رواية وجه محروق الفصل التاسع بقلم جمانه السعيد
اصيل....رجعت للبيت بس شكد محروك كلبي
صدك جذب بيتي ومااكدر اممن على فلوسي بسيطه
اذا ماااندمك ياامير الجلب
هو امه شايفيني وحدي ومستقوين عليه
بس شوفو اني شراح اسوي بيكم
حقي اخذه بايدي حتى مراح اشتكي عليكم
ثاني يوم من طلعت للورشه قفلت باب المطبخ
اني بيتي باب الدخول مالته باب المطبخ بعدين هول زغير وغرفه جبيره وغرفه زغيره
اما مكان الصاله والحديقه الورشه ماخذه مكانهن
طلعت وقفلت باب المطبخ وخليت المفتاح بجيبي
ورحت اشتغل بلورشه
بعد هاي الحادثه بكم يوم طلعت لكيت فاطمه تحاول تفتح باب المطبخ
اصيل....هااا فاطمه شكووو
فاطمه...اريد جداحه
اصيل...ماكو جداحه وبعد مااريد اشوف وجه اي واحد هنا
افتهمتي لو لا
وحتى هذا الحايط راح ابني يله بعد لا تجين هنا
ماعجبها كلامي دارت وجها وراحت
طبعا امها وأمير دازيها يطمنون اني اخذت احتياطاتي لو لا حتى امير يرجع يحاول يبوكني للمره الثالثه
ايجوز يكول بعقله راح يقفل الباب يوم يومين أسبوع وبعدين يرجع ينسى يقفله
واني اروح اخذ الي اريده عباله اني مغفل ويكدر يضحك عليه ويستغفلني
بس اني هلمره مصمم اكطع رجلهم من بيتي للابد
بعدها بيومين لكيت زينب نفس الشي تحاول تفتح الباب
اصيل...شكووو خير
زينب...اريد أقرأ بيتك عندي امتحان وبيتنا هوسه
اصيل... بيتكم طابقين بس الفوك ٣ غرف وجاي تقرين هنا
روحي روحي لا تخليني اصير عصبي عليج
جمانه السعيدي
راحت زينب بعدها رحت جبت طابوك وسمنت وطلعت عمال
بنيت الحايط بيني وبينهم
خليت العمال يعلون الحايط حيل
مااريد اشوفهم ولا اريدهم يشوفوني
ارتاحيت منهم وخلصت من دخلتهم البيتي
بس بعدني ما نسيت ثاري ويا امير لازم ااربي
هو محد ربى وعلمه طول عمره
واني الي راح اربي واخلي يكول الله حق
نجرت صندوق تقريبا نص متر وخليت بي قفل ومفتاح
اخلي بي فلوسي
لان الحمد لله اني سددت كل الديون الي عليه
وبديت اجمع فلوس من شغلي
صار اربع سنوات واني اشتغل بفلوس عماد
الحمد لله كدرت اثبت وجودي وصار عندي فلوس
ضميت الصندوك بمكان مايخطر على بال احد
بعد شهر ونص تقريبا
نايم بليل وسمعت صوت قوي بلطرمه
صوت واحد كمز على بيتنا الضاهر ماكدر ينزل على كيف
نزل بسرعه من الحايط ورجلي سوون صوت
اني نومي كلش خفيف
البيت اضلم بس الشارع بي ضوه
يعني اني اكدر اشوف البره من الشباك بس الي برا مراح يكدر يشوفني زين
كمت اباوع من الشباك
شفت امير جاي يمشي على كيف
رغم هو جان ملثم بس اني اعرفه كلش زين
قابل اتوه عن امير
جمانه السعيدي
قبل سهل علي دخول بيتي لان الحايط مفتوح
بس هسه الحايط مبني وعالي
قرر يطفر ويحاول يبوكني للمره الثالثه
مشيت على كيف عندي بوري حديد تقريبا طوله متر واحد
جبته ورجعت امشي على أطراف اصابعي
شفته يحاول يفتح الباب
بيده حديده زغيره ويحاول يفتح الباب على كيف
صرت ورا الباب وكتله بكلبي الله جابك
لوتدري شكد متحلفلك وانتظر تجيني بفارغ الصبر
ويا حركت ايده و الحديده بلباب اني فتحت القفل
هو توقع هو الي فتح القفل
بهاي الحديده الزغيره بايده
فتح الباب على كيف ودخل
هو دخل واني ضربته بلبوري على جتفه ورجعت ضربته على راسه بلضربه الثالثه هو حاول يطلع اجته الضربه
على ضهره بقوه
طلع من باب المطبخ عثر هلكد ما تفاجئ بضرباتي الي اجن وحده ورا الثانيه
ضربته بعد ضربه على ضهره صاح اخ يا بويه
كام بسرعه صعد على الحايط بينا وبينهم ضربته على
رجلي بكل قوتي
رجع ايده دفعني وشمر نفسه على بيتهم
جمانه السعيدي
اصيل...هاي الكتله انذار اذا عبرت عليه مره ثانيه
اكتلك خلاص وادفع ديتك
امير... اخ اني اعلمك ابن الكلب
اصيل.. تعال هسه علمني اذا بيك خير جبان تطفر بليل مثل الحراميه
عيدها مره ثانيه ارجعك جثه الامك
رجعت للبيت اللهث هلكد مااضربته بقوه وضربه على ضربه
فحطت
بس ارتاحيت نفسيا واخيرا شفيت كلبي باامير
بعد بعمره مراح يفكر بعيدها مره ثانيه
انقطعت علاقتي بيهم يوميه المغرب تجي فطومه لو زينب للورشه تاخذ المصرف وتروح
لا ادخل بيهم ولا يدخلون بيه
بس اني حذر منهم حيل كلشي ممكن يسوون
بشر شايل هلكد حقد ماشايف اني
مره سمعت امير يتعارك وياا لمياء ماخذ راتبها
وطالع من رجع تعاركة ويااا
اسمعها تكوله
لمياء...ليش تأخذ الراتب ولك احنا لوما اصيل يدزلنا خمسين جان هسه انجدي
انت بمكان ما تشتغل وتساعدني رجعت على الراتب اخذته
اني تعبت منك عايف كلشي عليه
اني بعد مااكدر على هاي المسؤليه
اشتغل وساعدني هسه ترجع الراتب
الراتب والفلوس الي ناخذها من اصيل كوه دابره العيشه
خواتك مدارس
رجع الرتب اخذ خمسين ورجع الراتب
اصيل...حيل بيهم خلي ياخذ فلوس امه
خليها تتعلم شنو احساس واحد تروح منه فلوسه
ثاني يوم اجتني فطومه هي وزينب طالعات للدوام
فاطمه. اصيل ابو الخط يريد فلوسه ولله ماعدنا
اصيل...خلي يوصل ابو الخط واني احاسبه
بقيت واكف وياهن بلشارع لمن وصل ابو الخط
سئلته شكد فلوسه وانطيته وانطيت كل وحده
من خواتي خمس الاف مصرف صعدتهن بلسياره
ورجعت الشغلي
جمانه السعيدي
بيوم اجاني واحد من جماعة امير مو صديقه كلش
بس يجمعون دائما بلملعب لو بمكان يتونسون
جايب رف يريدني اشتغله اله
طبعا هو من نوع يحجي كلشي
...هاي خوش شغله لو الله يهدي امير يشتغل وياك
اصيل...انت تعرف امير
...اي طبعا دائما نجمع ونطلع نتونس
اصيل...اي بله وين ترحون ( طبعاةاني شفت بي مجال يحجي كلشي )
...اي مكان بي ونسه
اصيل...وهم يحجي عني امير
....اي اقصد يعني يمكن اكو مشاكل بينكم انت ويااا
اصيل...اي وبعد
...مره كال اني مقهور من اصيل ذاك اليوم اجيت احرك الورشه شوية نفط وجداحه
يكعد الصبح يلكاها رماد
اصيل....اي وبعدين شكال
....يكول امي ما تقبل تكول اصيل شايل عيشتنا
اذا حركت الورشه نكعد انجدي
اصيل...اي وبعدين
....سلامتك دير بالك منه خاف صدك يحرك الورشه
اصيل...مايكدر يقرب عليه
ولا على الورشه لان هو اكبر جبان
هو حرامي اي جذاب اي حيال اي
بس ماعنده ذرة شجاعه وحده
..... ميخالف دير بالك منه لان هو بيني وبينك
ياخذ حشيش وساعاته مو سوه
مرات مايعرف نفسه شكاعد يسوي
اصيل....مالي شغل بي حتلو ياخذ ،سم على نفسه مو عليه
جمانه السعيدي
مرت الايام واني علاقتي بيت اهلي شبه مقطوعه
بس البنات مرات يحتاجن شغلات بسيطه لو فلوس
انطيهن مااكدر اقصر وياهن
يبقن خواتي وبعدهن زغار
مرت السنيين كر وفر وياا اهلي
بس اني حذر منهم ومايكدرون عليه
واكثر شي لمياء مانعه امير مني تخاف ينكطع عليها المصرف
مشاكل امير ما تخلص كل يوم والثاني اسمع العياط
بيتهم مشاكل هو ولمياء
واكثر من مره ادخل عمي حتى يحل هاي المشاكل
امير صار يخوف بلنسبه الامه
لان بدا يمد ادي على فلوسها وشغلات المهمه
بلبيت ياخذها يبيعها حتى يشتري سم يتسمم بي
اني مالي دخل مشاكلهم بينهم
اهم شي بعيدين عني ومحد يقرب عليه
وخاصه امير بعد ما ضربته حرم يدخل بيتي
الحد ما وصلت العمر ٢٨ سنه
مرت السنيين بسرعه واني ناسي نفسي
وحتى ما فكرت اكون اسره ولا ازوج
طبعا العائله اكبر نعمه بلدنيا يعني اني لو عندي
ام مجان بقيت لسه بلا زواج
لو ابوي موجود جان فكر بيه وصمم على زواجي
بس اني وحيد
محد يفكر يزوجني لو يهتم تكون عندي اسره
لمياء اهم شي عدها يوصلها لمصرف كل يوم خاف تعيش بعوز
بس اني ازوج لا مافكرت بهذا الشي
ولا يهمها تفكر بي
واني ماخذني الشغل وناسي نفسي
الحد مااجا اليوم الي شفت بي بنيه طيرت عقلي
وصممت هي هاي الي راح تكون شريكة حياتي
كاعد بلورشه واجتني مره جبيره ويااها بنيه شابه
بس مو بنيه تخبل
جمالها راقي شكلها لطيف
ملامحها بريئه
نازكه حلوه حلوه حيل حلوه
مجرد ما شفتها حسيت نفسي احبها من زمان
مشاعري المتحجره اتحركت مجرد ما شفتها ووكعت عيني عليها
شكرا لزيارتكم عالم روايات سكيرهوم
