رواية غرفة العمليات الفصل التاسع بقلم جمانه السعيدي
اريد اوضحلكم شي قبل لا نكمل قصتنا
من اجتني هاي القصه استغربت وتفاجأت بنفس الوقت
كلت معقوله الوضع وصل الهلدرجه محد يكدر ياامن على نفسه بعد
قررت اسئل اكثر واتأكد قبل لا انشر القصه
لان بيها اتهام صريح للكادر الطبي
طبعا مااحجي على الكل اكيد اكو ناس شرفاء
لازم اتأكد قبل النشر دخلت على اليوتيوب شفت مصايب
وكفت عقلي
ولله واحد يشتغل بلمستشفى يكول جاي تصير كوارث بس مانكدر نحجي واكو ناشطه ناشره عن حالات الاغتصاب داخل مستشفيات الأمراض النفسيه
تكول يغتصبوهن حتى يحملن ومن يصير الطفل يبيعونه
على احد الموسسات المجهوله
بعدين سئلت داخل المستشفى الي بمنطقتنا اذا اكو صحه الهيج شغله رغم احنا منطقه عشائريه بس اكدولي صحة الموضوع تخيلو اكو ولد بالتحليل زوجته محتاجه عمليه
صمم يدخل وياها حتى يحميها هذا الولد من منطقتنا ونعرفه معرفه شخصيه
وواحد لاخ شرط على زوجته تلبس شورت طويل
وبعدين جاب لاصق عريض وخلا على الشورت وثبته
حتى لحد يقرب عليه اقسم بلله هذا الكلام حقيقي
زين اذا الكادر نفسهم هيج يسوون شنو نوع المصايب الي شايفينها حتى يتصرفون هيج
المشكله غرفة العمليات محد يدخله غير الكادر الطبي
يعني مانعرف شيصير داخله
وتحت تأثير البنج ممكن تصير مصايب والمريضه ماتعرف
لان فاقده الوعي مثل اسيل فقدت شرفها بدون ماتعرف
ولو المجرم ساكت مجان عرفت منو الي اعتدى عليه
لان مستحيل اتشك اعتدو عليه داخل المستشفى
البارحه قريت خبر بس بغير دوله
ووحده مشخصين عدها زائده داخله العمليات وطالعه
بعد كم يوم منتكسه حالته رايحه تشوف ليش وضعها الصحي تعب بعد العمليه
طلعو ماخذين وحده من الكليتين وهي ماتعرف
هسه رافعه عليهم قضيه الله اليستر من هذا الزمن
هسه نرجع القصتنا
اسيل...بقيت منتضره مكالمته او يدز مسج انشاء الله راح ينكشف
الساعه ثنتين الضهر دزلي مسج
...وينج
انتضرت شويه قبل لا ارد علي خاف يشك بيه
بعدين كتبت
...موجوده
...العصر الساعه بلاربعه
مااريده يشك بيه كتبتله خليه على غير يوم مااكدر اطلع
...لا اليوم ماكو بعد تاجيل
اسيل...خاف مااكدر اطلع
...لا تكدرين حضري نفسج
اسيل...ووين اروح
...اني راح اتصل عليج من اطلعين
اسيل...اشوف
...لا ماتشوفين منتضرج
اسيل...خايفه لا انكشف
...لا مراح تنكشفين
اسيل...ميخالف
جمانه السعيدي
خلصت المكالمه بابا اتصل بخالد
بابا..هذا المجرم حدد موعد الساعه بلاربعه العصر
خالد..اي شفنا المسج
بابا...بنتي امانه عدكم اني مااكدر امشي
خالد...اطمن محد راح يقرب عليه
الساعه بلاربعه طلعت من البيت ماخليت اية قرانيه
ماقريتها ماخليت دعاء يعتب عليه
طلعت من البيت
اجاني اتصال على الخط
...هاا طلعتي
اسيل...اي ووين اروح
...امشي النهاية الشارع
اسيل...امشي واردد يالله ياحافظ يالله رحمتك ياربي
ياستار استرني يالله
وصلت راس الشارع اتصل عليه
...ادخلي بلشارع الثاني
اسيل...اي
دخلت بلشارع الثاني امشي وادعي متت من الخوف
خاف يكشفني خاف مايكدرون يلزمونه
خلص الشارع رجع اتصل
...ارجعي
اسيل...شنو ارجع ترا تعبت وماعندي وقت هواي اذا اتاخر اهلي يقلقون عليه
....استكي امشي وانتي ساكته ابوج مبكدر يمشي
بعد منيين خايفه
اسيل...فدوه لا تاخرني
رجعت البداية الشارع اتصل الضابط خالد
خالد..ليش رجعتي
اسيل...هو يكول ارجعي فدوه اني خايفه
خالد...لا تخافين احنا وراج
جمانه السعيدي
وصلت راس الشارع كال اعبري للجه الثانيه
عبرت ووكفت
...امشي كبل بتجاه المحلات
اسيل.. تعبتني فضها مااكدر امشي هواي
.. امشي وانتي ساكته اريد اتاكد محد وراج
اسيل...منو وراي شعندي قابل اخواني سبعه لو ابوي المسكين
...ادخلي بلشارع الخدمي
اسيل...دخلت امشي وصلت النص الشارع اجت سياره تمشي تكسي قديمه ووكف بصفي وكال اصعدي
باوعت لابس كمامه ونظاره وشفقه
قميص اسود وبنطلون اسود
مبين من ادي مو زغير عروك ادي حيل بارزه
اسيل...ووين اصعد انت منو
التفت ليوره وزمخ عليه اصعدي بسرعه
اني التفتت بلشارع لان اخاف خاف ماشافوني
صعدت وهو شغل السياره وطلع سريع
بس طلعنا من الشارع الخدمي للشارع العريض
راسا داس بانزين حتى يسوق اسرع
احس كلبي كام يدك براسي
اسمع نبض كلبي من الخوف
مشينا شويه واني كلبي كام يدك مثل الطبل
مجاي اشوف احد من الشرطه ياربي شلون بسلا عافوني وحدي دخيلك ربي
يارب اني دخيله عليك اريدك تحميني
راسا صارت سياره كدامنا ووحده ورانا ونزلو من كل سياره
ثنيين مسلحين
وكفو السياره واني راسا فتحت الباب ونزلت
والسياره بعدها ما واكفه كلش تمشي على كيف
واني نزلت منها مامصدكه السياره وكفت
كلبي يدك براسي من الخوف ضغطي صعد بعد مااكدر
كعدت على الرصيف
نزلو من السياره ربطو ادي صعدو بوحده من السيارات
واني صعدت بلثانيه
شغلنا وطلعنا الضابط خالد اتصل على بابا
خالد...لزمنا المجرم واسيل ويانا مابيها شي تكدر تجي
للمركز علمود التحقيق
بابا..اربد احجي وياا اسيل
خالد...ابوج يريد يحجي وياج
اسيل...هاا بابا
بابا...حبيبتي خوما اتاذبتي لا تخافين بابا
اسيل...اهي اهي متت من الخوف رب العالمين ستر
بابا...يله جايج
وصلنا للدائره اني خالد اخذني الغرفته كبل وجابلي بطل مي
وهو مااعرف وين اخذو
شويه واجا بابا امي جابته حضنته وكمت ابجي
امي تسكت بيه ولله رعب رعب مو معقول
شويه وجابو للغرفه علمود التحقيق
واحد اسمر وجها ضعيف ووجها محفر شواربه ضعيفات
سنونه مخربطات شحاله
اكو انتفاخ جو عيونه عمرا تقريبا ٣٥ او اكثر
بابا بس شافه صاح.
...هااا خضير لا بارك الله بيك لا ياحيوان اتمنى رجليه تشيلني جان علمتك الزلم شلون تاخذ حقها
الله لا يبارك بيك
اسيل....منو هذا
بابا...هذا حيوان ممرض بيتهم شارعين عن بيتنا
خالد...طلعت تعرفه
بابا...شلون مااعرفه اصلا اني من شفته بلمستشفى وصيته عليه مجرم الله ياخذ حقنا منك بصحتك وعافيتك
خالد....اهدء حجي هسه راح نحقق وياا ونعرف كلشي
بابا...اتمنى تنطونيا حتى أعلمه الرجوله لان هذا لا عنده رجوله ولا غيره
خالد...اتاكد راح ياخذ جزاءه
اسمك وسكنك ووضيفتك
خضير عبد الهادي مطشر وظيفتي ممرض بلمستشفى
خالد...شكد صار تشتغل بلمستشفى
خضير...صار ١٥ سنه
خالد...احجي شلون تعرف اسيل
خضير...كنت اشوفه من تروح للمعهد ومن ترجع
خالد...اي كمل
خضير..عجبني شكله بس ماقربت ولا حجيت وياها
خالد..اذا عاجبتك ليش ما خطبتها
خضير...اني فقير وبيتنا ايجار والراتب مايكفيني عيشه
خالد..انت ويامن عايش
خضير...اني وامي مره جبير
خالد...شلون اعتديت عليه
خضير...من زمان واني متعلق ببها بس مااكدر اصارحه لان هي زغيره وحلوه مستحيل تقبل بيه
من خلصت معهد بعد ماشفته ولا اعرف أخبارها
الحد ماشفت ابوها بلمستشفى وطلب مني اساعده بلعمليه
فرحت واخيرا راح اشوفه بعد كل هاي الفتره
لان اني دائما اروح بشارعهم بس مااشوفه لان ماتطلع
رحت حجيت وياا الدكتور طلبت ادخل وياا للعمليه لان البنيه تقربلي
وافق الدكتور دخل كل الكادر للعمليه
بعد ماخلصت العمليه الدكتور طلب مني ابقى بغرفة العمليات الحد مااتاكد البنج فك والمريضه زينه
طلع كل الكادر من الغرفه
بقيت وحدي اني وياها هي بلبنج وما حاسه باي شي
الشيطان غواني عليه وصار الي صار
بعدين اخذتله فديو حتى اهدده بي
طلعت منه كم صوره كنت فرحان وحاس بلنصر
البنيه الي كل عمري احلم احجي وياها
بين اديه ولا حول ولا قوه
شكرا لزيارتكم عالم روايات سكيرهوم
