رواية الفصلية الفصل التاسع بقلم زينب نور
.....................
ميار :دكيت الباب عله غرفت الشيخه
الشيخه:منهو يدك الباب؟؟
ميار:انه شيخه اكدر ادخل ؟
الشيخه:اي يمه دخلي
ميار:اشلونج يلشيخه هاي هديه بسيطه مني الج اليوم من طلعنه للسوك تنغصتيالج
الشيخه:مشكورة يمه بس لويش كلفتي نفسج
ميار:ﻻ والله مابيهه كﻻفه بلعكس هلشي قليل بحقج
الشيخه:تسلمين يمه وانتي شتريتي هدمات الج؟
ميار:بلي شيخه اشتريت .. يله شيخه انه اترخص اعوفج تريحين شوي
الشيخه:الله وياج يمه
.......................
ميار:طلعت من غرفه الشيخه وانه ودانزل نزل الشيخ من الطابق الثالث وكال
الشيخ يوسف: ها بويه اشوفنج هين
ميار:اي جنت يم الشيخه
الشيخ يوسف: ماشي سويلي شوي جايات راسي يوجعني
انه راح اكعدن بلحديقه بره
ميار:تأمر يلشيخ
..................
الشيخ يوسف:كعدت عله صوت التليفون يدك لكيته ابن عمي غيث فتحت الخط عليه
الشيخ:هله والله بيك اشلونك يخوي
غيث:بلمهلي شيخ بيك اكثر انه زين انته الاهل شلونكم ؟
الشيخ :الحمدلله كلنه بخير نسئل عليك ..اي كلي شعجب متصل هلوكت صاير شي
غيث: ﻻ والله يخوي بس ابن الشيخ ...... متكاون ويه واحد من الفلاليح وكاض بي التوبه لاعب بي لعب واجه عليه يستنجد بيه عبن ذاك رايد قطعه الكاع مال هذه الفلاح وهذه بس هاي الكاع معيشتهه هوة وعايلته
الشيخ:شوكت صار هذ الحجي
غيث:قبل ساعتين
الشيخ:تمام ساعه وانه بلديوان وانته جيبهم وياك
غيث:تمام شيخ
الشيخ:يله في امان الله
غيث:مع السلامه
...................
الشيخ يوسف :ورة مسديت الخط من غيث كمت غسلت وجهي ونزلت وبالطابق الثاني شفت ميار تريد تنزل عاد حجيت وياها وردت استكان جاي ونزلت افكر بحل لهل طﻻبه الاجتني
..................
ميار:سويت جاي ووديته للشيخ جان كلعد عل كرسي بلحديقه الخلفيه للبيت رحت يمه
ميار:الجاي شيخ
الشيخ:جنت مدنك وعيني بتليفوني وسمعت صوت ميار كتلهه:حطي هين
ميار:تريد شي ثاني يلشيخ
الشيخ:ﻻ ماريدن بس اذا ماعندج شي كعدي هين الجو حلو اليوم
ميار:ﻻ ماعندي شي .... انه راح ادخل حته لا ازعجك
الشيخ:ول ياب ليش تزعجيني انه اريدنج تكعدين هين يله كعدي
ميار:تأمر يلشيخ
....................
ميار:سويت جاي للشيخ ودورت عليه لكيته كاعد بلحديقه الخلفيه للبيت رحت انطيتياه وردت ادخل كلي كعدي صراحه استحيت اكعد يمه بس جبريني وكعدت ميته خجل منه عاد واني صافنه بحظني واباوع عله ايدي كاعده افركهه بتوتر من الخجل صحاني صوت الشيخ
الشيخ :اي اليوم طلعتو للسوك عاد اشترتي هدمات الج والغريضات الي تحتاجينهه
ميار:اي شيخ اشتريت
الشيخ:خوما عوزتي فلوس
ميار:ﻻ شيخ ماعوزت تسلم
الشيخ :تمام ....اكول صعدي حضريلي هدمي والحمام ورايه طلعه للمضيف
ميار:حاضر شيخ
...............
الشيخ:اخخخ مادري ليش اريدنهه يمي ومامل من الكعده وياها بس كل ما اتذكر اخوهه هوة الي جتل اخوي اتخبل واتنرفز حجيت وياها وكتله تروح تحضرلي هدمي حته اطلع للوادم منتظريني اوفف يل طلايب الماتخلص كله تعب بتعب
..............
ميار:صعدت حظرت مﻻبس الشيخ دشاشه جوزيه مطرزة بخيوط ذهي من الياخه والردان والبشت واليشماغ العكال ومسحت الشحاطه(تكرمون)والساعه والعطر وحطيتله مﻻبسه الداخليه والخاولي بلحمام وطلعت من غرفته نزلت جوة
...............
الشيخ :صعدت لكيت الهدوم محظرتهن والحمام جاهز عاد طبيت سبحت بسرعه وطلعت لبست وتعطرت ومشطت شعري ونزلت لكيتهم كاعدين عاد سلمت عليهم وطلعت رحت للمضيف لكيتهم واصلين عاد سلمت وكعدت بصدر المضيف ورافع اكتافي ونافخ صدري وراسي مرفوع عاد كلت
الشيخ:السلام عليكم
الكل:هله والله يلشيخ عليكم السلام
الشيخ:اي كايلي صارت طلابه عله قطعت كاع احجولي الي صار وين ابو حسين الفلاح
ابو حسين:سﻻم عليكم يالشيخ
الشيخ:هله وعليكم السلام ابو حسن احجيلي الي صار واخذهه من هل ركبهه اذا الحك وياك فاني ناصرك وواكف وياك
ابو حيسن:ماتكصر يلشيخ
شوف انه عندي هل قطعه عايشين عله الله وعليهه المحصول الي يطلع ابيعه ونعيش بفلوسه والشيخ اليوم اجه راد يشتري الكاع يريد يكبر كاعه وكال انطيك فلوس بس انه مين اعيش واعيش اهل بيتي ووليداتي صغار وديدرسون اذا خلصن الفلوس عاد هوة من مقبلت ابعه الكاع لزم طكني وهل تشوف عينك ايدي مكسرة وراسي ملفوف وانه رجال جبير عله باب الله
الشيخ :بلي فهمتك وانته شيخ شنو حجيك
الشيخ مزاحم:يلشيخ انه اريدن كطعه الكاع حته اكبر كاعي وانطيتهه عرض انطي فلوس بس هوة مقابل وانه صرت عصبي وطكيته بدون ماحس عله نفسي
الشيخ يوسف: شوف شيخ ماطول الزلمه ماراضي يبيع الكاع فمايصير تغصبه وﻻ تطكه حته لو جنت عصبي وهسه اريدنك تعتذر منه
الشيخ مزاحم:شني تقصد يلشيخ انه اعتذر من فلاح ششايفني انجنيت
الشيخ يوسف :ماسمحلك تحجي هيج الرجال ماغلط بحقك وانته اتعديت عليهه فوك كل هذه مكسرة تكسر كله علمود كطعه كاع ماستحت عله نفسك عندك املاك خير من الله ﻻحك الزلمه عله هلكاع(بصياح)
الشيخ مزاحم:انه ماغلطت بشي والي صار يستاهله لو قابل ينطيني الكاع مجان اتكسر هيج وانه اعتذار ماعتذر عبني انه الشيخ وهوة فﻻح مهلتف وانه من هلحظه طالع من مضيفك ومادخله مرة ثانيه
الشيخ يوسف:الله وياك
..........
ابو حسين:السموحه منك يلشيخ كل هلشي صار بسببي
الشيخ :ﻻ ﻻتحجي هيج واسمعني عدل اني كل يوم راح ادزلك مصروف ومسواك منا لحد ما تشد حيلك وترجع تشتغل ولتخاف ماعاد احد راح يتعرضلك واذا احد تعرضلك تعالي انه اوكف بوجهه وراح اخلي شكم زلمه يشتغل بكاعك شكم يوم علما تلم نفسك وشكلت هسه ابو حسين
ابو حسين :والله مادري شحجي وشلون اتشكر منك (نزلت عله ايده اريدن احبهه(ابوسهه))
الشيخ:استغفر الله ماصير ابو حسين انته اكبر مني شلون تحب ايدي المفروض انه احبن ايدك
ابو حسين:روح يل شيخ عسه الله يفتحه بطريجك ويحفظك من اوﻻد الحرام
الشيخ :تسلم ابو حسين
ابو حسين:يله انه اترخص
الكل:مرخوص
.......
الشيخ:اسمع غيث خل شكم فلاح من فلاليحنه يطلع من الفجر للكاع مال زلمه وروح هسه اخذ مسواك وفلوس انطيهمياها
غيث:صار شيخنه يله اترخص
الشيخ:مرخوص
الشيخ :استغفر الله بس لو اعرف هذه اشلون صار شيخ هيج مادري طغة بكاع الله
دك تليفوني
الشيخ:هله والله اشلونك قيس
قيس:هله يل شيخ انته شلونك
الشيخ: الحمدلله
قيس:اي يلشيخ احنه عازمينك عل عشه ان شاءالله مو ناسي
الشيخ:ﻻ مو ناسي هياتني راح اطلع من المضيف واجيكم
قيس:ﻻ لا تجي اني راح امر اخذك هياتني قريب عليك
الشيخ:ماشي انتظرك لعد
قيس:دقايق وانه يمك شيخنه يله في امان الله
الشيخ:مع السلامه انتظرك
.............
ميار :طلع الشيخ واحنه شربنه جاي وصارت ب6بدينه نحظر العشه عبنه نتعشه ورة اذان المغرب انه طلعت اخبز وأمل وام محمد حظرن العشه كملت ودخلت فرشو السفرة ونقلو الاكل عاد الشيخه ندهت علي كالت
الشيخه:جا ميار ماتجين تاكلين هين ويانه
ميار:ﻻ شيخه كاعده بلمطبخ ماريدن ازعجكم
الشيخه:ماكو ازعاج يله غسلي وتعاي اكلي بعد منا ورايح تكعدين ويانه عله سفرة وحده
ميار:بس شيخه..
الشيخه:انه شكلت بله بس وﻻ تبسبسين يله غسلي وتعاي هين يمي
ميار:حاظر شيخه
.......
ميار:غسلت ورحت كعدت جان مﻻك دكول
ملاك:اي والله اخر وكت الخدم يكعدون ويه اسيادهم
الشيخه:ملاك شني هذ الحجي تدرين لو عرف الشيخ شيسويلج اكلي وانتي ساكته يله
مﻻك:اوووف سكتت سكتت
ميار:انقهرت من حجت هيج بس سكتت محجيت شي الشيخه ردتهه عاد خلصنه اكل ورحت للمطبخ والنك مال أمل ميخلص اي شفتي الشيخه شلون دافعتلج والشيخ صاير يحجي وياج جن بدو يحبونج و..... ضلت تحجي لحد مسطرتني عاد كتله
ميار:أمل خانم ماتسدين حلكج ﻻ اسطرج سطره العباس ثولتيني يله خلصي شغلج
أمل:اي سكتنه عيني هوة انه شحجيت
ميار:اي محجيتي شي بس سكتي
.............
ميار:كملنه كل شي عاد رحت للشيخه بلستقبال كلتله تريدن مني شي لو اروح عاد كالت ﻻ روحي
عاد رحت ارتاح تعبانه اول محطيت راسي رحت بسابع نومه
............
الشيخ يوسف:رجعت من برة وطبيت لكيت الاضويه مطفيه بس أمل كاعده بلستقبال تباوع فلم هندي
الشيخ:السلام عليكم
أمل:وعليكم السﻻام كوة شيخ
الشيخ:يكويج ادري انتي متخلص افلامج الهنديه متشبعين منهم كله جذب بجذب
أمل:اعرف شيخ وهوة لين جذب اباوع اريدن اشوف افلامهم حلوة تضحك هههه
الشيخ:براحتج بويه ...اكول وين الباقين
أمل:الشيخه نايمه ورامي وزوجته قبل شويه صعدو وميار نايمه وانته توك اجيت وانه اباوع تلفزيون
الشيخ:الله يعقلج بويه اروح انام تصبحين عله خير وﻻ تطولين هواي كومي نامي
أمل:حاظر شيخ وانته من اهله
........
الشيخ:هههه والله ضحكتني انه اعتبرهه اخيتي الصغيرهه عبنهه ساكنه يمنه ابوهه وامهه ماتو ومن جانو صغار وعافو أمل يمنه امانه عاد اني اعتبرتهه اختي الصغيره وكل الي بلبيت يحبوهه
صراحه ضجت لين...........
...................................................
شنو تتوقعون ايسوي الشيخ مزاحم؟
ليش الشيخ ضاج؟
شكرا لزيارتكم عالم روايات سكيرهوم
