتبهت علي لان عقلي كله يم ميثم ورفض ابوي اله
عقيل اتصل وكال اني جاي للعراق حتى ازوج هبه
يعني صار ١٤ سنه من يوم صارت هاي المصيبه لليوم
وهو رافض فكرت زواجنا
ويكول مااريدها وماازوجها
ليش هسه غير رائيه وجاي حتى يتمم هاي الزواجه
ليش وافق واجا
لا ويكول بعد ماارجع للخارج اريد استقر بلعراق
يامصيبت المصيبه ليش لمن لكيت الانسان الصح
الانسان الي متمسك بيه ويحبني ومشتريني وقابل بكل ضروفي
عقيل قرر يرجع حتى يتمم هاي الزواجه
ليش بهذا الوقت بلذات
اني ليش هيج منحوسه وماعندي حظ
ركضت سولفت الميثم
ميثم...ولا بهمج اني راح اجي الابوج اليله واتفاهم ويااا
دك الباب وهلمره طلعله ابوي
وصارت عركه شكبرها بلشارع
ابوي يصيح علي انت ماتفهم مو كلنالك مخطوبه هذا الاسبوع زواجه من ابن عمه
باجر ابن عمه يرجع ويزوجها انت ماتفتهم
ميثم....انت اكبر ضالم البنيه ماتريدا هو غصب ليش
مصمم تضلمه وياااا
اني مستعد الكل طلباتكم بس انطونياها
ابوي صار عصبي بلزايد وشتد العرك بينهم حتى راد يضرب ميثم بس الناس ادخلت بينهم
كل هذا واني كاعده على نار شلون بيه شلون راح تخلص هاي المشكله ماادري
ميثم...دزلي مسج لا توافقين ابقي مصممه على رائيج
لازم يقتنعون انتي بريئه
ارفضي هذا الزواج لا تخافين اني وياج
شكرا لزيارتكم عالم روايات سكيرهوم
