رواية عشق الضابط الفصل السابع بقلم زينب نور
كعدت الصبح تذكرت شنو صار البارحه وكلام محمد وبقيت اتكلب ب الفراش ممصدكه !
فتحت الفون لكيت رساله منه
: صباح الخير يبعد حيلي.
ابتسمت اكثر و فراشات ببطني بدلت واني احاول اغير ستايلي ل شوي جو أنوثي و اخذت تراك من ميس لأن أغلب ملابس ميس كلش بناتيه.
نزلت لكيته كاعد وي الأهل يتريك
: صباح الخير
رد الكل عليه وكعدت اتريكت سئلني بابا
: شو ممبدله اليوم مداومين ؟
: لا بس محاضرتي الاوله تبدي ب ١٢ شعندي رايحه من هسه ؟
محمد ما بطل يباوعلي ويغمز ويبتسم بحيث وترني الكعده كلها بس شويه صار جدي وكل ل بابا
: استاذ شكرا فتحت بيتك اليه و فضلك مراح أنساه بس اني راح ارجع اعيش وي أهلي .
ملامح الضوجه ع بابا بينت حتى ع ماما و اخواتي و اكيد عليه اني!
: محمد ليش مستعجل انت كاعد ويانه. ممرتاح ؟ اكو احد سمعك حجايه ؟
: لا ولله استاذ تعرف اني من جنت طالب جنت اقسام داخلية لأن اهلي كلهم عايشين ب السويد تعرف احداث قبل و الحروب خلتهم يتهجرون ل بره وهسه الاوضاع تمام ومن كلت الهم هم جمعوا كل الي عدهم و اشترو بيت ب الحرية واني حروح اعيش وياهم.
ما حجه شي بابا بس ما اوصفلكم فرحه ياسر !!
راح محمد ل غرفته يلم ب غراضه و اني من شويه اطشرو الأهل رحت لغرفته دخلت وسديت الباب وراي
دخلت عيوني مدمعه ومنقهره
: ليش ما كتلي ؟
هو شاف شكلي واخذني بحضنه حضني قوي ويضحك
: حبيبي ما رايح بعيد و راح نتقابل اكيد !
اني ابتعدت وهو باسني من راسي و تقدم باس عيوني المدمعه وتبجي
: ما اريدج تبچين يبعد حيلي.
اني ضحكت وكلت اله
: شنو سالفه بعد حيلي هواي كلتهه هههه .
هو ضحك وكلي
: ها انتي من الجيل الجديد شنو اصيحلج baby و honey ؟
اني شويه دفعته بضحك
: محمد .
: عيونه.
: ليش احس هذا وداع ؟
هو ضحك وحضني
: هرمونات بنات طبيعي حبيبي لتخافين!
اني ضربته ب شقه و ساعدته ب الاشياء شوي وكلي
: روحي بدلي اخذچ بطريقي.
: ليش ما نروح ل اهلك عرفني عليهم.
هو حك راسه من وره بس تفكير
: تدبريها ؟
: اي ولله اصير حبابه.
؛ ماشي روحي بدلي وحاولي تلبسين مستور و بناتي ميحبون سالفه الهوديات و قماصل جلد ماشي ؟
: ماشي
رحت من غرفته اركض ل غرفتي ب حماس
ما لكيت شي ب ملابسي ف اخذت من ميس
رحت من غرفته اركض ل غرفتي ب حماسما لكيت شي ب ملابسي ف اخذت من ميس
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
نزلت اله و لكيته يودع اهلي ويسلم عليهم
بابا شافني و استغرب
:بابا تلعبين سلة بهل ملابس ؟
ضحك واني انجرحت جيب اجاوبه واجذب اكله ماعندي عملي بس محمد جاوب بدالي
: استاذ نرجس كلت اله اذ معندج شي تعاي وياي هم تساعدني هم جنط و همات اهلي اصرو يتعرفون ع أحد من عائلتكم و يتشكرون منه ف اذ ما بيه اي شي راح اخذها وياي ؟
بابا بلعكس كبر محمد بعينه أكثر و وافق رحنه للسيارة
: هذا مستور مو ؟
محمد سئلني وهو واضح ضايج
: ولله اخذته من ميس ماعدي هيج فساتين!
: ولله ما البسج عبايه احسلي!
: محمد شنو السالفه !
: شبيها العبايه ؟؟
: ما بيها شي بس اني تربية رياضية ف مستحيل اكدر ألبسها !
: الله كريم خل ازوجج والله كريم !
بقينه ساكتين ل حد ما وصلنه بيتهم حلو و كبير
: محمد بيتكم كبير!
: احنه عائلة كبيرة!
قبل لا ننزل من السيارة هو حذرني
: شوفي نرجس بابا سبورتي راح ياخذج ب الحضن ماما شوي جامده بس حبابه عندي ٢ خوات وحده نسرين و ثانية زهراء نسرين جبيره وحبابه و زهراء شوي تضوج ب حجيه و ٣ اخوان عندي يوسف و جعفر و حمزه خوش ولد كلهم جعفر اكبرنا عمره ٣٥ سنة متزوج و عايش وياهم زوجته نبأ حبابه وعندهم رهف ٣ سنوات عمرها و اني أجيت وراه و وراح حمزه عمره ٢٥ ما مزوج يشتغل ب معرض السيارات وي بابا وعمي و يوسف اصغرنه ١٩ سنة جامعة صيدلة مستتصرية
: دوختني محمد ماشي الله يستر !
دخلنا و البيت هوسه حرفيا بنيه صغيرة شافت محمد وركضت
: عمو محمد اجه
هو كبل شالهه وضحك وياه ويبوس بيها طلع وراه جعفر و الكل فرحان بي اعتقد صار الهم هواي ما شايفيه لأن جانو متهجرين وهو الوحيد الي رجع قبلهم!
جام ابوه كله
: ما تعرفنه محمد ع هل حلوة ؟
: هاي نرجس بنت استاذ ميثم و جنت كاعد يمهم لحد ما ترجعون ب سلامه!
الكل سلم عليه ورحب بي و ابوه صدك سبورتي ولح تبقين ع الغده و محمد غمزلي يعني ابقي
: يوسف جيب جنطي من السيارة!
: حاضر
: يمه كملتي غرفتي ؟ صار اسبوع من كتلج!
: اي يمه كملت وجاهزة!
غمزلي
: تعاي اشوفج غرفتي!
ضحكت وصعدت وياه ب طريقنه فتنه غ غرفه جعفر ونبا وسمعنه صياحهم
نبأ : لا ولله وحده تشتري سيارة من المعرض شعدها تاخذ رقمك و الانستا مالتك ؟؟؟
جعفر: بنتي زبونه يعني شلون نتفاهم ع التفاصيل !
نبأ ؛ ما اخذت رقمك عمي ( ابوه) لو عمك شمعنا انت ؟؟
جعفر: انتي مو فاتحه حسابي يمج اذ اكو شي ب رسائلنه غير ع السيارة كوليلي ؟؟
نبأ : شمدريني ما عندك حساب ثاني ؟؟
جعفر بتعب : اكلج اني جوعان هذاك تليفوني كدامج ما بي حتى رمز فتشي ب الي يعجبج ومن تكملين ساعدي ماما ع الغده!
هو اجه يطلع واني و محمد طفرنه وكضينها ضحك ع عركتهم
دخلنه ل غرفته و جانت كلش حلوه و تصاميمها حلو هو تقدم بس ما سد باب الغرفة
: ها حلوه ؟ مثل ما متخيلتها ؟
: تجنن الحمدلله اني تخيلت جربايه و ميز بي مرايه ع شكل قلب و بطانيه مكتوب بيها احبك
هو ضحك
: شسالفه مو لهل درجة!
هم تقدم و طبع بوسه ع خدي
: احبچ يبعد حيلي
: اني همات احبك
وهم بسته من خده
اجه يوسف
يوسف: الغده كمل
هز محمد راسه و نزلنه كدامهم لكيناهم فارشين ب الكاع يأكلون و بصراحه هاي أحد الاشياء الي علمني عليها محمد و حبيتها وي مرور الوقت
كعدت بصعوبه بسبب الفستان واول ما بديت اكل بدت أمه تحقق وياي
: اني يمه شكد عمرچ ؟
: اني ١٩ خاله .
: تدرسين مبطله ؟
: اني مرحلة ثانية تربية رياضية ؟
ضحك حمزه
: الج ب الطوبه لو بس تربية رياضية ؟
: الي اني برشلونية!
جعفر صفك
: ارحب ب الزميل !
افتهمت أن هو برشلوني وحمزه كلب عيونه ب ملل
حمزه: يابه احنه ملوك هيج وين أكو واحد يكره الريال ؟؟؟
زهراء : البنات شفهمهم ب الطوبه ؟
اني : لا ليش ؟ كرة القدم اسهل مما تتوقعين و قوانين لعبها أيضا سهلة ؟ وانت يوسف ما تشجع نادي ؟
يوسف : اني اشجع بس مال دخل بهاي الهوسه اني اشجع الزوراء !
ابو محمد : كلهم يشجعون الطوبه بس محمد طلع مو يمها وكلشي ما يفتهم بيها !
باوعت اله وضحكت وهو كال
: ولله يا يابه زين جاب اباوع مباريات المنتخب ولله !
زهراء : ع طاري المنتخب تره ما بقه شي ل كاس اسيا !
ام محمد : يونس يسجل و نفوز أن شاء الله
ضحك الكل عليها
محمد: يمه وينج وين يونس محمود غير الرجال اعتزل!
ام محمد : اعتزل وي جيلي بعد كبرنا
دفعها ابو محمد ب جتفه
: بعدج كيمر!
وهي خجلت وضحكت.
شكرا لزيارتكم عالم روايات سكيرهوم
