رواية أرض الخناجر الفصل السادس والثمانون بقلم ايلول
بكُل ضياع الروح أريدك
أنه كُل دروبي أحسها
خطوط ايدك ..
══━━━━✥◈✥━━━━══
محطة الوداع لهذه الأراضي
══━━━━✥◈✥━━━━══
رنـــه:: حطيت ايدي على حلكي مصدومة، التفتت الهاجر تعاينلي بعيون ذبلانه وهمست بصوت ناصي
هاجر:: توفت؟
عاينت بعيونها ساكته گـــلبي موجعني عليهن هيه وريمه، گال كهلان
-ديربالج على هاجر رنـــه ساعة ونجي احنا.
سديت التلفون منه عيني بعينها ما ادري شني الاگوله مسحت وجهي
-هاجر الموت حق انا لله وانا اليه راجعون.
توقعتها تبجي او تصرخ بس كل السوته هزت راسها خوش ملامحها ما تتفسر بدون اي مشاعر دنگت تعاين العلاوي النايم يمها مسحت على راسه ساكته دمعه ما نزلت من عينها.
گمت بسرعة طلعت للحوش فكري بريمه فزيت من اندك الباب
مــاسه:: رنـــه... رنـــه
ركضت فتحته وطبن هي ورغد
رغد:: ولج ميلاد توفت.
-اي خابرني كهلان.
مــاسه:: شلون شنسوي نروح الريمه؟
-كلها بالمستشفى ياهو ياخذنه الها سوده بوجهي وحدها عفناااها وحدها.
رغد:: اشش رنـــه ياا شسالفة لا تبجين هسه هسه نشوف ياهو ياخذنه
رنـــه:: مسحت دموعي مختنگه وكلساع أتخيلها وحدها تبجي وتصرخ ومحد من عدنا وياها، درت على مــاسه تمسح على ظهري تعاين بوجهه رغد مستغربه وتحجي وياي
مــاسه:: رنـــه احسلها ماتت ترى عذاب هذا والله يرحمها هي متعذبه ومعذبه ريـــمه وياها لا تبجين.
-بالي يم ريـــمه ما باجيه على ميلاد انه شعليه بيها ماتت والضلت كل اليهمني رريمه ريـــمه وحدها ولجن.
كابلني محتارات فز حسين واجه يمنه يسأل شصاير النوب طلع بره الحوش فتحت الباب وكابلته شويه واجت عمتي ايمان يمنه ضلينه بالحوش نرجف من البروده بس من حرگت گـــلبي على ريـــمه ما ودي ادخل للبيت للأربعة صاح حسين
-هذاك ضوه سيارة على الحرثة
مديت راسي اعاين من الباب لمن طبگت السيارة ببابنا طلعنه كلنه بسرعة نزل كهلان وافتر فتح الباب الريمه ترجف كلها سندها يمشيها ركضت اتلگاها شبگتها بكل حيلي دموعها يجرن بلا صوت وحانيه ظهرها تلگتها عمتي ايمان تبجي وتصبر بيها صاح كهلان
-ررنه رنـــه اخذيها جوه بساع.
عفتها بأيد عمتي والتفتت عليه من شفته ماشي البيت مرتضى ضليت واكفه بمچاني خايفة دك الباب عليهم حييل فلشه وصيح بحرگه
-مرتضى... مرتضى.
وگبل لا يطلع مرتضى التفتت على صوت سيارة ثانية لمحته صــيهد نزل وصاح على كهلان
-ناايم الخايس نايم ما چنه چبير اخوته .
ومشه وره كهلان بحرگه توه مرتضى فتح الباب يفرك بعيونه وجره كهلان من ياخته يعته ويصيح
-انتَ ما تستحي ما تگول اشوفن اخواني وين صاروا اوكف وياااهم أعينهم على مصيبتهم منخمد حتى ما تدري بأمك تووفت من طاحظك يا خايس.
ومرتضى صيح فاز
-امي ماتت امي ماتت؟ يا بووويه.
ولطم على وجهه جره صــيهد يغلط يريد يطكه وكهلان كاضه
صــيهد:: چلب وكل خير ما بيك وولك اخوتك ارواحهم رايحه وانت خااتل تف عليك وعلى كباريتك.
جره كهلان وصاح على مرتضى
-امشي الاخووتك.
طب البيته يصيح، وصيهد گال الكهلان
-بس اجيبن فلوس واجيك.
ضليت واكفه بمچاني صــيهد راح لبيتهم يركض وكهلان يعاين وراه بقهر شال راسه شافني واجه يمي يحاجيني مقهور
-ديربالج على ريـــمه
مسحت وجهي اهز راسي اي والتفتنا اثنينا على صوت مرتضى هو وفرح طلعوا يركضون للسيارة، اجه صــيهد صاح
-امي ووين.
طلعتله خاله تمسح بوجها
-تعااي يمه ويانه.
اخذوها ومشوا اعاين وراهم ورديت طبيت ريـــمه كاعده وشابگه هاجر على گلبها دموعها يجرن البنات يحاجنها وهي بس تهز راسها اي وتهمس
-الحمدلله والشكر الحمدلله على كل حال.
شالت راسها عاينت بوجهي ورجفن شفايفها بجت بصوت ومدت أيدها الي كعدت يمها شابگتها بلا ما احجي كومتها تغسل وجها أديها يرجفن
-ريـــمه.
شالت راسها تعاين بوجهي
-الموت ارحم الها
هزت راسها دموعها يجرن وصوتها مختنك
-ماتت وهي تدعي عليَّّ وعلى اخواني.
سكتت مسحت وجها ومشت جوه، مــاسه ورغد مشن البيت شاكر يلمنه ويعدلنه گبل لا الوادم تجي، للساعة بالستة الصبح يله جابوا التابوت وصفن السيارات اخوات ميلاد نزلن يتصارخن وانه كل تركيزي وي ريـــمه مشيت وياها البيت اهلها كعدت وي خالاتها من التمن على التابوت بلا صوت بس دموعها يجرن، تلفتت ادور على هاجر لمحتها واكفه بباب الدوانيه بس صافنه دمعة مانازله من عينها، رجعت ليوره مبتعده الدوانيه صارت هوسه اهل ميلاد ونسوان السلف بدن يجن وبناتنا كاضات ريـــمه .
درت وجهي اعاين لباب الدوانيه الخارجي ســليم وسلطان اثنينهم متلثمين وولدنا گدامهم يحجون وياهم، وردوا طبوا للدوانيه شالوا التابوت مشت وياهم عمتي ايمان واخت ميلاد سعاد ووحده تعودلهم وسلطان وصيهد وولد من السلف، وكهلان عيونه على ريـــمه ميت من القهر عليها.
عفت البنات يمها ورديت البيتنا وي حسين متلفله بالعبايه ومدنگه زلم تفتر وهوسه، طبيت للبيت علاوي وشمس يبجون وزهره حايره بيهم سكتت شمس واخذت علاوي غسلتله ورديت نومته صدى الصريخ براسي يون غمضت عيني وفززتني زهره من ربدت الباب تصيح
-ررررنه تعاركن ررررنه.
وگفت مخروعة وعلاوي فز يبجي
-شكوووو؟
وي حجايتي سمعت الصريخ جريت عبايتي طلعت اركض واشوفهن بره الحوش ناس تجر بناس صرريخ ووحده مچلبه براس الثانيه والدم تارس اديهن ووجوهن وصوتهن يوصل السابع جار وولدنه يجرون بيهن بس يردون يفرغونهن من بعض ركضت وياهن من شفتهن رغد وماسه وماريا وبدور وي اخوات ميلاد وبنات اخواتها ذبيت روحـــي وياهن بس ادفع بالبداية ما جنت ادري شني الصاير وولدنا متسودنين يجرون ببناتنا ويصيحون عليهن، مذابح صارت ورغد روحها مفرفحه عشرة وما يكضونها وجها يصب دم وتعارك والتكضها بعد ما تهدها الا مگطعه شعرها بأديها ومجريتها دم تصيح بحرگه
-ليشششش تطگنهااا تطكن ررريمه هسه صرتن حنينات على اختجن.
حجايه سودنتني ما ادري اهد العركه واركض اشوفن ريمه لو اضل هاده وياهن جرني كهلان يصيح وسليم يدفع بخالاته ووهب يكض باخواته وبريا بس يريد يجر ماريا فلتت من ايد كهلان متسودنه حجاية رغد ترن بأذني وياهي الاكضها اگطع شعرها واخرمش وجها وايدي وما تلوح ومن هوستنا رغد كضت خالة ريـــمه وجرتها انفردت بيها بس التفتت لمحتهن بالتراب وما ادري ياهي منهن مكتوله .
حسيت بروحي انجريت ودفعني وي ماريا يصيح
بريا:: كااافي
ووهب وسليم ركضوا الرغد كوه وهـــب شالها من فوك خالة ريـــمه وهنه يغلطن ويفشرن ويهدن دفعهن ســليم يصيح
ســليم:: الما تسد حلگها وتحترم روحهااا لا تجي تولي البيتهاا
ورغد صررخت ترجف كلها
-وووولك يطكن ررريمه ولك يگللها انتِ موتيهاا صارن حنيناااات هسه صارن حنينات.
وهن يردن ويعاركن صارت عيني بعين كهلان اشرلي اركضي ركضت يمه جرني من ايدي
-طبيي شوفيلي ررريمه.
ركضت للبيت ادور روحـــي رايحه واديه يجرن دم مزلغات والمحها سانده ظهرها على الحايط رايحه روحها وندى وجويريه يمسحن الدم من راسها ويغسلن بوجها، والنسوان يحجن على خالاتها ركضتلها ميته من الخوف اريدها تحاجيني ماكو سبتهن جــويريه بحرگه
جــويريه:: مچلوبات كبر طمهن ضربتها بالكلاص الحيوانه، شعليها ريـــمه.
مسحت وجهه ريـــمه احاجيها وهيه ولا تنطق وندى بساع حطت گطن على الجرح البراسها، گمت من سمعت هوسة البنات صارت بالمطبخ وخالات ريـــمه طبن للدوانيه مشيت للمطبخ ولدنا بالحوش يحجون عليهن ويردون ريـــمه ورغد تغسل بأديها ووجها ووهب يصيح
-تعاااي اخذج للمستشفى.
ما رضت بس غسلت رديت للهول گومت ريـــمه گوه اخذتها ساندتها وكهلان واكفلها بباب الحوش بس وصلتها يمه لم وجها بين أديه وهي عاينت بعيونه وضمت وجها بصدره تبجي مهدود حيلها من حجيهن وسليم يفتر يم باب الدوانيه محترك گلبه ويهدد وهن ولا يسكتن كلساع وصاحن انتم الموتوها
رد يم كهلان يحاجون ريـــمه يردون يأخذونها للمستشفى وهي ما ترضى
ريـــمه:: مابيه شي مابيه شي.
ورغد بعدها ترجف من الحرگه ميته من القهر تريد تاكلهن صاح عليها ســليم
سليم:: رغد التفك حلگها ايدج الج گطعيها.
مسحت وجها واديها تهز راسها اي صاح عليهم وهـــب بمشون ينصبون چادر الفاتحة اخذنه ريـــمه وردينه جوه بالهول وهذنيج بالدوانيه حزبين صرنه ووراها بساعة تعاركوا ســليم ومرتضى وهم بالگوه كضت، حرت بين ريـــمه وبين البيت والجهال كلساع اروحن اشوفهم وارد يمها اركض وصايرين بالوجهه بالطلعه وبالطبه الزلم تعاين .
للأربعة العصر يله ردوا من النجف وطلعن اخواتها تلكن سعاد يتلاطمن ويصرخن وعمتي ايمان نزلت وجها ما يكصه السيف وبس طبن للحوش تعاركن غلط مو مثلنه مكامش ومن حجيهن فهمت حتى بالمگبره متحاجيات، ورغد بس تريد العركه تتجدد حتى ترد تعارك سكتنهن النسوان وعمه سكتت الخاطر ريـــمه .
التهينا وياهم ووي العشه طلعنه نتراكض على صياح الولد ومهاددهم ماندري شصاير وصرخنه متسسودنات من سمعنه صوت طلقة ركضت طلعت من الحوش اصررخ اريد حسين وكهلان وما اشوفن دربي بس اسمع الزلم تتصايح وي صــيهد وكاضينه نجريت للباب حييل
بريا:: تسوودنتيي المن طااالعه.
دفعني بأيد ماريا وركض وياهم ميته من الخوف وعمه طلعت تحاجي صــيهد وگوه الوادم كضوهم وهدوهم لمن اجت عمه تتحسب كالت واحد من السلف سامعة صــيهد يسولف يگل للوادم صــيهد ووهب علمود لا يخسرون فلوس ويدفعون للمحامي عافوا ابوهم بالسجن .
سكتنا والنسوان كلمن تحجيلها بصفحة شلون كلساع تصير عركه، الحد ما بدت الوادم تروح الاهلها وخالات ريـــمه ولا تحركن ومشن طيحن فراشات وجن البيت بيتهن، فرشن بالدوانيه وبغرفة اختهن يردن ينامن، التهيت بالمطبخ وي البنات من شوي صاروا هدوء درت الرغد عيونها ورمن لان الطكه قريب على كصتها وخدها مزلوغ، وماريا كاعده يم مــاسه تعصر بايدها نفصخت من العركه.
رغد::بس نكضي المطبخ اروحن هسه سيف بهذل جــويريه .
ندى:: خابرتها كالت ناموا وهيه هم نامت بطنها توجعها.
مــاسه:: نضل يم ريـــمه لو نروح لبيوتنا ونجي الفجر؟
رنـــه:: دارن يعاينن بوجهي كلهن گتلهن
-هيه ريـــمه راح اخذها واروحن للبيت تسبح وترتاح للفجر نرد هناه،
رغد:: جا شلون ما يصير نخلي البيت تايهه بس هذن السعلوات بيه؟ امي تضل هناه غير؟
بــدور:: اي باتي انتِ هم يمها
هزت راسها خوش، التفتنا على فتحة باب المطبخ طب ســليم ميت من التعب اديه متوصخه وخرت رغد وهو غسل بالسنك وحاجاها بصوت مبحوح
-ام سيف اريدن چاي.
مشت للطباخ تحميله الچاي وهو بس غسل اديه دار وجهه الي يسأل
-ريـــمه وهاجر وينهن؟
-هاجر ببيتنا يم زهره، وريمه يم عمتي ايمان بالهول
تحسر مقهور
-ريـــمه زينه؟
عاينت بوجهه ساكته واحس بعيونه تحركن من وجهي عاين وراي، التفتت مــاسه وماريا كاعدات ايد ماريا بأيد مــاسه تمرغ بيها، عاين بوجها وهي عاينتله ودنگت تتحمحم مسح وجهه وطلع وكف بباب المطبخ منطينه ظهره.
مــاسه:: گومي ماريا نمر الاهلي ناخذ حور ونمشي البيتنا الفجر نرد.
التفت ســليم اخذ الچاي من ايد رغد وعاين الماريا منطيته ظهرها تريد تلبس عبايتها وتحجي وي مــاسه على أيدها بعدها توجعها، اخذ كلاص الچاي وطلع وماسه وماريا مشن گلت الرغد
-راح اخذ ريـــمه وآمشي لبيتنا
هزت راسها خوش، مشيت للهول لگيت عمتي واخواتها متمددات بفراشاتهن يحجن همس
-عمه ريـــمه وين؟
ايمان:: اضن راحت الغرفة امها.
مشيت الغرفة ميلاد وبس فتحت الباب التفتن علي مصدومات سعاد كاعده بالگاع هدوم ميلاد كدامها تسفط بيهن وهاي اختها من ابوها مدري من جد جدها واكفه يم كنتور ميلاد فاتحته ومن صدمتهن بيه صاحت
-وين ذهيبات اخيتنا؟
عاينت بوجهن ساكته اول يوم الها بالگبر وهنه كاتلات ارواحهن على ذهبها درت عيوني السعاد گتلهن
-من اول ما تمرضت اختجن، ريـــمه گالت امي امنت ذهبها يم سعاد، سعاد شعجب ما گتيلهن ذهب ميلاد يمج؟
شهگت سعاد تصيح
سعاد::ياااا
وهنه يعاينلها بشك وخزر وهي تحلف سديت الباب والتفتت عمه ايمان تأشر وتهمس شكو درت وجهي الريمه من طلعت من الحمام مشيت يمها احاجيها
-ريـــمه تجين نروح البيتنا ترتاحين وتشوفين علاوي.
عگدت حاجبها مستغربه صوت خالاتها جريتها من ايدها وطلعنه من بيتهم البيتنا گتلها شنو سويت وشحجيت عاينتلي مستغربه
ريـــمه:: صدك يم سعاد؟
-لا جذبت شدراني بيه وين خيه.
سكتت تمشي وياي بتعب وبس طبينه للحوش صار بوجهنا كهلان فاتح باب الدوانيه عفت ايد ريـــمه وهو بساع اجاها شبگها يبوس براسها وهي حاضنته ساكته بس حسرتها تمرد. گـــلبي
وخرها من صدره وشال الحجاب عن شعرها يشوف الجرح كضت بأيده تحاجيه
-مابيه شي ما يوجعني.
كهلان:: تعاي يا بعد روحـــي تعاي.
لمها جوه جتفه واخذها للبيت مديت راسي اعاين البيتي ما ادري رجلي وين ما وين، طبيت للهول ريـــمه تغسل وكهلان يحجي وياها يواسيها وهي ساكته، طبيت للغرفة هاجر منومتهم كلهم بس هي كاعده فاتحة الشباج سانده ظهرها على الحايط وملتفته تعاين للگمر طبت وراي ريـــمه مشت كعدت كبالها وهاجر ضمت روحها بحضنها ساكته
ريـــمه:: هجوره يا بعد روحـــي هاجر عاينيلي.
رفعت راسها لامه وجها بين اديها
-انه امج واختج وصديقتج وروحي فـــدوه الروحج
بجت هاجر وردت ضمت روحها بحضن ريـــمه وبدل ما اسكتهن كابلتهن ابجي وكل الاجه ببالي حجاية عــفراء من ماتت امي.
تمددت ريـــمه يمنه وكهلان مشه جاب الولد من الچادر للدوانيه بارده مارضى ينامون غاد، للفجر فزيت من كعدت ريـــمه صلينه ومشينه البيت اهلها،اخوات ميلاد وجوهن ما يكصها السيف وحده حاقده على الثانية وبس گضت الفاتحة ضلن يمنه الثاني كضن ريـــمه يحققن وياها وينشدن على ذهب ميلاد تعاركت وياهن عمتي ايمان وسلطان وسليم طرودهن مشن محترك گلبهن وهيه ريـــمه حتى ما تدري بذهب امها وين لمن مشن خالاتها كالتلها رغد
-من اول يوم الفاتحة من الصبح سمعتهن يردنه انطيته الهاجر ضمته.
ريـــمه:: مسحت وجهي اهز راسي خوش، مشن البنات ووديت رنـــه تشوف علاوي وشمس ضلينا بالبيت بس انه وهاجر كعدت يمها بالهول ولميتها الصدري ساكته التفتت اعاين لباب الهول طبوا ســليم وسلطان يعاينولي بحيره. سلطان كعد بالباب وسليم اجه يمي تمدد وحط راسه على رجلي مديت ايدي امسح على لحيته ساكته غمض عينه وزفر نفس بقهر همس صوته مبحوح
سليم:: تمنيت منها حجاية حلوه تمنيت مره تحن عليَّ مثل الامهات ولج كضيت عمــري اگولن باجر نكبر تشوف الدنيا ما تسوى وتحن علينه تحاجيني بحنيه وتسمعني چلمات الامهات الترد الروح والله متاني هاليوم ولج والله متاني اليوم الاحس بيها صدك ام ماتت وانه ما سامع منها غير الدعاوي والغلط .
من جنت طفل اشكي منها العمتي رباب وجانت تگلي من تكبرون يتغير حجيها وياكم وضليت متاني متاني ليمت حچيها يتغير ماتت وما تغير شي الحد آخر لحظة ما سمعت منها غير الدعاوي.
غطه وجهه بأثنين اديه يشهك لميت الحضني ابوس راسه واحاجيه مختنكه صاح عليه سلطان
-ســليم شني السالفة خوية كافي.
گام من رجلي لمن الولد صاحوا عليهم من باب الحوش مسح وجهه ومشه وي سلطان يمهم، درت الهاجر احاجيها
-گومي امشينا غاد.
أشرت براسها لا
-ليش.
حركت اديها تريد تأشر كضيتهن
-احجي هاجر لا تتعبيني
هاجر:: اريد اسبح واصعد لغرفتي انام.
-تعاي يمي نامي غاد بغرفة رنـــه .
-انه ارتاح هنا خليني.
سكتت اعاين بوجها كامت من يمي صعدت الغرفتها جابت هدوم وطبت تسبح، كمت محتاره توني فتحت باب الحوش وصارت بوجهي فرح
-ها ريـــمه شلونج.
-هلا بيج.
عاينت بوجهي تسأل
-رايحه البيتكم؟ جا ياهو الضل هناه؟
سكتت عيني بعينها مدت ايدها تطك على ايدي
فرح:: اكلج نرد نعيش هناه جا ياهو يضل السليم وهاجر.
بساع هزيت راسي لا
-كفينه شر المشاكل فرح، ســليم ومرتضى مايتوالمون ويكضونها عرك.
-جا نگل السليم يجي البيتنا واحنا نجي هناه؟
-لاا شبيج فرح شهالحجي مالج غرض بسليم وهاجر انه يمهم.
دارت وجها ما راضيه وحجت بشك
-خافن تردينه الرغد؟
رغد:: لا تطمني اموت وما اعيش هناه
التفتنا اثنينا على صوت رغد جايبه هدوم ســليم ماخذتهن غاسلتهن وكاويتهن درت وجهي الفرح
-ردي البيتج فرح ومالج غرض بأحد.
دارت وجها ومشت تدردم اخذت هدوم ســليم من ايد رغد حطيتهن بغرفته وطلعت وياها هيه راحت الاهلها وانه البيتي تلكتني رنـــه تعبانه تكنس بالحوش
-عوفيه رنـــه عوفي المكناسة عروس عود انتِ اشفتي من عرسج؟ لاحگه على الشغل
رنـــه:: ابتسمت احاجيها
-يمعوده شمسويه.
جرت المكناسه من ايدي عيونها مورمه اجاها علاوي شبگها مدلغم يريد يبجي وشمس تعاينلها من الباب بزعل، اخذتهم وطبت للهول مشيت وراها ملتيمن عليها يتشكون من زهره علي يگلها تطكني وشمس تگلها تعضني وزهره تحلف جذابين.
ريـــمه:: ليش تجذبون؟
زهره:: اي والله جذابين هذا ابنج المستهتر يتفل عليَّ.
-صدك؟ ولك علاوي صدك تافل عليها.
-لااا لاا
وتربع گدام امه يشرح ويرطن كضته من اذنه
-شلون تتفل على عمتك ولك؟
واجتها زهره تركض جرته منها ما راضيه عاينتلها ريـــمه وهزت ايدها
ريـــمه:: جا يطبج حمس ناركم تاكل حطبكم تنجازين انتِ وابن اخوج.
وزهره تبوس بيه وهوه يحضنها كامت ريـــمه طبت الغرفتها وشمس گدما مشتاقتلها لحگتها عفتهم ومشيت اكضي شغلي توني ردت اطب اسبح وخابرني بريا
-الو.
-ها مرتي
-ها عيني... لا مو عيني احنا متعاركين.
-هااه بويه ليمت تعاركنه خاب لا تجذبين.
-كضيت الفاتحة تصيح عليَّ وتريد تطكني بعدني ما صرت مرتك.
-شني ما صرتي مرتي... رنـــه هيه مال لوفات .
ضحكت اعاين لوجهه زهره گال
-تجين البيتنا اليوم؟
-لا
-هاه ليش؟ جا ليمت اشوفنج بغرفتي؟
-من تطلع اربعينة ميلاد
سد التلفون بوجهي وزهره تهز بأيدها تحجي
زهره:: صدك حقه كافي روحـــي البيتج.
-معليج لج سوالف متزوجات هذن.
ضحكت تبوس بوجهه علاوي، سبحت وطلعت اسمع صوت الولد مديت راسي اشوفنهم واكفين بره واحد مستند على السيارة واحد كاعد على بلوكه جنهم مطرودين، وبأيد سلطان دفتر وقلم يحسبون مخاسير الفاتحة كهلان واكف بصفة وحاط ايده على جتفه، وبريا ووهب كل واحد واكف بجهه يم سليم وهم حاطين اديهم على جتافه.
عفتهم طبيت جوه وصدك ما رحت البيتي ما گدرت اعوفن ريـــمه بالليل رادت تروح تشوف ســليم وهاجر مشيت وياها لگينه وهـــب وبريا يم ســليم وهجوره بغرفتها حاجيناها اثنينا بس ردناها تجي يمنه مارضت وسليم من سمعنه صاح على ريـــمه
-وين تاخذينها؟
-يمي.
-لا خويه عوفيها عود من انا اطلع اذا تضوج تجي يمج.
-جا اضل يمكم انه؟
-لا شسالفة روحـــي خويه روحـــي البيتج ماعدنا شي.
سكتت ريـــمه مختنگه نزلت من الدرج تويد تبجي بس وصلت يمه جرها من ايدها وشبگها يبوس راسها ويحاجيها تعبان اخذتها ورديت للبيت غسلت وطبت الغرفتها شويه واجه كهلان عاينلي يسأل
-شني ريـــمه شلونها؟
-بغرفتكم روح شوفها شلونها.
رفع حاجبه مستغرب من حجيي ابتسمت
-اقصد يعني انتَ احجي وياها ضل يمها شو مدري وين جاي تروح.
حك شعره متحسر
-غير وي الولد ردينه غراض الفاتحة ومريت للگيعان.
هزيت راسي خوش غسل ومشه الغرفته، جريت تلفوني بــدور مراسلتني حاركه التلفون حرك طبيت المحادثتها اقرأ الرسائل كاتبه
-مراسلني ارد عليه لو شسوي رنـــه شسوي شحجي شگول.
-اي جا هوه المن جابلج تلفون حتى تراسليني لو حتى تحجين وياه ردي عليه.
بــدور:: عضيت اصبعي محتاره شحجي وياه ما ادري گتلها
-اكله عليكم السلام؟
-لا هوه سيد گليله اصلي واجي ارد عليك السلام.
ضحكت عفت محادثة رنـــه وطبيت المحادثته گـــلبي يدك حيل من يوم الخطبة جايب التلفون بس مالحكت اشوفنه وارد مسجل رقمه كاتب عليه السيد وحاط يمه قلب احمر كتبتله
-وعليكم السلام .
وبساع طلعت من المحادثة عرگانه اهفي على وجهي ربع ساعة وشاف الرسالة كتب
-شلونج شخبارج.
-بخير الحمدلله.
كتبتها وسكتنا اثنينا صورت المحادثة الرنه غلطت عليَّ.
رنـــه:: ولج جاي تسدينها بوجه ما تخلين مجال لرسالة جديدة اكتبيله انتَ شلونك وخلي دائماً اكو سؤال برسالتج حتى تحجون تفهمينه يفهمج امدداج لو عركه جا صرتي نادره.
طلعت من محادثتها المحادثته اكل بأظافري كتبتله
-شلونك انتَ.
-الحمدلله اسأل عنج تأخرتي يله جاوبتي شعجب.
-مو ملتهين بالفاتحة.
-اي صح الله يرحمها ويصبركم.
-شكراً.
وهم سكتت وخفت ارجع اكتب الرنه ضليت بمحادثته افكر شكتب عدن عشر دقايق وانه صافنه بالمحادثة وگلبي يدك سريع ومرتبكه چن واكف گدامي كتبتله
-انتم اجيتوا للفاتحة.
-ابويه وعمامي اجوكم، انا ما گدرت اجي.
قريت رسالته وسكتت ثواني وكتب
-اخابرج؟
شهگت اعاين لرسالته ذبيت التلفون وگمت افتر بالغرفة ساعة اهفي على وجهي ساعة احط ايدي على گـــلبي ، فتحت الشباچ وجريت نفس بقوة واقنع بروحي ردي زحمه غير عقدتوا واذا وشنو يعني ردي، بعدني ما مقتنعه وفززني صوت التلفون ركضت شلته من الگاع واعاين الاسمه يمه يييمه شلون ارد شكول ردي ردي راح تخلص المكالمة،شلون ارد يمه. فتحت خط وحطيت التلفون على اذني ارجف وساكته. اخذله شويه وگال
-الو
عضيت شفتي مدري شبيه اريد احجي ماكو راح الحجي مني جر نفس طويل ورد گال
-بــدور.
عضيت اصبعي اريد اگطع روحـــي هذا الساني الچان ياكل الوادم مدري وين راح
جعفر:: ما بقى شي ما سويته حتى احاجيج بالحلال ليش ساكته.
-احم...شلونك..
غمضت عيوني حييل عركانه رايحه روحـــي ضحك يحجي بصوت ذبلان ولا چنه سيد
جعفر:: فـــدوه الصوتج... بخير اذا انتِ بخير.
-احم زينه والله انه الحمدلله.
-فاطمة ونرجس يردن رقمج ما قبلت انطيه الهن.
-ليش.
-ردت احاجيج اول شي اناا وبعدين انطيه الهن.
كعدت على حيلي بعدني اهفي على وجهي اشجع روحـــي بس ما اگدر بعدني متوتره، شلت راسي فازه على فتحة باب الغرفة طب رضا مطنگر ويحجي على امه
-ما تنومني يمها.
-ما يصير رضا تعال يمي.
عفت التلفون بالگاع وگمت فرشتله فراشه گبالي تمدد زعلان عفته بفراشه عيوني للتلفون محتاره هذا غير من الصبح يروح يفضحني ويحجي يم صــيهد، شلت التلفون مرتبكه همست
-الو
-وياج، منو هذا ؟
-رضا ابن وهـــب.
رضا:: ويامن تحجين؟
عاينتله ساكته وجعفر ضحك يگلي
جعفر:: گليليه وي خطيبي
-يفضحني يم صــيهد.
-ههههههه هذا الاريده.
رضا:: ويامن تحجين
-احم وي رنـــه.
جعفر:: نعممم؟
-اشش
-لا اله الا الله .
رضا:: كليلها شمس زينه.
-احم شمس زينه؟
احجي واهفي على وجهي.
جعفر:: زينه نامت.
باوعت الرضا وهو كعد على حيله گتله
-تگول زينه ونامت... نام انتَ هم حتى الصبح تروحلهم.
رضا:: خل احجي وي رنـــه.
صفنت بوجهه ساكته وجعفر ضحك
جعفر:: انطيني خلي احاجيه الا اخليه هسه يروح الصيهد ويگله.
-لا... احم ما تقبل بريا ما يقبل تحجي وياك.
جعفر:: لا حول ولا قوة الا بالله عرفت اسماء نسوان الولد .
-اششش... رضا نام يله راح تجيك ندى.
تمدد بفراشه متغطي ويحلف يزعل من امه ويروح الحور ياخذها ويمشون يم شمس، طفيت الضوه ورجعت لفراشي ساكته متانيه ينام وجعفر متاني ليمت احجي، غطيت راسي همست بصوت ناصي
-الو.
-يا هلاا... ها نام؟
-لا.
-ليش مستحيه ما مسويه شي خلي يحجي.
-لا استحي من الولد.
ضحك مدري شبيه مخبث وي صــيهد رد گال
-اسأليني شنو حابه تعرفين شنو ببالج؟
سكتت ايد كاضه بيها التلفون وايد على گـــلبي ادور سؤال، طلعت راسي من الغطا عاينت الرضا اشوفن نايم لو بعده همست
-رضا.
ماحاجني، رديت تغطيت ساكته ادور سؤال ومالكيت غير سؤال جايف تحمحمت وحجيت بثقة
-ليش مزين لحيتك؟
ومن گد ما سؤالي تافهه الولد ضل ساكت يستوعب وانه ودي املخ روحـــي .
اخذله شويه وگال
-انتِ باوعتي بوجهي حتى تعرفين محلق عندي لحيه عندي شارب ؟
-عاينت...وشفت الصور.
-هاي فاطمة قنعتني احلق گالت حتى بالعرس تخلي الشارب واللحيه.
بلعت ريك متوتره من طاري العرس وبس شافني سكتت گال
-شدي حيلج مو ترسبين.
-ان شاءالله
-حتى بس تكملين السادس نتزوج وتقدمين على كليات بغداد تكملين يمي.
سكتت احس كل حچيي تمسلت رد گال
-بــدور.
-همم.
-من يوم الشفتج عشگتج .
وخرت التلفون من اذني مغمضه عيوني سديته بوجهه وضميت وجهي بالمخده ادفر برجليه وخانگه صوتي اصررخ مدري شمالني، اثاري وانه ادفر لحت رضا ومتلفله بالغطه ومطفيه الضوه مال الغرفة وضال بس ضوة البلوجكتر من الشباج،واتلوى بالفراش چني مرعوصه انخرع لمن شافني وصرخ يبجي گمت بساع شغلت الضوه شابگته اريده يسكت وهو يصرخ ويدفع بيه ويصيح
-وحششش وحششش.
اجوا وهـــب وندى بساع وانه اريد اطمن روحـــي شاله وهـــب شابگه ورضا يبجي ويگله
-بــدور صارت ووحش .
وهـــب:: شبيه؟؟
-احممم ما ادري اضن دفرته وانه نايمه.
ندى:: اسم الله يمه اسم الله رضا ماكو شي ماما ماكو شي.
حط راسه على صدر وهـــب خايف يناشغ وانه ميته من الفشلة اخذوه ونزلوا مشيت وراهم انطوه الامي تقرأ على راسه وهو كل ما يفتح عينه ويشوفني گباله يغمني ويدور وجهه بخوف، صاح وهـــب
وهـــب:: ولج خاف تسولفيله على القرين؟
-لا وعلي.
-ام السوادين.
-ما مسولفتله والله شبيك ويااي.
-هسه انا شگتلج هيي شو مدري شلونج.
كرصته ندى تسكته وانه لان مذنبه حاصرتني البچيه لمن رضا نام يله همه مشوا الغرفتهم وانه تمددت بصف رضا شبگته ونمت للصبح حسيت بيه يكرص بوجهي لو يسد خشمي ويضحك
-الوحش.. وحش اكعدي
جريته الحضني اشبگه وادغدغه
-يااهي الوحش ياااهي.
تدنى الاذني يشاورني
رضا:: جعفوري.
حط ايده على حلگه يضحك گمت من يمه زعلانه لگيت امي لابسه عبايتها ومتانيه ندى وجويريه وحاطه يمها علاگه قماش اسود
-ها يمه وين رايحات؟
-البيت شامل نشوف ريـــمه
-جا وانه هم اروحن وياجن.
جــويريه ذبت عبايتها وكعدت على حيلها ورضا وكرار صارت مشابگ وامي تصيح عليَّ حتى لا ابطي اكلت لفة وشربت چاي بساع صعدت اريد ابدل شلت تلفوني من الفراش لگيت مكالمة واربع رسايل بعدني ما فاتحتهن وصاحت امي اخذته ونزلت اركض صرت بصف جــويريه استندت عليَّ تحجي وياي همس
-شخبار السيد
-ولج خابرني البارحة غير ردت اموت من المستحى
-هههههه بس بالبداية بعدين تصير ميانه تضلون تتعاركون.
-لا والله استحي منه والنوب ما ادري شحجي وياه
-شوكت يجي يشوفج
-يمه وين يجي
-لهنا.
-على بختج لا يجي ولا اريد اشوفه.
ضحكت وامي تحجي علينه چيه نحجي همس بيناتنا، وصلنه الباب حوش بيت عمي شامل والتفتنا على باب بيت حوش شاكر من سمعنه صوت رغد واكفه ببابهم بأيدها جدوره اثنين وسيوفي مجلب بعبايتها
رغد:: وين رايحات الحبايب؟
ايمان:: ها يمه شعدج غاد؟ جايين يم ريـــمه.
رغد:: جبت غده وليداتنا هسه شويه واجي وراجن.
دگينه البيبان سوا، فتحته رنـــه طبينه نسلم وبس وصل السلام الي كرصتني حيل تشاورني
-هاه البارحة للصبح حب وغززل.
-لا وعلي.
طكتني على ايدي تغمز طبينه للهول سلمنه على ريـــمه وكعدنه امي تحجي وياها وهي تهز راسها ساكته شكد تحاول ما تبين بس ذيج هي كسرتها مبينه شويه واجت رغد يمنه جايبه هاجر وياها
دارت امي الرنه تحاجيها
ايمان:: شعدج هناه ولج ما تمشين البيت رجلج.
عاينتلها ريـــمه تمسح بدموعها
ريـــمه:: عايفه بريا علمودي آليوم اطردها.
ايمان:: اي حيل اطرديها متيهه زلمتها الما تستحي.
ورنه ضحكت جرتها امي الحضنها باستها وشبگتها نص ساعة عدت ودگت الباب مــاسه وبناتها ما صدگت لزمت ماريا اخذتها وطلعنه بالحوش نسولف هي تحجي بسليم وانه احجي بجعفر گالت
-كلش مقهوره عليه البارحة شفته يم بريا مقهور
-غير امه طبعاً ينقهر... بس شو صايره تراقبين وتنقهرين هاا ماري هااا.
طكتني على ايدي مدري شلون بساع خدودها يصيرن حمر وانه الا امووت من المستحى يله خدودي يصيرن حمر گالت
ماريا:: والله ماكو شي مجرد صديقي واضوج عليه.
-صديقها هيه صديقها .
-عوفج مني انتِ شخبار السيد
ذكرتني بيه جريت تلفوني وفتحت محادثته شهكت ايدي على حلكي وماريا تصيح
-شكو شكوو شصاير.
-عززا بعيني صخااام الصخمني.
-شكوو مات؟
-اسم الله ولج
هفيت على وجهي متخبله اريد الطم جرت التلفون من ايدي تقرأ المكتوب بأستغراب
ماريا::حتى انا فززتيني مو بس رضا
صباح الخير
بدور الوحش
صيدة السادة.
هي تقرأ وانه الطم على رجليَّ
-شنو ما فهمت شبيهم رسائله
جريت التلفون منها ورحت لسجل المكالمات لگيت مدة المكالمة خمسة واربعين دقيقه وره ما مصيحة ووره ما فز رضا ونزلنه جوه
ماريا:: تفهميني لو شلون؟
-ولج والله خلصتها البارحة احاجي بصوت انعم من صوت شموسة، النوب گالي احبج مدري اعشگج ومن المستحى ذبيت التلفون وضميت وجهي بالمخده اصرخ وطلعت ما ساده المكالمة .
ماريا:: هههههه تستاهلي.
-يا فشلتي شكد عيبب
-تعاي رنـــه تعاي شوفي بــدور شمسويه.
رنـــه:: اريد اعجن ولجن شكو.
اجت يمنه مضيگه عيونها وماريا تضحك تسولفلها وتخنك روحها حتى لا تطلع صوت ضحكتها هزت ايدها رنـــه تحجي
-هههه عليمن تنعمين صوتج جوعري يمه اول وتالي يشوف حقيقتج.
-مو گلت شوي شوي مو من البداية اصدمه.
رنـــه:: غميتها اضــحك، عفتهن بالحوش وطبيت للبيت البنات بعدهن يمنه هنه وعمه وصدك شوي غيرن من نفسية ريـــمه، ويحجن بخالاتها عمه توصيها ما تسكت وتدافع النفسها وهي تگلها
ريـــمه:: ولا مره ساكتتلهن بس جنت تعبانه، عمه اكضيها بالمستشفى مشلوع گـــلبي اخابر عليهن يتحججن ولا وحده اجت وشافتها وبالفاتحة كتلن ارواحهن عليها والله عبالي صدك هيج حنن عليها تالي طلع كله علمود ذهبها.
ايمان:: خيولن الله يكفينه شرهن.
رغد:: ريـــمه امي تحرضج عليهن مولا تنسين بينهن عداوه هيه وخالتج سعاد، امي هويام وسعاد ناهد دوران وابوي السلطان سليمان ، متعاركات عليه بالمگبره.
جــويريه:: صدك عمه.
ضحكت ريـــمه حاطمه شمس بحضنها گالت عمه
ايمان:: والله يا يمه لا يمها ولا حذاها وتعبانين ومتكسرين من الدرب شو وصلنه للدفن لنها تگلي يوم الالج ادفنج واخذ وليد
ندى:: يااا يااا خطيه يجوز صدك تحبه.
ايمان:: حبها برص تحبه خل تمشي يمه بالسجن ويفكونه شرهم.
رغد:: اسكتوا غارت عليه.
رنـــه:: عفتهن يسولفن وطبيت للمطبخ اعجن بالي يمهن يردن بس يغيرن جو على ريـــمه كضيت عجن وطلعت يمهن صاحت مــاسه
-انتِ ليمت تكضين رجلج نريد نسوي غرفته مخزن.
-شحدكم تسوونها مخزن بله ضجت منه وطردته وين ينام الولد؟
ريـــمه:: نفتح الدوانيه ينام بيها، بعد هيه دوانية الزعلانين.
جــويريه:: شقصدج ولج ؟
ضحكن البنات وهي حتى لو تضحن وياهن عيونها حمر ومدمعه مسحتهن تگللها
-لا ما اقصدج بيتج هذا.
جــويريه :: اي بس اخلف ويصير عمر بنتي سنتين اجيكم زعلانه.
ندى:: تجينهم حبلانه قصدج
اعاينلهن مبتسمه وعمه كلساع تبوس ريـــمه وجويريه مجلبه الشمس تبوسها وتفتح عيونها تعاين بوجها حيل تگلها حتى بنتي تطلع حلوه مثلج، شويه ومشن وردت ريـــمه الصفنتها وحسرتها وگوه على روحها تگوم للبيت حتى تراويني هي زينه وتقنعني امشي البيتي لذت بالغرفة وخابرت بريا
-الو.
-هلا گـــلبي
-وين انتَ؟
-يم ســليم.
-عاين مساع جنت اتشاقه وياك بس هسه صدك ما اگدر اجي للبيت والله ريـــمه تعبانه.
-عادي يابه ضلي صدك جذب انا العصر اجي اشوفنج .
-مو تضوج
-لا حبيبي ما اضوج.
سديت التلفون منه وگمت اشتغل بالبيت وريمه من شافتني ما اهتميت الحجيها كعدت بالهول صافنه على علاوي وشموسه يلعبون گدامها، لوكت الغده طلعت اريد اخبز اجت يمي ما راضيه
-ريـــمه لا تشلعين گـــلبي اكعدي يمي.
سكتت نابيها حيل تداهرني كعدت على السعف ايدها على خدها تحجي وياي وانه واكفه اخبز التفتنا اثنينا من طب كهلان بأيده علاليك مسواگ ركضت زهره اخذتهن من ايده وهو اجه يمنه
كهلان:: السلام عليكم.
-عليكم السلام.
ردت عليه ريـــمه وضلت كاعده بمچانها وگف وراها دنك مد أيده يحضن وجها من حنجها باسها براسها يحاجيها
-شلونج؟
وريمه كضت بأيده جرت نفس طويل شالت راسها ليفوك تحاجيه
-الحمدلله.
حجتها وباست ايده شال راسه عاينلي لگاني موكزه وياهم گال.
-احترك الخبز.
دنگت بساع طلعت الخبزات من التنور مبتسمه. عقچ عيونه يبتسملي ويسأل.
-تضلين هناه غير؟
-افكر.
-تفكر هيه .
دار وجهه ما عاجبه ورد سأل
-حسين وين.
-بالدوانيه.
-گال اريد اروحن الصاحبي مسوي عملية راح؟
درت للتنور اخبز ساكته صاح
-هاه رنـــه؟
ما حاجيته وخر من يم ريـــمه يحجي
كهلان:: لا حول ولا قوة الا بالله يابه انتِ تردين تدفنينه؟ راح يتسودن ترى، غير انا گتله رووح.
ذرت وجهي اله احجي يصوت يرجف
-يروح. وحده؟ ياهو يگول ما يكتلونه؟ بله ذبحوه ودفنونه واحنا ما ندري كلشي توقع كلشي غربه هذول همه المن دمنا ولحمنا كتلوا اهلنه تريدني أأمن على اخوي يطب بيت الغريب.
شال راسه خازرني وعاين الريمه مدنگه هزت راسها اي درت وجهي امسح عيوني ما بقصدي احجي شي يمها گالتله
ريـــمه:: كهلان حقها شندري عنه وين يروح وين يجي عايزين مصايب احنا يريد يروح يشوف صاحبه اخذه انتَ يشوفه ويجي، مال وحده شلون نأمن؟
درت عليه وهو ساكت وبس يريد يرد يحجي بهدوء عاين بوجهي يحجي
كهلان:: ادري بيج وفاهمج بس حسين بهالعمر من ينضغط عليه يتمرد انا ما اريدن يجي يوم وامدن ايدي عليه لان الهالساعة اعض اصابعي ندم چيه طاك عبود.
حجاها واختنك بأسمه وانه چن عيوني تريدلهن حچه وبس ينذكر اسمه يمي ينمرد گـــلبي وريمه حالها من حالي بچت واثنينا عيونه للباب.
-والله اخافن عليه اموتن لو طلع وتأخر گـــلبي ينشلع من مچانه.
عاينلي محتار ما ادري حسين واكف بصف الحايط يسمع اجه يمي بساع يشبگني ويبوسني يحجي
حسين:: ما اطلع والتردينه اسويه فـــدوه اروحلج لا تبچين.
كهلان:: العصر انا اخذك الصاحبك.
عاين بوجهي حسين مبتسم
-ترضين اروحن وي كهلان. ؟
مسحت دموعي اهز راسي اي ضحك ووخر على صفحة يحجي
حسين:: تعبتنا هواي تبجين چم دوب نسكت احنا.
مسحت عيونها ريـــمه نكثت اديها وگامت اخذت الخبز وطبينا للبيت صبيت غده صينيتين وصحت على حسين يوديها السليم وهاجر ما رضت تضل يمنه گالت ريـــمه
-انه اوديها.
-جا مو تبطين حتى نتغده سوه.
ريـــمه:: هزيت راسي خوش، كهلان صاح على حسين يشيل الصينية ويمشي وياي طلعت وياه حسبنا تجيبني وحسبه تاخذني وصلني حسين الباب الحوش اخذت الصينية منه وطبيت لكيتهم بالمطبخ يحمون الغده الجايبته الهم رغد عاينلي ســليم يحجي
-المن جايبته؟ ريـــمه.
-رنـــه صبته الكم والله.
اخذ الصينية من ايدي عافها گدام هاجر توه يحاجيني والتفتت على فتحة باب الحوش طب سلطان شايل سيوفي
سلطان:: حسيت بيج هنا.
-هلا بيك خويه.
اخذت سيف من ايده ابوسه وهو كعد يم هاجر باسها يسولف وياها.
عفت سيف بأيد ســليم مد ايده على زندي
ســليم:: روحـــي خويه.
-اذا ردت شي خابرني.
-ان شاءالله.
سيف ذب روحه علي اخذته چلب برگبتي
-اخذه وياي؟
سلطان:: خاف يشلع گلبج.
-لا وي علاوي
اخذته وطلعت وبس لمح كهلان ضحكله، عفته بحضنه و سني جاب الصينية من المطبخ گوه اكل فكري وبالي يم سجاد هسه درى امه ماتت اهتم لو لا، اله نيه يرد يحاجيني لو هاي هيه اگطع الظنه.
گمت من الصينية غسلت وسويت چاي صافنه، ودي امسح كلشي من راسي ارتاح وگلبي يبطل يوجعني ماكو كلشي يلتم عليَّ بفد ساعة شكد احاول اذكر موقف الامي زين وما يجي براسي غير المو زينات واستغفر اطردهن من راسي، اختنگت بس ردت اطب للغرفة واضل وحدي.
عفت حتى علاوي يمهم وطبيت ذبيت حجابي وتمددت بفراشي متغطيه ومغمضه عيني ما أريد افكر بشي اريد ارتاح من كلشي، ما غفت عيني شگد حاولت بس ردت انام ماكو مادري شگد مر وكت وسمعت باب الغرفة انفتح ورد انسد ما گدرت افتح عيني، تمدد وره ظهري وتندى يشبگني ويضمني بحضنه حييل كضيت بايده مختنگه وگوه صوتي يطلع
-كهلان.
-هاه عيوني هاه يابه.
زفرت نفي متحسره وهو يمسح على شعري ويبوس خدي
-تعبانه عاين عقلي ماجاي يكف عن التفكير اشياء تمرد الگلب افكر بيها.
جرني من زندي حتى ادور وجهي عليه صار وجهي گبال وجهه شال ايده يحضن خدي ويحاجيني
كهلان:: احجيهن كل تفكير براسج احجيه الي انا اسمعج.
عاينت بعيونه عيوني متروسه دموع والحجايه خانگتني، ايده دافيه تتحرك على خدي بس يريدني احجي
-سولفي ريـــمه.
-اتخيلها... اتخيلها بالنار تتعذب ويوجعني گـــلبي . اتخيل الگبر وحسابه وأذكر افعالها ما ادري شني الاسويه عاين احس روحـــي راح اتخبل شي بيه ينقهر وشي بيه كارها الحد هاللحظة.
مسح دموعي بين اصابعه ووخر شعري الوره اذني
-كل انسان يتجازى على افعاله، ما بأيدج شي وتفكيرج طبيعي لان تعرفين ذنبها وعشتي وياها فترة تعتنين بيها ريـــمه اديتي واجبج وياها وزيادة.
-عاين مو بس بيها افكر... وسجاد هم طك گـــلبي عليه، وهم هاجر وسليم بالي يمهم ســليم حيل مقهور وخايفه... خايفه عليه.
-الضل سنة والضل عشر سنين تاليتها يمل من الغربه ويرد، خليه بعيد وعايش، وسليم وهاجر احنا وياهم ماعليهم شي ما متيهينهم.
غمضت عيوني دموعي يحرگن خدي نام على ظهره تجرني من ايدي الصدره غمضت عيوني ساكته وهو يبوس راسي ويمسح على شعري الحد ما غفيت، ما فزيت الا العصر على بوسات علاوي شبگته الگلبي ابوسه واحاجيه
-ها يمه.
-نايمه اتي نايمه؟
-ابوك وين.
-لاح.
كعدت وياه طلعنه بره يم رنـــه غسلت وحاجيتها
-رنـــه زحمه من بريا الولد لا بعرس لا بگعده وياج روحـــي البيتج خيه .
رنـــه:: هزيت راسي اي
-للغروب واروحن لان بعد يومين ويلتحق.
سكتت ريـــمه اخذتلها شويه يمنه ومشت تشوف هاجر ، للغروب اخذت شموسة ومشيت البيتي مجرد افتح باب الحوش اطب الحوش بيتي، فتحت الباب طبيت وشغلت الاضويه افتر بالبيت مبتسمه رغم هواي بيه بعد نقوصات بس راضيه ومقتنعه بيه، اخذت شموسه الغرفتها بعدنا ما مكملينه ركضت الجربايتها الجابها الها صــيهد صعدت تكمز عليها وانه واكفه بالباب اعاينلها مبتسمه
- عجبتج؟
-حلووه انام وياج هنا
-انتِ تنامين هنا وانه انام غاد بهذيج الغرفه.
ضحكت بفرح تكمز، مشيت للمطبخ بريا متسوك هزيت ايدي اضــحك على روحـــي هو انه اشرد من حيرة الظبخ شسوي هسه، طلعت مقليات وشمس تفتر بالبيت تلعب ومتونسه، اخذتلها شويه وشردت رحت وراها فتخت الباب اصيح عليها
-ها شو شردتي؟
ريـــمه:: هاي مو خوش سالفة راح اقفل بابنا من جوه حتى لا كلساع تجين ارگدي.
-ههههه اجيت اشوفن شمس ليش شردت.
وشمس تشمر بشعرها وتحجي بدلع
-ما شردت اللعب وي زهره.
خليتها يمهن ورديت اكمل العشه وتسللت بالختله بگت خبز ورديت، كملت الصينية صورتهر ووديتها اله
-وين انتَ.
بس شاف الصور كتب
-اجيتج.
فتحت باب الهول ووكفت اعاين للحوش خمس دقايق واجه طب الابتسامه تارسه وجهه
بريا:: ركض اجيت.
ضحكت وهو بس وصل يمي شيگني يبوسني ويضحك، مشينا سوه غسل وكعدنا نتعشى عاينلي مبتسم
-اهم شي الچاي.
ضحكت متذكره سوالفي گتله
-والله اطلبك زيارة وروحه البغداد.
-سهلات حبيبي تدللين ان شاءالله من يصيرون عدنا اطفال.
يحجي ويضحك هزيت راسي خوش
-اذا ما خليتك تشوف الاطفال بس باحلامك.
-نروح باجر؟
-لا حبيبي من انه اقرر.
گمنا سوا نسولف متونسه على سوالفه، انه وكفت اغسل المواعين وهو يسوي چاي گال
-انتِ شگايله الميثم؟
درت وجهي عليه انف بأيدي مستغربه
-شگايله؟
-اندري گايلتله اسويلك مطبك سمچ؟ مدري شني.
-يا يمه والله قديم مره احجي وي مــاسه بالتلفون وهيه تسوي مطبك سمچ سمعته يتغزل بطبخها عيبت عليه اتشاقه وياهم كال اتحداج تطبخين مثلها گتله طبخي احلى گال خوش من تعرسون تعزميني وگتله اي وعلي، بس انه جذابه ترى مطبگ السمج اسوي يلعب الروح.
-غير يتشمت بيه زامطت بيج انا عبالي صدك تعرفين.
حطيت ايديي متخوصره
-ياهو گالك تزامط بيه؟
-حبي انتِ مجذبه ومزامطه انا شكو .
-طرگاعه على راسج يا مــاسه
احجي وافكر شسوي وهو يضحك صبلنه چاي سوه اخذته ومشينا للهول بيتنا صغير ودافي كعد مستند على الحايط وانه گباله شربنا چاي بنفس اللحظة وصارت عيني بعينه ضحكنا اثنينه وهو يگلي
-وولج صدك هاي تزوجنا وصرنا بفد بيت.
-جا شني نجذب عليك؟
-هههههههه تعااي.
فتح ايده يأشر تعاي رديت استحيت منه گتله
-خل اكضي الچاي.
ودنگت اشرب واغلط على روحـــي ليمت اتعود عليه شو الساني وياه طويل من توصل للحضن استحي، امداني.
بس كضيت الچاي كمت غسلتهم وغسلنه، رجعنه كعدنه بالهول عاينت بوجهه جرني من ايدي الصدره ساند ظهره على الحايط وماد رجليَّه يدفيهن على الهيتر، تمددت بحضنه راسي على صدره واحرك اصابعي حتى يدفن باسني براسي يحجي
بريا:: حلم واتحقق.
مديت ايدي اشبگه انه هم مغمضه عيني ومبتسمه گال
-والله گلت اذا ايست وكهلان مارضى اخطفها واهج.
-الله ليش ما سويتها.
-شني ال الله غير يكضونه ويكتلونه اثنينا.
-نشرد لبعيد
-اكبر جذابه انتِ مناه لهناه ما تفارگين اخوانج اخطفج الصبح، بالليل تختلفين عليَّ.
ضميت وجهي برگبته اضــحك وهو عبالك اانتل تحرك مقشعر بدنه
-شبيك؟
ضل يعوج براسه چن ذابه عليه تيزاب گال
-وجهج بارد قرعشتيني.
-قرعشتك؟
-شرقعتيني.
مديت ايدي بساع سديت حلگه وحظيت وجهي برگبته وافرك خشمي حييل عليه وهو يصيح ويضحك وانه اعاند وافر وجهي على كل رگبته ابوسه واحجي
-شبيه وجهي شبيه.
شبگني بأثنين اديه يضحك
-خل اشوفج شبيه.
كعد على حيله ودفعني للگاع يمددني يم الهيتر وكض ايديي اثنينهن فوگ بطني يضحك بشر
-يييمه اصرخ، رجلي ملويه ررجلي
-وينها.
التفت يريد يعدلها جريت ايديي بساع اريد افرغ نفسي ما لحگت كضهن حييل يعصرهن فوگ بطني
-وين وييين.
-بريااااا
-هااااه
جر الكلمة يضحك حط رجله فوگ رجليَّ محددني ما اگدر اتحرك
عاينت بوجهه اتمسكن
-صعد سكري صعد
-هسه ابوسج وينزل.
-يمااااي.
ضحك ودنك يريد يحط وجهه برگبتي تلاويت وياه واحرك راسي منااه مناااه ما اثبت
كض ايديي بأيد وحده والثانيه مدها جوه رگبتي يثبتني ضم وجهه برگبتي يسوي مثلي ويبزرني بلحيته صرخت اجر بروحي منه
-ييييمه.
مد ايده بسرعة سد حلكي وسند راسه على راسي يضحك
-اششش يمعوده هسه يجيني كهلان .
وخر ايده من حلكي صيحت
-اختنگت بريا راح اموت راخ اموووت.
-خل اسويلج لمسه هادئه حتى ما تموتين
ضحكت اريد اعصب وما اگدر، مشه اطراف اصابعة على خدي برخاوة وينزلهن الرگبتي متت من الضحك متدغدغه.
-وووخر بس هدني واشوفك اللمسه الهادئة الا اهفك بالقوري.
-اااشش مو حاي اصير رومنسي ركزي وياي.
لميت شفايفي اضــحك خنگ وعيوني مدمعه وهوه يمشي اصابعه من خدي الرگبتي ويسوي حركات بوجهه على اساس رومنسي ضحكت اجر بأيدي من ايده
-وخرر جنك معتز منيلك رومانسيه.
ضحك ودنك يبوس شفايفي تيه ايديي وشال راسه يعاين بوجهي
-وهسه بعدني نو رومانسي؟
عاينت بوجهه ساكته وعيوني ذبلانه، حط ايده جوه راسي وايد جوه رجليَّه شالني يضحك ويمشي الغرفتنا. انغث چيه گتله معتز يريد يثتبت هوه رومانسي يتغزل ويسولف لمني على صدره مغطيني ويمسح على زندي يسأل.
-بعدني معتز؟
-لا.
-بعد اكتبي على اسمي زوجي الرومانسي
-اكتب ابو عصام.
ضحك يحضني آقوى. ضلينه نسولف وانه ما نعسانه ولا هو نعسان، سبح ومشه جاب البلي من بست اهله وكعد يعلمني اللعب شلعت گلبه وكل شوي يريد يگوم يكسر التلفزون هوه يگول وانه اهوسله عبالي انه الگولت ضل يلطم.
بريا:: هذاا انا سجلت عليج شبيييج.
-يله شني انه وياك واحد.
-اللعي عمي اللعبي
وانه اتحرك وي اليده ومسويه روحـــي مندمجه وكله جذب ادوس الدگم كلهن سوه واحرك الشفتات مناه ومناه مخليه اللواعيب يفترون ويصفنون گتله
-انه احبن اللعب درايڤر مو طوبه
طلع لعبة درايفر اخذت اليده منه وانطيته العندي واول ما بدت اللعبه ذبيته من السطح وموته، تسودن بريا وانه اضــحك عليه شمر اليدات وگام طفى التلفزون وجرني من ايدي
-تعاي ننام احنا مو شكول اللعاب.
ضحكت وتمددت ضامه روحـــي بحضنه، هو نام وانه عيني ما غفت شكد حاولت بس ردت انتم ما اگدر كل ما اغمض عيني اتخيل المچام گبل لا ينبني شلون جان ساحة مفتوحة وعقلي ضل يمسلت يجيبها مناه ويوديها مناه، گمت من يم بريا ذبيت عليه بعد بطانيه غطيته عدل وطلعت طفيت الهيتر سديت باب الهول ومشيت اركض من البرد ارجف، طبيت البيت اهلي ومشيت بساعة الغرفتي حطيت روحـــي بين زهره وشمس شبگتهن اثنينهن وغفيت للصبح كعدتني ريـــمه تلطم.
ريـــمه:: وولج المسودنه رجلج يدور عليج.
تثاوبت گوه فاتحه عيني
-توني نمت والله.
-گومي ززحمه.
ما حاجيتها جريت الغطا فوگ راسي ورديت عفيت وحسيت شويه وردت كعدتني هيه وشمس يجعصن ببطني ووجهي.
ريـــمه:: گومي يله.
مسحت وجهي وفتحت عيوني گالت
-رجلج ريگناه سكتناه ووديناه للگيعان، راح يرد وانتِ بعدج نايمه.
گمت غسلت وتريكت اسولف وياها واسألها على هاجر وسليم تحسرت مقهوره
-شسوي حرت؟ لا هاجر ترضى تجي تضل يمي ولا رغد ترضى يردون يعيشون يمهم.
-شعجب رغد ما ترضى؟
-تكرهه هاللبيت وحگها، تدرين حتى ماجاي الحك اطبخلهم الگاها مسويتلهم غده وعشه گبل وكته، وتشتغل وتنظف وكلساع تمشي يمهم بس تگلي ما اگدر اعيشن بالبيت
-هاي هيه وترى من يوم النكسرت امج ســليم وهاجر همه اليطبخون ويشتغلون وانتِ ورغد تساعدنهم، بعد عليمن شايله هم كلشي وما تخلين گدامج ولا حل.
دنگت تهز راسها اي طلعنه للحوش نسولف وشموسه وعلاوي يلعبون يمنه التفتنا لى دكات خفيفه للباب ركضت زهره فتحته وطبوا رضا وحور، ووهب بالباب كاض سيف وكرار من اديهم، ركضتلهم شمس مشابك وياهم ومن طبوا سيف وكرار هم شبگتهم وتبوسهم صاح عليها حسين
-ووولج ما عدنه بنات تشبگ الولد .
التفتت عليه تعيب وتسويله وولي، وردت تكض سيف وكرار من اديهم عود لان هي اكبر منهم تخاف عليهم يطيحون، صاح وهـــب .
-يابه هاي موتونه يردونكم.
ريـــمه:: هلا بيهم خويه.
-شلونج خويه ام علي.
-الله يخليك الحمدلله.
-ضلت فاطمة ردت اجيبنها بس گلت لا خل تكبر شويه
-ههههه هلا بيهم بكل وكت.
رضا:: روح بويه روح اضل هناه انا اتغده.
وهـــب:: انجب بويه كلنه ساعة واجيكم .
رضا:: بويه فـــدوه.
-خاب بويه انجب.
تعاركوا بباب الحوش وانه وريمه نضحك عليهم مدت راسها زهره خجلانه گالتله
-خليهم وي شموسه.
وهـــب:: تأمرين انتِ وشموسه.
ضحكت وهو ناصب على زهره، طبوا يلعبون وي شمس وزهره متونسه عليهم تلعب وياهم كالت ريـــمه.
-رنـــه بيتج نظيف؟
-اي والله منظفه البارحة، ضل بسّ الغده مشتهيه سمج وماعدنا.
-كهلان ورجلج وصيهد مشوا للگيعان ومناك يرحون للشط يجيبون الشبچ بلكن صايدين حتى ننطيج.
هزيت راسي اي اركصلها بحواجبي، ضليت كاعده بالحوش وعيني عليهم لان صحبتهم ما تدوم نص ساعة وواحد يطك الثاني، ريـــمه كضت شغلها وودت زهره على هاجر جابتها واجت فرشنه بساط بالحوش وكعدنه نتشمس ونعاين عليهم، درت وجهي الهاجر كاعده بصف ريمه وايدها بين أديها گتلها
-ليش تضلين وحدج هجوره؟ من يطلع ســليم تعاي هناه.
ابتسمت ساكته قله اسمع صوتها كالتلها ريـــمه
-ســليم وين راح؟
-هستوه طلع وي وهـــب للمعامل.
گمت من يمهن مديت راسي اعاين بره الحوش اتأكد حسين وين راح شفته صاعد بسيارة كهلان صحت عليه
-حسون مو تشغلها.
التفت مبتسم
-لا والله، هسه راح اغسلها.
هزيت راسي خوش، شفته من صار بالسادس تغير گام اذا وحده من البنات تجي يمنه هو يطلع ومن سألته ليش گال حتى لا تتضايقن من وجودي، أموتن عليه من يحجي هيج لو يسولف بشي اكبر من عمره ويحجي فصيح.
زهره ودتله الزاهي رالصونده ورجعت تلعب وياهم شويه وسمعنه صوت الولد يصيحون على حسين وصيهد يگله
-اغسل سيارتي.
حسين:: يأمر الذيب.
مــيثم:: خل نفهم انتَ خالسه لو صدك يحبك شو كل ما شافك وصاح الذيب منيلك ذيب؟
حسين:: لا عمي انا وياه صحبه من چنه جهال الهسه.
ضحكوا وصيهد متحلف بيه وكرار بس سمع صوت ابوه مشه للباب وانه اضــحك على مشيته وصيهد بس شافه صاح
صــيهد:: ها بويه شعندك هناه؟
بريا:: خدوده حمر اظن مرتي كاتلته.
-كون صدددك الا اموتها.
انه اضــحك وريمه تعض بأيدها وتحرضني على بريا طلعولهم الجهال كلهم ضلوا يسولفون بره شويه وصيهد راد ياخذهم ويمشي مارضوا يرحون وكهلان هم كالهم عوفوهم، طبوا للبيت هو وبريا والجهال.
عاينلي بريا يضحك سلمت على كهلان ومشيت وكفت بصف بريا مبتسمه همس
-شني تنوميني وتشردين؟
-ما گدرت انام
-مع الاسف
ضحكت وكهلان يگلي
-بالعباس بعد ما اخذه وياي للصيد.
ريـــمه:: ليش خطيه غير زلمه متزوج وراه مره وبيت يريد يجيبلها اكل.
بريا يضحك وكهلان يحجي بحرگه
-يغث هوه هذا شكول صــيهد هذا مال بدله عسكرية تحط بأيده تفكه وتذبه على الساتر يعارك .
مشه يغسل ايده يضحك وكهلان يصيح عليه يريده يطلع السمچ وياه من الشبچ وبريا ما يرضى غسل اديه وشرد راح وره وهـــب وسليم، ساعدنه كهلان انه وحسين صفينه الشبچ ولمينه السمچ وريمه اجت نظفته وقسمته بالنص بيني وبينهم وكهلان غسل ومشه كعد بالدوانيه ريمه سوتله چاي واخذت بسكت كعدنه يمه
والجهال واحد وره الثاني اجوا كعدوا يمنه وكهلان يشاقيهم ويشربهم چاي بالصحن اختفت ابتسامتي اعاينله شلون ملتمين داير ما دايره اذكرت صور ابوي وي ولد وبنات عمامي، واللي ييتلف يمسح حلگه بأيده لا تكش روحه ولا يهتم ويشاقيهم واحد واحد.وولا رضى يخليهم يمشون.
گمت وي ريـــمه كالت
-اطبخلهم تمن ومرگه خطيه ما يگدرون ياكلون سمچ.
-اكلج هاجر راحت؟
-اي هستوها مشت.
هزيت راسي خوش اخذت السمج اريد أروح البيتيدگت الباب رغد ومدت راسها مبتسمه
-ابني يمكم.
ريـــمه:: اي هذا تعاي تفضلي.
-لا خيه اريد اروحن صيحيله.
-ما يرضى كهلان والله يگول يتغدون واوديهم.
-ياا لا والله يشلع الگلب سيوفي ماياكل.
-ميهالف عوفيه وي الجهال.
سكتت رغد محتاره وريمه ابد ولا رضت تصيح السيف، عفتهن ومشيت للبيت سويت غده وكلساع افكر بشموسه مدري شبيها وياي ما ترضى تجي يمي هيه المخليتني ما اركد ببيتي وكلساع اروحن يمهم.
سويت الغده وي الصلاة اجه بريا وكل ما يعاين بوجهي يضحك ما مصدك احنا ببيت واحد وانه اطبخله وكف يمي بالمطبخ يسوي الزلاطه گال
-من التحق تباتين غاد مو؟
-اي بس ما اخذ هدومي ولا غراضي اي شي اريده اجي اخذه شو هذا هو خطوتين.
هز راسه خوش، وگفت گدامه بأيدي سلة الخضره عاينت بوجهه اسأل
-شبيك حبيبي.
عاينلي مبتسم عاف صحن الزلاطه وحط اديه على الكاونتر مناه ومناه ضامني بنصهن
-اموتن على دوامي بس راح اكرهه من وراج شر صاير ما ودي افارگج.
ضحكت وعبرت ايديي على رگبته
-عوفه.
-حرامات، اشهر تعبان ويلا راتب وهسه من ثبتوني وخصصولنه رواتب اعوفنه؟
-جا هواي واشتاقلك.
-اداوم شهر واجبج اخمسطعش يوم لا تسويلي واهس وابطل ينرادلنه مصرف نجيبلنه سيارة وانتِ وراج كليه.
-ميخالف غير عندك راتب المعامل
-اريد ابطل اخذه لان زحمه هنه يتعبون بيهن وانا على الحاضر اجي اخذ حالي حالهم.
سكتت محتاره ما ودي يروح بعيد ابتسم ومد ايده يتلمس شفايفي
-لا تضوجين
هزيت راسي خوش، تدنى يبوسني دفعته
-خل نتغده لا تخليني انعس.
ضحك وشال الصينية كعدنا نتغده سوا ووره الغده حس بيه ضايجة عاين بوجهي مضيك عيونه
-شبيج؟
دنگت ساكته مد ايده يرفع وجهي
-شبيج رنـــه.
-عاين شمس ابد ما ترضى تجي يمي، ولو اجت شويه وتشرد مدري شبيها تحبني بس ما تضل يمي.
-طفلة وتحب المچان البيه ناس توالنها بلعبها بأفكارها،طبعاً تمشي غاد تلعب وي علاوي وزهره، هناه تستاحش، لا تجبرينها خليها براحتها تجي هناه تروح يم خالها هو شو عبالك بيت واحد عليمن ضايجة رنه؟ شوي شوي تكبر تضل تجي هناه تدرس وتتعلم على غرفتها وتتعلق بيها والله، وهم لا تنسين ترى كهلان هم متعلق بيها مثلج واكثر.
هو يحجي وانه مدنگه ساكته مد ايده يرفع وجهي يحاجيني
-لا تضوجين عگب باجر التحق وتمشين يمهم
-نرجع للضيم وللدراسة.
-بروح امج لا ترسبين والله كهلان بس يهدد بيه هوه وصيهد حلفوا يربطوني على السيارة ويسحلوني.
دنگت راسي ورفعت عيوني اعاينله بشر كض ايدي يتوسل
-بروووح امج لا.
-الا ارسب.
-يا بووويه.
ضحكت وجرني الحضنه يشبگني ويحلفني انجح، توه يبوسني والتفت على صوت التلفون كعد عدل من شافه مــيثم فتح خط سلم عليه وضحك فتح السماعة يحاجيني
-يگول وين الغده.
مــيثم:: الو.
-گله رنـــه نايمه.
مــاسه:: چا سمعناج.
مــيثم:: وين مطبك السمچ؟ گلتي ثاني يوم عرسي اطبخلكم وووينه؟
كعدت على حيلي متربعه التلفون بأيد بريا ميت من الضحك ما يوكف وياي ويسكتهم حسيت مــاسه راح تتشمت بيه گتله
-تدلل ابو حور باچر غداك يمنه وعساك على مطبگ سمچ .
-وكفوو
مــاسه:: ولج رنـــه اخر مطبك سويتيه احترك وريحته وصلتنه تنازلي گولي ما اعرف وانه اطبخ.
-خاايبه ولي عبالج بس انتِ نره وتعرفين تطبخسن بيت ايمان ترحين فـــدوه الي. الطبخي غير ما ينشبع منه.
ضحكوا هي وميثم من كل گلبهم لمن سدينه التلفون شلت راسي البريا واحد يعاين بوجهه الثاني گال
-عزمتيهم على غده!!
-ليش ما سكتتني انه وين ومطبگ السمچ ووين
-كايله ما اعرف وفاكتنه من مــاسه وشماتتها.
-امداااني اخليها تتشمت بيه وتضحك امداااني، باجر من غبشة تروح تتسوگلنا سمچ كبار.
شمر روحه على الف اش منطيني ظهره ويحجي
-ياهي مالتي انا عازمهم؟
ذبيت روحـــي فوگه ادوس عليه وافغص ببطنه ضحك
-يله يللله اتسوك.
وصدك ثاني يوم من الصبح كعدته مشه اتسوك وانه كلشاع افتر محتاره شلون اطبخه يحترك دوام اسويه ويحترك، وخاف اصيح الريمه خاف خطيه مالها خلك وكافي عليها شغل البيت والجهال. للساعة بالتسعة اجه بريا جايب المسواك والسمچ. گال.
-خليتهم ينظفون السمچ حتى لا تتعبين.
-اكعد نظف الخضره بين ما اعزل المسواك واغسل السمچ.
وكمت اشتغل اركض ومستعجله وهو يساعدني لمن خابره وهـــب عافني وراح. كايلت السمچات اعاينلهن اريد ابجي واحلف ما تخلي مــاسه تتشمت بيه كضيت تلفوني محتاره اخابر جــويريه هم ما تدبرها، اودي على ندى يجفصن يم مــاسه ويفضحني صار بوجهي رقم كهلان دست اتصال هو هسه يلگالي حل طول يله رد
-الو.
-هلا خويه هلا يابعد روحـــي شلونج.
-الحمدلله انت شلونك شنو وين ما وين؟
-والله بالگاع گولي رنـــه يابه رايده شي.
سكتت متردده گال
-ها رنـــه
-عاين تراهنت وي مــاسه وعزمتهم على مطبك سمچ
-اي
-ما اعرف اطبخه احرگه.
-ودي على ريـــمه تجي تطبخه الج.
-لا وين بيا حال هيه تعبانه وكافي عليها شغل بيتنا وشغل بيت اهلها.
-كليلي شتردين شسوي.
-ما ادري
سكت وانه اريد اگله تعال اطبخلي بس مستحيه گتله
-تتذكر مره انتَ طبخته النه شلون صار طيب.
-عاينــي اطبخي التمن، وحضريلي تاوه چبيره من هذن تاوات جــويريه، وانه هسه اجيج.
-صدك.
-اي والله هسه ربع ساعة واجيج.
-فـــدوه اروحنلك وعلي ما انساها الك .
ضحك سديت التلفون منه وگمت اركض طبخت التمن ورحت البيت اهلي جبت التاوات الكبار وريمه مستغربه گتلها عازمه بيت مــيثم ما گتلها كهلان راح يطبخلي على اساس انه احتفظ بالسر وما افضح روحـــي بروحي.
شويه واجه كهلان هم طب يتختل ويضحك غسل اديه ووكف يمي بالمطبخ گال
-انا تالي عمــري اطبخ الميثم.
شلت ايدي اضــحك
-لا تطبخ ما يسمونها طبخ هاي يسمونها مساعده جاي تساعدني.
ضحك يشتغل وياي ويگلي سوي هيج وسوي هيج يعرف اكثر من عندي
-مشتغل طباخ گبل انتَ؟
تلاشت ابتسامته عاين بوجهي وحجه بغصه
-من ماتت امي ابوي چان يخاف على عــفراء من تطبخ اضل واكف يمها انا وحفظت كلشي تطبخه.
دنگت ساكته وهوه بساع غير الموضوع ويگلي سوي هيج وسوي هيج، كملت السمج وشوحت البصل سطره على الأطراف وحط التمن فوگهن غطاها بقبق ونصى النار على التاوات اثنينهن، گتله
-مو هيه هاي المشكلة من غطيت السمچه بالتمن بعد شلون اعرفها استوت والتمن ما احترك؟
-غير نصيت النار عوفيها عشرين دقيقة وطفيهن.
هزيت راسي خوش وكف ثرم كرفس وعافه على صفحة گال
-وره ما تطفينه حطي ماعون فوك التاوه واگلبيها وحطي فوگهن من هذا المرفص وكصصي طماطه دوائر وبصل رتبي بيهن شكل الماعون وهاي هيه كفت راحت.
جريت ايده بستها وحطيتها على كصتي
-فـــدوه اروحلك.
مد ايده يكرص خدي ويضحك
-حبيبتي
عافني ومشه ضليت مكابلتهن واحسب دقايق انطيتهن فوك العشرين دقيقه بعّد دقيقتين يله طفيتهن خابرت مــاسه
-يله ليمت تجون؟
-ياا لا رنـــه نتشاقه وياج وعلي.
-خاب طبخت كون صدك وما تجون ارميكم.
-وعلي نتشاقه وياج.
-انچبوا وتعالوا يله وجيبي وياج عمتي ايمان.
-خل اخابر مــيثم .
سديت التلفون منها شويه ورد بريا اجه وراه بنص ساعة اجوا بيت مــيثم ماريا تضحك وعمتي ايمان تحجي عليَّ وتكلي
-ختولي مــاسه شني تطبخيلها ضحكت عليج،
-لا عمه ختولي مو الخاطرها الخاطر مــيثم.
وميثم يضحك ويصيح
-كفوو كفو معدله.
كعدوا بالهول بريا طاير من الفرح وكلساع يگل الميثم
-هذا بيت اخوك.
ضحكنا والبنات گامن وياي للمطبخ بس صلوا صبينه الغده ورتبتهن مثل ما علمني كهلان زدت عليهن شرائح ليمون وبساع صورتهن گبل لا ناخذهن للهول وديتله الصور كتبتله
-شوف طبخ اختك.
شافها بنفس اللحظة كتب
-والله معدله صايره تطبخين مطبگ سمج وانا ما ادري عااشت ايدج.
ضحكت عفت التلفون ومشيت يمهم تغدينا وماسه تصيح
-اطيب من طبخي والله.
وميثم ما ينطي بيها يمدح بطبخها وطبخي گالت مــاسه
-بعد كل ما نريد مطبك سمچ رنـــه تسويه.
راحت ابتسامتي اعاين بوجها
-عاينــي تمسلت لا تمسلتين ! من الاخير هذا طبخ كهلان لا طبخي ولا هم يحزنون شني؟
ضحكوا من كل گلبهم وميثم يريد يگل للولد اكلت من طبخ كهلان حلفته يسكت خاف صــيهد ينصب على اخوي، صلوا يمنه للعصر وراحوا.
الحد يوم التحاق بريا حضرت جنطته مختنگه وهو كاعد على الچرباية ويعاينلي مبتسم مكيفه انه الاحضر جنطته
-ترى ضايجة لا تضحك.
-هههههه شبيج راح تلتهين بدراستج ما تحسين بغيابي.
اجه يمي يبم غراضه ويشاقيني سكتت مصبره نفسي للصبح بدلنه سوه انه اروحن للمدرسة وهوه يوصله سلطان للگراج، مشيت وي بــدور للمدرسة وجها مورد ومتحمسه وهيه جانت تولول من الدروس، عاينتلها بشك.
-ها ولج شو مكيفه؟ لازم هاي بركات السيد.
بــدور:: ضحكت وكرصتها تسكت بالفرصه طلعنه اشترينا وافترينا بالساحة اسولفلها
-استحي احجي وياه مكالمة گتله احب الرسائل وقبل
-شتحجون؟
ركصت حواجبها تغمز
-نحجي سوالف عاديه وبنهاية المحادثة يگلي تحبيني وآنه أشرد وثاني يوم تنعاد نفس السالفة وهم اشرد.
#البارت__86_والأخير #القسم2
#أرض_الـــــخناجر 🗡️
#بقلمي الكاتبة ايـــلول
-كليله احبنك جا؟
-استحييي
طكتني تضحك گتلها
-هسه انه اضــحك السيد يضحكني وانتِ شبيج ضايجة من الصباحيات.
-رجلي التحق.
-احسن شبيج حتى ندرس زين اذا رسبنا يكتلون جعفر وبريا.
رنه::اي وعلي يردون يربطونه على السيارة ويسحلونه.
-وامس وهـــب يگلي بس ترسبين يكون ارميهم واخذ فصل من الساده.
دارت عليَّ تحجي بمكر
رنـــه:: ولج هددي شبيج انه هسه استغليت الموضوع بس احاجي بريا على سالفة وما يرضى اگله الا ارسب روحـــي سوي مثلي .
-لا ولج ما عندي ميانه وياه ترى بعدنه نحجي رسمي.
-شتحجون قلقتوني
-والله هيج سوالف عادية وكلساع يذكرني بسالفة البيت وشلون اثنينا واحد خايف من الثاني.
ضحكت وگمنه للصف بعد ما طلعنه مناه للحله، نزلنه السايق بباب بيت عمي شامل صارن بوجهنه ريـــمه ورغد رادت من بيت شاكر گالت رغد
رغد:: ها رنـــه اليوم ببيتج لو يم اهلج.
رنـــه؛: يم اهلي من يرجع رجلي يرجع وياه بيتي.
ضحكت سلمت على رغد وطبن هيه وريمه، صفيت وي رغد ماشين البيت اهلي گالت
-دريتي؟
-شكو
-غير مــاسه حامل.
-جذذب.
-وعلي وتسودنت بالبجي
-جا عليمن تبجي؟
-تگول من احبل اريد اكضيها نوم لان بس انعس مو وكتها وي الدوام
-لا والله خوش وكت هنه هالشهرين تكضيهن وتعطل عدها العطله كلها تنام بيها لمن تمل.
-والله ما ادري النوب جــويريه گوه داومت هم مورمات رجليها ويجوز يصير جيابها وي. الامتحانات هم ضايجة.
-هسه تلحكينهن انتِ وهم تحبلين
-ياا امداني اذا ما اكبر سيف وكون يضل يعتمد على روحه احبل بعد شمالني.
بــدور:: ضحكت وطبيت للبيت سلمت على ندى وركضت الفاطمة مخليتلها فراش وحاطتها بالهول وبس احاجيها تضحك تخبل صاحت امي
-كومي يمه غسلي وصلي يله تكضينها.
صعدت فوك غسلت وصليت كضيت التلفون مبتسمه لان ادري بيه الساعة بثمانية يوديلي رسالة وكاتب
-صباح الخير حبيبتي
وحجايه منه تخلي الضحكه ما تفارگ وجهي كتبتله
-مساء الخير سيد شلونك.
اخذت تلفوني ونزلت جوه احجي وي امي اسولفلها شلون من اول هلكنه يالتحاضسر ورضا اخذ تلفوني يلعب بيه، گمت وي ندى للمطبخ اسوي زلاطه واحجي وياها گالت
-لو تشوفين مــاسه شكد بچت
-ختولي تبجي بدل ما تحمد ربها وتشكره.
-لا خطيه ماجانت رايده طفل هسه.
مــاسه:: ياهي الختولي وولج.
درت عليها فازه ذبت عبايتها وطبت للمطبخ تحجي
-انه عرفت روحـــي عرفتها من گمت اشبگ المخده وما اهدها.
طبت يم امي تشكني وانه اضــحك عليها وامي تگلها نعمه ورزق ضلت يمنه شويه وراحت، طبيت الغرفة امي كرار نايم دغدغته وبسته الحد ما كعد شبگني
-عمه.
-عيون وگلب وروووح عمه انتَ.
رضا:: هاه بــدور هاه؟
درت عليه اضــحك الغيور
-جا انتَ هم روحـــي وگلبي
ضحك وتمدد يعاين بتلفوني اخذت كرار وطلعت ضم روحه بحضن امي ما عاجبه العجب وامي تبوسه تضحك وتگله وريث صــيهد انتَ، بس جــويريه ما ترضى تكتله بس تشوفه يصيح بعصبية تگول ينولدلي صــيهد جديد ما اريدن.
كعدت يم امي اتحرش بكرار كلساع امد ايدي ادغدغه ضحكلي مره مرتين النوب ضل يدفع ايدي ويخزر سحلته من حضن امي ادغدغه واحط وجهي ببطنه اضحكه واسمع صوت رضا يضحك بغرفة امي عبالي يضحك على صوتنا لمن اجاني يصيح
-بــدور بــدور.
واول ما شلت راسي حط التلفون بوجهي وانه جر بأيده بس اريد اشوفن شهگت وصرخت ادفع بأيده من بمحت سيد جعفر بشاشة التلفون مبتسم بمكالمة فيديو، وامي عبالها مدري شصاير وتصرخ وياي ورضا شال التلفون من وجهي الوجهه امي اصتكت وجعفر اتفشل گيل گالها
-السلام عليكم عمه.
-عليكم السلام ورحمة الله هلا بيك يمه شلونك اهلك شلونهم.
وتسويلي بأيدها اكضج وانه الم بشعري اريد الطم، وندى وكفت بباب المطبخ تعض بأيدها متحلفة برضا وهو يضحك ولا مهتم حطيت الخاولي على راسي وحظي المصخم وي ما امي تحجي وياه طبوا جــويريه وصيهد ووراهم طب وهـــب عاينوا الامي باستغراب يسألون ويامن تحجي النوب حتى هيه خافت منهم دارت التلفون الصيهد
-هذا صــيهد يريدك.
وصيهد بس شافه خزر التلفون اخذه من امي سلم عليه وگاله
-شعندك مخابر؟
جعفر:: الي مره يمكم واخابرها قابل مخابر الخاطر عيونك السود.
-لا يا سگط.
-لا تغلط باجر عگبه اشور بيك اشنطك والله
-والله مو صوجك صوج ابوك كاضيها علينه لا تحاجوني اشور بيكم يابه شور شني كاضها حجه علينه.
وهـــب:: جعفر وعلي اطيح حظك
جعفر:: جدي رسول الله وانتم تحجون علي ما تخافون؟
يحجي ويضحك التهوا يسولفون وياه وانه ما صدگت شردت فوگ بعد حتى تلفوني ما شفته، لمن بيت صــيهد مشوا للمشتمل يله نزلت تغديت ووهب كلساع يغمني ووره الغده من صبيتله چاي گال.
-شني كاضيتها كامرات وسوالف جا والدراسه؟
- اليوم داومنه شني السالفة.
هز ايده ما عاجبه، اضــحك وي وهـــب ومرات اداهره احب من يضوج من جعفر.
ثاني يوم بس رجعت من المدرسة شفت سيارة يم سيارات الولد طبيت للمطبخ مستغربه ندى وامي يطبخن گتلهن
-ياهو عدنا؟
ندى:: خطيبج هههههه
ذبيت الجنطة وكعدت على حيلي
-گولي والله.
ايمان:: كومي البسيلج ثوب زين وحطي الوجهج حمره شي شيات حتى تطبين تسلمين عليه.
حطيت ايديي على وجهي اثنينهن
-يمه لو مدري شيصير ما امشي اسلم استحي.
غمتني وندى تضحك عليَّ بس سمعت صوت وهـــب طلع من الدوانيه ركضت شارده صعدت فوك اهفي على وجهي وافتر متوتره بدلت وصليت ودعيت ابطل اتوتر هلكد، نزلت جوه اساعد ندى وامي وهم رديت شردت من اجه صيهد لمن صاحت علي امي انزل اصب وي ندى كملنه واجوا الولد اخذوا الغده ولا حطيت عيني بعينهم، واحنا صبينه غدانا وكعدنا بالهول گالت جوري
جــويريه:: شنو ندى خدودج مورده.
ندى:: بركات السيد حياتي.
بــدور:: درت وجهي الامي عود اريد اگلها شوفيهن لگيتها گوه كاضه ضحكتها وكالتلهن
ايمان::حتى صوتج ما ينسمع اليوم ندى.
وضحكن كلهن ناصبات علي
-عوفجن من الضحك استحي اسلم عليه اموت.
جــويريه:: ما تموتين لا تخافين.
ندى:: شبيج هيه تدخلين السلام عليكم وتكعدين فضت راحت.
-يمه گـــلبي وصيهد يعاين علينه ييمه.
غمني يضحكن وانه اكل ما عوفت اكل، لوره الغذه اجوا ولدنا يمهم بالدوانيه ضلوا ساعتين وطشوا طب وهـــب للهول عاينلي ما عاجبه گال
-گومي البسيلج عبايه وتعاي .
بلعت ريم اهز راسي لا جرتني ندى من ايدي صعدتني فوك وانه اريد ابجي
-وولج والله صــيهد كاعد يمه ما امشي ما امشي.
وهي ولا مهتمتلي تدور بهدومي وشالاتي وتختار شمرتهن علي
-البسي بسرعة لا البسج اني.
-ندى عاينــي اسوي روحـــي متخربطة؟
-والله افتن عليج.
-شبيج استحي النوب صــيهد كاعد يمه شلون اسلم عليه شلون رجليَّه يمشن.
احجيلها وهيه تضحك بدلت وبعدني ادور حل النوب ارسله يشوف ومايرد وين يله رد من كتبتله
-گلهم ما اريدن اشوفنها حباب
-اريد اشوفج المن اجيت لعد قابل حتى اشوف عيون صــيهد.
-حباب والله استحي من صــيهد
-تعاي حبيبي معليج بيه هسه اطرده.
-بداعت الساده
-بداعت الساده تعاي.
جرتني ندى تحطلي حمره وتحجي وياي
-ولج لا تكبرين السالفة طبي سلمي واكعدي وهنه الولد يطلعون قابل يكابلونكم.
-والنوب شلون اباوع بوجهم احس عيب
-لا والله مو عيب لازم تكعدين وياه تحجون تتفاهمون حق هذا بــدور.
سكتت شويه مقتنعه بكلامها صاح وهـــب
-يله.
عاينت الروحي بالمرايه الاخر مره وندى تعدل حواجبي بين اصابعها لبست عبايتي ونزلت لگيتهم اثنينهم واكفين گدام الدرج ويعاينولي تخربطت حتى مشيتي وصيهذ مضيك عيونه ويفر بسبحته لمن وصلتهم كضوني كل واحد من صفحة وجروني يمشون بيه ماعت روحـــي بنص الهول ووگف صــيهد عاين الرجليه ورد عاين بوجهه وهـــب گاله
صــيهد:: هاي مالابسه جواريب
وهـــب:: ليش ما لابسه جواريب تعاي اكعدي
وجروني من ايديي للمخده كعدوني وكعدوا. كل واحد من صفحة صاح وهـــب على ندى
-جيبيلي علاگة الجواريب الجبتها الج.
ركضت ندى ومن استعجالها جابت العلاكه كلها وهمه كاضين ايديي چني مجرمه ويعاين الرجليَّ فتحوا الجواريب صــيهد كض رجلي ووهب لبسني وامي تحجي عليهم ماراضيه وآنه اعاين بوجوهم ما ادري يحجون صدك لو ناصبين عليَّ واحد يگل للثاني.
-اي هيج احسن مستوره.
النوب عاينوا بأيدي ورد صــيهد عاين بوجهه وهـــب يتناقش وياه
صــيهد:: نلبسها چفوف؟
ووهب يهز راسه ويگله
-اي والله.
صاحت امي
-الله اكبر عليكم ما عدناا چفوف شني رايحه للحشيش ما عدنه چفوف هدومها.
صــيهد:: ماكو چفوف.
وهـــب يعاين بوجهه وكاض ايدي ورجلي شلون من يكضون الذبيحه گبل ما يكصبونها گاله
وهـــب:: انحط بأيدها جواريب
صــيهد:: اي والله.
وامي اجتهم هاده بالسبحة كتلتهم وجرتني منهم متحلفه
ايمان:: والله ادخلها اله بطرك الدشداشة من خطبتوا ما شفناكم هيج مستشرفين لو بس من يمنه.
صــيهد:: يمه غير ما عاقدين محكمه
-سد حلگك لا اطكك گدام ابنك
كرار:: ططيه بيبي
حجاها كرار يضحك وابوه يگله سهله اكضك
جراني صــيهد بصفه عدل عبايتي على راسي وگال الوهب
-كضها من أيدها حتى يخاف ما يجي يوم ويفكر يبچيها.
بــدور:: جا راح ابجي.
حجيتها مختنگه گالت جــويريه خايف صــيهد خايف لان غريب ما يريد يغلط ويكرر الصار وي رغد، ضحك باسني براسي وطلعنه سوا لباب الدوانيه الخارجي يقنعون بيه من اطب ما اسلم واگلب خلقتي حتى يتوب وما يجي عاينت بوجهه صــيهد اتحمحم
-مو هاي مو اخلاقنا انتم ربيتوني خوش تربيه عيب ما اسلم.
وهـــب:: هم صح، يله سلمي شويه واطرديه كليله زحمه تجي.
-جا هم عيب احنا ما نطرد خطارنه.
صــيهد:: سلمي واسكتي
هزيت راسي خوش وجريت نفس طويل كضوني من ايديي عدل وطبينا شوا مدنكه عايفه روحـــي بأيدهم همه يمشوني حجيت وانه مدنگه
-السلام عليكم.
جعفر:: وعليكم السلام
سكت شويه وكمل كلامه
-حبيبتي.
كحينه ثلاثتنا انه واخواني، جروني كعدوني گباله وكعدوا يمي كل واحد من صفحة گال صــيهد
-سادة تالي وكت .
ووهب يعززله
وهـــب:: اي والله شلون ساده تگلهم ما انطيكم مره يگلولكم نشور بيك هيه هم خربت .
ضحك جعفر متشمت
جعفر::الله يخلي سيد عباس وعد ووفى بوعده گال من عيون صــيهد آخذها.
صــيهد:: يشهد الحسين ارميك انتَ وابوك،
جعفر:: نشور بيك.
ووي حجايته دك تلفون صــيهد لمحته مكتوب سيد عباس گاله
-عرفني ناوي اكتلك هل خابر.
فتح خط والسماعة سلم عليه السيد گاله.
-صــيهد بويه ابني امانه يمكم.
صــيهد:: سهله انا خوش احافظ على الامانة.
ضحكوا كلهم ورد گاله
سيد عباس:: بنيتنا شلونها؟
صــيهد:: الله يخليك سيد الحمدلله.
-ما اوصيك عينك على جعفر.
-مو تدلل سهله.
سيد عباس:: ترى احنا ساده نشور.
-الله اكبر.
صاح صــيهد وهمه يضحكون سدوا المكالمة واخواني سووها صدك ترخصوا وطلعوا عاينت وراهم گـــلبي يدك حييل ومن انسد الباب دنگت اعصر ايد بأيد ارجف ولا شلت راسي ولا عاينت لوجهه گال
-ليش ما تردين تشوفيني.
ضليت مدنگه اسب بروحي كاتله نفسي عليه شكو هسه مستحيه
-بــدور.
شلت راسي متردده عاينت بوجهه ابتسم صافن بعيوني مربي لحيه وشوارب وعيونه من تعاين لعيوني احسهن يلمعن ضحك ودنك، دنگت انه هم مبتسمه ودگات گـــلبي متخربطه.
جعفر:: تعاي اكعدي يمي.
عاينت بوجهه اهز راسي ابتسم يسأل
جعفر:: اجي انا؟
-لا هيج حلوين .
-متأكده؟
هزيت راسي اي
جعفر:: لعد لا تدنگين
عاينت بوجهه ساكته وهي يعاينلي يركز بملامحي ويبتسم
-فـــدوه لوجهج.
دنگت ابلعم ضحك
-مو اتفقنا ما تدنگين؟
-احم، فاطمة ونرجس شلونهم.
-الحمدلله يسلمون عليج.
شلت راسي احاجيه واسأل على اهله حتى اغير الموضوع واگدر اسولف وياه بلا ما اخجل
-والعلويه شلونها.
-الحمدلله ودتلج وياي هديه.
-فـــدوه الگلبها.
-وگلبج
تلفتت ساكته گال
-شوكت نعقد محكمة؟
-والله ما ادري بكيف صــيهد.
-نخليها من تخلصين سادس حتى هسه ما تنشغلين؟
-اي احسن.
-هاي هيه حبيبتي متفقين.
ابتسمت دايره وجهي من عنده وهو من شافني ومت الغزل ما اعوف احجي وارتبك بقى يحجي سوالف عادية على شغلة ودوامه بالكليه
-انا اتخرج وانتِ تداومين.
-انه ردت ادخل كليه وي رنـــه بت عمي شامل.
-زوجة بريا؟
-اي
-بعد نصيبج تداومين يمي.
هزيت راسي اي ربع ساعة ودك الباب صــيهد وكفت بسرعة وهو طب گال الجعفر
-راح نمشي للگيعان تمشي ويانه.
جعفر:: اريد اروح الاهلي
-عود الفجر امشي الاهلك مو هسه گوم ويانه.
عاينلي يضحك وكف شال علاگه هداية من يمه گال
-تفضلي من العلويه.
عاينت الصيهد دار وجهه يدخن مديت ايدي الجعفر اريد اخذها طخ ايده بأيدي متقصد ويضحك من حوه ليجوه، اخذتها وشردت والولد اخذوه وياهم للگاع وامي تخابر صــيهد وتحلفه وانه اعاينلها ما فاهمه گالت جــويريه
جــويريه:: صــيهد حالف يغط السيد بالشط من يوم الحرجوه وخطبوج.
-يااا يمه لا خاابريه حلفيه بارده والله يتمرض.
غمتني امي وردت خابرت صيهد وفضحتني كالتله بــدور تگول لا تغركه يتمرض، جريت دشداشتي اريد اشگها، وندى كضت ايديي تصيح
ندى:: مو هسه اووكفي افتحي الهديه بالاول خل نشوفها.
-هاه صدك.
كعدنه يم جــويريه وهيه سانده ظهرها على المخده وماده رجليها صايره جنها تريله، طلعت اول هديه جانت عباية گالت ندى
-حالفين يترسون كنتورج عبي.
جــويريه:: خاب شوكت تتزوجين حتى تجيبين النا منهن والله حلوات ما يمولحن بسرعة.
ضحكت آدور بالهداية وهنه وياي بوكس ثاني فتحته بيه ساعة واسوارات اثنين لونهن فضي وورقة صغيره مكتوب عليها من فاطمة، والبوكس الثاني نفسهن بس لون ذهبي ومكتوب من نرجس، واخر هديه بقت فتحتها ملابس طلعة بنطرون وقميص ووياهن علبه صغيره التهيت بالملابس وندى فتحتها گلاده ذهب المداليه مالتها حرفي لبستها اضحك والنوب اكيف من امي والبنات يمدحنه
وبعد حتى نسيت اخواني اخذوه للشط يغرگونه، صعدت فوك فرشتهن اصورهن الرنه وهي متحلفه بيه وتحجي
-اموتنج لو صاحبتي فاطمة ونرجس اكثر مني
-نجبي انتِ غير اختي.
-اي عفيه.
ضليت اسولف وياها اضــحك للغروب صاحت علي ندى مديت راسي. من الدرج
-اركضي تعاي شوفي شمسوين بالولد
نزلت اركض اسمع صوتهم بالحوش يضحكون وامي تحجي وياهم وكفت يم جــويريه اعاين من شباج المطبخ واشوفنه مبلل وهدومه كلهن طين كاض شخاطته بأيده ويگلها.
جعفر:: عمه والله ابنج تقصد گلب البلم بيه.
صــيهد:: شني السالفة هوه المشحوف خفيف وانتِ ما تركد.
وهـــب:: ما اسمحلك جعفر شني تتهمنا
وهو يضحك ويشكي الامي
جعفر:: قبل لا اصعد بالبلم اخذوا تلفوني ومحفظتي
ضحك صــيهد يصور بيه ويودي صوتيات السيد عباس
-كتلك اغطه بالنهر لو لا ليش ما كضيت ابنك.
ويصور بقه متشمت كالتله
-امشي يمه جعفر اسبح لا تتمرض هسه نجيبلك هدوم من صــيهد
جعفر:: اضل بملابسي مبللات وما البس من صــيهد
ويتعاند وي صيهد وباع ميانه وي امي دارت وجها جــويريه علي مستغربه
-شو هذا ولا چنه سيد
-اي هم انه اگول
ندى:: تردنه يصلي بيهم شنو؟
-سوده بوجهي راح يتمرض.
كعدت جــويريه على حيلها تضحك وندى تغمني اجه وهـــب اخذله هدوم من عنده وخلوه يسبح بالحمام الخارجي وبس طلع غاسل ملابسه وخلاهن بأيد وهب گاله
-خلي مرتي تشرهن.
صــيهد:: اخذهن وهـــب شرهن بلكن هاسكي يشگگهن.
ضحكت امي وما رضت اخذت الباديه البيها هدومه منهم ووصلت الباب المطبخ كالت بصوت عالي رغم انه وامفه گدامها
-بــدور يمه، هاج اهديمات السيد نشفيهن وشريهن.
الولذ اخذوه وطبوا للدوانيه، وانه من الحب رجعت غسلت هدومه من جديد وصورته اضحك
-غسلتهن
-فـــدوه الايدج
قريت كلامه اضحك نشفتهم وشريتهم بعد ما شفته سوينه عشه ووره العشه اخذوه ومشوا يم كهلان صعدت ادرس راسلني كاتب
-اشوفج بعد لو هاي هيه.
تمددت اضــحك كتبتله
-هاي هيه كاعد ادرس شويه وانام وانتَ؟
-والله كاعد يم الولد اخوتج حالفين يخلوني انعس يله نرجع للبيت.
-ههههه
عفت التلفون من صاحت علي امي مديت راسي من الدرج گالت
-اكوي هدوم الولد خاف الفجر يمشي الاهله.
نزلت جوه اسأل
-جا جــويريه راحت؟
-اي مشت تنام تعبانه البت ليمت تجيب وتفتك.
سكتت طلعت جبت الهدوم من الحبل وصعدت الغرفتي اضــحك مدري شمالني صورتهن لرنه وماريا كالت
ماريا:: اكويهن وخليله من عطرج.
-لاا عيب
رنـــه:: خلي ولا عيب هلي يشمشم.
-هيج تكولين
ماريا:: اي اي.
گمت كويتهن علگتهن وكضيت عطري متردده رشيت جوه ياخة القميص سفطتهن وعفتهن على الميز تمددت يفراشي مبتسمه حسيت جيته هواي غيرت مني، وخلتني استوعب شگد انه عاشگته ورايدته جريت تلفوني دخلت المحادثته كتبتله
-سيد
طول دقيقتين يله شافها كتب
-يا روح السيد
تمرغلت بالفراش همزين رضا يم امي جان هم دفترته لمن راح الحمام من عندي كتبتله
-قبل لا تروح اتصل علي اسويلك ريوك.
-اذا اخوانج خلوني ههههه.
-شكاعد تسولفلون.
اخذله شويه وسجلي صوتيه فتحتها هوسه كلهم يسولفون كتب
-شنو هذا كهلان الله يحفظة الاحبابه اگول ابوي ليش هلكد يمدح بيه.
ابتسمت بفخر كتبتله
-روح صــيهد هذا.
-الله يخليهم.
وبعد ما حاجيته لان يطول يله يرد ومبين يحاجيني بالختله، ولا گدرت انام، طفيت الاضوية ونزلت كعدت على الدرج من سمعتهم رجعوا وهـــب اخذ ثلث فراشات كال الامي
وهـــب:: ننام يمه انا وصيهد.
-خوش يمه مو تحاجون الولد زحمه لا يصير بخاطره.
-لا حبيبتي نتشاقه وياه والله شسالفة.
-اي بعد امكم.
مشه وهـــب للدوانيه وانه صعدت للغرفة تمددت بفراشي عايفه التلفون بس ردّت اغفى ماكو النوم طار من عيوني عدت ساعة والنوب صارت بالوحده ونص وانه ولا غفت عيني غيرت مچان فراشي عاينت للساعة بثنتين الا ربع فزيت على صوت رسالة منه كاتب
-كاعده؟
تمددت وفتحت المحادثة كتبتله
-اي.
-ما اگدر انام.
-ليش شبيك يوجعك شي.
-ما ادري.
-سولف وي اخواني الحد ما تنام.
-اخوانج بس سويت روحـــي نايم عافوني وشردوا كلمن راح البيته.
-صدك
-والله.
-سولف وياي
-تعاي يمي.
-يمه لو اموت.
قراها وما رد عفت التلفون وغمضت عيوني ربع ساعة وودالي رسالة كاتب
-اعتقد صخنت لان احس عيوني نار.
-عزا بعيني هاي لان رحت للشط والجو بعده بارد
-اي.
-خلي اخابر وهـــب يجيبلك علاج.
-لا عيب عوفيه ما اريد بس اذا عندج بندول جيبي الي انطينياها من الباب وروحي.
-خلي اشوف.
عفت التلفون ونزلت الامي كعدتها من نومها فزت مخروعه
-اسم الله
-شكو.
-يمه جعفر مصخن يريد بندول ما عندج.
-يااا شوف حظي مرضوا الزلمه شلون فشله من اهله.
-خطيه صخن.
-كومي اخذيله من الميز.
گمت جبت علاگة العلاج يمها انطتني منها شريطين حبوب كالت وديهن من الباب الداخلي لا تطلعين للحوش.
هزيت راسي خوش ومشيت لباب الدوانيه دگيته متوتره فتحه على كيف عاين بوجهي مديت الحبوب اله
-احم تگول امي آخذ وحده من هذا ووحده من هذا.
ابتسم ورفع ايده عبالي يريد ياخذ الحبوب من ايدي بس وصلت ايده الجفي جرني لبطن الدوانيه حيل شهگت مصدومة ومالحكت حتى اجر نفس دفعني الوره الباب سده ودار وجهه عليَّ مبتسم وانه مدري شصار بحالي روحي راحت شال اديه اثنينهم ويحجي
جعفر:: ما اسوي شي ما اسوي شي .
-وخررر يييمه .
-صوتج شلعتي گـــلبي
رجعت ليوره اكثر خاتله وره الباب وهو يعاينلي ساعة يضحك ساعة يتوتر عاينلي متوسل
-گليلي احبك وروحي.
فتحت عيني حييل ودنگت امشي اريد اشرد حط أيده ساد الباب رجعت ليوره اكثر لا هو يريد يكضني ولا انه اريده يطخني
-احجي واخليج ترحين.
عاينت بوجهه اهز راسي لا
-ليش؟
-اريد اروح لا يجي صــيهد.
صوتي يرجف ودگة گـــلبي عاليه وهو يحجي همس خربطني كلني گال
-احجي وروحي ما اخليج ترحين اطا ما حجيتي.
عاينت بوجه اريد ابجي
-انتَ غير سيد
-اي
-جا زحمه تدور هيج حيج.
ابتسم عينه بعيني
-بالحلال.
مسحت وجهي اتوسل
-عفيه جعفر والله اخواني اذا كضوني هناه يسوون فلك.
-ادري بيهم وحتى من عندي يزعلون وما يأمنون بعد يدخلوني بيتهم وكل هذا مجازف بيه حتى اسمع هالكلمة منج.
دنگت ساكته گـــلبي رايح تحسر گال
-يله على راحتج روحـــي .
عاينت بوجهه ابتسم وانه بس ردت انطقها ردت احجي وما اخليها بنفسه انبلع لساني رجع خطوة ليوره يسويلي مجال اطلع مديت ايدي على يدة الباب وعيني عليه دنگت ابلعم جلبت الحجايه ببلعومي اويد انطقها ماكو قخنت ووجهي احس يبخ حراره ومدري شلون همست
-أحبنك
شلت راسي اعاين بوجهه اريد اتأكد وره كل هاي المحاولات والتشجيع سمعني لو لا لگيته يعاينلي والضحكه تارسه وجهه
جعفر:: وانا اموت عليج.
بلعت ريك مركزه وي ايده مدها الي ردت احط ايدي بأيده عبالي يريد يسلم علي كض چف ايدي وشالها يبوسها غمضت عيني مقشعر بدني من ملمس شواربه النغز جلدي باسها وعافها مبتعد
جعفر:: روحـــي حبيبتي.
طلعت اركض بس اريد اوصل لفراشي ضميت روحـــي بنص الغطه وخانگه صوتي ساعة اضــحك ساعة اذكر دفو ايده وشفايفه وشواربه وهن ينزلن الايدي وصوته ومدري شيصير بيه اضل بس اكمز واضحك وحدي مثل المسودنه.
غفيت والضحكه على وجهي للساعة بالخمسة الفجر اجتني ندى كعدتني
ندى:: وين ملابس السيد يريد يروح.
كمت وياها أخذتهن ونزلت لگيتها مسويه چاي ووهب هم كاعد انطيتهن اله وصل الباب المطبخ والتفت علي يشم بيهن درت وجهي منحرجه وهو اخذهن ساكت لمن ندى كملت الريوك واجه اخذه اله وهـــب، تريك ومشه صعدت للغرفة لگيت منه مكالمة ورسايل فتحتهن مبتسمه
-هذا عطرج بياخة قميصي؟
وهـــب يگلي غسلوهن بتايب والتايت مالتنه عطره قوي.
ضحكت كتبتله عطري
-يخبل
-سيد عوف التلفون وانتبهه للطريق فـــدوه
-صار.
صليت ورجعت نمت وماريا ورنه اثنينهن يسألن شقار سولفتلهن ماريا كالت
-غير تصوريلي اشوف
-شصور ولج انه ردت اتخربط.
كضتها رنـــه چم يوم ناصبه عليَّ وراها قلت مراسلتي وياه التهيت ادرس ورنه هم شدت حيلها مستغله الوكت دام بريا بعده ما نازل، والعصريات من اروحن ادرس يمها نخابر ماريا تجي يمنه وره ما نكضي دراسه نكعد ساعة نسولف گالت ريـــمه
ريـــمه:: صدك كضيتن دراسه لو تجذب علينا.
رنـــه:: والله صدك.
ماريا:: بس هسه لو سألتيهن على شي ما يجاوبن لان نسن.
كامتلها رنـــه تريد تكتلها وهي تركض وتختل وره ريـــمه وكفت رنـــه متخوصره وتغمزلها
رنـــه:: تختلين وره ظهر اخت الحبيب
ماريا:: فتحت عيني حييل خازرتها وريمه دارت وجها الي مبتسمه اشرت الرنه سهله الزمج، رجعنا كعدنا نسولف وبدور تسأل على هاجر كالتلها ريـــمه
-الحمدلله زينه ملتهيه بالرسم ســليم تارسلها الغرفة لوحات ويا لوحة ترسمها يعلگها .
ضحكت بــدور تباوع بوجهي گالت
-اي زين ســليم اي شي يريده يگدر يوصفه الهاجر وهيه ترسمه.
وضربت ايدها بأيد رنـــه يضحكن واني باقيه بس اسويلهن بأيدي سهله الزمجن التفتت ريـــمه تباوعلي مدت ايدها الخدي
-ان شاءالله يگابلها طول العمر ما يحتاج يشوفها بلوحة.
كحيت مختنكه وكمت من يمهن وجهي احسه نار صحت على حور
-يله تعالي خلي نروح
شمس:: لاا بعد وكت.
-لا لا مافي وانتِ شمس روحـــي ادرسي
ريـــمه:: خاف ضجتي ماريا اتشاقه وياج.
-لا والله ما ضجت بس مــاسه كالت لا تتأخرن.
رفعت حاجبها مبتسمه
-يعني نرد نخطب من مــيثم ترضين.
درت وجهي منها الحور متوتره
-حوررر يله.
احت تركض بس خلت ايدها بأيدي جريتها وطلعت شارده صار بوجهي هوه هم طالع من بيتهم وكفت متصنمه وحور جرت ايدها من ايدي وركضتله دنكت شالها يبوسها وعينه عليَّّ دنگت اعصر بأصابعي منحرجة وريمه واكفه يم الباب صاحت عليه
-تسأل عليك ام عيون حلوه.
شلت راسي بصدمة اباوعله عله شاربه مبتسم رجعت ريـــمه گالتله
-حور حور التسأل.
ســليم:: ههههه اي فـــدوه اروحلها هيه وعيونها اليردن الروح.
وباس حور من خدها حيل شلت ايدي امسح خدي ضحك بكل صوته ارتبكت وبقيت ما اعرف شسوي صحت على حور بنتر
-تعااالي يله، بابا راح يبقى يحجي.
نزلها ساكت اجتني تركض لزمتها من ايدها ومشينا سوا راساً حجيت الماسه باوعت بوجهي تسأل
-جا شبيج تردين تبجين؟
-مو انحررجت
مسحت عيوني وهي تباوعلي رافعه حاجبها
مــاسه:: اكص ايدي منااه، مناه اكصها اذا هاي دموعج لان انحرجتي تحبينه ووولج؟
درت وجهي اريد الزم دموعي ماكو ومدري على شنو ابجي اصلاً هزيت راسي لا گالت
-ترى ســليم صدك عنده سوادين بس حباب وشهم.
-ما احبه مــاسه كتلج انحرجت وهاي هيه.
-يله ماصار شي هوه المفروض ينحرج مو انتِ گومي.
گمت غسلت وجهي ورحت للغرفة راسلت بريا اسولف وياه واسئل شوكت يجي گال
-ما انزل هالشهر راح انطي اجازتي الصاحبي ومحتار شلون اگول الرنه وهيه تحسب يوم يوم.
-ليش تنطي اجازتك
-الولد عنده ظروف ومحتاجها اضل اداوم بمچانه .
سكتت ضايجه اقلها من يجي اني من يمي تتغير نفسيتي، كمت اساعد مــاسه بالعشا والغروب اجت يمنه رغد كالت
-مــاسه ترحين انتِ الاربعينية ميلاد؟
مــاسه:: والله ما ادري امي تكلي لا الطريق طويل وانتِ حامل تتعبين ومن جهه افكر عيب من ريـــمه .
-روحوا بسيارتكم مــيثم زين بالطريق
مــاسه:: الله كريم خل اشوفه هوه منو ومنو يروح؟
-بيت كهلان واحنا وصيهد وسليم وهاجر واذا انتم ترحون.
-كلمن سيارته.
-اي ســليم ما يرضى يأجر كوستر خاف خالاته يمشن ويانه مغثوث منهن لان يعاركن ريـــمه.
-اي والله زين يسوي احسن
ماريا:: شويه وراحت رغد، وبالليل من اجه مــيثم مــاسه سولفتله گالها
-والله انا ماعندي شي اروح بس علمودج.
-هم استحي من ريـــمه مو مال ما نروح وياها.
-هاي هيه سهله.
باوعلي مبتسم
-ترحين غير؟
رفعت اكتافي ما ادري كالتله مــاسه
-اي تروح ليش لا؟
هز راسه خوش حسيته ما قابل يمكن مايريدني اتواجهه وي ســليم اباوع لوجهه واوعد نفسي ما اسوي شي يزعله من عندي وابد ما اباوع السليم بعد.
وحتى مــاسه ابد ما فتحت موضوعه وياي راسلتني رنـــه تسأل على بريا بشك كالت
-هم حاجي وياج بيه شي ضايج؟
-لا ليش؟
-ما ادري حسيته ضايج.
-ما ادري والله.
-يله خوش ترحين ويانه للأربعين؟
-اي
-خوش.
ختمت المحادثة وياها بعد ما وصلت يم ريـــمه، الحد يوم الاربعين راحت مــاسه ساعدتهن واني بقيت بالبيت ما قبلت اروح وياها طلعنه الفجر بقوا بالقرية بس جــويريه وندى ووهب وصلنه المقبره لگينه اخوات ميلاد وبنات اخواتهاواصلات قبلنه وبدل ما يبجن عليها ويترحملها تعاركن ويانه وخلصنها مشاكل ويغلطن على ريـــمه لان بس دموعها ينزلن ما تصرخ يكللها
-لو ما انتِ الموتيها جا اجيتي تصرخين.
وريمه ساكته ما تجاوبهن وسلطان حط ايده على حلگه يسكت رغد لان بقت تفتر بحرگه تريد بس توصلهن، التفتت ادور لمحت رنـــه وكهلان يم قبور اهلهم وريمه مسحت دموعها ولحكتهم كابلت رنـــه وكعدن بين القبور يبجن، اباوع بوجوه الكل كل واحد بيهم متأثر على شخص صــيهد غسل قبور جداده وقرالهم الفاتحة ومشه كعد يم كهلان مقابيل قبر عمو شامل.
شكد حاولت ما اباوعله ما گدرت صدفة صارت عيني بعينه بقى كاعد مقابيل قبر امه وصافن بأسمها، جرتني مــاسه من ايدي مشينا يم ريـــمه ورنه، قرينا الفاتحة الهم والتفتنا على صياح خالات ريـــمه يغلطن ويسبن
-انتم ما جايين علمود ميلاد جايين الاهاليتكم.
سلطان وميثم ما يردون مشاكل ماقبلوا احد يرد عليهن كالوا يله كافي، صعدنا بالسيارات اخذونا للأمام علي زرنا ورجعنا مــاسه هلكت من الطريق وعضت اصابعها ندم تعبـــت حيل وميثم خاف عليها بس وصلت تمددت خفنا ولثاني يوم العصر يله صارت زينه،رجعت تداوم ومن تشوف شلون جــويريه ما بقى شي الولادتها ومجبوره تداوم تتخبل تخاف لا هم يصير بيها هيج.
خابرتني رنـــه تغلط على بريا وتحجي بحرگه
-شهرين ما ينزل شهرين
-رنـــه يگول صديقي عنده ظروف ولازم اداوم بمكانه.
-تدافعيله حضرة جنابج؟
-لا.
سدت التلفون بوجهي ضحكت ماعليها عتب سادس، العصر اخذنه حور ورحنه البيت عمه ايمان، لگينه صيهذ ووهب موجودين وجويريه محترك گلبها وهم يضحكون سلمنه عليهم وهي تحلف
-والله ما اسمي اسينات
صــيهد :: چا شنسميها؟
جــويريه:: ليال.
-تحلمين شني ليال؟
ايمان::: يخبل جا شبيه.
بعدهم يتعاركون على الاسم كامت للحمام والنوب طلعت وكفت يمنه بالمطبخ. موجوعة كالتلها مــاسه
-طولت شوكت تجيبين وتفتكين.
-والله ما ادري ميته من الوجع من رحت للدكتورة گتلها حوليني عملية بس خلصيني ما قبلت كالت تكدرين للطبيعي حرامات ترجعين تفتحين بطنج.
حجتها وما تحملت الوجع كعدت على حيلها تلوب كالتلها ندى
-ولج خاف ولاده.
-لا لا ااخ يمه كل ما يصير هالوجع واروح ترجعني .
باوعتلها موجوعة من يمي روحها طلعت وما تحملت اكثر صرخت بوجهه وصيهد ركض للسيارة متخرذل والبنات سلمت غراضها ويلبسنها عبايتها تخبلت بالصريخ وماسه كعدت على حيلها تبجي وايدها على بطنها خبلتنه وعمه ايمان تريدها تروح وياها عود ما گدرت راحت وياها رغد، ساعة وگالت
مــاسه:: ماريا بله خابري رغد.
اتصلت عليها طولت يله جاوبتني
-الو.
-ها رغد بشري.
رغد:: وخرت على صفحة احاجيهن
-بعدها والله
-طمنينا عود
-ان شاءالله.
سديت التلفون منهن وطلعت الصيهد ضل متاني بره هن گتله بعدها ومن العصر لثمانية بالليل حطوا الطفلة بأيدنا وجويريه تعبانه امي ماتت من ألخوف عليها، خليتها بحضنها وطلعت الصيهد طمنته نتر
-خابريني لا كلساع تجين
-ما عندي رصي
-شلونها جوري.
-الحمدلله... شنسمي البنيه.
-ليال.
هزيت راسي خوش ورجعت يمه يابه شكد بچت تبوسها وتبجي وجها اصفر
ايمان:: كافي يمه عليمن تبجين جوري.
-خبلتني الدكتورة خبلتني كل شوي وصاحت مووتي الطفلة جلطتني من الخوف.
مسحت وجها محترك گلبها ل١٢ طلعونه من المستشفى تلگاها صــيهد وهي بس عاينت بوجهه بجت كضها من ايدها ساندها ويحاجيها
-ها يابه هاه شبيج جوري شبيج؟
وهي بس دموعها يجرن، صعدنه بالسيارة كل باله يمها ولا عاين البنته ولا سأل عنها تخرذل من شاف جوري تبجي رد سألها شكو كالتله
-ماكو شي عبالي بنتي تموت.
سكت لمن وصلنه الاهلنه، البنات فارشاتلها بغرفة امي تمددت بفراشها رايحه روحها واحنا ملتمين عليها درّت الصيهد احاجيه
-هاك .
عاين بوجها ابتسم حطيتها بين أديه
صــيهد:: ليال بويه.
وجويريه بنص وجعها كالتله
-ابو اسينات.
دار وجها إلها يضحك
-ليال ليله شني الانتِ تردينه نسمي .
سوتله بوسه گدامنه خلته ما يندل دربه حط الطفله بأيد بــدور وطلع شارد كالت ماريا.
-يخبل اسم ليال.
ايمان:: اليوم ياهي الضاله يمنه
ماريا:: ضحكت خجلانه وماسه كالتلها
-هسه راح نروح.
وصدك نص ساعة ضلينه بس تطمنه على جــويريه ومشينا البيتنا گبل نمت، وكعدتني مــاسه الصبح گالت
-رايحين للدوام ديربالج على حور عفيه
هزيت راسي خوش ورجعت نمت.
لحد ما كعدتني حور خلصنه الوقت سوا خمسة ايام عدن وره ولادة جــويريه واجه مــيثم يباوعلي بشك وماسه مستغربه الوره العشا كاعدين نشرب چاي گال
-ماريا
شلت راسي اباوع بوجهه سأل عاگد حاجبه
-انتِ رايده ســليم؟
بلعت ريك متوتره باوعت بوجهه ودرت عيوني الماسه ساكته رجعت باوعت الميثم هزيت راسي لا
-خوش
مــاسه:: ليش شصاير؟
-ماكو شي.
-شلون ماكو شي ليش سألت جا؟
-ماكو شي يابه الولد حاجوني وگتلهم لا اختي ما تقبل فضت راحت.
باوعتلي مــاسه ساكته، شويه وطلع لزمتني مــاسه تحجي
-ليش گلتي لاا.
-شگول؟
-لو مغلسه ما مجاوبه.
سكتت گمت من يمها للغرفة الموضوع خانگني ما اريده ومن اتخيل نفسي اشوفه مرتبط او اني ارتبط بغيره اختنك
غفيت بينّ أفكآري وحتى من رايحين للدوام ما ادري بيهم .
كعدت تريكنا اني وحور نظفت وباوعت للساعة بالتسعة ونص
-حور نروح يم جــويريه؟
-اااي.
صفگت متحمسه هستوني بدلت وبدلتلها دك تلفوني كعدت على حيلي وجاوبتها تحجي وياي بزعل
-شبيج ريـــمه؟
-انتِ شبيج شني زعلانه من عدنا لا تجين لا توصلين رنـــه تودي عليج ما ترضين شبيج احد مضوجج من عدنا كليلي؟
-لا والله
-لا وعلي زعلانه
-والله لا ريـــمه مازعلانه.
-جا شبيج ما تجين يمنه
سكتت محتاره گتلها
-اصلاً مبدلين نريد نجيج.
-تعاي هلا بيج.
سديت التلفون وحور حاطه ايدها على حلگها تگلي
-جذب!!
-لا مو جذب هاي انجبرت اجذب حتى لا تزعل ريـــمه.
هزت راسها خوش، اخذتها ورحت الريمه حور تضوج من ما تلكه شمس گالت ريـــمه
-كون مسجلينها روضه وياها.
-لا همزين ما سجلوها حتى لا ابقى وحدي.
ضحكت گمت افتر وياها واسولف وحور بقت تلعب وي علي سألتها على هاجر خابرتها گالتلها
-ماريا هناه تعاي يمنه.
هاجر:: عندي لوحه اكملها واجي.
-يله خوش.
سدت التلفون من هاجر گتلها
-دزيلي رقمها وياج
هزت راسها خوش وكفت يمخا بالمطبخ نحجي بجويريه وبنتها گالت
-غير تخبل امس رحت شفتها كتلها محجوزه العلاوي وصيهد من يمه يصيح لا بويه ماعندي بنات للزواج.
-هههههه
احجي وياها وسمعت صوت ســليم بباب الحوش فتحت عيوني مصدومة وهي هم فزت. بساع گالت.
ضلي هناه هسه اجي.
طلعت تحجي وياه، وكفت يم الشباج عاينتله اعصاب وگوه يحجي گالها
-ماريا هناه؟
-لا بس حور.
دار وجهه منها يستغفر ورد گالها.
-بس هل احاجيها.
ريـــمه:: فـــدوه ســليم لا تفشلني وياهم انه وديت عليها.
-بسسس احاجيها ليش تخليني اروحن البيتهم.؟
فزيت من صوته وركضت بسرعة الغرفة رنـــه مرتبكه وخايفه وكل اللي ببالي مــيثم رجعت ليوره مرتبكه اكثر من سمعت صوته بالهول وريمه تتوسل بيه يروح محترك گلبه ويحجي بعصبية
-لج بس احاچيهااا شجاي اسويلهاا.
-ووولك اتفشل گدامهم هسه يگولون تودي عليها علمود اخوهاا.
-مارياااا
حطيت ايدي على گـــلبي مستنده على الحايط وعيوني لباب الغرفة نزلت عيني للمقبض لمحت المفتاح موجود ركضت اريد اقفله توني اوصل وفتح باب الغرفة شهگت فازه رجعت ليوره وهو يباوعلي بخزر وريمه تجر بيه وتحلفه يطلع تريد تلطم دفع ايدها شايطه روحه
-بس احاچيهااا.
-ووولك لا تسودني تعال غاد حاجيها بالحوش سلييم.
التفت عليها هز راسه ودفعها من ايدها گدامه
-خوش امشي.
مشت گدامه وهو كاض الباب وخطى وراها خطوة بس عبرت باب الغرفة رد بساع سد الباب وقفله علينه وريمه دگته متسودنه
-وووولك ســليم والله اموتنك سليمم.
ما اهتم دار وجهه عليَّ خازرني واني بس فاتحة عيني بصدمة وخوف رجعت ليوره شال ايده ينتر
-ليشش ما ترديني؟؟؟
مسحت وجهي بظهر ايدي اجر نفس
-اطلع بره.
اجه علي بسرعة شردت لبعيد وكف وهو شال ايده يأشر باصبعة متحلف
-بكيفج انتِ ؟ شني تگليلهم ما اريدددنه.
-اطلع بررره.
ريـــمه:: سليم ووولك ســليم والله اخلي سلطان يمووتك.
وولا چنه يسمعها فلست الباب گد ما دگت عليه وصاحت بحرگه
-ما تنجبر بكيفها البنيه بكيفهااا لا تگلها مو بكيفج.
هي تحجي وهو عينه بعيني غمض. ودار يمسح وجهه بأثنين اديه رجع باوعلي يحاول يحجي بهدوء
ســليم:: انا عاشگج ورايدج على سنة الله ورسوله وعادي مو اله هسه اخوانج ما يرضون يزوجونج الا يصير عمرج عشرين انا اتاني سنتين وتلاثة وعسى ما خمس سنين بس لا تگليلهم ما اريدنه، ماريا لا تحركين روحـــي .
اباوع بوجهه گـــلبي يريد يطلع من مكانه وريمه بعدهه تدك على الباب بحرگه متخبله منتظرني ارد عليه وانه كل تركيزي وياه اي خطوه يتقدمها ابتعد وشايله ايديي اثنينهن باوع الوكفتي وايديي ورجع باوع بوجهي زفر نفس متحسر.
ســليم:: رايدج ماري.
مسحت دموعي اهز راسي لا سكت شويه وگال
-ليش؟
-ما اريد مــيثم ما يقبل.
احجي وامسح بدموعي واباوه بوجهه ابتسم
-المهم انتِ ترضين عوفج من مــيثم انا اقنعه بعدين المهم انتِ راضيه هاي هيه؟
ومن بين دموعي هم هزيت راسي لا صاح
-والله اخذج ولو انا لو انموت اثنينا بلا زواج.
-لاا تهدد محد يجبرني اني.
ريـــمه:: ســليم گـــلبي اووجعني ســليم.
مسح وجهه ودار فتحلها الباب ضربته على صدره تحها احمر من الحرگه صاحت بوجهه
-تخبلت انتَ.
ســليم:: أقنعيها ترضى احجيلها على أخلاقي.
عافته واجت يمي ترجف اكثر من عنديّ كالتله
-روووح
-رايح بس والله يا ماري وداعت عيــونج اليخلني ما اندل دربي اخذج .
دار وجهه وطلع وريمه تتعذر محترك گلبها وخابرت اخوها سلطان تريد تشكيله ســليم جريت التلفون سديته
-لا تكولين لا النوب يضربه.
-خليه حتى ما يعيدها هبطني.
غسلت وجهي الموقف گدام عيني وكلبي بعده يدك حييل كعدت يم ريـــمه اثنينا ساكتين اخذتلها شويه وگالت.
-لا تضوجين ماريا.
هزيت راسي لا
-ما اضوج منج قابل شعليج انتِ.
ريـــمه::معليج منه انه لگيتله بنيه حبابه وحلوه بس تطلع سنوية امي نخطبله ويكف عنج.
درت عليها فازه وگلبي وجعني
-يا بنيه؟
-من بيت سيد عباس.
-احمم منو نرجس لو فاطمة.
-فاطمة.
درت وجهي أيدي رجفت واريد الزم دموعي ما گدرت غطيت وجهي بأثنين ايديي اشهك
-يااا ماريا ياا ولج شبيج جذب والله جذب ما اخطب بطلت وولج وعلي عبالي صدك ما تردينه
جرت ايديي مت وجهي دايسه بگلبي جرتني الصدرها تحضني وتحلف
-بطلت والله بطلت ما اخطبله عبالي صدك ما تردينه.
شهگت ابجي بحرگه
-اخاااف... اخاف اني اني كلش اخاف من مــيثم يزعل.
ريـــمه:: وخرتها من صدري لامه وجها بين ايديي مردت عيونها بالبجي وتشهك بخوف
-ليش يزعل؟ ترى لو درى بيج انتِ هم رايده ســليم يفرح خو هو اخذ مــاسه على حب ويعرف شكد صعبه الانسان يتزوج غير الشخص اللي يحبه ومستحيل يقبل يعذب اخته.
هزت راسها تبجي مسحت دموعها
-هاي هيه اسكتي سدي الموضوع وبعد ما نحجي بيه.
هزت راسها خوش شويه ضلت يمي اخذت حور وراحت بس طلعت مشيت البيت اهلي ريد اتعارك وي ســليم لگيته يدگدك لوحات هاجر.
-ليش هيج ســليم مخبل انتَ.
-اي واذا ما انطونياها اخطفها
-انهجم بيتك يخطفها حفيد شعلان يخطفها شبيييك.
-شو تصيحين ولا چني اكبر منج.
-هيه مو بالكبر انه جاي اكلك غلط تصرفك.
-جا ادري بيه.
يحرك بگلبي وهاجر تضحك من جوه ليجوه. مديت ايدي اهدد
-الخايسه هاي سوالفج انتِ گتيله ماريا هنا.
هزت راسها اي تضحك
-اكضج.
-يريدها شبيكم يخلص الليل يبجي عليها.
دارها ســليم يغلط وهي تضحك
ســليم:: انا باچي وولج؟
طكيته متحلفه بيه
-لا تعيدها ســليم ولا توصل للبنيه خليها وراي احنا نسوان اذا اتفقنا نگدر نقنع الزلم.
-راسه يابه هذا مــيثم وعلي حدي وياه الشهر اذا ما رضى الا احرك سيارته
-فنك اذا نا خليت سلطان يكسر ظهرك.
طكاني على ايدي يضحك وطلع من مرتضى صاحله علمود الگيعان عافنه ومشه، وديت للبيت محتاره شويه واجوا الجهال من المدرسة حسين يريد يبجي چيه سادس وشموسه من تجي من الروضه تگلب البيت بالضحك والسوالف متحمسه، كالت
-اليوم اروح عمو؟
-اي
صفگت متحمسه حفظت الايام اليجيهن بيها مازن، شويه واجت رنـــه مالها خلك ووجها ما يكصه السيف ومناه زعلانه وي بريا شلون كالها شهرين يله انزل
-خيبه خليه احسن حتى تدرسين.
رنـــه:: اي هم فكرت هيج كلت يجوز من صالحي حتى ادرس زين وما التهي وياه.
حسين:: باجر عندي امتحان رياضيات رنـــه.
-تروح الصيهد؟
-يابه حسره ما افهملي شي يكض الخيزرانه.
يحجيها ويضحك ما رضوا نتغده لمن اجه كهلان من الكليه صبينا وكعدنا سوا يسأل على دروسهم واحد واحد ويكيف من يشوفهم وره الغده كلهم فارشين كتبهم وكاعدين بالهول.
للعصر اخذت تلفوني وطلعت خابرت مــاسه وسولفتلها كلشي
-ماريا هم رايده ســليم بس تخاف لا مــيثم يزعل منها.
-خيه والله شكد حجيت گتلها اذا رايدته كليلي حتى احجي ويلكت اقنع مــيثم ما ترضى.
-اي تخاف والله مــاسه حاجيه حاولي والولد هم يرجعون يحاجونه بلكن يقبل ســليم قافل وهي جذابه وعلي تريده.
-احاجيه اليوم والله جا بعد احسن يمنا.
-الله كريم اكلج راح ترحن للسوك.
-اي خيه وي امي نجهز لبدور ما ضل شي.
الله يسهل.
ختمت المكالمة وياها وگمت كلت الكهلان گال
-ذاك اليوم حاجيناه خل تعدي مده ونرد نحاجيه.
-خوش.
مد ايده يكرص خشمي واجه علاوي يبجي ويشتكي من شموسه گاله
-ميخالف بويه انتَ رجال تنطك عادي.
ويضحك عليه حتى لا يضل يبجي وشمس من هيه العايله تختل تروح يم زهره بالغرفه لو تضل تدلع على خالها وتجيبله ماي وتعصر رجليَّه. يموت من الضحك عليها. الغروب اجه عليها مازن ومثل كل مره ياخذها يوم الخميس بالليل ويرجعها الجمعة العصر وبعدها رنـــه تكض الباب من شمس تروح يضل بالها يمها مناه لمن ترجع.
عده اسبوع وخابرت مــاسه اسأل كالت
-حاجيته يگلي حتى لو هيه رايدته هم انا ما ارضى وما انسى من گال اكضي وياها وكت.
-الله اكبر هسه اعتذر وگال غلطت وحجيت هيج حتى لا يحاجون البنيه شسالفة الانسان ما يغلط؟
-ريـــمه والله حجيت الحد ما تعبـــت ما فاد وهم اركع احاجيه والله.
-ان شاءالله خير.
سديت التلفون منها باوعت الرنه الضحكه تارسه وجها
-ها ولج؟
رنـــه:: عاينت بوجها مبتسمه
-بريا بالليل يوصل خله ولد بمچانه.
ضحكت تهز بأيدها، رحت البيتي نظفت ورتبتوكهلان راح تسوكلي طبخت العشه وانتظرته للساعة بهدعش يله وصل، وكفت بباب الهول واباوع للحوش، انفتح الباب دخل مبتسم بهدومه العسكريه والجنطة بجتفه ووهب يصيح عليه
-اركض اركض الخايس.
سد الباب بوجهه يضحك مشيتله بساع شبگني شايلني من الگاع
-يابعد روحـــي
-اشتاقيتلك
نزلني يبوسني ويحلف
-مو گدي وعلي مو گدي
طبينه للبيت بين ما سبح صبيت العشا كعدنا اكلنه سوا گال
-ردت بس ارهمها واجي خبلتيني.
-ترا ما بقى شي ويصيرن شهرين تريد تغشني شنو،
ضحك ضل يمي ساعة ومشه يسلم على بيت اخوه، ورجع اول يوم سكتت ما جبت طاري ماريا وسليم ثاني يوم بالليل گتله
-حرام عليكم.
زفر نفس ساكت مديت ايدي امسح على خده
-حبيبي
-والله رنـــه انا ماعندي شي ومقتنع بس كلشي يم مــيثم اذا هوه ما راضي انه شبيدي؟
-احجي وياه وحاول تقنعه.
-هيه شني ماريا تشكي يمج؟
-لا وين مسكينه حتى ما تحجي يم احد.
-الله كريم عود.
جرني الحضنه يغير الموضوع، ضميت وجهي بحضنه مبتسمه، ضحكته تترس گـــلبي فرح، يحاول يهتم لدراستي وما يشغلني اضــحك واكله هاي تخاف من كهلان مو حباً بدراستي.
وما طول اسبوع والتحق گال ما اطول اخمسطعش يوم وانزل سكتت مرات اخلص النهار ببيتي وبالليل اروحن يمهم لان كهلان مايرضى ابات وحدي، خليت كل فكري وي الكتب بس ردت اسيطر على المواد جنت اتشجع ببدور تالي بــدور بجت خايفه من الامتحانات گالت
-مليت وتعبت واحس ما انجح.
-انجبي ننجح
بــدور:: مسحت وجهي ضايجة امي والبنات ملتهيات يشترن غراض للعرس وانه حتى نالي واهس اشوفهن، وزين من باليوم احجي وياه عشر دقايق كل ما يحاجيني اكله عندي دراسه وصدك ولا الحك على شي، عفت الكتب ونزلت جوه مشتاقه الفاطمة وليال ولا جاي اشوفهن.
لگيت اخواني كاعدين وكل واحد بنته بحضنه وابنه بصفه يخبل شكلهم كعدت يم امي گالت
-ها كضيتي دراسه.
-لا تعبـــت .
جــويريه:: قسمي وقتج خليلج استراحة حتى صعفتي.
شال راسه صــيهد عاين بوجهي مبتسم
-لا سباعيه هسه تكضي وتصير سوالف... تعاي
مشيت يمه بساع حط ليالي بأيدي بستها واشم رگبتها ريحتها ترد الروح درت وجهي اله اسأل
-ســليم انطاها فلوس؟
ضحكوا كلهم گال.
-لا ما رضى الخايس
ايمان:: حگه يصرف عليكم شني.
وهـــب:: كض عليهم خوش كضه لو تقنعون ميثم يزوجني اخته لو كلشي ما ادفع.
ضحكت امي تحجي على صيهذ تريده يقنع مــيثم ضلوا شويه يمنه، ومشوا، للگيعان، كاموا واحد يساعد الثاني همه وكهلان صح الگاع كلمن اله بس يتعاونون سوا وحتى لو شغلهم يتعبهم متوسنين يرجعون يضحكون المهم محد يغثهم.
وما يمر يوم ضايجين بيه الا لمن يرحون الابوي للسحن يرجعون مطحونين من القهر وامي تسكت ما تگدر تكلهم بعد لا ترحون
عدن چم يوم كاضينها دراسه وجويريه بس تحسنت شويه رجعت تداوم ناترسد تعيّد سنة، وانه كاضيتها يم رنـــه وبالتواسيل ماريا تجي يمنه وماسه حذرتنا ما نفتح موضوع ســليم يمها بعد وصدك ابد بعطذ ما جبالنه طاري .
من بريا ينزل استحي بعد ما اروحن يم رنـــه گبل لا انعطل گتلها
-باجر بريا يجي؟
-اي بس مالج شغل تعاي هوه العصر يطلع.
-لا خليها من يروح اجي يمج،
غمتني تضحك، وثاني يوم من اجت هم مالها خلك گتلها
-عبالي اليوم تجيني الوجهه مورد غير بريا يمج.
رنـــه:: ولج مالي خلك حتى ماضليت يمه عفته ومشيت الاهلي نمت يم البنات
-خبال.
سكتت من عندي حتى انه مالها خلگي تهفي على ومها بالكتاب محتره، شويه وضلت تكض بأيدي وتكلي
-دايخه
-ييمه رنـــه شبيج،
-راح اطيح كضيني.
چلبت بيها ميته من الخوف عليها كضتها وياي بنيه اخذناها للأداره غسلت وجها واهفي عليها ارجف وجها صار اصفر المديره رادت تخابر على اهلنا وانه ما حافظه غير رقم صــيهد خابرت عليه كالها هسه اجي .
نص ساعة واجوا هوه وكهلان طب متسودن صــيهد ســليم وهوه يكض برنه متخرذل، اخذناها وطلعنه للمستشفى حطولها مغذي وسوولها تحاليل بعدنا منتظرين واجه بريا خايف كالها صــيهد
-عدها هبوط هسه تصير زينه.
وكف يمها وهيه نايمه على سديه مغمضه عيونها والمغذي يمشي بأيدها طب كهلان يحاجي بريا
-متعاركين انتم ؟
بريا:: لا والله
فتحت عيونها رنـــه ومدت ايدها تكض ايد بريا سكت كهلان وگف بصف صــيهد بره بينا وبينهم برده شويه وحاجتهم الدكتورة كالها كهلان
-اي اختي
-مبروك الحمل ويارب يتمملها على خير.
ووي حجايتها داروا صيهذ وكهلان اثنينهم كل واحد كاض البرده مت صفحة خازرين بريا من يمي خفت والدكتوره عافتهم وطبت تحاجي رنـــه. وهمه يردون ياكلونه عبالك مسوي جريمه خلصها يتحمحم ورنه بس فاتحه عيونها كلشي ما تحجي طلعت الدكتورة من يمنه
وهمه متحلفين ببريا بس ما يگدرون يحجون شي، احذناها ومشينه كعدت يمها بالسيارة اشاورها
-ودهم يگطعون بريا.
رنـــه:: تحمحمت اهز راسي اي شعوري غريب ساعة افرح واحط ايدي على بطني ساعة اخاف واحس بمسؤولية انه مو گدها، التفتت ليوره، اعاين لبريا ورانه بسيارة ســليم لمن وصلنه للقريه نزلنه سوه كهلان كاضني من ايدي وبريا يگله
-مرتي يمعود شني السالفة.
-امشي وولي امشي
ضحك فرحان ويگله
-ميخالف مقبولة منك خال الجهال.
طبينه للبيت تلكتني ريـــمه تركض وخايفه عاينت بوجها اضــحك
-انه حامل.
-هاه؟
ضحكت تبوسني
-عود صدك
-والله.
-صلوات على محمد.
طبينه جوه كهلان ضايج وريمه حست بيه كعدت بالهول كالتله
-شبيك.
-هيه سنة ثانية وهسه هم تتخربط شلون؟ وامتحاناتها ماضللهن شي .
-صلي على محمد ما عليها شي هيه سباعيه ودارسه زين وهسه هم تشد حيلها تمتحن وتخلص
عاينلي ضايج مسح وجهه وفتح ايده
-تعاي
تدنيت يمه شبگني يبوس راشي
-الله يتمملج على خير
-فـــدوه اروحلك لا تخاف والله ولا اهمل الدراسة.
ابتسم ومد ايده يحضن خدي خفت اروحن للبيت ضليت الوره الغده بس شفته طب الغرفته ركضت شارده البيتي طبيت اضــحك لكيت بريا بالغرفه شمر تلفونه ووكف فاتح ايده شبگني شايلني من الگاع ضام وجهه برگبتي
-روحـــي انتِ گـــلبي .
-هههههه نزلني بريا نزلني ابني لا يخاف
نزلني يضحك مد ايده على بطني
-الله يجعله من الذرية الصالحه ويفرح گـــلبي وگلبج.
-امين.
رد شبگني متأثر اكثر من عندي ما مصدك بالليل من كتله
-شبيك بريا چن صارلنه عشر سنين متزوجين وهيج فرحان بالطفل.
ضحك يمسح على بطني
-هوه انا الهسه ما مصدك تزوجتج بعدني توني بديت اقتنع رنه المشنوقة وبعد كل هذيج عركاتنا وكل هذاك الكتل والعذاب صارت مرتي والنوب هسه حامل فـــدوه اروحلك ربي يا مكثر نعمتك عليَّ.
اعاين بوجهه اضــحك جرني من ايدي الصدره
-اذا ولد شتردين شنسميه واذا بنيه شني تردين اسمها؟
تلاشت ضحكتي ساكته واعاين للسگف مشه ايده على زندي
-هاه رنـــه؟
-اذا ولد عبود واذا بنيه عــفراء.
-هاي هيه متفقين
-انتَ شنو تتمنى؟
-شيجي هلا بيه اثنينهم نعمه بس كون بنيه حتى نسبق كهلان ونسميها عــفراء لان هوه هم يريد تصير عنده بنيه ويسميها.
-يدري بيه اذا صارت عندي بنيه اسميها عــفراء وولا رضى يتنازل كال لو تسمين عشرة انا اسمي الهدعش.
-ههههه كلش قافل.
-اي والله، عادي خلي يسميها ندلعهن حتى لو اثنينهن نفس الاسم.
-اي عادي لا احنا بدون دلع خل همه يدورون البتهم دلع.
ابتسمت ساكته وبس غفيت حلمت بيهم چن بدوانية اهلي كاعدين كلهم امي وابوي وعفراء وعبود يعاينولي ويضحكون فرحانين ،. فزيت اشهك فز بريا وياي كعدت على حيلي ابجي ابجي بحرگه شوفتهم ما چن حبم چن صدك كاعدين كدام عيوني مشيت الدوانيه اهلي ابجي واعاين لمچاناتهم اجاني كهلان جلبت بأيده احاجيه ودموعي تجري ضمني بحضنه
-اشش كافي مو زين عليج رنـــه .
كومتني ريـــمه غسلت وجهي وطبيت بالغرفه يم زهره وشمس ضلت كاعده يمي الحد ما غفيت، وره يومين بريا اخذنا للدكتوره انه وماسه لان هواي ادوخ وصدمتنا من گالت حامل بتؤام، كزبر جلدي وخفت بعدني بالعيادة وماسه تطمن بيه وتسكتني، عفتها يم الدكتوره وطلعت كعدت على الكراسي خابرت ريـــمه خايفه
-ولج ريـــمه.
-يمه شصار
-ولج يگلولي حامل بتؤام.
سكتت وانه گـــلبي يدك حييل وبريا كلساع يتصل بعده واكف بره كالت
-خير وبركه لا تخافين رنـــه
-خااايفه شلون ما اخاف.
-شسالفة ولج لا تخافين انه يمج.
سديت التلفون منها رديت على بريا مختنكه بس كالي الو بجيت
-هاه رنـــه هاه عيوني لسش تبجين رنـــه شبيج حاجيني يبس دمي.
-حامل انه
-اي جا غير ندري.
-حامل بتوم.
-هاه؟
-توم.. توم.
-الحمدلله ليش تبجين جا
-اخاااف.
-تعاي اطلعي احاجيج.
ووي حجايته صاحتلي مــاسه سديت التلفون منه وطبيت يم الدكتوره كتبتلي علاج وطمنتني لان حست بيه شكد خايفه
-دكتوره انتِ حبابه عادي اضل دوم يمج اراجع وولادتي تجين انتِ.
-ان شاءالله ماما ان شاءالله.
طلعنه سوه امسح بوجهي وماسه تضحك وتشجع بيه درت عليها اسأل
-شگالتلج بنيه لو ولد
-ولد
لگينه بريا متانينه يم السيارة باوعتبه اضحك والدمعه بطرف رمشي احتار وياي مايدري شيسوي گال
-الحمدلله والشكر، الحمدلله
مــاسه:: والله احلى شي التؤام شبيج ضايجة.
-مو ضايجة بس اخاف.
-الله يسهل لا تشيلين هم.
وصلنه للبيت وعكس خبر حملي هالمره كهلان فرح من عرف حامل بتؤام كتله
-اذا اثنينه بنات عــفراء وشجن واذا ولد عبود وابا الفضل، واذا ولد وبنيه عــفراء وعبود.
ضحك
كهلان:: يجوز ولد وبنيه
-عــفراء وعبود.
-والله لو تسمين عشر بنات بأسم عــفراء انا اسمي الهدعش
ريـــمه:: اي سمي شعليك بيها كلمن بنته بحضنه.
ضحك جرني من ايدي يبوسني ويتباركلي.
بريا گبل لا يلتحق تسوك وجابه البيت كهلان يوصي ريـــمه علي التحق وباله يمي كعدنه بفترة المراجعه ندرس انه وبدور ومرات العصريات ماريا تجيب عصير لو كيكه وتجي يمنه تشجعنه وتروح عاينت الريمه اسأل
-شصار على موضوعها هيه وسليم
-خليناه سكته الولد گالوا مــيثم بيه مجال بس ما نحجي بيها مناه لمن يصير عمرها عشرين سنة
-وسليم سكت.
-اي كضيناه وحطينه ايده على القران حلفناه ما يوصل ولا يحاجيها ولا يفتح الموضوع مناه لمن مــيثم يقتنع ونخطبها
-اي احسن
بــدور:: اكلج هاجر شلونها ولا شايفتها صارلي مده
-زينه كاضيتها ريم النوب رسمها يوجع گـــلبي تارسه غرفتها لوحات السجاد.
-ان شاءالله يجي يوم ويكحل عيــونج بشوفته.
رنـــه:: ان شاءالله يارب.
بــدور:: تحسرت ريـــمه مقهوره كامت من يمنه، وانه گبل العشه رديت الاهلي وهـــب وصيهد اثنينهم شايلين همي وجعفر كل يوم يوديلي رسالة يشجعني ونحجي مكالمة بس بيوم الجمعة نص ساعة ويروح
اصعب حتى من ايام الامتحانات فترة المراجعة كضه حيلي بيها ومن صــيهد درسنه رياضيات رادوا يتمالخون هوه ورنه هيه لان حامل روحها بخشمها وهوه ما يتحمل يشرح وواحد ما يفهمه حلفت بعد ما تدرس يمه ضلينه انه وياها على اليوتيوب وعلى الملازم ندرس ووحده تفهم الثانية، ومرات ندرس حسين ويانه خطيه هم شخط من وره السادس النوب يعاين الرنه يگلها
-الله يساعدج عمي انا ابتدائي وردت اموت هاي شلون من اوصل للعلمي
رنـــه:: ادرس ادرس هاك حل هذن.
اخذ دفتره وطلع وزهره ضايجه مرات تكول كون ما ينجح ومرات تكله لا لا ان شاءالله تنجح، ما تريد تضل وحدها بالابتدائية گتلها
-غير رضا وياج.
هزت راسها اي تضحك، امتحن حسين گبلنه وضل يضحك علينه، بعد من بديتا امتحانات گنت ابات يم رنـــه وبريا من نزل ولا وصلته ولا راحت يمه وهوه هم خابرها گالها ادرسي كلشي ما اريدن منج، بس الصبح ياخذنه للمدرسة لو هوه لو وهـــب، ومن اصعب السنين الحر يذبح وكهرباء ماكو بالقاعات نضل كوه نجر النفس والتظاهرات والهوسه الدنيا مخبوصه على حظنه
امتحنا كل الكتب صــيهد ضل يحجي ما راضي خاف معدلنه يطلع ناصي گتله
-حتى لو يطلع خمسين انه راضيه ما اريدن اعيد
-خمسين وين اوديج؟ اسرحج بالغنم.
ضحكت وصعدت الغرفتي ودي اشبك حتى حياطينها نمت بتعب ما كعدت الا الساعة بالوحده بالليل لكيت رسايل من اخوات جعفر ومنه ومن رنـــه رديت عليهم كلهم وكتبت الرنه
-اليوم عايفه الكتاب ونايمه بحضن بريا.
بساع شافت الرساله واتصلت تضحك
-وولج يا بريا لحكت اشوفه كضيت امتحانات مناه والتحق مناه،
-يااا
-والله
-يله لا توضجين
-لا ما اضوج خل ارتاح
-تعودت عليج،
-انه هم وعلي توني اعاين لفراشج كلت شمالها ماضلت يمي اليوم.
-ههههه رجعت حتى احجي وي السيد
-امداكم
-ساده نشور
-لج بــدور اموووتج تبيعينهن براسي شجابج على الساده وحدده هتليه انتِ.
ضحكت من كل گـــلبي وهيه تكلي
-وحمس تريد تصير من الساده.
-يله ميخالف جهالي يطلعون ساده.
-ولعباس كل ما تجين اخلي جهالي يكتلونهم.
-لا رنـــه نتفق نخليهم يتصاحبون.
رنه::اخلي جهالج الساده يبوسون ايد جهالي
-هههههههه ولي.
احجي وياها ونرلت للمطبخ كلها نايمه وانه ادور اكل گتلها
-شكاعد تسوين رنـــه؟
-ادور اكل
-انه هم
-لكيتي
-اي هاي عايفيلي طماطه وبتيته راح احميهن.
-مالكيت شي انه.
-شعجب ما مخليلج.
-مخلين اكلتهن كبل ساعتين وهسه جعت.
-ههههههه تعاي يمي
-شيجيبني انه وهذول ببطني خطيه
-شبيج رنـــه ناكل سوه.
-يله اجيت تلكيني.
ركضت فتحت باب الحوش واعاين للساحة شويه واجتني تلفونها بأيدها شبگتها من وصلت يمي اضــحك طبينا كعدنا بالمطبخ صايره جنها عجوز وين ما تكعد تمد رجليها اسولف وياها وأحمي الاكل درت وجهي الها مبتسمه صايره تخبل لان سمنانه
رنـــه:: وره النتائج بساع تزوجين انتِ مو؟
-اي هوه اصلاً هسه يريد يجي نعقد محكمه هسه هاي الايام.
-اي احسن افتكي.
حطيت الصينية وكعدنا ناكل نسولف ونضحك وفززتنا امي من كالت
-فلك صابجن.
-فززتنيا يمه.
-چنچن مسودنات شسون بنص الليل.
رنـــه:: ناكل عمه شمسوين؟
ضحكت وكعدت يمنه باست رنـــه ومدت ايدها على بطنها تسأل
-ما شفتيهم شني؟
-لا عمه بعدني شتتوقعين انتِ.
-انه والله اكولن ولد وبت وبعد الله يعلم.
-ههههه اتمنى والله
ضحكت امي مكيفتلها ضلت كاعده ويانه نسولف ومن رادت رنـــه تمشي راحت وصلتها واجت
غسلت وصعدت للغرفة جعفر مارد رجعت نمت للصبح كعدوني رضا وكرار نزلت جوه غسلت وعاينت الامي
-اسأل الولد وين وجويريه وينها؟
-راحوا يشوفون نتائجهم نگطع گلبهم ماصارت سنة عليهم.
شويه وطبوا يضحكون اثنينهم ناجحين هلهلت امي تتباركلهم وسألت على كهلان
صــيهد:: انا انجح وكهلان يرسب وين لكيتيها هاي طبعاً نجح.
-يا يمه الف الحمدلله والشكر.
كعدت جــويريه يم امي تبوس ليال وتصيح
-امج تخرجت اخيراً.
ندى:: وشوكت يسوولكم حفل تخرج.
جــويريه:: والله لا سألت ولا اريد اسأل ولا اويد احضر
صــيهد:: عفيه هذا الاريده
ضحكت جــويريه كالتله
-نصور وي جهالنه
-مو خوش سالفة.
ركصتله حواجبها وتراويه صور تخرج وي عائلاتهم گالها خوش امي نذرتلهم خروف كالت الصيهد
-روح جيبه النه من المرعى.
-شني من نذر هذا تاخذيةه من عدنا تذبحينه لوتيه انتِ.
-الله اكبر بفليساتنا
انترس بيتنا ضحك مكيفين بتخرجهم عفتهم متونسين وكعدت على الدرج احجي وي جعفر گال
-عگب باجر اجي علمود نكمل التحاليل ونخلص من سالفة العقد شتكولين.
-خابر صــيهد شوفه شيگول
-ها هيه حبيبتي سهله.
-حبيبي.
كتبتها اعاين بالتلفون مبتسمه وهو طرل يله كتب
-روح حبيبج شكد مشتاقلج.
ضحكت بصوت ناسيه اخواني وناسيه كل الگدامي صاح وهـــب
-الغسل الهالضحكه.
صــيهد:: انتِ ما تستحين كاعده بيناتنا وتحاجين السيد، الا اخابره واكله بعد ما الك مره يمنه.
وجر تلفونه من جيبه ورهب يكضه ويصيح
-لاا لااا.
-اليوم اخااابره هددني اكلك.
-لااا ولك لااا.
البنات وامي يضحكن يدرن بيهم يتشاقون بس انه عيوني ما مصدگه هذا صــيهد
عاينلي مبتسم گال
-هيج وترفعين راسي بمعدلج
-والله انه جاوبت
-ان شاءالله خير.
ابتسمت ساكته، اجت مــاسه يمنه گوه تمشي من بطنها تتعارك وي صــيهد وجويريه شلون عافوها وحدها بالكليه
صــيهد:: جا شني نرسب علمودج؟ غير رجلج وياج.
مــاسه:: انه مو عليك على مرتك عافتني وحدي.
جــويريه:: اسكتي ما مصدكه تخرجت اريد اشبع من جهالي.
صــيهد:: ومني.
عايتتله تغمز وامي تهز بأيدها
-هذول استهتروا فد نوب.
ضحك صــيهد يبوس بيها وانه كلساع افرك عيوني ما مصدگه هلگد ضحك وتشاقه ويانه، راسلت رنـــه كتبتلها
-مبروك نجاح اخوج.
رنـــه:: فتحت رسالتها اضــحك جاوبتها وعاينت الكهلان حاط شموسه على رگبته وريمه تصفگلها وشمس تصيح
-احلى خريج.. خالو احلى خريج خااالو.
نزلها من رگبته الحضنه يبوسها
-يابعد روح خالج شمسي وروحي وضي عيوني انتِ.
شبگته تبوسه وتضحك نزلها من خابره شيخ حيدر يتباركله بتخرجة افتريت وراه اريد اسمع شيحاجيه مل من عندي وكف وفتح السماعة حتى لا اضل افتر
شيخ حيدر:: انتَ طيب وتستاهل كل خير
كهلان:: الله يخليك ويحفظك
-على يوم الاحد تجيني نروح انا وياك على رسن تاخذ من يمه تأييد وترد لكيتك ينطونك الوثيقة بحيل الله هذا شهر شهرين يعينونك.
-ما تقصر ابو خالد بس والله مالها داعي انتَ ما قصرت بشي وياي ووگفتلي وگفة ابو.
جريت ايده أريده يرضى خزرني اخذ تلفونه وراح لاحوش كلت الريمه
-هسه غير لو يرضى حتى يتعين.
ريـــمه:: يستحي من شيخ حيدر ما يريده يضل كلشي يسويه بواسطته
-بس هالمره خل يرضى لان وين يه تعيين بعد.
سكتت ريـــمه محتاره شويه وطب للبيت شيخ حيدر قافل عليه كاله بس تكضي هاي الهوسه هالشهرين تتعين ضحكت مكيفه
كهلان:: المسودنه.
-هههههه غير اريدك تصير بوظيفه
-الله كريم.
كعد بالهول والولد كلساع واحد مخابره يتباركله على تخرجه عفتهم وطبيت للغرفة اخابر بريا
-شلونج بدويتي
-شلوني طايح حظي
-سوده بوجهي
-هههههه اسم الله عليك شلونك حبيبي.
-بخير الزعاطيط شلونهم خوما شالعين كلبج.
-لا زينين مخليني اربعه وعشرين ساعة اكمل وجاي يكبرون هدومي صارن ضيگات علي
-خل اجي واجيبلج هدوم صدك جذب.
-ما تقصر ما تقصر أبو عبدالله
-يا ياابه.
ضحكت وهو يردها ويگلي
-سهله سهله أم عبود.
-اكلك بريا يريد يبوك اسمنا
-ياهو منهم
-أبا الفضل
-هل يبوگه احنا نسمي فضل.
-لا اريدنه أبا الفضل.
-اكلج جا شلون نحجز الاسماء كلها ؟
-اي
-وتخلفين على گد الاسماء الحاجزته.
-اي
-هاي هيه جا شحده مــيثم يبوك اسمنه.
-ههههههه جذب انه حاجزه عشر اسماء.
-شكو بيها نخلف عشره.
-ايبااه اي شعليك انتَ انه اليطيح حظي
-حبي غير انتِ كلتي النوب تختلفين علي
-انه اجذب ما تدري بيه
-ادري والله.
-شقصدك بريا؟
-عمــري اجاني نداء ...اجب اجب نعم سيدي
وسد التلفون بوجهي كبل لا اسويلي زعله بالليل الولد التنوا بدوانيتنا كلهم حتى مــيثم وسليم جانوا واحد ما يحجي وي الثاني هسه رجعوا، ريـــمه سوتلهم چاي سوالفهم وصوت ضحكتهم يوصل يمنه، وحسين ورضا گاموا يكعدون وياهم اسمع صــيهد گال لحسين
-كون دوم هيج تطلع الاول.
حسين:: ان شاءالله أعجبك ذيب مثلك.
-انچب
وضحكوا ردوا گالوله
-هسه صرت اول مو
-اي جا شصرت ثاني.
صــيهد:: انجب لا تحشش علينه.
-عمي ساكت انتم تحجوني گوه
كهلان:: لا تضوجونه هوه زلمه طالع الاول وسلع ونافخ روحه عليهه هسه لحد يحاجيه.
وضلوا يتداهرون وي حسين وهوه ما يسكت ساعة يحشش ساعة يتفلسف وبس يحجولهم سالفة بيها غيبة كالهم
حسين:: في يوم من الايام سمعت محاضرة لأحد المعممين قال ...
ومالحك يكمل سالفته گامله صــيهد وحسين شرد يمنه ميت من الضحك
واحنا وحده تعاين بوجهه الثانية متونسات على سوالفهم اجت شمس بتنورتها الكصيره دفعت الباب وطبت يمهم كلهم صاحوا
-هلااا... هلا بشمس هلاا.
صــيهد:: شنهااي الطالعات وولج.
تدنيت على الباب اعاينلهم تسلم عليهم واحد واحد بمن وصلت الصيهد شبگها يضحك ويحاجيها
-شنهذا اللبس الكصير
وهـــب:: شمس خالي من يصغرن عليج ضميهن الفطومه،
شمس:: لا لحور
مــيثم:: يا بعد خالج.
ضحكوا ضلت يمهم لمن رادوا يدخنون طلعها كهلان ، رجعت كعداتهم مثل گبل الوحيد الما يجي يمهم مرتضى وعزل رنحه كلش ما يختلط بيهم كالوله اذا تريد حصتك من الگيعان ننطيك ما رضى كالهم اضل وياكم وابتعد حيل وحتى فوح جانت تطلع تسلم بعد ابد ولا لفت يمنه.
ريـــمه غلست گالت
-ياهي مالتي دامهم ساكتين وما يسوون مشاكل هاي هيه مالي غرض بيهم
-اي والله هاي اهم شغله ومعلينه بعد.
مرن جم يوم كاضه گـــلبي بأيد وكل فكري يالنتائج بريا يخابرني كل يوم يصبر ويحجي بس انه انتهيت من الخوف وبدور حتى عقد المحكمة اجلته كالتله ما اگدر الا تطلع النتائج وهو خايف لا تطلع راسبه وصيهد يسويها صدك وما يرضى يتزوجون.
اجه بريا كبل النتائج بيومين خلصتها عليه بجي وخوف الحد يوم النتائج ماضل بيه حيل صــيهد وكهلان وبريا كاعدين بالدوانيه يدورون على النتائج، اجت بــدور يمي ترجف. كلساع فازات على صوتهم والنوب فجأة سكتوا ما تحملت مديت راسي احاجيهم
-هاااه؟
عاين بوجهي كهلان ووگف مبتسم ويخفي ردة فعله
-عفيه سباعيه معدلج ٧٢
شهكت مصدومة جنت متوقعته بالخمسه وثمانين غطيت وجهي ابجي شبگني يحجي واسمع صــيهد گال البدور
-معدلج سبعين.
وهم بجت جانت حاطه بيالها تطلع ثمانين، اجه يمي بريا يحاجيني ، وكهلان شابگني ويكلي
-مو زين وطلعتي هيج معدل انتِ شايفه شسووا بالطلاب هاي السنة كلها راسبه والله معدلج زين.
بريا:: رنـــه شتردين؟ والله بطله وسباعية وگدرتي تطلعين هيج معدل.
راحن عيوين من البجي انصدمت حييل بــدور راحت وي صــيهد دموعها على خدها للعصر خابرتني كالت
-اكلج.
-هاه
-احنا مو بأخر امتحان كلنه عسى ما انطلع خمسينات ميخالف شو هسه صرنا شاطرات ونبجي.
-ولج اسكتي بعدني مصدومة ما يسوى التعب
-لا يسوى والله الحمدلله انه من شفت نتائج باقي الصف حمدت ربي وشكرته وداد الشاطره معدلها ستين الله يعين گلبها شصار بحالها هسه وانتِ شفتيها شلون المل يحمد بشارطتها.
-شلون هسه شراح تقدمين.
-ببالي تربيه.
-انه هم بس المشكلة اخاف اصير مدرسة والبنات يشلعن گـــلبي اكضهن واكتلهن.
-ههههه.. يله رنـــه لا تبجين بعد
-الله كريم، ليمت ترحون تعقدون؟
-باجر يجي نمشي نسوي تحاليل
-الله يسهل.
بــدور:: سديت التلفون منها لكيت رساله منه يباركلي ماجاوبته متزاعلين شلون ما قبلت نعقد محكمة قبل النتائج غلست منه، ثاني يوم الساعة بالتسعة الصبح هوه يمنا، بدلت وطلعت ويانه وهـــب، ماحاجيته ومن اريد شي احجي وي وهـــب هوه يجيبه الي حس بينا زعلانين وجعفر كل شوي يحاجيني وارد عليه ببرود قاهرني جان محترك گـــلبي . واحجي وياه طلع من المحادثة وعافني سويت مثل اسلوبه بس وجهه لوجهه.
كملنه ورجعنا للبيت ماقبل حتى يتغدى راح وبقينا زعلانين الحد ما رجع اجه بموعد عقد المحكمة عقدنا وطلعته باوعلي مبتسم
-مبروك
-شكراً
حجيتها مبتسمه ومضكيگه عيوني گال وهـــب
-هيوو شني شو تحجون مشمر بعدكم بسم اللخ وبدأ الزعل.
جعفر:: هههه لا يابه ما زعلانين.
وهـــب:: ما اصدكك
جعفر:: اخذها وارجعها العصر عادي؟
-اخذها عمي اخذها بس لا تبطون وديربالك عليها.
عافنه وهـــب وراح ضليت ساكته لا سويت روحـــي مكيفه ولا ما راضيه، صعدت بالسيارة كبل لا هو يصعد ضحك وافتر صعد شغل السيارة يحجي
-خطيه وهـــب راح يرجع عبريه.
بقيت ساكته سويت روحـــي ملتهيه ارتب بردن عبايتي وهو يسوق مد ايده يكض ايدي درت وجهي عليه اريد اخفي ابتسامتي ما اگدر عاين بوجهي ضحك
جعفر:: انا اعتذر والله.
-مو صار هواي وجان لازم من زمان تعتذر؟
-حقج بس لا تلوميني اخوج شوه بيه خوفه كل ما حجه وگال اذا رسبت تطلك لان انت السبب اذا رسبت مالك مره يمنه اذا واذا كلت عاد اعقد محكمة اسيطر وانتِ ما قبلتي ضجت.
-مو انه متأكده من نفسي ناجحه.
-عفيه.
عاينت للشارع مبتسمه وهو يحرك اصابعه على ايدي ومن يعوفها علمود يعدل شي بالسيارة. اخلي ايدي بحضني يرجع ياخذها وكف يم مطعم نزلنه افتر يمي وكف كدامي مادلي مفاتيح السيارث
خليهن بجنطتج.
فتحت الجنطة حطاهن هوه ربس سديت كض ايدي ومشينا سوا گـــلبي يدك وي كل خطوه نمشيها والضحكه كوه ضامتها، كعدنا وطلبب غده ناكل ونسولف كال
- نهاية هذا الشهر العرس.
دنگت متوتره كلشي يهون بس من اتخيل اروحن وحدي ومحد من اهلي وياي اخافن، غيّر الموضوع وحجه على الكليات والتقديم شربنا چاي وطلعنه عبالي راح نرجع للبيت ما رضى اخذنا للسوگ اختاريتله هديه وهوه دفع فلوسها وكضها علي، للعصر يله وصلني الاهلي وراح.
بديت احضر للعرس متوتره وخايفه والبنات مشلوع گلبهن وياي يوميه رايحات للسوك وكل ما يقترب العرس يوم يزيد خوفي، جعفر گال
-انجيبج هنا كبل العرس بيوم تضلين ببيت خالتي والزفه تصير من الصالون؟
تسودن صــيهد من سمع ولا رضى كالوله هاي هيه مثل ما تريد بجيت مختنكه احجي وي امي
-يجون من غبشة بهدعش همه يمي ويكلي لازم ب١٢ نطلع من يمكم غير اتبهذل.
سمّعني صــيهد صاح.
-وشني تضلين ببيت خالتهم؟
ايمان:: جا تضل ببيت بت خالتك غاد ببغداد؟
سكت ضايج وانه بس ابجي اتبهذل اذا الزفه منه انتهي، حاجاه صــيهد اقتنع وخابر سيد عباس كاله لا تجون كبل العرس بيوم انه اجيبها لبيت گرايبنا وخلوا الزفه تطلع من الصالون.
وامي من شافتها هيج كالت جا اسولج حنه هناه، ومشينا انه وجويريه حجزنا بدله وصالون كلش مشى وياي عكس وكلساع ابجي على سالفة خابرين يسأل
-ليش البجي.
-هسه ليش هلكد بعيدين انتم لا الزفه تطلع من بيت اهلي لا بالحنه تجي يمي والله اختنگت كلشي جاي يمشي اعوج.
- لا تبجين جا مو كتلج ميخالف اجيج بزفه من بغداد
-تريدني بهدعش مكملة مكياج يعني من الفجر رايحه للصالون وابقى من الفجر لليل محموسه بالمكياج والبدله غير اتبهذل.
-كليلي هسه شنو اسوي شتردين حبيبي؟
-ما اريدن شي باجر اسوي حنه وعگبه نجي.
-الله كريم بــدور اذا تعزيني لا تبجين والله العظيم ضحكه ما بقيت اعرف اضــحك بالي يمج دام ادري بيج مقهوره ما مرتاح.
-لا والله هاي هيه بعد ما ابجي
-عفيه.
سديت التلفون ونزلت جوه يمهن بالليل طب صــيهد عاينلي گال.
-هذا خابرني يگول باجر اجي وعگبه الفجر تطلعون امي تروح وياج.
سكتت اعاينله وهوه طلع ضايج كالت جــويريه
-لا تنقهرين بــدور خايبه حتى عيــونج ورمن شسالفة؟
-عبالي يقبلون كلجن ترحن وياي.
مسحت عيوني ساكته جعفر من شافني مقهوره خابر صــيهد كاله لا تجيبهن انا اجي للحنه واخذها
الصبح مشينا للصالون ان وجويريه وصلنه وهـــب وهم ضايج وگد ما اشوفهم ضايجين اختنگت كالت جــويريه
-راح اموتج كافي.
-اريد انسى انه رايحه لبعيد
جــويريه:: باوعتلها بالمرايه كرصت خدها مبتسمه
-انسي كلشي وفكري بس بالسيد صرتي اله.
ابتسمت عيونها مدمعة بين ما كملن مكياجها لبستها بدلتها حمره منفوشه وكصتها من الصدر دلع وللردن مرفوعه شويه وبيها خرز يتحرك على زنودها
-تخبلين
-والله؟
-والله ماشاءالله
گالت ام الصالون
-كلش حلوه بس لو جايبه عدسات شويه افتح من هذن جا طلعن عيــونج احلى
-لا بالعكس هذن لايكات حيل.
حجيت وصورتها لان ادري بيها بسرعة تضل توهوس اعدل شعرها واصور خابرنه وهـــب گال
-انه بالباب.
طلعنه وهيه بس صعدت كشفت وجها تسأل
-جعفر اجه؟
-لا بالطريق خابرني شويه ويوصل... غطي وجهج وولج شطالعة اميرتي.
بــدور:: وهـــب لا تبجيني وووهب.
ضحك عليها وهي صدك تلزمها البجيه، تلكنه البنات واخوات خالتي ايمان وبناتهن نزلناها جنه شايلين هم ريـــمه خاف يصير بخاطرها بس هي تلكتها بالهلال وتهوس
-طبت يالزهره تلكيها طبت يالزهره.
كعدت بــدور رايحه روحها ركصن البنات گدامها النوب صاحت على رنه كالتلها
-من جنه صغار كلتي اركص بعرسج ودم تعيدينها هسه ما تحضرين عرسي اركصي بحنتي
ضحكت رنه وجرت بدور ركصن بس هيه وياها صاحت عليها خاله ماقابله
ايمان:: رنـــه فـــدوه اروحلج اكعدي.
ضحكت رنـــه وماسه صاحت عليها كاعده على ضفحة وماده رجليها كعدت بصفها، درت ادور على رغد احت من المطبخ عيونها حمر تضحك وتصفك وكل شوي تروح تختل تبجي وتجي وماسه عيونها متروسه دموع گوه لازمتهن ماريا لزمت التلفون تصور وتسوي لقطات بس هيه بينا تصويريها حلو ومرتب.
الحد ما اجه جعفر وجايب اخواته اثنينهن بسيارة چبيرة حاسب حساب اللي يروح وي بــدور واغراضها
تلفلفنه بعبينا كلنه سلم ودخل واخواته طايرات من الفرح، كعد يم بــدور منزل عينه وهيه كل شوي ورافعه البدله مستحيه وماريا تفتر عليهم تصور اخواته شغلن نوليد يصفگن فرحانات باوعتلي بــدور اشرتلها هاه ضحكت
بــدور:: هزيت راسي ماكو شي ودنگت مبتسمه احت فاطمة يمنه حتى يحنيني كض ايدي ورفع عيونه لعيوني مبتسم وتدنى يمي يهمس
-احلى حمامه شافتها عيني.
ضحكت مدنكه وجهه يم خدي وخالاتي هوسله
-بوسها ولا تخاف من امهاا.
وهو ما صدك گيل حسيت شواربه على خدي درت وجهي ميته من المستحى وهنه يضحكن حنه ايدي مستغل صوت سوالف خالاي ويحجي وياي همس
-جبتلج فاطمة ونرجس خاف تضوجين وتكولين محد من اهلك اجوا بحنتي
-ههههه حسيتك راح تجي والله.
-شلون؟
-ما ادري گـــلبي حسني
-ابوسج انتِ وگلبچ
فاطمة:: احم، جعفر توكفون نصوركم.؟
كالها اي ووكفنه خبثن وياي حرجني وحرجنه وخالاتي الكبار بالعمر كل ما يحط وجهه يم وجهي صاحن
-بوسها ولا تخاف من امها.
ويضحكن مكيفات على الفسوق، استحى بس كضينه تصوير طلع وي ولدنه ضلن البنات يمنه بعد تريعت وكعدت بالگاع يمهن انه وبدلتي نسولف وهنه يعاتبن بناتنا بالاخص رنـــه وماريا لان ما يجن وياي كالتلها رنـــه.
-غير بس اصعد سيارة اجيب
نرجس:: فـــدوه احلى شي التؤام ادعيلي يصير عندي
رنـــه :: شنو تزوجتي انتِ
ضحكت نرجس كالتلها
-لا بعدني، گتلكم اريد عريس منكم ما قبلتوا.
اخنا ضحكنا بس ماريا تعاين بوجها يلا ضحكه ولا ابتسامه كحت ريـــمه وحجت تغير الموضوع وعيونها عل ماريا اختنگت عافتنا وطلعت للمطبخ بدلت ورجعت اسلم على خالاتي گبل لا يرحن،
واخواني دام اخوات جعفر هنا ماطبوا للبيت وحتى جعفر ما جابوه يمنه راحوا ببيت عمي شامل جلبت بالبنات ما اريدنهن يرحن كالت ريـــمه
-اعشيهم ونجي والله، زحمه رجلج يمنا.
راحن هيه ورنه وهاجر وزهره، ماريا وماسه ضلن يمنه، بس ماريا متحسسه من البنات ضلت بغرفة امي وانه اخذتهن فوك غسلن وصلن ومارضن يضلن بالغرفة نزلن وياي للمطبخ سوينا العشا سوا متونسات نسولف ونضحك عفتهن ومشيت الماريا لكيتها كاعده تعاين بتلفونها كعدت يمها اسأل
-شبيها الحلوه ضايجة؟
هزت راسها ماكو شي
-ماريا شبيج عليج الله لا تخلين بالي يمج.
عاينت بوجهي عيونها متروسه دموع وهمست بصوت مخنوك
-نرجس تحب ســليم؟
عگدت حاجبي مستغربه وهيه بسرعة مسحت دموعها
-عزا بعيني تحبينه؟
ومن بسن دموعها تهز راسها لا
-نجبي نجبي كافي تجذبين، وترى نرجس ما تحبه ولا تعرفه شسالفة.
-والله؟
-والله العظيم هيه هيج تحب تتشاقه وحيل يحبنج لا تسوين هيج ماريا والله البنات حبابات ودائماً يسألني عليج تعاي يمنه.
مسحت ومها عدل واجت يمنه، وهنه صدك يحبنها كلساع يتغزلن بيها النوب ضلن يخطبن كلساع وكالن الماسه
-اذا نخطبها تنطونها.
مــاسه:: لا
نرجس:: ليش شبيكم ما لايگتلكم وجها وجهه ساده.
مــاسه:: جا احنا وجوهنا مال كاوليه؟
ضحكنه ونرجس تتعذر وتريد بس تلزكها وفاطمه ركعت تحجي من كل عقلها تحطب بماريا كالتلها مــاسه
مــاسه:: خيه من الاخير ســليم ابن عمي يريدها غير يكتله اليخطبها.
نرجس:: يله انسحبنا من يصيرون عندي اطفال اخطب من نسلها.
وعاينت الماريا تضحك وهي تبتسملها.
تعشينا سوا والبنات شويه واجن يمنه للساعة بهدعش إحنا نسولف النوب كالت امي كافي نامن ورانا درب، اخذت البنات وصعدت فوك فرشتلهن بس تمددن غفت تعبانات وانه ولا گدرت انام نزلت جوه لكيت البنات بغرفة امي يبجن هوه انه اريدلي حجه شبگتني رغد تشهك وامي تحجي علينه ما راضيه وماسه مغطيه ومها دموعها يجرن.
گـــلبي اوجعني لمن امي سكتتنا نمت بينهن للساعة بالخمسه الفجر يله كعدنا صعدت يم نرجس وفاطمه بدلن ونزلن الغرفه امي حتى وهوهب صعد الغرفتي تزل الجنط، مل لحظة تعدي دكات گـــلبي تزيد ما احط عيني بعين وحده منهن بس اعاينلهن ابجي كعدت على بايات الدرج وهمه بعدهم يحملون بالاغراض اجت جــويريه يمي
-عليك العباس كافي بجي
جــويريه:: دنگت راسها دموعها يطيحن بحضنها لمن كالولهن يله اخوات جعفر طلعن للسيارة وبدور تعاين الاخواتها مسحت عيوني مختنگه حضننها رغد وماسه يبجن وعمه تحجي عليهن وخرت بــدور منهن حضنتها امسح بدموعي اريد احاجيها ما گدرت بعد الغصه خنگتني وندى تخبلت بالبجي عليها.
سلمت علينه كلنه ودارت عيونها على صوت بجي رضا طبت الغرفه اهله لكته كاعد وره الباب ويبجي حضنته رايحه روحها كلنه نحاجيها نريدها تسمت ماكو الحد ما احه وهـــب كومها وحاجه رضا يسكته وهو مجلب بعبايتها يبجي ويجي
-عمممه...بــدور عمممه.
كوه طلعناها للحوش السيارة واكفه وجعفر يحجي وي صيهد طبت رنـــه متلفله بعبايتها وعيونها مورمه من البجي سمعنا جعفر وهوه منطينه ظهره صاح
-خويه والله اجيبها والله شوكت ما تردونها اجيبها.
وخرت من رنـــه مدت ايدها الوهب شبگها وغطه عيونه بالجفسه حجايه ناطلعت منه وصيهد ابذ ما عاينلها منطينه ظهره هيه راحت يمه وهمست بصوت مخنوك
-صــيهد.
دار وجهه عليها حاط ايد وره ظهره وايد مدها الها يريد يسلم عليها حضنته تبجي عبر اديه اثنينهن على ظهرها حاضنها ومغمض عيونه الغصه تصعد وتنزل ببلعومه دنك باسها براسها يوصيها
-خليني گدام عيــونج.
مسحت عيونها وصعدت للسيارة وسيد جعفر سلم على الولد وهمه يوصونه ويأمنونه عليها. صعدت عنتي. ومشوا بس حركت سيارتهم وطلعت من يمنه الولد طشوا كل واحد راحله بصفحة والبنات ماتن من البجي وكلمن مشت البيتها.
رحت للمشتمل شويه واجه صــيهد عيونه حمر سكتت ما حاجيته اجه عليهم كهلان اخذهم وراح خابرتني بــدور تسأل على اخوانها
-زينين ماكو شي
-ورضا.
- يسلم عليج
-عليج الله جوري بوسيلي ليال وكرار.
-صار يگلبي.
بدور:: سديت المكالمة منها الحد ما وصلنا بيت اقارب امي تلكتنا البنيه مكيفه، نزلت جنطتي وياي وهمه اخذوا اغراضي گالت فاطمه
-باجر بالسبعة اجيج علمود الصالون.
كعدت يم امي مستحيه والبنيه ترحي وكل شوي تشبگ امي فرحانه بيها، بس تعشيت غسلت وتمددت بالفراش غفيت ما كعدت الا بالخمسه الفجر ملها مراسلتني ومتصلين رديت عليهم وكعدت امي وياي توكفلي بباب الحمام بين ما اسبح.
للساعة بالسبعة اجت فاطمة وي ابن عمها وجعفر بسيارة وحده اخذ امي البيتهم كالها العلويه تريدج، رحنا احنا للصالون كلساع تكضني الرجفه واحس انه شسويت بروحي ويني وين هالدرب النوب حتى ما مخليه طريق شرده وين اروحن .
وفاطمة تذكرني بالمواقف الحلوه وتضحك حتى ما تخليني افكر بأيد شي سلبي، وكلشي عده بسرعة بسرعة لگيت روحـــي واكفه گدام لمرايا ببدلتي البيضه وبوكيه الورد بأيدي ابتسمت اعاين لكل تفاصيلي بفرح ، فاطمة صورتني وودت الصور الاخواتي خابرني فاتحتا مكالمة وياي
-حلوه؟
رغد:: احلى بنيه بهالدنيا فـــدوه اروحلج انه.
-يا بعد روحـــي.
مسحت عيونها تضحك كالت الفاطمه
-من يجي السيد صوريها ووديلي.
سدينه المكالمه منهن فاطمة. ساعة تصور ساعة ترتب بدلتي الحد ما خابروها گالوا اجت الزفه باوعتلها بخوف، غطتني وطلعتني للساعة فتحت الباب الهم وطبوا حعفر وابوه انه ميته من الخوف وهنه يتباركولي ولا عرفت ارد على واحد منهم، غطوني ببشت الساده.
وطلعت ايدي بأيده، كلشي ما اشوف وعلى ساعة اعثر صعدت بالسيارة جريت نفسي گـــلبي يدك كل حيله وكبل لا نوصل لمنطقتهم عاف الزفه ومشه وحده للستوديو وخله ولدهن يجبون نرجس وامي وامه.
بجت امي بس شافتني والعلويه تسمت بيها وانه كاضه دموعي كوه بس حتى لا يخرب مكياجي صورنه واخذوني للبيت ولان متأخرين بس رادوا يصبون العشا صعدوني للغرفة جلبت بأيد فاطمة خايفه
-اريد امي.
-هسه اجيبهاا والله.
عافتني ونزلت شويه واجت هيه وامي بس فتحت الباب كالت
ايمان:: ها يمه
-تعاي يمي.
فاطمه ضحكت وطلعت وامي بس سدت الباب كالت
-شني اجي يمج شمالج ولج يمه،
-يمه والله اخاف واستحي.
-انجبي وارگدي لا تفشلينه وعلي صــيهد يموتج.
- وينه صــيهد يجي وياخذني شجابني انه.
- انهجم بيت گلبج ضليتي ما تشوفين دربج علموده هسه صارت شجابج؟
حجتها تضحك وجرتني الحضنها تبوسني
-استهدي بالرحمن وماكو شي، خليتيني اصعد الدرج انگطع نفسي
-سوده عليَّ.
التفتنا على دگة الباب وطبت العلويه مبتسمه
-شلونها عروستنا
-الحمدلله
ابتسمت بوجهه بقن كاعدات يمي هيه وامي ويحجن على الزواج وشلون يكونون ستر البعضهم وانه بس اهز براسي، شويه وطلعن امي حذرتني اودي عليها بعد لان ما تگدر تصعد الدرج ضليت ببدلتي اطكطك بأصابعي ووگفت مرتبكه من سمعت صوتهم ووي دگة الباب گـــلبي يدك.
فتحه على كيف عاين بيطن الغرفه
-اجي؟
-احم تفضل.
زفرت نفس اشجع بنفسي دخل وسد الباب وراه مبتسم وگف كدامي يعاين الوجهي
-سبحان اللي خلقج وسبحان الزرعج بگلبي من موقف.
دنگت ارجف مد اديه اثنينهن لم وجهي بيناتهن وتدنى يبوسني بين عيوني
-تغسلين ترتاحين؟
-اي
ابتعد على صفحة يسويلي مجال باوعت عليه
-احم احتاج فاطمة تساعدني.
-كليلي شنو تردين انا اساعدج، اذا تردين تسبحين هذآ الحمام.
- احتاجها.
-انا يمج كليلي.
دنگت اعض بشفتي
-استحي ابدل يمك.
سكت شلت راسي اباوع لوجهه مبتسم گا
-تعاي.
مد أيده الايدي جرني فتح باب الحمام.
-بدلي هناه.
-خاف البدله تتبلل.
-ادخل انا للحمام وتبدلين انتِ هناه؟
هزيت راسي اي دخل للحمام قفلت باب الغرفة ووگفت منطيه ظهري للمرايه حتى اللوح افتح الشريط واطباقيات بالشافعات گدرت ذبيت البدله ولبست تراك ستن كضيت الروب بأيدي ودگيت باب الحمام عليه طلع عاينلي ومد ايده يوخر كذلتي من خدي الوره اذني ويتلمس خدي بين اصابعه
-وشعرج؟
-هسه بالحمام افتحه.
-اساعدج
-لا لا انه اعرف.
-براحتج حبيبتي.
دخلت للحمام وقفلت الباب ايديي تگطعن يله خلصت الماسات من شعري مسحت المكياج ودخلت سبحت توضيت وطلعت لگيته مصلي والاكل گدامه صليت ضل منتظرني لمن كضيت صلاه كعدت مقابليه كوه اكلت مستحيه كمت للحمام وكفت كدام المغسله غسلت وعاينت بوجهي احجي وي روحـــي اخلي مكياج لو لا شسوي هسه من اطلع.
وكفت يم باب الحمام اتصنت من اجت فاطمة كالها
-ترى ما اكلت استحت.
فاطمة:: الثلاجة متروسه حلويات اجبرها تاكل خطيه.
-ان شاءالله
تانيت بمن راحت يله فتحت الباب وطلعت مشه هوه هن غسل واجه يسولف
-ليش ما اكلتي
-ما اشتهي.
-الليل طويل تجوعين.
سكتت كاعده گدام المرايه وفاتحة الجراره اعين بالمكياج وگف وراي يعاينلي بالمرايه مبتسم مد أيده عبرها على صدري شا بگني
-لو تدرين شگد انا حابج.
ابتسمت مقشعر بدني وهو يحرك ايده على زندي
-احبنك گد ما تحبني.
ضحك ودنك يبوسني بخدي غمضت عيني جسمي يرجف واحس بشاربه نزل من خدي الرگبتي والوره اذني
فززتنا دگت الباب ابتعد بسرعه يمسح وجهه وانه عدلت هدومي من حتفي، فتح الباب الفاطمه اخذ منها الچاي
-تفضلي.
-لا ما اريدن.
وكف يمي يشرب ويباوعلي رطبت ايديي بس ردته يدور وجهه اريد اخلي حمره واستحي منه لحد ما خلص الچاي مشه يفرچ اسنانه بسرعة خليت حمره. وعطر ورتبت شعري لبست الروب الابيض على السررريع وادعي ما يطلع گبل ما اكمل ليس ولحكت لبست وخلصت يله طلع عاينلي مبتسم ويتحمحم.
-تعبانه تنامين؟
سكتت أعاين بوجهه محتاره بالجواب ضليت كاعده بمچاني كتله
-لا ما نعسانه اريد اضل كاعده.
ضحك هز راسه خوش ومد ايدي يكض ايدي
-تعاي يمي انا تعبان اريد اريد انام
دك گـــلبي حييل وهر الغطا من الجربايه تمددت غطاني وراح قفل الباب وطفه الاضويه ماضل دعاء ما قريته ضل بالغرفه بس صوت دگة گـــلبي تمدد بصفي ومد ايده جوه راسي دناني الصدره يبوس راسي ويشم شعري حييل
-كالوا ما تصير وگلت والله اخذها حمامتي هاي انا الصدتها
غمضت عيني مركزه وي كلامه ضميت وجهي بصدره
-بــدور
-هممم
-رايدج والله اريد اصبر روحـــي واعوفج على راحتج ما گدرت ودي ادخلج النص گـــلبي مو بس احضنج.
بلعت ريك ساكته. نزل راسي من صدره للمخده مد ايده يتلمس شفايفي غمضت عيني گـــلبي يدك حييل تقرب يبوسني متردد ما يريد يضغط عليَّ وشكد ما جنت مستصعبتها رب العالمين سهلها، يضمني بين اديه يبوسني ويضحك وانه اغطي وجهي منه خجلانه.
لحظات اضــحك وياه واحجي انسى كلشي وبس اصفن واذمر انه بعيده عن اهلي اخاف، للفحر صلينه وكتله
-ترا جوعانه
-ليش ما تعشيتي
-جنت مستحيه.
ضحك اكلنه حلويات غسلنه ونمنا للعشره يله كعدت بدلت وفاطمه وياي تعدل حجابي وترتبه نزلنه مستحيه اريد اضم روحـــي منهم وهم يتباركولنا ويضحكون وجهي احسه يريد ينفجر من الصخونه،
لوره الغده انصدمت بأمي تريد تروح بجيت مجلبه بأيدها
-تعوفيني.
-جا يمه شلون اضل وياج طول العمر ؟ همه اهلج بعد.
احت العلويه شبگتني تحاجيني وتحجي وي امي تريدها تضل بعد بس امي ما رضت تستحي منهم، عيوني ورمن اخذها واحد من ولدهم تخببت وراها شبكني البنات والعلويه،
-كافي يمه والله شوكت ما ردتي يوديج جعفر.
سيد عباس:: بويه هذول اهلج ترا كم ساعة انا اخذج الهم والله خاف جعفر يمن عليج انه بأيدي اوديج.
جعفر:: هسه انا حاجي كايل ما اوديها تعاي حبيبتي تعاي.
حرني من ايد امه الصدره كالتله
-روحوا الغرفتكم جعفر
صعدنه فوك شابگني و يواسيني لو يحط راسي على رجله يلوليلي مثل امي حسيت يضحك عليّ طكتيه وكعدت ضحك ومد ايده يلم وجهي بينهن ويعصره يحجي
-لا تبجين لا تبجين من شفتج الحد هسه بس تبجين.
-عايفه اهلي علمودك.
- اروح فـــدوه .
مسحت وجهي مبتسمه وكل شوي اخابر امي اتأكد وين وصلت وهمه يردون بس يضحكوني البنات وجعفر والعلويه وسيد عباس، اول خمسة ايام خلصتهن بجي والنوب شوي شوي تعودت.البنات يحاولن يعوضني عن لمة بناتنا بالقرية ورنه تراسلني وتكتب
-مو تصاحبينهن اكثر مني
-هههههه لا، شلونهها القريه بدوني
-ضاله بدون حراسه.
- يا چلبه.
رنـــه:: ضحكت عفت التلفون. وكمت يم بريا يزرع بالحديقة هوه وشمس كعدت يمهم عاينلي مبتسم وعاين البطني يضحك
-ليمت يجون واكعد اعاينلهم يلعبون هناه احطلهم مرجوحه حديد يم الورد.
-اكتلهم واللعب بيها انه.
شمس:: انه وياج.
-اي خاله جا همه احسن من عدنا.
ضحك وحلف العصر يروح يجيب مرجوحة وصدك وي الغروب اكه جايبها نصبها بالحديقة لعبنه بيها انه وزهره وشمس وعلاوي متونسى عليهم واكله
-صارت مرجوحه ببيتي يجون يمي.
ضحك يهز المرجوحه بينه، وما الحك افرح يلتحق اركع يم بيت اهلي كل يوم ارسل بــدور تگلي
-حبابين حييل وجعفر يموت علي وابد ما مضوجيني بس رنـــه اشتاقتلكم والاهلي مخلصتها بجي
-شوكت تجين؟
-بس اكمل الشهر.
-يا الله ما بقى شي
ومن اشوف بجيها على اهلها احمد ربي واشكره حبيت بريا وتزوجته ما تزوجت غريب وبعيد وين اتحمل ما اشوفن كهلان انه، بــدور كضت شهر عزموهم بي عمه ايمان اجوا كلهم وهالمره من صدك چلبوا بماريا. تخبلت ريـــمه وكلنه نكلهن والله ابن عمها يريدها قفلن عليها
للعصر همه راحوا وبدور بقت يمنه كبت الهوسه والصياح بين مــيثم وسليم تخبل من درى صــيهد وكهلان وسلطان طيحوا حظهم اثنينهم وابد ولا تنازل مــيثم سنتين يله يرضى يجي ســليم ويعقدون وشرط بهالسنتين لا يشوفها ولا يتواصل وياها.
رضى ســليم بس متحلف بيهم كالت بــدور
-شكد فگر وي جيتي العركه صارت
-شكد تضلين.
-خمسة ايام واروح دوام بعد
-امداج شويه،
-شسوي بعد هاي التختار الغريب وبعيد تاكل تبن.
غميتها اضــحك وماسه تلوب الحد الغروب أخذوها للمستشفى عدها ولادمه وبدور تصيح
-هسه شلون افهم انه فكر لو وجهي خير.
-خير خير لا تخافين.
ضحكت ضليت يمهن لمن بالليل جابوا مــاسه عفت الدنيا كلها واسأل
-شسميتي؟
-امير
-يخبل الاسم.
ضحكت ونوجعت غلطت علي سلمت عليها ورجعت يم اهلي خايفه واحجي وي ريـــمه
ريـــمه:: الله يسهلها شبيج.
-لان اثنين.
ريـــمه:: مديت ايدي على بطنها نا اريدن اكلها هوه انه وكهلان اصلاً خايفين عليج سكتت وكوه بدت تداوم، بدور راحت لعيالها ورنه ما ندري تبجي وراها لو تبحي من الوجع اخر شهرين من حبالتها ورمت، موه تتحرك.
وبريا تبهذل بدوامه خايف عليها ما يداوم دوام كلساع ينزل يشوفها يوم يومين ويلتحق، وكهلان طاير گلبه الحد يوم ولادتها صار وجهه اصفر ويرجف. يحاجيني
-بس خلي يطلعولي اختي وكلشي ما اريدن.
عفته يم صــيهد وركضت يم عمتي ايمان رنـــه انتهت انتهت هيه رادت عمليها ودكتورها ما رضت ولدت "عــفراء وعبد الله "وبنص تعبها بجت مت شافتهم الحد ما عيونها ورمن، ضلينه للصبح بالمستشفى والولد ولا راحوا ضلوا بالشارع لمن طلعونه كهلان اجاها يركض اخذها من ايدي يمشيها وبريا يريد يبجي عليهم.
لمن وصلنه البيتنا تمددت بفراشها وكهلان تطمن عليها يله رد عاين الاطفالها. مكيّف بيهم وبريا يبوسهم عيونه مدمعه يومين ضل يمنه والتحق يسب بالدوام.
انترس بيتنا ضحكه وصوت اطفال والبنات يوميه يجن يمنه علمودهم وكهلان اول ما يرد من شغله يجي يمها بالغرفه يسلم عليها ويكعد يناغيهم وشمس تكله
-مو تحبهم اكثر مني
-لاا انتِ محد يجي مثلج.
تضحكله وتسويله اشش لا يسمع علاوي.
مرت الايام بسرعة رنـــه من نزل بريا ما رضت تضل يمنه راحت البيتها وانه كل يوم امشي يمها اكضيها ينهم وبين ســليم وهاجر
رنـــه:: كلشي تغير ترسوا البيت عليَّّ كهلان وميثم كل يوم يحون يشوفونهم وبريا ماخبل عليهم كرهه دوامه ضليت چم يوم بس كضت اجازتي كالت ريـــمه
-داومي وانه ادرين بالي عليهم.
كمت اعوفهم يمها واداوم وارجع طاك گـــلبي عليهم
ابوسهم واشمهم وبدور تخابرني افتحلها كامره تناغيهم.
-خرب شوكت اجي واشوفهم.
-تجين بنصف السنة.
-اي طبعاً
تحجي وياي وطبن البنات سلمت عليهم وجويريه اخذت التلفون حاجتها
جــويريه:: شنو ما تجين
-بالعطله ان شاءالله
-اي عفسه ببدايتها تعاي حتى تطولين يمنه.
ودام احنا كاعدات هيه فاتحة كامره ويانه لان تضوج احنا مجتمعات وهيه بعيده عاينت البناتنا مبتسمه كل وحده بينا اطفالها بحضنها نضحك ونسولف ماكو من يخرب ضحكتنا .
ندى من عرفت اكو غلط اشهر بمواليد شموسه قنعتني نسجلها بالمدرسة قبل موعدها لان هيه سوت هيج وي رضا استغلت الجنسية وسجلته، اخذها كهلان يسجلها ما قبلوا علمود چم شهر انقهر حيل لان ذكيه بشكل مو مال تبقى روضة، احتار ومن اجه مازن عليها سولفله گاله
-خالتي مديرة مدرسة أهليه أسجلها يمها تنجح من الاول نرجعها حكومي.
قيل كهلان وسجلوها
شمسنا وبالمدرسة الدنيا كلها ما مكفيه الفرحتنا خال يوديها وخال يجيبها طايرين بيها وحتى عمها ما عايفها.وما يمر شهر اذا هو ما مشتريلها علاكه هدوم ومصرفها كل شهر يوصلها ريـــمه كامت تلمهن الها مره تشتريلها تراجي مره كلاده وتودينهن يمي اضمهن الها لمن تكبر
"مشت الايام وعدن السنين سجاد ما سمعنه عنه اي خير... عمي وليد توفى وهوه بالسجن"
تأثروا بموته صــيهد ووهب حيل ومده يله شوي ردوا الحياتهم وطول هالسنتين بــدور ماصار عدها طفل وبقت على المراجعات
وبعد ملحه على ريـــمه حبلت وكل ما تعاينلي تگلي
-كله منج.
-شعليه انه
غمتني تضحك واجاها ســليم سكت مده علمود صــيهد ووهب وهسه انفجر گالها
-سنتين صبرتهن وعدن گوه على روحـــي لا محاجيها ولا واصل يمها وبعد هذا حدي حضري للخطبه يله.
عود مــيثم راد يأجلها شويه ولا اعترف بيه وماريا ساعة نلكاها مكيفه ساعة لاكفها خيط وخايفه تحير المايحتار. اخذتها ورحنا للصالون
وكلساع اخابر ريـــمه اتطمن على جهال
-هاي شمس وعلاوي كاعد يلعبون وياهم
-فـــدوه وصي زهوره عليهم.
-صار.
سديت التلفون منها عاينت الماريا مبتسمه وكفت اعدل ببدلتها الزيتونيه تخبل طالعه اجه بريا أخذنا البيتهم كعدناها وهيه مجلبه بأيد مــاسه تسأل
-مــيثم هم حجه شي؟
-ولعباس لا ولحسين لا.
ماريا:: هزيت راسي خوش مرتبكه اباوع بوجوه بناتنت ولمحت وحذه دخلت بس شفت وجها شهكت
-اجيتي؟؟؟
بــدور:: جا شلون ما اجي.
حضنتها ابوسها مكيفه كعدت يمي قبل لا نعقد ويجي ســليم
-ما توقعتج تجين
باوعت بوجهي عيونها مدمعة
بــدور:: مو باوعي انه حامل وبعدني ببداية حملي لهذا السبب ماردت اجي
-يااا يارب يتمملج على خير.
-ان شاءالله يارب .
شويه واجوا اخذني البنات وره الباب علمود العقد بس عقدنا هلهلت ريـــمه معانده مــيثم، ركعت كعدت بمكاني اعصر باصابعي مدنگه ودخلوا ســليم يهوسله وريمه تهلهل ما بقت بيه قطرة دم كعد يمي عمه ايمان تحجي وياه وهو مدنك مبتسم گالها
-شلعوا گـــلبي عمه
-ميخالف يمه النهم اخذتها
شالت راسه باوع بوجهي مبتسم
-صح المهم اخذتها.
لبسنه الحلقات وصاحوله الولد طلع بعد ما شفته گمت وي البنات اسولف واضحك الحد الغروب مشن لبيوتهن،
ودخلوا اخواني عيني بعين مــيثم مرتبكه ابتسم وفتح ايده مشيت بسرعة ضميت روحـــي بحضنه باس راسي
-عسى كل دروبج خير وسعادة وان شاءالله يتمملج على خير
وخرت من حضنه الحضن بريا
بريا:: زعطوطتنا الصارت مره وانخطبت.
بعدهم يحجون وياي واندك الباب مشه بريا يفتحه وميثم وكف بباب الهول يعاين انخمش گـــلبي من سمعته صوت ســليم گاله
-گل المرتي باجر اخذها للمستشفى نسوي تحاليل،
مــيثم:: صلي على محمد اليوم عقدتوا.
-وهالاسبوع نكمل عقد المحكمة والاسبوع اليجي نتزوج.
-شني يركضون ورك على كيفك
-مالك شغل.
حجاها وراه خله مــيثم يغلط عليه طبيت للغرفة بدبت وماسه بس تريد مــيثم يسكت قفل بعد بقيت بالغرفة ولا طلعت الحد ما سكت كمت وي مــاسه اعزل البيت والملم بريا گال
-حبيبتي باجر نروح وي ســليم علمود التحاليل.
هزيت راسي خوش، ترخص وراح البيته بس ضل مــيثم محترك گلبه من ســليم يگل الماسه يريد ينتقم مني شلون شرطت سنتين يريد يعقد بسرعة مو والله ابطل وماسه تدافع وترجع ليورا، عفتهم ودخبت الغرفتي تمددت بفراشي وجريت تلفوني راسلت ريـــمه
-وديلي رقم ســليم.
بسرعة دزته الي دخلت للوتساب كتبتله
- اجلها شويه تعبانه وما مستعجلين.
مارد علي ساعتين عدن اجت حور نامت وانه نعست يله كتب
-انا مستعجل
-ميخالف اجلها ما اگدر.
-تگدرين حبيبي تگدرين
-ســليم.
-عيناه الاثنين.
-حباب لا تعاند مــيثم انقهر.
-خيولي يابه سنتين حرمني منج والله ودي هسه اگطعه.
- اخوي ترى
-ميخالف واذا اخوج
-لا تحجي عليه
-واذا حجيت؟
-احضرك.
-بت ابوج سويها اذا ما مسرت اصابعج،
قريت رسالته ودخلت حضرته، شمرت تلفوني وغمضت عيوني اغلط عليه لازم يحرك گـــلبي ما يگدر، احس بروحي. توني غفيت وصارت على ايدي لمسة اصابع
بالبداية عبالي حور الحد ما همس بأذني
-ماري.
فتحت عيني اريد اصرخ بساع حط ايده على حلكي
-اششش صوتج.
جلبت بأيده اشهك الشباك مفتوح البرده طايره علينه وصوت الهوه العالي يأخذ الروح
ســليم:: راح اوخر ايدي من حلكج لا تصرخين.
هزيت راسي اي بس وخر ايده دفعتها اريد اكعد ما خلاني
-ارگدي
كعدت على حافة الچرباية اتنفس بسرعة مخروعة وهمست بصوت يرجف
-شجابك؟
-عنادج
-شلون دخلت.
-ههههه من الشباج مخرب اليدات مالتها ومخلي براغيها من بره حاسب حسابي ادري بيج وبسوالفج.
-روووح ســليم فـــدوه روح لا يشوفك مــيثم.
-يا ريت والله خل يشوفني.
نترت محترك گـــلبي وارجف من الحركه
-شبيييك.
-اشش صوتج مابيه شي اسكتي هل اعاين بوجهج.
ما اكتفى بالضوه اليدخل علينه من الشباج شغل ضوه تلفونه يعاسن بوجهي غمضت عيوني مد أيده يلزم وجهي من حنكي
-فتحي عيــونج خاب،
-الضوه يأذيني.
طفاه فتحت اباوع بوجهه گـــلبي يدك حيل يحرك اصبعه حوه حنكي كال
- شهر ما اگدر اصبر بعد صبرت العلي وزياده.
-ميخالف هاي هيه باجرنروح للمستشفى مث ما تريد بس هسه كوم روح فـــدوه،
ضحك ودنك وجهه يباوع بوجهي
-كتلج لا تحضريني
-لا تحرك گـــلبي . واني ما احضرك
جر ايدي شهمت اجرها من عنده عبالي راح يعصر اصابعي بس مل السواه دخله حوه قميصه على گلبه بلعت ريك ارجف جسمه دافي وايديي باردات گلبه يدك حيل نزل وجهه اكثر
-لا تعانديني ماري... اتعب واتعبج.
هزيت راسي اي عيني بعينه نزلت عيوني لشفايفه مرتبكه درت وجهي منه عاف ايدي وضم وجهه برگبتي شهگت مجلبه بزنده
-ســليم.
باسني وابتعد طلع نن الشباك وسدها غمضت عيني. رايحهه روحـــي ما گدرت اكوم واقفل الشباك وراه
للصبح كعدتني مساسه ورحنا وياه اني وبريا كملنه التحاليل وحرگنا حرك سواها بسرعو بسرعة كمل عقد المحكمة مــاسه تخبلت وكل شويه تخابر ريمه تحجي وياها ماتلحك تجهزلي شي كالتلها ريـــمه
-والله تعبني كل شوي اتعارك وياه قافل شسويله.
اشترت مــاسه التگدر عليه وحجزنه بدله وصالون للعرس كلها تحجي عليه وهوه ولا مهتم البراسه يسوي وما قبل يعزم اي غريب العرسنا ماعدا شيخ حيدر وبيت سيد عباس رحنا للصالون اني ورنه وهي تحجي على سليف
رنـــه:: ركضنا وي الخيل جنه مسودن
-كل هذا عناد وي مثيم
-والله ولا عناد واحد جذاب بعد ما يگدر بدونج خلص صبره.
باوعتلها بالمراية مبتسمه، كملوا مكياجي ورنه لبستني البدله اخذت صوره وديتها الماسه
فـــدوه لوجهج هسه شويه وتجيجن الزفه.
-تمام
بقينا نصور اني ورنه الحد ما خابروها كالولها يله غطتني وطلعنه خلص الطريق يتعارك وي سلطان يسب هذا ويتحلف بهذاك شلت الكبوس من راسي باوعت لوجهه
-شبيك؟
باوعلي اعصاب مسح وجهه ومد ايده يكض ايدي
-ماكو شي حبيبتي.
سكتت لمن وصلنه للقرية نزلت ايدي بايده الناس الغريبة كلش قليلين، باوعت البناتنا، والريمه تركض مناه وترجع منه انشلع گلبها، ودني البنات للغرفة انتظرت البيت ما اجه بعده وجهه ما يكصه السيف باوعتله احجي
-دام هيج العرس يضايقك ليش خليتنا نتزوج.
زفر نفس ووكف گدامي لازمني من اكتافي
-والله العظيم مو يمج الموضوع
-صاير شي؟
-خالاتي اجن وطردتهن وسلطان ما رضى وشويه تحاجينه هاي كل السالفة
هزيت راسي خوش ابتسم وشال ايده يحضن خدي
-ماري... ماري الحلوه.
-هههه شنو هسه مكتشف اسمي.
هز راسه لا دنك يبوس خدودي
-احم اريد ابدل
-انا ابدللج،
-لااا
-والله شبيج اعرف ترى
-اني هم اعرف مشكور.
مد ايده الوره ظهري يضحك يريد يفتح الشريط وانه وبدلتي ولا گدرت ادفعه فتحه جلبت بالبدله
-لاااا سليم
-خليها تطيح راح اكتلج.
-والله ما اخليها غمض عليك الله غمض.
ضحك عافني ومشه كعد على الجرباية يباوعلي بشر ويضحك ولرهديت البدله لازمتها كل حيلي كال
-تضلين هيج.
-اي عادي اضل هيج ليش تشلع گـــلبي . وما ترضى تطلع.
-خررب روح عنادج.
كام طلع من الغرفه قفلت الباب بدلت واجن يمي ريـــمه وماسه مسحت المكياج يضحكن عليَّ وبس سمعن ســليم راح يرجع شردن طبّ للغرفة عود زعلان وبس باوع بوجهي ضحك وسحبني الحضنه غمضت عيني راخيه راسي على صدره گال
-تتعشين ؟
-اي جوعانه.
وخرت من صدره خابر ريـــمه كالها على العشه بين ما صلينه جابته كعدت اكلت اسولف وياه واضحك ما مهتمه الشي ووره العشه شربنا چاي وسولفنه هواي طلعت غسلت ورجعت تمددت على الجربايه كتله
-شكراً على هذا الزواج الجميل تصبح على خير.
عگد حاجبه مستغرب غطيت روحـــي بالغطا وهوه يحجي وي روحه
-شنهاي يا جميل يا تصبح على خير ... ماري،
ما حاجيته اجه تممد بصفي وجرني الحضنه يحجي
-ماريا اكتلج لا تشوين لعباتج وياي.
فتحت تك عين اباوع بوجهه
-اروح الاهلي
سليم:: هسه اكتلها شبيج للج.
-غير خلص العرس.
رفع حاجبه هز راسه خوش وضم وجهه برگبتي يدغدغني ضحكت بكل صوتي وهو يسد بحلكي دفعت ايده اضــحك
- لا تدغدغني ههههه.
شال راسه عاين بوجهي مبتسم دنك يبوسني ويحجي بلهفه وكل شوي ساب مــيثم واضربه ما قابله.
للصبح اجن ريـــمه ورنه مسويات ريوك عاينت ريـــمه الوجهه تباوسه وتگله
-اليوم الضحكه تارسه الوجهه.
ضحك وعيونه الصينية الريوك كالهن
-هاجر وين؟
رنـــه:: باوست ماريا ودرت وجهي احاجيه
-يم جهالي.
-وديها يمعوده اريد اختي .
هزيت ايدي ما عاجبني عفت ريـــمه يمهم ورجعت للبيت حلوين سوا، هاجر ما رضت تضل يمنه ولا ســليم گدر يفارگها وره الغده اجه اخذها، رجعت الدوامي وجهالي لو ماريا تدير بالها عليهم لو ريـــمه.
كلشي يمشي بسرعة ولدت بــدور صار عدها ليث وريمه صار عدها مبشر كهلان مكيف بيه وهيه تكله بعد ولا احبل تالي لوره الاربعينه حبلت تسودنت دگت ولطمت متخبله بس كهلان مكيف ويدعي
تطلع بنيه مافاد دعائة من سوت سونار طلعت حامل بولد
جــويريه تضحك عليها. ورغد وندى يزامطن بس هنه گد حجايتهن وما يخلفن واحد وره الثاني گتلهن
-جا انه هم كفو.
رغد:: هههههه احلف عليج السنة التجي تحبلين
-لا والله الا اكمل كليه
ندى:: همه وينهم جهالج؟
-بالبيت يم حسين.
ضلينه كاعدات نسولف فرحانه گد الدنيا بجهالي ونجاح اخواني وشموسه وشطارتها اطير من الفرح لمن تطلع الاولى ريـــمه حاطه كل خلكها وياها تدرسها بتركيز ومرات تجي حور يمها من سجلت كامن يرحن سوا ووحده ما تفارگ الثالثة.
بريا مستمر بشغله بس يتخيل من الجهال يحاجونه وده يعوف الدوام ويجيهم واكله
-لا ديربالك بعد عدنا جهال ويردون مصرف
-يله خلصي كلية حتى اذا الله راد نزودهم واحد.
-فـــدوه هاك كض ابدد
-ههههههه نشوف
-هاه بريا شني هاي صاير مدري شلونك عود صرت ابو؟
-هههههه لا حبيبتي اتشاقه وياج
يسولف وياي هواي ومن ينزل يهتم بيهم ويساعدني بالبيت يحاول يعوضني الايام الهوا ما موجود بيهن، وطول ما انه اداوم ريـــمه وماريا مدارياتهم لحد ما خلصت كليه اضــحك من اشوفنهم يكبرون گدام عيني وانه ذاك اليوم جنت اتعارك وي خالهم حسين علمود لفة شكر، بس هيه هاي الدنيا كلشي يمشي بسرعة .
جــويريه:: اعقل واحد اثنين اني ياهو الاخلفه يطلع نفس ابوه كرار يصيح بحرگه وليال تبجي وتصرخ وهوه بالحمام يصيح على الخارلي انطيته اله وركعت الكرار واخته متحلفه بيهم بس شافني طبيت للمطبخ اجيب المس اخذها وشرد البيت بيبته خبلووني
طلع من الحمام يوزع ابتسامات
-جا وين راحوا.
-هجوووا شردوا ا لو باقين هناه اني الاهج.
ضحك مكيف بهوستهم
-مو تارسين البيت عليج شبيج؟
-هذا هذا كرار على يوم اكتله كتله بس يصيح عود هوه عصبي الخايس الزمه هوه وعصبيته الزكه بالگاع.
التفت علي رافع حاجبه
صــيهد:: شقصدج؟
-على كرار.
ضحك يهز بأيده بدل ورحنا البيت اهله سوه لكيناهم كالبين الهول حلبة مصارعة كرار ورضا وسيف وعلاوي ابن كهلان والبنات عاقلات يلعبن صيح عليهم صــيهد رضا بسرعة سلم وطلع كعدت يم ندى اسأل
-رضا متغير حتى ما يشاقيني مثل قبل.
باوعت بوجهي مبتسمه
-مو اني من البداية خليته يعرف انتم مو اهله ومن يبلغ ما يصير يتلامس وياجن او يشوفجن بلا حجاب، وهو من هسه يتعلم من تجن يسلم ويطلع يروح يم حسين.
-فـــدوه الگلبه شلون كبر وعقل
ضحكت مكيفه بيه شويه واجن رغد وماسه يمنه حور لازمه اخوها امير من ايده متباهيه بيه وتضحك واني اباوع للكل مبتسمه اطفالنا كبرونا وحسسونا شكد عمرنا مر بلمح البصر ، وبدور عبالك تدري بينه مجتمعين اتصلت كامره تسلم علينه واحد واحد بمن انطينه التلفون الصيهد سلم عليها كالها
-شني. ما تجين؟
بــدور:: باوعتله اريد ابجي
-لا خويه مو هسه يجوز من يبرد الجو شويه
-الله كريم هلا بيج شوكت ما اجيتي.
ابتسمت سلمت عليه وسديت المكالمة اخذت ليث ونزلت جوه، نرجس وفاطمة من اول سنة دواجي كفختهن اثنينهم تزوجن وعافني عفت ليث عند عمه صعدق ومشيت سويتلهم چاي حطيت كعك اخذت الصينية ورحت للدوانيه كعدل بس شافني
سيد عباس:: الف رحمه على واليدج تعاي بويه تعاي
العلويه:: والله هستوني احجي بيج كلت اليوم الحمامه ما نزلت.
ضحكت كعدت يمهم
-جنت احجي وي اهلي
اسولف وياهم واصبلهم چاي گال
-خل جعفر يرجع من دوامه ويوديج.
-لا عمو مو هسه من عمه تصير زينه.
ماقبلوا اثنينهم يردوني اروح لان طولت حييل ويدرون بسه من اشتاق الاهلي اخلصها بجي وي سوالفنه دخل جعفر بس سلم على ابوه كاله
سيد عباس:: اخذ مريتك الاهلها
جعفر:: يايه والله حاجيتها هسه ما تقبل.
باوعلي يهز راسه شكو، سكتت غيرنا الموضوع اجوا صادق وليوثي بس اذا كعدنا سوا ينسمعلنا صوت بس من كلمن بغرفته البيت هدوء يخوف.
اللي مصبرني على فراك اهلي حنيتهم وحب جعفر اللي اللي يوم بعد يوم يزيد ومخلصتها وي اهلي افتح كامره مره وياهم مره وي رنه لو ماريا اي وحده تحي كدامي اخابرها اتصلت على ماريا طولت يله ردت تفرك بعيونها.
-بس لا نايمه.
-اي وسويتي فضل من كعدتيني
-ههههه ليش
ماريا:: لج ما انام مخربطه باقيه الليل كله سهرانه وبالنهار نايمه
-شلونكم هاجر شلونها
-الحمدلله اشوفج مرسمها.
-اي يله.
-خلي اكعدعا بالاول.
مشت الغرفة هاجر صوت نعالها ثولنب كعدت هاجر ومشت الغرفة الرسم تصورها الها
-ماشاءالله يا فـــدوه صايره فد شي.
يخبلن لوحاتها كبار وحلوات.
ماريا::ذاك اليوم شاركت بمزار بالكليه ســليم اخذها لج ما تقبل تبيع لوحاتها تريدهم بس يشوفون.
-ههههههه تحبهن.
-اي كلش
-خطيه بس والله يخبل رسمها صاير
ماريا:: ابتسمت اهز راسي كتلها
-بــدور نسيت ابشرج.
-هاه
-انه حامل؟
-احلفي
-والله العظيم لعبت نفسي من المراجعات ســليم گال كافي هاي هيه لا تراجعين بعذ ومن بطلت اراجع رحت حللت طلعت حامل.
-يبعد عمــري الله يتمملج على خير
ماريا:: ضليت احجي وياها شويه متونسىه اجت يمي هاجر كعدنا بغرفة الرسم اسولف وياها وهي كلامها قليل اكثر شي تأشر. الحد ما كعد ســليم واجه يمنه جر الكرسي وكعد وراي يمرغ باكتافي ابتسمت هاجر تباوعلنه وتسأل
-ارسمكم
ســليم:: لااا تلعبين بخلقتي.
ضحكت كام من يمي يشوف لوحتها الكاعد ترسمها شويه وسليم طلع اخذت هاجر ورحنا يم ريـــمه واجت يمنه رنـــه كعدنا بالحوش الجهال كلهم يمهم يلعبون وكل شوي واحد ضارب الثاني الحد ما اجه كهلان التموا عليه وهو يبوسهم ويضحك مكيف كالت رنـــه
-شامل الثاني
ريـــمه:: هههههه امس سلطان گاله خيولون لا تخليهم يجون يمك هوسه سوه فلك وراد يزعل يگله انا اتونس على هوستهم
رنـــه:: ابتسمت اعاينله وره ما باسهم كلهم رجع الجهال كعد يمهم يحجي وياهم ويشاقيهم، عافهم وعاين الشموسه وحور كاعدات وحدهن تشاقة وياهن واجه يمنه يا حنيته يا حجايته الحلوه ابد ما لمت بناتنا من يگولن عليه اخونه وبكل مشكله الهن ينخنه
ضليت كاعده يمهم شويه اخذت جهالي ومشيت للبيت حسين يلعب بلي يمنه وهمه يكعدون يمه لو يتشاقون لو يتعاركون بيناتهم وبدل ما احيز بينهم اضــحك عيوني مدمعة اتذكر بيهم روحـــي وي عبود
مرت الايام جمعاتنا وكعداتنا ما تخلص واذا اجت بــدور نضل كل يوم مجتمعات يم وحده وعمه ايمان ويانه حتى لو تگول تعبانه محد من عدنا تقتنع الا تجي وتشاركنه الكعده
ويوم من الايام، بريا بعده بالدوام نومت جهالي ومشيت يم شمس بغرفتها هستوها بدت تنام بيها وهم مو كل يوم لان حيل متعلقه بكهلان وريمه وزهره وهمه هم اذا ضلت ليلتين بايته يمي يجونها .. باوعت بوجها مبتسمه احجي واسولف وياها عبالك صاحبتي وهيه هم تشاركني كلشي وابد ما تضم عليَّ سالفة غطيتها وطلعت الغرفتي
تمددت اعاين بتلفوني واگلب بريلزات الانستا شفت فيديو متصمم على ولد وبنيه مكتوب عليهم علي وفاطمه وجوه الصورتين مكتوب اجرام مستباح لثلاث ندبات وقصيدة يمه اذكريني من تمر زفة شباب.
دخلت للتعليقات اريد افهم شبيهم لكيت كل التعليقات كاتبه عرسهم بالجنه لو الله يرحمهم يضلون ندبه بگلوبنه استغربت بقيت اقرأ بالتعليقات ولكيت بنيه سائله ووحده كاتبتلها
هاي رواية حقيقية وحاجيتلها مختصر عن علي وفاطمة وشلون استشهدت وهو استشهد وراها اوجعني گـــلبي . وديت الفيديو الريمه كتبتبها
-نفس عــفراء ومنذر.
وعبرت الفيديو عادي بس ضل براسي ريـــمه ماردت علي ابد ما تدخل الهاي البرامج وديتلها رساله على الوتساب
-راسلتج بالانستا
-هسه اشوفن.
دقايق شافتهن واجت للوتساب تكتب
-كلشي ما فهمت؟
-هذول مخطوبين جانوا البنيه استشهدت بأنفجار والولد استشهد وراها كتلج نفس عفراء ومنذر.
-يااا وين هسه هاي؟ طالعه بالأخبار هسه استشهدوا.
-خاب امداني جيه راسلتج اصلاً قصه هاي وصارلها مدري چم سنة.
-الله يرحمهم شدراني.
عفتها وطلعت هيه هيج وكت تنثول تنعس وشخطت وره مادرت بروحها حامل بولد ثالث، ضليت اكلب بس ما گدرت اشيلها من بالي رجعت للفيديو لكيت بنات رايدات الكاتبة وحاطات حسابها بالتعليقات طبيت الحسابها وديتلها الفيديو مدري كتبتلها
-نفس أختي وزوجها.
تانيتها ساعة ما شافت المحادثة هزيت ايدي وطلعت طفيت التلفون ونمت راحت من بالي بعد عده اسبوع يله رجعت طبيت للأنستا كامت كل الفديوهات يطلعلي على نفس القصه رجعت الحساب الكاتبة وديتلها
-عيني ست اريد اقرأ الرواية شلون ووين.
ومدري شعجب فتحت الرسايل بسرعة كتبتلي
-الله يرحمهم
على برنامج الواتباد تكدرين تقرين.
-شكراً ست.
نزلته وولا عرفت شلون اقرأ رجعت راسلتها
-ست شلون اقرأ.
ما جاوبتني راح فضولي وطلعت من الانستا الثاني يوم لكيتها راده ومصورتلي سكرينات شلون أقرأ ومنين
-شكراً
كتبتها ورحت ادور على القصه طلعتها ومضيگه عيوني اقرأ ما عاجبني اعدي اسطر وكلمات ومن انثول ما فاهمه شي ارجع اقرأ عدل وشوي شوي گمت اتحمس واريد بس اكملها، غفيت والتلفون بأيدي كعدت الصبح متأخره كل بالي يم الرواية
وبس افرغ اكعد اقرا الحد ما كملتها راسلت الكاتبة مقهوره كتبتلها يمكن العشناه احنا اصعب بس ارجع واكول الله يساعد گلبهم الكل كل واحد بيهم تحمل وجع بطريقة مختلفة.
وره ساعتين لكيتها مجاوبه
- يا عمــري انتِ
ليش شنو العشتيه اصعب منهم
-هم خسرت امي وابوي واختي واخوي وكلهم ماتوا مقتولين ومظلومين.
-الله يرحمهم ويصبرج
-شكراً ست ايلول يصبر الجميع
-حبيبتي.
حطيت لايك على رسالتها وطلعت وكل ما أشوف وحده من البنات احجيلها القصة وانزللها البرنامج تقراها الا ريـــمه كضتها ايع ما ايع ما اريدن وما احبن عفتها جــويريه وماسه حبنهن بس جوري خرجت عن السيطرة كامت تطلع من قصة تطب القصه جن اول طيحت القصص وصيهد يتسودن من يلكاها مكابله التلفون وكاعده .
ضليت كل ما اشوفن الكاتبة ناشره ستوري ارد عليه وتجاوب تسأل مرات اصورلها الحديقة لو المرجوحة نسولف اكثر مره كتبت
-كلش بقى ببالي اهلج شلون انقتلوا.
-هيج عركات عشاير
-حتى اختج؟
-اي حمت اخوي هيه وياه تؤام وانكتلت.
-الله يرحمها ويصبركم بحق الحسين.
-امين
شافتها وبعد ما ردت طلعت من محادثتها لمن نزل بريا من دوامه عبدالله وعفرا تلكوه وهو يحير يشيلهم ويبوسهم طاير بيهم وخطيه اجه مسطور من دوامه وانه سطرته بالزايد احجيله على القصة القريتها ضل بس يهز راسه خوش
بريا:: غير سولفتيها الي بالتلفون؟
-ميخالف جاي اشرحلك.
-اي حبيبتي اشرحي
-بعد بطلت ما اشرح.
كمت من يمه اسوي الغده وهو ما صدك گبل نام، شمس بعد ما تراوت لوتيه من يجي بريا تشرد غاد وتوبات تاخذ عــفراء وعبدالله. وياها عود تسويلينا جو وحدنا اموت من الضحك على سوالفها.
كترت مراسلتي وي ايلول وبكل مره نحجي اسولف عن اهلي اكثر ولكيت روحي احجي كلشي عن القرية واعمامي الحد يوم من الايام كالت
-أريد اكتبها
-لا يمه ما يرضون.
-حرامات كلش تستحق تكون رواية.
-اتمنى بس ادري بيهم ما يرضون.
انطتني حسابها الخاص كالت خاف بيوم من الايام تقرررين تكتبينها راسليني هناك لان هنا حسابج يضيع وي المحادثات.
تابعت حسابها وضليت أفكر بيها حجيت للبنات بالكروب وبدور تصيح
-شصاير يا قصه يا كاتبه شكو ولكم اجي اجي هاه؟
-لا صلي على محمد وافهمي
وكعدنا كلنه نسجل صوتيات نشرلها علت كلبنه يله فهمت كالت جــويريه
-اني لا مابيه حيل مشاكل صــيهد.
ندى:: اني كلش عجبتني الفكرة وياج رنـــه اكتب
رغد:: حتى انه بس شلون يعني نحجي كلشي نوبات انه احجي عليجن واغلط هم اكولهن هذن وتشوفني بالقصه غالطة عليحن.
مــاسه:: اي عليجن الله لحد تضم خلنه نعرف حقيقتجن وياهي تحجي على الثانية
ضحكن وكلمن تحجيلها بصفحة اخذن الموضوع ضحك بس انه افكر شلون ويا طريقة اگدر اقنع بيها كهلان راسلته مراسله كتبتله
-اريدن اسوي حياتنا رواية.
ساعة يله فتح نت وشافها كتبلي
-لا مسلسل احسن.
-كهلان ترضون اسويها لو اسويها من وراكم وافضحكم فضيحة.
-شمالها هاي نامي خويه وباجر ادورلج شغل كعدت البيت سودنتج.
-شبيك والله رواية حلوه
-خاب يا روايه مسودنه انتِ
طلعت من محادثته ضايحة راسلت ريـــمه كالت انه احاجيه تحمست من جبرتها تقرأ شويه وگتلها منين تبدي الرواية وشلون راح تنعاد مشاهد اخوانا نق اها وجنهم يمنه، حاجته وهم ما اقتنع كايللها لا
راسلت الكاتبة گتلها
-بودي اكتبها بس اخوي ما رضى وما اكدر اسوي شي اذا هوه ما راضي ، ومحتاره شلون اقنعه.
-ومستحيل الرواية تنكتب بدون موافقته
-عاينــي احجيلج سالفة عليه هوه وعفراء وتكتبينها اوديها اله يقراه بلكن يرضى نكتبها.
-اي عادي
سولفتلها موقف بين عفراء وكهلان جانت ايدها محتركه مطفر عليها الدهن وهو يبوسها ويكلها كون بيه ولا بيج كالت
-يا وكت ووين كاعدين
-بالحوش العصر
-يعني وكت الغروب نن يصير لون الشمس برتقالي وهيج.
-اي اوكفلي اصورلج.
مشيت البيت اهلي صورتلها الحوش واشرحلها شلون جان السياج اخذتلها نص ساعة وودتلي رسالة طويلة كعدت اقرأ وگلبي يدك حييل چن هسه الموقف انعاد گدام عيني عفت التلفون اهفي على وجهي رجعت للتلفون نسخته وديته بالكروب كالت جــويريه
-ها كتبي ولج واني هم اريد وياجن
رغد:: رنـــه كهلان رضى ،
-لا كتبتلي هذا حتى اوديه اله يقراه بلكن يقتنع بس شو خفت لان انهمن قريته گـــلبي ضل يوجعني
ترددت ادزه اله العصر رحت يمهم كاعد يدرس بزهره كعذت بصفة كل شوي يباوعلي مبتسم وريمه مكابلتني ايدها على بطنها بس كضه دراست زهره انطيته تلفوني
-اقرأ هذا المشهد عليك الله.
اخذ التلفون من ايدي يضحك اول ما قرأ تلاشت ضحكته صفن بالتلفون قراه حاط ايده على كصته اعاي الاديه كزبر جلده وهوه يقرأ حاجاني ما يحط عينه بعيني
-وديه الي.
-خلي نكتبها حباب
سكت طلع من يمي اخذتلي مده الح وريمه تحجي وياه يله اقتنع وكيفت وقتعت البنات كلنه شادين ظهرنه بكهلان والكاتبه اخترت اسم القصه رجع كهلان صدمني من كال سويلي لبرنامج وسويها اقراها وبس كلت للبنات كلهن صاحن كهلان يقرأ بطلنه ما نكتب احتاريت راسلت ايلول كالت
-لا تنطينه اسم القصه امووتج
-شسوي.
-كليله لا ما يصير البنات كاتبات قصصهن ويانه مايصير تقرأ يستحن منك اني اصورلك مشاهدك وي عــفراء والولد واوديهن الك.
-خوش وبعد
-باوعي ترددت خاف صدفة يلكالها فيديو على التيك توك يعرف اسمها ويدخل يقرأ ويبقى يحجي عليجن.
-لا كهلان ما عنده تيك توك ويموت منه ولا يخلي واحد بالبيت ينزله بس انه منزلته لان عود متزوجه معليه بيه.
-هههههههه تمام
ضلينه كل ما ننجمع نحجي بالرواية واللي اريد تنسحب وما تكتب ويانه نهددها بعد ما نجي البيتها .
اجلنه موضوعها مده من تمرضت عمتي ايمان، ارواحنا راحت من الخوف عليها كلشي ولا هي ويوميه بدكتور ثلث اشهر يله شويه رجعتلها عافيتها.
ريـــمه ولدت وكهلان قفل الا يسمي عبد الله وبالبيت يگله عبود وابني عبدالله كتله
-جا بعد ما تسمي عــفراء
يضحك عليَّ .
ماريا وسليم صارت عدهم بنيه ويا طلابة الاسم هيه تريده روســـي وهوه ما يرضى تالي اتفقوا على اسم ميرا وشلون ميرا تصفن الواحد بوجها وهاجر شايلتها على گلبها ومهتمه بيها اكثر حتى من ماريا.
مشتّ ألأيام الرواية ضلت مأجله من الطرفين مجرد ثبتنا نكتبها وغلسنه بعد بالاخص من حبلت تعبـــت ماضل ببالي شي غير شوكت اجيب وريمه مدري شجاها يوميه مصرخة وباجيه وصاحت حبلت بالغلط جويرية كالتلها
-اني حسبتها حساب هالمره
ريـــمه:: اي جهالي اكبار كولي الروحج مبشر وعبود بعدهم صغار وحبلتي.
ريـــمه:: بالغلط والله
رغد:: انتِ اكضيها علينه بالغلط والله.
ريـــمه:: طكيتها اضــحك صدك بالغلط عمه من درت بينا تخبلت وما تقبل نحجي خافت علينه لان مــاسه كبل جم شهر صار عدها إسقاط كالت كله منجن تحبلن سوا وجبتن العين
تحجي تحجي وساعة تكيف وتكول
-خلفن خلفن زلمجن تشتغل وعدنا خير من الله خلفن وانه اربي.
وعبالك حاسبينها حساب اول وحده جابت رنـــه ولد سمته أبا الفضل
ووراها انه تخبل عليها كهلان ورنه تحلفه ما يسمي عــفراء نفس اسم بنتها كالها
-مو انا حالف اسمي عــفراء.
رنـــه:: بگت اسم ابني وراح تبوك اسم بنتي
كهلان:: اسميها بالجنسية عــفراء وبالبيت رنده
-يله قبلت.
وجويريه خلفت ولد وهم اختلفوا هيه وصيهد على الاسم
وره عركات وزعلات سمته وتد
وعبالنه رنـــه بطلت من الرواية تالي طلعت بعدها مستمره جبرتني أقرأ رواية ما گدرت احبها مو مال روايات انه كالتلي
-عوفي اجرام قري نوائب شــام
-خوش والله بلوه تجبريني اقرأ شنو.
-اي باجر اسوي فلك اذا اسألج عليهم وما تجاوبين.
ضحكت ودخلت للقصة اقرأ شوي احسن حبيتها اكثر من هذيج وطلعت من البرنامج كله انه مو من محبين القراية احبن اتابع مسلسلات سورية وي كهلان بس لان اخافن من رنـــه قريتها،
حاجيت هاجر حتى تشارك بالرواية ضحكت بمكر تباوع بوجهي هزت راسها لا
-ليش؟
هاجر:: ما حجيت البگلبي الج احجيه برواية؟
-مابيها شي
-لا.
سكتت تجي يمي من الصبح للعصر تعاوني على الجهال لان اعمارهم متقاربه يشلعون گـــلبي . وهم أدرّس شموسه وعلاوي اتعب وما الحك.
مدري شلون العمر بهالسرعة عده، اعاينلهم نايمين بالغرفة زهره وشموسه ومبشر وعبود، كعدت زهره وشمس وطلعت للدوانيه علاوي وحسين هم كعدتهم
-يله يمه مدرسه.
علي:: يمه هل اغيب
حسين:: گوووم ولك گوم.
كعد على حيله يگل لحسين
-شبيك عمي نعسان.
-گوووم.
ضحكت وهوه كام يغسل ولان كلهم طلعوا سوا تعاركوا يم المغسله عبالي علاوي وشموسه لمن طلعت ولكيتهم زهره وحسين واحد يغلط على الثاني
-يااا زهره ولك حسين.
زهره:: خيولي
حسين:: الكسولي
-شمالك حسين زلمه صرت وبعدك تتعارك وياها موعيب.
طلع كهلان من الحمام نتر بوجهه
كهلان:: شبيك ووولك؟
زهره:: يريدني اكتبله ولان ما قبلت يغلط علي.
كهلان:: وانتَ شمالك ما تكتب؟
حسين:: قدروا وضعي سادس اناا سادس
كهلان:: وهيه خامس تعوف دروسها وتكعد تكتبلك خايسس.
حسين::والله بعد فلا اطلع معدل
-لا تطلع معدل وشوف ياهو يخليك تطب جامعه.
ضليت كاضه گـــلبي بأيدي خايفه لا يطكه شمس كالتله
-خالو كافي تعاي زهره خلي نبدل.
طبينه جوه بردانين وحسين ضل بره غسل ووكف بباب الحوش، كهلان بدل وكعد بالهول مشغل دعاء الصباح وفاتح باب الدوانيه يعاين لحسين مديت راسي احاجيه
-عوفه هوه صاير شخاطه.
-جا هسه انا محاجيه.
-لا جاي أوصيك شبيك
شلت صينية الريوك حطيتها گدامنه وصحت الزهره وشمس وفزوا رند ومبشر كلبي شلعوه راحت زهره جابتهم سكتتهم وحطيتهم يمي علاوي صاح على حسين
علي:: عمو تعال تريك
التفت علينه مدري شلون يعاين وكف بباب الهول چنه دنگه ساد الضوه علينه
كهلان:: راح ارگعك بقوري الچاي
حسين:: ههههه شبيك بوويه شبيك.
دنك باس راسه وباس زهره كالتله
شمس:: خالو انه هم زعلني حجيك
حسين:: يا بعد روح خالج.
باسها وكعد بينها وبين زهره ولا جنهم هستوهم متعاركين جاي اصب چاي وكعد عبود الوحيد من جهالي لمن يكعد مبتسم يبوسني ويبوس ابوه كامت شموسه بساع غسلتله ورجعت نتريك. وطبت علينه رنـــه
-صباح الخير
-يا صباح العافيه.
كعدت يمي بالها يم شمس لان البارحة جانت مصخنة باستها وكعدت يمي سويتلها مجان تتريك ويانه ما رضت
-هسه يكعدون بريا والجهال نتريك سوه.
كهلان::ليمت يلتحق؟
-بعده،
-الله يسهل
شويه ومشوا الدواماتهم كهلان بكضي الصبح بالوظيفة والعصر بالگيعان جان حسين يعاونه بس من وصل سادس كاله ادرس ما اريدن منك شي .
بدينا نكتب الرواية مثل ما رنـــه رادت وكهلان يوميه الصبح من يروح البيتها يگلها
-شو ما وديتيلي البارحة؟
رنـــه :: ضحكت احاجيه
-جا يوميه هيه.
باس الجهال ووكف كال
-شلعتي گـــلبي لو مخليتني اقرأ.
-لا ما يصير هيه مو بس قصتك انه انه اصورلك كل مشاهدك وي الولد ووي عفره وعبود.
تحسر يهز راسه اي بريا كاله
-يا قصه؟
كهلان:: مالك غرض بيني وبين اختي
ضحك اخذله شويه وراح وبريا افتر وراي الحد ما مل من سولفلته ضل يلطم
-والله اذا حجيت يم واحد من الولد اسوي فلك.
-خايسات تلعبن بكيفجن.
-كهلان راضي
-وين بله راويني.
-ما يصير شبيكم انتم ما يصير غير البنات ويانه بالقصة.
-وشمسميتني بالقصه؟
-سميتك محيسن
عاينلي فاتح عينه بصدمة ضحكت
-جذب جذب سميتك المخطوف
-كون صدك والكاج كاتبة هذن السوالف
-لا شسالفة .
كمت من يمه اسوي الغده وهو ما صدك گبل نام، شمس بعد ما تراوت لوتيه من يجي بريا تشرد غاد وتوبات تاخذ عــفراء وعبدالله. وياها عود تسويلينا جو وحدنا اموت من الضحك على سوالفها.
كترت مراسلتي وي ايلول وبكل مره نحجي اسولف عن اهلي اكثر ولكيت روحي احجي كلشي عن القرية واعمامي الحد يوم من الايام كالت
-أريد اكتبها
-لا يمه ما يرضون.
-حرامات كلش تستحق تكون رواية.
-اتمنى بس ادري بيهم ما يرضون.
انطتني حسابها الخاص كالت خاف بيوم من الايام تقرررين تكتبينها راسليني هناك لان هنا حسابج يضيع وي المحادثات.
تابعت حسابها وضليت أفكر بيها حجيت للبنات بالكروب وبدور تصيح
-شصاير يا قصه يا كاتبه شكو ولكم اجي اجي هاه؟
-لا صلي على محمد وافهمي
وكعدنا كلنه نسجل صوتيات نشرلها علت كلبنه يله فهمت كالت جــويريه
-اني لا مابيه حيل مشاكل صــيهد.
ندى:: اني كلش عجبتني الفكرة وياج رنـــه اكتب
رغد:: حتى انه بس شلون يعني نحجي كلشي نوبات انه احجي عليجن واغلط هم اكولهن هذن وتشوفني بالقصه غالطة عليحن.
مــاسه:: اي عليجن الله لحد تضم خلنه نعرف حقيقتجن وياهي تحجي على الثانية
ضحكن وكلمن تحجيلها بصفحة اخذن الموضوع ضحك بس انه افكر شلون ويا طريقة اگدر اقنع بيها كهلان راسلته مراسله كتبتله
-اريدن اسوي حياتنا رواية.
ساعة يله فتح نت وشافها كتبلي
-لا مسلسل احسن.
-كهلان ترضون اسويها لو اسويها من وراكم وافضحكم فضيحة.
-شمالها هاي نامي خويه وباجر ادورلج شغل كعدت البيت سودنتج.
-شبيك والله رواية حلوه
-خاب يا روايه مسودنه انتِ
طلعت من محادثته ضايحة راسلت ريـــمه كالت انه احاجيه تحمست من جبرتها تقرأ شويه وگتلها منين تبدي الرواية وشلون راح تنعاد مشاهد اخوانا نق اها وجنهم يمنه، حاجته وهم ما اقتنع كايللها لا
راسلت الكاتبة گتلها
-بودي اكتبها بس اخوي ما رضى وما اكدر اسوي شي اذا هوه ما راضي ، ومحتاره شلون اقنعه.
-ومستحيل الرواية تنكتب بدون موافقته
-عاينــي احجيلج سالفة عليه هوه وعفراء وتكتبينها اوديها اله يقراه بلكن يرضى نكتبها.
-اي عادي
سولفتلها موقف بين عفراء وكهلان جانت ايدها محتركه مطفر عليها الدهن وهو يبوسها ويكلها كون بيه ولا بيج كالت
-يا وكت ووين كاعدين
-بالحوش العصر
-يعني وكت الغروب نن يصير لون الشمس برتقالي وهيج.
-اي اوكفلي اصورلج.
مشيت البيت اهلي صورتلها الحوش واشرحلها شلون جان السياج اخذتلها نص ساعة وودتلي رسالة طويلة كعدت اقرأ وگلبي يدك حييل چن هسه الموقف انعاد گدام عيني عفت التلفون اهفي على وجهي رجعت للتلفون نسخته وديته بالكروب كالت جــويريه
-ها كتبي ولج واني هم اريد وياجن
رغد:: رنـــه كهلان رضى ،
-لا كتبتلي هذا حتى اوديه اله يقراه بلكن يقتنع بس شو خفت لان انهمن قريته گـــلبي ضل يوجعني
ترددت ادزه اله العصر رحت يمهم كاعد يدرس بزهره كعذت بصفة كل شوي يباوعلي مبتسم وريمه مكابلتني ايدها على بطنها بس كضه دراست زهره انطيته تلفوني
-اقرأ هذا المشهد عليك الله.
اخذ التلفون من ايدي يضحك اول ما قرأ تلاشت ضحكته صفن بالتلفون قراه حاط ايده على كصته اعاي الاديه كزبر جلده وهوه يقرأ حاجاني ما يحط عينه بعيني
-وديه الي.
-خلي نكتبها حباب
سكت طلع من يمي اخذتلي مده الح وريمه تحجي وياه يله اقتنع وكيفت وقتعت البنات كلنه شادين ظهرنه بكهلان والكاتبه اخترت اسم القصه رجع كهلان صدمني من كال سويلي لبرنامج وسويها اقراها وبس كلت للبنات كلهن صاحن كهلان يقرأ بطلنه ما نكتب احتاريت راسلت ايلول كالت
-لا تنطينه اسم القصه امووتج
-شسوي.
-كليله لا ما يصير البنات كاتبات قصصهن ويانه مايصير تقرأ يستحن منك اني اصورلك مشاهدك وي عــفراء والولد واوديهن الك.
-خوش وبعد
-باوعي ترددت خاف صدفة يلكالها فيديو على التيك توك يعرف اسمها ويدخل يقرأ ويبقى يحجي عليجن.
-لا كهلان ما عنده تيك توك ويموت منه ولا يخلي واحد بالبيت ينزله بس انه منزلته لان عود متزوجه معليه بيه.
-هههههههه تمام
ضلينه كل ما ننجمع نحجي بالرواية واللي اريد تنسحب وما تكتب ويانه نهددها بعد ما نجي البيتها .
اجلنه موضوعها مده من تمرضت عمتي ايمان، ارواحنا راحت من الخوف عليها كلشي ولا هي ويوميه بدكتور ثلث اشهر يله شويه رجعتلها عافيتها.
ريـــمه ولدت وكهلان قفل الا يسمي عبد الله وبالبيت يگله عبود وابني عبدالله كتله
-جا بعد ما تسمي عــفراء
يضحك عليَّ .
ماريا وسليم صارت عدهم بنيه ويا طلابة الاسم هيه تريده روســـي وهوه ما يرضى تالي اتفقوا على اسم ميرا وشلون ميرا تصفن الواحد بوجها وهاجر شايلتها على گلبها ومهتمه بيها اكثر حتى من ماريا.
مشتّ ألأيام الرواية ضلت مأجله من الطرفين مجرد ثبتنا نكتبها وغلسنه بعد بالاخص من حبلت تعبـــت ماضل ببالي شي غير شوكت اجيب وريمه مدري شجاها يوميه مصرخة وباجيه وصاحت حبلت بالغلط جويرية كالتلها
-اني حسبتها حساب هالمره
ريـــمه:: اي جهالي اكبار كولي الروحج مبشر وعبود بعدهم صغار وحبلتي.
ريـــمه:: بالغلط والله
رغد:: انتِ اكضيها علينه بالغلط والله.
ريـــمه:: طكيتها اضــحك صدك بالغلط عمه من درت بينا تخبلت وما تقبل نحجي خافت علينه لان مــاسه كبل جم شهر صار عدها إسقاط كالت كله منجن تحبلن سوا وجبتن العين
تحجي تحجي وساعة تكيف وتكول
-خلفن خلفن زلمجن تشتغل وعدنا خير من الله خلفن وانه اربي.
وعبالك حاسبينها حساب اول وحده جابت رنـــه ولد سمته أبا الفضل
ووراها انه تخبل عليها كهلان ورنه تحلفه ما يسمي عــفراء نفس اسم بنتها كالها
-مو انا حالف اسمي عــفراء.
رنـــه:: بگت اسم ابني وراح تبوك اسم بنتي
كهلان:: اسميها بالجنسية عــفراء وبالبيت رنده
-يله قبلت.
وجويريه خلفت ولد وهم اختلفوا هيه وصيهد على الاسم
وره عركات وزعلات سمته وتد
وعبالنه رنـــه بطلت من الرواية تالي طلعت بعدها مستمره جبرتني أقرأ رواية ما گدرت احبها مو مال روايات انه كالتلي
-عوفي اجرام قري نوائب شــام
-خوش والله بلوه تجبريني اقرأ شنو.
-اي باجر اسوي فلك اذا اسألج عليهم وما تجاوبين.
ضحكت ودخلت للقصة اقرأ شوي احسن حبيتها اكثر من هذيج وطلعت من البرنامج كله انه مو من محبين القراية احبن اتابع مسلسلات سورية وي كهلان بس لان اخافن من رنـــه قريتها،
حاجيت هاجر حتى تشارك بالرواية ضحكت بمكر تباوع بوجهي هزت راسها لا
-ليش؟
هاجر:: ما حجيت البگلبي الج احجيه برواية؟
-مابيها شي
-لا.
سكتت تجي يمي من الصبح للعصر تعاوني على الجهال لان اعمارهم متقاربه يشلعون گـــلبي . وهم أدرّس شموسه وعلاوي اتعب وما الحك.
مدري شلون العمر بهالسرعة عده، اعاينلهم نايمين بالغرفة زهره وشموسه ومبشر وعبود، كعدت زهره وشمس وطلعت للدوانيه علاوي وحسين هم كعدتهم
-يله يمه مدرسه.
علي:: يمه هل اغيب
حسين:: گوووم ولك گوم.
كعد على حيله يگل لحسين
-شبيك عمي نعسان.
-گوووم.
ضحكت وهوه كام يغسل ولان كلهم طلعوا سوا تعاركوا يم المغسله عبالي علاوي وشموسه لمن طلعت ولكيتهم زهره وحسين واحد يغلط على الثاني
-يااا زهره ولك حسين.
زهره:: خيولي
حسين:: الكسولي
-شمالك حسين زلمه صرت وبعدك تتعارك وياها موعيب.
طلع كهلان من الحمام نتر بوجهه
كهلان:: شبيك ووولك؟
زهره:: يريدني اكتبله ولان ما قبلت يغلط علي.
كهلان:: وانتَ شمالك ما تكتب؟
حسين:: قدروا وضعي سادس اناا سادس
كهلان:: وهيه خامس تعوف دروسها وتكعد تكتبلك خايسس.
حسين::والله بعد فلا اطلع معدل
-لا تطلع معدل وشوف ياهو يخليك تطب جامعه.
ضليت كاضه گـــلبي بأيدي خايفه لا يطكه شمس كالتله
-خالو كافي تعاي زهره خلي نبدل.
طبينه جوه بردانين وحسين ضل بره غسل ووكف بباب الحوش، كهلان بدل وكعد بالهول مشغل دعاء الصباح وفاتح باب الدوانيه يعاين لحسين مديت راسي احاجيه
-عوفه هوه صاير شخاطه.
-جا هسه انا محاجيه.
-لا جاي أوصيك شبيك
شلت صينية الريوك حطيتها گدامنه وصحت الزهره وشمس وفزوا رند ومبشر كلبي شلعوه راحت زهره جابتهم سكتتهم وحطيتهم يمي علاوي صاح على حسين
علي:: عمو تعال تريك
التفت علينه مدري شلون يعاين وكف بباب الهول چنه دنگه ساد الضوه علينه
كهلان:: راح ارگعك بقوري الچاي
حسين:: ههههه شبيك بوويه شبيك.
دنك باس راسه وباس زهره كالتله
شمس:: خالو انه هم زعلني حجيك
حسين:: يا بعد روح خالج.
باسها وكعد بينها وبين زهره ولا جنهم هستوهم متعاركين جاي اصب چاي وكعد عبود الوحيد من جهالي لمن يكعد مبتسم يبوسني ويبوس ابوه كامت شموسه بساع غسلتله ورجعت نتريك. وطبت علينه رنـــه
-صباح الخير
-يا صباح العافيه.
كعدت يمي بالها يم شمس لان البارحة جانت مصخنة باستها وكعدت يمي سويتلها مجان تتريك ويانه ما رضت
-هسه يكعدون بريا والجهال نتريك سوه.
كهلان::ليمت يلتحق؟
-بعده،
-الله يسهل
شويه ومشوا الدواماتهم كهلان بكضي الصبح بالوظيفة والعصر بالگيعان جان حسين يعاونه بس من وصل سادس كاله ادرس ما اريدن منك شي .
بدينا نكتب الرواية مثل ما رنـــه رادت وكهلان يوميه الصبح من يروح البيتها يگلها
-شو ما وديتيلي البارحة؟
رنـــه :: ضحكت احاجيه
-جا يوميه هيه.
باس الجهال ووكف كال
-شلعتي گـــلبي لو مخليتني اقرأ.
-لا ما يصير هيه مو بس قصتك انه انه اصورلك كل مشاهدك وي الولد ووي عفره وعبود.
تحسر يهز راسه اي بريا كاله
-يا قصه؟
كهلان:: مالك غرض بيني وبين اختي
ضحك اخذله شويه وراح وبريا افتر وراي الحد ما مل من سولفلته ضل يلطم
-والله اذا حجيت يم واحد من الولد اسوي فلك.
-خايسات تلعبن بكيفجن.
-كهلان راضي
-وين بله راويني.
-ما يصير شبيكم انتم ما يصير غير البنات ويانه بالقصة.
-وشمسميتني بالقصه؟
-سميتك محيسن
عاينلي فاتح عينه بصدمة ضحكت
-جذب جذب سميتك المخطوف
-كون صدك والكاج كاتبة هذن السوالف
-لا شسالفة .
گمت من يمه اضــحك عفته وي جهاله بالمرجوحة عفرا وامفه وكفه تلعب بشعره وعبدالله يهز بالمرجوحة وابا الفضل بحضنه والورد تارس الحديقة بصفهم مثل ما هو راد صورتهم من باب الهول ووديتها الماريا جاب اشتغل وراسلني كهلان كاتب
-نسيت اوصيج مو تودن صور الهاي البت التكتب القصة.
-لا لا شسالفة.
هفيت على وجهي احجي وي روحـــي. شيسوي بيه اذا درى حتى الجناسي وعقود الگيعان موديه صورهن
شمس من عرفت بينا نكتب رادت تقرأ ما قبلت گمت اصورلها لقاء امها وابوها وجل مشهد يخصهم خفت حيل عليها لا تضل تبجي بس هي جانت بكل مره تقرأ شي يخصهم تضحك
شمس::انه ما اتذكر ملامحهم غير مت الصور ما اتذكر صوت امي ولا ابويه اقلها اعرف شلون حبوا بعضهم وشلون عاشوا وشنو شخصياتهم حبابه خاله دائماً وديلي اي شي مكتوب ويخصهم.
مسحت عيوني وشبكتها
-صار يا روحـــي صار بس كل الاريدنه منج هسه تشدين حيلج وتركزين بدراستج هم اريدج تطلعين الاولى دكتورتنا انتِ.
-انتِ ادعيلي وانه اطلع الاولى ان شاءالله.
زهره:: هسه شموسه ابتدائية ما تخلينها تقرأ انه اعدادية ليش ما تخليني.
-اريدج تدرسين وبالعطله اقري.
ضحكت ودنگت تلعب وي أبا الفضل
حسين تعب حييل وكهلان لا يخليه يطلع لا يشتغل ةلا حتى يعاونه بالگاع كاله اريدك تطلع بمعدل. وصدك شد حيله لا يطلع لا يمشي خله كل تركيزه بدراسته نوه يدخل تمريض وگدر ووصل للي يريده ويا فرحتنا بيه
وشموسه بس نجحت من السادس ابتدائي خالها وعدها يسويلها عزيمه وياخذها للزيارة واتأخر عليها بسبب شغلة كالتله
-خالو ما اريد العزيمه بس اخذني للزيارة اريد ازور امي وابويه.
-وعلي تدللين وتأمريني امر بس انطيني هاليومين ارتبلي اجازة واخذج.
هزت راسها خوش مبتسمه
-تعاي شمسي
رنـــه:: فتحت ايدي أأشرلها ضميتها بحضني ابوسنها حييل
-اذا كهلان ما گدر ياخذج انه اخذج.
شمس:: لا خاله يگدر من يگلي شي يسويه.
هزيت راي اي مبتسمه، رتبله اجازه ورحنا سوا احنا بسيارتنا ويانه حسين وزهره وهنه بسيارتهم زرنا النجف وطلعنه للمگبره شمس شهادتها بأيده عاينت لعيوني مسحت دموعي ما اگدر اخلي عيني بعينها
شمس:: نولدت من اطهر حب واحن ام واب وعشت بيّن انقى البشر وأحنهم علي، اخوالي اللي بعمري ما شفت احن منهم، خالي كهلان اللي عيونه تتبعني بحسرة وابتسمله انقهر من اشوف بعيونه هالنظرة محمل نفسه مسؤولية الصار.
كعدت يم قبر امي خالاتي يبجن وانه ضامه دموعي اتلمس حروف اسمها
-يمه.. انه شمسج وحلمج... انه بنتج اجيتج فرحانه بنجاحي الاولى على مدرستي
وگمت من يمها الگبر ابويه
-بابا يابه حبيبي شمسكم نجحت والأولى على مدرستها ، يابه عمو مازن ما عايفني ابد وكلش يحبني وداير باله عليَّ ودائماً يگلي اخاف لا اقصر وياج ومنذر يزعل، تمنيتكم موجودين واشوف الفرحة بعيونكم بس الحمدلله على كل حال انه كل مؤمنه انتم بمكان احسن وارحم من الدنيا بألف مره،
مسحت دموعي ارجف وحسيت بخالو كهلان جرني الصدره شبگني يبجي ضميت روحـــي بحضنه اشهك
طلعنه من المگبره لكربلاء افترينا انه وخالي حسين وخاله زهره وين ما نريد ياخذنه صح مرات يغثنة بس بساع يرجع يضحك. صاحلي خالي
كهلان:: تعاي صــيهد يريدج.
مشيت بساع اخذت التلفون من ايده
-الو هلا خالو
صــيهد :: هلا خالي هلا شمسنا شلونج.
-الحمدلله زينه
-اكلج شني تردين هدية نجاحج.
ضحكت عاينت الخالي كهلان هز راسه شكو گمت من يمه صرت على صفحة
-يعني انه اطلب الهديه
-اي
-حتى لو غالية.
-ولج انا صــيهد اطلبي وتدللين ما يغلى على شمسنا شي.
-ههههه خالو اريدن تلفون بس خالي كهلان ما يرضى وانه أحتاجه والله.
-خالي غير نخاف عليج بعدج صغيره تضلين تسختين وتهملين دراستج.
-لا والله اصلاً اوقات الدوان انطيه الخاله ريـــمه تضمه هسه مو مرات ادرس واقرأ بتلفون خالة زهره ما اسخت.
-واذا جبتلج تلفون ورسبتي
-ما ارسب
-ما تنزلين برامج.
-بس چم واحد
-ياهنه بله؟
-وتساب وانستگرام.
-لا هاي هيه ربحنه بس واتساب ويوتيوب.
-هههههه يله خوش.
-خوش تدللين خالي تدللين
سديت التلفون منه اضــحك ماگبت الخالي كهلان شنو راح يجيبلي خفت يزعل لان مره حاجيته وماقبل كال من تصيرين بالثاني متوسط يله اجيبلج بس انه حيل محتاجته هم للدراسة وهم حتى اعيد مشاهد امي وابوي شوكت ما اريد ارجع اقراهن.
بس رجعنه من الزيارة العصر اجه عمي مازن رحت وياه طلعني للسوك وبعده مثل كل مره يسأل
مازن:: مرتاح يم اخوالج عمي لو تجين يمي؟
-لا عمو مرتاحه والله .
كمت ما ابات يمه بالليل وره العشه آخليه يرجعني الكه خاله رنـــه واكفتلي بالباب ضحكت
-شدراج اجيت.
رنـــه:: جريتها ابوسها
-حافظتج هيج ومت تجين.
ضحكت واجت يمي تلعب وي بريا بلي شويه واجاها كهلان اخذها يمه، بقيت كل ما ينكب مشهد بالروايه يخص عــفراء اوديه الها لو على تلفون زهره لو على تلفون ريـــمه، لان صيهد گالها من خالج يسوي العزيمه الزامط بيها انطيج التلفون
واحنا مخلين كهلان مأجل العزيمه الحد ما تجي بــدور نريدها ويانه، وهي يوميه تأجل جيتها راسلتها محترك گـــلبي .
-راح تبدي المدارس.
-خاب شمالج حامل بس خل اعدي هالجم يوم واجي
-يله لا تبطين ترى نسوي العزيمه وتضلين.
طلعت من محادثتها اسمع صوت بيت كهلان وشمس يضحكون اخت جهالي ورحت يمهم وبريا مشه يشوف مــيثم وكهلان كل ما يشوفهم هواي يفرح اكثر ويريد بعد ريـــمه تگله
-والله لو بعد مدري شيصير ما اخلف
واضحك ادري بيها جذابه هسه تخبل وتكول بالغلط، جريت نفس طويل اتأملهم همه وضحكتهم، ومن دون الكل بنتي عفرا معاديه عبود ابن كهلان وهوه عااقل وصوته ما يطلع تخبث وياه لو تطكه لو تكرصت تخليه يشيط
عضيتها اتوبها منه، ما تتوب ما گدرتها، نعوفهم يتعاركون ونرجع نكعد نشرب چاي نضحك .
جــويريه:: سبحان الله دائماً العوض ينسي مرارة التعب والصبر، انسى كلشي مريت بيه من أشوفهم گدامي واشوف حنية صــيهد عليهم ويعاندهم يحضن ليالل حيل يحرك بگلبهم ويضحك ويرجع يكلهم احبكم كلكم بس تصرفاته غير وي ليال حيل تختلف عبالك بس هيه بنيه خلاها تنغر وشايفه روحها مفلشتني وي بنات عمامها وهو يگلي ميخالف عوفيها.
وتد عاقل وهادئ بس كرار طلعلي گلب ثاني لا تهديد يفيد وياه لا سيايه لا حب يعارك ويصيح عود عصبي اتخيل من يسوي هيج وازعل يرجع يعتذر جنه ابوه، ويديح فجأة التفت ما الكاه دورت دورت ماكو توني اريدن اخابر صــيهد يجي يشوفه وين راح وطب علي يصيح
كرار:: يمه يمه شووفي
للتفتت عليه متحلفة. توني احجي والمحه كاض بومه بين اديه صرررخت وصعدت على الجربايه متسودنه
-وووللك عوفهاا ث عووفها اموووتك اليوم
كرار:: بيهاا دم خطيه
-طلعهاااا بره.
-يمه ما تعض.
-راح اموووتك.
الخبيث شافني صدك تكش روحي واخاف متها ضل يريد يشمرها علي انه اخزر واهدد واصيح وهوه يضحك
كرار::ووووه.
-اليوووم اموتك كرار ولعباس اذا ما عضيتك
وهوه شايل اديه يريد يشمرها علي ويضحك لمن طب ابوه كضه من علياه
صــيهد:: شتسوي ولك؟
كرار:: لكيتها طايحه وبيها دم وامي ما ترضى تعقمها
اخذها ابوه من ايده وطلع للهول ركضت وراه اريد اكتله شرد لبست نعالي ومشيت البيت خاله ايمان لكيتهم كاعدين بالهول دنك رضا بس سلم علي وطلع كتلهن
-كرار اجه يمكم؟
ندى:: لا ما شايفينه.
ايمان:: شمالج وياه
-اريد اعضه.
-مو يمنه ما ندري بيه وين.
رهيه مغطيها رجليها ببطانيه ويمها مخاد عرفته يمها ركضت اريد اعضه ماخلتني كتلتني وطردتني بالليل يله رجعنه تصاحبنه انه وكرار يلعب على اعصابي يعرف شلون يحرك گـــلبي وشلون يراضيني
نومتهم ومشيت للغرفة وتد ينام يمي بعدني اخاف عليه گال صــيهد
-احس ليال تريد اخت.
-اني احسك تريد تنظرد البيت كهلان.
ضحك فاتحلي ايده تمددت بحضنه باس راسي ساكت كتله
-البومه وين راحت؟
-وديها يم كهلان.
-عفيه.
غمضت عيني ساكته احمد ربي واشكره على نعمته .
ندى:: ابد ما تخيلت حياتي هيج وانُ يجي يوم وربي يعوضني بگلب حنين يملي علي الدنيا، يكفيني حبه الرضا، وحب رضا الاخته
فتحتله المشتمل الجنه عايشين بيه انه ووهب، ياخذ راحته اكثر يدرس براحته وفهم علاقته وياهم شنو ابتعد حيل ومن يسلم على البنات مدنك والولد كلهم يحبونه ويحبون تربيته ابد ما يوم واحد انغث منه.
باوعت العمه ووهب مبتسمه وهو يمرغ باعصاب اديها وهي تدعيله باوعلي يضحك ويسويلي بوسات
-حبيبي.
ايمان:: يمه كوموا الغرفتكم.
وهـــب:: لا يمه خلينه كاعدين يمج شعدنا.
ضحكت تسأل على فاطمة گتلها
-راحت يم رضا ودتله حلويات
شويه واجوا هوه وياها يضحكون وعمه متونسى عليهم بس هيه بقى يشاقيها مثل قبل يكلي احسها روحـــي ما اگدر ما ابوسنها.
وهيه هم حيل تحبه ما تفارگه .
اعاينلهم مبتسمه يتشاقون وياها هوه ووهب وكل شوي يگله
رضا:: يابه والله خل نزوجها هسه تصحى ورجليها يطيبن.
وهـــب:: هاي هيه هذا حارس مدرستكم نشوفه الها
وهيه متحلفه بيهم تريد تطكهم بالعوجيه. اضــحك الضحكتهم.
رغد:: اكثر انسانه ما جنت متخيله ارجع اعيش واضحك، بس كلشب بقدرة رب العالمين يصير، وشكد ما المرينه بيه صعب ربي عوضنه، عوضنه بأطفال اثنين سيف وفردوس تارسين البيت بضحكهم
وشكد ما مرت سنين سلطان ما نسى جرحه بعده يكعد على الشط ويروح سيف يصيحله يجي وياه. يبتسم ويشاقيهم يضم قهره عنه يوم يومين يله ترد الضحكة الوجهه
عاينلي مبتسم
-احبنج.
-اموتن عليك سلطاني وروحي.
كرص خديّ مبتسم وطلع وي الولد للگيعان.
مــاسه:: اليقهرني تخرجنا وكعدنا بالبيت ولدنا ما يدورولنا شغل خبيثين عاجبتهم كعدتنا بالبيت من الملل بقينا بس نخلف ، وميثم يگلي
-شلج بالتعب انا اصرف عليكم
-انه احب التعب
ضحك يحلف
-والله بس الكالج وظيفة تدللين.
بوس الجهال ثلاثتهم وطلع گال اشوفن ماريا وامر البيت بريا اشوفنهم.
حيلل حيل يحب جهال بريا وميرا بنت ماريا عنده بعز الهوه احب حنيته وهدوئه وحبه النه واكرهه قفلاته وعناده.
ريـــمه:: الحمدلله دائماً وابداً على كلّ النعم، افرح حييل من اشوف اخواني مرتاحين بحياتهم وهجوره كل همها لوحاتها ورسوماتها وكل مزار يصير ســليم يخلي أسمها وياخذها تشارك .
ويتخيل من يردون يشترون اللوحات ويصيرن عزيزات عليها لو تغلي سعرهن لو تكلهم مو للبيع.
اليقهرني بيها بقت كتومه وكل حياتها بالمرسم واكثر رسماتها السجاد اللي لوع گـــلبي وگلبها سنين مرت رسالة ما شفت منه وكل العرفناه فعلاً سافر الدوله أوربيه وأختفى بس بعدني اتأمل اتأمل يجي يوم افتح باب حوشنه على صوت سيارة واشوفنه كدامي هالامل بگلبي وابد ما يموت.
كهلان بكل مره يصبرني ويگلي
-ان شاء الله يجي لا تنقهرين
-ان شاءالله.
يباوع لعيوني بحيره جرني عليه يبوس راسي ويحجي
كهلان:: تنسد الدنيا بوجهي لو بجيتي لا تخليني اشوفنج ضايجة احبن ما اطب للبيت وجهج يضحك.
ابتسمت اهز راسي اي تلمس شفتي بين أديه وطبوا عبود ومبشر واحد يشتكي من الثاني اخذهم وطلع كعد بالهول التموا عليه همه ورند صالحهم وضل يتشاقه وياهم
كمت من يمهم مبتسمه مديت راسي للغرفة زهره وشمس يسفطن بملابسهن عفتهن وطلعت للدوانيه علاوي يلعب وي حسين من تلفون ابوه وحسين كلساع يريد يكوم يكتله لان يشلع گلبه يستفزه علي يضل بس يضحك وهذا يحترك حرك كتله
-على كيفك دكتورنه اعصابك
حسين:: ههههههه يحرك گـــلبي . .
عفتهم وطلعت مبتسمه راسلت البنات نتفق على العزيمه
رنه :: الحد ما اجت بــدور من بغداد يله سوينه العزيمه وصيهد انطه التلفون الشمس كهلان ما راضي كاله
صــيهد:: خاب شني عود بس انتَ خالها لا اطيح حظك.
ضحك وعمه صاحت عليهم
-جا يمه ليمت تطبخون تضحكون علينه لا خليتونه نطبخ ولا انتم فضيتوها وطبختوا.
حركتهم حرك خلتهم كلمن يركضله ذبحوت خروف وشعلوا البريمزات بالحوش يطبخون، واحنا وهوستنا وهوسة الجهال تارسه بيت كهلان وفرحتنا كامله لان بــدور موجوده وكلمن يسولفله بصفحة
كمت وي ريـــمه للمطبخ نعاينن للولد من الشباج يضحكون ومتعاندين وي ســليم هوه يحرك گلب مــيثم بماريا وصيهد يكله
-الا اخذ بنتك الحلوه الابني
ســليم:: والله ما انطيها لو تبوسون الگاع سنتين عليتوا گـــلبي محد منكم كض مــيثم ورزله.
كهلان:: انا وكفت وياك
-ولا واحد منكم وكفلي
ركضوا وراه يردون يكتلونه طلع بره الحوش يضحك الد ما كملوا الغده صبينه ومدينه سفره وحده على طول الدوانيه همه كعدوا بصفحة واحنا كبالهم وكل وحده بينا جهالها بحضنها، بس كهلان حاط عبد الله سمه يوكله ويساعد ريـــمه عليهم.
شلت راسي مبتسمه اعاينلهم واحد واحد ياكلون ويسولفون هوستهم تارسه گـــلبي فرح.
الوره الغده همه ضلوا بالدوانيه يلعبون بلي واحنا بالهول نسولف اعاين بوجوه الكل مبتسمه واكتب كلشي لحظة بلحظة.
رغد كاضه بنتها فردوس وكاعده هيه وماسه على صفحة يسولفن ، وماريا وبدور وي عمتي ايمان، وريمه وجويريه وندى هم على صفحة يسولفن وهاجر وزهره. وشمس وحور الكل عنده شخص مقرب .
للعصر بدوا ينسحبون واحد وره الثاني طلع صــيهد للحوش. وصاح على جــويريه مشوا هيه وكرار وليال ووتد وكفوا بالحوش هوه يحجي وي الولد واحنا نحجي وياها سلموا
وراهم صاح وهـــب
-يله بويه وينكم .
كامن ندى وبدور وعمه ورضا طلع گبلهة اخذن فاطم وليث ابن بــدور ومشوا .
طلع مــيثم ومشت وياه مــاسه وجهالها أمير وحور وشايله بأيدها ريم سلموا وراهم وسلطان وسليم طلعوا بنفس الوكت .
واكثر يوم ضحكت وفرحت بيه اجه ببالي ابلغ الكاتبة يكون هاليوم هو اخر ذكر لاراضينا وقريتنا اللي تغيرت كلها.
رجعت للبيت وبالليل طلعت كعدت بالمرجوحة راسلتها احجيلها عن هاليوم وأشاركها صور تخصه اتفقنا يكون هذه اخر المحطات.
شلت راسي من التلفون دخل بريا كعد يمي بالمرجوحة سندت راسي على صدره هادئه والابتسامة ما تفارگ شفتي
-بريا
-عيونه.
-احبنك.
لمني على گلبه بأثنين اديه
-اموتن عليج بدويتي
النهاية لم تكن بتلك السعادة كانت تحمل جراحاً لا تشفى الى الابد
══━━━━✥◈✥━━━━══
دخلنه اراضيهم وعشنا وياهم اشهر طوال يصعب عليَّ اختمها بس لكل بداية نهاية🥹💚
الله يرحم كل الارواح اللي نقتلت بسبب وبدون سبب اتمنى السعادة للكل واتمنى يجي يوم واسمع شمس دكتورة مثل ما امها رادت
وان شاءالله اذا بقينا عدلين البعد عشر سنين وربي طول اعمارنه، وصارت وي اولادهم احداث تستحق تنروي راح انزل جزء ثاني يخصهم💚
الـــريحانات 🌱حبيبات الروح
انتم اساس كلشي الله لا يحرمني من وجودكم.
استودعكم الله 💚
شكرا لزيارتكم عالم روايات سكيرهوم
