رواية عشق الضابط الفصل الثامن بقلم زينب نور
كملنه غده واني ساعدت البنات ب شيله
السفرة و المواعين بقت المواعين ع السنك
ونبأ كالت بتعب
- طبعا نسرين و زهراء ما يسون اي شي كولشي عليه !
اني ضحكت و كلت اله
- سوي الچاي واني خل اغسل المواعين!
ضحكت نبأ و حضنتني وگالت ب دراما
- انتي ملاك مو انسان !
اني ضحكت وكمت اغسل ل المواعين وبقينه نسولف اني ونبأ شوي دخلت زهراء تسولف ع الفون وتضحك سئلها نبأ
-ويامن تسولف يحلو انت ؟
جانت زهراء فاتحه سبيكر واجه صوت بنية ميزته
- ويامن قابل نبأ ؟ اكو غيري هههه !
تقدمت نبأ من الفون وسلمت
- هلو عيني اسراء شلونچ ؟ مشتاقين لا تسألين لا تخابرين!
ضحكت اسراء
- ولله اني ع دوم تواصلي وي زهراء و همات محمد بس اغلب شي بليل لأن معنده وقت الصبح شغل وهيج مرات نبقه ل ٣ اني وياه!
اني عفت المواعين من ايدي وبقيت صافنه افكر بعصبية و كل الأفكار صارت سوداوية من شنو راح اسوي بي !
اخذت زهراء الفون وصعدت فوك كملت مخابرته طبيعي و نبأ تسوي چاي يمي ، ف استغليت الوضع وسئلتها
- اسراء كرايبكم ؟
سويت روحي ما ادري منو هي ونبأ ردت عليه
- اسراء اصير بنت خالهم يعني بنت خال جعفر و محمد وهيج !
اني هزيت راسي وبقيت اسئلها
- قريبة من عدكم ؟ يعني هم تجي للبيت ؟
هي ضحكت وكالت
- وين تجي ؟ مصار شهر من اشترينه البيت و اثثناه جنه عايشين ب السويد بس محمد هنا !
اني فهمت و ابتسمت اله أجيت اسئلها سؤال بس اجه جعفر و بضحكة لعوبة كال ل مرته
- رهف تبچي وما اعرف شسوي اله ، تعاي للغرفة !
هي خزرته و وثنينهم من شافو رهف نزلت تضحك كعدت وي الولد ب الصالة
اني ضحكت الهم وكلت اله
- روحي ل زوجچ عيني اني اكمل الچاي !
هي غمزتلي وهو اخذها من ايديها وصعدو .
كملت الچاي وبقيت ادور ع الستكاين و الصينية ب الكاونتر حسيت ب ايدين محمد ع خصري وسئل بهدوء
- عشنو ادورين ؟
اني جاوبته و درت وجهي علي
- الستكاين و صينية ، تندلهم ؟
هو مركز ع شفتي و سرحان بغير عالم هو تقدم اكثر مني و كال بصوت كله رغبة
- حلك واحد ؟
اني دفعته وبعدني ضايجة من كلام اسراء ابتعدت من عنده و سويت نفسي جاي ادور وهو سئل
- شكو يبعد حيلي منو مضوجج ؟
رفعت راسي و الغيرة تحرك كلبي
- ضابط اسمه محمد !
هو ضحك وتقدم حصرني ع الكاونتر
- اشعل عشيرته علمودچ ، شمسوي ؟
اني صرت عصبيه و احسه مجاي ياخذني صدك عباله دأشاقه صوتي ارتفع شويه
- مجاي اشاقه محمد ، تسهر وين بنت خالك ل ٣ الفجر شتسوي ؟
هو استغرب وسألني
- ياهي من عدهن ؟
اني غرت اكثر و صرت عصبية أكثر وصوتي ارتفع ب الزايد
- ما شاء الله كلهن تسهر وياهن بحيث مجاي تعرف منو هن من عدهن ؟؟؟
هو ضحك بعصبيه وكلي بتحذير
- شكم مرة كتلچ لا تعلين صوتچ عليه ! هذا السانچ مال كحاب اكصه الچ !
اني دفعته وعيوني مدمعة و اني الثولة اصلا لكيت نبأ مجهزة الصينية و الاستكاين ع الطاولة بقيت اخلي بيهم شكر ، هو ضرب الكاونتر قوي وطلع من المطبخ!
وي الضربة اني رجلي رجفت و ابچي مسحت دموعي و وطلعت قدمت چاي الهم لكيته كاعد وياهم و الكل جان كاعد ما عدا جعفر و نبأ ماموجودين!
قدمت الچاي لكل واحد وأبوه كلي
- اول مرة اشوف الضيف يقدم وأهل البيت كاعدين !
اني ضحكت بتمثيل واني بداخلي منهارة حرفيا واني اقدم الچاي اله هو اخذه بدون ما يباوع !
- لا عمو زعلت ، اني ضيف شسالفه اعتبرنه أهل !
ابوه ابتسم الي وحتى أمه احس بدت تستلطفني اني اخذت جنطتي وغراضي
- من رخصتكم اني اترخص وشكرا ع الغده خاله تسلم ايدچ !
محمد كال بدون ما يباوع الي و يكلب ب تليفونه
- أكمل چاي و اوصلچ ما ترحين وحدچ !
- ماكو داعي اتعبك اني هسه اصعد اسلم ع نبأ و جعفر و اروح وحدي !
هو خزرني بمعناه " انجبي وكعدي" و همات حمزه ما قبل
- شسالفه نرجس ترحين وحدچ ، بنية حلوة مثلچ بله انخطفت وين نطي وجهنه من ابوچ ؟ هههههه
ضحك و محمد صفن عليه وعلي كمل محمد چايه وكلي
- يلا نروح ؟
اني هزيت راسي وكلته
- ثواني خل اسلم ع نبأ و جعفر واجي .
هو أخذ مفتاح السيارة وكلي
- انتظرچ ب السيارة لا تتأخرين !
اني صعدت أجيت ادك الباب بس سمعت أصوات غريبة خليت اذني يم الباب سمعت أصوات آهات
- ع كيفك جعفر !!
اني ابتعدت وخرب خجلت بشكل مو طبيعي نزلت اضحك سلمت ع الكل ونزلت لگيت محمد يدخن ب السيارة , هنا اول مرة ادري بي يدخن !
صعدت ب الصدر وياه وبقيت ساكته هو ما حرك و بقه يباوعلي اني باوعت اله
- شوكت ناوي تحرك ؟
بقه ساكت وباوعلي نفث الدخان بحرگه و أعتذر
- اسف مقصدي اغلط عليچ ، اني أعتذر !
اني سكتت و مجاوبت هو بعده صافن عليه وكمل
- بس انتي عليتي صوتچ وكتلچ ما احب احد يعلي صوته عليه ، واذ قصدچ ع اسراء ف اني ما احجي وياها ب سنة مرة !
اني درت وجهي علي وعيوني مدمعة
- لعد ليش تكول مرات نسهر ل ٣ اني و محمد ؟ ع شنو تچذب ؟؟
هم تقرب ومسح دموعي وكلي
- ما ادري البنيه شنو نيتها الي ، بس وداعت عيونچ الحلوة اني ما سهران ولا مسولف وياها !
كلماته خلتني شويه اهدأ و ما انهار هو تقرب مني باسني قريب من شفتي اني خدرت ما ابتعد و مال وجهه ع شفتي اخذها بين شفايفه وبقوه يبوس ع كيف وبهدوء شوي شوي و اتعمق أكثر !
بقه يرضع بشفايفي مثل الجوعان أيده تتفحص جسمي بجرأة ابتعد عليه وهو يجر ب شفتي الجوه باسنانه !
حط راسه ع راسي وكال وهو مغمض عينه
- مجاي تشوفين شكد اني ميت عليچ ، عيوني ما تشوف غيرچ !
ابتعد مني واني دنكت مستحية وبس مبتسمة وما اعرف شسوي بس مبتسمة هو ضحك وبقه يغنيلي
- هاي الدنيا وما بيها بضحكاتچ تختصريها
شيصبر روحي بدونچ ، ضلمة الدنيا بلا لونچ ما بالغ اني اهواچ ! هم انتي مثلي ؟
اني ستحيت اكثر وحرفيا وجهي احمر بكل معنى الكلمة
- محمدددد ، كافي ولله خجلت !
هو حرك السيارة و كلي
- اروح فدوه لليخجل اني !
الطريق جان سكته بس ما يخله من نضرات محمد و غمزاته و ضحكه وشقاه ، كلشي جان حلو لحد ما دك فوني طلعته من الجنطة
" ياسر 💓 "
هو صفن بس ما كال شي اني فتحت خط وجاوبته
- الو ها ياسر ؟
اجاني صوته من السماعة
- هلو حبيبتي ، اكلچ تاخرتي ضل بالي بمچ وين صرتي ؟
- شويه واجي اني ب طريق .
- تمام حبيبي ديريبالج ع نفسج !
- ماشي !
سديت الخط و توقعت محمد يسأل بس ما سأل ولا كال اي شي وكف السيارة يم باب بيتنه اخذ فوني وسجل رقمه
- لاحضت أن لحد الان ما عندچ رقمي بس الانستا ف هذا رقمي وهمات كتبت الج ب الملاحظات حساب الانستا و الباسبود فتحي حسابي يمچ اذ تردين !
اني استحيت احس ان فعلا كبرت سالفة اسراء وهو ما عنده شي وياها اني هزيت راسي أجيت اطلع بس كمش ايدي
- نرجس ؟
- ها ؟
- احبچ دائما خليها ب بالچ !
اني ابتسمت و كمشت أيده بستها
- واني هم احبك دائما خليها ب بالك !
-------------------------------------
شكرا لزيارتكم عالم روايات سكيرهوم
