رواية اختفاء امي الفصل السابع بقلم جمانه السعيدي
ماسه...ماكدرت اسيطر على دموعي
صعدت الغرفتي وكمت ابجي ابجي بحركه واني كلي
احساس بلهزيمه
معقوله وحده مثل نضال متخلفه وحاقده اتخرب عليه
كلشي
كدرت تنتصر عليه كدرت تنتصر عليه
وعدت وهددت ونفذت
الي متى راح ابقه اتعاقب على ذنب امي الي مااعرف شنوو هذا الذنب
ليش الناس ماترحمني وترحمه من هذا العار
بعد مانزلت ابد علاوي جان موجود وشاف كلشي صعد حتى ياخذ من خاطري
علاوي...لا اضوجين هي نضال حقيره من يومه
اليه يوم اذبحه واخلص منه
ماسه...مسحت دموعي لا لا تكول هيج الله موجود ومايضبع حقنا انشاء الله
نزل علاوي نص ساعه وصعد جايب لفات فلافل وببسي
وصعد
علاوي...يله تعاي نتعشى
ماسه...مااشتهي
علاوي...ولله ازعل عليج اذا ماتاكلين اني هم مااكل
ماسه...مااشتهي مااكدر
علاوي....يله اكلي انتي مو دوم تكولين مايصير غير الي كاتبه رب العالمين
اذا كرار مقسوم اللج مراح يصدك بكلام نضال وحنان
واذا يحبج صدك راح يبقى متمسك بيج
ماسه...هديت من سمعت كلام علاوي فعلا كلام معقول ياربي علاوي كبر وكام يفتهم ويعرف يحجي ويتصرف
جمانه السعيدي
كرار ابد مااتصل بيه واني ماعندي جرئه اتصل واسئله
ثاني يوم الجمعه هم مااتصل عليه
كلبي نغزني منه ماطول مااتصل اذن صدك كلام نضال وحنان
صدك كلشي على امي بدون مايسئلني عن الحقيقه
مع الأسف حبيته وتعلقت بي
صدك المواقف تبين معدن الناس الحقيقي
من رجعت للدوام اول مره من دخلت للكليه لليوم ادخل واني مدنكه
مااربد اشوف كرار اول مره ادخل واني عيوني ماادور علي
بس كلبي بوجعني مااكدر انسى كلشي بهاي السهوله
مااكدر اجاوز حزني وقهري
امشي واني مدنكه مااحس اله كرار كدامي ومخنزر عليه
كرار...ليش ماكلتي
ماسه...باوعت علي مو هذا كرار الي حبيته الي بس يشوفني عيونه يلمعن وكلهن حب
طولت واني عيني علي اباوع علي واني مصدومه
كرار...مو احجي وياج ليش ماكلتي
ماسه...شكووول
كرار...على امج ليش اسمع من غيرج ليش تخليني بموقف محرج كدام اهلي
ماسه...انت تحجي صدك لو تشاقا
كرار...شنو اتشاقا يعني ليش اجذبين عليه ليش تغشيني من البدايه
الزواج لازم ينبني على الصراحه الله اعلم بعد شضامه عليه
ماسه...اوكف انت على شنو تحاسبني
انت جاي تحاسبني على امي الي اني نفسي مااعرف هي وين ميته عدله مخطوفه
تحاسبني على كلام الناس على امي وانت وغيرك صدكت هذا الكلام
امي اشرف وانظف وحده بهاي الدنبا
امي كانت صاينه بيته وعرضه وجهاله
امي كانت الام والاب اليه لمن ابوي يغيب هي تعوض مكانه يشتغل وهي شايله كل المسوليه بدون ماتكل ولا تمل
امي الي كانت تبات جوعانه علمود توفر الابوي فلوس لكمته
حتى تساعده يشتري ببت
امي ياااستاذ طلعت بيوم حتى توصل الفلوس الي مجمعهن ابوي اله حتى يشتري قطعة ارض
نبني عليه ببتنا
طلعت وهي طابخه الغدا وتوصيني على اخوي انتبهله
وكالت اني بسرعه ارجع
مااتاخر طلعت وبعد مارجعت مااعرف ماتت انخطفت
مااعرف شنو صار وياها
صار ثمن سنوات واني واخوي ننتضره
اذا تريد تاخذ الفلوس وتنهزم
تكدر بكل سهوله تاخذهن وتنهزم وهنا عدها هي اجمع ببهن ليش تنتضر ابوي يكول جيبي الفلوس وتعاي حتى
اشتريلج قطعة ارض
ليش تنتضر تكدر تنهزم من زمان
مع الأسف انت صرت وياا الناس الي ضلمت امي واجت عليه حتى بدون ماتسئلني شنو الحقيقه
جمانه السعيدي
بس تعرف الحمد لله الي خلق هذا الموقف الي عرفني حقيقتك قبل لا نرتبط اني وياك
روح كرار..روح دور وحده سمعته نظيفه هي واهله
وارتبط بيه
اني انسانه امي شريفه وسمعته بيضه وراح ابقه اكول هذا الكلام الاخر يوم بعمري فهمت لو لا
ولو تبقى اخر واحد بهاي الدنيا ماارتبط بيك بعد
عفته ومشيت مجرد ما التفت دموعي كامن ينزلن مثل المطر
معقوله اني ماعرفت اختار صح
معقوله اني غببه واختياري غلط
مااكدر ابقى باكليه لان دموعي بنزلن مثل المطر
كمت مااشوف كدامي طلعت من الكليه اجرت تكسي ورجعت للببت كبل
دخلت غرفتي وكعدت ابجي
صعب أقرب انسان الك يخذلك صعب يتخلى عنك
ويعاقبك على ذنب مو ذنبك
شكد حاول ابوي وعلاوي يفهمون اني ليش ضايجه وحزينه بس ماكدرت احجي اي كلمه
يومين مارحت للكليه حابسه نفسي بغرفتي
اندكت الباب دخل بابا عليه
بابا....ممكن اعرف شبيج
ماسه...مابيه شي مجرد تعبانه
بابا...لا اني اعرف شبيج اكيد كرار غير رائيه بعد كلام نضال لان مارجع اتصل عليه
حتى يحدد موعد المهر بعد ماكان طاير من الفرح
ويتمنى نقبل بهاي الزواجه
ماسه...مايهمني لا كرار ولا غيره
بابا...مااريد تحجين هذا الكلام وبس اريدج تنفذين
اريد بنتي قويه
شنو كرار اخر واحد بلدنيا
لازم تحمدين ربج انكشف على حقيقته وعرفتي قبل لا ترتبطين بي
ماسه...اني هم كتله هيج اليوم
بابا....مااريدج تفكرين بموضوع امج هوواي هذا موضوع
انتهى خلاص
واني قررت ادور بيت حتلو ايجار وانتقل من هاي المنطقه
شنو ذنبج انتي واخوج تعيشون بعار امج طول العمر
ماسه...امي ماسوت شي غلط امي اشرف من الشرف
حافظت على تعبك سبع سنوات
كانت تنام جوعانه حتى توفر الفلوس واجمعهن
مستحيل تغدر بيك هيج غدر
امي صار وياها شي اكبر منه وماكدرت تنقذ نفسه
جمانه السعيدي
بابا...المهم اربدج ترجعين اداومين من باجر فهمتي لو لا
الشهاده بهذا الوقت مهمه
ماسه...انشاء الله
فعلا رجعت للدوام ثاني بوم بس مااكدر انسى كلشي بسهوله رجعت هاله تكعد بصفي بمكانه
وهو رجع كعد بلقاعه ورا
الكل يسئل ليش افتركتو ليش عفتو واحد الثاني
ماكان عندي اي جواب ولا اي رد ارد عليهم
فات شهر واني بعدني ماطالعه من هاي اامحنه
وخاصه واني اشوفه كل يوم كدامي
وكل مكان وتصرف يذكرني بي
ويحجي وياا هاي ويسولف وياا ذيج بعد ماكان بس اليه
ومايحجي وياا غيري
ولا يقبل احجي وياا غيره
حقدت علي بكد ماحبيته
وقررت انتبه الدراسي وبس لازم انجح واتخرج
وأثبت النفسي قبل كل الناس اني قويه واكدر أحقق احلامي
بعد شهرين من انفصالي اني وكرار وبيوم كان اوفي من الجامعه
اندكت الباب رحت فتحته
شرطي بلباب
...ابوج موجود
ماسه.....اي
الشرطي...اريد احجي ويااا عندي تبليغ من قسم الشرطه
ماسه..كلش خفت ياستار ياربي
ماسه...بابا هذا شرطي بلباب يكول عندي تبليغ
رد عليه بابا بستغراب شرطي تبليغ
ماسه اجينا اني وبابا للباب
بابا....اهلا وسهلا
الشرطي....اهلا بيك انت حسين عبد الأمير رسن
بابا...اي
الشرطي...زوج الهام محسن عماش
بابا....شنووو
ماسه من سمعت اسم امي كلبي انعصر وستغربت
بابا...هاا اي اني زوجه لكيتوها وين لكيتوها
الشرطي ...تعال ويأي للمركز وانت تفتهم كلشي
ماسه...ليش للمركز امي مسجونه
الشرطي...لا تعالو وياي وانتم تفتهمون
ماسه..اروح وياك
بابا..وين ترحين وياي غير افتهم شكووو شنو المصيبه الي سوته امج
حتى يدزولنا تبليغ
ماسه...ولله لو تموتني اروح وياك اربد اشوف امي
راسا علاوي سمع هم بدل بسرعه
طلعنا كلنا من البيت اجرنا تكسي احنا والشرطي وطلعنا
بس اني جسمي كله يرجف
ارجف مااكدر اسيطر على نفسي
معقوله بعد ثمن سنوات امي ترجع مره ثانيه
ووين جانت كل هذا الوقت
تخربطت واحس الدنيا تفتر بيه
ماسه..بس نزلنا الكاع كامت تفتر بيه صحت علاوي الزمني
بابا...مو كتلج لا تجبن
ماسه..مابيه شي دخلنا للمركز واني احس النفس ضاع علبه اديه يرجفن بطني ترجف
عيوني غوشن
دخلنا على الضابط راسا صاح انتم منو
الشرطي... أصحاب القضيه ٣٤٢٢ الخاصه با الهام
الي لكينا جثته البارحه
شكرا لزيارتكم عالم روايات سكيرهوم
