رواية مازلت عذراء الفصل التاسع بقلم جمانه السعيدي
ولله لو تعرفون ليش رجع عقيل
شكد حقير الخاطر الله أحقر خلق الله
كل عمره رافض هذا الزواج وهسه راجع يتممه
بس حتى ينتقم مني
الله ينتقم منه راجع بمصيبه ماتتسولف ولا تخطر على بال احد
لا ومااكد اني جاي ازوج هبه
هسه نكمل القصه وراح تعرفون ليش رجع
وبهذا التوقيت بلذات
هبه بس فضت العركه ابوي رجع عليه
ابوي...ادبسزز هذا صاحبج ام المصايب ماكفاج ذاك العار
رايحه مصاحبه واحد وجايبته للبيت
انت صدك بدون تربيه حقيره
بس ضربني ضربتين جدي صار بيني وبينه
جدي...هاي شبيك تخبلت جاي يخطبها تفهم شنو يخطبها
خلاص كلنا ماكو قسمه
والولد راح خلاص لا تكبر السالفه
وعقيل راح يوصل بعد يوم لو يومين تتزوج وتفض السالفه
ابوي...خل اموتها واخلص منه هاي البنيه موراحه وماتجي من وراها غير المصايب
لو كاتله بذيج الساعه من سوت عملته ويا عقيل جان ارتاحيت ١٤ سنه واني كاعد على اعصابي بسببه
من امشي ادنك من عملته السوده
صعدت الغرفتي وكمت ابجي
هسه عقيل شذكره بيه لا وجاي ومااااكد على عمي
جاي ازوج هبه
جاي يتمم هاي الزواجه الي كان امئجله طول هاي السنيين
جمانه السعيدي
عبالك هبه لعبه بايده قبل مااريده وهسه اريدها
ولله ماازوجه لو يبقى بس هو بهاي الدنيا اقتل نفسي
وماازوج عقيل
الحقير جان يحجي عليه ويطعن بشرفي
وهسه جاي يزوجني لو يموت لو يموت مااخلي يقرب عليه
دزلي ميثم مسج ...هااا شنو الوضع طمنيني
هبه...ابوي ضربني بس جدي ماقبل علي وهسه اني بغرفتي
قافله الباب عليه
ميثم.... كسر باايده شلون يضربج مايخاف من الله
ابد لا توافقين الاخر لحظه تمسكي برائيج
واذا جابو الشيخ يعقدلكم كولي لا ماموافقه
ولا تخافين منهم
هبه...ولله لو اموت ماأخذ عقيل شنو عقيل هذا الناقص الحقير
ميثم...عفيه صيري قويه ولا اضعفين ابد
جمانه السعيدي
بقيت بغرفتي مانزلت
اخوي الزغير جابلي عصير ونستله تهريب من اهلي
بقيت بغرفتي الثاني يوم من طلع ابوي نزلت
اكلت وسبحت ودخلت صحيات ورجعت صعدت الغرفتي
كل شويه ميثم متصل يطمن عليه
ولله هذا الميثم هدية رب العالمين اليه
اكثر واحد خايف عليه
ثاني يوم بليل يله وصل عقيل
اخوي اجا وكال عقيل وصل البيت اهله
طبعا احنا محد راح سلم علي لا جدي ولا ابوي ولا اخواني
لان هو اكثر من مره يغلط عليهم بلتليفون
ويضحك عليهم
ويستهزء بيهم
اجا جدي دك الباب
فتحته ودخل
جدي...بابا هبه اجا ابن عمج فدوه الخاطر هلشيبه
اسمعي الكلام وخل نخلص من هاي المشكله
هبه....ابقى طول عمري بدون زواج ولا اخذ عقيل
ولله اذا جبرتوني علي اكتل نفسي
جدي...صيري عاقله بنيتي تقبلين هاي الشيبه ينزل راسه
بعد كل هذا العمر
اني بعدني ماشفت عقيل ولا حجيت ويااا
بس هو جاي حتى يتمم هاي الزواجه ايجوز حس بغلطه
ويكول بعد ماارجع للخارج ابد
صيري عاقله وخلي الأمور تمشي
هبه...ولو ماأخذ عقيل لو يبقى اخر رجال بهاي الدنيا
جمانه السعيدي
جدي...فكري بيه واابابوج واخوانج لا تفكرين بس بنفسج
هبه....لا اني مراح افكر بس بنفسي لان انتم تردون تدفنوني واني عدله
ولله شنو كلام الناس اني شنو بكلام الناس
اني شريفه ومحد قرب عليه ليش تحكمون عليه بسبب غلطه غلطته من كنت طفله
تعب جدي من الكلام وياي ونزل
بليل صعد ابوي يهدد ويتوعد مافتحتله الباب
من ورا الباب
ابوي...حضري نفسج باجر عقد الشيخ بليل واي كلمه زايده منج اكتلج خلاص
تعقدون وكبل ثاني يوم زواج هذا اخر كلام عندي
هبه...ولله تسوي فضل الموت ارحم من العيشه وياكم
وارحم من زواجي من عقيل
ابوي.. انجبي طالع السانج
هبه...شسويلكم ماتقبلون تفهموني حجيت لمن مليت
وياكم
وانتم عبالك ماتسمعون اكلكم بنيه ولله بنيه
اخذوني للفحص اني بنيه
ومااريد عقيل انت تريد ازوجني العقيل وانت تعرف كل سوالفه المكسر
ليش اضحي بيه بهاي السهوله
عليه سمعه محد يخطبني اني اريد ابقى بدون زواج ولا اخذ عقيل النذل
ابوي....باجر العقد وخلص مااريد اسمع اي كلام زايد فهمتي لو لا
عافني ونزل
استغفر الله ياربي افرجها منك
الاهي مسني الضر وانت ارحم الراحمين
يارب الطف بيه
بقيت اليل كله ادعي وابجي اريد رب العالمين يخلصني
من هاي المصيبه
طبعا امي ضمت راسه
تخاف ادافع عني لا تنكتل
لزمت الصمت وبقت تتفرج عليه من بعيد
ولله محد ضيعني غيره
ميثم...هااا حبيبتي
هبه...وصل الشفيه عقيل
ميثم...اقفلي الغرفه عليج لا اطلعين واذا حاولو يجبرونك علي لو يضربونج
بس دزي مسج اخابر الطوارء عليهم
اله اخليهم يباتون بلسجن شنو كومة زلم متقوين عليج
اني وياج حبيبتي
ووين اكو بعد بهذا الوكت زواج بلغصب ذوله اهلج
وين عقلهم
مسلمين بتهم الوحيده الواحد ناقص
هبه...ولله ماازوجه اكتل نفسي وماازوجه
ميثم...لا تكولين هيج حبيبتي شنو تكتلين نفسج
اني اكتلهم كلهم علمودج
هبه....كل العالم ضدي بس ميثم واكف وياي شكد احس نفسي قويه من اسمع كلامه
الصبح امي اجت دكت الباب
امي... هبه انزلي ساعديني خل انرتب البيت علمود المشيه
هبه....ماكو اي مشيه اني ماازوج عقيل
امي...اي انزلي خل نضف ونرتب البيت وعود بليل كولي اني مامواففه
هبه.. اذا انزل احرك البيت عليكم مثل ماتردون تحركون حياتي
امي...شوفي هذا الحجي يفيدج غصبا ماعليج تاخذي
هبه....كلكم ضدي بس رب العالمين راح يوكف وياي
وينصرني عليكم
بقيت ساده باب الغرفه وادعي رب العالمين يفرجه
ماكو عندي امل بس برب العالمين
ميثم...هاا حبيبي
هبه...جاي يحضرون للمشيه
ميثم...وانتي
هبه..حابسه نفسي بغرفتي مانزلت
ميثم...من يقرب الموعد اتصلي وخلي الخط مفتوح
اذا صار شي اني اتصل على الطوارئ
ولله اله اخلي طشارهم الاخر الدنيا اني ماشايف هيج ناس همج
وين اكو زواج بلغصب بعد
شنو رائيج اروح العمج واحجيله كلشي
هبه....لا راح يعاندون بلزايد اهلي واعرفهم عوفه بلكت رب العالمين يحله من يمه
مااريدك تنزل راسك العقيل انت عندي غالي واغلى من اهلي كلهم
ميثم....ياحبيت روحي انتي
بقيت بغرفتي اسمع صوتهم جوا واسمع التحضيرات
والجو مخبوص
صعد اخوي هااا هبه
هبه...هااا حمود شكووو
...جاي بحضرون اني رحت البيت عمي عقيل نايم من اجه الهسه
هبه...عسا لا كعد ولا تهنى
....تردين شي
هبه....لا مااريد شي سلامتك بس لا تنساني بااخر الاخبار
...اي ميخالف
جمانه السعيدي
كلما يفوت الوقت احس نفسي افقد الامل بلزايد
يارب منتضره الفرج منك
صارت الدنيا مغرب
صعد اخوي جابلي اكل
...هبه هاج اكل وماي ترا عمي عدنا جاي يتفق على التفاصيل وياا ابوي وجدي
هبه.. فتحت الباب
مالي نفس بلاكل اريد بس ماي
...اخذي خاف أجوعين لا تخافين اني وياج
طبعا حمودي عمره ١٤ سنه بس كلش قريب مني
اخذت الاكل والماي وسديت الباب
سمعت تجاني اتصال وانطكع
بعدني اجاني مسج
توقعت من ميثم عفت المي والاكل ورحت اشوف شكاتب
بس المسج ماكان من ميثم
هذا المسج الي كان بي خلاصي من عقيل
هذا المسج رب العالمين دزه اليه حتى يخلصني من عقيل ويكشف حقيقته اليه
واعرف هو ليش رجع للعراق
بهذا الوقت بلذات
حتى يدمرني ويحطم حياتي
شكرا لزيارتكم عالم روايات سكيرهوم
