رواية غرفة العمليات الفصل الثامن بقلم جمانه السعيدي
اسيل...اخذو تليفوني حتى يدخلون علي برنامج تسجيل
المكالمات
وربطو بلشبكه الخاصه بلدائره
نص ساعه ورجعو تليفوني
طلعنا اني وبابا من الدائره وكانت سيارة العميد تنتنضرنا
برا وصلتنا للبيت
تقريبا الساعه ١٢ الضهر رجعنا
كعدنا حجينا كلشي الامي وخواتي
امي...خاف يعرف وينشر الصور
بابا...مستحيل بنشر الصور لان هو جاي يضغط عليها بيهن
يريد يستفاد من الصور اكبر وقت ممكن
يعتبرهن ورقه رابحه باايده
انشاء الله هاي اخر أيامه راح ينكشف
امي..انشاء الله
تغدينا واني دخلت سبحت وبدلت طلعت لكيته دازلي مسج
...هلو ياحلوه فكرتي لان الوقت مو بصالحج لازم تستعجلين
اسيل...ممكن اعرف اسمك
...ليش
.اسيل......لان انت بلنسبه اليه وهم اني كلشي مااعرف عنك
...كافي تعرفين اني احبج ومستحيل اعوفج
ولا اتخيل نفسي بدونج
تعرفين اني احبج من زمان من كنتي تداومين بلمعهد
.اسيل.......انت كنت تدرس وياي
...لا
.اسيل.......بس الي يحب مااياذي حبيبه
...اليوم تحجين ناعم وياي شكوووو
.اسيل......ماكو شي بس اريد اوصل وياك الحل
...الحل بسيط نحدد موعد ونلتقي خلص هاي هي
اسيل.......شنو رائيك انطيك فلوس وتحل عني شوف انت شكد تريد واني حاضره
حتلو مبلغ جبير حتلو نبيع بيتنا بس تعوفني بحالي
جمانه السعيدي
....ابد ولا فلوس الدنيا كله تعوضني عن الحظه تكونين بيها وياي اني احبج
اسيل...اذا تحبني ليش ماتخطبني
...مااكدر
.اسيل....ليش ماتكدر مو تكول احبج
...لان هسه اني كشفت اوارقي كدامج بس اتقدم تبلغين عني وبلزموني
بس هيج اكدر اتسلى وياج اكبر وقت ممكن
اسيل......هسه شنو المطلوب مني
. تسمعين كلامي وماتحجين الاي احد عن هذا الموضوع
.اسيل......ارحم حالي اني بنيه ضعيفه لا حول ولا قوه
ابوي مريض ومستحيل اكدر انفذ طلباتك
مااكدر اني حياتي تحطمت بسببك كافي حل عني
احلفك بكل عزيز عليك عوفني
...ولله حلوه من تحجين صوتج عبالك موسيقى تدخل اذني
مااكدر اعوفج
كل الأشياء الحلوه بعقلي مرتبطه بيج
هذا حب صار سنوات مو يوم لو يومين
تعرفين من سمعت راح تزوجين تخبلت كلبت الدنيا
منا لمن حصلت رقم ماهر
ماكدرت احصله اله يوم عرسكم لو محصله قبل
جان خربت هاي الزواجه من البدايه انتي اليه محد ياخذج غيري
.اسيل.....هسه الحل شنووو اريد افتهم راسي من رجليه
...انتي ليش تردين اصعبين الامور الحل سهل نلتقي اني وياج بمكان وحدنا
.اسيل......ابوي مريض حالتي النفسيه زفت وانت حاي تضغط عليه
...انتي ليش مصعبه الامور
.اسيل.. ..زين احجيلي شلون شفتني اول مره بلكت اتقبل الموضوع
...باعي هاي السوالف مو عليه تردين اجريني بلحجي
اني اليوم شاك بيج
انتي مو طبيعيه
.
اسيل....اي لكيتني شاطره لو شاطره صدك مجان اعتديت عليه وصورتني واني ماادري
اريد اسئلك انت خطفتني واني ماادري
لو خدرتني لان كلشي مجاي اذكر
جمانه السعيدي
.. من اشوفج راح احجيلج كلشي
اسيل...مااكدر
...لا تكدرين بس انتي ماتردين
اسيل....شلون اطلع من البيت
....شوفي حجه واطلعي
اسيل...اريد وقت يعني تعوف هذا اللقاء للظروف
يمتى مااشوف الوقت مناسب انطيك خبر
...لا تردين تشتليني اعرف هاي السوالف
اسيل...شلون اريد حل كتلك اصبر بس يكون عندي مجال انطيك خبر
اني طلعتي من البيت صعبه مااكدر اطلع اهلي مايقبلون
اطلع وحدي
...باعي باجر تخلقين وقت وتجين
اسيل...وين اجي
...من اطلعين من الببت اني اكلج وبن ترحين
اسيل...مو باجر بعد يومين لان باجر موعد الطبيب
ناخذ بابا نعرضه على دكتوره
وبعدها عندا جلسة علاج طبيعي بلمستسفى على الاجهزه
خليه بعدها اتصل عليه بلكت اكدر ادبر حجه واطلع
وبعد عندي شي مهم
لا تتصل ولادز كل شويه مسج
البارحه من دزيت اختي سئلتني
واليوم الصبح بابا سئلني منو اتصل عليج
كوه دبرت حجه
لا تتصل كل شويه الله يخليك
جمانه السعيدي
.. مااكدر اريد اسمع صوتج
اسيل.. خليني ماشيه وياك بدون مشاكل
...تمام اتفقنا على بعد بعد باجر
اسيل...تمام
...احبج
قفلت التليفون هذا شنو من بشر ياربي
مايكل ولا يمل
تمددت على الجربايه وضايجه حيل
الصراحه عقلي وياا الصور شلون الصابط جاي يشوف صوري ولله زحمه
بس شسوي مضطره احسن ماامة محمد كله تتفرج عليهن
بلكت يوصل الحل
هذا اليوم خلص بدون مااسمع صوته
صدك كلامي ومااتصل ولا دز مسج
اليوم الي بعدا اخذنا بابا للدكتور حتى يطمنا على حالته
ماكو اي خبر من دائره الابتزاز الااكتروني
اليوم الي بعدا اخذنا للمستشفى علمود العلاج الطبيعي
كملنا ورجعنا للبيت رحنا وياا اني وامي
بس وصلت للبيت اجتني رساله
...هلو اسوله اليوم شفتج طالعه تخبلين
ياربي الأسود عليج ياكل ويشرب
عود اذا تجيني تعاي لابسه ثوب نوم اسود قصير
اسيل...استغفر الله جاي تراقبني
...لا مو اراقبج بس شفتج بلصدفه
اسيل....احنا مو اتفقنا لا تتصل ولا تدز مسج خاف اهلي يشكون بيه
...حبيت اذكرج باجر موعدنا
سديت التليفون استغفر الله ربي واتوب اليك
يمتى رب العالمين يخلصني من هاي النماذج
بدلت ملابس اجا اتصال على تليفون بابا
بابا.. اي موجوده تعاي بابا اسيل
رحت الغرفة بابا هاا خير
بابا.. الضابط خالد يريد يسئلج كم سوال
اسيل...اي اخذت التليفون وكعدت بصف بابا
بابا خله اذنه على التليفون وياي
اسيل...تفضل حضرت الضابط اسيل وياك
جمانه السعيدي
الضابط خالد...عندي كم سوال اريد اسئلج
اسيل...اي تفضل
....انتي هم داخله مستشفى قبل فتره او عياده
اسيل...مستشفى خل اذكر يعني قبل شكد لان اني قبل
ست اشهر تقريبا سويت عملية الزائده
وبعدها راجعت كم مره رحت للمستشفى
وذاك اليوم من وكع بابا بلجلطه رحت وياا للمستشفى
وبقينا اني وامي وخواتي ٣ ايام
الضابط خالد....بس لكينا الخيط الي راح يوصلنا الحل هاي القضيه
اسيل...شلون حضرت الضابط فهمني مافهمت
الضابط خالد....وحده من الصور الي ماخذيها اللج اني كبرته
حتى اشوف أبعاد المكان
اسيل...دقيقه خل افتح مكبر الصوت لان اهلي يردون يسمعون كلامك لو سمحت
الضابط خالد...ماكو مشكله
اسيل...اتفضل احجي كلنا نسمعك
الضالط خالد....اني كبرت كل الصور حتى اعرف أبعاد المكان
مهما يكون المجرم ذكي
اكيد راح نكدر نكشفه
اسيل....شنو لكيت حضرت الضابط
الضابط خالد....وحده من الصور طالع ضل كانونه
وضل صوندت المغذي
بلبدايه ماعرفت هذا شنووو بعدين ضليت ادور
واكبر الصوره
الحد ماعرفت
شي زغير مبين منهن يكاد لا يذكر
بس اني من كبرت الصوره خمنت ممكن تكون هاي الصوره
من داخل عياده اومستشفى
اسيل...لا اني مرايحه عياده بس علمود الكشف
يعني مااجاوز الوقت خمس دقايق وامي وبابا كانو حاضرين وياي أثناء تشخيص حالتي الصحيه
قبل لا ادخل للعمليات بيوم
ضابط خالد...تعرفين اسم المستشفى والدكتور والكادر الي
اجرالج العمليه
اسيل...اعرف بس اسم الدكتور نبيل رحيمه
الضابط خالد...ابوج يعرف الكادر
بابا.. للأسماء مااعرفهم بس اعرف كم واحد بلوجوه
الضابط خالد....على مااضن انتي تم اغتصابج داخل غرفة العمليات
وعلى ايد واحد من الكادر
وكونج مجاي تذكرين اي شي من الحادث
هذا دليل على أن انتي كنتي تحت تأثير البنج
لذالك كلشي مجاي تذكرين
اسيل...يايمه عززززا
الضابط....عندج اوارق العمليه محتاجين التاريخ واسم الدكتور الثلاثي واسم الكادر
راح نلقي القبض عليهم ونحقق وياهم واحد واحد
اسيل.. من رخصتك حضرت الضابط المجرم جاي يلح عليه حتى اقابله
ليش تقبض على كل الكادر والسالفه تصير على كل السان
ليش ما أخذ موعد منه وتلقون القبض علي
واذا وكع بيدكم راح تعرفون منو هو وشنو حقيقته
الضابط...كلامج معقول بس لازم تقدمين شكوى ضد المستشفى وتاخذين تعويض
لان هذا استهتار بسمعت الناس وخصوصيتهم
اسيل....انشاء الله مرن عليه ايام سود حضرت الضابط
الضابط...باجر كوني على تواصل ويانا حتى نلزم الجاني
اسيل.. انشاء الله
سديت التليفون ودنكت سجدت بلكاع الف حمد والف شكر انحل اللغز
التفكير ذبحني شلون هذا اغتصبني وشلون جردني من ملابسي ووين وليش اني مجاي اذكر
طلع الشيطان مستغل وجودي بلمستشفى
وبسبب التخدير مستغل الفرصه
هم وحدي وهم مخدره الله ينتقم منه
بابا...الحمد لله طلع الحق بس منو ياترى الي سوا هاي الجريمه
اني مااشك بلدكتور لان انسان محترم
بس باقي الكادر مااعرفهم
اسيل...باجر نكشف كلشي
شكرا لزيارتكم عالم روايات سكيرهوم
