رواية وجه محروق الفصل السابع بقلم جمانه السعيد
اصيل....لازم ابدي شغلي واعتمد على نفسي ابدي صح
واشتغل والم نفسي اني ماعندي سند غير رب العالمين
ثاني يوم رحت الابو الخشب الممول الرئيسي
يعرفني لان جنت اروح اني وابوي نجيب منه خشب
بس شافني فرح بيه
طبعا هو اجا الفاتحة ابوي وقام بلواجب
عماد...هله بااصيل شلونك
اصيل...تمام الحمد لله
عماد...شنو الأوضاع فتحت ورشة ابوك لا لا ضيع شغل ابوك الله يرحمه ابوك سمعته ذهب
وإنشاء الله هاي الشغله ماشيه بايدك
اصيل...اني فتحت ورشة ابوي بس ماعندي فلوس اشغلها
عماد...تريد انطيك فلوس
اصيل...لا اريد خشب اريد اشتغل واني أسدك من شغلي
بس اريدك تصبر عليه
واني بس يصير عندي فلوس اسدد مراح اتأخر عليك
بس تعرف شغلنا يحتاج وقت
عماد...مو تدلل ابوك جان اخوي وصديقي
مو بس انطيك خشب اخذ اي شي تحتاجه كل الشغلات الي تحتاجهن بشغلك اخذهن
اني راح اوصي الولد مايقصرون وياك
وراح ادزلك ناس تشتغل عندك اني شايف شغلك
انت تستاهل اوكف وياك ولد مؤدب وشاطر وابن ناس
جمانه السعيدي
اصيل...اخذت الأشياء الي احتاجه بدون ماادفع ولا فلس
حملتهن للورشه
وكفت سيارة الحمل واني انزل الخشب منها
لمياء من شافت السياره وكفت ونزلت الخشب
اجتني طايره
من الباب الداخلي للورشه
لمياء...هااا طلعت الفلوس تكول ماكو شغل وماكو وارد
لعد هاي السياره منيين جبت فلوسها
مو كتلك انت تلعب عليه بس وين تروح من الله
انت جاي تأكل حق خواتك الله ينتقم منك
هلكدوتك وملعب من تكبر شراح تسوي بينا
اصيل...بلدين بلدين الناس الخيره تريدني اشتغل
لمياء...وين اكو واحد يحمل سياره خشب وينطيها بلدين
الواحد جاهل مثلك اله ماعنده عقل
اصيل...اذا اني جاهل ليش ماخليتني اكمل دراستي وكلتي اشتغل وعيشنا وين اكو جاهل يعيش عائله
لمياء...انت شنو متعجب اني كلت العمك اجيب نجار يشغل
بلورشه بس هو ماقبل
اصيل...روحي الشغلج الله بهديج
شلون ياربي هاي المشكله مراح تخلص
هاي مراقبتني وما تقبل تعوفني بحالي
جمانه السعيدي
اصيل... بهذا اليوم بقيت اشتغل لليل بلورشه
اريد ادخل افكار جديد للنجاره اريد شغلي يكون مميز
مو تقليدي
الساعه عشره بليل رحت جبت لفتين اكلت ونمت
ثاني يوم كعدت وياا صلاة الصبح وبلشت اشتغل
الصراحه بلبدايه مجان عليه هلكد شغل
الناس تشوفني زغير وماتكدر تثق بيه
بس عماد الله يرضا علي هو الي يدزلي ناس تشتغل عندي
جمانه السعيدي
كمت اشتغل شغلات واعرضها بلشارع
بدت الناس تجيتي شويه شويه
سمعت من الجوارين امير متعارك وياا ولد وضاربه
علمود بنيه والولد مشتكي علي
وعمي الي صار بوجه المدفع
قبل ابوي يركضله وهسه طاحت هاي الشغله براس عمي
اني مالي شغل ولا ادخل
نارهم تاكل حطبهم اني اهتم بشغلي وبس
اجمع الوارد مال أسبوع اواسبوعين واخذه العماد اسدد
واجيب الأشياء الي ناقصتني
مرن سنتين واني اشتغل وكدرت اثبت نفسي
بس اني ليل نهار بلورشه لا اطلع ولا ادخل ولا عندي اصدقاء مركز على شغلي وبس
صارت عندي خبره اكثر بمجال عملي
وشغلي احلى من شغل ابوي يعني بي افكار جديده
إلى أن اجاني عمي بسالفه
عمي...اليوم اني جايك اريدك توكف ويانا
اصيل...خير انشاء الله
عمي...امير امس رايح يشوف لعبة طوبه بهذا الملعب
ومتعارك هو وياا جماعه وضارب واحد سجينه
والولد هسه بلمستشفى حالته بعدها ما مستقره
اريد توكف ويانا تروح ويانا بلمشيه وتساعدني بلفصل
اصيل...اسف اني مالي شغل باامير ولا اروح وياكم بلفصل
ولا ادفع ربع علمود امير
عمي...لا يكون كلبك اسود الخاطر خواتك هو هم اخوهن
اصيل...اخواتي اذا يحتاج شي مراح اقصر وياهن
بس امير مالي شغل بي
هو جبير ويفتهم بمكان ماكل يوم مسوي مشكله
يشتغل يرجع للمدرسه
عمي.. هذا الحجي مو وكته هسه اوكف ويانا
ايجوز تحتاجنا بلمستقبل
اصيل...انشاء الله مراح احتاجكم اني رجال لا اطلع ولا ادخل عيني على شغلي وبس
طلع عمي من عندي زعلان امير دخل السجن
والكعده اتاجلت لمن تتحسن حالة الولد
بعد شهر حددو موعد الكعده وحددو الفصل سبع ملايين
رجع اجاني عمي مره ثانيه انريد تتبرعلنا بمليونيبن
من الفصل بس هلمره ساعدنا
امير من يطلع راح يتغير مو مثل قبل
اصيل...اني اشتغل بلدين خلفله على عماد شغلني
وضهري مكسور ليل نهار بلورشه
مرات انسى نفسي وابقى بدون اكل
لان لمياء مايعجبها اكل وياهم وقفلت الغرفه وطردتني منها
وهسه ادفع مليونين الامير
اعذرني كلشي ماادفع خلي يبقى بلسجن
ترا امير مراح يتأدب اله يبقى بلسجن
هلمره عمي طلع زعلان مني صدك لان هاي ثاني مره افشله
الضاهر لمياء دازته عليه على اساس اني استحي من عمي
وانطي فلوس
بس دخل عمي للبيت وكال المياء اصيل ما يقبل يدفع اي شي الامير
اجتني هاده عليه
دكت باب الورشه الي على البيت بكل قوتها
فتحته وهي هجمت عليه
انت ما تستحي ما تخجل احنا شماخذين منك
شلون ما تساعدنا حتى نطلع امير من السجن
اصيل.. واني شنو علاقتي باامير كتله اطلع كتله اضرب الولد ليش ادفعله
لمياء..مادام انت هيج حاقد علينا بعد مالك مكان بينا
باجر أعرض هذا البيت للبيع
انطيك حصتك والباقي اطلع بي امير من السجن
اصيل...بكيفج اني مراح امنعج بس اني حصتي بلبيت ماابيعها لان هاي الورشه مصدر رزقي والزباين يعرفون مكاني بيعي باقي البيت وأخذي فلوسه
جمانه السعيدي
لمياء...اذا ماا اجهولك اصبرلي
نفس اليوم كتبت على بيت امي الدار للبيع
لان اني بلورشه طول النهار كل الي يجي يسئلني
شكد سعر البيت الورشه وياا لو لا
اصيل....روح اسئل لمياء اني مااعرف
مراح اكول هذا التصرف عادي بلنسبه اليه
كلش ضجت هذا بيت امي مالها حق تبيعه
لا والاضبط تريد تبيعه وطلع امير بفلوس البيت
اصيل...رحت على عمي البيته
اصيل...لمياء كتبت على بيت امي للبيع
وهذا البيت ما ينباع اله اني أوقع بصفتي الوريث
بي اني وخواتي
اني مراح أوقع اني اخذ الورشه حصتي من البيت
يله أوقع علي
عمي...بكيفك ليش ما تاخذ حصتك وتطلع احسلك
تخلص من المشاكل
اصيل...هذا البيت اني ربيت وكبرت بي
بي ريحة ابوي مكان شغلي العالم تجيني هنا
بعدين هي باي حق تاخذ حصة خواتي حتى اطلع امير من السجن
عمي ابنها قابل تعوفه بلسجن
اصيل...اريدك تجي وياي باجر ونسئل بلشهر العقاري اذا
اني اخذ الورشه حصتي
واعوف باقي البيت تبيعه لمياء يصير
عمي...لازم نشوف حصتك بلبيت شكد وبعدين نعرف الورشه شكد ماخذه مساحه من البيت انشاء الله باجر انروح اني وياك ونسئل
اصيل...صار اسبوع من انكتب على بيتنا للبيع واني مااكدر انام هلكد مامحروك كلبي على البيت
وين اروح حتى ماعندي فلوس ااجر شغلي كله طالب ومطلوب اطلب العالم فلوس
ومطلوب على فلوس الخشب
الله كريم انشاء الله رب العالمين مراح ينساني
شكد شايل هم البيت ينباع وابقى بلا سكن
ثاني يوم طلعت الساعه تسعه ونص رحت البيت عمي
طلعنا اني ويااا الدائره العقار
وصلنا وطلبنا أوراق البيت اريد اشوف البيت شكد مساحته والورشه شكد ماخذه من البيت مساحه
بلكت حصتي من البيت تطلع الورشه وابقى اشتغل بيها
طلع الولد الاوراق
....هذا البيت والورشه كلهن باسم اصيل
عمي...شنو باسم اصيل قصدك باسم ابو اصيل
...لا ابو اصيل متنازل عن البيت والورشه الاصيل
بيع شرا
البيت والورشه باسم اصيل بس اصيل من حقه
يبيع ويشتري بيهن
اصيل...بقيت واكف ومصدوم صدك عود
ابوي كاتب هذا البيت والورشه باسمي
الف رحمه على روحك بويه لان امنتني من الغدر
جنت حاسب لمياء
راح تبهذلني وتشمرني بلشارع
خليت البيت باسمي الف رحمه على روحك
طلعنا من الدائره عمي راح المياء يزفلها هذا الخبر
السعيد
واني طلعت للكراج صعدت للنجف رحت الابوي
كل الطريق واني مامصدك
معقوله هاي حنيت ابوي عليه
شلون جان يفكر بيه امنلي مستقبلي وحماني من هذا الوكت الاغبر
وصلت للكبر كعدت
اصيل.... يابه مشتاقلك انت جنت تعرف لمياء غداره
لمياء عرضت البيت للبيع حتى تسد مصيبه جديده من مصايب امير رادت اطلع ابنها من السجن
واني تشمرني بلشارع الخاطر امير
بس انت نصرتني عليهم كلهم اليوم هسه لمياء وعمي
وامير واحد يطك راسه بلثاني
اني اجيت اتشكر منك
انت احسن اب بلدنيا كلها
