رواية عشق الضابط الفصل التاسع بقلم زينب نور
اليوم ( تقريبا هاي الاحداث فتنه ب شهر الثاني من سنة ٢٠٢٤ )
فات ع زيارتي ل اهلة تقريبا اسبوعين و من ذاك اليوم ما شفته بس نسولف و نتخابر واني كل صلاة اشكر ربي عليه ، لأن رجال بكل معنى الكلمة !
كعدت الصبح دخلت للحمام لعبت روحي من شفت الدوره جايه عليه و راح تشتغل الهرمونات !
رجعت سديت الضوه ونمت و بشكل رسمي اني اليوم غايبة ما اروح للجامعة !
ماما دكت علي الباب
: نرجس , كومي بعدچ نايمه وراچ جامعة ؟
اني صحيت ب صوت عالي حتى يوصل الها
- ما اداوم اليوم ! عوفوني ب حالي !
شفت خيالها من الباب راح وكملت نومتي بسلام فزيت وراه لكيت الساعة صايرة ب ١ الضهر !
لكيت بطني حرفيا جان تشكك من الالم بقيت أعصر بيها و ابچي بلكي شويه يروح !
فتحت الفون جاي اراسل اختي تسويلي كيس حار اخلي ع بطني لكيت هواي اتصالات من محمد ع الانستا ف اني حتى من الخوفه راح الالم !
اتصلت علي وهو شوي و رد...
- هاي نرجس وينچ اليوم ممداومه ؟
- اي حسيت روحي شوي تعبانه مداومت ، مخابرني هواي شكو ؟
- صارلي هواي مشايفچ ف كلت خل اسويليها مفاجأة و اروح ل جامعتها انتظرها بره من تطلع بس ماكو !
- يعمري حياتي اسفه ولله شوي تعبانه!
- لا شسالفه اهم شي صحتچ انتي شبيچ شنو الي مأذيچ ؟
- لا مبيه شي , رحت تسويلي مفاجأة ؟
- اي ، بيها شي ؟
- منو علمك سوالف المفاجأة وهل سوالف مال حب ، حاب قبلي ؟ مني الي مسويلها مفاجأة قبلي ومفرحها ؟؟ جاوب محمد !
- ها حبيبي جاي تنكدين ؟ تمام كملي !
- مجاي انكد محمد ومجاي اشاقه اني صدك اكرهك انت استغليتني حرفيا !!!
- حبيبتي انتي ب هذا الأسبوع الي يجي كل شهر ؟
اني استحيت وبعدين فكرت بيها و عصبت اكثر
: انت اعترفت ع روحك ! منين تعرف سوالف البنات ما دكلي ؟؟؟ اكيد حاب وحده قبلي أو يجوز انت بعلاقة ثانية وجاي تضحك عليه !
: حبيبتي و نسرين و زهراء ، ولد ؟
- ها يعني اخواتك ما يستحن ويسولفن الك ع اشياءهن الخاصة ؟؟؟
- ما اعرف ع شنو تستحون هي من الله مالك ذنب شدخل المستحه ما ادري وحبيبي وره هاي الدراما اني تأكدت ف اجيبلچ حلويات ؟
- ما اريدك !
سديت الخط و هو خابر اكثر من مرة ما رفعت و سويته صامت ورجعت نمت !
تقريبا نمت ب ٣ ساعات المهم فزيت هيج ب ٤ هيچ العصر و سمعت أصوات هوسه جوه!
كمت وشويه احس نفسي احسن بدلت ملابسي لأن بعدهي ب مال النوم و لبست هودي طويل يوصل ل زوزري و بيجامة رياضية !
نزلت لمحت جعفر ونبأ استغربت أكثر وكملت خطواتي ع الدرج شفت محمد و ابوه و أمه و نبأ وجعفر بس !
اني خفت و تمتمت ب داخلي
- بس لا جايين يخطبوني!
بابا قطع أفكاري وهو يكول
- ولله يابو محمد ماكو داعي لهل تكلفة محمد ابني و بيتي مفتوح اله دائما !
اني قاطعت هاي الهوسه
- السلام عليكم .
الكل سلم عليه وهو بقه يباوعلي و مبتسم اخذتني نبأ ب الحضن و هم سلمت ع أمه الي مدري اني اتخيل مدري صدك فرحت بشوفتي!
اني كرصت ميس وكلتلها
- شكو شصاير هنا ؟
- يابه جاي يتشكرون لأن بقينه محمد يمنه و جايبين حلويات وهل سوالف.
اني استغربت لأن هو كال اجيبلچ حلويات
- حلويات ؟ وينهم ؟
- ع الكاونتر ب المطبخ جايبين بقلاوة ع ازنود الست وحتى حلويات مال ككو وهيج .
اني رحت للمطبخ و بقيت اكل زنود الست لأن اموت عليه سمعت صوته خلاني افز من مكاني
- عوافي يبعد حيلي !
التفت اله و ابتسمت هو تقدم حصرني ع الكاونتر ما ضجت من قربه ولا من الوضعية جانت اكو شيرة ب ايدي من زنود الست و لطخت شفايفه بيدي !
هو شافت حركتي وضحك واني كلت اله ب براءة
- اسفة مقصدي ، خل امسحلك اياهن!
رفعت رجلي شوي حتى اوصل ل طوله و طلعت لساني لحست شفته ع كيف حسيت انفاسه ثگلت و صار ب الكوه يجر نفس !
اني ابتسمت ب داخلي تقربت أكثر و بسته من شفايفه بوسه سطحية اني ابتعدت هو كمش خصري وقربني
- تشعلين ناري و ترحين هيج ؟ يصير ؟
أنهى كلامه و اخذني ب بوسه تعمق بيها بشكل مو طبيعي أيده تعصر ع خصري حيل كرصني من خصري واني تاؤهت هو أخذه الفرصه و دخل السانه بحيث اني اختنكت و مجاي اكدر اخذ نفسه !
ضربته ع صدره يوخر و ما وخر لحد ما هو كمل شاف ملامح وجهي الي منصدمة حرفيا !
هو ضحك و همس يم اذني و صوته جان مبحوح بسبب انقطاع التنفس
- هاي ملامح وجهچ بعد ما بسچ ع طريقتي ، صار عندي فضول اشوف ملامح وجهچ بعد ليلة الدخلة !
خرب اني انصدمت ب الزايد و الخجل و صعد فول بدون اي كلام دفعته و ركضت ل غرفتي و اسمع بس ضحكاته وراي !
صعدت ل غرفتي اتنفس ب الكوه اباوع ع نفسي ب مرايه و جهي عركان و صاير احمر دخلت للحمام غسلت وشوي يمكن ربع ساعة يله جاي انزل صادفت نبأ ب طريقي !
- ها يالخاينة تروحين بدون ما تسلمين عليه ! توقعت صرنه صديقات كلت من انزل اخذ انستا مالج بس لكيتچ رايحه !
اني اذكرت من صعدت وشنو سمعت ف ضحكت وكلت اله
- صعدت بس لكيت الغرفة مسدودة كلت ميصير ادخل عيب !
غمزت الها بنهاية كلامي وهي افتهمتني وخجلت
- الله يسامحك جعفر !
اني ضحكت وياها و ما نزلت صعدتها ل غرفتي و بقينه نضحك ونسولف !
هي فجأة كالت شي خلاني خرسه
- اكو شي بينچ وبين محمد صح ؟
اني سويت نفسي مستغربة وضحكت
- منيلچ هاي الأفكار نبأ لا ابد ماكو شي بيناتنه!
هي ضحكت وكالت
- لعد منو الي جانو ياخذون حلوك ب المطبخ ؟
اني انصدمت ب الزايد وماكو مجال للانكار نبدأ فترة التوسل
- نبأ عليچ الله لتكولين ل أحد هو كلي اخطبچ بس تخلصين جامعة فدوه !
هي ضحكت ب استغراب
- نرجس اني جانت امنيتي اصير وسيطة مال علاقات ، ومن هسه اني اكبر فانز الكم ، و محمد اعرفه خوش ولد مثل اخوه و من يوعد يوفي ، بس اريد اصير صديقتچ الي تسولفين اله اذ تعاركتو زعلتو أغطي عليچ هاي السوالف مال خوات !
اني ضحكت و فرحت لأن خوش بنية تقدمت وكمشت ايديها
- ادللي هذا فوني انطيني الانستا مالتچ ودك سوالف !
هي كتبته وسوف فلو ل روحه وكالت
- اعذريني ع حماسي بس ما عندي خوات وچنت اتمنى يصير عندي اخت تحب و اغطي ع سوالفها وتجي بتچي اذ ضوجها وهل حركات !
اني انقهرت واخذتها ب الحضن
شكرا لزيارتكم عالم روايات سكيرهوم
