رواية الفصلية الفصل الثامن بقلم زينب نور
الشيخ يوسف :اي اريدنج كعدي هنايه
ميار:صار يالشيخ
الشيخ يوسف:تعرفين ان اليوم احنه قرينه الفاتحه مال مﻻك وفارس والخطبه هم تحددت
ميار:بلي شيخ ادري
الشيخ يوسف:منا للخطبه اريدن كلشي جاهز وماريدن شي ناكص واريدنج ويه مﻻك وشني تريد تسولهيا
ميار:حاضر يالشيخ
الشيخ يوسف:وشغله ثانيه خل باجر ام محمد تاخذجن للسوك انتي وأمل وشوفو مني يروح وياجن و انه راح ابلغ رامي يوصلجن للسوك وينتظرجن حد متخلصون ويرجعكم
ميار:تمام يالشيخ تريد شي ثاني
الشيخ يوسف:ﻻ ماريد بس هاج الاستكان وسدي الباب ورة متطلعين
ميار:حاضر يالشيخ
..............
ميار:طلعت من غرفه الشيخ نزلت غسلت استكان الجاي ورجعت لغرفتي اول مفتحت الباب لكيت أمل كاعده تنتظرني
أمل:يله احجي شيريد الشيخ
ميار:بسم الله الرحمن الرحيم شبيج وبعدين انتي شجايج هنايه
أمل :فضولي جابني
ميار:ههه خبله والله
أمل:اي يله كولي شحجه الشيخ
ميار:عوذه منج وانتي شكو تريدين تعرفين
أمل:تحجين ﻻ بلكوشه(مخده صغيرة) عله راسج
ميار:تمام تمام سمعي هوة كال .......... وكتلهه الي كاله الشيخ
أمل:والله تطورات يعني الشيخ كلج نطلع باجر للسوك ونشتري هلا هلا
ميار:بلي هوة كال
أمل:جا مانطاج شكم فلس
ميار:ﻻ مانطاني وهسه عرفتي يله حدري برة اريدن انام تعبانه وعندي كعدة من الفجر
أمل:جبحج اي والله رايحه تصبحين عله خير
ميار:وانتي من اهله سدي الباب زين
أمل:تمام
................
الشيخ يوسف:صراحه هليام مادري شني صايرلي احس روحي طاير وبس افكر بميار ووكت الي ماشوفهه احسن روحي مشتاقلهه واريدن بس المح طولهه واليوم حاجيته بس كلش عجبني خجلهه يووو شوف النسوه اللهم العن الشيطان نسيت انطيهه فلوس علمود باجر يله عودن باجر انطيهه خلني انام هسه كاعد من الفجر واحس راسي راح يطك
.....................
افنان:اكو حبيبي؟؟؟؟
رامي:كولي حبيبتي انتي ضي عيوني
افنان:تسلم عيونك بس انته شنو رأيك بميار انه اشوفنهه بنيه حلوة وحبابه وخلوقه
رامي:اي صح انه هم هيج اشوفن من اول ماجت لحدهسه ماشفت عليهه شي نظيفه ومرتبه وحته طبخهه مينشبع منه
افنان:ها ها ها شو جنك رحت زايد
رامي:ياحبيبي مو انتي سئلتيني وانه داجاوبج بعدين تعاي شني تغارين علي
افنان:ﻻ ماغارن عليك شعندي واغار شني ناكصني ايد وله رجل
رامي:هههههههه ﻻ حبيبي كلشي مناكصج صدكي انتي وحيدج ساكنه كليبي ومحد غيرج وبخصوص ميار فلبنيه بمثابهه مليكه عندي وهسه تعاي نامي متعبتي
افنان:ﻻ والله ميته تعب من الصبح كاعده
رامي:يله لعد تعاي نامي عله ايدي تصبحين عله خير
افنان:وانته من اهله حبيبي
.......................
ميار:كعدت الفجر ساعه 4:45دقيقه كمت غسلت وتوضيت وصليت الصبح وطلعت عله شغلي نظفت الاستقبال والديوان مال بيت ورحت علمطبخ عجنت ونظفت المطبخ لحد مختمر العجين شنكتهه وطلعت حظرت التنور وتنكبت بلشيله وبديت اخبز ورهه شي نص ساعه صارت حركه بلبيت وطلعت أمل
أمل:صباح المشمش والخوخ والرمان
ميار:شني جنج حلمانه بلاكل ههه صباح النور
أمل:اي والله حلمت بلاكل وكعدت جوعانه جيبي الوصله خل الزملج القبغ واشلعلج الخبزات حته نكمل بساع
ميار:تمام هاج
ميار:كملنه ودخلنه لكينه ام محمد محظرة الريوك بس تتنتظر الخبز صبحنه عليهه ونطيناها الخبز وودتلهم الريوك واحنه بقينه بلمطبخ نتريك عاد خلصو ريوك ساعه7:40دقيقه جابو المواعين بدينه ننظف وحظرنه الغده من وكت لين ﻻزم بعد نص ساعه نطلع للسوك عاد انه وداغسل المواعين اجت أمل
أمل:حبيبه الشيخ يريدنج
ميار:تمام مكلج شيريد
أمل:وانه شكو يكلي شغله بين رجال وحرمته اني شكو مسويني المرسال مالت الشيخ
ميار:اشش بابه شحجينه ونفتحتي كملي وانه اروحن اشوف الشيخ شيريد
أمل:اي روحي
............
الشيخ يوسف:كعدت الصبح ب6:15كمت سبحت وغيرت ملابسي وحظرت 500الف لميار و500الف لأمل حته من نخلص ريوك انطياهن يروحن يجهزن نفسهن ويه ام محمد ومﻻك باجر هتجي مرت عمي ويرحن للسوك المهم كملنه ريوك وكمت داغسل شفت أمل
الشيخ:أمل ندهيلي ميار وكوليلهه انطرهه بغرفتي
أمل: حاظر يالشيخ ثواني
راحت ورة شي 10دقايق ندك الباب كلت
الشيخ يوسف :ادخلي بويه ميار
ميار:نعم يالشيخ دزيت عليهه
الشيخ يوسف:اي تعاي هاج هذه الج وهذه لأمل كل وحدة 500الف وشني يعجبكم اشترو واذا عوزتو بعد فلوس اخذو من رامي واني بعدين انطي
ميار:(بخجل)ماشي يلشيخ تسلم بس مو جن هواي ناطيني
الشيخ يوسف :ﻻ والله خاف مترضين امشي بويه انتن رايحات لسوك وهناك يرادله صرف واصلن انه نطيتكم شويه وهسه راح انزل عله رامي هم راح انطي فلوس واذا عوزتو اخذو منه وانه بعدين انطي
ميار:(بخجل اله شويه وتبجي)تمام يلشيخ مشكور تريد شي ثاني؟؟
الشيخ يوسف: ﻻ ماريدن روحي جهزي نفسج حته تروحون وتردون كبل وكت
ميار:تمام يالشيخ
............
ميار:نزلت صارت بوجهي أمل
أمل:احم احم يله نطيني حصتي
ميار:حصتيش بابه
أمل:شبيج ثوليتي قصدي الفليسات مالتي يله
ميار:هاج شبيج جنج مشايفه
أمل:ﻻحبيبي شايفه بس هاي فلوث فلووووث
ميار:(بتقليد )فلوووث فلووث ننن
أمل:ياا يولي لتقلدين اي هاي شكد
ميار:500الف كل وحدة وكال انو اذا عوزنه فلوس ناخذ من رامي وهوة ينطي
أمل:اللللله يخلي ويحفظه الج والنه يارب
ميار:استغفر الله روحي بابه خل ابدل حته نلحك كال الشيخ بسرعه روحو ورجعو ﻻ تتئخرون بلسوك
أمل:امممم خوش انه رايحه اجهز نفسي
ميار:ماشي
____بعد ربع ساعه____
طلعنه جان رامي منتظرنه اني وام محمد وأمل وافنان هم رادت تجي دكول ماعندي شي للحفله
المهم رحنه للسوك وشترينه انه شتريت فستان يصير لون ماروني عله احمر دموي كلش حلو ويصير جوة الركبه وبي شيالات من الجتف ومن الخصر يصير نفش تول وويا كعب لون احمر وبي ذهبي ومكياج وعطور وشيرة وغسولات للجسم وماسكات وشتريت دشاديش مال بيت وشالات وجبه للاحتياط وملابس داخليه وافنان اصرت عليه اشتري مﻻبس نووم ليش مادري اذا انه ماراح البسهن بس شني هيه اختارتهه كلهه فضيحهه اشترت فد 5سيتات وطلعنه وبقت من فلوسي 50الف كلت اشتري للشيخه فد شي عاد شفت هاشمي كلش حلو كلت لافنان وأمل كالو كلش حلو عاد اشتريته يصير لونه اسود ومطرز بذهبي وويا الشال مالته ب50عاد كملنه كل شي وطلعنه من السوك لكينه رامي ينطرنه
رامي:يله كملتن ؟؟؟
أمل:ﻻ والله يخوي بعدنه بلسوك
رامي:هه هه هه متضحك يله صعدن خل نرجع صكعتني الشمس صكع
افنان:ياحبيبي سوده عليه
أمل:ﻻ بيضه عليج هههههه
رامي:ولج أمل حسج ماهيسه لا هس اشمرج من الشباج هينه
أمل:ﻻﻻ خلص ها اها سكتنه
.............
ميار:رجعنه للبيت وطببنه الغراض كلت وره ماخلص شغل اودي الهديه للشيخه عاد صلينهه وصبينه غده ووديناه ورجعت للمطبخ وتغديت وكملو بديت اغسل المواعين وانظف المطبخ وكملنه جنت حاطه الجاي علنار صبيته ووديتيالهم ورحت عله أمل
ميار:أمل انه رايحه اريح عليج استكاين الجاي انتي غسليهن
أمل:تمام روحي انه هسه اغسلهن
ميار:تسلمين كبد كبدي
...........
الشيخ يوسف:دزيتهن للسوك ودزيت رامي وياهن ووصيته انو اذا عوزو فليسات ينطيهن عبني نطيتن شوي خاف ليرحن يضيعوهن بلسوك وطلعت للمضيف جانت عدنه كعده عاد لحد 11ونص كملنه رجعت للبيت لكيتهم توهم راجعين سلمت ووصيتهن لمن يصير الغده يندهون عليه والله عاد سبحت صليت و رة خمس دقايق ندهو عليه رحت تغديت وشربت جاي وصعدت اناملي شويه واكعد العصريات اطلع وي ربعي عازميني
............
ميار:صار العصر وانه جنت توني مخلصه تعزيلت الغراض اخذت هدية الشيخه وطلعت لغرفتهه دكيت الباب كالت ادخل عاد انه دخلت
الشيخه:.............
...............................
شنو تتوقعون ردة فعل الشيخه عله هدية ميار؟؟
ياترة شنو راح يصير بلخطوبه؟؟؟
.............................
شكرا لزيارتكم عالم روايات سكيرهوم
