رواية كبرياء شيخ الفصل الثامن 8ةبقلم زينب

كمره:بعد ما كملت عقد السيد وصلنا لحد تلبيس الذهب والحلقات طلبت الشيخه من ابنها حتى يجي يلبس اتمنيت ما يجي مو قصة خوف بس ما عندي استعداد اشوفه بعد المشاحنات الي صارت بيناتنا وهو كل همه يستفزني ويحتقرني وما اتزوج بس حتى يذلني ومن دخل ظليت ارجف ما اعرف شنو من شعور تملكني حتى ما رفعت راسي واشوفه بس حسيت بي كعد يمي ومن انطته الشيخه الحلقه حتى يلبسني ولمس ايدي سحبتها بس حسيت شلون كهرباء ونست بجسمي شعور اول مره احس بي بعدين سحبها بشكل قوي وولبسني كل هذا وما رفعت راسي حتى اشوفه وتالي لبسته الحلقه وكمل تلبيس الذهب ومن وصل يلبسني الكلاده تقرب كلش مني بحيث حسيت بأنفاسه على ركبتي ومن كال اخذتج غصبن عني صدك بوكتها انقهرت وحقدت علي كلش بحيث احس الدم تجمع بوجهي رأسا درت وجهي عنه حسيته ضاج ولو ما النسوان جا ضربني راجدي بعدها كام بسرعه وكل لأمه سوي طريق خل اطلع بس حسيته ينافخ شلون الماي البارد وطاح على كلبي حجيت بكلبي حل بيك وبعد وبعد اذا ما خبلتك ما اتسمى كمره وبعد ما 

طلعت العالم حسيت بتعب ردت بس انام وصاحت علي خالتي كلتلي انتي اليوم تعبتي روحي نامي وانه اليوم ظاله ابات يمكم وما صدكت خالتي كالت هيج بسرعه ركضت سبحت وبدلت ونمت نومة اهل الكهف

شداد:من يوم الي عرفت كمره خطبها رفيج عمري واخوي وانه فاصل عن الدنيا الحب يوجع وخصوصا من طرف واحد ادري بيها ما تحبني جنت متمني نظره وحده بس من عدها وجنت الحكها وين ما تروح وادري بيها تطلع يوميه تروح لبوها واخوتها بالزرع او تسرح بالحلال مراقب كل خطواتها ما يوم غابت عن نظري واكثر من مره صارحتها ودزيت هديه حتى تقنعها وهي ولا كأنها وفاتحت ابوها اكثر من مره بس هو يسد السالفه بحجة انو هي ترفض وهو ما يكدر يجبرها جان املي الوحيد كلت من يجي احمد افاتحه بالموضوع هو وعمي الشيخ يرحون يخطبوها الي عسى ولعل تقبل بس جان احمد اسرع مني ما توقعت تروح مني بهل السرعه صح هسه انه موجوع ومتمني الموت بس بنفس الوقت شلون راح احط عيوني بعيون احمد شكله وانه متأكد هسه يسألني اتمنى اشلع كلبي واشمره واحط بمكانه حجاره ونعله على الحب والي يحب بعد تعمدت ما اروح بيوم الخطبه ما اكدر اواجها حتى لو ادوس على كلبي هم ابقى مكشوف وكدام منو كدام احمد واروح لخطبة منو خطبة كمرتي سنين وانه اتانيها وتروح بلمح البصر اخ يادنيا انتي ابد مو عادله 

احمد: الكل جان فرحان الا انه صح ما بينت بس بداخلي ما عندي شعور ابد ما اكدر افرح او اخاف افرح وارجع الجم جروحي الي لسه ما طابت او يمكن لأن جبرت وحده ما تحبني وتأكدت منها اليوم ما جانت فرحانه وبنفس الوقت خايفه ما اعرف ليش تمنيت تباوعلي ولو نظره وحده بس هي شنو عبالك حجاره وكاعده وضوجتني من دارت وجها عني سيطرت على غضبي كوه ما اكوم هسه كدام العالم وأعلمه شلون تصرف وياي الصراحه هاي اول مره اجرب وحده ترفضني كل الي اعرفهن هنه يركضن وراي حتى من حبيت اول حب هي بادرت بالأول وانه جنت مراهق قليل خبره تعلقت بيها وصارت حب حياتي بس كمره تختلف بيها شي مميز يجذبك 

يخليك لا اراديا تصفن بيها حتى من تحجي بودك ما تسكت حتى لو جان اسلوبها مستفز وجريئ ما اريد احبها واتعلق بيها وبنفس الوقت مثل ما كالت امي يمكن هي الي تطيب جروحك بس شلون وهي تكرهني جنت سارح وافكر من بعد ما رجعت بالحديقه لوحدي وصافن فززني صوت الوالده

الشيخه: بالمبارك يمه يوم الي اشوف جهالك تارسين البيت

احمد: الله يبارك بيج يمه 

الشيخه: ليش كاعد وصافن لوحدك على الاقل اكعد بالمضيف يم اخوانك وابوك

احمد: مالي خلك يمه

الشيخه: ليش يمه اليوم خطبتك المفروض فرحان حالك حال اي شخص بيوم خطبته

احمد: ترديني افرح شـْ◌ـّـْ﴿💜﴾ـّْـ◌ّـْلـّوْنّ وانتي تعرفين كلش زين ما يدوملي الفرح

الشيخه: يمه ليش تصعبها على روحك ما دام خطيت هل الخطوه صدكني تنحل وتنسى 

احمد: ليش هو النسيان سهل 

الشيخه: جا شلون فهمني تبقى هيج تاكل بروحك يمه العمر كاضي صدكني يجيك يوم وتتندم على كل يوم ضيعته من عمرك توكل على الله وربك يكول أسعى يا عبدي وانه اعينك 

احمد : ونعم بالله 

الشيخه: وكمرة مو قاصره اليوم طلعت وصف وكل النسوان اتعجبن عليه وعلى جماله وما مصدكين شلون قبلت تزوج وكلها تكول بس الشيخ كدر يكسر عنادها يمه دير بالك عليها ولا تنسى هي وحيدة اهلها ومدلله عدهم وهي هم دارسه ولو مو مكان دراستها بعيد جان كملت جامعه وانت دارس ومثقف ولو ردت تكمل الجامعه محد راح يمانع واولهم انه 

احمد: يمه انه ما معترض عليها ولا عندي طلبات اصلا انه جنت معترض على فكرة الزواج اصلا انه قبلت لخاطرج ولخاطر ابوي جنت ناوي اكلج تخطبيلي اي وحده بس هي عاندت وانه ما احب احد يعاندني وطكت خبالاتي عليها من رفضتني وهسه شلون ترديني اخليها تكمل دراستها شلون اامن 

الشيخه: انت راح تتعين هنا وخليها تدرس يمك وعينك عليها

احمد: مستحيل يمه لازم على الاقل تروح تدرس سنه بغداد ياله تكدر تنقل للبصره 

الشيخه: يـ؏ـنـي ما يصير تدرس هنا

احمد: يصير بس لازم مو نفس الكليه تختار كليه اقل 

الشيخه: خلص الي تريده يصير وانت هم فكر لا تتستعجل 

احمد: الله كريم 

وهسه انه اترخص منج رايح اشوف شداد وين صفى بي الدهر اليوم كله مختفي بس والله من الكاه الا اشعل عشيرته شعل بس خل اشوفه ولا تكولين ابن اخوي 

الشيخه: انه هم زعلانه علي شلون بهيج يوم يختفي أيدك الك 

احمد: ظل بالي على شداد كلش ما خليت واحد ما سألت علي حتى رحت لبيت خالي اسأل وهو ماكو بس لو اعرف السبب شنو على الاقل كلبي يرتاح

لازم صايره سالفه جايده ولا هو مستحيل يتركني بهيج يوم بس وين يروح هم يجي يوم ويطلع 

كمره: كعدت الصبح شبعانه نوم حتى عيوني مورمه وصايرات يخوفن لأن هنه كبار ومورمات شفت وجهي بالمرايه اخترعت معقوله هاي انه فرق بين الامس واليوم غسلت وجهي ورحت سويت ريوك شويه وكعدت امي 

ام كمره: ها اليوم سلامات منج من الشيطان كاعده من وكت 

كمره: كولي صباح الخير على الاقل 

ام كمره: صباح الخير لو اعرف الزواج هيج يسوي بيج من زمان زوجتج 

وخلاج هيج نشيطه

كمره: شبيج يمه علي شبعت نوم وكعدت ولا تجيبين طاري الزواج هسه تدرين تنمغص معدتي خليني ناسيه شويه الا تذكريني

ام كمره: محد جبرج هاي رادتج ولزوم تتحمليها 

كمره: اتحمل ليش لا وهو هذا كله لخاطر المن

ام كمره: شقصدج 

كمره: لا هيج ما قصدت شي 

خالتي شعجب نايمه لهسه تدرين هي فرحانه اكثر مني

ام كمره : شمدريني شفتها فاكه حلكها ونايمه وجهاله يمها نايمين موش جهال سودنوني امس 

كمره: هههه الله يساعدج اي ⊱# صـۧـٰـُــِٓدَڪ ما جنهم اثنين عبالك قردين ويتكامزون 

ام كمره: كومي كعدي ابوج واخوانج ترى تأخروا

كمره: صار يمه 

ومرت الايام تقريبا اسبوع ما اسمع اي شي على الشيخ ولا اعرف اخباره بس جنت مرتاحه وجنت متاكده انو هو ما يريدني سوى كل هذا بس حتى يكسرني وكل هل مده وانه كاعده بالبيت طكت روحي ما اعرف اكعد بالبيت يخنكني وامي ما تقبل اطلع تكلي ما يصير بعد انتي صرتي على ذمة رجال 

ولازم تنطي خبر ياله تطلعين وانه بكلبي هو وينه الرجال ذهب ولم يعد وشلون انطي خبر بالاسلكي وظليت احوس شلون اطلع ماكو غير طريقه وحده وهي اودي الغدا لهلي بالبستان بس شلون اقنع امي 

كمره: يمه اليوم انه اودي الاكل 

ام كمره: ليش شصاير هسه اخوج حسن يجي ياخذه

كمره: يمه حبابه خل اطلع والله مشتاقه اتغدا ويه اخوتي وابوي لا تحرميني وهو انه بس هل الايام وياكم واذا تردين تعالي وياي ونروح سوا تصير لمه حلوه

ام كمره: انه راسي يوجعني وهسه شمس حاره تطك براسي يزيد الوجع ٲℓانــتيہ روحي بس كبل تمشين للبستان لا منا ولا منا 

كموه: صار يالغاليه وبست راسها وفعلا اخذت الاكل وطلعت وانه امشي بطريق البستان والدنيا حاره شمس قويه وجهي زهمر من الشمس وصار احمر عبالك مطكك وحسيت واحد يمشي وراي ما ردت ادور خفت سرعت مشيتي ما فاد وما حسيت غير واحد كض ايدي بكل قوه ودارني علي من الخوف راد يغمى علي ومن شفته انصدمت طلع شداد

شداد: اوكفي وين رايحه بهل ظهريه ولوحدج والشمس تصكع

كمره: كلش تعصبت منه ومن تصرفه وكتله

وانت شكو وبعدين منو سمحلك تحاسبني شو هد ايدي

شداد: ما أهدها انتي شلون انطاج كلبج تزوجين وتعوفيني 

كمره: اتزوج ما اتزوج هذا شي يخصني شحاسب نفسك انت بعدين انت ما تستحي كاعد تحاسبني 

شداد: احاسبج وغصبن عليج انتي ما تعرفين النار المشتعله بكلبي ولج من يوم خطبتج وانه ما نايم وصاير حارس هنا بلكي المحج واحجي وياج 

كمره: انت من كل عقلك تحجي هذا الحجي انه ما يوم من الايام انطيتك امل ولو ١ بالميه ورفضتك بكد شعر رأسك على الاقل خلي عندك شوي كرامه 

شداد: ما اريد هل كرامه هاي اريدج انتي الي انه احق بيج من احمد فهمتي

كمره: ههههه ﺎﺳـتغ͜ـغـ۟فر ﺎﻟلهۃ مدري اضحك مدري ابجي هذا الي تكول علي احمد شيخك وابن خالك وصاحبك وبمكانة اخوك شلون ينطيك كلبك تخونه

شداد: وهو شلون انطاه كلبه اخذج مني ولج هو مو بس اخذج هو اخذ روحي وياه كاعد اكلج كلبي تكطع ٲℓانــتيہ شهل قسوة الي عندج كافي عاد حسي علي ارحميني 

كمره:لأخر مره اكلك هد ايدي وعوفني اروح لحال سبيلي وشيل هاي الأفكار السوده من عقلك انه ما اصير الك لو يبقى يوم من عمري هدني لحد يشوفنا وتصير مصيبه على راسي وراسك 

شداد: ما اهدج وخل تصير مصايب مو مصيبه وحده ما عندي شي أخسره امشي وياي وعد من هل شارب ما اخلي احد يوصل صوبج واخليج تكملين دراسه بس امشي وياي

كمره: ولك انت شتحجي 

عصبني كلش ما حسيت على روحي وانه اضربه راجدي بكل قوتي وانه اكله بصياح 

ولك اصحى اصحى شجاي تحجي انت شلون اروح واهلي شيصير بيهم تريدني انزل راسهم ولك ابوي يموت واخواني يهجون وعبالك الشيخ يخليك عايش غير يشرب من دمك ودمي ويعلكنا هنا بنص السلف ونصير فرجه لليسوة والما يسوة انه ما أريدك وحتى لو جنت ما مخطوبه هم ما اريدك انت مو بشر انت شيطان شلون تفكر هيج كااااااعد اكلك هدني 

شداد: هذا الشيطان حبج من كل كلبه هذا الشيطان عاف اهله واجاج هذا الشيطان ترك صاحبه وخانه على مودج ولج احمد ما يريدج هو اتزوجج بس حتى يرضي اهله انتي الي ما عدج كرامه راكضه وراه وهو ولا معبرج صارلج اسبوع من انخطبتي وينه أجاج كلج شلونج ولج ما فكر حتى يتصل عليج طاوعيني وخلينا نروح اسويلج كل التردينه والله اصيرلجزمحبس بأيدج 

كمره:وصلت لمرحله بعد ما اكدر حتى احجي شداد تحسه مو هو اليحجي عبالك واحد يمشي عقله قافل كلش ساعة السوده يوم الطلعت جنت منجبه وساكته شطلعني يا ربي ساعدني ما عندي غيرك كلت خل اقوي روحي ما يصير انهار لازم احافظ على روحي وشيصير خل يصير هو كاضني من زندي وراد يمشيني انه هنا وكف عقلي بعد ودرت علي ودفعته دفعه وصرخت علي بصوت اتركني انت شٰٰ̲شنـۧو من بشر انت حتى لو اخذتني وياك عبالك شنو راح احبك لو تموت لوتطلع نخله براسك ولك انه أكرهك اكرهك افتهمني ولك صير بشر وهو ظل واكف متفاجئ بس يباوعلي اول مره يشوفني منهاره واصرخ وابجي وسكتت بعد ما عندي طاقه اصرخ فقدت كلش فززني صوت كلش قوي وراي 

كمررررررره درت وشفت..........

الفصل التاسع من هنا 

شكرا لزيارتكم عالم روايات سكيرهوم