رواية كبرياء شيخ الفصل التاسع 9 بقلم زينب

احمد:من بعد اسبوع كامل وانه ادور على شداد ما ظل مكان يعتب علي حتى خليت ناس تدور علي مختفي حتى اهله ما يعرفون شنو صاير وياه ظل بالي كلش علي حتى اهملت المضيف وااهلي والطلايب وحتى تقديمي على الجامعه أجلته كله في سبيل شداد حتى لو بس اسمع خبر عنه انو هو بخير واطمن بس ماكو فص ملح وذاب بعدها قررت ادور حتى بالمستشفيات ومراكز الشرطه واتفقت ويه اخواني عادل وسام كل واحد يدور بصوب وبيوم جنا كاعدين بالمضيف جان وكت الغدا ودك التلفون واحد من الولد الي كلفته يدور علي كلي انو شافه بمكان قريب على البساتين التابعة للشيخ بس جان ما متأكد انو هو او لا سديت التلفون بس ما خليت احد يحس من الأهل ما اريد انطيهم امل وتالي يطلع مو هو سألني ابوي منو خابر ﻋﻠﻴﻚ كتله هيج صديق يسأل واترخصت وكتلهم انه راح اشوف الولد الي كلفتهم يدورن علي 

بلكي عدهم خبر عنه وطلعت ركبت السياره وكبل رحت على البساتين وصلت بمكان قريب وصفيت السياره ونزلت واتصلت على الولد انطاني عنوان المكان الي شافه بي هو اجى علي كتله انت روح وانه اكمل ظليت امشي وادور من بستان لبستان ومن كاع لكاع حتى وصلت لبستان الي يشتغل بيها ابو صلاح شفت من بعيد شداد يحجي بعصبيه ولازم ايد مره بقوه وكأن يجبرها تروح وياه من بعيد ما عرفت منو بس من تقربت واشوفها منو ما ظل عقل براسي احس النار تطلع من عيوني يمكن لو الزمها اكطعها املخها بأيدي احس الطريق صار شطوله اريد بس اوصل وصلت وصرخت بأعلى صوت عندي كمره هي اندارت علي العيون دم من البجي والوجه احمر مزهمر وتقريبا شبه منهاره كل هذا ما شفعلها عندي وصلت يمها وكضيتها من زنودها ثنينهن وصرخت بوجها 

انتي شتسوين هنا وشعندج وياه هنا بصكت الضهر 

هي ظلت تباوعلي متفاجأه وانه اصرخ عليها وهي احسها فاقده ولا كأن تسمع صوتي 

ولج جاي اسألج جاوبي دافعي عن نفسج

كمره : من سمعت صوته ودرت وشفت احمد ما خفت منه بالعكس حملته المسؤليه انو هو السبب بالصار بيه لو ما هو جبرني جا ما مريت بهل الموقف الصعب وهو لازمني ويصرخ بوجهي ولا همني ويكلي دافعي عن نفسج يـ؏ـنـي مباشره وبدون ما يسأل شك بيه وجاوبته بصياح وعصبيه وطبعا البجي الما بطل 

ادافع عن شنو جاوبني انت شنو شفت ها يله جاوب احجي كول انت السبب بكل شي انت جبرتني عليك وهو نفس الشي ما يختلف عنك بشي هم يريد يجبرني اروح وياه حاله حالك انتو اثنينكم نفس الطينه خلصوني منكم ما اطيقكم منين طلعتولي جنت كبلكم عايشه هسه شنو حياتي اتركني ولو انت رجال وشيخ من صدك طلكني ما اريدك 

ما حسيت غير اجاني راجدي فر وجهي فر بعدها ما كمت احس برجليه ضلن يرجفن وعيوني غوشن واحس الدنيا صارت ظلمه بعدها ما عرفت اي شي الا وانه بالمستشفى

احمد: بعد الكلام الي كالتها الي هو مثل السم فقدت أعصابي بعد ما كدرت اتحمل كلامها ما حسيت الا ضربتها راجدي بحيث ظلت ما تتوازن بوكفتها ما حسيتها الا اغمى عليها وكعت بحضني 

بعدها انتبهت على شداد جان راكع على رجلي يباوع الها ومتفاجئ بكل الجاي يصير ظليت ما اعرف شسوي صرخت علي وكتله بسرعه افتحلي باب السياره كام وكض فتح الباب انه شلته بين أيديه وصعدتها للسياره وكبل للمستشفى شداد جان يسوق السياره وعينه كل ساع عليها خايف عليها ما همه حتى الطريق يسوق وهو فاقد • بـٰٚـِْسـ᷈͟ــرﻋه وصلنا للمستشفى نزل جاب سديه وانه شلتها وخليتها على السديه وهي ابد لا تحرك ايد ولا رجل خفت عليها كلش اول مره من بعد سنين احس روحي خايف افقدها يا رب ما اريد اجرب هذا الشعور مره ثانيه ودخلتها الممرضة بالطوارئ وبدوا يفحصون بيه وظلينا بره ننتظر رأسا درت على شداد وكضيته من ياخت الدشداشه مالته كتله هسه تكلي شنو جنت تسوي وياه وشكتلها وصلتها لهل الحاله

شداد: من شفت الشيخ احمد وصل يمنا وشفت نظراته لكمره وهنه يشعن نار ما خفت على روحي خفت عليها لا يسوي بيها شي بس ظليت واكف مبنج ما اكدر اتحرك تأكدت بهل لحظه انه فقدت الاثنين احمد وكمره جنت أناني ما فكرت بس بحالي ومن شفتها وكعت بحضن احمد وانه الخوف تغلبني كلت بيني وبين نفسي ما اريد اي شي منها بس تكوم ترجع مثل الاول انه ما استحقها لو استحقها ما صار كل هذا وياها بسببي ومن اندارلي احمد وسألني قررت احجيله كل شي ما اريدها بعد تتأذى بسببي كتله وانه عيوني يصبن

شداد: راح اكلك كلشي بس توعدني ما تأذيها هي مالها ذنب والله العظيم الذنب كله ذنبي 

احمد: بصياح ولك احجي لا طلعني عن طوري احجي

شداد: اوعدني بالاول 

احمد: تراجعت عنه وحاولت اهدي نفسي وفركت وجهي بعصبيه ما اريد اسرع بأي شي ما اريد اضلمها كتله أوعدك 

شداد: ما راح اطلب منك تسامحني لأن ذنبي جبير بس من تسمعني يمكن تعذرني لأن الي يحب ما يمشي بعقله يمشي بكلبه ......

جاي احجي وقاطعتنا الممرضه 

العفو منو منكم قريب المريضه 

احمد: انه ليش شصاربخوف

الممرضه: شصير منها 

احمد: زوجتي

الممرضه: لعد تكدر تشوفها لأن المريضه صحت

احمد: دخلت عليها شفتها ذبلانه بس بعدها دايخه بس شافتني دارت وجها عني كل هذا ما همني ردت بس اطمن عليه وسألتها شلون صرتي 

كمره: باوعتله بتعب وكتله اتصل على اهلي يجون ياخذوني

احمد: مو بكيفج اتأكد من الدكتور ياله اتطلعين واذا على اهلج هسه اتصل عليهم

كمره: اريد اطلب منك طلب مو بصفتي مرتك اعتبرني اي شخص عادي طلب منك مساعده بأعتبارك الشيخ 

احمد: اذا بصفتج مرتي اكدر اساعدج واذا لَا اعذريني ما اكدر اعتبرج غريبه

كمره: مو وكت العناد شيخ

احمد: مو اعناد جاي احجي بهدوء شفتيني جاي اصيح عليج لو اهدد 

كمره: سبحان مغير الاحوال الي يشوفك قبل ساعه ما يكول هذا نفسه

احمد: ترى صابر وساكت بس لأنج مريضه كلشي بوكته حلو واذا على الصار ما ناسي ترى بس حبيت اسمع من الطرفين قبل لا اتصرف 

تعرفين ليش 

كمره: ليش

احمد: لأني رجال وشيخ حسب ما كلتيلي ناسيه لو اذكرج 

وهسه كولي شتردين

كمره: بلعت ريك وكلت بكلبي هل مره نهايتج هذا الي يسمونه الهدوء الي يسبق العاصفه

احمد: شو صفنتي بوجهي 

كمره:هااااا 

لا بس ....

دخل الدكتور وقاطعنا 

الحمدالله على السلامه 

احمد:الله يسلمك دكتور اكدر اعرف ليش وصلت لهل الحاله وتكدر تطلع لو لا

الدكتور: لا تخاف ماكو شي بس هبوط بالضغط ومتعرضه لضربة شمس بس يخلص المغذي تكدر تطلع 

احمد: مشكور دكتور

وهسه كولي شتردين

كمره:ما اريد اهلي يعرفون بالي صار 

احمد: وليش خايفه الا اذا سالفتج ما اطمن

كمره: ما خايفه على • رﯛحـ̲ٓۛــــي خايفه على اهلي وانه واثقه من نفسي بس ما اريدهم يعرفون بشي اعتبره رجاء وانه مستعده لأي عقاب لأن انه غلطت وما سمعت كلام امي وعاندت وطلعت من البيت

احمد: شكلتلج امج وليش ما سمعتي كلامها 

كمره: ليش جاي احس انه بمحضر تحقيق 

احمد: احمدي ربج انه ساكتلج ولازم اعرف ليش طلعتي وكت الضهر حتى اعرف اتصرف وما اريد الأمور تتؤل تعرفين الحجي مو بس يمسج ٲℓانــتيہ 

وهسه كليلي بشنو عاندتي امج

كمره: ردت اطلع اودي الغدا لأهلي للبستان وهي رفضت كلتلي لازم تستأذنين من الشيخ لأن انتي هسه بذمته بعدين قنعتها وطلعت وصار الصار

احمد: والله ما متفاجئ من تصرفاتج وعنادج شنو الشيخ حتى تستأذنين منه ضربتي بعرض الحايط مو

كمره: تعصبت كلش منه شلون يحجي برهاوه وانه مسموط جد جدي عليت صوتي وحجيت

شلون استأذن منك وانه حتى رقم تلفونك ما اعرفه 

احمد: لا تصيحين احنا مو بيتكم وبعدين لو تردين رقم تلفوني تكدرين تجيبينه بس ست كمره تتنازل مستحيل 

كمره: عصبني حيل ردت اكوم واسحب الكانونه واطلع بس من كمت رجعتلي الدوخه وهو رأسا اجى منعني 

احمد: انتي صدك غبيه لج شجاي تسوين 

تقربت منها وخليت ايدي جوه راسها أسندها وايدي الثانيه وخرت أيدها عن الكانونه وجهي صار قريب عليها كلش خليت عيوني بعيونها وكلت

اي حركه منج والله العظيم احسبي ربج ما خلقج ولا تخليني اعصب عليج وانتي بهل وضع وهسه راح اتصل على اهلج وما راح اكول اي شي بس مو معناها اسكت حسابج بعدين صيري زينه والله كريم 

عفتها وطلعت لكيت شداد واكف بره يتاني والخوف مسيطر علي 

شداد: ها شيخ بشر شلون صارت

احمد: تهمك لهل الدرجه 

شداد: والي يسلمك شيخ بس كول زينه وما اريد اي شي بعد

احمد: لك انت شنو من بشر ما تحس لك هاي مرتي 

استغفرت ربي وسكتت

اسمعني شداد ما اريد احجي كبل ما اسمعك وهسه تروح لهلك الوادم صارلها اسبوع تدور عليك وحسك عينك تختفي مره ثانيه وها ما تحجي الصار بينك وبينها لأي مخلوق لحد ما انه اتصرف واشوف منو منكم الغلطان واتكللهم جنت مسافر وتلفوني ضايع او اخلق اي شي مقنع وهسه روح من وجهي كبل لا ابتلي بيك 

شداد: ماشي راح اروح ومثل ما كتلك راح اكلك كل شي انت وعدتني ما راح تأذيها بس اسمعها كل الي تكوله صح اعرف بيك واعي ومثقف 

بيت كمره

حسن اخو كمره هو الاصغر بين اخوانها بس هو اكبر من كمره ومثل كل يوم يجي ياخذ الاكل دخل على امه وكله

حسن: شلونج يالغاليه بسرعه حضريلي الاكل حتى اخذه كلش مستعجل

ام كمره: هلا يمه شنهي الاكل لي هسه ما وصل قبل ساعه خذته اختك الكم

حسن: شجاي تحجين لا اجت كمره ولا شفنا اكل 

ام كمره: شنهي ولك جا وين ولت اختك صارلها اكثر من ساعه من طلعت وين مشت 

حسن: صدك تحجين يمه 

ام كمره: ولك شايفني اتقشمر وياك صخام الصخمني بسرعه خابر على اخوانك شوفه 

حسن: صار يمه بس اصبريلي لا تخافين كمره ما ينخاف عليها 

جاي انصل

صلاح: الو ها حسن وين صرت خويه متنه من الجوع 

حسن: اكلك كمره ما اجت الكم جابت الاكل

صلاح:لا خويه محد اجى ليش وينها كمره

حسن: خويه صارلها ساعه من طلعت من البيت وهي جايبه الاكل 

صلاح: شنو جاي تحجي انت خلص سد التلفون واطلع دور عليها واحنا منا ندور وخلي التلفون وياك 

حسن: صار

يمه ما هي راح اطلع ادور عليها 

ام كمره: يمه بنيتي وين راحت عزه العزاج نعيمه كتلها لا ترحين جن كلبي

كارصني راح يصير شي انه راح البس عباتي واجي وياك

ابو صلاح: ها بويه خير شبيها اخيتك

صلاح: صارلها ساعه من طالعه تجيب الاكل 

ابو صلاح: انا غلام ابوي وين راحت البت 

صلاح: لا تخاف بويه بس هدي واحنا هسه كلنا ندور عليها 

ردت اصيح على اخوتي ودك تلفوني وشفته المتصل الشيخ احمد 

ابو صلاح: ياهو هذا الي يتصل بيك اخاف خبر على اخيتك

صلاح: لا بويه هذا الشيخ احمد

ابو صلاح: ياهو شنكله هسه اذا سأل على كمره رد بويه بلكن يعرف شي

صلاح: الو هلا شيخ احمد شلونك

احمد: هلا بيك صلاح اكلك اختك بالمستشفى وتريدكم

صلاح: شنهي شبيها 

احمد: لا تخاف صارت احسن • تـٰ؏ـﺂﺂل للمستشفى وانت تعرف

صلاح: جايين شيخ

ابو صلاح : ها بويه شني السالفه

صلاح: كمره بالمستشفى والشيخ احمد يمها امشنا نروح وراح اتصل على امي اطمنها

ابو صلاح: يا يابه يا بويه شبيها بنيتي شوداها للمستشفى 

صلاح: صارت زينه بس امشنا واحنا نعرف شصار بيها 

احمد:اتصلت على اهلها ورجعت للغرفه لكيتها نايمه رحت كعدت بصفها واباوع عليها تعبانه وجها لا يزال احمر الظاهر ما يتحمل حرورة الشمس واباوع عليها هادئه عكس ما هي صاحيه بس تشوفني يظل لسانها ينكط سم 

واباوع لوجها معقوله هذا الوجه الملائكي يطلع منه شيطان معقوله تخوني ويه شداد والله لو طلع صدك الا اشرب من دمها بس يصير خير يا كمره

شويه وصلوا اهلها ودخلوا 

ابو صلاح: ها بويه شصاير طمني بعد ابوك انه شصاير بتي

احمد:لا تخاف عمي ما بيها شي صارت احسن 

صلاح: اعذرنا شيخ حتى ما سلمنا 

احمد: معذور خويه حقكم 

صلاح: شصار ليش هي هنا 

احمد: جانت طالعه تجيب الكم الاكل والشمس قويه ما تحملت وسبب الها هبوط بالضغط لا تخافون انه جنت على الطريق وشفتها 

صلاح: رحم الله والديك لو ما انت ما نعرف حتى هي هنا 

ابو صلاح:يا بويه ما اعرف شلون اجازيك 

احمد: شل قضيه هي هم مرتي والي حق عليها لا تحسيوني انه غريب عنها

ابو صلاح: بويه انت الخير والبركة وهسه انه تأكدت انطيت بتي لزلمه والنعم منك شيخ

احمد: ردت اطلع واعوفه يمهم بس ما نطاني كلبي اكو شي بداخلي يكلي هيه بريئه وهما داير مدايرها خايفين عليها محاوطينها تحسها طفله بيناتهم وبهل الاثناء صحت بس شافتهم ظلت تبجي ركض ابوها حضنها واخوتها واحد ورى الثاني هل كد يحبوها وهي من شافتهم عبالك طفل ومضيع اهله عكس ما جانت وياي لو بيدها تكوم تخنكني عفتهم وطلعت اشوف الممرضه تجي تشيل الكانونه من ايدها حتى نطلعها للبيت 

اجت الممرضه وشالت الكانونه منها وقاست ضغطها والحراره كلتلها كله طبيعي تكدرين تطلعين

احمد: يله كمره حضري روحج خل نطلع 

كمره: حاضره ما عندي شي

احمد: تكدرين تمشين 

كمره: اي بس واحد يسندني 

احمد: انه راح احضر السياره وانتو جيبوها وتعالوا 

صلاح: روح شيخ وانه أجيبها واجي 

كمره: طلعت من المستشفى جنت كوه امشي بعدني دايخه سندي اخوي صلاح طلعنا من باب المستشفى شفته كاعد بالسياره بس ينافخ على أعصابه 

ما الومه الوضع الي شافني بي مو هين علي اول مره انطي الحق واعذره مهما يكون من جهة مرته ومن جهة ثانيه صديق طفولته وعمره بس انه ما الي ذنب بالي صار شلون راح اطلع من هاي المعمعه الله اعلم.....

الفصل العاشر من هنا