رواية وجه محروق الفصل الثامن بقلم جمانه السعيد
اصيل....شكد بقيت كاعد واسولف على ابوي طلعت كل الي بكلبي ماعندي احد احجي ويااا ويفهمني غير ابوي
رحت للزياره ورجعت للبيت بليل
نمت احس نفسي مرتاح ابوي نقذني من غدر لمياء
هسه اعيش واني مطمن
الصبح كعدت تريكت وفتحت الورشه
اليوم اشتغل بواهس احس عندي طاقه عجيبه
للساعه تسعه اجتني لمياء
بدون سلام كبل
لمياء...الله لايوفقك جذاب اكيد هاي لعبه منك شلون حيال ماخذ عمه ومسوي نفسه مايعرف
اكيد هاي لعبه انت مخطط الها
بس مراح اخليك تتهنى راح ارفع عليك قضيه تزوير
واطعن بهذا التنازل يمتى ابوك تنازل
مستحيل ابوك يسجل البيت باسمك
اكيد هلي لعبه منك منو الي خططلك هلي مو افكار واحد غبي مثلك
شوف شراح اسوي بيك شلون حيال ولك انت داهيه
شلون دبرت هاي السالفه ( طبعا اني هنا عمري ١٨ سنه داخل على ال١٩)
لمياء......شوف اني راح ارفع عليك قضيه واخليك تخيس بلسجن
وأمير راح يطلع غصبا عليك
وراح ابيع البيت واخليك تفتر مثل المخبل بالشوارع
جمانه السعيدي
اصيل...روحي شتردين سوي الي يعجبج
اني مراح اوكف بطريقج
شتردين اتثبتين اثبتي اني اصلا تفاجئت مثلج
ابوي جان يعرف حقيقتج وراد يحميني منج الف رحمه على روحه
لمياء...الله لا يرحمه ولا يغفرله على هاي العمله
صدك جذب مافكر بناته فكر بس بيك شنو من عقل عنده
االله يلعنه دنيا وآخره على هاي الشغله
راحت لمياء ادردم ثاني يوم رايحه سائله بلمحكمه
وبدائره التسجيل العقاري على صحة التنازل
ومتاكده كلشي تمام ومضبوط
واذا رفعت قضيه بس تخسر فلوس كلشي مراح تحصل
رجعت شايطه اكثر من قبل وكرهتني اضعاف
مضاعفه عن كرها اليه قبل
طبعا اكو ولد جاي اشتغله ميز جزامه يداوم بلمحكمه حجالي هاي التفاصيل عنها
المهم لمياء عدها ذهب باعته وعمي ساعد بمبلغ والباقي
اتقرضوهن وسدو الفصل بس هم لازم امير يخلص اقل شي ٣ اشهر سجن تاديبي
وهنا بدت لمياء تشتغل شلون تكدر تستغفلني وتأخذ مني فلوس بس بحيله
اجتني فطومه اني كلش احب خواتي
اصيل...هله هلو فطومه شلونج
فاطمه...الحمد لله زينه
اصيل...اليوم شعجب ذاكرتني
فاطمه...اني دخلت دوره ويردون مني ٢٠٠ الف
اصيل...بس هاي سهله تدللين
دخلت للبيت جبت ٢٠٠ انطيتها
بعدها بأسبوع اجتني زنوبه اريد اشتري ملابس اريد ٢٠٠
اصيل...تدللين انطيتها ٢٠٠
ماكو أسبوع رجعت عليه فطومه اريد ادخل دوره ثانيه اربد ٢٠٠ الف
جمانه السعيدي
اصيل...ميخالف بس انطيني مجال باجر وانطيج
اليوم اخلص هذا الشغل وباجر استلم فلوسه
ثاني يوم عبرت عليهم اكو بوري ماي خربان والماي
يجري على بيتي الطرمه صار بيها ماي هواي
وباب ببتي عالي الماي ما يطلع
عبرت اشوف شنو المشكله اريد اصلحه
جان اسمع لمياء تحجي ويا فاطمه
لمياء...روحي روحيله شكد ثوله كتلج ٣٠٠ مو ٢٠٠
خايفه علي نايم على الفلوس المن يريدهن
انتي واختج أولى بهاي الفلوس
روحي كوليله الاستاذ يربد ٣٠٠
الحد مالكه عذر الزينب وادزه علي
مادام ينطي لازم نطلب ونكثر الطلبات
احنا أولى بهاي الفلوس
يله روحي ولا ترجعين اله كون جايبه الفلوس
اسمعي خاف يكول باجر كوليله لا هسه اريدهن
الاستاذ كال لا تجين اله جايبه الفلوس
اصيل....استغفر الله هاي شنو من بشر كلشي مايفيد بيها
رجعت البيتي اجيب واشر وصمونه حتى أسد ااماي
اجت وراي فاطمه
فاطمه...اصيل اريد الفلوس الاستاذ كال لا ترجعين اذا ما جايبه الفلوس
طلعن ٣٠٠ مو ٢٠٠
اصيل...صار مو تدللين انطيتي رقم الاستاذ
فاطمه.. هااا ليش
اصيل...اريد اسئله عن الدوره وين وشكد عنده طلاب
واشوفه اذا استاذ محترم اعوف اختي تدرس عنده
واطلب منه مجال أسبوع وادزله الفلوس
فاطمه.. هااا مااعرف اسمه
اصيل...شلون ماتعرفين اسمه غير استاذج
شلون تاخذين عنده درس وما تعرفي
فاطمه.. اوكف خلةاسئل إمي
اصيل..اي روحي اسئلي امج عن الخطه البديله
فاطمه.. هااا
اصيل...لا ماكو شي روحي أخيتي الغاليه
راحت فاطمه وبعد مارجعت
اكيد اني رب العالمين ساندني جاي بكشفلي حقيقة الناس
هلكد ماكلبي ابيض وطيب
جاي تنكشف الأشياء كلها كدامي
ثاني يوم حاي احلق لحيتي وشواربي
اني عندي مشكله النص المحترك من وجهي مايطلع بي شعر
والنص الي ما محترك يطلع شعر
يعني جه بيها شعر وجها لا
وهذا الشي كلش مضوجني لان لازم احلق بين يوم ويوم
لان اذا ما حلقت اطلع عبالك وحش
جمانه السعيدي
ثاني يوم اجتني زينب
اصيل...هلو زنوبه
زينب...اريد ٥٠٠ اشتري ايباد أقرأ علي
اصيل...مو عندج ايباد
زينب....اي صار قديم اريد واحد جديد
اصيل...يوم الجمعه اخذج للسوك واجيبلج واحد جديد
اني ماعندي ٥٠٠ ادفع اريد اشتري بالقسط
زينب...زين انتظرك اليوم الجمعه
يوم الجمعه اجتني زينب من الصبح بله انروح نشتري ايباد
اخذته للسوك وجبتلها واحد بلقسط
رجعنا للبيت اني وزينب
من بعدها بكم شهر طلع امير من السجن
واكيد شحنته لمياء عليه لان ما قبلت ادفع فلوس الفصل
واضطرت تتقرض من هذا وذاك علمود اهل الولد يتنازلون
عن امير
هو اصلا مايحبني واني هم مااحبه يعني شعور متبادل
اول اسبوع من طلع ماشفته ابد
بليل جمعت ٥٠٠ الف اريد ادزهن العماد
ثاني يوم بلورشه اجني فلوس ٥٠٠ كلت تمام صارن مليون
باجر ادزهن العماد واجيب النواقص الي عندي
طبعا عماد مايطلبني هواي كلهن مليونين
واني اطلب فلوس شغل ٥ مليون يعني انشاء الله راح اسدد بااقرب وقت ممكن
اني عندي شغل خير من الله الحمد لله والشكر
رب العالمين منعم عليه وما ناسيني
بليل دخلت تعشيت وطلعت الفلوس من جيبي اريد اجمعهن وياا ذنيج
مالكيت ال٥٠٠ دورت كلبت الكنتور الملابس
شلت الغراض كلهن دخيل الله
اني مااخلي فلوسي وين ماكان اخليهم بلكنتور واقفل عليهن بس المفتاح يبقى معلك بلكنتور من برا
لان محد يدخل بيتي غريب
تعبت واني ادور عليهن وماكووو
اتوقعت اني ضميهن بغير مكان كلت اكيد راح الكاهن
وين يرحن مثلا
بقيت يومين اشتغل واجمع صار عندي مليون وربع
رحت العماد سددت وجبت الشغلات الي اريدهن
من رجعت الضهر دخلت للورشه كبل شويه وسمعت واحد طلع يركض من بيتي
صوت الركضه جان واضح لان بعدني لا مشغل المنشار
ولا ادك على الخشب حتى يكون الصوت مو واضح عندي
اجيت يم الباب
شفت امير دخل المطبخ بيتهم
دخلت الببتي كلشي بمكانه كلت ايجوز اجا اخذ جداحه
لان هما دائما اذا يحتاجون شي يجون ياخذون من عندي
بدون مايكولون مثل ثلج جداحه لو بصل مرات
مااخذت ابالي ابد بيومها اني ماعندي فلوس بلبيت
كلهن اخذتهن سددت بيهن
والباقي ٢٥ الف بجيبي
رجعت اشتغل بلورشه ابد ماخليت ابالي اي سوء
من جهة امير
جمانه السعيدي
بعدها باربع ايام اني مشغل المنشار الكهربائي وجاي اكص
راسا طفت الكهرباء سمعت واحد ركض
طلع من بيتي
طلعت شفتةامير دخل بيتهم بسرعه
اني عندي ٣٠٠ بلكنتور وعندي بجيبي ٢٠٠ الف
لان توني سددت بعدني ما مجمع فلوس
دخلت للبيت شفت باب الكنتور مفتوح اجيت علي
الكنتور لكيت فلوسي ماكو
دورت شمرت الملابس كلها بلكاع كلشي ماكوووو
عرفت ساعته امير ايده طالت على فلوسي
وال٥٠٠ الي مالكيتهن هو ماخذهن وهسه اجا اخذ ٣٠٠
عبرت عليهم وكفت باب المطبخ وصحت امير
بعصبيه اصيح امير الحرامي امير وينك
طلعت عليه لمياء هااا خير اليوم جاي بيتنا
طبعا اني من المشكله لليوم ماادخل بيتهم ابد
اصيح فاطمه وانطيها المصرف من برا ماادخل بيتهم ابد
المهم وكفت باب المطبخ وكمت اصيح امير الحرامي وينك
طلعت عليه لمياء هااا خير اليوم جاي بيتنا
اصيل... ابنج باك فلوسي خل يرجعن احسن لان اني شفته وراح اروح اشتكي علي
اجيت ادخل للبيت اسحل امير اطلع فلوسي منه
جان تدفعني لمياء وتكوم تعيط بصوت عالي
لمياء. امشي ولي ابني شنو باك فلوسك محتاجلك مثلا
امشي اطلع انت حرام بيك الربا
ربيتك وتعبت عليك
اصيل..انتي لا ربيتني ولا تعبتي عليه وهذا الحجي قنعي نفسج بي اريد فلوسي اني شفت اميرطلع من بيتي يركض
ومااخذ ٣٠٠ وقبلهم ٥٠٠
اريد فلوسي
لمياء. اصلا امير مو بلبيت همزين طلع من الصبح ولسه مارجع شلون جذبه امير ماخذ فلوسك
انت منيلك فلوس واحد حافي ومتعجب بكم فلس
عنده الله لا يعوزنا الك
امشي اطلع من بيتنا وين ماتريد تشتكي روح اشتكي
عندي الف شاهد يشهد امير مادخل للبيت اليوم
واحد ناقص وحقير جاي يشمر بلاوي علينا
دفعتني لمياء وطلعتني من البيت
فكرت اروح اشتكي علي بس لمياء ماعدها مانع تشهد زور
وكلشي مااحصل
الله لا يوفقك امير انشاء الله ما تتهنى بتعبي
وين تروح مني لازم الكفك
وساعته محد راح يخلصك مني
شكرا لزيارتكم عالم روايات سكيرهوم
