رواية رغبة ملوثة الفصل التاسع بقلم دلال عماد
سليل"
چنـت گـاعـدة كـالعـادة وصـافنـة ع السـقف واجتـي امـي گالتلي ..
ايات: خابـرو اهـل الولـد على ابـوچ
سليـل: اي وشـگالوو
ايات: ردو الموافقـة مال بنتهـم وابـوچ هم ردلهم موافقتـچ
سليـل: ماما يعني من اتزوج ابقى اداوم
ايات: اكيد بس بهاي السنتين انتي تدرسين بالأنبار وهي تدرس ببغـداد
سليـل: اممم
ايات: گالوا بنتهم ما تريد عرس وانتِ اذا ردتي حتى نبدي نجهرچ
سليل: يا عرس ماما احنا بيا حال؟ طبعًا لا هي سنتين وارجع
ايات بدموع: يعني بعد باچـر راح يجون ياخذوچ ويجيبون بنتهم
سليـل بقهـر: لازم احضـر أغراضـي
ايات ببچي: ايي
سليـل: حضنت ماما وگلتلها ماما لاتضوجين مو گتلچ كلها سنتين وارجع ان شاء الله، ابـد لا تنقهرين الأيام تمشي بسرعة غمضي فتحي تخلص المدة
ايات وهي تمسح دموعها: ان شاء الله
سليل: اواسـي امـي واني الي گلبي محروگ اكثـر منها زين اني مـنوو يواسيني؟ دمعت عيوني بس لزمت روحي كوة حتى لا تشوفني وگمت بديت احضر بأغراضي وملابـسي وامي تساعدني وتبچـي شويه واجت نـورا باوعتلنا شافت گاعدين نحضر بـملابسي گالت
نـورا بدمـوع: راح تروحـين؟ وتعوفيـنا
سليل: دمعت عيني وهزيت راسي بأي ومحچيت شي هي شافت هيچ واجت ركض حضنتني تبچي وتكول
نـورا ببچي: سلليلل اسفة سامحينيي والله ماقصـدي احچي وياچ هيـچ اني غبية والله سامحينيي عفيية
سليل: حضنتها وبچيت ماتحملت گلتلها...
عادي حبيبتي مازعلانة منچ
نـورا: والله؟
سليـل: والله... حضنتها وهي مستمرة تبچي واني هم ابچـي وامي شافتنا وصارت تبچي اكثر رحنا عليها حضناها وصار البيت عبالك عزا گضيناها بس حزن، بعدين گوة سكتتهم وگلتلهم الفترة بسرعة راح تخلص وارجعلكم ونرجع مثل قبل فسكتو، شوية وگلت لماما
سليل: ماما اريد اعتـذر من بابا واسامة قـبل لا اروح
ايات: ان شاء الله اليـوم احچـي وياهـم
سليل: ماشي
كمـلنا تجهيز، وامـي ونـورا نـزلوو يسوون العشـا بقـيت افتـر بغرفتي سمـعت صـوت اسـامة واگـف يحچي ويـا امـي دقايق وطلع على غرفـته اني انتهزت الفـرصـة ورحـت ركـض على غرفته ووگفت يم الباب اترردت ادگ بس بعدين اتشجعت ودكيـته سمعتـه صـاح
اسـامـة: فوتي
سليل: فتحت الباب وفتت شفته اتفاجئ وضل صافن يمكن چـان عبالـه ماما او نـورا اتقدمت علي وگتله...
سليل بتوتر: اسامة
اسامة: هـا
سليل: رحت ركض حضنته وبچيت...
سامحنييي الله يخلييك
والله ماعيدها والله اني غلطت وراح اتعاقب على غلطتي بس عفية لا تزعل مني الله يخلييك عفيـة ماعيدها بعد تووبة
هـوَ حضني گبل وگـال
اسـامـة بقهر: لو شـماتسوين بيـنا هم ماگدر ازعـل عليـچ انتِ اختي وبنتي وصديقتي واني مسـتحيل اتركچ وحيدة، ولاتتوقعيـن بـيوم اني فـرحان لان راح تروحين وتعوفينا وبهاي الطريقة لا والله يا خيتي روحتچ راح تكسـر ظهـري
سليل ببچي: ماعـاش اليـكسر ظهرك ياخـوييا واني غلطت ولازم اتحاسب على غلطي حتى لا اكررها واني ابـد ماضايجة الشي الوحيـد الـي مضوجـني انـو راح اعوفكـم واروح وراح اشتاقلكم
اسامة: لتگولين هيچ ابـد، انتِ ماراح تعوفينا لا اصـلًا كـل ما تضوجين بس خابريني اجي اخذچ وهمـا مايگدرون يحچون شي لان بنفس الوقت اخذ بنتهم الهم تشوفهم
سلـيـل: وخرت من حضنه وگلـت... انيي اسفـة لأن بسببـي راح تنجبـر تـاخـذ وحـدة ماتريدها
اسامة: لتتأسفيـن حبيبتي كلشي قسمـة ونصيـب وانـي ربي كاتبها الي وشعرفچ يجـوز مو بس سنتين تبقى عنـدي يجـوز اذا تراهمنا وحبتني وحبيتها تبقى وياي طول العـمر
سليـل: صـح، ان شاء الله تطلـع خـوش بنيـة تصونك وترعاك
اسـامـة: ان شاء الله
بربچ جـوعان روحي ساعديهم بالأكـل بلكت تخلصـون بسـاع
سليل: هههه تدلل حبيبي
اسامة: حبيبتي انتي
نزلت بسـرعة وانـي فرحـانة كلـش لان راضـيت اسـامـة ورحت حچيت لأمي ولـ نـورا وهمـا فرحو كلش بقـى بـس ابـويا والـي هـيا المهمة الأصعـب بالنسـبة الـي...
****
"رقـية"
واگفـة احضـر بـ هدومي وملازمي لان بـاچـر راح اروح، افكـر ودمـوعي بعيـوني شـنو الي راح يصيـر بيـا هنـاك وهمـا ناس زينين ويخـافون الله بيـا لـو لا والي راح اخـذو راح يضـربني ويأذيني لو حبـاب؟
چثـير افكـار واسـئلة تـدور براسـي بـس للأسـف مـاعـندي اي جـواب الـهها
كمـلت تحضـير هـدومي واغـراضي اليـوم أخـر يـوم الـيا ببيـت اهلـي اريـد اگعـد وياهـم اشـبع منهـم جايـز ماشـوفهم بعـد دطلـع وانـدگ باب غرفـتي رحـت فتحتـو وانـي اشـوف حـسام گـدامـي گتـلو
رقـية ببـرود: محـتاج شـي؟
حسـام: اي اريـد احاجيچ
رقـية: اوكِ فـوت
فـات حسـام وحچه
حسـام بتوتر: انـي اعـرف انتِ هسـة حيـل ضايجة منـي واعـرف شما راح احچي ويـاچ واعتـذر ماراح يفيـد وبسببـي راح تروحـين عـد ناس ماتعرفينـهم بـس، اتمنـى منچ تسامحيني على الـي سـويتوو وصدگيني راح اخـذ حقـچ منهـم
رقـية: حـق شنـوو حسـام؟ تـرى انـتَ الي غلطـان بحقهـم وبحـق بنتهـم
حسـام: رقيـة اني ماجبرتـها تحاچيني هي ردت عليـه چـانـت تگـدر بكـل بسـاطة تحظـرني
رقـية: لو مهما يـكون الـي سـويتوو غلط يا حسـام غلط وديتني ووديت البنية ووديت روحـك للتهلكـة، يعني قابل الإنسان ما يغلط؟ هي صح غلطت من ردت عليك بس الغلط الاكبر منك انتَ الي جرجرتها بالكلام الحلو وبعدين عفتها ليش يا اخويا ليش مو هاي بشر عدها مشاعر شگلت لروحك من سويت هيچ؟
سكت شوية وگال بندم
حسـام: شگد سامع مقولة "كما تدين تدان" بس بعمري ما اتوقعتها تكون هيچ! ابد ما صدگت يجي يوم ويصير بأختي هيچ، شگد اكو بنات دعو عليا ودعو تطلع بعرضي بس چنت دائمًا اگول لا اختي اني احافظ عليها حتى لا تتأذة بس شوفي سبحان الله الي راح يصيرلچ بالحلال! راح تتزوجين بس بطريقة تختلف تمامًا... تعوفين اهلچ وديرتچ وتاخذين شخص كلشي ما تعرفين عنو، إنسان بينو وبين اخوچ اتولدت عداوة! ههه يا اخيتي رب العالمين ضربني ضربة صعقني بيها، بس رغم كل الي صار رحمني، رحمني لان ما كسرچ وكسرني وخله شخص يتعدى عليچ بالحرام ويقشمرچ لا الضربة الي اجتني تكسرني بس بدون ما تفضح اختي بقى محافظ عليچ رغم اذيتي لبنات الناس!
رقية: صرت ابچي من سمعت كلامو... فعلًا رغم كل الي سواه حسام رب العالمين اختار يزوجني ولا يفضحني سبحانك يا رب، راضية بحكمك وقضائك، اتنهدت وگلت
اريدك توعدني تترك هاي السوالف
حسام: اوعدچ قسمًا بالله بعد ما احچي ويا بنية بالحرام، فقط بحدود العمل اذا اضطريت، وراح احاول اصحح كل اغلاطي الي ارتكبتها ويا بنات الناس قدر الأمكان بـس هـسة اريدچ تسامحيني والله العظيم لو اعـرف هيـچ راح يصيـر ماچان حاچيـتها ولا حاچيت غيرها بحياتي
رقـية بدموع: مسامحتك انت اخويا وما اگدر ازعل عليك
اتقـرب حضني وگال
حسـام: اسف يا خيتي اسف ماريدچ تروحـين وانتِ مقهـورة وزعلانـة منـي ولـو اعرف شـما راح اسـوي هـم اكون مقصـر بحقـچ
رقـية: لا يا اخويا لا تكـول هيـچي الـي صـار مقـدر ومكـتوب وانـي قسمتـي هـيچي ومالازم اعتـرض على حكمـة ربـي
باسني براسي وگـال
حـسام: ريـت كـل البنات مثـلچ
رقـية: وريـت انت هم ماسويت هيچي ببـنات الناس
هـز راسـو بأسـف وگال
حسـام: روحي گعـدي وياهم جـوى
رقية: وسليل؟
حسام بضوجة: شبيها هاي؟
رقية: شبيك حسام شچنا نحچي
حسام: اعرف بس والله اكرهها لهاي البنية مو بيدي مو بيدي، كرهتها حيل بعد المشكلة
رقية: عوف البنية بحالها الي بيها مكفيها
حسام: الله كريم
رقـية: يلا انتَ هم امشي ويايه
حسـام: ماشـي
رقـية: لحظة قبل ماننزل خطيبتك شلون عرفت لو بعد؟
حسـام: بعد من نجيب البنية عود اگللها ماگدر اگللها هسة
رقـية: تتوقع تضل وياك
حسـام: الله واعلم
رقـية: الله كريم ان شاء الله تبقى وياك وماتكبر المشكلة اكثر من هيچي
حسـام: ان شاء الله
نزلنا اني وحسـام گعدنا ويا اهلي صح الوضع چان متوتر بالبداية وكل شويه امي ترزل بحسـام وشهم هم نفس الشي بس حسام اعتذر منهم وباس راس امي وراس اخوتي ووعدهم مايكرر هاي السالفة وبعد مايحچي ويا اي بنية وهما ربع ساعة وهدو تقريبًا بس بعدهم زعلانين منو...
